Surah 14 · 52 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Ibrahim in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

14:1

الٓرۚ كِتَٰبٌ أَنزَلۡنَٰهُ إِلَيۡكَ لِتُخۡرِجَ ٱلنَّاسَ مِنَ ٱلظُّلُمَٰتِ إِلَى ٱلنُّورِ بِإِذۡنِ رَبِّهِمۡ إِلَىٰ صِرَٰطِ ٱلۡعَزِيزِ ٱلۡحَمِيدِ

Alif Lam Ra. Eshitabu sheshibwa khwiwe kho orusie Abandu mushilima obayile mubulafu, khubuchami bwa Nyasaye wabu, Oboosie khunjila ya ulia Owokhushila Owitsomibungwa

14:2

ٱللَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَوَيۡلٌ لِّلۡكَٰفِرِينَ مِنۡ عَذَابٍ شَدِيدٍ

Nyasaye, ulia owebili mwikulu nende khushialo bioosi nebibie yenyene, ne eshinyasio eshilulu shiliba khubakhayi

14:3

ٱلَّذِينَ يَسۡتَحِبُّونَ ٱلۡحَيَوٰةَ ٱلدُّنۡيَا عَلَى ٱلۡأٓخِرَةِ وَيَصُدُّونَ عَن سَبِيلِ ٱللَّهِ وَيَبۡغُونَهَا عِوَجًاۚ أُوْلَٰٓئِكَ فِي ضَلَٰلِۭ بَعِيدٍ

Balia bachama obulamu bwokhushialo okhushila bwo mwikulu, ne bekalilanga injila ya Nyasaye ne bayenyelanga okhukotiombokha, abo bali mubukori obwahale

14:4

وَمَآ أَرۡسَلۡنَا مِن رَّسُولٍ إِلَّا بِلِسَانِ قَوۡمِهِۦ لِيُبَيِّنَ لَهُمۡۖ فَيُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَهُوَ ٱلۡعَزِيزُ ٱلۡحَكِيمُ

Ne shikhwaruma Omurumwa yesi yesi okhuyiniakhwo khulusungo olwa Abandu baye, anyoole okhubenoosilia, kho Nyasaye alekhule owayenya okhukora akore, ne alunjisia owayenya, naye niye wa Amaani Owamachesi

14:5

وَلَقَدۡ أَرۡسَلۡنَا مُوسَىٰ بِـَٔايَٰتِنَآ أَنۡ أَخۡرِجۡ قَوۡمَكَ مِنَ ٱلظُّلُمَٰتِ إِلَى ٱلنُّورِ وَذَكِّرۡهُم بِأَيَّىٰمِ ٱللَّهِۚ إِنَّ فِي ذَٰلِكَ لَأٓيَٰتٍ لِّكُلِّ صَبَّارٍ شَكُورٍ

Netoto khwaruma Musa nende ebimanyisio biefu (nikhumuboolela mbu ) “orusie Abandubo okhurula mushilima okhutsia mubulafu, ne obetsulisie tsinyanga tsia Nyasaye” Toto mu ako khulimwo nende ebifune khubalia befwilanga nende okhupa orio

14:6

وَإِذۡ قَالَ مُوسَىٰ لِقَوۡمِهِ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ أَنجَىٰكُم مِّنۡ ءَالِ فِرۡعَوۡنَ يَسُومُونَكُمۡ سُوٓءَ ٱلۡعَذَابِ وَيُذَبِّحُونَ أَبۡنَآءَكُمۡ وَيَسۡتَحۡيُونَ نِسَآءَكُمۡۚ وَفِي ذَٰلِكُم بَلَآءٌ مِّن رَّبِّكُمۡ عَظِيمٌ

Olwakhwaruma Musa khubandu bebe,(nababoolela mbu) istulile tsimbabaasi tsia Nyasaye tsili khwinywe. Olwa khwabahabina okhurula khubandu ba Firauni, ababahelesinjia eshinyasio eshilulu, abasinzanga Abana benyu abasiani nenibalekha abeshikhasi, toto mukano kalimwo amarechekho amakhongo okhurula khu Nyasaye wenyu

14:7

وَإِذۡ تَأَذَّنَ رَبُّكُمۡ لَئِن شَكَرۡتُمۡ لَأَزِيدَنَّكُمۡۖ وَلَئِن كَفَرۡتُمۡ إِنَّ عَذَابِي لَشَدِيدٌ

(Itsulila) olwa Nyasaye wenyu yaboola mbu; “nimukhupa orio ndalabametela, ne ni muba abakhayi manye mbu eshinyasio shianje neshilulu muno

14:8

وَقَالَ مُوسَىٰٓ إِن تَكۡفُرُوٓاْ أَنتُمۡ وَمَن فِي ٱلۡأَرۡضِ جَمِيعًا فَإِنَّ ٱللَّهَ لَغَنِيٌّ حَمِيدٌ

Musa naboola mbu; “Enywe nimuba abakhayi nende biosi bili mushialo toto Nyasaye ni Omuyinda Owitsomibungwa muno

14:9

أَلَمۡ يَأۡتِكُمۡ نَبَؤُاْ ٱلَّذِينَ مِن قَبۡلِكُمۡ قَوۡمِ نُوحٍ وَعَادٍ وَثَمُودَ وَٱلَّذِينَ مِنۢ بَعۡدِهِمۡ لَا يَعۡلَمُهُمۡ إِلَّا ٱللَّهُۚ جَآءَتۡهُمۡ رُسُلُهُم بِٱلۡبَيِّنَٰتِ فَرَدُّوٓاْ أَيۡدِيَهُمۡ فِيٓ أَفۡوَٰهِهِمۡ وَقَالُوٓاْ إِنَّا كَفَرۡنَا بِمَآ أُرۡسِلۡتُم بِهِۦ وَإِنَّا لَفِي شَكٍّ مِّمَّا تَدۡعُونَنَآ إِلَيۡهِ مُرِيبٍ

Ko kashili okhuboolelakhwo amakhuwa kabalia baliho Imbeli wenyu? Abandu ba Nuhu nende Adi nende Thamud, nende balia betsa abo nibakharulaho, abulaho ubamanyile halali Nyasaye, Abarumwa babetsela nende ebifune bili habulafu. Nibara emikhono chiabu khuminwa mana nibaboola mbu; “Toto efwe khukhayile akamwarumwa nako. Ne efwe khuli nende inganakani ikhunyasinjia mukamukhulanjilangakhwo ako.”

14:10

قَالَتۡ رُسُلُهُمۡ أَفِي ٱللَّهِ شَكٌّ فَاطِرِ ٱلسَّمَٰوَٰتِ وَٱلۡأَرۡضِۖ يَدۡعُوكُمۡ لِيَغۡفِرَ لَكُم مِّن ذُنُوبِكُمۡ وَيُؤَخِّرَكُمۡ إِلَىٰٓ أَجَلٍ مُّسَمًّىۚ قَالُوٓاْ إِنۡ أَنتُمۡ إِلَّا بَشَرٌ مِّثۡلُنَا تُرِيدُونَ أَن تَصُدُّونَا عَمَّا كَانَ يَعۡبُدُ ءَابَآؤُنَا فَأۡتُونَا بِسُلۡطَٰنٍ مُّبِينٍ

Abarumwa babu nibaboola mbu: ‘‘koo Mukanakanilanga Nyasaye Omulonji welikulu nende eshialo? Ye abalanganga mbu abaleshele ebionono bienyu, ne abahelesie obwiyangu okhula khubise biarebwaho” Nibaboola mbu; “ Enywe mulisa Abandu shinga efwe, mwenyanga butswa okhukhwikalila nende akabapapa befu balamanga, kho murere akokhuchenyia kali habulafu”

14:11

قَالَتۡ لَهُمۡ رُسُلُهُمۡ إِن نَّحۡنُ إِلَّا بَشَرٌ مِّثۡلُكُمۡ وَلَٰكِنَّ ٱللَّهَ يَمُنُّ عَلَىٰ مَن يَشَآءُ مِنۡ عِبَادِهِۦۖ وَمَا كَانَ لَنَآ أَن نَّأۡتِيَكُم بِسُلۡطَٰنٍ إِلَّا بِإِذۡنِ ٱللَّهِۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ

Abarumwa babu nibababoolela mbu; “Efwe khulisa Abandu shinga enywe, halali Nyasaye akholelanga obulayi wayenya mubandu baye, Ne efwe shikhunyala okhubarerera akokhuchenyia kamwenyanga ako tawe, halali khubuchami bwa Nyasaye. Ne Nyasaye butswa niye awabasuubili besiche.’’

14:12

وَمَا لَنَآ أَلَّا نَتَوَكَّلَ عَلَى ٱللَّهِ وَقَدۡ هَدَىٰنَا سُبُلَنَاۚ وَلَنَصۡبِرَنَّ عَلَىٰ مَآ ءَاذَيۡتُمُونَاۚ وَعَلَى ٱللَّهِ فَلۡيَتَوَكَّلِ ٱلۡمُتَوَكِّلُونَ

“Ne khuli khurie akhulesika Nyasaye niyamala okhwechesia tsinjila tsiefu. Ne khwitsa okhwifwila khumasinyisio kenyu kamukhusinyisinjia. Kho ni Nyasaye butswa niwabesiche abamwisikanga

14:13

وَقَالَ ٱلَّذِينَ كَفَرُواْ لِرُسُلِهِمۡ لَنُخۡرِجَنَّكُم مِّنۡ أَرۡضِنَآ أَوۡ لَتَعُودُنَّ فِي مِلَّتِنَاۖ فَأَوۡحَىٰٓ إِلَيۡهِمۡ رَبُّهُمۡ لَنُهۡلِكَنَّ ٱلظَّٰلِمِينَ

Ne balia abakhayi baboolela Abarumwa babu mbu; “Khwitsa okhubarusia mushialo shiefu nohomba mukalukhe khu milukha chiefu” Mana Nyasaye wabu nabafimbulila mbu; “Khwitsa okhusishia Abandu ababii”

14:14

وَلَنُسۡكِنَنَّكُمُ ٱلۡأَرۡضَ مِنۢ بَعۡدِهِمۡۚ ذَٰلِكَ لِمَنۡ خَافَ مَقَامِي وَخَافَ وَعِيدِ

Ne khwitsa okhubamenyia khushialo bonibakhatsia. Ako ni khubalia baria okhwemibwa imbeli wanje, mana nibaria amekanyilisio kanje

14:15

وَٱسۡتَفۡتَحُواْ وَخَابَ كُلُّ جَبَّارٍ عَنِيدٍ

Ne nibakonyakonya (buli injila yokhushila) ne buli omufuru omubii nashilwa

14:16

مِّن وَرَآئِهِۦ جَهَنَّمُ وَيُسۡقَىٰ مِن مَّآءٍ صَدِيدٍ

Inyuma wuwe khuli nende omulilo (Jahannam,) ne alinywesibwa amatsi kamafila

14:17

يَتَجَرَّعُهُۥ وَلَا يَكَادُ يُسِيغُهُۥ وَيَأۡتِيهِ ٱلۡمَوۡتُ مِن كُلِّ مَكَانٍ وَمَا هُوَ بِمَيِّتٍۖ وَمِن وَرَآئِهِۦ عَذَابٌ غَلِيظٌ

Ali kara mumunwa ne shalinyala okhukamila tawe. Lifwa lilimwitsila okhurula buli tsimbeka, naye shalifwa tawe, ne inyuma waye aliba nende eshinyasio shindi eshilulu

14:18

مَّثَلُ ٱلَّذِينَ كَفَرُواْ بِرَبِّهِمۡۖ أَعۡمَٰلُهُمۡ كَرَمَادٍ ٱشۡتَدَّتۡ بِهِ ٱلرِّيحُ فِي يَوۡمٍ عَاصِفٍۖ لَّا يَقۡدِرُونَ مِمَّا كَسَبُواْ عَلَىٰ شَيۡءٍۚ ذَٰلِكَ هُوَ ٱلضَّلَٰلُ ٱلۡبَعِيدُ

Balia abakhaya Nyasaye wabu, ebikhole biabu bili shinga likoshe eliatumulwa nende omuyeka kweyinyanga yeyimbumbuyeka, shibalinyala shiosi shiosi khukabakhola tawe. Obo nibo obukori obukhongo

14:19

أَلَمۡ تَرَ أَنَّ ٱللَّهَ خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّۚ إِن يَشَأۡ يُذۡهِبۡكُمۡ وَيَأۡتِ بِخَلۡقٍ جَدِيدٍ

Koo! Sholola mbu Nyasaye yalonga likulu nende eshialo khu bwatoto? Ne niyenya nabarusiaho ne arera Abandu bandi abayiakha

14:20

وَمَا ذَٰلِكَ عَلَى ٱللَّهِ بِعَزِيزٍ

Ne elo khu Nyasaye shinilitinyu tawe

14:21

وَبَرَزُواْ لِلَّهِ جَمِيعًا فَقَالَ ٱلضُّعَفَٰٓؤُاْ لِلَّذِينَ ٱسۡتَكۡبَرُوٓاْ إِنَّا كُنَّا لَكُمۡ تَبَعًا فَهَلۡ أَنتُم مُّغۡنُونَ عَنَّا مِنۡ عَذَابِ ٱللَّهِ مِن شَيۡءٍۚ قَالُواْ لَوۡ هَدَىٰنَا ٱللَّهُ لَهَدَيۡنَٰكُمۡۖ سَوَآءٌ عَلَيۡنَآ أَجَزِعۡنَآ أَمۡ صَبَرۡنَا مَا لَنَا مِن مَّحِيصٍ

Ne boosi baliemibwa imbeli wa Nyasaye, awo Abandu bali abateshele baliboolela balia abelolanga abakhongo mbu “Efwe khwabalondangakhwo enywe, kholaano enywe munyala okhurusiliakhwo eshindu eshititi khushinyasio shia Nyasaye” Baliboola mbu; “Nyasaye abetsanga mbu yakhulekha khwalunjikha khwakhabalunjisiye, ninashilala butswa awo, khupapale nohomba khwisumilisie, khubula wakhwilushila.”

14:22

وَقَالَ ٱلشَّيۡطَٰنُ لَمَّا قُضِيَ ٱلۡأَمۡرُ إِنَّ ٱللَّهَ وَعَدَكُمۡ وَعۡدَ ٱلۡحَقِّ وَوَعَدتُّكُمۡ فَأَخۡلَفۡتُكُمۡۖ وَمَا كَانَ لِيَ عَلَيۡكُم مِّن سُلۡطَٰنٍ إِلَّآ أَن دَعَوۡتُكُمۡ فَٱسۡتَجَبۡتُمۡ لِيۖ فَلَا تَلُومُونِي وَلُومُوٓاْ أَنفُسَكُمۖ مَّآ أَنَا۠ بِمُصۡرِخِكُمۡ وَمَآ أَنتُم بِمُصۡرِخِيَّ إِنِّي كَفَرۡتُ بِمَآ أَشۡرَكۡتُمُونِ مِن قَبۡلُۗ إِنَّ ٱلظَّٰلِمِينَ لَهُمۡ عَذَابٌ أَلِيمٌ

Ne Shetani aliboola, olwa omuse kulibusibwa, mbu; “Nyasaye yabalaka indakano yatoto, nasi nebalaka mana nekhaya okhubakholela shingala khwalakana. Ne shindalikhwo nobunyali khwinye tawe, halali ndabalanganga butswa, nanyu nimufuchilila. Kho mulafunania tawe, mwifunanie abeene. Shindakhanyala okhubakhoonya nohomba enywe shimunyala okhukhoonya tawe. Toto esie ndakhaya okhunzokasia khwenyu okhurula khale” Toto abamabii baliba nende eshinyasio eshilulu

14:23

وَأُدۡخِلَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٍ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا بِإِذۡنِ رَبِّهِمۡۖ تَحِيَّتُهُمۡ فِيهَا سَلَٰمٌ

Ne balia basuubila mana nibakhola amalayi balinjisibwa mumikunda chiburangamwo emialo hasi wachio, balikhalamwo tsinyanga tsiosi omo khubuchami bwa Nyasaye wabu. Amashesanio kabu omo kaliba mbu: “mulembe.”

14:24

أَلَمۡ تَرَ كَيۡفَ ضَرَبَ ٱللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصۡلُهَا ثَابِتٌ وَفَرۡعُهَا فِي ٱلسَّمَآءِ

Koo! Shiwalolakhwo shingala Nyasaye yachelaasia, amakhuwa amalayi kali shinga omusala omulayi imisi chiakwo nemitinyu, ne amasaka kakwo kali hekulu

14:25

تُؤۡتِيٓ أُكُلَهَا كُلَّ حِينِۭ بِإِذۡنِ رَبِّهَاۗ وَيَضۡرِبُ ٱللَّهُ ٱلۡأَمۡثَالَ لِلنَّاسِ لَعَلَّهُمۡ يَتَذَكَّرُونَ

Kurusinjia ebiamo biakwo buli ebise khubuchami bwa Nyasaye wakwo. Ne Nyasaye akhupilanga Abandu amachelasio khobanyoole okhwitsulila

14:26

وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ ٱجۡتُثَّتۡ مِن فَوۡقِ ٱلۡأَرۡضِ مَا لَهَا مِن قَرَارٍ

Ne okhufwana khwa amakhuwa amabii khuli shinga omusala omubii okwasiulwa okhurula mwiloba, kubula ememelo

14:27

يُثَبِّتُ ٱللَّهُ ٱلَّذِينَ ءَامَنُواْ بِٱلۡقَوۡلِ ٱلثَّابِتِ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۖ وَيُضِلُّ ٱللَّهُ ٱلظَّٰلِمِينَۚ وَيَفۡعَلُ ٱللَّهُ مَا يَشَآءُ

Nyasaye atinyilisinjia balia abasuubila, nende amakhuwa amatinyu mubulamu bwokhushialo nende bwomwikulu. Ne Nyasaye alekhanga bakora balia abakholanga obubii. Ne Nyasaye akholanga shinga yenya

14:28

أَلَمۡ تَرَ إِلَى ٱلَّذِينَ بَدَّلُواْ نِعۡمَتَ ٱللَّهِ كُفۡرًا وَأَحَلُّواْ قَوۡمَهُمۡ دَارَ ٱلۡبَوَارِ

Koo shiwalolakhwo balia abakalukhania tsimbabaasi tsia Nyasaye, khulwa okhukhaya, mana nibosia Abandu babu munzu yokhutiba

14:29

جَهَنَّمَ يَصۡلَوۡنَهَاۖ وَبِئۡسَ ٱلۡقَرَارُ

Mumulilo kwa Jahannam balinjilamwo, ne ni habundu habii muno okhwikhala

14:30

وَجَعَلُواْ لِلَّهِ أَندَادًا لِّيُضِلُّواْ عَن سَبِيلِهِۦۗ قُلۡ تَمَتَّعُواْ فَإِنَّ مَصِيرَكُمۡ إِلَى ٱلنَّارِ

Ne bakholela Nyasaye obutsokaasi mbu khobanyoole okhukosia Abandu khunjila Yiyie, boola; “mwisangasiekhwo hatiti, mana amakalushilo kenyu nimumulilo.”

14:31

قُل لِّعِبَادِيَ ٱلَّذِينَ ءَامَنُواْ يُقِيمُواْ ٱلصَّلَوٰةَ وَيُنفِقُواْ مِمَّا رَزَقۡنَٰهُمۡ سِرًّا وَعَلَانِيَةً مِّن قَبۡلِ أَن يَأۡتِيَ يَوۡمٌ لَّا بَيۡعٌ فِيهِ وَلَا خِلَٰلٌ

Boolela Abasumba banje basuubila mbu; “Balumilile okhulaama (iswala) ne barusie khubilia ebiakhubakabile, mubwifisi nende mubuwang’angu, inyanga ibula okhwinunula nohomba obwitsa nishili okhula.”

14:32

ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَأَنزَلَ مِنَ ٱلسَّمَآءِ مَآءً فَأَخۡرَجَ بِهِۦ مِنَ ٱلثَّمَرَٰتِ رِزۡقًا لَّكُمۡۖ وَسَخَّرَ لَكُمُ ٱلۡفُلۡكَ لِتَجۡرِيَ فِي ٱلۡبَحۡرِ بِأَمۡرِهِۦۖ وَسَخَّرَ لَكُمُ ٱلۡأَنۡهَٰرَ

Nyasaye niye owaloonga likulu nende eshialo mana niyeshia okhurula mwikulu amatsi, mana namesilia amatsi ako ebiamo okhuba omukabo kwenyu, mana nabakholela amaro kanyoole okhuchenda mu nyanza khubuchami bubwe, ne nabahelesia emialo

14:33

وَسَخَّرَ لَكُمُ ٱلشَّمۡسَ وَٱلۡقَمَرَ دَآئِبَيۡنِۖ وَسَخَّرَ لَكُمُ ٱلَّيۡلَ وَٱلنَّهَارَ

Na niye wabanguyilisilia eliuba nende omwesi, obulamu babio bwosi. Ne nabanguyisilia eshilo nende eshitere

14:34

وَءَاتَىٰكُم مِّن كُلِّ مَا سَأَلۡتُمُوهُۚ وَإِن تَعُدُّواْ نِعۡمَتَ ٱللَّهِ لَا تُحۡصُوهَآۗ إِنَّ ٱلۡإِنسَٰنَ لَظَلُومٌ كَفَّارٌ

Ne nabahelesia buli shiamumusabile. Ne nimubala tsimbabaasi tsia Nyasaye shimunyala okhutsimala tawe, toto Omundu ni owamabii omukhongo owubula okhupa orio tawe

14:35

وَإِذۡ قَالَ إِبۡرَٰهِيمُ رَبِّ ٱجۡعَلۡ هَٰذَا ٱلۡبَلَدَ ءَامِنًا وَٱجۡنُبۡنِي وَبَنِيَّ أَن نَّعۡبُدَ ٱلۡأَصۡنَامَ

Ne Ibrahim olwayaboola mbu; “Nyasaye wanje okhole litokho lino libe nomulembe, ne unzikalile esie nende Abana banje okhulaama ebifwanani

14:36

رَبِّ إِنَّهُنَّ أَضۡلَلۡنَ كَثِيرًا مِّنَ ٱلنَّاسِۖ فَمَن تَبِعَنِي فَإِنَّهُۥ مِنِّيۖ وَمَنۡ عَصَانِي فَإِنَّكَ غَفُورٌ رَّحِيمٌ

“Nyasaye wanje! Toto (Ebifwanani) bino bikosiye Abandu abanji, kho ulonda esie oyo niye owanje naye ukhaya, toto ewe oli omunji wobulesheli nende omunji wetsimbabaasi.”

14:37

رَّبَّنَآ إِنِّيٓ أَسۡكَنتُ مِن ذُرِّيَّتِي بِوَادٍ غَيۡرِ ذِي زَرۡعٍ عِندَ بَيۡتِكَ ٱلۡمُحَرَّمِ رَبَّنَا لِيُقِيمُواْ ٱلصَّلَوٰةَ فَٱجۡعَلۡ أَفۡـِٔدَةً مِّنَ ٱلنَّاسِ تَهۡوِيٓ إِلَيۡهِمۡ وَٱرۡزُقۡهُم مِّنَ ٱلثَّمَرَٰتِ لَعَلَّهُمۡ يَشۡكُرُونَ

“Nyasaye wefu, toto esie emenyiyie Abandu banje mushialo shibulamwo omumela kwosi kwosi, munzu yiyo yoluyali. Nyasaye wefu, bakhole balumilile okhulaama(Sala), ne okhole emioyo chiabandu chibetsekhwo ne abahelesie emikabo chiebiamo kho banyoole okhupa orio

14:38

رَبَّنَآ إِنَّكَ تَعۡلَمُ مَا نُخۡفِي وَمَا نُعۡلِنُۗ وَمَا يَخۡفَىٰ عَلَى ٱللَّهِ مِن شَيۡءٍ فِي ٱلۡأَرۡضِ وَلَا فِي ٱلسَّمَآءِ

Nyasaye wefu, toto ewe omanyile kakhufisanga nende akakhuretsanga habulafu, ne shibulaho shifisanga khu Nyasaye, shiosi shiosi- khushialo nohomba mwikulu

14:39

ٱلۡحَمۡدُ لِلَّهِ ٱلَّذِي وَهَبَ لِي عَلَى ٱلۡكِبَرِ إِسۡمَٰعِيلَ وَإِسۡحَٰقَۚ إِنَّ رَبِّي لَسَمِيعُ ٱلدُّعَآءِ

Oluyali nilwa Nyasaye, owambelesia neng’ofule Ismaeil nende Is-haq, toto Nyasaye wanje ni Omuwulili muno wamasayo

14:40

رَبِّ ٱجۡعَلۡنِي مُقِيمَ ٱلصَّلَوٰةِ وَمِن ذُرِّيَّتِيۚ رَبَّنَا وَتَقَبَّلۡ دُعَآءِ

Nyasaye wanje ukhole embe omulumilili wokhulaama, nende olwibulo lwanje, Nyasaye wefu fuchililila amasayo

14:41

رَبَّنَا ٱغۡفِرۡ لِي وَلِوَٰلِدَيَّ وَلِلۡمُؤۡمِنِينَ يَوۡمَ يَقُومُ ٱلۡحِسَابُ

“Nyasaye wanje, undeshele, nende Abebusi banje babili, nende Abasuubili inyanga yokhubalwa shingala iliula.”

14:42

وَلَا تَحۡسَبَنَّ ٱللَّهَ غَٰفِلًا عَمَّا يَعۡمَلُ ٱلظَّٰلِمُونَۚ إِنَّمَا يُؤَخِّرُهُمۡ لِيَوۡمٍ تَشۡخَصُ فِيهِ ٱلۡأَبۡصَٰرُ

Ne olapara mbu Nyasaye akandalanga khuka abamabii bakholanga tawe. Toto ye abasitinjia imbeli okhula inyanga yetsimoni tsilikhookha

14:43

مُهۡطِعِينَ مُقۡنِعِي رُءُوسِهِمۡ لَا يَرۡتَدُّ إِلَيۡهِمۡ طَرۡفُهُمۡۖ وَأَفۡـِٔدَتُهُمۡ هَوَآءٌ

Balitsia tsimbilo, imirwe nichili hekulu, ne tsimoni tsiabu nitsilamotia motia tawe, ne emioyo chiabu nichili emikhaya

14:44

وَأَنذِرِ ٱلنَّاسَ يَوۡمَ يَأۡتِيهِمُ ٱلۡعَذَابُ فَيَقُولُ ٱلَّذِينَ ظَلَمُواْ رَبَّنَآ أَخِّرۡنَآ إِلَىٰٓ أَجَلٍ قَرِيبٍ نُّجِبۡ دَعۡوَتَكَ وَنَتَّبِعِ ٱلرُّسُلَۗ أَوَلَمۡ تَكُونُوٓاْ أَقۡسَمۡتُم مِّن قَبۡلُ مَا لَكُم مِّن زَوَالٍ

Ne wikanyilisie Abandu inyanga yeshinyasio shiliboolela, Abamabii baliboola mbu; “Nyasaye wefu, khusitiliekhwo ibise hatiti, khwitsa okhufuchilila omulango kukwo, nekhulalonda Abarumwa’’ “Koo shimwalikhwo ni mwetsuba khale mbu enywe shimulisikukhakhwo tawe?”

14:45

وَسَكَنتُمۡ فِي مَسَٰكِنِ ٱلَّذِينَ ظَلَمُوٓاْ أَنفُسَهُمۡ وَتَبَيَّنَ لَكُمۡ كَيۡفَ فَعَلۡنَا بِهِمۡ وَضَرَبۡنَا لَكُمُ ٱلۡأَمۡثَالَ

“Mana ni mumenya habundu wabaliasa bakholela obubii emioyo chiabu, mana nibibaloloshela shingala khwabakhola, ne nikhubopela emachelasio koosi (nanyu nimwalabukulila oluchendo tawe)

14:46

وَقَدۡ مَكَرُواْ مَكۡرَهُمۡ وَعِندَ ٱللَّهِ مَكۡرُهُمۡ وَإِن كَانَ مَكۡرُهُمۡ لِتَزُولَ مِنۡهُ ٱلۡجِبَالُ

Netoto bakhola ebifwanga biabu, ne ebifwanga biabu bili ewa Nyasaye abimanyile , ne kata nikali mbu ebifwanga biabu nibisitia tsingulu

14:47

فَلَا تَحۡسَبَنَّ ٱللَّهَ مُخۡلِفَ وَعۡدِهِۦ رُسُلَهُۥٓۚ إِنَّ ٱللَّهَ عَزِيزٌ ذُو ٱنتِقَامٍ

Kho shimulapara mbu Nyasaye afunakanga indakano yiyie khubarumwa bebe tawe. Toto Nyasaye niye wokhushila naye niye woyimongo

14:48

يَوۡمَ تُبَدَّلُ ٱلۡأَرۡضُ غَيۡرَ ٱلۡأَرۡضِ وَٱلسَّمَٰوَٰتُۖ وَبَرَزُواْ لِلَّهِ ٱلۡوَٰحِدِ ٱلۡقَهَّارِ

Inyanga weliloba lilikalukhanibwa okhuba liloba elindi, nende likulu, nabo baliemibwa imbeli wa Nyasaye Mulala Owa amani

14:49

وَتَرَى ٱلۡمُجۡرِمِينَ يَوۡمَئِذٍ مُّقَرَّنِينَ فِي ٱلۡأَصۡفَادِ

Ne olilola Abamabii inyanga eyo nibaboyelwe khuminyororo

14:50

سَرَابِيلُهُم مِّن قَطِرَانٍ وَتَغۡشَىٰ وُجُوهَهُمُ ٱلنَّارُ

Thingubo tsiabu tsiliba tsieyilamu, ne omulilo kuliitsila obweni bwabu

14:51

لِيَجۡزِيَ ٱللَّهُ كُلَّ نَفۡسٍ مَّا كَسَبَتۡۚ إِنَّ ٱللَّهَ سَرِيعُ ٱلۡحِسَابِ

Kho Nyasaye arunje buli Omundu khu kalia akayakhola. Toto Nyasaye ni Omwangu wokhubala

14:52

هَٰذَا بَلَٰغٌ لِّلنَّاسِ وَلِيُنذَرُواْ بِهِۦ وَلِيَعۡلَمُوٓاْ أَنَّمَا هُوَ إِلَٰهٌ وَٰحِدٌ وَلِيَذَّكَّرَ أُوْلُواْ ٱلۡأَلۡبَٰبِ

Kano kayela khubandu, bekanyilisibwe khuko, Ne banyoole okhumanya mbu Ye ni Nyasaye mulala butswa, kho balia abobwongo betsulile

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.