Surah 15 · 99 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah
Surah Al-Hijr in Luyia
بِسۡمِ ٱللَّهِ ٱلرَّحۡمَٰنِ ٱلرَّحِيمِ
الٓرۚ تِلۡكَ ءَايَٰتُ ٱلۡكِتَٰبِ وَقُرۡءَانٍ مُّبِينٍ
Alif Lam Ra. Tsino ni tsinyali tsieshitabu nende Ikurani yinoosinjia
رُّبَمَا يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ
Awundi balitsa bekomba balia bakhaya mbu bamanyanga baba Abasalamu
ذَرۡهُمۡ يَأۡكُلُواْ وَيَتَمَتَّعُواْ وَيُلۡهِهِمُ ٱلۡأَمَلُۖ فَسَوۡفَ يَعۡلَمُونَ
Baleshesa balie ebiakhulia mana basangale, mana bakatibwe nende liparo lwobubeyi (mbu balileshelwa), ahambi ano betsa okhumanya
وَمَآ أَهۡلَكۡنَا مِن قَرۡيَةٍ إِلَّا وَلَهَا كِتَابٌ مَّعۡلُومٌ
Ne shikhwasishiakhwo olukongo lwosi lwosi tawe halali lwali nende ebise bialwo bimanyikhane
مَّا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ
Ne babulaho Abandu bosi bosi banyala okhwuranjilila ebise bieyindukho biabu, nohomba shibanyala okhushindibwa tawe
وَقَالُواْ يَٰٓأَيُّهَا ٱلَّذِي نُزِّلَ عَلَيۡهِ ٱلذِّكۡرُ إِنَّكَ لَمَجۡنُونٌ
Nebaboola mbu; “ Ewe ulia oweshilibwakhwo amestulisio, toto ewe oli omulalu”
لَّوۡمَا تَأۡتِينَا بِٱلۡمَلَٰٓئِكَةِ إِن كُنتَ مِنَ ٱلصَّٰدِقِينَ
“Shichila shina nolakhurerera Abamalaika nikali mbu ewe oli mubaboolanga obwatoto?’’
مَا نُنَزِّلُ ٱلۡمَلَٰٓئِكَةَ إِلَّا بِٱلۡحَقِّ وَمَا كَانُوٓاْ إِذًا مُّنظَرِينَ
Efwe shikhwishinjia Abamalaika halali khubwatoto (ebise biokhusishibwa khwabu nibiula), ne awo shibalihebwa obwiyangu tawe (balisishibwa butswa)
إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ
Toto efwe khweshia ametsulisio kano, ne khandi toto efwe nefwe khwitsa okhukalinda
وَلَقَدۡ أَرۡسَلۡنَا مِن قَبۡلِكَ فِي شِيَعِ ٱلۡأَوَّلِينَ
Ne toto khwaruma Abarumwa mumikanda chia Abandu beyimbeli
وَمَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ
Ne Omurumwa yesiyesi shiyabetselanga halali bo bamukholelanga omubayo
كَذَٰلِكَ نَسۡلُكُهُۥ فِي قُلُوبِ ٱلۡمُجۡرِمِينَ
Ne endio nilwakhwinjisinjia mumioyo chia balia abamabii
لَا يُؤۡمِنُونَ بِهِۦ وَقَدۡ خَلَتۡ سُنَّةُ ٱلۡأَوَّلِينَ
Shibasuubilanga kano tawe, ne bamala okhulola shingala kali khubandu bali imbeli wabu eyo
وَلَوۡ فَتَحۡنَا عَلَيۡهِم بَابًا مِّنَ ٱلسَّمَآءِ فَظَلُّواْ فِيهِ يَعۡرُجُونَ
Ne khubafungulilanga omuliango kwo mwikulu mana baba nibaninanga
لَقَالُوٓاْ إِنَّمَا سُكِّرَتۡ أَبۡصَٰرُنَا بَلۡ نَحۡنُ قَوۡمٌ مَّسۡحُورُونَ
Kho bakhaboolele mbu; “tsimoni tsiefu tsimeesibwe ne efwe abeene khulochelwe.”
وَلَقَدۡ جَعَلۡنَا فِي ٱلسَّمَآءِ بُرُوجًا وَزَيَّنَّٰهَا لِلنَّٰظِرِينَ
Ne toto khwara mwikulu tsing’ining’ini, mana nikhutsirona khubalia bokhuhenga
وَحَفِظۡنَٰهَا مِن كُلِّ شَيۡطَٰنٍ رَّجِيمٍ
Ne khwatsilinda okhurulana nende buli Shetani ulondungwa
إِلَّا مَنِ ٱسۡتَرَقَ ٱلسَّمۡعَ فَأَتۡبَعَهُۥ شِهَابٌ مُّبِينٌ
Halali ulia uwulilisinjia mukhwiba, naye mana, amulondangakhwo nende eshichenga shiomulilo shilolokha
وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ شَيۡءٍ مَّوۡزُونٍ
Ne liloba khwaliala mana nikhuramwo tsingulu ne nikhumesiamwo buli eshindu khushichelo
وَجَعَلۡنَا لَكُمۡ فِيهَا مَعَٰيِشَ وَمَن لَّسۡتُمۡ لَهُۥ بِرَٰزِقِينَ
Ne nikhubakasiliamwo obulamu, nende ebindi bia enywe mulabikabilanga tawe
وَإِن مِّن شَيۡءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٍ مَّعۡلُومٍ
Ne shibulaho shiosi shiosi halali shirula khwifwe, nesikhushiishinjia tawe halali khushichelo shimanyishe
وَأَرۡسَلۡنَا ٱلرِّيَٰحَ لَوَٰقِحَ فَأَنزَلۡنَا مِنَ ٱلسَّمَآءِ مَآءً فَأَسۡقَيۡنَٰكُمُوهُ وَمَآ أَنتُمۡ لَهُۥ بِخَٰزِنِينَ
Ne khureranga omuyeka kwitsulemwo liime, ne khwishinjia amatsi okhurula mumaleesi ako. Mana khubanywesinjia amatsi ako. Ne shimuli enywe mukabikhanga tawe
وَإِنَّا لَنَحۡنُ نُحۡيِۦ وَنُمِيتُ وَنَحۡنُ ٱلۡوَٰرِثُونَ
Ne ni efwe khulamusinjia ne ninefwe abafwisinjia, na ni efwe nefwe abalichelama. (abalikalusia)
وَلَقَدۡ عَلِمۡنَا ٱلۡمُسۡتَقۡدِمِينَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِينَ
Ne khwamanya abaranjililanga mwinywe, nekhumanyile abatong’a inyuma
وَإِنَّ رَبَّكَ هُوَ يَحۡشُرُهُمۡۚ إِنَّهُۥ حَكِيمٌ عَلِيمٌ
Ne toto Nyasaye wuwo niye wakhabakhung’asie toto Ye niye Owamachesi Omumanyi muno
وَلَقَدۡ خَلَقۡنَا ٱلۡإِنسَٰنَ مِن صَلۡصَٰلٍ مِّنۡ حَمَإٍ مَّسۡنُونٍ
Ne toto khwalonga Omundu okhurula khwiloba eliumu, elirusinjia- omwoyo- isauti(nilituywa) elirulana nende amatoyi karebwakhwo ifwani
وَٱلۡجَآنَّ خَلَقۡنَٰهُ مِن قَبۡلُ مِن نَّارِ ٱلسَّمُومِ
Ne Amajiini khwakalonga imbeli awo, okhurulana nende omuyeka kwo mulilo
وَإِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرًا مِّن صَلۡصَٰلٍ مِّنۡ حَمَإٍ مَّسۡنُونٍ
Ne Nyasaye wuwo olwayaboolela Malaika mbu; “Toto esie nditsa okhulonga Omundu okhurula khuliloba liwumukhanga, lirulana nende amatoyi akarebwamwo ifwani
فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ
Kho olwa ndalamala okhumulonga mana nemufuramwo emiuya chianje, mumwinamile khulwa okhumuwa eshiribwa
إِلَّآ إِبۡلِيسَ أَبَىٰٓ أَن يَكُونَ مَعَ ٱلسَّٰجِدِينَ
Halali Ibilisi, yakhaya okhuba halala nende balia benama
قَالَ يَٰٓإِبۡلِيسُ مَا لَكَ أَلَّا تَكُونَ مَعَ ٱلسَّٰجِدِينَ
(Nyasaye)Naboola mbu; “Ewe Ibilisi obele orie olabeele halala nende abenaame?”
قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٍ مِّنۡ حَمَإٍ مَّسۡنُونٍ
Naboola; “Shenyala okhwinamila Omundu wawaloonga khuliloba eliumu lirusinjia -omwoyo- isauti, elirula khu matoyi karebwakhwo ifwani tawe.”
وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ
Ne toto oli nende eshilamo shianje okhula inyanga yeyindukho.”
قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ
Naboola mbu; “Nyasaye wanje Omulesi! Mbelesie obwiyangu okhula inyanga yabalilamusibwa”
قَالَ فَإِنَّكَ مِنَ ٱلۡمُنظَرِينَ
(Nyasaye) Naboola mbu; “toto ewe olimubalia bahebwa obwiyangu
قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ
Naboola;“Nyasayewanje!shingalawambusilia okhukora nditsa okhubaronela(abandu) khushialo ne nditsa okhubakosia boosi.”
قَالَ هَٰذَا صِرَٰطٌ عَلَيَّ مُسۡتَقِيمٌ
(Nyasaye) naboola mbu “ino ni injila yokhwitsa ewanje ingololofu”
إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ
“Ne toto Abandu banje ewe sholaba nende obunyali khubo tawe, halali balia abakori bakhulondakhwo
وَإِنَّ جَهَنَّمَ لَمَوۡعِدُهُمۡ أَجۡمَعِينَ
Ne toto Jahannam niho habundu wabu, wabakasilibwa bosi
لَهَا سَبۡعَةُ أَبۡوَٰبٍ لِّكُلِّ بَابٍ مِّنۡهُمۡ جُزۡءٌ مَّقۡسُومٌ
Ili nende emiliango saba, nebuli omuliango kuli nende ebuleka yakabulwa
إِنَّ ٱلۡمُتَّقِينَ فِي جَنَّٰتٍ وَعُيُونٍ
Toto balia baria Nyasaye baliba mumikunda nende tsisebele
وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٍ مُّتَقَٰبِلِينَ
Ne khulirusia amakhonye akali mubilifu biabu, ne baliba (shinga) Abananda nibekhale khubisala biobwami nibahengana
لَا يَمَسُّهُمۡ فِيهَا نَصَبٌ وَمَا هُم مِّنۡهَا بِمُخۡرَجِينَ
Shibulibatilakhwo obuchong’e bwosi bwosi omo tawe, ne shibalirusibwamwo tawe
نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ
Boolela Abasumba banje mbu esie nesie Owobulesheli obunji Owetsimbabaasi muno
وَأَنَّ عَذَابِي هُوَ ٱلۡعَذَابُ ٱلۡأَلِيمُ
Ne eshinyasio shianje nisho eshinyasio eshilulu muno
إِذۡ دَخَلُواْ عَلَيۡهِ فَقَالُواْ سَلَٰمًا قَالَ إِنَّا مِنكُمۡ وَجِلُونَ
Olwa benjila ewuwe nibaboola mbu; “mulembe” naboola mbu : “toto efwe khubakorerwe.”
قَالُواْ لَا تَوۡجَلۡ إِنَّا نُبَشِّرُكَ بِغُلَٰمٍ عَلِيمٍ
Nibaboola mbu; Olaria tawe efwe khukhusubisia Omusiani wa machesi amanji”
قَالَ أَبَشَّرۡتُمُونِي عَلَىٰٓ أَن مَّسَّنِيَ ٱلۡكِبَرُ فَبِمَ تُبَشِّرُونَ
Naboola; “Oh! Mumboolelanga kano, nemalile okhukofula, kho ni munjila shina yamumboolelangamwo kano?”
قَالُواْ بَشَّرۡنَٰكَ بِٱلۡحَقِّ فَلَا تَكُن مِّنَ ٱلۡقَٰنِطِينَ
Nibaboola mbu; “Toto efwe khukhuboolela khubwatoto kho sholaba mubalia abafwitsanga omwoyo tawe.”
قَالَ وَمَن يَقۡنَطُ مِن رَّحۡمَةِ رَبِّهِۦٓ إِلَّا ٱلضَّآلُّونَ
Naboola mbu; “Ne niwina ufwitsanga omwoyo okhurulana nende tsimbabaasi tsia Nyasaye wuwe halali balia abakora?”
قَالَ فَمَا خَطۡبُكُمۡ أَيُّهَا ٱلۡمُرۡسَلُونَ
Naboola; “Mana shiamumbolela shindi nishina enywe Abarumwa
قَالُوٓاْ إِنَّآ أُرۡسِلۡنَآ إِلَىٰ قَوۡمٍ مُّجۡرِمِينَ
Nibaboola mbu; “Efwe khurumilwe khubandu abamabii”
إِلَّآ ءَالَ لُوطٍ إِنَّا لَمُنَجُّوهُمۡ أَجۡمَعِينَ
Halali balia abaloonda Luti. Toto efwe khwitsa okhuhabina abo boosi
إِلَّا ٱمۡرَأَتَهُۥ قَدَّرۡنَآ إِنَّهَا لَمِنَ ٱلۡغَٰبِرِينَ
Halali omukhasi wuwe khumalile okhulola mbu alaba mubandu balitong’a inyuma
قَالُواْ بَلۡ جِئۡنَٰكَ بِمَا كَانُواْ فِيهِ يَمۡتَرُونَ
Nibaboola mbu; “mana efwe khukhureerere kalia kabakholelanga obukanakani” nomulembe
وَأَتَيۡنَٰكَ بِٱلۡحَقِّ وَإِنَّا لَصَٰدِقُونَ
“Ne khukhwitsile khubulaamba, netoto efwe khuboolanga obwatoto.”
فَأَسۡرِ بِأَهۡلِكَ بِقِطۡعٍ مِّنَ ٱلَّيۡلِ وَٱتَّبِعۡ أَدۡبَٰرَهُمۡ وَلَا يَلۡتَفِتۡ مِنكُمۡ أَحَدٌ وَٱمۡضُواْ حَيۡثُ تُؤۡمَرُونَ
“Kho rula nende Abandu bawo, ebise bilala mubise bieshilo, nawe abalondekhwo, neyesiyesi mwinywe alakalukhanakhwo okhuhenga inyuma tawe, nemutsie wamulomesibungwa
وَقَضَيۡنَآ إِلَيۡهِ ذَٰلِكَ ٱلۡأَمۡرَ أَنَّ دَابِرَ هَٰٓؤُلَآءِ مَقۡطُوعٌ مُّصۡبِحِينَ
Nenikhumubusilia likhuwa elo, mbu emisi chiabu chitsa okhutetwa mumabwibwi
قَالَ إِنَّ هَٰٓؤُلَآءِ ضَيۡفِي فَلَا تَفۡضَحُونِ
(Lut) Naboola mbu; “Toto bano ni abacheni banje khomulafimbia omurwe tawe”
قَالُوٓاْ أَوَلَمۡ نَنۡهَكَ عَنِ ٱلۡعَٰلَمِينَ
Nibaboola mbu: “efwe shikhwakhukaniakho (okhurera) Abandu (belwanyi)
قَالَ هَٰٓؤُلَآءِ بَنَاتِيٓ إِن كُنتُمۡ فَٰعِلِينَ
Naboola mbu: “ bano nabakhana banje itse ebahelesie(mubateshie) toto enywe nimuli abakholanga
لَعَمۡرُكَ إِنَّهُمۡ لَفِي سَكۡرَتِهِمۡ يَعۡمَهُونَ
Nditsuba khulubaka lulwo, mbu : “abo bali mubumesi bwabu nibanyakhananga eshikhaya.”
فَجَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهِمۡ حِجَارَةً مِّن سِجِّيلٍ
Mana nikhukhola hasi wabu okhuba hekulu, mana nikhubakwisilia ifula ya machina yeliloba lwomumulilo.”
إِنَّ فِي ذَٰلِكَ لَأٓيَٰتٍ لِّلۡمُتَوَسِّمِينَ
Toto mu ako khulimwo nende ameeko khubandu baretsanga amakhuwa khushichelo
فَٱنتَقَمۡنَا مِنۡهُمۡ وَإِنَّهُمَا لَبِإِمَامٍ مُّبِينٍ
Mana nikhubahelesia eshinyasio, ne ebialo bibili bino bili khunjila ili habulafu
وَءَاتَيۡنَٰهُمۡ ءَايَٰتِنَا فَكَانُواْ عَنۡهَا مُعۡرِضِينَ
Ne nikhubahelesia abimanyisio biefu nabo nibalabukulamwo oluchendo tawe
وَكَانُواْ يَنۡحِتُونَ مِنَ ٱلۡجِبَالِ بُيُوتًا ءَامِنِينَ
Ne bakwotanga tsingulu nibakasia tsinzu
فَمَآ أَغۡنَىٰ عَنۡهُم مَّا كَانُواْ يَكۡسِبُونَ
Mana akabakholanga nikalabakhonyakhwo shiosi shiosi tawe
وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّۗ وَإِنَّ ٱلسَّاعَةَ لَأٓتِيَةٌۖ فَٱصۡفَحِ ٱلصَّفۡحَ ٱلۡجَمِيلَ
Ne shikhwalonga likulu nende eshialo nende ebili hakari wabio halali khubwatoto, ne toto indukho iliula , kho leshela okhuleshela okhulayi
إِنَّ رَبَّكَ هُوَ ٱلۡخَلَّٰقُ ٱلۡعَلِيمُ
Toto Nyasaye wuwo Omulesi niye omuloonji ne niye Omumanyi muno
وَلَقَدۡ ءَاتَيۡنَٰكَ سَبۡعًا مِّنَ ٱلۡمَثَانِي وَٱلۡقُرۡءَانَ ٱلۡعَظِيمَ
Ne khwakhwelesia tsinyaali saba tsisomungwa ebise nebise nende Ikurani yoluyali
لَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجًا مِّنۡهُمۡ وَلَا تَحۡزَنۡ عَلَيۡهِمۡ وَٱخۡفِضۡ جَنَاحَكَ لِلۡمُؤۡمِنِينَ
Ne olakhosia tsimoni tsitsio khukalia akakhwahelesia emikanda chindi hakari wabu, nohomba olababelelela tawe. Ne wishilie abasuubili olubaa lulwo. (lwetsimbabaasi)
وَقُلۡ إِنِّيٓ أَنَا ٱلنَّذِيرُ ٱلۡمُبِينُ
Ne boolambu:“ toto esie nesie Omwikanyilisi Omwinoosi.(owahabulafu)
كَمَآ أَنزَلۡنَا عَلَى ٱلۡمُقۡتَسِمِينَ
Shingala khweshilia balia (eshinyasio bosi) balia abekaba emikanda (okhwikalila abusalamu)
فَوَرَبِّكَ لَنَسۡـَٔلَنَّهُمۡ أَجۡمَعِينَ
Kho nditsuba khu Nyasaye wuwo Omulesi mbu khulibareeba bosi
فَٱصۡدَعۡ بِمَا تُؤۡمَرُ وَأَعۡرِضۡ عَنِ ٱلۡمُشۡرِكِينَ
Kho yusia akawalomesibwa ne obe ehale nende Abatsokaasi
ٱلَّذِينَ يَجۡعَلُونَ مَعَ ٱللَّهِ إِلَٰهًا ءَاخَرَۚ فَسَوۡفَ يَعۡلَمُونَ
Balia abatsokasinjia Nyasaye nende Abanyasaye bandi balitsa okhumanya
وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ
Netoto khwamanya mbu eshilifu shishio shinyoolanga obusiro khukalia akababoolanga
فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ
Kho tswenula Nyasaye wuwo Omulesi khulwa okhumwitsoomia , ne obe halala nende bamwinamilanga nibasujuda
وَٱعۡبُدۡ رَبَّكَ حَتَّىٰ يَأۡتِيَكَ ٱلۡيَقِينُ
Ne olaame Nyasaye wuwo okhuula likhuulile eliatoto elo . (lifwa)
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.