Surah 98 · 8 verses · Tgk. H. Mahjiddin Jusuf
Surah Al-Bayyinah in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
لَمۡ يَكُنِ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَٱلۡمُشۡرِكِينَ مُنفَكِّينَ حَتَّىٰ تَأۡتِيَهُمُ ٱلۡبَيِّنَةُ
Awak nyang kaphe dum ahli kitab Muchrek pih meuhat saban peuneugah Han lom jikeubah agama jih nyan Meu goh troh keunan dali trang leupah
رَسُولٌ مِّنَ ٱللَّهِ يَتۡلُواْ صُحُفًا مُّطَهَّرَةً
Nyoe ka troh rasul utusan Tuhan Geuba ngon peusan sideh bak Allah Kitab nyang suci geuba dum sajan
وَمَا تَفَرَّقَ ٱلَّذِينَ أُوتُواْ ٱلۡكِتَٰبَ إِلَّا مِنۢ بَعۡدِ مَا جَآءَتۡهُمُ ٱلۡبَيِّنَةُ
Di ahli kitab teuma meupisah Meupisah dum jih watee lheuh teuka Dali nyang nyata nyan rasul Allah
وَمَآ أُمِرُوٓاْ إِلَّا لِيَعۡبُدُواْ ٱللَّهَ مُخۡلِصِينَ لَهُ ٱلدِّينَ حُنَفَآءَ وَيُقِيمُواْ ٱلصَّلَوٰةَ وَيُؤۡتُواْ ٱلزَّكَوٰةَۚ وَذَٰلِكَ دِينُ ٱلۡقَيِّمَةِ
Kon na peue laen nyang geuyue bak jih Jileumah le jih beu sidroe Allah Ikheulah ate jih keu agama Suci ngon beuna bek na meuilah Pubuet seumbahyang ngon jibri zakeut Bandum jipubuet bek na meusalah Nyan keuh agama jalan nyang teupat Suroh Hadharat bak jih geupeugah
إِنَّ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَٱلۡمُشۡرِكِينَ فِي نَارِ جَهَنَّمَ خَٰلِدِينَ فِيهَآۚ أُوْلَٰٓئِكَ هُمۡ شَرُّ ٱلۡبَرِيَّةِ
Teuma si kaphe dum ahli kitab Muchrek pih meuhat saban geubalah Dalam nuraka teumpat awak nyan Keukai jih sinan lam apui mirah Nyan keuh awak nyan makheuluk Tuhan Nyang brok hanaban jeuheut sileupah
إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ أُوْلَٰٓئِكَ هُمۡ خَيۡرُ ٱلۡبَرِيَّةِ
Ureueng meuiman lom geupubuet got Nyan keuh nyang that got makheuluk Allah
جَزَآؤُهُمۡ عِندَ رَبِّهِمۡ جَنَّٰتُ عَدۡنٍ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدًاۖ رَّضِيَ ٱللَّهُ عَنۡهُمۡ وَرَضُواْ عَنۡهُۚ ذَٰلِكَ لِمَنۡ خَشِيَ رَبَّهُۥ
Balasan gopnyan nibak Po gopnyan Churuga ‘adnen leupah that indah Je krueng dum ile di yup churuga 4 Keukai simasa sinan geukeubah Tuhan Neurila akan ureueng nyan Meunan pih gopnyan rila keu Allah Ureueng nyang takot akan Po gopnyan Nyan keuh balasan Neubri le Allah
Translation: Tgk. H. Mahjiddin Jusuf.