Surah 64 · 18 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah At-Taghabun in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

64:1

يُسَبِّحُ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۖ لَهُ ٱلۡمُلۡكُ وَلَهُ ٱلۡحَمۡدُۖ وَهُوَ عَلَىٰ كُلِّ شَيۡءٍ قَدِيرٌ

Bitsoominjia Nyasaye biosi bili mwikulu nende mushialo, obwami nobuubwe nende oluyali, naye ni Omunyali wa buli eshindu

64:2

هُوَ ٱلَّذِي خَلَقَكُمۡ فَمِنكُمۡ كَافِرٌ وَمِنكُم مُّؤۡمِنٌۚ وَٱللَّهُ بِمَا تَعۡمَلُونَ بَصِيرٌ

Ye niye Owabaloonga ne mwinywe balimwo Abakhayi nende Abasuubili, ne Nyasaye alolanga muno kamukholanga

64:3

خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّ وَصَوَّرَكُمۡ فَأَحۡسَنَ صُوَرَكُمۡۖ وَإِلَيۡهِ ٱلۡمَصِيرُ

Yalonga likuli nende eshialo khubwatoto mana nabahelesia obukoondo, obulayi, ne ewuwe niwo wamulikalukha

64:4

يَعۡلَمُ مَا فِي ٱلسَّمَٰوَٰتِ وَٱلۡأَرۡضِ وَيَعۡلَمُ مَا تُسِرُّونَ وَمَا تُعۡلِنُونَۚ وَٱللَّهُ عَلِيمُۢ بِذَاتِ ٱلصُّدُورِ

Yamanya ebili mwikulu nende mushialo ne yamanya kamukholanga mubwifisi nende mubwang’angu, Ne Nyasaye nomumanyi muno khukali mumioyo

64:5

أَلَمۡ يَأۡتِكُمۡ نَبَؤُاْ ٱلَّذِينَ كَفَرُواْ مِن قَبۡلُ فَذَاقُواْ وَبَالَ أَمۡرِهِمۡ وَلَهُمۡ عَذَابٌ أَلِيمٌ

Shimwawulilakhwo amacheni kabakhayi abaali imbeli wenyu, bapila omurungo kwa mabii kabu, mana nibaba nende eshinyasio eshilulu

64:6

ذَٰلِكَ بِأَنَّهُۥ كَانَت تَّأۡتِيهِمۡ رُسُلُهُم بِٱلۡبَيِّنَٰتِ فَقَالُوٓاْ أَبَشَرٌ يَهۡدُونَنَا فَكَفَرُواْ وَتَوَلَّواْۖ وَّٱسۡتَغۡنَى ٱللَّهُۚ وَٱللَّهُ غَنِيٌّ حَمِيدٌ

Endio nilwokhubeela mbu babetselanga Abarumwa babu nende obwatoto mana nibamiena mbu: “Omundusa akhuruke !” mana nibakhaya nibafura, Mana Nyasaye nalabateba tawe, ne Nyasaye nomuyinda witsomibungwa muno

64:7

زَعَمَ ٱلَّذِينَ كَفَرُوٓاْ أَن لَّن يُبۡعَثُواْۚ قُلۡ بَلَىٰ وَرَبِّي لَتُبۡعَثُنَّ ثُمَّ لَتُنَبَّؤُنَّ بِمَا عَمِلۡتُمۡۚ وَذَٰلِكَ عَلَى ٱللَّهِ يَسِيرٌ

Abakhayi bapara mbu shibalilamusibwa tawe. Boola mbu : “ toto, nditsuba khu Nyasaye mbu mulilamusibwa mana muliboolelwa kamwakhola, ne ako khu Nyasaye ni amangu

64:8

فَـَٔامِنُواْ بِٱللَّهِ وَرَسُولِهِۦ وَٱلنُّورِ ٱلَّذِيٓ أَنزَلۡنَاۚ وَٱللَّهُ بِمَا تَعۡمَلُونَ خَبِيرٌ

Kho suubile khu Nyasaye nende Omurumwa wuwe, nende obulafu bwa khweshia, ne Nyasaye nomumanyi po khukamukholanga

64:9

يَوۡمَ يَجۡمَعُكُمۡ لِيَوۡمِ ٱلۡجَمۡعِۖ ذَٰلِكَ يَوۡمُ ٱلتَّغَابُنِۗ وَمَن يُؤۡمِنۢ بِٱللَّهِ وَيَعۡمَلۡ صَٰلِحًا يُكَفِّرۡ عَنۡهُ سَيِّـَٔاتِهِۦ وَيُدۡخِلۡهُ جَنَّٰتٍ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدًاۚ ذَٰلِكَ ٱلۡفَوۡزُ ٱلۡعَظِيمُ

Inyanga lwa alibakhung’asia khu inyanga yomukhung’aano, eyo niyo inyanga yokhukhobana ne ulia usuubila khu Nyasaye mana akhole amalayi, alaleshelwa tsimbi tsitsie, ne alimwinjisia mwikulu mumikunda chiburangamwo emialo, balimenyamwo tsinyanga tsiosi, okho nikho okhubura okhukhongo

64:10

وَٱلَّذِينَ كَفَرُواْ وَكَذَّبُواْ بِـَٔايَٰتِنَآ أُوْلَٰٓئِكَ أَصۡحَٰبُ ٱلنَّارِ خَٰلِدِينَ فِيهَاۖ وَبِئۡسَ ٱلۡمَصِيرُ

Ne balia bakhaya nibayingana khubimanyisio biefu, obo nibo Abandu bomumulilo, balimenyamwo tsinyanga tsiosi, ne ni amakalushilo amabii muno

64:11

مَآ أَصَابَ مِن مُّصِيبَةٍ إِلَّا بِإِذۡنِ ٱللَّهِۗ وَمَن يُؤۡمِنۢ بِٱللَّهِ يَهۡدِ قَلۡبَهُۥۚ وَٱللَّهُ بِكُلِّ شَيۡءٍ عَلِيمٌ

Ne amasila kosikosi shiketsanga tawe halali khubunyali bwa Nyasaye, ne usuubila khu Nyasaye alunjisia omwoyo kukwe, ne Nyasaye ni amumanyi muno wabuli eshindu

64:12

وَأَطِيعُواْ ٱللَّهَ وَأَطِيعُواْ ٱلرَّسُولَۚ فَإِن تَوَلَّيۡتُمۡ فَإِنَّمَا عَلَىٰ رَسُولِنَا ٱلۡبَلَٰغُ ٱلۡمُبِينُ

Ne muloonde amakhuwa ka Nyasaye nende Omurumwa , ne nimuloba Omurumwa wefu ni okhusia butswa oburume bubwe habulafu

64:13

ٱللَّهُ لَآ إِلَٰهَ إِلَّا هُوَۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ

Naye ni Nyasaye abulaho owundi owulali ye tawe, ne Abasuubili basiche butswa Nyasaye

64:14

يَٰٓأَيُّهَا ٱلَّذِينَ ءَامَنُوٓاْ إِنَّ مِنۡ أَزۡوَٰجِكُمۡ وَأَوۡلَٰدِكُمۡ عَدُوًّا لَّكُمۡ فَٱحۡذَرُوهُمۡۚ وَإِن تَعۡفُواْ وَتَصۡفَحُواْ وَتَغۡفِرُواْ فَإِنَّ ٱللَّهَ غَفُورٌ رَّحِيمٌ

Enywe Abasuubila, toto Mubakhasi benyu nende Abana benyu balimwo abasuku benyu, kho mube meso ninabo, ne nimubeela nemwakhaya okhura mumakani, ne mwaleshela toto bwene Nyasaye ni Omulesheli Owobukoosia muno

64:15

إِنَّمَآ أَمۡوَٰلُكُمۡ وَأَوۡلَٰدُكُمۡ فِتۡنَةٌۚ وَٱللَّهُ عِندَهُۥٓ أَجۡرٌ عَظِيمٌ

Toto emiandu chienyu nabaana benyu namatemo, ne Nyasaye ali nende omurungo omukhongo

64:16

فَٱتَّقُواْ ٱللَّهَ مَا ٱسۡتَطَعۡتُمۡ وَٱسۡمَعُواْ وَأَطِيعُواْ وَأَنفِقُواْ خَيۡرًا لِّأَنفُسِكُمۡۗ وَمَن يُوقَ شُحَّ نَفۡسِهِۦ فَأُوْلَٰٓئِكَ هُمُ ٱلۡمُفۡلِحُونَ

Ne murie Nyasaye shinga munyalilwa, ne muwulile, mana muloonde ne murusie eshihanwa, nobulayi khumioyo chienyu ne ulia ulekha obwimani bwo mwoyo kukwe, abo nibo babura

64:17

إِن تُقۡرِضُواْ ٱللَّهَ قَرۡضًا حَسَنًا يُضَٰعِفۡهُ لَكُمۡ وَيَغۡفِرۡ لَكُمۡۚ وَٱللَّهُ شَكُورٌ حَلِيمٌ

Nimwiwosia Nyasaye likofi lilayi, alabametelakhwo ne alabaleshela ebionono, ne Nyasaye ni Omunji wokhupa orio Omwihotselefu

64:18

عَٰلِمُ ٱلۡغَيۡبِ وَٱلشَّهَٰدَةِ ٱلۡعَزِيزُ ٱلۡحَكِيمُ

Yamanya akefisile nende akali habulafu, Owamaani Owamachesi muno

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.