Surah 49 · 18 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Al-Hujurat in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

49:1

يَٰٓأَيُّهَا ٱلَّذِينَ ءَامَنُواْ لَا تُقَدِّمُواْ بَيۡنَ يَدَيِ ٱللَّهِ وَرَسُولِهِۦۖ وَٱتَّقُواْ ٱللَّهَۚ إِنَّ ٱللَّهَ سَمِيعٌ عَلِيمٌ

Enywe Abasuubila, mularanjilila imbeli wa Nyasaye nende Omurumwa wuwe tawe, ne murie Nyasaye, toto Nyasaye ni Omuwulili Omumanyi muno

49:2

يَٰٓأَيُّهَا ٱلَّذِينَ ءَامَنُواْ لَا تَرۡفَعُوٓاْ أَصۡوَٰتَكُمۡ فَوۡقَ صَوۡتِ ٱلنَّبِيِّ وَلَا تَجۡهَرُواْ لَهُۥ بِٱلۡقَوۡلِ كَجَهۡرِ بَعۡضِكُمۡ لِبَعۡضٍ أَن تَحۡبَطَ أَعۡمَٰلُكُمۡ وَأَنتُمۡ لَا تَشۡعُرُونَ

Enywe Abasuubili mulalomaloma khumioyo chiehekulu ukhishila Omurumwa tawe, ne mulasunga naye noluyoka shinga okhulomaloma khwenyu abeene khubeene tawe, ebikhole bienyu biabiya nimukorerwe

49:3

إِنَّ ٱلَّذِينَ يَغُضُّونَ أَصۡوَٰتَهُمۡ عِندَ رَسُولِ ٱللَّهِ أُوْلَٰٓئِكَ ٱلَّذِينَ ٱمۡتَحَنَ ٱللَّهُ قُلُوبَهُمۡ لِلتَّقۡوَىٰۚ لَهُم مَّغۡفِرَةٌ وَأَجۡرٌ عَظِيمٌ

Toto balia beshinjia emioyo chiabu hasi nibalomaloma nomurumwa, abo nibo ba Nyasaye yoosia emioyo chiabu khulwa okhumuria, bali nende eshileshelo nende omurungo omukhongo

49:4

إِنَّ ٱلَّذِينَ يُنَادُونَكَ مِن وَرَآءِ ٱلۡحُجُرَٰتِ أَكۡثَرُهُمۡ لَا يَعۡقِلُونَ

Toto balia bakhukhumanga noli munzu obunji bwabu shibaparanga tawe

49:5

وَلَوۡ أَنَّهُمۡ صَبَرُواْ حَتَّىٰ تَخۡرُجَ إِلَيۡهِمۡ لَكَانَ خَيۡرًا لَّهُمۡۚ وَٱللَّهُ غَفُورٌ رَّحِيمٌ

Ne besumilisinjia okhula shinga orula, bwakhabeele obulayi khubo, Ne Nyasaye nomulesheli owetsimbabaasi muno

49:6

يَٰٓأَيُّهَا ٱلَّذِينَ ءَامَنُوٓاْ إِن جَآءَكُمۡ فَاسِقُۢ بِنَبَإٍ فَتَبَيَّنُوٓاْ أَن تُصِيبُواْ قَوۡمَۢا بِجَهَٰلَةٍ فَتُصۡبِحُواْ عَلَىٰ مَا فَعَلۡتُمۡ نَٰدِمِينَ

Enywe Abasuubili, owetsimbi nabeetsela nende likhuwa, muliliinjemwo, muletsa mwaumisia Abandu mukhukorwa tawe, mana mwetsa mweyitsulisia khukamukholele

49:7

وَٱعۡلَمُوٓاْ أَنَّ فِيكُمۡ رَسُولَ ٱللَّهِۚ لَوۡ يُطِيعُكُمۡ فِي كَثِيرٍ مِّنَ ٱلۡأَمۡرِ لَعَنِتُّمۡ وَلَٰكِنَّ ٱللَّهَ حَبَّبَ إِلَيۡكُمُ ٱلۡإِيمَٰنَ وَزَيَّنَهُۥ فِي قُلُوبِكُمۡ وَكَرَّهَ إِلَيۡكُمُ ٱلۡكُفۡرَ وَٱلۡفُسُوقَ وَٱلۡعِصۡيَانَۚ أُوْلَٰٓئِكَ هُمُ ٱلرَّٰشِدُونَ

Ne manye mbu Omurumwa wa Nyasaye alimwinywe, abaloondanga enywe mumakhuwa amanji mwakhanyakhane, halali Nyasaye yabachamisilia obusuubili, mana nabara mumioyo chienyu, ne nakhola obukhayi nende obukori nende obufuru okhubasinya, abo nibo abakololofu

49:8

فَضۡلًا مِّنَ ٱللَّهِ وَنِعۡمَةًۚ وَٱللَّهُ عَلِيمٌ حَكِيمٌ

Tsimbabaasi tsia Nyasaye nende obwokholo, ne Nyasaye ni Omumanyi po Owamachesi muno

49:9

وَإِن طَآئِفَتَانِ مِنَ ٱلۡمُؤۡمِنِينَ ٱقۡتَتَلُواْ فَأَصۡلِحُواْ بَيۡنَهُمَاۖ فَإِنۢ بَغَتۡ إِحۡدَىٰهُمَا عَلَى ٱلۡأُخۡرَىٰ فَقَٰتِلُواْ ٱلَّتِي تَبۡغِي حَتَّىٰ تَفِيٓءَ إِلَىٰٓ أَمۡرِ ٱللَّهِۚ فَإِن فَآءَتۡ فَأَصۡلِحُواْ بَيۡنَهُمَا بِٱلۡعَدۡلِ وَأَقۡسِطُوٓاْۖ إِنَّ ٱللَّهَ يُحِبُّ ٱلۡمُقۡسِطِينَ

Ne emikanda chibili chabasuubili nichikhupana, muchikaye ne mulala nikuli mbu niko kuranjile okwashie, mukulwanie okhuula kukalushe khu malako ka Nyasaye, ne nikukalukha hasi, murere omulembe hakari wachio khubwatoto, ne muchiyaale khubuleeng’afu toto Nyasaye yachama abayaalanga khubuleeng’afu

49:10

إِنَّمَا ٱلۡمُؤۡمِنُونَ إِخۡوَةٌ فَأَصۡلِحُواْ بَيۡنَ أَخَوَيۡكُمۡۚ وَٱتَّقُواْ ٱللَّهَ لَعَلَّكُمۡ تُرۡحَمُونَ

Toto Abasuubili ni abaananda, kho murere omulembe hakari wa abana benyu, ne murie Nyasaye kho munyole tsimbabaasi

49:11

يَٰٓأَيُّهَا ٱلَّذِينَ ءَامَنُواْ لَا يَسۡخَرۡ قَوۡمٌ مِّن قَوۡمٍ عَسَىٰٓ أَن يَكُونُواْ خَيۡرًا مِّنۡهُمۡ وَلَا نِسَآءٌ مِّن نِّسَآءٍ عَسَىٰٓ أَن يَكُنَّ خَيۡرًا مِّنۡهُنَّۖ وَلَا تَلۡمِزُوٓاْ أَنفُسَكُمۡ وَلَا تَنَابَزُواْ بِٱلۡأَلۡقَٰبِۖ بِئۡسَ ٱلِٱسۡمُ ٱلۡفُسُوقُ بَعۡدَ ٱلۡإِيمَٰنِۚ وَمَن لَّمۡ يَتُبۡ فَأُوْلَٰٓئِكَ هُمُ ٱلظَّٰلِمُونَ

Enywe Abasuubila abasatsa balalechelesia abatsa bashiabwe tawe, banyala okhuba abalayi okhubashila, nohomba abakhasi balalechelesia abashiabwe tawe banyala okhuba abalayi okhubashila, nemulanyekana tawe, ne mulalaangana amera kokhutsalasania tawe. Ni obubii buli burie okhwikhonyela amera kokhutsalasia nimumalile okhusuubila. Ne balekanila tawe abo nibo ababii

49:12

يَٰٓأَيُّهَا ٱلَّذِينَ ءَامَنُواْ ٱجۡتَنِبُواْ كَثِيرًا مِّنَ ٱلظَّنِّ إِنَّ بَعۡضَ ٱلظَّنِّ إِثۡمٌۖ وَلَا تَجَسَّسُواْ وَلَا يَغۡتَب بَّعۡضُكُم بَعۡضًاۚ أَيُحِبُّ أَحَدُكُمۡ أَن يَأۡكُلَ لَحۡمَ أَخِيهِ مَيۡتًا فَكَرِهۡتُمُوهُۚ وَٱتَّقُواْ ٱللَّهَۚ إِنَّ ٱللَّهَ تَوَّابٌ رَّحِيمٌ

Enywe abasuubila mwire ehale nende okhuparirisia, toto okhuparisia khundi ni ebiononi, ne mulanonelesania tawe, ne mulamoonyana tawe, koo omundu yakhachama okhulia omulambo kwowashie ufwile, ne abulaho yakhachama ne murie Nyasaye , toto Nyasaye nomunji wabulesheli, wobukoosia

49:13

يَٰٓأَيُّهَا ٱلنَّاسُ إِنَّا خَلَقۡنَٰكُم مِّن ذَكَرٍ وَأُنثَىٰ وَجَعَلۡنَٰكُمۡ شُعُوبًا وَقَبَآئِلَ لِتَعَارَفُوٓاْۚ إِنَّ أَكۡرَمَكُمۡ عِندَ ٱللَّهِ أَتۡقَىٰكُمۡۚ إِنَّ ٱللَّهَ عَلِيمٌ خَبِيرٌ

Enywe Abandu toto efwe khwabaloonga okhurula khumusatsa nomukhasi, nenikhubakhola amahaanga nende tsimbia, khomunyoole okhumanyana, toto uwoluyali mwinywe imbeli wa Nyasaye ni ulia owamuria muno, toto Nyasaye niye omumanyi mwene amakhuwa

49:14

قَالَتِ ٱلۡأَعۡرَابُ ءَامَنَّاۖ قُل لَّمۡ تُؤۡمِنُواْ وَلَٰكِن قُولُوٓاْ أَسۡلَمۡنَا وَلَمَّا يَدۡخُلِ ٱلۡإِيمَٰنُ فِي قُلُوبِكُمۡۖ وَإِن تُطِيعُواْ ٱللَّهَ وَرَسُولَهُۥ لَا يَلِتۡكُم مِّنۡ أَعۡمَٰلِكُمۡ شَيۡـًٔاۚ إِنَّ ٱللَّهَ غَفُورٌ رَّحِيمٌ

Abandu bomung’otio (bomushitsimi- bomumasookholio) baboola mbu khwasuubila, bola mbu mushili okhusuubila, halali boole mbu khwinjile mubwisilamu, obusubili, bushili okwinjila mimioyo chienyu, neni muloonde ka Nyasaye nende Omurumwa wuwe shalabalemilia shiosishiosi mubikhole bienyu tawe, toto Nyasaye nomulesheli wobukoosia muno

49:15

إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ ثُمَّ لَمۡ يَرۡتَابُواْ وَجَٰهَدُواْ بِأَمۡوَٰلِهِمۡ وَأَنفُسِهِمۡ فِي سَبِيلِ ٱللَّهِۚ أُوْلَٰٓئِكَ هُمُ ٱلصَّٰدِقُونَ

Toto Abasuubili nibalia basuubila Nyasaye nende Omurumwa wuwe, mana nibalaba netsinganakani tawe, mana nibakhalabana khunjila ya Nyasaye nemiandu nende emioyo chiabu, obo nibo abatoto

49:16

قُلۡ أَتُعَلِّمُونَ ٱللَّهَ بِدِينِكُمۡ وَٱللَّهُ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَٱللَّهُ بِكُلِّ شَيۡءٍ عَلِيمٌ

Boola mbu : “ koo mwechesinjia Nyasaye idini yenyu, Ne Nyasaye yamanya bioosi bili mwikulu nende mushialo, ne Nyasaye nomumanyi wabuli eshindu.”

49:17

يَمُنُّونَ عَلَيۡكَ أَنۡ أَسۡلَمُواْۖ قُل لَّا تَمُنُّواْ عَلَيَّ إِسۡلَٰمَكُمۖ بَلِ ٱللَّهُ يَمُنُّ عَلَيۡكُمۡ أَنۡ هَدَىٰكُمۡ لِلۡإِيمَٰنِ إِن كُنتُمۡ صَٰدِقِينَ

Bakhuminanga mbu benjila mubusalamu, boola mbu: “mulaamina khulwokhwinjila khwenyu mubusalamu tawe, halali Nyasaye niwabenyela amalayi, nabalunjisia khubusuubili nimuli mbu muli abatoto.”

49:18

إِنَّ ٱللَّهَ يَعۡلَمُ غَيۡبَ ٱلسَّمَٰوَٰتِ وَٱلۡأَرۡضِۚ وَٱللَّهُ بَصِيرُۢ بِمَا تَعۡمَلُونَ

Toto Nyasaye yamanya akefisa mwikulu nende mushialo, na Nyasaye alolanga muno kamukholanga

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.