Surah 34 · 54 verses · Imaam Ismaaeel Ngqoyiyana

Surah Saba in Xhosa

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

34:1

ٱلۡحَمۡدُ لِلَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَلَهُ ٱلۡحَمۡدُ فِي ٱلۡأٓخِرَةِۚ وَهُوَ ٱلۡحَكِيمُ ٱلۡخَبِيرُ

Iindumiso zonke mazibe kuAllâh lowo ikokwaKhe konke okusemazulwini nasemhlabeni, yaye zezaKhe zonke iindumiso nakuBomi oBuzayo. Yena nguSobulumko, uSolwazi

34:2

يَعۡلَمُ مَا يَلِجُ فِي ٱلۡأَرۡضِ وَمَا يَخۡرُجُ مِنۡهَا وَمَا يَنزِلُ مِنَ ٱلسَّمَآءِ وَمَا يَعۡرُجُ فِيهَاۚ وَهُوَ ٱلرَّحِيمُ ٱلۡغَفُورُ

Uyakwazi okungena emhlabeni noko kuphuma kuwo noko kuhla ezulwini noko kunyuka kuye kulo, kananjalo Yena nguSozinceba, nguMxoleli

34:3

وَقَالَ ٱلَّذِينَ كَفَرُواْ لَا تَأۡتِينَا ٱلسَّاعَةُۖ قُلۡ بَلَىٰ وَرَبِّي لَتَأۡتِيَنَّكُمۡ عَٰلِمِ ٱلۡغَيۡبِۖ لَا يَعۡزُبُ عَنۡهُ مِثۡقَالُ ذَرَّةٍ فِي ٱلسَّمَٰوَٰتِ وَلَا فِي ٱلۡأَرۡضِ وَلَآ أَصۡغَرُ مِن ذَٰلِكَ وَلَآ أَكۡبَرُ إِلَّا فِي كِتَٰبٍ مُّبِينٍ

Abo bangakholwayo bathi: “IYure ayiyi kusifikela thina.” Yithi wena: “Ewe! Ndifunga ngeNkosi yam, Iza kunifikela. (UAllâh) nguMazi wokungabonwayo.” Akukho nesuntswana elingakanani na elisitheleyo kuYe emazulwini okanye emhlabeni, enokuba lingalincinane na okanye libe likhulu kangakanani na, (libhaliwe) eNcwadini ecacileyo

34:4

لِّيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِۚ أُوْلَٰٓئِكَ لَهُم مَّغۡفِرَةٌ وَرِزۡقٌ كَرِيمٌ

Khona ukuze Avuze abo bakholwayo, benza izenzo zobulungisa. Abo banjalo baya kufumana ukuxolelwa nembonelo yexabiso

34:5

وَٱلَّذِينَ سَعَوۡ فِيٓ ءَايَٰتِنَا مُعَٰجِزِينَ أُوْلَٰٓئِكَ لَهُمۡ عَذَابٌ مِّن رِّجۡزٍ أَلِيمٌ

Kodwa abo bazabalaza ngokuchasene neeVesi zeThu, (bezama) ukuba zingaphumeleli; okwabo iya kuba sisohlwayo esibuhlungu

34:6

وَيَرَى ٱلَّذِينَ أُوتُواْ ٱلۡعِلۡمَ ٱلَّذِيٓ أُنزِلَ إِلَيۡكَ مِن رَّبِّكَ هُوَ ٱلۡحَقَّ وَيَهۡدِيٓ إِلَىٰ صِرَٰطِ ٱلۡعَزِيزِ ٱلۡحَمِيدِ

Ke bona abo banikwe ulwazi bayabona okokuba oko kutyhilwe kuwe kuvela eNkosini yaKho kuyinyaniso, yaye kukhokelela eNdleleni kaSobunganga, uSokudunyiswa

34:7

وَقَالَ ٱلَّذِينَ كَفَرُواْ هَلۡ نَدُلُّكُمۡ عَلَىٰ رَجُلٍ يُنَبِّئُكُمۡ إِذَا مُزِّقۡتُمۡ كُلَّ مُمَزَّقٍ إِنَّكُمۡ لَفِي خَلۡقٍ جَدِيدٍ

Abo bangakholwayo bathi: “Sinibonise indoda eza kunixelela ukuba xa sele nizizicwibi ngokupheleyo, niza kuphinda nidalwe ngokutsha (nibe) kwindalo entsha

34:8

أَفۡتَرَىٰ عَلَى ٱللَّهِ كَذِبًا أَم بِهِۦ جِنَّةُۢۗ بَلِ ٱلَّذِينَ لَا يُؤۡمِنُونَ بِٱلۡأٓخِرَةِ فِي ٱلۡعَذَابِ وَٱلضَّلَٰلِ ٱلۡبَعِيدِ

Ingaba uqambe ubuxoki ngoAllâh kusini na okanye mhlawumbi uhlaselwe ngumoya omdaka, kusini na? “ Nakanye. Abo bangakholwayo kuBomi oBuzayo baya kuba sesohlwayweni yaye basekulahlekeni okukhulu

34:9

أَفَلَمۡ يَرَوۡاْ إِلَىٰ مَا بَيۡنَ أَيۡدِيهِمۡ وَمَا خَلۡفَهُم مِّنَ ٱلسَّمَآءِ وَٱلۡأَرۡضِۚ إِن نَّشَأۡ نَخۡسِفۡ بِهِمُ ٱلۡأَرۡضَ أَوۡ نُسۡقِطۡ عَلَيۡهِمۡ كِسَفًا مِّنَ ٱلسَّمَآءِۚ إِنَّ فِي ذَٰلِكَ لَأٓيَةً لِّكُلِّ عَبۡدٍ مُّنِيبٍ

Kanti abakujongi na oko kuphambi kwabo noko kungemva kwabo kwamazulu nomhlaba? Ukuba beSithanda beSingenza umhlaba ubaginye okanye Senze bawelwe ziingceba zesibhakabhaka phezu kwabo. Inene kuko oko kukho umqondiso kuso nasiphi na isicaka esiguqukela (kuAllâh)

34:10

وَلَقَدۡ ءَاتَيۡنَا دَاوُۥدَ مِنَّا فَضۡلًاۖ يَٰجِبَالُ أَوِّبِي مَعَهُۥ وَٱلطَّيۡرَۖ وَأَلَنَّا لَهُ ٱلۡحَدِيدَ

Ke kaloku Sanika uDâwûd isixhaso esivela kuThi. Sathi: “Hini na zintaba, phindaphindani Iindumiso (zeThu) kunye naye (uDâwûd), neentaka, Senza nentsimbi ukuba imthambele Yena

34:11

أَنِ ٱعۡمَلۡ سَٰبِغَٰتٍ وَقَدِّرۡ فِي ٱلسَّرۡدِۖ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ بَصِيرٌ

(Samyalela Sathi): “Yenza isinxibo samacwecwe entsimbi nize nisebenze ubulungisa, inene Mna Ndikubona konke oko nina nikwenzayo.”

34:12

وَلِسُلَيۡمَٰنَ ٱلرِّيحَ غُدُوُّهَا شَهۡرٌ وَرَوَاحُهَا شَهۡرٌۖ وَأَسَلۡنَا لَهُۥ عَيۡنَ ٱلۡقِطۡرِۖ وَمِنَ ٱلۡجِنِّ مَن يَعۡمَلُ بَيۡنَ يَدَيۡهِ بِإِذۡنِ رَبِّهِۦۖ وَمَن يَزِغۡ مِنۡهُمۡ عَنۡ أَمۡرِنَا نُذِقۡهُ مِنۡ عَذَابِ ٱلسَّعِيرِ

Kanti kuSulaymân Senza umoya wamthobela, umtsi wawo wasekuseni wawulingana nohambo lwenyanga (yonke) nomtsi wawo wasemva kwemini ulingana nohambo lwenyanga. Samenza wampompozelwa ngumthombo wekopolo (eyikiyiki) ukanti phakathi kweejinni kwakukho ezo zazimsebenzela ngemvume yeNkosi yakhe. Nabani na oye wanxaxha kumyalelo weThu Siya kumenza angcamle isohlwayo seDangatya (loMlilo)

34:13

يَعۡمَلُونَ لَهُۥ مَا يَشَآءُ مِن مَّحَٰرِيبَ وَتَمَٰثِيلَ وَجِفَانٍ كَٱلۡجَوَابِ وَقُدُورٍ رَّاسِيَٰتٍۚ ٱعۡمَلُوٓاْ ءَالَ دَاوُۥدَ شُكۡرًاۚ وَقَلِيلٌ مِّنۡ عِبَادِيَ ٱلشَّكُورُ

Zamsebenzela (iiJinni ngentembeko) ngohlobo Awayefuna ngalo (zimenzela) amagumbi Aphakamileyo, izitya ezazizikhulu okwamachibi, nezindlu zokuphekela, (Sathi): “Sebenzani nina bendlu kaDâwûd, nibe nombulelo!” Kodwa zimbalwa kwizicaka zaM ezinombulelo

34:14

فَلَمَّا قَضَيۡنَا عَلَيۡهِ ٱلۡمَوۡتَ مَا دَلَّهُمۡ عَلَىٰ مَوۡتِهِۦٓ إِلَّا دَآبَّةُ ٱلۡأَرۡضِ تَأۡكُلُ مِنسَأَتَهُۥۖ فَلَمَّا خَرَّ تَبَيَّنَتِ ٱلۡجِنُّ أَن لَّوۡ كَانُواْ يَعۡلَمُونَ ٱلۡغَيۡبَ مَا لَبِثُواْ فِي ٱلۡعَذَابِ ٱلۡمُهِينِ

Kodwa Sathi Sisakumisela ukufa kuye (uSulaymân) akwabikho nto izichazelayo ngokufa kwakhe ngaphandle komsundululu womhlaba owawumana ugrenya umsimelelo wakhe Wathi akuwa phantsi, (kwangona) zibonayo iiJinni okokuba ukuba zazikwazi okungabonwayo, ngezazingazanga zihlale (phantsi) kwesohlwayo sokudeleka (okungako)

34:15

لَقَدۡ كَانَ لِسَبَإٍ فِي مَسۡكَنِهِمۡ ءَايَةٌۖ جَنَّتَانِ عَن يَمِينٍ وَشِمَالٍۖ كُلُواْ مِن رِّزۡقِ رَبِّكُمۡ وَٱشۡكُرُواْ لَهُۥۚ بَلۡدَةٌ طَيِّبَةٌ وَرَبٌّ غَفُورٌ

Inene kuye uSabha (uShebha) kwakukho umqondiso kwizindlu zabo izitiya ezibini kwicala lasekunene nasekhohlo kwaza (kwathiwa kubo): “Yidlani kwiimbonelelo zeNkosi yenu, nibe nombulelo kuYo. Nomhlaba omhle neNkosi Enenceba.”

34:16

فَأَعۡرَضُواْ فَأَرۡسَلۡنَا عَلَيۡهِمۡ سَيۡلَ ٱلۡعَرِمِ وَبَدَّلۡنَٰهُم بِجَنَّتَيۡهِمۡ جَنَّتَيۡنِ ذَوَاتَيۡ أُكُلٍ خَمۡطٍ وَأَثۡلٍ وَشَيۡءٍ مِّن سِدۡرٍ قَلِيلٍ

Kodwa bona batshikila (bala ukukholwa). Ke Thina Sabathumelela isikhukula sedama, Saza endaweni yezitiya zabo ezibini Sabafakela izitiya ezineziqhamo ezikrakra, zemithi yemitamarisk, nemithi egqagqeneyo yomlowate

34:17

ذَٰلِكَ جَزَيۡنَٰهُم بِمَا كَفَرُواْۖ وَهَلۡ نُجَٰزِيٓ إِلَّا ٱلۡكَفُورَ

OkokeyayikukubabuyekezakubabayaAbakholwa. Kekaloku aSibuyekezi ngolo hlobo ngaphandle kwabangakholwayo (abangenambulelo)

34:18

وَجَعَلۡنَا بَيۡنَهُمۡ وَبَيۡنَ ٱلۡقُرَى ٱلَّتِي بَٰرَكۡنَا فِيهَا قُرًى ظَٰهِرَةً وَقَدَّرۡنَا فِيهَا ٱلسَّيۡرَۖ سِيرُواْ فِيهَا لَيَالِيَ وَأَيَّامًا ءَامِنِينَ

KananjaloSabekaphakathikwaboneedolophuEsasizisikelele; iidolophu eSasizisikelele needolophu ezazibonakala lula, Senza nezigaba zabo (zohambo) phakathi kwazo zaba lula. Sathi: “Hamba-hambani kuzo nikhuselekile ebusuku nasemini

34:19

فَقَالُواْ رَبَّنَا بَٰعِدۡ بَيۡنَ أَسۡفَارِنَا وَظَلَمُوٓاْ أَنفُسَهُمۡ فَجَعَلۡنَٰهُمۡ أَحَادِيثَ وَمَزَّقۡنَٰهُمۡ كُلَّ مُمَزَّقٍۚ إِنَّ فِي ذَٰلِكَ لَأٓيَٰتٍ لِّكُلِّ صَبَّارٍ شَكُورٍ

Kodwa bathi bona: (bedelela) “Nkosi yethu, Yenza izigaba phakathi kweehambo zethu zibe nde, bazona imiphefumlo yaboke, Thina Sabenzababanjengeentsomi, Sabachithachitha bonke. Inene kuko oko kukho imiqondiso kuye wonke ubani onomonde nombulelo

34:20

وَلَقَدۡ صَدَّقَ عَلَيۡهِمۡ إِبۡلِيسُ ظَنَّهُۥ فَٱتَّبَعُوهُ إِلَّا فَرِيقًا مِّنَ ٱلۡمُؤۡمِنِينَ

Inene uIblîs wabonisa ubunyani beengcinga zakhe ngabo yaye bamlandela, bonke ngaphandle kweqela labambalwa ababekholwa ngokwenene

34:21

وَمَا كَانَ لَهُۥ عَلَيۡهِم مِّن سُلۡطَٰنٍ إِلَّا لِنَعۡلَمَ مَن يُؤۡمِنُ بِٱلۡأٓخِرَةِ مِمَّنۡ هُوَ مِنۡهَا فِي شَكٍّۗ وَرَبُّكَ عَلَىٰ كُلِّ شَيۡءٍ حَفِيظٌ

Yaye akazanga abe nagunya phezu kwabo ngaphandle (koko kwakungummiselo) khona ukuze Senze acace okholwayo kwiMini yokugqibela nalowo uthandabuzayo ngayo. Kananjalo, iNkosi yakho nguMlondolozi wezinto zonke

34:22

قُلِ ٱدۡعُواْ ٱلَّذِينَ زَعَمۡتُم مِّن دُونِ ٱللَّهِ لَا يَمۡلِكُونَ مِثۡقَالَ ذَرَّةٍ فِي ٱلسَّمَٰوَٰتِ وَلَا فِي ٱلۡأَرۡضِ وَمَا لَهُمۡ فِيهِمَا مِن شِرۡكٍ وَمَا لَهُۥ مِنۡهُم مِّن ظَهِيرٍ

Yithi (Muhammad): “Celani kwabo nithi (ngoothixo) ngaphandle koAllâh.” Abanawo nangangetlantsi (amandla) emazulwini okanye emhlabeni, yaye abanalo nolunjani ulwahlulelwano (naYe uAllâh) Engenaye nonjani umncedisi

34:23

وَلَا تَنفَعُ ٱلشَّفَٰعَةُ عِندَهُۥٓ إِلَّا لِمَنۡ أَذِنَ لَهُۥۚ حَتَّىٰٓ إِذَا فُزِّعَ عَن قُلُوبِهِمۡ قَالُواْ مَاذَا قَالَ رَبُّكُمۡۖ قَالُواْ ٱلۡحَقَّۖ وَهُوَ ٱلۡعَلِيُّ ٱلۡكَبِيرُ

Intethelelo ayinakunceda bani kuYe. Ngaphandle kwalowo Amvumeleyo

34:24

قُلۡ مَن يَرۡزُقُكُم مِّنَ ٱلسَّمَٰوَٰتِ وَٱلۡأَرۡضِۖ قُلِ ٱللَّهُۖ وَإِنَّآ أَوۡ إِيَّاكُمۡ لَعَلَىٰ هُدًى أَوۡ فِي ضَلَٰلٍ مُّبِينٍ

(Kananjalo abo bayalinda) de kudambe uvalo ezintliziyweni zabo. Baya kuthi (omnye komnye): “Itheni na: iNkosi yenu?” (baphendule) bona bathi: ‘Yinyaniso.’ Yaye Yona nguSobunganga Omkhulu.’” Yithi: “Ngubani onondlayo emazulwini nasemhlabeni? Yithi: “nguAllâh.” Inene sithi okanye nini abaphantsi kwesiKhokelo okanye ekulahlekeni okucacileyo!”

34:25

قُل لَّا تُسۡـَٔلُونَ عَمَّآ أَجۡرَمۡنَا وَلَا نُسۡـَٔلُ عَمَّا تَعۡمَلُونَ

Yithi: Nina aniyi kubuzwa ngoko kwenziwe Sithi; kanti nathi asiyi kubuzwa ngoko nikwenzayo.”

34:26

قُلۡ يَجۡمَعُ بَيۡنَنَا رَبُّنَا ثُمَّ يَفۡتَحُ بَيۡنَنَا بِٱلۡحَقِّ وَهُوَ ٱلۡفَتَّاحُ ٱلۡعَلِيمُ

Yithi: “INkosi yethu Iza kusihlanganisa sonke, Ize Igwebe phakathi kwethu ngenyaniso. Yaye Yona nguMgwebi Owaziyo.”

34:27

قُلۡ أَرُونِيَ ٱلَّذِينَ أَلۡحَقۡتُم بِهِۦ شُرَكَآءَۖ كـَلَّاۚ بَلۡ هُوَ ٱللَّهُ ٱلۡعَزِيزُ ٱلۡحَكِيمُ

Yithi: Ndiboniseni kaloku abo nibayamanise naYe njengamahlulelane. Nakanye! Ukusuka apho Yena (uYedwa) nguAllâh, uSobunganga, uSobulumko.”

34:28

وَمَآ أَرۡسَلۡنَٰكَ إِلَّا كَآفَّةً لِّلنَّاسِ بَشِيرًا وَنَذِيرًا وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Asikuthumelelanga ukuba ube yinto yimbi ngaphandle kokubaubenguMvakalisiweendabaezilungileyonoMlumkisi ebantwini bonke, kodwa uninzi lwabantu alwazi

34:29

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Ke kaloku bathi: “Siya kuba nini na esi sithembiso, ukuba nithetha inyaniso?”

34:30

قُل لَّكُم مِّيعَادُ يَوۡمٍ لَّا تَسۡتَـٔۡخِرُونَ عَنۡهُ سَاعَةً وَلَا تَسۡتَقۡدِمُونَ

Yithi wena: “Okwenu yiMini ekhethiweyo, Eningayi kuyibambezela nangeyure enye, ningayi kuyandulela nokuyandulela.”

34:31

وَقَالَ ٱلَّذِينَ كَفَرُواْ لَن نُّؤۡمِنَ بِهَٰذَا ٱلۡقُرۡءَانِ وَلَا بِٱلَّذِي بَيۡنَ يَدَيۡهِۗ وَلَوۡ تَرَىٰٓ إِذِ ٱلظَّٰلِمُونَ مَوۡقُوفُونَ عِندَ رَبِّهِمۡ يَرۡجِعُ بَعۡضُهُمۡ إِلَىٰ بَعۡضٍ ٱلۡقَوۡلَ يَقُولُ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ لَوۡلَآ أَنتُمۡ لَكُنَّا مُؤۡمِنِينَ

Ke kaloku abo bangakholwayo bathi: “Asisokuze sikholwe kule ‘Kur’ân singasokuze (sikholwe) nakuloo (Ncwadi ingaphambili kunayo.” Kodwa ukuba ubunokubabona abenzi bobubi xa beya kumiswa phambi kweNkosi yabo, bephikisana iintetho zabo. Abo babecinezelekile baya kuthi kwabo babekhukhumele: “Ukuba kwakungekho ngenxa yenu ngesasibe ngamakholwa (amaMuslim)!”

34:32

قَالَ ٱلَّذِينَ ٱسۡتَكۡبَرُواْ لِلَّذِينَ ٱسۡتُضۡعِفُوٓاْ أَنَحۡنُ صَدَدۡنَٰكُمۡ عَنِ ٱلۡهُدَىٰ بَعۡدَ إِذۡ جَآءَكُمۖ بَلۡ كُنتُم مُّجۡرِمِينَ

Abo babekhukhumele baya kuthi kwabo babecinezelekile: “Sithi na abaniphambukisayo esiKhokelweni emveni kokuba sasifikile kuni? Nakanye! Nini ngokwenu ababezizaphuli- mthetho.”

34:33

وَقَالَ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ بَلۡ مَكۡرُ ٱلَّيۡلِ وَٱلنَّهَارِ إِذۡ تَأۡمُرُونَنَآ أَن نَّكۡفُرَ بِٱللَّهِ وَنَجۡعَلَ لَهُۥٓ أَندَادًاۚ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۚ وَجَعَلۡنَا ٱلۡأَغۡلَٰلَ فِيٓ أَعۡنَاقِ ٱلَّذِينَ كَفَرُواْۖ هَلۡ يُجۡزَوۡنَ إِلَّا مَا كَانُواْ يَعۡمَلُونَ

Abo babecinezelekile baya kuthi kwabo babekhukhumele: “Unotshe! Yayiliyelenqe (lenu) lasebusuku nasemini xa nanisiyalela ukuba singakholwa kuAllâh nokuba sayamanise amahlulelane kuYe.” Kodwa (bonke) baya kuthetha inyaniso omnye komnye xa besibona isohlwayo; Yaye Siya kufaka amakhamandela entsimbi ezintayeni zabo babengakholwa. Ingaba(bafanelwe) kukuvuzwangaphandlekokobakwenzayo na

34:34

وَمَآ أَرۡسَلۡنَا فِي قَرۡيَةٍ مِّن نَّذِيرٍ إِلَّا قَالَ مُتۡرَفُوهَآ إِنَّا بِمَآ أُرۡسِلۡتُم بِهِۦ كَٰفِرُونَ

Kananjalo Asizanga Sithumele nawuphi na uMlumkisi esixekweni zebangathi abo bazizityebi: “Inene koko nina nikuthunyiweyo asikholwa thina.”

34:35

وَقَالُواْ نَحۡنُ أَكۡثَرُ أَمۡوَٰلًا وَأَوۡلَٰدًا وَمَا نَحۡنُ بِمُعَذَّبِينَ

Kananjalo bathi: “Thina singaphaya kwamakholwa ngobutyebi nabantwana, yaye asinakohlwaywa.”

34:36

قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ وَيَقۡدِرُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Yithi: “Inene, iNkosi yam Yandisela lowo Imthandileyo imbonelelo, Ize iyinciphise, kodwa uninzi lwabantu alwazi.”

34:37

وَمَآ أَمۡوَٰلُكُمۡ وَلَآ أَوۡلَٰدُكُم بِٱلَّتِي تُقَرِّبُكُمۡ عِندَنَا زُلۡفَىٰٓ إِلَّا مَنۡ ءَامَنَ وَعَمِلَ صَٰلِحًا فَأُوْلَٰٓئِكَ لَهُمۡ جَزَآءُ ٱلضِّعۡفِ بِمَا عَمِلُواْ وَهُمۡ فِي ٱلۡغُرُفَٰتِ ءَامِنُونَ

Ukanti ayibobutyebi benu, ingengobantwana benu abanisondeza kuThi ngokwesikhundla, koko kungenxa yalowo ukholiweyo, wenza imisebenzi emihle. Kwabanjalo iya kuba ngumvuzo ophindwe kabini ngoko bakwenzayo kananjalo bona baya kuba kumgangatho ongentla (ePaladesi). bekhuselekile (besindile)

34:38

وَٱلَّذِينَ يَسۡعَوۡنَ فِيٓ ءَايَٰتِنَا مُعَٰجِزِينَ أُوْلَٰٓئِكَ فِي ٱلۡعَذَابِ مُحۡضَرُونَ

Ke bona abo bazabalaza ngokuchasene neeVesi zeThu besebenzela ukuba zingaphumeleli, abo baya kuziswa esohlwayweni

34:39

قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُ لَهُۥۚ وَمَآ أَنفَقۡتُم مِّن شَيۡءٍ فَهُوَ يُخۡلِفُهُۥۖ وَهُوَ خَيۡرُ ٱلرَّٰزِقِينَ

Yithi: “Inene iNkosi yam Yandisela lowo Ithande ukumandisela imbonelelo kwizicaka zaYo, Ize Imenzele umlinganiselo wakhe. Kodwa nantoni na leyo nithi ninikele ngayo (eNdleleni ka-Allâh) Yena Uya kuyibuyekeza; yaye Yena nguYena Mboneli Ulungileyo.”

34:40

وَيَوۡمَ يَحۡشُرُهُمۡ جَمِيعًا ثُمَّ يَقُولُ لِلۡمَلَٰٓئِكَةِ أَهَٰٓؤُلَآءِ إِيَّاكُمۡ كَانُواْ يَعۡبُدُونَ

Ke kaloku ngeMini Aya kubadibanisa bonke (abantu) Aze Athi kwiingelosi, ingaba aba (bantu) babenqula nina na?”

34:41

قَالُواْ سُبۡحَٰنَكَ أَنتَ وَلِيُّنَا مِن دُونِهِمۖ بَلۡ كَانُواْ يَعۡبُدُونَ ٱلۡجِنَّۖ أَكۡثَرُهُم بِهِم مُّؤۡمِنُونَ

Ziya kuthi zona: “Uzuko malube kuWe! NguWe uMlondolozi wethu kuphela, hayi bona, aba bona babenqula iiJinni: Uninzi lwabo lwalukholwe kuzo.”

34:42

فَٱلۡيَوۡمَ لَا يَمۡلِكُ بَعۡضُكُمۡ لِبَعۡضٍ نَّفۡعًا وَلَا ضَرًّا وَنَقُولُ لِلَّذِينَ ظَلَمُواْ ذُوقُواْ عَذَابَ ٱلنَّارِ ٱلَّتِي كُنتُم بِهَا تُكَذِّبُونَ

Kodwa naMhlanje aninagunya lokuncedana okanye lokonana. Kananjalo Siya kuthi kwabo benza ububi, “Ngcamlani ke isohlwayo soMlilo, enaniwuphika.”

34:43

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٍ قَالُواْ مَا هَٰذَآ إِلَّا رَجُلٌ يُرِيدُ أَن يَصُدَّكُمۡ عَمَّا كَانَ يَعۡبُدُ ءَابَآؤُكُمۡ وَقَالُواْ مَا هَٰذَآ إِلَّآ إِفۡكٌ مُّفۡتَرًىۚ وَقَالَ ٱلَّذِينَ كَفَرُواْ لِلۡحَقِّ لَمَّا جَآءَهُمۡ إِنۡ هَٰذَآ إِلَّا سِحۡرٌ مُّبِينٌ

Yabona! Xa iiVesi zeThu zicengcelezwa kubo njengobungqina obucacileyo, bathi bona: “Lo akanto yimbi ngaphandle kokuba yindonda enqwenela ukuniphambukisa koko oobawo benu babekunqula.” Bathi kananjalo: “Oku Akunto yimbi ngaphandle kokuba bubuxoki obuqanjiweyo.” Kananjalo abo bangakholwayo bathi ngenyaniso efikileyo kubo: “Asiyonto le koko ngumlingo.”

34:44

وَمَآ ءَاتَيۡنَٰهُم مِّن كُتُبٍ يَدۡرُسُونَهَاۖ وَمَآ أَرۡسَلۡنَآ إِلَيۡهِمۡ قَبۡلَكَ مِن نَّذِيرٍ

Ukanti Asizanga Sibanike siBhalo ababenokusifunda, yaye Asizanga ngaphambi kwakho, (Muhammad) Sithumele mlumkisi kubo

34:45

وَكَذَّبَ ٱلَّذِينَ مِن قَبۡلِهِمۡ وَمَا بَلَغُواْ مِعۡشَارَ مَآ ءَاتَيۡنَٰهُمۡ فَكَذَّبُواْ رُسُلِيۖ فَكَيۡفَ كَانَ نَكِيرِ

Ke kaloku abo bangaphambili kunabo baphika (inyaniso) Ukanti bona (abantu baseMakkah) azanga bafumane nesinye eshumini (1/10) koko Sakunika bona (abangaphambili kunabo). Kodwa (abangaphambili kunabo) babaphika abaThunywa baM, Saba njani ke ukuba sibi isohlwayo saM

34:46

قُلۡ إِنَّمَآ أَعِظُكُم بِوَٰحِدَةٍۖ أَن تَقُومُواْ لِلَّهِ مَثۡنَىٰ وَفُرَٰدَىٰ ثُمَّ تَتَفَكَّرُواْۚ مَا بِصَاحِبِكُم مِّن جِنَّةٍۚ إِنۡ هُوَ إِلَّا نَذِيرٌ لَّكُم بَيۡنَ يَدَيۡ عَذَابٍ شَدِيدٍ

Yithi: “Mna ndicebisa (into) enye kuphela (kuni), okokuba phakamani nimele uAllâh, (nifune inyaniso) ningambini, okanye ningamnye, nize nicamngcisise. “Akukho kuphambana kugxa wenu. (uMuhammad) Yena nguMlumkisi kuni kuphela phambi kwesohlwayo esibuhlungu

34:47

قُلۡ مَا سَأَلۡتُكُم مِّنۡ أَجۡرٍ فَهُوَ لَكُمۡۖ إِنۡ أَجۡرِيَ إِلَّا عَلَى ٱللَّهِۖ وَهُوَ عَلَىٰ كُلِّ شَيۡءٍ شَهِيدٌ

Yithi: “Nayiphi na intlawulo endinokuba ndayibiza kuni, yeyenu. Eyam intlawulo ikuAllâh kuphela yaye Yena UliNgqina ngaphezu kwezinto zonke.”

34:48

قُلۡ إِنَّ رَبِّي يَقۡذِفُ بِٱلۡحَقِّ عَلَّٰمُ ٱلۡغُيُوبِ

Yithi: “Inene iNkosi yam Idandalazisa inyaniso, nguMazi wokungabonwayo.”

34:49

قُلۡ جَآءَ ٱلۡحَقُّ وَمَا يُبۡدِئُ ٱلۡبَٰطِلُ وَمَا يُعِيدُ

Yithi: “Inyaniso ifikile yaye ubuxoki abukwazi kuqala nto bungakwazi nokuyiphinda na kakade.”

34:50

قُلۡ إِن ضَلَلۡتُ فَإِنَّمَآ أَضِلُّ عَلَىٰ نَفۡسِيۖ وَإِنِ ٱهۡتَدَيۡتُ فَبِمَا يُوحِيٓ إِلَيَّ رَبِّيٓۚ إِنَّهُۥ سَمِيعٌ قَرِيبٌ

Yithi: “Ukuba ndingolahlekileyo, ndiya kuba ndilahleke ngokuchasene nesiqu sam, kodwa ukuba ndingokhokelelekileyo kuya kuba kungenxa yoko iNkosi yam Ikutyhila kum, inene Yona nguSokuva Okufutshane

34:51

وَلَوۡ تَرَىٰٓ إِذۡ فَزِعُواْ فَلَا فَوۡتَ وَأُخِذُواْ مِن مَّكَانٍ قَرِيبٍ

Akwaba ubunokukhe ubone xa besoyika kodwa akuyi kubakho (ndlela) yakuphuncula, yaye baza kuhlaselwa kwindawo ekufutshane.”

34:52

وَقَالُوٓاْ ءَامَنَّا بِهِۦ وَأَنَّىٰ لَهُمُ ٱلتَّنَاوُشُ مِن مَّكَانِۭ بَعِيدٍ

Baze bathi: “Siyakholwa kuyo (i’Kur’ân) kodwa oko kuya kwamkelwa njani kubo kwindawo ekude kangako

34:53

وَقَدۡ كَفَرُواْ بِهِۦ مِن قَبۡلُۖ وَيَقۡذِفُونَ بِٱلۡغَيۡبِ مِن مَّكَانِۭ بَعِيدٍ

Kaloku baya abakholwa kuyo kwangaphambili, behlasela okungabonwayo bekwindawo ekude

34:54

وَحِيلَ بَيۡنَهُمۡ وَبَيۡنَ مَا يَشۡتَهُونَ كَمَا فُعِلَ بِأَشۡيَاعِهِم مِّن قَبۡلُۚ إِنَّهُمۡ كَانُواْ فِي شَكٍّ مُّرِيبِۭ

Kananjalo kuya kubekwa umsantsa phakathi kwabo noko bakunqwenelayo, njengoko kwakwenziwe kwabanjengabo ngaphambili. Inene babenentandabuzo engenambaliso (bephika ukholo). Sûrah 35. Al-Fâtir (UMyili wendalo) 35. Egameni lika-Allâh, uSolubabalo, uSozinceba

Translation: Imaam Ismaaeel Ngqoyiyana.