Surah 32 · 30 verses · Unknown

Surah As-Sajdah in Kendayan

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

32:1

الٓمٓ

Alif L±mM³m

32:2

تَنزِيلُ ٱلۡكِتَٰبِ لَا رَيۡبَ فِيهِ مِن رَّبِّ ٱلۡعَٰلَمِينَ

Turutnnya al-Quran koa nana’ ada karaguatn ka’ia, (ialah) dari Tuhan saluruh alam

32:3

أَمۡ يَقُولُونَ ٱفۡتَرَىٰهُۚ بَلۡ هُوَ ٱلۡحَقُّ مِن رَّبِّكَ لِتُنذِرَ قَوۡمًا مَّآ أَتَىٰهُم مِّن نَّذِيرٍ مِّن قَبۡلِكَ لَعَلَّهُمۡ يَهۡتَدُونَ

Tatapi ngahe iaka’koa (urakng kapir) bakata, ”Ia (Muhammad) udah ngada- ngadaatn. “Nana’, al-Quran koa kabenaratn (nang atakng) dari Tuhannyu, supaya kao mare’ paringatatn ka’ kaum nang nape’ paranah diatakngi urakng nang mare’ paringatatn sanape’ kao; supaya iaka’koa namu pantunjuk

32:4

ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٍ ثُمَّ ٱسۡتَوَىٰ عَلَى ٱلۡعَرۡشِۖ مَا لَكُم مِّن دُونِهِۦ مِن وَلِيٍّ وَلَا شَفِيعٍۚ أَفَلَا تَتَذَكَّرُونَ

Allah nang nyiptaatn langit man tanah air man ahe nang ada ka’ antara kaduanya dalapm anam masa, kamudian Ia basamayam ka’ atas Arsy.653 Baginyu nana’ seko’ urakng pun pamare’ sapa’at,654 salain Ia. Maka ahe ke’ kao nana maratiatnnya

32:5

يُدَبِّرُ ٱلۡأَمۡرَ مِنَ ٱلسَّمَآءِ إِلَى ٱلۡأَرۡضِ ثُمَّ يَعۡرُجُ إِلَيۡهِ فِي يَوۡمٍ كَانَ مِقۡدَارُهُۥٓ أَلۡفَ سَنَةٍ مِّمَّا تَعُدُّونَ

Ia ngatur sagala urusan dari langit ka’ tanah air, kamudian (urusan) koa naik ka’-Ia655 dalapm sote’ ari nang kadarnya (lamanya) ialah saribu tahutn manurut paretongan nyu

32:6

ذَٰلِكَ عَٰلِمُ ٱلۡغَيۡبِ وَٱلشَّهَٰدَةِ ٱلۡعَزِيزُ ٱلرَّحِيمُ

Nang ampakoa, ialah Tuhan nang nau’an nang gaib man nang nyata, nang Maha Gagah, Maha Panyayang

32:7

ٱلَّذِيٓ أَحۡسَنَ كُلَّ شَيۡءٍ خَلَقَهُۥۖ وَبَدَأَ خَلۡقَ ٱلۡإِنسَٰنِ مِن طِينٍ

Nang ngedo’i’ sagala sasuatu nang Ia ciptaatn man nang mulai’ mamuat Talino dari tanah

32:8

ثُمَّ جَعَلَ نَسۡلَهُۥ مِن سُلَٰلَةٍ مِّن مَّآءٍ مَّهِينٍ

Kamudiatn Ia nyadiatn katurunannya dari sari pati ai’ nang hina (ai’ mani)

32:9

ثُمَّ سَوَّىٰهُ وَنَفَخَ فِيهِ مِن رُّوحِهِۦۖ وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلًا مَّا تَشۡكُرُونَ

Kamudiatn Ia nyampuranaatn man nyiupatn roh (ciptaatn) –Nya ka’ dalapm (tubuh) nya man Ia nyadiatn panangaratn, panele’atn man ati ka’ kita’, (tatapi) sabebet sakali kita’ basukur

32:10

وَقَالُوٓاْ أَءِذَا ضَلَلۡنَا فِي ٱلۡأَرۡضِ أَءِنَّا لَفِي خَلۡقٍ جَدِيدِۭۚ بَلۡ هُم بِلِقَآءِ رَبِّهِمۡ كَٰفِرُونَ

Man iaka’koa bakata, ”Ahe ke’ kade’ kami udah lanyap (ancur) ka’ dalapm tanah, kami ada’a ka’ ciptaatn nang baru?656 Bahkan iaka’koa mangingkari’ patamuan mang Tuhannya

32:11

قُلۡ يَتَوَفَّىٰكُم مَّلَكُ ٱلۡمَوۡتِ ٱلَّذِي وُكِّلَ بِكُمۡ ثُمَّ إِلَىٰ رَبِّكُمۡ تُرۡجَعُونَ

Kataatnlah.” Mala’ekat maut nang di sarahi’ nto’ (mabut seugat) nyu akan matiatn kita’, kamudian ka’ Tuhannyu, kao akan dipulangktn”

32:12

وَلَوۡ تَرَىٰٓ إِذِ ٱلۡمُجۡرِمُونَ نَاكِسُواْ رُءُوسِهِمۡ عِندَ رَبِّهِمۡ رَبَّنَآ أَبۡصَرۡنَا وَسَمِعۡنَا فَٱرۡجِعۡنَا نَعۡمَلۡ صَٰلِحًا إِنَّا مُوقِنُونَ

Man (alangkah gali’nya), kade’ sakiranya kita’ nele’ urakng-urakng nang badosa koa nundukkatn kapalanya ka’ adapatn Tuhannya, (iaka’koa bakata), ”Wahe Tuhan kami, kami dah nele’ man nangar maka pulangkatn lah kami (ka’ dunia), tatap kami akan ngarajaatn kabaikan. Sungguh, kami ialah urakng-urakng nang yakin

32:13

وَلَوۡ شِئۡنَا لَأٓتَيۡنَا كُلَّ نَفۡسٍ هُدَىٰهَا وَلَٰكِنۡ حَقَّ ٱلۡقَوۡلُ مِنِّي لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ

Man kade’ kami ngahandaki’ tatap kami bare’atn ka’ satiap jiwa patunjuk (ka’) ia, tatapi udah ditatapatn pakataatn (katatapatn) dari-Ku, “Pasti akan Aku panohi’ naraka jahanam mang jin man talino samua

32:14

فَذُوقُواْ بِمَا نَسِيتُمۡ لِقَآءَ يَوۡمِكُمۡ هَٰذَآ إِنَّا نَسِينَٰكُمۡۖ وَذُوقُواْ عَذَابَ ٱلۡخُلۡدِ بِمَا كُنتُمۡ تَعۡمَلُونَ

Maka rasaatnlah di kita’ (sile saatu) disabapatn kita’ ngalalaiyatn patamuan mang ari nyu nian (ari kiamat), sabatolnya Kami pun ngalalaiyatn kita’ man rasaatn lah siksaatn nang kakal, atas ahe nang kao karajaatn”

32:15

إِنَّمَا يُؤۡمِنُ بِـَٔايَٰتِنَا ٱلَّذِينَ إِذَا ذُكِّرُواْ بِهَا خَرُّواْۤ سُجَّدًاۤ وَسَبَّحُواْ بِحَمۡدِ رَبِّهِمۡ وَهُمۡ لَا يَسۡتَكۡبِرُونَ

Urakng-urakng nang ba iman ka’ ayat-ayat Kami, ngge lah urakng-urakng nang kade’ diparingatatn ka’ia (ayat-ayat Kami), iaka’koa tasungkur sujud, 657 man batasbih sarata mamuji Tuhannya, man iaka’koa nana’ nyombongkatn diri’

32:16

تَتَجَافَىٰ جُنُوبُهُمۡ عَنِ ٱلۡمَضَاجِعِ يَدۡعُونَ رَبَّهُمۡ خَوۡفًا وَطَمَعًا وَمِمَّا رَزَقۡنَٰهُمۡ يُنفِقُونَ

Parut nyaka’koa jauh dari tampat tidur, 658 iaka’koa bapamang ka’ Tuhan nya, mang rasa gali’man panoh arap, man iaka’koa ngimpakatn sabagian dari rajaki nang Kami bare’atn ka’ iaka’koa

32:17

فَلَا تَعۡلَمُ نَفۡسٌ مَّآ أُخۡفِيَ لَهُم مِّن قُرَّةِ أَعۡيُنٍ جَزَآءَۢ بِمَا كَانُواْ يَعۡمَلُونَ

Maka nana’ saurakng pun nang nau’an ahe nang disosokkatn nto’ iaka’koa ialah (bamacam-macam nikmat) nang nyanangkatn ati sabage balasan tahadap ahe nang iaka’koa karajaatn

32:18

أَفَمَن كَانَ مُؤۡمِنًا كَمَن كَانَ فَاسِقًاۚ لَّا يَسۡتَوُۥنَ

Maka ahe ke’ urakng nang ba iman sama man urakng nang fâsiq (kapir)? iaka’koa nana’ sama

32:19

أَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَلَهُمۡ جَنَّٰتُ ٱلۡمَأۡوَىٰ نُزُلَۢا بِمَا كَانُواْ يَعۡمَلُونَ

Adapun urakng-urakng nang ba iman man ngarajaatn kabaikatn maka iaka’koa akan namu saruga-saruga tampat kadiaman, sabage pahala ka’ ahe nang udah iaka’koa karajaatn

32:20

وَأَمَّا ٱلَّذِينَ فَسَقُواْ فَمَأۡوَىٰهُمُ ٱلنَّارُۖ كُلَّمَآ أَرَادُوٓاْ أَن يَخۡرُجُواْ مِنۡهَآ أُعِيدُواْ فِيهَا وَقِيلَ لَهُمۡ ذُوقُواْ عَذَابَ ٱلنَّارِ ٱلَّذِي كُنتُم بِهِۦ تُكَذِّبُونَ

Man adapun urakng-urakng nang fâsiq (kapir) maka tampat kadiaman iaka’koa ialah naraka. Satiap kali iaka’koa mao’ kaluar darinya, iaka’koa dikambaliatn (agi’) ka’ dalapm nya, man dikataatn ka’ iaka’koa, “rasaatnlah siksaatn naraka nang de’e’ kita’ padah alok”

32:21

وَلَنُذِيقَنَّهُم مِّنَ ٱلۡعَذَابِ ٱلۡأَدۡنَىٰ دُونَ ٱلۡعَذَابِ ٱلۡأَكۡبَرِ لَعَلَّهُمۡ يَرۡجِعُونَ

Man pasti kami timpa’atn ka’ iaka’koa sabagian siksaatn nang samak (ka’dunia) sanape’ siksaatn nang labih aya’ (ka’ naherat); supaya iaka’koa pulakng (ka’ maraga nang banar)

32:22

وَمَنۡ أَظۡلَمُ مِمَّن ذُكِّرَ بِـَٔايَٰتِ رَبِّهِۦ ثُمَّ أَعۡرَضَ عَنۡهَآۚ إِنَّا مِنَ ٱلۡمُجۡرِمِينَ مُنتَقِمُونَ

Man sae ke’ nang labih jalim daripada urakng nang udah diparingatatn mang ayat- ayat Tuhannya, kamudian ia bapaling darinya? Sungguh, kami akan mare’atn balasatn ka’ urakng-urakng nang badosa

32:23

وَلَقَدۡ ءَاتَيۡنَا مُوسَى ٱلۡكِتَٰبَ فَلَا تَكُن فِي مِرۡيَةٍ مِّن لِّقَآئِهِۦۖ وَجَعَلۡنَٰهُ هُدًى لِّبَنِيٓ إِسۡرَٰٓءِيلَ

Man sungguh, udah kami anugarahatn Kitab (Taurat) ka’ Musa maka amelah kao (Muhammad) ragu-ragu narima’nya (al- Quran) man Kami jadiatn Kitab (Taurat) koa patunjuk kita’ bani Israil

32:24

وَجَعَلۡنَا مِنۡهُمۡ أَئِمَّةً يَهۡدُونَ بِأَمۡرِنَا لَمَّا صَبَرُواْۖ وَكَانُواْ بِـَٔايَٰتِنَا يُوقِنُونَ

Man Kami jadiatn ka’antara iaka’koa pamimpin-pamimpin nang mare’ patunjuk mang parentah Kami salama’ iaka’koa sabar. 660 Iaka’koa mucaya’i’ ayat-ayat Kami

32:25

إِنَّ رَبَّكَ هُوَ يَفۡصِلُ بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ

Sungguh Tuhannyu, Ia nang mare’atn kaputusan ka’ antara iaka’koa ka’ ari kiamat tantang ahe nang de’e’ iaka’koa pasalisihatn

32:26

أَوَلَمۡ يَهۡدِ لَهُمۡ كَمۡ أَهۡلَكۡنَا مِن قَبۡلِهِم مِّنَ ٱلۡقُرُونِ يَمۡشُونَ فِي مَسَٰكِنِهِمۡۚ إِنَّ فِي ذَٰلِكَ لَأٓيَٰتٍۚ أَفَلَا يَسۡمَعُونَ

Man nana’ ke’ jadi patunjuk bagi iaka’koa, dah basangahe umat-umat sanape’ iaka’koa nang udah Kami binasaatn, sadangkan iaka’koa babaro bajalatn ka’ tampat-tampat kadiaman iaka’koa. Sungguh, ka’ nang ampakoa ada tanda-tanda (kakuasa’an Allah). Ahe ke’ iaka’koa nana’ nangaratn (Maratiatn)

32:27

أَوَلَمۡ يَرَوۡاْ أَنَّا نَسُوقُ ٱلۡمَآءَ إِلَى ٱلۡأَرۡضِ ٱلۡجُرُزِ فَنُخۡرِجُ بِهِۦ زَرۡعًا تَأۡكُلُ مِنۡهُ أَنۡعَٰمُهُمۡ وَأَنفُسُهُمۡۚ أَفَلَا يُبۡصِرُونَ

Man nana’ ke’ iaka’koa maratiatn bahoa’ Kami ngarahatn rahu’ (awan) nang ngandong) ai’ ka’ ai’ tanah nang tandus, lalu Kami tumuhatn (mang ai’ ujatn koa) tanam- tanaman sahingga ayaman iaka’koa, man iaka’koa babaro dapat makatn darinya. maka ngahe iaka’koa nana’ maratiatn

32:28

وَيَقُولُونَ مَتَىٰ هَٰذَا ٱلۡفَتۡحُ إِن كُنتُمۡ صَٰدِقِينَ

Man iaka’koa bataya’, “mule ke’ kamanangan koa (atakng) kade’ kao urakng nang banar

32:29

قُلۡ يَوۡمَ ٱلۡفَتۡحِ لَا يَنفَعُ ٱلَّذِينَ كَفَرُوٓاْ إِيمَٰنُهُمۡ وَلَا هُمۡ يُنظَرُونَ

Kataatnlah, ”ka’ ari kamanangan661 koa, nana’ banguna agi’ ka’ urakng-urakng kapir kaimanan iaka’koa man iaka’koa nana’ dibare’ pananggohan”

32:30

فَأَعۡرِضۡ عَنۡهُمۡ وَٱنتَظِرۡ إِنَّهُم مُّنتَظِرُونَ

Maka bapalinglah kao dari iaka’koa man tunggulah, sabatolnya iaka’koa (uga’) nunggu

Translation: Unknown.