Surah 49 · 18 verses · Sheikh Elias Keketso Lelia

Surah Al-Hujurat in Sotho

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

49:1

يَٰٓأَيُّهَا ٱلَّذِينَ ءَامَنُواْ لَا تُقَدِّمُواْ بَيۡنَ يَدَيِ ٱللَّهِ وَرَسُولِهِۦۖ وَٱتَّقُواْ ٱللَّهَۚ إِنَّ ٱللَّهَ سَمِيعٌ عَلِيمٌ

Oho lona ba-kholoang! Le se ipehe pele litabeng kapel’a Allah le Moromuoa oa hae, Empa le ts’abe Allah. Hobane Allah U ke Eena ea Utloang tsohle

49:2

يَٰٓأَيُّهَا ٱلَّذِينَ ءَامَنُواْ لَا تَرۡفَعُوٓاْ أَصۡوَٰتَكُمۡ فَوۡقَ صَوۡتِ ٱلنَّبِيِّ وَلَا تَجۡهَرُواْ لَهُۥ بِٱلۡقَوۡلِ كَجَهۡرِ بَعۡضِكُمۡ لِبَعۡضٍ أَن تَحۡبَطَ أَعۡمَٰلُكُمۡ وَأَنتُمۡ لَا تَشۡعُرُونَ

Oho lona ba-kholoang! Le se phahamise mantsoe a lona ka holim’a lentsoe la Moporofeta, kapa hona ho kharuma nakong eo le buoang le eena joaloka ha le kharumana har’a lona, esere lits’ebeletso tsa lona tsa fetoha mafeela le sa hlokomele

49:3

إِنَّ ٱلَّذِينَ يَغُضُّونَ أَصۡوَٰتَهُمۡ عِندَ رَسُولِ ٱللَّهِ أُوْلَٰٓئِكَ ٱلَّذِينَ ٱمۡتَحَنَ ٱللَّهُ قُلُوبَهُمۡ لِلتَّقۡوَىٰۚ لَهُم مَّغۡفِرَةٌ وَأَجۡرٌ عَظِيمٌ

Ba kokobetsang mantsoe a bona kapel’a moromuoa oa Allah, ke bona bao Allah a hloekiselitseng lipelo tsa bona tokeng. Etsoe ts’oarelo le moputso o moholo ke tsa bona

49:4

إِنَّ ٱلَّذِينَ يُنَادُونَكَ مِن وَرَآءِ ٱلۡحُجُرَٰتِ أَكۡثَرُهُمۡ لَا يَعۡقِلُونَ

Ba u bitsang u le kamor’a liphaposi, bongata ba bona bo hloka koitlisiso

49:5

وَلَوۡ أَنَّهُمۡ صَبَرُواْ حَتَّىٰ تَخۡرُجَ إِلَيۡهِمۡ لَكَانَ خَيۡرًا لَّهُمۡۚ وَٱللَّهُ غَفُورٌ رَّحِيمٌ

Hoja ba ne ba ena le mamello ho fihlela u tlile ho bona, ho ne ho tla ba molemo ho bona, Empa Allah U Ts’oarela joalo- joalo, U Tletse Mohau

49:6

يَٰٓأَيُّهَا ٱلَّذِينَ ءَامَنُوٓاْ إِن جَآءَكُمۡ فَاسِقُۢ بِنَبَإٍ فَتَبَيَّنُوٓاْ أَن تُصِيبُواْ قَوۡمَۢا بِجَهَٰلَةٍ فَتُصۡبِحُواْ عَلَىٰ مَا فَعَلۡتُمۡ نَٰدِمِينَ

Oho lona ba-kholoang! Haeba motho ea mobe a e tla ho lona ka litaba, netefatsang hore e feela e le ‘nete, esere la lematsa batho ka ho se hlokomele, eaba kamorao ho moo la tlala boinyatso ka seo le se entseng

49:7

وَٱعۡلَمُوٓاْ أَنَّ فِيكُمۡ رَسُولَ ٱللَّهِۚ لَوۡ يُطِيعُكُمۡ فِي كَثِيرٍ مِّنَ ٱلۡأَمۡرِ لَعَنِتُّمۡ وَلَٰكِنَّ ٱللَّهَ حَبَّبَ إِلَيۡكُمُ ٱلۡإِيمَٰنَ وَزَيَّنَهُۥ فِي قُلُوبِكُمۡ وَكَرَّهَ إِلَيۡكُمُ ٱلۡكُفۡرَ وَٱلۡفُسُوقَ وَٱلۡعِصۡيَانَۚ أُوْلَٰٓئِكَ هُمُ ٱلرَّٰشِدُونَ

Le tsebe hore moromuoa oa Allah u teng har’a lona. Haeba o ne a le litabeng tse ngata, ho sala litakatso tsa lona morao, le ne le tla oeloa ke bomalimabe: empa Allh U le ratetse tumelo, A e ntlafatsa lipelong tsa lona, A etsa hore le hloee tlhoka–tumelo, bokhopo, le bohana-puso: ba joalo ruri ke ba tsamaeang tokeng

49:8

فَضۡلًا مِّنَ ٱللَّهِ وَنِعۡمَةًۚ وَٱللَّهُ عَلِيمٌ حَكِيمٌ

Nala le lereko le tsoang ho Allah; Allah U Tletse Tsebo, U Seli

49:9

وَإِن طَآئِفَتَانِ مِنَ ٱلۡمُؤۡمِنِينَ ٱقۡتَتَلُواْ فَأَصۡلِحُواْ بَيۡنَهُمَاۖ فَإِنۢ بَغَتۡ إِحۡدَىٰهُمَا عَلَى ٱلۡأُخۡرَىٰ فَقَٰتِلُواْ ٱلَّتِي تَبۡغِي حَتَّىٰ تَفِيٓءَ إِلَىٰٓ أَمۡرِ ٱللَّهِۚ فَإِن فَآءَتۡ فَأَصۡلِحُواْ بَيۡنَهُمَا بِٱلۡعَدۡلِ وَأَقۡسِطُوٓاْۖ إِنَّ ٱللَّهَ يُحِبُّ ٱلۡمُقۡسِطِينَ

Haeba batho ba babeli har’a Ba-kholoang ba loants’ana, aha khotso lipakeng tsa bona; empa haeba e mongo a bona a tlola meeli khahlanong le e mong, kahoo mo loants’eng bohle ea tlolang meeli ho fihlela a boela molaong oa Allah; Empa ha a sala molao morao, ahang khotso lipakeng tsa bona ka toaka, le hloke ts’ekamelo

49:10

إِنَّمَا ٱلۡمُؤۡمِنُونَ إِخۡوَةٌ فَأَصۡلِحُواْ بَيۡنَ أَخَوَيۡكُمۡۚ وَٱتَّقُواْ ٱللَّهَ لَعَلَّكُمۡ تُرۡحَمُونَ

Ba-kholoang ke baena, kahoo etsang khotso le poelano lipakeng tsa bobeli ba bona, le ts’abe Allah, hore le tle amohele Mosa

49:11

يَٰٓأَيُّهَا ٱلَّذِينَ ءَامَنُواْ لَا يَسۡخَرۡ قَوۡمٌ مِّن قَوۡمٍ عَسَىٰٓ أَن يَكُونُواْ خَيۡرًا مِّنۡهُمۡ وَلَا نِسَآءٌ مِّن نِّسَآءٍ عَسَىٰٓ أَن يَكُنَّ خَيۡرًا مِّنۡهُنَّۖ وَلَا تَلۡمِزُوٓاْ أَنفُسَكُمۡ وَلَا تَنَابَزُواْ بِٱلۡأَلۡقَٰبِۖ بِئۡسَ ٱلِٱسۡمُ ٱلۡفُسُوقُ بَعۡدَ ٱلۡإِيمَٰنِۚ وَمَن لَّمۡ يَتُبۡ فَأُوْلَٰٓئِكَ هُمُ ٱلظَّٰلِمُونَ

Oho lona ba-kholoang! Le se lumelle batho hara lona ho ts’eha ba bang, bao e ka ‘na eaba ba molemo ho ba feta, kapa hona ho lamella basali ba bang har’a lona ho ts’eha ba bang, bao eka ‘na ea ba, ba molemo ho ba feta; kapa hona ho somana esita le hona ho rohakana ka mabitso a bosoasoi. Se sebe ke tlhapa kamor’a hoba le tumelo. Mong le mong ea sa tl’ong ho sokoloha, Ruri! Ke moetsalibe

49:12

يَٰٓأَيُّهَا ٱلَّذِينَ ءَامَنُواْ ٱجۡتَنِبُواْ كَثِيرًا مِّنَ ٱلظَّنِّ إِنَّ بَعۡضَ ٱلظَّنِّ إِثۡمٌۖ وَلَا تَجَسَّسُواْ وَلَا يَغۡتَب بَّعۡضُكُم بَعۡضًاۚ أَيُحِبُّ أَحَدُكُمۡ أَن يَأۡكُلَ لَحۡمَ أَخِيهِ مَيۡتًا فَكَرِهۡتُمُوهُۚ وَٱتَّقُواْ ٱللَّهَۚ إِنَّ ٱللَّهَ تَوَّابٌ رَّحِيمٌ

Oho lona ba-kholoang! Qobang pelaellano ka hohle; hobane pelaellano tse hlokang motheho ke sebe. Le be le qobe ho ba mahlabaphieo le hona ho sebana. Na e mong oa lona a ka thabela ho ja nama e shoeleng ea ngoana’bo? Che, le ka e nyonya, kahoo nyonyang ho sebana! Empa ts’abang Allah. Hobane Allah U Amohela Boinyatso, U Tletse Mohau

49:13

يَٰٓأَيُّهَا ٱلنَّاسُ إِنَّا خَلَقۡنَٰكُم مِّن ذَكَرٍ وَأُنثَىٰ وَجَعَلۡنَٰكُمۡ شُعُوبًا وَقَبَآئِلَ لِتَعَارَفُوٓاْۚ إِنَّ أَكۡرَمَكُمۡ عِندَ ٱللَّهِ أَتۡقَىٰكُمۡۚ إِنَّ ٱللَّهَ عَلِيمٌ خَبِيرٌ

Oho lona batho! Re le hlotse ka botona le bots’ehali, Ra le etsa lichaba le merabe, hore le tle le tsebane (E seng hore le hloeane). Ruri ea hlomphehang har’a lona kapel’a Allah ke ea etsang tse lokileng ho feta bohle. Allah U Tseba Tsohle, U Hlokolosi

49:14

قَالَتِ ٱلۡأَعۡرَابُ ءَامَنَّاۖ قُل لَّمۡ تُؤۡمِنُواْ وَلَٰكِن قُولُوٓاْ أَسۡلَمۡنَا وَلَمَّا يَدۡخُلِ ٱلۡإِيمَٰنُ فِي قُلُوبِكُمۡۖ وَإِن تُطِيعُواْ ٱللَّهَ وَرَسُولَهُۥ لَا يَلِتۡكُم مِّنۡ أَعۡمَٰلِكُمۡ شَيۡـًٔاۚ إِنَّ ٱللَّهَ غَفُورٌ رَّحِيمٌ

Ma-Arab a lehoatateng a re: “Re’a kholoa.” E re: “Ha le na tumelo; le mpa le re “Re inehetse Islamong,” hobane tumelo ha es’o finyelle lipelong tsa lona. Hobane haeba le mamela Allah le Moromuoa oa Hae, Allah A ke ke A le qhekella meputsong ea liketso tsa lona. Hobane Allah U Ts’oarela joalo-joalo, U Tletse Mohau

49:15

إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ ثُمَّ لَمۡ يَرۡتَابُواْ وَجَٰهَدُواْ بِأَمۡوَٰلِهِمۡ وَأَنفُسِهِمۡ فِي سَبِيلِ ٱللَّهِۚ أُوْلَٰٓئِكَ هُمُ ٱلصَّٰدِقُونَ

Ba-kholoang ka ‘nete ke ba kholoang feela ho Allah le ho Moromuoa oa Hae, ba se na khoao, empa ba tsitlalletse ka tseo ba nang le tsona le ka maphelo a bona ts’ebeletsong ea Allah. Ba joalo ke ba nang ‘nete

49:16

قُلۡ أَتُعَلِّمُونَ ٱللَّهَ بِدِينِكُمۡ وَٱللَّهُ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَٱللَّهُ بِكُلِّ شَيۡءٍ عَلِيمٌ

E re: “Na le ka ruta Allah tumelo ea lona? Empa Allah U na le tsebo tsohle tse maholimong le tsohle tse lefats’eng, U Hlokolosi ka lintho tsohle

49:17

يَمُنُّونَ عَلَيۡكَ أَنۡ أَسۡلَمُواْۖ قُل لَّا تَمُنُّواْ عَلَيَّ إِسۡلَٰمَكُمۖ بَلِ ٱللَّهُ يَمُنُّ عَلَيۡكُمۡ أَنۡ هَدَىٰكُمۡ لِلۡإِيمَٰنِ إِن كُنتُمۡ صَٰدِقِينَ

Ba u tiisetsa hore ba inehetse Islamong e le ho u khahlisa, E re “Le se nahane hore tumelo ea lona e molemo ho ‘na, Che, Allah U le sitsitse ka lereko hore e be U le tataiselitse Tumelong, haeba le na le ‘nete ebile le hloekile lipelong

49:18

إِنَّ ٱللَّهَ يَعۡلَمُ غَيۡبَ ٱلسَّمَٰوَٰتِ وَٱلۡأَرۡضِۚ وَٱللَّهُ بَصِيرُۢ بِمَا تَعۡمَلُونَ

Ruri! Allah U tseba liphiri tsa maholimo le lefats’e. Etsoe Allah U bona tsohle tseo le li etsang.”

Translation: Sheikh Elias Keketso Lelia.