Surah 62 · 11 verses · Unknown
Surah Al-Jumu'ah in Kendayan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
يُسَبِّحُ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ ٱلۡمَلِكِ ٱلۡقُدُّوسِ ٱلۡعَزِيزِ ٱلۡحَكِيمِ
Ahe nang ada ka’ langit man aha nang ada ka’ dunia sanantiasa batasbih ka’ Allah. Maha raja, nang Maha baraseh, nang Maha pakasa, Maha bijaksana
هُوَ ٱلَّذِي بَعَثَ فِي ٱلۡأُمِّيِّـۧنَ رَسُولًا مِّنۡهُمۡ يَتۡلُواْ عَلَيۡهِمۡ ءَايَٰتِهِۦ وَيُزَكِّيهِمۡ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَإِن كَانُواْ مِن قَبۡلُ لَفِي ضَلَٰلٍ مُّبِينٍ
Ia lah nang ngutus saurakng rasul ka’ kaom nang bota’ urup dari kalangan nya babaro, nang macakan ka’ ia iaka’koa ayat-ayat Nya, nyuciatn (jiwa) nya iaka’koa, mang ngajaratn ka’ ia iaka’koa kitab (Al-Quran) man hikmah (sunnah). Walopun sanape’nya ia iaka’koa banar-banar ka’ dalapm kasasatatn nang nyata
وَءَاخَرِينَ مِنۡهُمۡ لَمَّا يَلۡحَقُواْ بِهِمۡۚ وَهُوَ ٱلۡعَزِيزُ ٱلۡحَكِيمُ
Man (uga) ka’ kaom nang lain dari nya iaka’koa nang gi’ nape’ bahubungan mang ia iaka’koa. ialah nang Maha Pakasa, Maha Bijaksana
ذَٰلِكَ فَضۡلُ ٱللَّهِ يُؤۡتِيهِ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ
Ampaiknglah karunia Allah, nang dibare’atn ka’ sae nang ia kahandaki’. Uga’ Allah ngampu (mamiliki) karunia nang aya’
مَثَلُ ٱلَّذِينَ حُمِّلُواْ ٱلتَّوۡرَىٰةَ ثُمَّ لَمۡ يَحۡمِلُوهَا كَمَثَلِ ٱلۡحِمَارِ يَحۡمِلُ أَسۡفَارَۢاۚ بِئۡسَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِ ٱللَّهِۚ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ
Parumpama’an urakng-urakng nang di bare’ tugas ngincakng taurat. Kamodian ia iaka’koa (nana’ ngamalatnnya) ialah mpahe kaledai nang ngincakng kitab-kitab nang tabal. Batol buruk parompama’an kaom nang nustakan ayat-ayat Allah. Allah nana’ mare’ patunjuk ka’ urakng-urakng nang jalim
قُلۡ يَٰٓأَيُّهَا ٱلَّذِينَ هَادُوٓاْ إِن زَعَمۡتُمۡ أَنَّكُمۡ أَوۡلِيَآءُ لِلَّهِ مِن دُونِ ٱلنَّاسِ فَتَمَنَّوُاْ ٱلۡمَوۡتَ إِن كُنتُمۡ صَٰدِقِينَ
Kataatnlah (Muhammad), “Wahe urakng- urakng Yahudi! Kade’ kita’ ngira bahoa’ kita’lah kakasih Allah, buke’ urakng-urakng nang lain, Maha arapatnlah kamatian kita’, kade’ kita’ urakng nang banar
وَلَا يَتَمَنَّوۡنَهُۥٓ أَبَدَۢا بِمَا قَدَّمَتۡ أَيۡدِيهِمۡۚ وَٱللَّهُ عَلِيمُۢ بِٱلظَّٰلِمِينَ
Man ia iaka’koa nana’ akan ngarapatna’ ka- matiatn koa salamanya di sabapatn kajahatatn nang udah ia iaka’koa pajoat mang kokotnya iaka’koa babaro. Allah Maha Mangatahui urakng-urakng nang jalim
قُلۡ إِنَّ ٱلۡمَوۡتَ ٱلَّذِي تَفِرُّونَ مِنۡهُ فَإِنَّهُۥ مُلَٰقِيكُمۡۖ ثُمَّ تُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ
Kataatnlah, “Sasungguhnya kamatiatn nang kao dari ingin diri’nya, ia pasti namui’ kao, kamudiatn kao pasti akan di kambaliatn ka’ (Allah), nang mangatahui’ nang gaib man nang nyata, lalu ia baritakan (padahatn) ka’ kao ahe nang udah kao karajaatn”
يَٰٓأَيُّهَا ٱلَّذِينَ ءَامَنُوٓاْ إِذَا نُودِيَ لِلصَّلَوٰةِ مِن يَوۡمِ ٱلۡجُمُعَةِ فَٱسۡعَوۡاْ إِلَىٰ ذِكۡرِ ٱللَّهِ وَذَرُواْ ٱلۡبَيۡعَۚ ذَٰلِكُمۡ خَيۡرٌ لَّكُمۡ إِن كُنتُمۡ تَعۡلَمُونَ
Wahe urakng-urakng nang baiman ! kade’ udah disaru’ nto’ ngalaksanakan sholat ari jumaat, maka sagaralah kao ngingat Allah man tingalatnlah jual beli (dagakng). Nang macam nian koa labih baik baginyu kade’ kao ngatahui’nya
فَإِذَا قُضِيَتِ ٱلصَّلَوٰةُ فَٱنتَشِرُواْ فِي ٱلۡأَرۡضِ وَٱبۡتَغُواْ مِن فَضۡلِ ٱللَّهِ وَٱذۡكُرُواْ ٱللَّهَ كَثِيرًا لَّعَلَّكُمۡ تُفۡلِحُونَ
Kade’ sholat udah di laksanakan maka batabaratnlah kita’ ka’ dunia; gago’alh karunia Allah man ingatlah Allah samanyak-manyaknya supaya kita’ barnto’ng
وَإِذَا رَأَوۡاْ تِجَٰرَةً أَوۡ لَهۡوًا ٱنفَضُّوٓاْ إِلَيۡهَا وَتَرَكُوكَ قَآئِمًاۚ قُلۡ مَا عِندَ ٱللَّهِ خَيۡرٌ مِّنَ ٱللَّهۡوِ وَمِنَ ٱلتِّجَٰرَةِۚ وَٱللَّهُ خَيۡرُ ٱلرَّٰزِقِينَ
Uga’ kade’ ia iaka’koa nele’, padagangan ato pamainan ia iaka’koa lalu ampus ka’ ia (pamainan) man ningalatan kao (Muhammad) gi’ badiri (bakotbah). Kataatnlah, “Ahe nang ada ka isi Allah labih baik dari pada pamainan man padagangan; Allah lah pamare’ rajaki nang paling baik. a
Translation: Unknown.