Surah 45 · 37 verses · Imaam Ismaaeel Ngqoyiyana

Surah Al-Jathiyah in Xhosa

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

45:1

حمٓ

Hâ, Mîm

45:2

تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ

Ukutyhilwa kweNcwadi (i’Kur’ân) kuvela kuAllâh, uSobunganga, uSobulumko

45:3

إِنَّ فِي ٱلسَّمَٰوَٰتِ وَٱلۡأَرۡضِ لَأٓيَٰتٍ لِّلۡمُؤۡمِنِينَ

Inene emazulwini nasemhlabeni kukho imiqondiso kwabakholwayo

45:4

وَفِي خَلۡقِكُمۡ وَمَا يَبُثُّ مِن دَآبَّةٍ ءَايَٰتٌ لِّقَوۡمٍ يُوقِنُونَ

Ke kaloku ekudalweni kwenu noko Akuthe saa kuzizidalwa ezinyakazayo kuyimiqondiso kubantu abaqinisekileyo (elukholweni)

45:5

وَٱخۡتِلَٰفِ ٱلَّيۡلِ وَٱلنَّهَارِ وَمَآ أَنزَلَ ٱللَّهُ مِنَ ٱلسَّمَآءِ مِن رِّزۡقٍ فَأَحۡيَا بِهِ ٱلۡأَرۡضَ بَعۡدَ مَوۡتِهَا وَتَصۡرِيفِ ٱلرِّيَٰحِ ءَايَٰتٌ لِّقَوۡمٍ يَعۡقِلُونَ

Nasekuphumzaneni kobusuku nemini nakoko uAllâh Akuthumele phantsi kuvela esibhakabhakeni kusisixhaso (imvula) Anika ngaso ubomi emhlabeni emveni kokuba ubungenabomi, nasekukhokeleleni (kwaKhe) umoya, kukho imiqondiso kubantu abaqiqayo

45:6

تِلۡكَ ءَايَٰتُ ٱللَّهِ نَتۡلُوهَا عَلَيۡكَ بِٱلۡحَقِّۖ فَبِأَيِّ حَدِيثِۭ بَعۡدَ ٱللَّهِ وَءَايَٰتِهِۦ يُؤۡمِنُونَ

Ezi ziiVesi zika-Allâh ESizicengceleza kuwe ngenyaniso. Ke ngoko yiyiphi (enye) ingxelo Emva kweka-Allah neeVesi zaKhe abaza (kude) bakholwe kuyo

45:7

وَيۡلٌ لِّكُلِّ أَفَّاكٍ أَثِيمٍ

Yeha kuye nawuphi na umoni olixoki

45:8

يَسۡمَعُ ءَايَٰتِ ٱللَّهِ تُتۡلَىٰ عَلَيۡهِ ثُمَّ يُصِرُّ مُسۡتَكۡبِرًا كَأَن لَّمۡ يَسۡمَعۡهَاۖ فَبَشِّرۡهُ بِعَذَابٍ أَلِيمٍ

Ozivayo iiVesi zika-Allâh zicengcelezwa kuye, aze aqhubeke nokuba nenkukhumalo abe ngathi akazivanga. Mnike iindaba ezivuyisayo ke ngoko zesohlwayo esibuhlungu

45:9

وَإِذَا عَلِمَ مِنۡ ءَايَٰتِنَا شَيۡـًٔا ٱتَّخَذَهَا هُزُوًاۚ أُوْلَٰٓئِكَ لَهُمۡ عَذَابٌ مُّهِينٌ

Kananjalo xa esazi nokuba yintoni na ngeeVesi zeThu uyazigculela (enze intlekisa ngazo). Okwabo (banjalo) sisohlwayo esilihlazo

45:10

مِّن وَرَآئِهِمۡ جَهَنَّمُۖ وَلَا يُغۡنِي عَنۡهُم مَّا كَسَبُواْ شَيۡـًٔا وَلَا مَا ٱتَّخَذُواْ مِن دُونِ ٱللَّهِ أَوۡلِيَآءَۖ وَلَهُمۡ عَذَابٌ عَظِيمٌ

Phambi kwabo sisiHogo noko bakusebenzelayo akuyi kubanceda nto konke-konke noko bakuthathayo (bakunqulayo) ngaphandle koAllâh bekwenza abakhuseli babo. Yaye baya kufumana isohlwayo esikhulu

45:11

هَٰذَا هُدًىۖ وَٱلَّذِينَ كَفَرُواْ بِـَٔايَٰتِ رَبِّهِمۡ لَهُمۡ عَذَابٌ مِّن رِّجۡزٍ أَلِيمٌ

Le ‘Kur’ân sisiKhokelo. Abo baya bangakholwa kwiiVesi zeNkosi yabo baya kufumana isohlwayo esiluhlobo olubi kanobom

45:12

ٱللَّهُ ٱلَّذِي سَخَّرَ لَكُمُ ٱلۡبَحۡرَ لِتَجۡرِيَ ٱلۡفُلۡكُ فِيهِ بِأَمۡرِهِۦ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ

NguAllâh Owanilulamisela ulwandle khona ukuze iinqanawa zihambe kulo ngomyalelo waKhe kwanokuba nifune uBubele baKhe, hleze nibe nombulelo

45:13

وَسَخَّرَ لَكُم مَّا فِي ٱلسَّمَٰوَٰتِ وَمَا فِي ٱلۡأَرۡضِ جَمِيعًا مِّنۡهُۚ إِنَّ فِي ذَٰلِكَ لَأٓيَٰتٍ لِّقَوۡمٍ يَتَفَكَّرُونَ

Kananjalo Unilulamisele okusemazulwini nokusemhlabeni konke kuvela kuYe. Inene kuko oko kukho imiqondiso kubantu abacingisisayo

45:14

قُل لِّلَّذِينَ ءَامَنُواْ يَغۡفِرُواْ لِلَّذِينَ لَا يَرۡجُونَ أَيَّامَ ٱللَّهِ لِيَجۡزِيَ قَوۡمَۢا بِمَا كَانُواْ يَكۡسِبُونَ

Yithi (Muhammad) kwabo bakholwayo kufanelekile ukuba babaxolele abo bangazilindelanga iiNtsuku zika- Allâh (zempindezelo) ukuze Abuyekeze abantu ngoko bakusebenzelayo

45:15

مَنۡ عَمِلَ صَٰلِحًا فَلِنَفۡسِهِۦۖ وَمَنۡ أَسَآءَ فَعَلَيۡهَاۖ ثُمَّ إِلَىٰ رَبِّكُمۡ تُرۡجَعُونَ

“Nabani na owenza isenzo esilungileyo, usenzela (usindiso) lomphefumlo wakhe, nalowo wenza okungcolileyo ukwenza ngokuchasene nawo (umphefumlo wakhe). Ukanti kuseNkosini yenu apho niza kubuyela khona.”

45:16

وَلَقَدۡ ءَاتَيۡنَا بَنِيٓ إِسۡرَٰٓءِيلَ ٱلۡكِتَٰبَ وَٱلۡحُكۡمَ وَٱلنُّبُوَّةَ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَى ٱلۡعَٰلَمِينَ

Ke kaloku inene Sabanika isiBhalo aBantwana bakwaSirayeli (nenqobo) yokugweba nobuProfeti, Sabanika nezinto ezilungileyo, Sakhetha bona ngaphezulu kwendalo yonke

45:17

وَءَاتَيۡنَٰهُم بَيِّنَٰتٍ مِّنَ ٱلۡأَمۡرِۖ فَمَا ٱخۡتَلَفُوٓاْ إِلَّا مِنۢ بَعۡدِ مَا جَآءَهُمُ ٱلۡعِلۡمُ بَغۡيَۢا بَيۡنَهُمۡۚ إِنَّ رَبَّكَ يَقۡضِي بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ

Sabanika nemiqondiso ecacileyo kumbandela (wenkolo). Ke kaloku abazanga babe neyantlukwano de kwaba semva kokufika kolwazi kubo ngenxa yomona, nentiyano phakathi kwabo. Inene iNkosi wena landela yona, ungalandeli iminqweno yabo bangazi nto

45:18

ثُمَّ جَعَلۡنَٰكَ عَلَىٰ شَرِيعَةٍ مِّنَ ٱلۡأَمۡرِ فَٱتَّبِعۡهَا وَلَا تَتَّبِعۡ أَهۡوَآءَ ٱلَّذِينَ لَا يَعۡلَمُونَ

Saza Sabeka wena ke (Muhammad), eNdleleni eqhelekileyo mayela nombandela (wenkolo); ngoko ke omnye komnye. Kodwa Yena uAllâh nguMkhuseli wabenzi bokulungileyo

45:19

إِنَّهُمۡ لَن يُغۡنُواْ عَنكَ مِنَ ٱللَّهِ شَيۡـًٔاۚ وَإِنَّ ٱلظَّٰلِمِينَ بَعۡضُهُمۡ أَوۡلِيَآءُ بَعۡضٍۖ وَٱللَّهُ وَلِيُّ ٱلۡمُتَّقِينَ

Inene bona asokuze bakuncede nto ngokuchasene noAllâh. Ke kaloku Inene abenzi bobubi bangabahlobo yakho Iza kugweba phakathi kwabo ngoMhla woVuko malunga noko babephikisana ngako

45:20

هَٰذَا بَصَٰٓئِرُ لِلنَّاسِ وَهُدًى وَرَحۡمَةٌ لِّقَوۡمٍ يُوقِنُونَ

Le (‘Kur’ân) lukhanyiselo loluntu, isisiKhokelo nenceba kubantu abanengqiniseko (ngokholo lwabo)

45:21

أَمۡ حَسِبَ ٱلَّذِينَ ٱجۡتَرَحُواْ ٱلسَّيِّـَٔاتِ أَن نَّجۡعَلَهُمۡ كَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَوَآءً مَّحۡيَاهُمۡ وَمَمَاتُهُمۡۚ سَآءَ مَا يَحۡكُمُونَ

Makube abo benza ukungcola bacinga ukuba Siza kubenza babe njengabo bakholwayo benza okulungileyo. (bacinga ukuba) baza kufaniswa kubomi babo nasekufeni kwabo? Okungcolileyo lugwebo1 lwabo

45:22

وَخَلَقَ ٱللَّهُ ٱلسَّمَٰوَٰتِ وَٱلۡأَرۡضَ بِٱلۡحَقِّ وَلِتُجۡزَىٰ كُلُّ نَفۡسِۭ بِمَا كَسَبَتۡ وَهُمۡ لَا يُظۡلَمُونَ

Ke kaloku uAllâh Wadala amazulu nomhlaba ngenyaniso khona ukuze umphefumlo ngamnye ubuyekezwe ngoko wakusebenzelayo, yaye abazi kwenziwa bugwenxa

45:23

أَفَرَءَيۡتَ مَنِ ٱتَّخَذَ إِلَٰهَهُۥ هَوَىٰهُ وَأَضَلَّهُ ٱللَّهُ عَلَىٰ عِلۡمٍ وَخَتَمَ عَلَىٰ سَمۡعِهِۦ وَقَلۡبِهِۦ وَجَعَلَ عَلَىٰ بَصَرِهِۦ غِشَٰوَةً فَمَن يَهۡدِيهِ مِنۢ بَعۡدِ ٱللَّهِۚ أَفَلَا تَذَكَّرُونَ

Umbonile na lowo uzithabathela iminqweno yakhe ayenze uthixo wakhe, uAllâh umyekele ekulahlekeni ngolwazi kwaye Ufake itywina ekuveni kwakhe nasentliziyweni yakhe, Waza Wabeka isigqumathelo phezu kokubona kwakhe? Ngubani ke onokumkhokela emva koAllâh? Ingaba aniyi kukhumbuzeka ke ngoko

45:24

وَقَالُواْ مَا هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا يُهۡلِكُنَآ إِلَّا ٱلدَّهۡرُۚ وَمَا لَهُم بِذَٰلِكَ مِنۡ عِلۡمٍۖ إِنۡ هُمۡ إِلَّا يَظُنُّونَ

Ke kaloku bathi: “Akukho (bomi) ngaphandle (kobu) bomi bethu basemhlabeni; siyafa siphile, akukho nto isitshabalalisayo ngaphandle kwexesha.” Ukanti bona abanalwazi ngoko (bakuthethayo) bayaqikelela kuphela

45:25

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٍ مَّا كَانَ حُجَّتَهُمۡ إِلَّآ أَن قَالُواْ ٱئۡتُواْ بِـَٔابَآئِنَآ إِن كُنتُمۡ صَٰدِقِينَ

Naxa iiVesi zeThu zicengcelezwa kubo njengobungqina obucacileyo, ingxoxo yabo ibanye nje kukuthi: “Yiza nookhokho bethu kaloku ukuba uthetha inyaniso.”

45:26

قُلِ ٱللَّهُ يُحۡيِيكُمۡ ثُمَّ يُمِيتُكُمۡ ثُمَّ يَجۡمَعُكُمۡ إِلَىٰ يَوۡمِ ٱلۡقِيَٰمَةِ لَا رَيۡبَ فِيهِ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Yithi wena: “UAllâh Unenza niphile Aphinde Anenze nife kanti Usaya kunidibanisela iMini yoVuko, ekungekho ntandabuzo ngayo kodwa uninzi lwabantu alwazi

45:27

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۚ وَيَوۡمَ تَقُومُ ٱلسَّاعَةُ يَوۡمَئِذٍ يَخۡسَرُ ٱلۡمُبۡطِلُونَ

Ke kaloku loluka-Allâh ulongamelo lwamazulu nomhlaba. Mhla iYure ifika, ngaloo Mini amaxoki aya kulahlekelwa

45:28

وَتَرَىٰ كُلَّ أُمَّةٍ جَاثِيَةًۚ كُلُّ أُمَّةٍ تُدۡعَىٰٓ إِلَىٰ كِتَٰبِهَا ٱلۡيَوۡمَ تُجۡزَوۡنَ مَا كُنتُمۡ تَعۡمَلُونَ

Ke kaloku uya kubona iintlanga zonke ziguqa (zisoyika). Uhlanga ngalunye luya kubizelwa kokubhaliweyo kwalo (luxelelwe okokuba): “NaMhla uza kubuyekezwa ngoko wakusebenzelayo

45:29

هَٰذَا كِتَٰبُنَا يَنطِقُ عَلَيۡكُم بِٱلۡحَقِّۚ إِنَّا كُنَّا نَسۡتَنسِخُ مَا كُنتُمۡ تَعۡمَلُونَ

Lo mbhalo weThu uthetha ngawe ngenyaniso. Inene Thina Sasikubhala konke owawukwenza.’’

45:30

فَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَيُدۡخِلُهُمۡ رَبُّهُمۡ فِي رَحۡمَتِهِۦۚ ذَٰلِكَ هُوَ ٱلۡفَوۡزُ ٱلۡمُبِينُ

Ngoko ke abo bakholwayo, benza izenzo ezilungileyo iNkosi yabo Iya kubangenisa encebeni yaYo. Oko kuko okuyinzuzo ecacileyo

45:31

وَأَمَّا ٱلَّذِينَ كَفَرُوٓاْ أَفَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَٱسۡتَكۡبَرۡتُمۡ وَكُنتُمۡ قَوۡمًا مُّجۡرِمِينَ

Kodwa bona abo baye bangakholwa (kuya kuthiwa kubo): “Azizanga zicengcelezwe na iiVesi zeThu kuni, kodwa nasuka nina nakhukhumala, naba ngabantu abazizaphula- mthetho

45:32

وَإِذَا قِيلَ إِنَّ وَعۡدَ ٱللَّهِ حَقٌّ وَٱلسَّاعَةُ لَا رَيۡبَ فِيهَا قُلۡتُم مَّا نَدۡرِي مَا ٱلسَّاعَةُ إِن نَّظُنُّ إِلَّا ظَنًّا وَمَا نَحۡنُ بِمُسۡتَيۡقِنِينَ

Kananjalo xa kwakusithiwa (kuni): “Inene isithembiso sika- Allâh siyinyaniso neYure (iyeza) akukho kuthandabuza ngayo,’’ nathi nina: “Asiyazi ukuba yintoni na iYure. Siyaqikelela nje uqash-qash, yaye asanelisekanga (yingcaciso yayo).’’

45:33

وَبَدَا لَهُمۡ سَيِّـَٔاتُ مَا عَمِلُواْ وَحَاقَ بِهِم مَّا كَانُواْ بِهِۦ يَسۡتَهۡزِءُونَ

Ke kaloku iziphumo ezingcolileyo zoko bakwenzayo ziya kubonakala kubo yaye baya kurhangqelwa koko babekugculela

45:34

وَقِيلَ ٱلۡيَوۡمَ نَنسَىٰكُمۡ كَمَا نَسِيتُمۡ لِقَآءَ يَوۡمِكُمۡ هَٰذَا وَمَأۡوَىٰكُمُ ٱلنَّارُ وَمَا لَكُم مِّن نَّٰصِرِينَ

Kuya kuthiwa kubo: “NaMhlanje Siya kulibala ngani njengoko nani nalibalayo ngendibano yale Mini yenu, yaye indawo yokubalekela kwenu nguMlilo, kwaye akuyi kubakho bancedi kuni

45:35

ذَٰلِكُم بِأَنَّكُمُ ٱتَّخَذۡتُمۡ ءَايَٰتِ ٱللَّهِ هُزُوًا وَغَرَّتۡكُمُ ٱلۡحَيَوٰةُ ٱلدُّنۡيَاۚ فَٱلۡيَوۡمَ لَا يُخۡرَجُونَ مِنۡهَا وَلَا هُمۡ يُسۡتَعۡتَبُونَ

Oko kwaba ngenxa yokuba nathabatha iiVesi zika- Allâh njengento yokuhlekisa, yaye ubomi basemhlabeni baniqhatha.’’ Ke kaloku ngaloo Mini abayi kukhutshwa kuwo (uMlilo) bengayi kucelwa ukuba bazicengezelele (kuAllâh)

45:36

فَلِلَّهِ ٱلۡحَمۡدُ رَبِّ ٱلسَّمَٰوَٰتِ وَرَبِّ ٱلۡأَرۡضِ رَبِّ ٱلۡعَٰلَمِينَ

Ngoko ke iindumiso mazibe kuAllâh, iNkosi yamazulu nomhlaba, iNkosi yamaphakade

45:37

وَلَهُ ٱلۡكِبۡرِيَآءُ فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ

BobaKhe (bonke) ubukhulu emazulwini nasemhlabeni, yaye nguSobunganga, nguSobulumko

Translation: Imaam Ismaaeel Ngqoyiyana.