Surah 45 · 37 verses · Sheikh Amissi Radjabu Ntamba
Surah Al-Jathiyah in Rundi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ
Imanurwa ry’iki gitabu ryavuye ku Mana nyene ubushobozi n’ubuhizi
إِنَّ فِي ٱلسَّمَٰوَٰتِ وَٱلۡأَرۡضِ لَأٓيَٰتٍ لِّلۡمُؤۡمِنِينَ
Ntankeka mw’Ijuru no kw’Isi hariho ibimenyetso bininiya kubera abantu bemera Imana yabo y’ukuri
وَفِي خَلۡقِكُمۡ وَمَا يَبُثُّ مِن دَآبَّةٍ ءَايَٰتٌ لِّقَوۡمٍ يُوقِنُونَ
No mw’ishusho ryanyu no mubiremwa yasanzaje hirya no hino harimwo ibimenyetso biri ku bantu bafise icizero
وَٱخۡتِلَٰفِ ٱلَّيۡلِ وَٱلنَّهَارِ وَمَآ أَنزَلَ ٱللَّهُ مِنَ ٱلسَّمَآءِ مِن رِّزۡقٍ فَأَحۡيَا بِهِ ٱلۡأَرۡضَ بَعۡدَ مَوۡتِهَا وَتَصۡرِيفِ ٱلرِّيَٰحِ ءَايَٰتٌ لِّقَوۡمٍ يَعۡقِلُونَ
Nukubisanya kw’Ijoro n’Umutaga hamwe n’Imigisha Imana yamanuye ivuye mubicu hamwe nukuzurwa kw’Isi mugihe yari yarapfuye, no kwihindagurika kw’Imiyaga, harimwo ibimenyetso ku bantu bafise ubwenge
تِلۡكَ ءَايَٰتُ ٱللَّهِ نَتۡلُوهَا عَلَيۡكَ بِٱلۡحَقِّۖ فَبِأَيِّ حَدِيثِۭ بَعۡدَ ٱللَّهِ وَءَايَٰتِهِۦ يُؤۡمِنُونَ
Aya majambo y’Imana tugusomera na y’ukuri, none n’ibihe biganiro bazo kwemera inyuma y’Imana y’ukuri hamwe n’amjambo yayo
وَيۡلٌ لِّكُلِّ أَفَّاكٍ أَثِيمٍ
Uguhonywa kw’umuntu kuzo mushikira kuwugira ububeshi afise bw’umurengero bw’ibicumuro
يَسۡمَعُ ءَايَٰتِ ٱللَّهِ تُتۡلَىٰ عَلَيۡهِ ثُمَّ يُصِرُّ مُسۡتَكۡبِرًا كَأَن لَّمۡ يَسۡمَعۡهَاۖ فَبَشِّرۡهُ بِعَذَابٍ أَلِيمٍ
Uwumviriza amajambo y’Imana mugihe ariko arasomwa kuriwe, hanyuma agaca afatira kuvyabujijwe hamwe nu kwishima nkuko atavyo yigeze yumva, rero nimu mubwire inkuru y’ibihano bibabaza
وَإِذَا عَلِمَ مِنۡ ءَايَٰتِنَا شَيۡـًٔا ٱتَّخَذَهَا هُزُوًاۚ أُوْلَٰٓئِكَ لَهُمۡ عَذَابٌ مُّهِينٌ
Mugihe yatahuye ikintu gitoyi mu majambo yacu matagatifu aca agifata minenerwe, abantu nk’abo nibo bazoba bafise ibihano bitetereza
مِّن وَرَآئِهِمۡ جَهَنَّمُۖ وَلَا يُغۡنِي عَنۡهُم مَّا كَسَبُواْ شَيۡـًٔا وَلَا مَا ٱتَّخَذُواْ مِن دُونِ ٱللَّهِ أَوۡلِيَآءَۖ وَلَهُمۡ عَذَابٌ عَظِيمٌ
N’inyuma yabo hariho umuriro udahera witiriwe Jahannamu, nivyo bagize vyose ntana kimwe kizoba marira canke muba bakingira babafashe aho gufashwa n’Imana nabo bazoronka ibihano bininiya cane
هَٰذَا هُدًىۖ وَٱلَّذِينَ كَفَرُواْ بِـَٔايَٰتِ رَبِّهِمۡ لَهُمۡ عَذَابٌ مِّن رِّجۡزٍ أَلِيمٌ
Ubu n’uburokoke, na bamwe bahakanye amajambo y’Umuremyi wabo bazoba bafise ibihano bininiya bizoba bivanye n’ibihano bibabaza cane
ٱللَّهُ ٱلَّذِي سَخَّرَ لَكُمُ ٱلۡبَحۡرَ لِتَجۡرِيَ ٱلۡفُلۡكُ فِيهِ بِأَمۡرِهِۦ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ
Imana niyo yabaremeye ibiyaga, no murivyo hacamwo amato kw’itegeko ryayo kandi muronderere mwo imigisha yanyu nugu kenguruka kandi mushime
وَسَخَّرَ لَكُم مَّا فِي ٱلسَّمَٰوَٰتِ وَمَا فِي ٱلۡأَرۡضِ جَمِيعًا مِّنۡهُۚ إِنَّ فِي ذَٰلِكَ لَأٓيَٰتٍ لِّقَوۡمٍ يَتَفَكَّرُونَ
Niyo yabaremeye ibiri mumajuru no kw’Isi, vyose n’ivyavuye iwe, ntankeka rero muri ibi vyose harimwo ibimenyetso ku bantu biyumvira
قُل لِّلَّذِينَ ءَامَنُواْ يَغۡفِرُواْ لِلَّذِينَ لَا يَرۡجُونَ أَيَّامَ ٱللَّهِ لِيَجۡزِيَ قَوۡمَۢا بِمَا كَانُواْ يَكۡسِبُونَ
Nubwire bamwe bemeye Imana yabo y’ukuri babagirire ikigongwe bamwe badatinya imisi y’Imana kugira ngo ibarihe abantu kuvyo bahora bagira
مَنۡ عَمِلَ صَٰلِحًا فَلِنَفۡسِهِۦۖ وَمَنۡ أَسَآءَ فَعَلَيۡهَاۖ ثُمَّ إِلَىٰ رَبِّكُمۡ تُرۡجَعُونَ
Uwugira ineza iyariyo yose bivana n’umutima wiwe n’uwugira inabi iyariyo yose bivana n’umutima wiwe, hanyuma muzo subizwa ku Muremyi wanyu
وَلَقَدۡ ءَاتَيۡنَا بَنِيٓ إِسۡرَٰٓءِيلَ ٱلۡكِتَٰبَ وَٱلۡحُكۡمَ وَٱلنُّبُوَّةَ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَى ٱلۡعَٰلَمِينَ
Mu vy’ukuri twarahaye bene Israeri igitabu c’Imana hamwe n’amategeko hamwe n’ubutumwa bw’Imana, dutako tubaha n’ibintu vyiza vyiza hanyuma tubaha n’iteka ntangere gusumba abandi bantu
وَءَاتَيۡنَٰهُم بَيِّنَٰتٍ مِّنَ ٱلۡأَمۡرِۖ فَمَا ٱخۡتَلَفُوٓاْ إِلَّا مِنۢ بَعۡدِ مَا جَآءَهُمُ ٱلۡعِلۡمُ بَغۡيَۢا بَيۡنَهُمۡۚ إِنَّ رَبَّكَ يَقۡضِي بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ
Duca tubaha insiguro iri k’umugaragaro hamwe n’amategeko y’Imana, rero ntibigeze bacanamwo atari muyuma y’ugushikirwa n’ubumenyi kubera inzigo yari hagati yabo, mu vy’ukuri Umuremyi wawe azocira urubanza ruzoba hagati yabo k’umusi w’umuhero w’Isi kubijanye nivyo batumvikana ko
ثُمَّ جَعَلۡنَٰكَ عَلَىٰ شَرِيعَةٍ مِّنَ ٱلۡأَمۡرِ فَٱتَّبِعۡهَا وَلَا تَتَّبِعۡ أَهۡوَآءَ ٱلَّذِينَ لَا يَعۡلَمُونَ
Hanyuma twebwe twagushize hejuru y’ubutungane n’amategeko yacu, rero n’uyakurikize kandi ntukurikire ivyo bipfuza abo bantu atabumenyi bafise
إِنَّهُمۡ لَن يُغۡنُواْ عَنكَ مِنَ ٱللَّهِ شَيۡـًٔاۚ وَإِنَّ ٱلظَّٰلِمِينَ بَعۡضُهُمۡ أَوۡلِيَآءُ بَعۡضٍۖ وَٱللَّهُ وَلِيُّ ٱلۡمُتَّقِينَ
Mu vy’ukuri abo bantu ntaco bazo kumarira n’ikintu na kimwe imbere y’Imana mu vy’ukuri abahemukiye imitima yabo nibo bagenzi babo kuribo, n’Imana niyo mugenzi wabamwe bayitakambira
هَٰذَا بَصَٰٓئِرُ لِلنَّاسِ وَهُدًى وَرَحۡمَةٌ لِّقَوۡمٍ يُوقِنُونَ
Ibi n’ivyemezo biri k’umugaragaro ku bantu bose, navyo n’uburokoke n’imigisha ku bantu bavyemeza
أَمۡ حَسِبَ ٱلَّذِينَ ٱجۡتَرَحُواْ ٱلسَّيِّـَٔاتِ أَن نَّجۡعَلَهُمۡ كَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَوَآءً مَّحۡيَاهُمۡ وَمَمَاتُهُمۡۚ سَآءَ مَا يَحۡكُمُونَ
Mbega biyumvira bamwe bagize amarorerwa y’ibicumuro yuko tuzobagira nkabemeye Imana yabo y’ukuri nukugira ibikorwa vyiza yuko ubuzima bwabo hamwe n’urupfu rwabo bizoba bingana?N’urubanza rubi bazociribwa
وَخَلَقَ ٱللَّهُ ٱلسَّمَٰوَٰتِ وَٱلۡأَرۡضَ بِٱلۡحَقِّ وَلِتُجۡزَىٰ كُلُّ نَفۡسِۭ بِمَا كَسَبَتۡ وَهُمۡ لَا يُظۡلَمُونَ
N’Imana niyo yaremye Amajuru n’Isi bimwe vy’ukuri kugira ngo umutima w’umuntu uwariwe wese urihwe kubijanye nivyo wakoze, nabo ntibazo hemukirwa
أَفَرَءَيۡتَ مَنِ ٱتَّخَذَ إِلَٰهَهُۥ هَوَىٰهُ وَأَضَلَّهُ ٱللَّهُ عَلَىٰ عِلۡمٍ وَخَتَمَ عَلَىٰ سَمۡعِهِۦ وَقَلۡبِهِۦ وَجَعَلَ عَلَىٰ بَصَرِهِۦ غِشَٰوَةً فَمَن يَهۡدِيهِ مِنۢ بَعۡدِ ٱللَّهِۚ أَفَلَا تَذَكَّرُونَ
Mbega wamubonye umwe yagira ivyo yishakiye kubwiwe yuko ariwe Mana yiwe n’Imana ica imureka uko nyene ngo azimire hamwe nuko afise ubumenyi, mugabo Imana ica itera ikidodo hejuru y’amatwi yiwe no kumutima wiwe nuguca ishira ikiganza cayo kumaso yiwe, none ni nde azomu rongora munyuma y’Imana, mbega mwebwe ntimwibuka
وَقَالُواْ مَا هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا يُهۡلِكُنَآ إِلَّا ٱلدَّهۡرُۚ وَمَا لَهُم بِذَٰلِكَ مِنۡ عِلۡمٍۖ إِنۡ هُمۡ إِلَّا يَظُنُّونَ
Nabo bavuze bati:- ntabuzima bwariho atari ubu buzima bwo ng’aha kw’Isi turapfa kandi nukubaho, kandi nta kiduhonya, atari ubu buzima bwo ng’aha kw’Isi, mugabo ntabumenyi bafise bw’ivyo bintu, mugabo naba kekeranya gusa
وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٍ مَّا كَانَ حُجَّتَهُمۡ إِلَّآ أَن قَالُواْ ٱئۡتُواْ بِـَٔابَآئِنَآ إِن كُنتُمۡ صَٰدِقِينَ
No mugihe basomewe amajambo y’Imana matagatifu ari k’umugaragaro ntacitwazo bari bafise atari uko bavuga bati:- nimuzane abavyeyi banyu nimwaba mwebwe muvugisha ukuri kwama
قُلِ ٱللَّهُ يُحۡيِيكُمۡ ثُمَّ يُمِيتُكُمۡ ثُمَّ يَجۡمَعُكُمۡ إِلَىٰ يَوۡمِ ٱلۡقِيَٰمَةِ لَا رَيۡبَ فِيهِ وَلَٰكِنَّ أَكۡثَرَ ٱلنَّاسِ لَا يَعۡلَمُونَ
Vuga uti:- Imana niyo ibaha ubu buzima, hanyuma ikabica, hanyuma niyo izo begeranya mwese uko muri k’umusi w’imperuka ata makenga arimwo, mugabo abantu benshi ntavyo bazi
وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۚ وَيَوۡمَ تَقُومُ ٱلسَّاعَةُ يَوۡمَئِذٍ يَخۡسَرُ ٱلۡمُبۡطِلُونَ
N’ubwami bw’Amajuru n’Isi n’ubw’Imana, n’umusi hazoboneka umusi w’umuhero w’Isi uwo musi niho hazohonywa abazoba bashigikiranye n’amabi yose
وَتَرَىٰ كُلَّ أُمَّةٍ جَاثِيَةًۚ كُلُّ أُمَّةٍ تُدۡعَىٰٓ إِلَىٰ كِتَٰبِهَا ٱلۡيَوۡمَ تُجۡزَوۡنَ مَا كُنتُمۡ تَعۡمَلُونَ
Uzobona imirwi y’abantu yose yapfukamye, n’umurwi umwe umwe uzohamagarwa uja gusoma igitabu cawo hanyuma ubwirwe uti:- uno musi uri hejuru nuwo guhembwa kuvyo mwahora mugira
هَٰذَا كِتَٰبُنَا يَنطِقُ عَلَيۡكُم بِٱلۡحَقِّۚ إِنَّا كُنَّا نَسۡتَنسِخُ مَا كُنتُمۡ تَعۡمَلُونَ
Iki gitabu cacu kibabwiza ukuri kwama, ntankeka rero twebwe twamye narindi twandika ivyo mwahora mugira vyose
فَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَيُدۡخِلُهُمۡ رَبُّهُمۡ فِي رَحۡمَتِهِۦۚ ذَٰلِكَ هُوَ ٱلۡفَوۡزُ ٱلۡمُبِينُ
Nayo bamwe bemeye Imana yabo y’ukuri bagatako bakagira ibikorwa vyiza ngaha kw’Isi, Umuremyi wabo azo binjiza mumigisha yayo, kuko niyo izoba ari intsinzi yabo iri k’umugaragaro
وَأَمَّا ٱلَّذِينَ كَفَرُوٓاْ أَفَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَٱسۡتَكۡبَرۡتُمۡ وَكُنتُمۡ قَوۡمًا مُّجۡرِمِينَ
Nayo abahakanye Imana yabo y’ukuri, bazobwirwa bati:- mbega ntamajambo yanje mwamye musomerwa namwe mugaca mwishima nukuba mu bantu babi cane
وَإِذَا قِيلَ إِنَّ وَعۡدَ ٱللَّهِ حَقٌّ وَٱلسَّاعَةُ لَا رَيۡبَ فِيهَا قُلۡتُم مَّا نَدۡرِي مَا ٱلسَّاعَةُ إِن نَّظُنُّ إِلَّا ظَنًّا وَمَا نَحۡنُ بِمُسۡتَيۡقِنِينَ
Havuzwe hati:- mu vy’ukuri indagano y’Imana ni y’ukuri hamwe n’umusi w’imperuka ntamakenga arimwo, mwamye muvuga muti:- twebwe uwo musi w’umuhero w’Isi ntawo tuzi kandi twebwe ntaco twikeka atari uko ari ibihuha gusa kandi ntavyo twemera
وَبَدَا لَهُمۡ سَيِّـَٔاتُ مَا عَمِلُواْ وَحَاقَ بِهِم مَّا كَانُواْ بِهِۦ يَسۡتَهۡزِءُونَ
Rero amabi bakoze azogaragara, kandi azoba kikuza kuvyo bafashe minenerwe
وَقِيلَ ٱلۡيَوۡمَ نَنسَىٰكُمۡ كَمَا نَسِيتُمۡ لِقَآءَ يَوۡمِكُمۡ هَٰذَا وَمَأۡوَىٰكُمُ ٱلنَّارُ وَمَا لَكُم مِّن نَّٰصِرِينَ
Hazovugwa hati:- uno musi turabibagiye nkuko namwe mwibagiye uyu musi wanyu, n’ivyicaro vyanyu nivyo mu muriro udahera, kandi ntawuzoba rokora
ذَٰلِكُم بِأَنَّكُمُ ٱتَّخَذۡتُمۡ ءَايَٰتِ ٱللَّهِ هُزُوًا وَغَرَّتۡكُمُ ٱلۡحَيَوٰةُ ٱلدُّنۡيَاۚ فَٱلۡيَوۡمَ لَا يُخۡرَجُونَ مِنۡهَا وَلَا هُمۡ يُسۡتَعۡتَبُونَ
Ivyo vyose n’ukubera yuko mwebwe mwafashe aya majambo y’Imana matagatifu minenerwe, hamwe n’ubuzima bwo ngaha kw’Isi nabwo buraba henda, rero uno musi uri hejuru ntawuzova muri uwo muriro udahera kandi ntibazo kwemererwa ivyitwazo vyabo
فَلِلَّهِ ٱلۡحَمۡدُ رَبِّ ٱلسَّمَٰوَٰتِ وَرَبِّ ٱلۡأَرۡضِ رَبِّ ٱلۡعَٰلَمِينَ
Rero ihayagizwa ryose ryiza ni ry’Imana, umuremyi w’Amajuru, n’umuremyi w’Isi, n’umuremyi w’ibiremwa vyose
وَلَهُ ٱلۡكِبۡرِيَآءُ فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ
N’ubukuru bwo mw’Ijuru no kw’Isi n’ubwiwe, kandi niyo nyene ubushobozi n’ubuhizi buhagije
Translation: Sheikh Amissi Radjabu Ntamba.