Surah 90 · 20 verses · Alin U Yin
Surah Al-Balad in Burmese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
لَآ أُقۡسِمُ بِهَٰذَا ٱلۡبَلَدِ
ထိုမျှမက၊ ငါအရှင်မြတ်သည် ဤ (အထွတ်အမြတ်ဖြစ်သောမက္ကဟ်) မြို့တော်ကို သက်သေထူတော်မူ၏။
وَأَنتَ حِلُّۢ بِهَٰذَا ٱلۡبَلَدِ
ထို့ပြင် (အို၊ ရစူလ်တမန်တော်) အသင်သည် ဤ (အထွတ်အမြတ်ဖြစ်သောမက္ကဟ်) မြို့တော်၌ (မည်သည့် အတားအဆီးမျှမရှိဘဲ လွတ်လပ်စွာ) အခြေချနေထိုင်ခွင့်ရသူ ဖြစ်၏။
وَوَالِدٍ وَمَا وَلَدَ
ထို့ပြင် (ငါအရှင်မြတ်သည်) ဖခင်ကြီးဖြစ်ခဲ့သူ (တမန်တော်အီဗ်ရာဟီးမ်) နှင့် (ယင်းဖခင်မှ) ဆင်းသက် လာသောသား (ဖြစ်သူ တမန်တော်မုဟမ္မဒ်) ကို သက်သေထူတော်မူ၏။
لَقَدۡ خَلَقۡنَا ٱلۡإِنسَٰنَ فِي كَبَدٍ
မုချဧကန်၊ ငါအရှင်မြတ်သည် လူသားကို (ကြီးကျယ်သော) ခက်ခဲမှုနှင့်စမ်းသပ်မှုကြား၌ပင် ဖွဲ့စည်းဖြစ်တည်စေတော်မူ၏။
أَيَحۡسَبُ أَن لَّن يَقۡدِرَ عَلَيۡهِ أَحَدٌ
လူသားသည် သူ့အပေါ်၌ မည်သူတစ်ဦးတစ်ယောက်မျှပင် (စည်းမျဉ်းနိယာမတော်များ သတ်မှတ်ပြဌာန်းလျက်) သြဇာအာဏာရှိနိုင်လိမ့်မည် မဟုတ်ဟု တွက်ချက်ထင်မှတ်လေသလော။
يَقُولُ أَهۡلَكۡتُ مَالًا لُّبَدًا
လူသားက “ကျွန်ုပ်သည် မြောက်မြားစွာသော ဥစ္စာဓနပိုင်ဆိုင်မှု အလျှံပယ်ကို သုံးဖြုန်းခဲ့ပြီ။” ဟု (ဂုဏ်ယူ စွာကား) ပြောဆိုလေ့ရှိ၏။
أَيَحۡسَبُ أَن لَّمۡ يَرَهُۥٓ أَحَدٌ
လူသားသည် သူ့အား မည်သူတစ်ဦးတစ်ယောက်မျှ (မည်သည့်အခါမျှပင်) စောင့်ကြည့် တွေ့မြင်နေလိမ့် မည်မဟုတ်ပေ။ “ဟု တွက်ချက်ထင်မှတ်လေသလော။
أَلَمۡ نَجۡعَل لَّهُۥ عَيۡنَيۡنِ
ငါအရှင်မြတ်သည် လူသားအတွက် သူ့မျက်စိနှစ်လုံးကို စီမံဖြစ်စေတော်မူသည် မဟုတ်လော။
وَلِسَانًا وَشَفَتَيۡنِ
ထို့ပြင် လျှာတစ်ခုနှင့်နှုတ်ခမ်း တစ်စုံကိုလည်း စီမံဖြစ်စေတော်မူသည် မဟုတ်လော။
وَهَدَيۡنَٰهُ ٱلنَّجۡدَيۡنِ
ထို့ပြင် ငါအရှင်မြတ်သည် လူသားအား (နာခံလိုက်နာစရာနှင့်ရှောင်ကြဥ်စရာ) လမ်းစဉ်နှစ်သွယ်ကို ညွှန်ပြတော်မူ၏။
فَلَا ٱقۡتَحَمَ ٱلۡعَقَبَةَ
သို့ပါလျက် လူသားသည် (တိုးတက်မှုလမ်းစဉ် ဖြစ်သော) တက်လမ်းအတွက် ရုန်းကန်အားထုတ်သည် မဟုတ်ပေ။
وَمَآ أَدۡرَىٰكَ مَا ٱلۡعَقَبَةُ
(တိုးတက်မှုလမ်းစဉ် ဖြစ်သော) တက်လမ်းမှာ အဘယ်နည်း။ “ဟူသည်ကို သင့်အား မည်သည့်အရာက သိနားလည်စေမည်နည်း။
فَكُّ رَقَبَةٍ
(တိုးတက်မှုလမ်းစဉ်ဖြစ်သော တက်လမ်းသည်) တစ်ဦးတစ်ယောက်အား (အဖိနှိပ်အချုပ်အနှောင်ခံ ထားရသောဘဝ၊ ကျွန်ဘဝမှ) လွတ်မြောက်စေခြင်းပင် ဖြစ်၏။
أَوۡ إِطۡعَٰمٌ فِي يَوۡمٍ ذِي مَسۡغَبَةٍ
သို့တည်းမဟုတ် (စားဝတ်နေရေး လွန်စွာ ခက်ခဲကျပ်တည်းလျက်) ဆင်းရဲငတ်မွတ်သောနေ့ကာလတွင် အစားအသောက်၊ ကျွေးမွေးစရာများဖြင့် ထောက်ပံ့ခြင်းပင် ဖြစ်၏။
يَتِيمًا ذَا مَقۡرَبَةٍ
မိဘမဲ့များနှင့်နီးစပ်သောဆွေမျိုးအသိုင်းအဝိုင်းများကိုလည်း (ထောက်ပံ့ခြင်းပင် ဖြစ်၏။)
أَوۡ مِسۡكِينًا ذَا مَتۡرَبَةٍ
သို့တည်းမဟုတ် မြေကြီးပေါ်၌ စိတ်ပျက်စရာကောင်းလောက်အောင် လူးလိမ့်နေသော ဒုက္ခိတများ၊ ဆင်းရဲကျပ်တည်းမှု၏ဝေဒနာကို ခံစားနေရသူများအား ထောက်ပံ့ခြင်းပင် ဖြစ်၏။
ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ
ထို့ပြင် သက်ဝင်ယုံကြည်သူတို့သည် ယုံကြည်ခြင်းအတူနှင့်အတူ ခန္တီသည်းခံကြံ့ခိုင်မှုမြဲမြံနှင့်စပ်လျဥ်း၍ အချင်းချင်း တစ်ဦးကိုတစ်ဦး အပြန်အလှန် အလေးအနက် တိုက်တွန်းနှိုးဆော်ဆုံးကြ၏။ ထိုနည်းတူစွာ ကရုဏာတရား၊ အကြင်နာတရား ထားရှိကြရန်လည်း အချင်းချင်း တစ်ဦးကိုတစ်ဦး အပြန်အလှန် အလေးအနက် တိုက်တွန်းနှိုးဆော်ဆုံးကြ၏။
أُوْلَٰٓئِكَ أَصۡحَٰبُ ٱلۡمَيۡمَنَةِ
ထိုသူတို့သည်ကား (ပေါက်မြောက်အောင်မြင်သူများဖြစ်ရုံသာမက ထာဝရပျော်ရွှင်သုခကို ရစေနိုင်သည့် စာရင်းရှင်းတမ်းအားလည်း လက်ယာလက်၌ရရှိမည့်) လက်ယာဘက်၏အပေါင်းအဖော်များပင် ဖြစ်ကြ၏။
وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ
(သို့ရာတွင် ငါအရှင်မြတ်၏ အာယသ်သက်သေလက္ခဏာတော်များကို မဟုတ်မတရား မမှန်မကန် လိမ်လည်စွပ်စွဲ၍ ငြင်းပယ်ကြသော မယုံကြည်သူတို့မှာမူ စိတ်ပျက်ဖွယ်ရာ ပြစ်ဒဏ်များကို ခံစားစေရန် စာရင်းရှင်းတမ်းအား လက်ဝဲဘက်၌ ရရှိမည့်) လက်ဝဲဘက်၏အပေါင်းအဖော်များပင် ဖြစ်ကြ၏။
عَلَيۡهِمۡ نَارٌ مُّؤۡصَدَةُۢ
ငရဲမီးသည် သူတို့အပေါ်၌ (သိမ်းကျုံးပိတ်လှောင်ထားသကဲ့သို့) ဝိုင်းပတ်လွှမ်းခြုံလျက်ပင် ရှိ၏။
Translation: Alin U Yin.