Surah 62 · 11 verses · Imaam Ismaaeel Ngqoyiyana

Surah Al-Jumu'ah in Xhosa

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

62:1

يُسَبِّحُ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ ٱلۡمَلِكِ ٱلۡقُدُّوسِ ٱلۡعَزِيزِ ٱلۡحَكِيمِ

(Konke) Okusemazulwini nokusemhlabeni kuzukisa uAllâh, uKumkani, uSobungcwele, uSobunganga, uSobulumko

62:2

هُوَ ٱلَّذِي بَعَثَ فِي ٱلۡأُمِّيِّـۧنَ رَسُولًا مِّنۡهُمۡ يَتۡلُواْ عَلَيۡهِمۡ ءَايَٰتِهِۦ وَيُزَكِّيهِمۡ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَإِن كَانُواْ مِن قَبۡلُ لَفِي ضَلَٰلٍ مُّبِينٍ

NguYe Othumele uMthunywa phakathi kwabangakwazi kubhala nakufunda, ephuma phakathi kwabo, ebacengcelezela iiVesi zaKhe, ebahlambulula, ebafundisa iNcwadi (i’Kur’ân) nobulumko nangona ngaphambili babesekulahlekeni okucacileyo

62:3

وَءَاخَرِينَ مِنۡهُمۡ لَمَّا يَلۡحَقُواْ بِهِمۡۚ وَهُوَ ٱلۡعَزِيزُ ٱلۡحَكِيمُ

Kanti nakwabanye babo abangekadibani nabo. Yaye Yena nguSobunganga, uSobulumko

62:4

ذَٰلِكَ فَضۡلُ ٱللَّهِ يُؤۡتِيهِ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ

Obo bubuBele buka-Allâh Abunika lowo Athande ukumnika kwaye uAllâh nguMnini buBele obuninzi

62:5

مَثَلُ ٱلَّذِينَ حُمِّلُواْ ٱلتَّوۡرَىٰةَ ثُمَّ لَمۡ يَحۡمِلُوهَا كَمَثَلِ ٱلۡحِمَارِ يَحۡمِلُ أَسۡفَارَۢاۚ بِئۡسَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِ ٱللَّهِۚ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ

Umzekelo wabo babenikwe iTorah baza abayithabathela (ngqalelo) unjengalowo wembongolo ethwala imfumba yeencwadi (Kodwa kube kungekho nto iyiqondayo ngokubhalwe phakathi kwazo). Mmbi kanobom umzekelo wabantu abaphika iiVesi zika-Allâh. Ke Yena UAllâh Akabakhokeli abantu abenza ubugwenxa

62:6

قُلۡ يَٰٓأَيُّهَا ٱلَّذِينَ هَادُوٓاْ إِن زَعَمۡتُمۡ أَنَّكُمۡ أَوۡلِيَآءُ لِلَّهِ مِن دُونِ ٱلنَّاسِ فَتَمَنَّوُاْ ٱلۡمَوۡتَ إِن كُنتُمۡ صَٰدِقِينَ

Yithi: “Hini na nina maYuda! Ukuba ngaba nina nibanga ukuba ngabahlobo baka-Allah, (abanye) abantu abangabo, langazelelani ukufa kaloku ukuba nithetha inyaniso

62:7

وَلَا يَتَمَنَّوۡنَهُۥٓ أَبَدَۢا بِمَا قَدَّمَتۡ أَيۡدِيهِمۡۚ وَٱللَّهُ عَلِيمُۢ بِٱلظَّٰلِمِينَ

Kodwa (nakanye) abangekhe bakulangazelele ngenxa yoko (kungcolileyo) kwenziwe zizandla zabo! Kananjalo uAllâh Uyabazi abenzi bobubi

62:8

قُلۡ إِنَّ ٱلۡمَوۡتَ ٱلَّذِي تَفِرُّونَ مِنۡهُ فَإِنَّهُۥ مُلَٰقِيكُمۡۖ ثُمَّ تُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ

Yithi: “Inene ukufa oko nikubalekayo kuza kugagana nani, Niya kubuyiselwa (kuAllâh), uMazi wokungabonwayo, kwaye Uza kunixelela ngoko nanikwenza

62:9

يَٰٓأَيُّهَا ٱلَّذِينَ ءَامَنُوٓاْ إِذَا نُودِيَ لِلصَّلَوٰةِ مِن يَوۡمِ ٱلۡجُمُعَةِ فَٱسۡعَوۡاْ إِلَىٰ ذِكۡرِ ٱللَّهِ وَذَرُواْ ٱلۡبَيۡعَۚ ذَٰلِكُمۡ خَيۡرٌ لَّكُمۡ إِن كُنتُمۡ تَعۡلَمُونَ

Hini na nina bakholwayo xa umemezelo mthandazweni lukhwazwa ngemini yeJum’ah (uLwesihlanu) Yiyani kwinkumbulo ka-Allâh nishiye unaniselwano, (amashishini). Oko kokona kulungileyo kuni ukuba benisazi

62:10

فَإِذَا قُضِيَتِ ٱلصَّلَوٰةُ فَٱنتَشِرُواْ فِي ٱلۡأَرۡضِ وَٱبۡتَغُواْ مِن فَضۡلِ ٱللَّهِ وَٱذۡكُرُواْ ٱللَّهَ كَثِيرًا لَّعَلَّكُمۡ تُفۡلِحُونَ

Ke kaloku wakuphetwa umthandazo, yithani saa elizweni nifune ubuBele buka-Allâh (ngokusebenza), nikhumbule uAllâh rhoqo kananjalo ukuze niphumelele

62:11

وَإِذَا رَأَوۡاْ تِجَٰرَةً أَوۡ لَهۡوًا ٱنفَضُّوٓاْ إِلَيۡهَا وَتَرَكُوكَ قَآئِمًاۚ قُلۡ مَا عِندَ ٱللَّهِ خَيۡرٌ مِّنَ ٱللَّهۡوِ وَمِنَ ٱلتِّجَٰرَةِۚ وَٱللَّهُ خَيۡرُ ٱلرَّٰزِقِينَ

Kodwa bona (abafundi bakho Muhmmad) bathi bakubona okuthengiswayo okanye okwabiwayo bangxamele kuko, bakushiye umile (apho wedwa). Yithi ke wena; “OkukuAllâh kuhle ngaphezulu kunentengiso, yaye uAllâh nguYena Ulungileyo kunabo bonke ababoneleli.”

Translation: Imaam Ismaaeel Ngqoyiyana.