Surah 24 · 64 verses · Tgk. H. Mahjiddin Jusuf

Surah An-Nur in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

24:1

سُورَةٌ أَنزَلۡنَٰهَا وَفَرَضۡنَٰهَا وَأَنزَلۡنَا فِيهَآ ءَايَٰتِۭ بَيِّنَٰتٍ لَّعَلَّكُمۡ تَذَكَّرُونَ

Nyoe saboh surat nyang Kamoe peutron F Di dalam jih nyan Kamoe peurintah Peue nyang peureulee u ateueh gata Ayat lom nyata sinan Meupeugah Jeuet keu peuingat ban dumna gata

24:2

ٱلزَّانِيَةُ وَٱلزَّانِي فَٱجۡلِدُواْ كُلَّ وَٰحِدٍ مِّنۡهُمَا مِاْئَةَ جَلۡدَةٍۖ وَلَا تَأۡخُذۡكُم بِهِمَا رَأۡفَةٌ فِي دِينِ ٱللَّهِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۖ وَلۡيَشۡهَدۡ عَذَابَهُمَا طَآئِفَةٌ مِّنَ ٱلۡمُؤۡمِنِينَ

Soe nyang meuzina jipeubuet salah Soe nyang meuzina inong ngon agam Han jeuet tadiam tahukom bagah Sireutoh go dra keu jih sidroe-droe Bek sayang teuh roe jih nyan ka salah Han jeuet tasayang bak hukom Tuhan Meunyo meuiman gata keu Allah Meu na taiman uroe akhirat Tahukom leugat bek na meuilah Tahukom jih nyan beu na geukalon d Le ureueng mukmin dum beu tapeugah

24:3

ٱلزَّانِي لَا يَنكِحُ إِلَّا زَانِيَةً أَوۡ مُشۡرِكَةً وَٱلزَّانِيَةُ لَا يَنكِحُهَآ إِلَّا زَانٍ أَوۡ مُشۡرِكٌۚ وَحُرِّمَ ذَٰلِكَ عَلَى ٱلۡمُؤۡمِنِينَ

Meu jimeukawen agam meuzina Ngon inong zina cit jimeunikah Adak kon ngon nyan ngon inong musyrek Meunyo tabalek pih hana ubah f Meu jimeukawen inong meuzina Ngon agam zina cit jimeunikah Adak kon ngon nyan ngon agam musyrek À Hana meubalek meunankeuh ulah Atra nyan hareuem bak ureueng mukmin

24:4

وَٱلَّذِينَ يَرۡمُونَ ٱلۡمُحۡصَنَٰتِ ثُمَّ لَمۡ يَأۡتُواْ بِأَرۡبَعَةِ شُهَدَآءَ فَٱجۡلِدُوهُمۡ ثَمَٰنِينَ جَلۡدَةً وَلَا تَقۡبَلُواْ لَهُمۡ شَهَٰدَةً أَبَدًاۚ وَأُوْلَٰٓئِكَ هُمُ ٱلۡفَٰسِقُونَ

Tatudoh mukmin pih raya salah Beurangsoe tudoh inong nyang suci d Han ek treuk jibri saksi nyang beusah Peuet droe keu saksi han ek jipeuna Tahukom teuma jih nyan ka salah Lapan ploh go dra tahukom keu jih Keu saksi dijih beurangjan han sah Han jeuet keu saksi jih le beurangjan Nyankeuh awak nyan fasek that leupah

24:5

إِلَّا ٱلَّذِينَ تَابُواْ مِنۢ بَعۡدِ ذَٰلِكَ وَأَصۡلَحُواْ فَإِنَّ ٱللَّهَ غَفُورٌ رَّحِيمٌ

Meulengkan lheueh nyan jih ka jitoubat Jipeubuet nyang got han le jikeubah Nyan teuma Tuhan Maha Peungampon Lagi pih Tuhan Maha Peumurah

24:6

وَٱلَّذِينَ يَرۡمُونَ أَزۡوَٰجَهُمۡ وَلَمۡ يَكُن لَّهُمۡ شُهَدَآءُ إِلَّآ أَنفُسُهُمۡ فَشَهَٰدَةُ أَحَدِهِمۡ أَرۡبَعُ شَهَٰدَٰتِۭ بِٱللَّهِ إِنَّهُۥ لَمِنَ ٱلصَّٰدِقِينَ

Ureueng nyang tudoh peurumoh droe jih Keu saksi dijih pih tan jikeubah Keudroe jih mantong nyang jeuet keu saksi Dijih peuet kali beu jimeusumpah Jipeugah bit jih ureueng nyang beuna

24:7

وَٱلۡخَٰمِسَةُ أَنَّ لَعۡنَتَ ٱللَّهِ عَلَيۡهِ إِن كَانَ مِنَ ٱلۡكَٰذِبِينَ

Keulimong teuma laknat bak Allah Beu Neubri laknat keu jih le Tuhan Meu narit jih nyan sulet sileupah

24:8

وَيَدۡرَؤُاْ عَنۡهَا ٱلۡعَذَابَ أَن تَشۡهَدَ أَرۡبَعَ شَهَٰدَٰتِۭ بِٱللَّهِ إِنَّهُۥ لَمِنَ ٱلۡكَٰذِبِينَ

Teuma diinong bebaih hukoman Meunyo dijih nyan jitulak balah Peuet go meusumpah dijih pih sabet Agam nyan sulet peue nyang jipeugah

24:9

وَٱلۡخَٰمِسَةَ أَنَّ غَضَبَ ٱللَّهِ عَلَيۡهَآ إِن كَانَ مِنَ ٱلصَّٰدِقِينَ

Kali keulimong murka Tuhan Neubri keu jih nyan meunyo jih salah Meunyo agam nyan ureueng nyang beuna Neupeumureuka lon nyoe le Allah

24:10

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ تَوَّابٌ حَكِيمٌ

Adak meukon na karonya Tuhan Ngon rahmat Tuhan keu gata sudah Meuhat hana got teuma keu gata Allah Taʻala teuma that Murah Teuma cit Tuhan teurimong toubat Bijaksana that cit sidroe Allah

24:11

إِنَّ ٱلَّذِينَ جَآءُو بِٱلۡإِفۡكِ عُصۡبَةٌ مِّنكُمۡۚ لَا تَحۡسَبُوهُ شَرًّا لَّكُمۖ بَلۡ هُوَ خَيۡرٌ لَّكُمۡۚ لِكُلِّ ٱمۡرِيٍٕ مِّنۡهُم مَّا ٱكۡتَسَبَ مِنَ ٱلۡإِثۡمِۚ وَٱلَّذِي تَوَلَّىٰ كِبۡرَهُۥ مِنۡهُمۡ لَهُۥ عَذَابٌ عَظِيمٌ

Awak nyang peuna-peuna tudohan Cit saboh kawan awak nyang salah Bek tasangka nyan jeuheuet keu gata Tapi keu gata cit got that leupah Teuma awak nyan teuntee meudacha Ban nyang usaha jih dumnan salah k Teuma nyang pimpin buet nyan peuraya Azeueb that raya keu jih geukeubah

24:12

لَّوۡلَآ إِذۡ سَمِعۡتُمُوهُ ظَنَّ ٱلۡمُؤۡمِنُونَ وَٱلۡمُؤۡمِنَٰتُ بِأَنفُسِهِمۡ خَيۡرًا وَقَالُواْ هَٰذَآ إِفۡكٌ مُّبِينٌ

Pakon han gata ‘oh tadeungo nyan Beugot sangkaan teuh bek meusalah Ureueng meuiman inong ngon agam Beu got dugaan bek na meuilah Sabe keudroe-droe sangkaan beu got Takheun hana got narit nyoe salah Haba nyan nyata jipeuna-peuna

24:13

لَّوۡلَا جَآءُو عَلَيۡهِ بِأَرۡبَعَةِ شُهَدَآءَۚ فَإِذۡ لَمۡ يَأۡتُواْ بِٱلشُّهَدَآءِ فَأُوْلَٰٓئِكَ عِندَ ٱللَّهِ هُمُ ٱلۡكَٰذِبُونَ

Saksi pih hana jiyue jak peugah Pakon han jiba peuet droe keu saksi Meu hana saksi nyan sulet leupah Meunyo bak Tuhan jih nyan sulet that

24:14

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ فِي ٱلدُّنۡيَا وَٱلۡأٓخِرَةِ لَمَسَّكُمۡ فِي مَآ أَفَضۡتُمۡ فِيهِ عَذَابٌ عَظِيمٌ

Lah pih Hadharat Maha Peumurah Sangkira kon na karonya Tuhan Ngon rahmat Tuhan nyang keubit luah Donya akhirat Tuhan bri rahmat Adak han azeueb keu gata sudah Azeueb raya that Neubri keu gata

24:15

إِذۡ تَلَقَّوۡنَهُۥ بِأَلۡسِنَتِكُمۡ وَتَقُولُونَ بِأَفۡوَاهِكُم مَّا لَيۡسَ لَكُم بِهِۦ عِلۡمٌ وَتَحۡسَبُونَهُۥ هَيِّنًا وَهُوَ عِندَ ٱللَّهِ عَظِيمٌ

Sabab roh gata teurimong salah Tatueng jih laju ngon lidah gata Jeuet takheun lanja meuneu‘en babah 7 Padahai gata hana tateupeue Sang han jeuet keu peue ta sangka mudah Padahai raya buet nyan bak Tuhan

24:16

وَلَوۡلَآ إِذۡ سَمِعۡتُمُوهُ قُلۡتُم مَّا يَكُونُ لَنَآ أَن نَّتَكَلَّمَ بِهَٰذَا سُبۡحَٰنَكَ هَٰذَا بُهۡتَٰنٌ عَظِيمٌ

Pakon watee nyan hana tabantah Oh tadeungo nyan pakon han takheun s Bek dilee hai nyan tapeugah-peugah Maha Suci Droe-Neuh ya Tuhanku Nyoe bek roe laku tuduhan salah Atra nyan narit jipeuna-peuna

24:17

يَعِظُكُمُ ٱللَّهُ أَن تَعُودُواْ لِمِثۡلِهِۦٓ أَبَدًا إِن كُنتُم مُّؤۡمِنِينَ

Peuingat gata teuma le Allah Atra lagee nyoe bek le meuulang Bek le beurangjan meunan tapeugah Meunyo bit gata ureueng meuiman

24:18

وَيُبَيِّنُ ٱللَّهُ لَكُمُ ٱلۡأٓيَٰتِۚ وَٱللَّهُ عَلِيمٌ حَكِيمٌ

Tanda bak Tuhan cit trang sileupah Tuhan ka Neutrang keu gata ayat Tuhan Hadharat ‘eleumee luah Bijaksana lom Tuhan Hadharat

24:19

إِنَّ ٱلَّذِينَ يُحِبُّونَ أَن تَشِيعَ ٱلۡفَٰحِشَةُ فِي ٱلَّذِينَ ءَامَنُواْ لَهُمۡ عَذَابٌ أَلِيمٌ فِي ٱلدُّنۡيَا وَٱلۡأٓخِرَةِۚ وَٱللَّهُ يَعۡلَمُ وَأَنتُمۡ لَا تَعۡلَمُونَ

Bek galak teuh that teuma seumeugah € Ureueng nyang galak peugah buet keuji Mangat jap bibi jipeugah-peugah Jipeumalee dum ureueng meuiman Akan ureueng nyan azeueb that leupah Azeueb that peudeh donya akhirat Tuhan Neutupat peue nyang tapeugah Tuhan Neuteupeue nyang han tateupeue

24:20

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ رَءُوفٌ رَّحِيمٌ

Karonya-Neuh nyoe le han ban peugah Sangkira kon na karonya Tuhan Ngon rahmat Tuhan keu gata sudah Meuhat hana got teuma keu gata Teuma keu hamba Neusayang leupah Tuhan keu hamba keubit Neusayang Lagi pih Tuhan Maha Peumurah

24:21

يَٰٓأَيُّهَا ٱلَّذِينَ ءَامَنُواْ لَا تَتَّبِعُواْ خُطُوَٰتِ ٱلشَّيۡطَٰنِۚ وَمَن يَتَّبِعۡ خُطُوَٰتِ ٱلشَّيۡطَٰنِ فَإِنَّهُۥ يَأۡمُرُ بِٱلۡفَحۡشَآءِ وَٱلۡمُنكَرِۚ وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ مَا زَكَىٰ مِنكُم مِّنۡ أَحَدٍ أَبَدًا وَلَٰكِنَّ ٱللَّهَ يُزَكِّي مَن يَشَآءُۗ وَٱللَّهُ سَمِيعٌ عَلِيمٌ

Hai ureueng mukmin bek roh taikot Chetan nyang karot ‘oh jimeulangkah Soe nyang roh ikot dum langkah chetan Dijih beurangjan jiyue buet salah Jiyue buet keuji ngon keujahatan Sangkira Tuhan kon that Peumurah Sangkira kon na karonya Tuhan Ngon rahmat Tuhan keu gata sudah Hana meusidroe lam kawan gata Nyang gleh bak dacha hana meusalah Beurangjan hana meusidroe nyang gleh Meu kon Neupeugleh gata le Allah Soe nyang h‘eut Tuhan teuma Neupeugleh Neudeungo meuceh bandum le Allah Lom pih Neuteupeue bandum le Tuhan

24:22

وَلَا يَأۡتَلِ أُوْلُواْ ٱلۡفَضۡلِ مِنكُمۡ وَٱلسَّعَةِ أَن يُؤۡتُوٓاْ أُوْلِي ٱلۡقُرۡبَىٰ وَٱلۡمَسَٰكِينَ وَٱلۡمُهَٰجِرِينَ فِي سَبِيلِ ٱللَّهِۖ وَلۡيَعۡفُواْ وَلۡيَصۡفَحُوٓاْۗ أَلَا تُحِبُّونَ أَن يَغۡفِرَ ٱللَّهُ لَكُمۡۚ وَٱللَّهُ غَفُورٌ رَّحِيمٌ

Teuma bek simban gata meusumpah Ureueng nyang kaya na keuleubehan Bek jikheun han jan jibri nafakah Bek jimeusumpah jikheun han jibri Akan famili jih nyang lam sosah Kaom keurabat ngon ureueng gasien Ngon muhajirin bak jalan Allah Beu jipeumeuʻah ngon dada lapang Neubri amponan keu jih le Allah Peue han galakteuh Tuhan peuampon Deecha gata dum nyang na meusalah Keubit cit Tuhan Maha Peungampon Lagi pih Tuhan Maha Peumurah

24:23

إِنَّ ٱلَّذِينَ يَرۡمُونَ ٱلۡمُحۡصَنَٰتِ ٱلۡغَٰفِلَٰتِ ٱلۡمُؤۡمِنَٰتِ لُعِنُواْ فِي ٱلدُّنۡيَا وَٱلۡأٓخِرَةِ وَلَهُمۡ عَذَابٌ عَظِيمٌ

Ureueng nyang tudoh inong nyang suci Mukmin nyang lale han tom buet salah Geulaknat jih nyan donya akhirat Azeueb raya that keu jih geukeubah

24:24

يَوۡمَ تَشۡهَدُ عَلَيۡهِمۡ أَلۡسِنَتُهُمۡ وَأَيۡدِيهِمۡ وَأَرۡجُلُهُم بِمَا كَانُواْ يَعۡمَلُونَ

Uroe nyan lidah jih jeuet keu saksi Jaroe ngon gaki jih jiseumeugah Peue nyang jipubuet yoh masa dilee

24:25

يَوۡمَئِذٍ يُوَفِّيهِمُ ٱللَّهُ دِينَهُمُ ٱلۡحَقَّ وَيَعۡلَمُونَ أَنَّ ٱللَّهَ هُوَ ٱلۡحَقُّ ٱلۡمُبِينُ

Uroe nyan teuntee bandum geubalah Balasan keu jih teuma nyang beuna That samporeuna Neubri le Allah Jiteupeue Tuhan nyata that beuna Meu bacut hana buet-Neuh meuilah

24:26

ٱلۡخَبِيثَٰتُ لِلۡخَبِيثِينَ وَٱلۡخَبِيثُونَ لِلۡخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَٰٓئِكَ مُبَرَّءُونَ مِمَّا يَقُولُونَۖ لَهُم مَّغۡفِرَةٌ وَرِزۡقٌ كَرِيمٌ

Inong nyang jeuheut keu agam jeuheut Agam nyang jeuheut keu inong ceulah Inong nyang shaleh keu agam shaleh Agam nyang shaleh inong meutuah Bahle jitudoh gopnyan buet dacha Ureueng nyang hana geupubuet salah Keu gopnyan Tuhan amponan Neubri Lom ngon raseuki mulia leupah

24:27

يَٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتًا غَيۡرَ بُيُوتِكُمۡ حَتَّىٰ تَسۡتَأۡنِسُواْ وَتُسَلِّمُواْ عَلَىٰٓ أَهۡلِهَاۚ ذَٰلِكُمۡ خَيۡرٌ لَّكُمۡ لَعَلَّكُمۡ تَذَكَّرُونَ

Wahe dum ureueng nyang ka meuiman Bak rumoh laen meunyo talangkah Meunyo rumoh nyan kon rumoh gata Bek that tasigra tatamong bagah Bak ureueng po jih talakee izin Ngon tabri saleuem baro talangkah Keu bandum gata meunan nyang that got Mangat teuingat teuh bek meusalah

24:28

فَإِن لَّمۡ تَجِدُواْ فِيهَآ أَحَدًا فَلَا تَدۡخُلُوهَا حَتَّىٰ يُؤۡذَنَ لَكُمۡۖ وَإِن قِيلَ لَكُمُ ٱرۡجِعُواْ فَٱرۡجِعُواْۖ هُوَ أَزۡكَىٰ لَكُمۡۚ وَٱللَّهُ بِمَا تَعۡمَلُونَ عَلِيمٌ

Meu hana taeu di sinan ureueng À Nyan bek tatamong meu goh geupeugah Meu ka geuizin tatamong jinoe Meu geuyue jak woe tawoe beubagah Nyan nyang leubeh gleh keu bandum gata Allah Taʻala Neuteupeue sudah Peue nyang tapeubuet Tuhan Neuteupeue Hana meusapeue pih na meuilah

24:29

لَّيۡسَ عَلَيۡكُمۡ جُنَاحٌ أَن تَدۡخُلُواْ بُيُوتًا غَيۡرَ مَسۡكُونَةٍ فِيهَا مَتَٰعٌ لَّكُمۡۚ وَٱللَّهُ يَعۡلَمُ مَا تُبۡدُونَ وَمَا تَكۡتُمُونَ

Meunyo rumoh soh hana jeuet keu peue Kadang na peue-peue sinan takeubah Nyan jeuet tatamong hana geularang Bandum nyan Tuhan Neuteupeue sudah Got tapeulahe atawa tasom Neuteupeue bandum cit nyan le Allah

24:30

قُل لِّلۡمُؤۡمِنِينَ يَغُضُّواْ مِنۡ أَبۡصَٰرِهِمۡ وَيَحۡفَظُواْ فُرُوجَهُمۡۚ ذَٰلِكَ أَزۡكَىٰ لَهُمۡۚ إِنَّ ٱللَّهَ خَبِيرُۢ بِمَا يَصۡنَعُونَ

Takheun bak ureueng mukmin nyang agam Bek jingieng tajam mata jih leupah Beu jipeulahra lom meunalee jih Nyan gleh that keu jih hana ban peugah Peue nyang jipeugot Tuhan Neumaklum

24:31

وَقُل لِّلۡمُؤۡمِنَٰتِ يَغۡضُضۡنَ مِنۡ أَبۡصَٰرِهِنَّ وَيَحۡفَظۡنَ فُرُوجَهُنَّ وَلَا يُبۡدِينَ زِينَتَهُنَّ إِلَّا مَا ظَهَرَ مِنۡهَاۖ وَلۡيَضۡرِبۡنَ بِخُمُرِهِنَّ عَلَىٰ جُيُوبِهِنَّۖ وَلَا يُبۡدِينَ زِينَتَهُنَّ إِلَّا لِبُعُولَتِهِنَّ أَوۡ ءَابَآئِهِنَّ أَوۡ ءَابَآءِ بُعُولَتِهِنَّ أَوۡ أَبۡنَآئِهِنَّ أَوۡ أَبۡنَآءِ بُعُولَتِهِنَّ أَوۡ إِخۡوَٰنِهِنَّ أَوۡ بَنِيٓ إِخۡوَٰنِهِنَّ أَوۡ بَنِيٓ أَخَوَٰتِهِنَّ أَوۡ نِسَآئِهِنَّ أَوۡ مَا مَلَكَتۡ أَيۡمَٰنُهُنَّ أَوِ ٱلتَّٰبِعِينَ غَيۡرِ أُوْلِي ٱلۡإِرۡبَةِ مِنَ ٱلرِّجَالِ أَوِ ٱلطِّفۡلِ ٱلَّذِينَ لَمۡ يَظۡهَرُواْ عَلَىٰ عَوۡرَٰتِ ٱلنِّسَآءِۖ وَلَا يَضۡرِبۡنَ بِأَرۡجُلِهِنَّ لِيُعۡلَمَ مَا يُخۡفِينَ مِن زِينَتِهِنَّۚ وَتُوبُوٓاْ إِلَى ٱللَّهِ جَمِيعًا أَيُّهَ ٱلۡمُؤۡمِنُونَ لَعَلَّكُمۡ تُفۡلِحُونَ

Bak mukmin inong pih meunan ulah Tayue theun mata jaga meunalee Hiasan ulee bek tabri peuhah Hiasan tuboh kalong boh bajee Bandum nyan teuntee bek jipeuleumah Meulengkan peue nyang lahe u lua Nyang leumah nyata sabe cit teuhah Meunan pih jingui ija tob ulee Di ateueh bajee mangat bek leumah Jeuet jipeuleumah perhiasan jih Ubak linto jih deungon bak ayah Ayah droe jih ngon ayah linto jih Got pih aneuk jih jeuet jipeuleumah Aneuk linto jih ngon chedara jih Aneuk keumuen jih jeuet bandua blah Sabe inong jih got pih namiet jih Got peumbantu jih nyang hana syahwat Agam nyang hana napsu keu inong Aneuk cut mantong pih hana salah Mantong cut goh lom malee keu inong Keunankeuh mantong jeuet jipeuleumah Bek jipeumeusu keutʻing gleueng gaki Mangat gob turi hiasan indah Mangat gob teupeue na perhiasan Dijih di dalam nyang hana leumah Teuma tatoubat ban dumna gata Bak Tuhan gata nyang Maha Murah Hai ureueng mukmin tatoubat sigra Mangat bahgia gata meutuah

24:32

وَأَنكِحُواْ ٱلۡأَيَٰمَىٰ مِنكُمۡ وَٱلصَّٰلِحِينَ مِنۡ عِبَادِكُمۡ وَإِمَآئِكُمۡۚ إِن يَكُونُواْ فُقَرَآءَ يُغۡنِهِمُ ٱللَّهُ مِن فَضۡلِهِۦۗ وَٱللَّهُ وَٰسِعٌ عَلِيمٌ

Soe-soe nyang lajang lam kawan gata Peukawen sigra bek trep takeubah Meunan pih namiet teuh agam inong Meu ka meukeunong peukawen bagah Meunyo jih gasien Tuhan peukaya Neubri karonya keu jih le Allah Maha luah that karonya Tuhan Dumpeue Neutuban ‘eleumee Allah

24:33

وَلۡيَسۡتَعۡفِفِ ٱلَّذِينَ لَا يَجِدُونَ نِكَاحًا حَتَّىٰ يُغۡنِيَهُمُ ٱللَّهُ مِن فَضۡلِهِۦۗ وَٱلَّذِينَ يَبۡتَغُونَ ٱلۡكِتَٰبَ مِمَّا مَلَكَتۡ أَيۡمَٰنُكُمۡ فَكَاتِبُوهُمۡ إِنۡ عَلِمۡتُمۡ فِيهِمۡ خَيۡرًاۖ وَءَاتُوهُم مِّن مَّالِ ٱللَّهِ ٱلَّذِيٓ ءَاتَىٰكُمۡۚ وَلَا تُكۡرِهُواْ فَتَيَٰتِكُمۡ عَلَى ٱلۡبِغَآءِ إِنۡ أَرَدۡنَ تَحَصُّنًا لِّتَبۡتَغُواْ عَرَضَ ٱلۡحَيَوٰةِ ٱلدُّنۡيَاۚ وَمَن يُكۡرِههُّنَّ فَإِنَّ ٱللَّهَ مِنۢ بَعۡدِ إِكۡرَٰهِهِنَّ غَفُورٌ رَّحِيمٌ

Meunyo meukawen goh lom kuasa , Beugot jijaga bek roh buet salah f Meu ka jih kaya karonya Tuhan Laju watee nyan jijak meunikah Meu namiet gata lakee teuboh droe Surat keu jih nyoe tapeugot bagah Meunyo tateupeue ka got nyan keu jih Lom tabri keu jih hareuta Allah Hareuta Tuhan Neubri keu gata Peugot keunira keu jih takeubah Namiet nyang inong teuh bek tapaksa Jipeubuet dacha ngon tan meunikah Meunyo meunapsu droe jipeulahra Teuma digata napsu nyang salah Napsu areuta udep lam donya Buet nyan that hina hana ban peugah Soe nyang paksa jih teuma cit Tuhan Maha Peungampon lom that Peumurah

24:34

وَلَقَدۡ أَنزَلۡنَآ إِلَيۡكُمۡ ءَايَٰتٍ مُّبَيِّنَٰتٍ وَمَثَلًا مِّنَ ٱلَّذِينَ خَلَوۡاْ مِن قَبۡلِكُمۡ وَمَوۡعِظَةً لِّلۡمُتَّقِينَ

Ka Kamoe peutron ayat keu gata Nyang trang ngon nyata hana meusalah Lom pih na miseue ureueng nyang dilee Sinan meuteuntee raya phaedah Ureueng nyang dilee sigohlom gata Bandum nyan haba dalam seujarah Lom pih nasehat keu soe nyang takwa Ureueng mulia di sisi Allah

24:35

ٱللَّهُ نُورُ ٱلسَّمَٰوَٰتِ وَٱلۡأَرۡضِۚ مَثَلُ نُورِهِۦ كَمِشۡكَوٰةٍ فِيهَا مِصۡبَاحٌۖ ٱلۡمِصۡبَاحُ فِي زُجَاجَةٍۖ ٱلزُّجَاجَةُ كَأَنَّهَا كَوۡكَبٌ دُرِّيٌّ يُوقَدُ مِن شَجَرَةٍ مُّبَٰرَكَةٍ زَيۡتُونَةٍ لَّا شَرۡقِيَّةٍ وَلَا غَرۡبِيَّةٍ يَكَادُ زَيۡتُهَا يُضِيٓءُ وَلَوۡ لَمۡ تَمۡسَسۡهُ نَارٌۚ نُّورٌ عَلَىٰ نُورٍۚ يَهۡدِي ٱللَّهُ لِنُورِهِۦ مَن يَشَآءُۚ وَيَضۡرِبُ ٱللَّهُ ٱلۡأَمۡثَٰلَ لِلنَّاسِۗ وَٱللَّهُ بِكُلِّ شَيۡءٍ عَلِيمٌ

Tuhan po cahya langot ngon bumoe Miseue cahya nyoe na saboh kubah Dalam kubah nyan saboh peulita Di dalam kaca nyang trang that leupah Sang-sang kaca nyan bintang meucahya Intan permata hu meujeureulah Hu jih ngon minyeuk kayee beureukat Zaitun ganje that kayee meutuah Kon blah u timu kon blah u barat Minyeuk jih ka rap meucahya indah Bah that beu apui tan teupeh keunan Cahya di sinan le han ban peugah Di ateueh cahya na lom meucahya Allah Taʻala Neubri Hidayah Soe nyang h‘eut Tuhan Neutunyok keunan Bak cahya-Neuh nyan nyang hu that indah Neupeugot misee dum uleh Tuhan Keu bandum insan jitueng phaedah Bandum perkara Tuhan Neuteupeue Hana meusapeue pih na meuilah

24:36

فِي بُيُوتٍ أَذِنَ ٱللَّهُ أَن تُرۡفَعَ وَيُذۡكَرَ فِيهَا ٱسۡمُهُۥ يُسَبِّحُ لَهُۥ فِيهَا بِٱلۡغُدُوِّ وَٱلۡأٓصَالِ

Dalam meusijid dum izin Tuhan Pangkat that manyang geuseubot Allah Ucap teuseubeh hana tom karot Beungoh ngon seupot geupujoe Allah

24:37

رِجَالٌ لَّا تُلۡهِيهِمۡ تِجَٰرَةٌ وَلَا بَيۡعٌ عَن ذِكۡرِ ٱللَّهِ وَإِقَامِ ٱلصَّلَوٰةِ وَإِيتَآءِ ٱلزَّكَوٰةِ يَخَافُونَ يَوۡمًا تَتَقَلَّبُ فِيهِ ٱلۡقُلُوبُ وَٱلۡأَبۡصَٰرُ

Le ureueng-ureueng nyang han tom laloe Deungon bloe peubloe meukat blah bicah Bahthat geumeukat geuingat Tuhan Pubuet seumbahyang geubri seudeukah Geubri ngon zakeuet meu na hareuta Uroe Keunira geutakot leupah Uroe meuguncang ate ngon mata That haro hara kiamat sudah

24:38

لِيَجۡزِيَهُمُ ٱللَّهُ أَحۡسَنَ مَا عَمِلُواْ وَيَزِيدَهُم مِّن فَضۡلِهِۦۗ وَٱللَّهُ يَرۡزُقُ مَن يَشَآءُ بِغَيۡرِ حِسَابٍ

Mangat Neubalah gopnyan le Tuhan Ateueh buet gopnyan nyang got that leupah F Lom Neupeuleubeh karonya Tuhan Raseuki gopnyan hana ban peugah Soe nyang h‘eut Tuhan Neubri raseuki Han ek tatukri cit le sileupah

24:39

وَٱلَّذِينَ كَفَرُوٓاْ أَعۡمَٰلُهُمۡ كَسَرَابِۭ بِقِيعَةٍ يَحۡسَبُهُ ٱلظَّمۡـَٔانُ مَآءً حَتَّىٰٓ إِذَا جَآءَهُۥ لَمۡ يَجِدۡهُ شَيۡـًٔا وَوَجَدَ ٱللَّهَ عِندَهُۥ فَوَفَّىٰهُ حِسَابَهُۥۗ وَٱللَّهُ سَرِيعُ ٱلۡحِسَابِ

Amai si kaphe miseuejih teuma Patamorgana lam padang luah Geuleumbong anoe jisangka nyan ie Napsu keu leupie ka grah that leupah ‘Oh jijak keunan hana sapeue na Patamorgana jipeungot sudah f Nyang na di sinan Allah Taʻala Laju Neukira amai nyang salah Neubri treuk balah keu jih le Tuhan Keunira Tuhan keubit that bagah

24:40

أَوۡ كَظُلُمَٰتٍ فِي بَحۡرٍ لُّجِّيٍّ يَغۡشَىٰهُ مَوۡجٌ مِّن فَوۡقِهِۦ مَوۡجٌ مِّن فَوۡقِهِۦ سَحَابٌۚ ظُلُمَٰتُۢ بَعۡضُهَا فَوۡقَ بَعۡضٍ إِذَآ أَخۡرَجَ يَدَهُۥ لَمۡ يَكَدۡ يَرَىٰهَاۗ وَمَن لَّمۡ يَجۡعَلِ ٱللَّهُ لَهُۥ نُورًا فَمَا لَهُۥ مِن نُّورٍ

Atawa seupot lagee lam laot Lam kawan eungkot lam laot luah Di ateueh bakat meulapeh-lapeh Jitob jitindeh han sapeue leumah Ateueh nyan awan meususon-suson Seupot meuhimpon teubai sileupah Lam seupot suklip meutindeh lapeh Sinoe ngon sideh itam that leupah Jaroe droe jih sang han deuh jikalon d Cahya bak Tuhan han Neupeuleumah Soe nyang han Neubri cahya le Tuhan Peungeuh keu jih tan seupot sileupah

24:41

أَلَمۡ تَرَ أَنَّ ٱللَّهَ يُسَبِّحُ لَهُۥ مَن فِي ٱلسَّمَٰوَٰتِ وَٱلۡأَرۡضِ وَٱلطَّيۡرُ صَٰٓفَّٰتٍۖ كُلٌّ قَدۡ عَلِمَ صَلَاتَهُۥ وَتَسۡبِيحَهُۥۗ وَٱللَّهُ عَلِيمُۢ بِمَا يَفۡعَلُونَ

Peue hana taeu jikheun teuseubeh Dumpeue cit jadeh jipujoe Allah Soe nyang di langot ngon nyang di bumoe Bandum sinaroe pujoe di babah Cicem dum jipo meubareh-bareh Bandum teuseubeh sabe di babah Bandum jiteupeue ayat seumbahyang Jipujoe Tuhan nyang Maha Murah Peue nyang jipeubuet Tuhan Neuteupeue Hana meusapeue pih na meuilah

24:42

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۖ وَإِلَى ٱللَّهِ ٱلۡمَصِيرُ

Keurajeuen langet bandum ngon bumoe Bandum atra nyoe cit milek Allah Bandum teuh tawoe keudeh bak Tuhan

24:43

أَلَمۡ تَرَ أَنَّ ٱللَّهَ يُزۡجِي سَحَابًا ثُمَّ يُؤَلِّفُ بَيۡنَهُۥ ثُمَّ يَجۡعَلُهُۥ رُكَامًا فَتَرَى ٱلۡوَدۡقَ يَخۡرُجُ مِنۡ خِلَٰلِهِۦ وَيُنَزِّلُ مِنَ ٱلسَّمَآءِ مِن جِبَالٍ فِيهَا مِنۢ بَرَدٍ فَيُصِيبُ بِهِۦ مَن يَشَآءُ وَيَصۡرِفُهُۥ عَن مَّن يَشَآءُۖ يَكَادُ سَنَا بَرۡقِهِۦ يَذۡهَبُ بِٱلۡأَبۡصَٰرِ

Hana takalon peuneujeuet Allah Neuarak awan meulapeh-lepeh Lheueh nyan Neutindeh meutamon bagah j Lam awan teubai jiteubiet ujeuen Jitreun meureuen-reuen tunjai sileupah Na cit Neupeutron sideh di langet Gunong eh kreueh that ngon leupie leupah Soe nyang h‘eut Tuhan Neubri atra nyan Soe nyang h‘eut Tuhan han Neubri jatah Cahya kilatjih sang-sang rap buta Teuh seupot mata sapeue han leumah

24:44

يُقَلِّبُ ٱللَّهُ ٱلَّيۡلَ وَٱلنَّهَارَۚ إِنَّ فِي ذَٰلِكَ لَعِبۡرَةً لِّأُوْلِي ٱلۡأَبۡصَٰرِ

Neubalek sabe malam ngon uroe Tuhanku sidroe kuasa leupah Uroe ngon malam han tom meusapat Jitueng ibarat soe nyang meutuah Le ureueng nyang na pikiran sehat

24:45

وَٱللَّهُ خَلَقَ كُلَّ دَآبَّةٍ مِّن مَّآءٍۖ فَمِنۡهُم مَّن يَمۡشِي عَلَىٰ بَطۡنِهِۦ وَمِنۡهُم مَّن يَمۡشِي عَلَىٰ رِجۡلَيۡنِ وَمِنۡهُم مَّن يَمۡشِي عَلَىٰٓ أَرۡبَعٍۚ يَخۡلُقُ ٱللَّهُ مَا يَشَآءُۚ إِنَّ ٱللَّهَ عَلَىٰ كُلِّ شَيۡءٍ قَدِيرٌ

Tuhan nyang peujeuet bandum blah bicah Bandum binatang bak ie Neupeujeuet Nyang jak ateueh pruet takalon ulah Nyang ladom jijak ngon dua gaki : Ladom peuet gaki peuneujeuet Allah J Bandum Neupeujeuet ban nyang h‘eut Tuhan Dumpeue cit Tuhan kuasa leupah À

24:46

لَّقَدۡ أَنزَلۡنَآ ءَايَٰتٍ مُّبَيِّنَٰتٍۚ وَٱللَّهُ يَهۡدِي مَن يَشَآءُ إِلَىٰ صِرَٰطٍ مُّسۡتَقِيمٍ

Ka Kamoe peutron dum ayat-ayat Meupeutrang meuhat nyata sileupah 3 Teuma Neutunyok soe nyang h‘eut Tuhan Keudeh bak jalan nyang hana salah Jalan nyang teupat bak jalan Tuhan

24:47

وَيَقُولُونَ ءَامَنَّا بِٱللَّهِ وَبِٱلرَّسُولِ وَأَطَعۡنَا ثُمَّ يَتَوَلَّىٰ فَرِيقٌ مِّنۡهُم مِّنۢ بَعۡدِ ذَٰلِكَۚ وَمَآ أُوْلَٰٓئِكَ بِٱلۡمُؤۡمِنِينَ

Kamoe meuiman teuma jipeugah Iman keu Tuhan iman keu Rasul Bandum meukaboi peue nyang Neupeugah ‘Oh Iheueh jipeugah kamoe meutaʻat Jipaleng leugat saboh farikah Bandum jih nyan kon ureueng meuiman

24:48

وَإِذَا دُعُوٓاْ إِلَى ٱللَّهِ وَرَسُولِهِۦ لِيَحۡكُمَ بَيۡنَهُمۡ إِذَا فَرِيقٌ مِّنۡهُم مُّعۡرِضُونَ

‘Oh geuhoi jih nyan bak jalan Allah Geuhoi le Rasul geumeung hukom jih Na antara jih nyang meuparikah Saboh parikah cit laju jiwoe

24:49

وَإِن يَكُن لَّهُمُ ٱلۡحَقُّ يَأۡتُوٓاْ إِلَيۡهِ مُذۡعِنِينَ

Meu laba keu droe jih jitem singgah Meunyo na peue-peue nyang hak jih sinan Jiteuka keunan le bagah-bagah Jiteuka laju taʻat that dijih

24:50

أَفِي قُلُوبِهِم مَّرَضٌ أَمِ ٱرۡتَابُوٓاْ أَمۡ يَخَافُونَ أَن يَحِيفَ ٱللَّهُ عَلَيۡهِمۡ وَرَسُولُهُۥۚ بَلۡ أُوْلَٰٓئِكَ هُمُ ٱلظَّٰلِمُونَ

Peue lam ate jih na nyang. meusalah Peue na peunyaket dalam ate jih f Atawa chok jih peue nyang geupeugah Peue teumakot jih Tuhan elanya Keu jih nyan teuma sabab ka salah Meunan pih Rasul geuelanya jih Tapi cit droe jih lalem that leupah

24:51

إِنَّمَا كَانَ قَوۡلَ ٱلۡمُؤۡمِنِينَ إِذَا دُعُوٓاْ إِلَى ٱللَّهِ وَرَسُولِهِۦ لِيَحۡكُمَ بَيۡنَهُمۡ أَن يَقُولُواْ سَمِعۡنَا وَأَطَعۡنَاۚ وَأُوْلَٰٓئِكَ هُمُ ٱلۡمُفۡلِحُونَ

Teuma nyang narit ureueng meuiman Oh geuhoi jih nyan bak jalan Allah Geuhoi le Rasul geupeugah hukom Teuntee dum jikheun turot peurintah Ka kamoe deungo kamoe meutaʻat Ureueng nyan meuhat bahgia leupah

24:52

وَمَن يُطِعِ ٱللَّهَ وَرَسُولَهُۥ وَيَخۡشَ ٱللَّهَ وَيَتَّقۡهِ فَأُوْلَٰٓئِكَ هُمُ ٱلۡفَآئِزُونَ

Taʻat keu Allah taʻat keu Rasul Bandum jikaboi peue nyang peurintah Takot keu Tuhan takwa keu Tuhan Ureueng nyang meunankeuh nyang meutuah Nyankeuh nyang meunang lam perjuangan Keubit that seunang Neubri le Allah

24:53

وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَئِنۡ أَمَرۡتَهُمۡ لَيَخۡرُجُنَّۖ قُل لَّا تُقۡسِمُواْۖ طَاعَةٌ مَّعۡرُوفَةٌۚ إِنَّ ٱللَّهَ خَبِيرُۢ بِمَا تَعۡمَلُونَ

Awak nyan teuma meusumpah keubit Meu tayue teubjet jiteubiet bagah Meusumpah-sumpah leupah that dijih Takheun leh bak jih bek tameusumpah Meunyo tataʻat nyan cit ka meuphom Keubit Neumaklum bandum le Allah Peue nyang tapubuet Tuhan Neumaklum

24:54

قُلۡ أَطِيعُواْ ٱللَّهَ وَأَطِيعُواْ ٱلرَّسُولَۖ فَإِن تَوَلَّوۡاْ فَإِنَّمَا عَلَيۡهِ مَا حُمِّلَ وَعَلَيۡكُم مَّا حُمِّلۡتُمۡۖ وَإِن تُطِيعُوهُ تَهۡتَدُواْۚ وَمَا عَلَى ٱلرَّسُولِ إِلَّا ٱلۡبَلَٰغُ ٱلۡمُبِينُ

Takheun boh bandum taʻat keu Allah 3 Meunan pih taat bandum keu Rasul | Meu han takaboi teuntee ka salah Meunyo tapaleng teuma digopnyan Tanggongan gopnyan ke lheueh geupeuglah Tanggongan gata pulang keu gata Di Rasul hana le jeuet keu salah Meunyo tataʻat teuma digopnyan Keu gata Tuhan Neubri hidayah Neutunyok gata jalan nyang teupat Rasul pih meuhat ka lheueh geupeugah Tanggongan Rasul cit meu geupeutroh Peunyata sunggoh bandum peurintah

24:55

وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنًاۚ يَعۡبُدُونَنِي لَا يُشۡرِكُونَ بِي شَيۡـًٔاۚ وَمَن كَفَرَ بَعۡدَ ذَٰلِكَ فَأُوْلَٰٓئِكَ هُمُ ٱلۡفَٰسِقُونَ

Soe nyang meuiman lam kawan gata Allah Taʻala janji Neupeugah Jipeubuet amai pih bandum nyang got Nyan Tuhan peujeuet jih keu khalifah Di dalam bumoe jih mat keurajeuen Lagee yoh jameun ummat nyang sudah Lagee ka Neubri keu ummat jameun Agama jih nyan pih kong sileupah Agama Tuhan nyang ka Neurila Neupeukong sigra keu jih Neukeubah Lom pih jih aman han le teumakot Meunyo jiturot bandum peurintah Jiseumah cit Lon bek peucharikat Beurangpeue meuhat nyang bukon Allah v Meunyo jikaphe teuma ‘oh lheueh nyan 3 Jeuet treuk awak nyan fasek sileupah y

24:56

وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱلرَّسُولَ لَعَلَّكُمۡ تُرۡحَمُونَ

Peubuet seumbahyang tabri ngon zakeuet Lom pih tataʻat keu Rasul Allah Mangat jeuet rahmat neubri keu gata

24:57

لَا تَحۡسَبَنَّ ٱلَّذِينَ كَفَرُواْ مُعۡجِزِينَ فِي ٱلۡأَرۡضِۚ وَمَأۡوَىٰهُمُ ٱلنَّارُۖ وَلَبِئۡسَ ٱلۡمَصِيرُ

Bek roe tasangka kafirin Makkah Bek tasangka jih teuga di bumoe ý Lam apui dudoe keudeh geukeubah 2 Dalam nuraka jih geubri teumpat Sijeuheut teumpat nuraka juah

24:58

يَٰٓأَيُّهَا ٱلَّذِينَ ءَامَنُواْ لِيَسۡتَـٔۡذِنكُمُ ٱلَّذِينَ مَلَكَتۡ أَيۡمَٰنُكُمۡ وَٱلَّذِينَ لَمۡ يَبۡلُغُواْ ٱلۡحُلُمَ مِنكُمۡ ثَلَٰثَ مَرَّٰتٍۚ مِّن قَبۡلِ صَلَوٰةِ ٱلۡفَجۡرِ وَحِينَ تَضَعُونَ ثِيَابَكُم مِّنَ ٱلظَّهِيرَةِ وَمِنۢ بَعۡدِ صَلَوٰةِ ٱلۡعِشَآءِۚ ثَلَٰثُ عَوۡرَٰتٍ لَّكُمۡۚ لَيۡسَ عَلَيۡكُمۡ وَلَا عَلَيۡهِمۡ جُنَاحُۢ بَعۡدَهُنَّۚ طَوَّٰفُونَ عَلَيۡكُم بَعۡضُكُمۡ عَلَىٰ بَعۡضٍۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِۗ وَٱللَّهُ عَلِيمٌ حَكِيمٌ

Namiet gata dum hai ureueng mukmin Jilakee izin meunan tapeugah Lhee go siuroe izin jilakee Meunan meuteuntee mangat bek salah a e Meunan pih aneuk nyang goh troh umu Bek tamong laju lam kama bagah Nyang phon yoh goh lom seumbahyang suboh Goh lom tabeudoh tapujoe Allah ‘Oh tasuet bajee bak watee leuho r Watee pajoh bu tapiyoh payah h Meunan pih ‘oh Iheueh sumbahyang ‘isya Nyan ‘aurat gata beu tapeusiblah r Jilakee izin lhee boh watee nyan ‘Oh Iheueh nibak nyan gata pih bebaih Dijih pih ka jeuet jiteubiet tamong Peue nyang meukeunong jipeubuet bagah Meunankeuh Tuhan dum Neupeunyata y Keu gata tanda tatueng phaedah Tuhan Neuteupeue bandum peurkara Lom bijaksana-Neuh han ban peugah

24:59

وَإِذَا بَلَغَ ٱلۡأَطۡفَٰلُ مِنكُمُ ٱلۡحُلُمَ فَلۡيَسۡتَـٔۡذِنُواْ كَمَا ٱسۡتَـٔۡذَنَ ٱلَّذِينَ مِن قَبۡلِهِمۡۚ كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦۗ وَٱللَّهُ عَلِيمٌ حَكِيمٌ

Meunyo aneukmiet ka troh umu jih Nyan saban dijih hana meuubah Lagee ureueng nyang dilee nibak jih s Lakee izin jih saban that leupah Meunankeuh Tuhan Neupeutrang ayat Keu gata meuhat tatueng phaedah Tuhan Neuteupeue bandum perkara Ngon bijaksana-Neuh han ban peugah

24:60

وَٱلۡقَوَٰعِدُ مِنَ ٱلنِّسَآءِ ٱلَّٰتِي لَا يَرۡجُونَ نِكَاحًا فَلَيۡسَ عَلَيۡهِنَّ جُنَاحٌ أَن يَضَعۡنَ ثِيَابَهُنَّ غَيۡرَ مُتَبَرِّجَٰتِۭ بِزِينَةٍۖ وَأَن يَسۡتَعۡفِفۡنَ خَيۡرٌ لَّهُنَّۗ وَٱللَّهُ سَمِيعٌ عَلِيمٌ

Ureueng inong nyang hana meuhe le Lom hana mume watee ka leupah $ Lom pih hana le napsu meukawen 7 Nyan jeuet meulaen bacut meuubah Hana peue dijih ija di lua Hana meudacha adak jikeubah Lom hana jingui ngon peurhiasan Jiboh bak badan jimeung peuleumah Leubeh got teuma beu jijaga droe Bek jeuet keu paloe roh dalam salah Tuhan Neudeungo lom pih Neuteupeue Hana meusapeue pih na meuilah

24:61

لَّيۡسَ عَلَى ٱلۡأَعۡمَىٰ حَرَجٌ وَلَا عَلَى ٱلۡأَعۡرَجِ حَرَجٌ وَلَا عَلَى ٱلۡمَرِيضِ حَرَجٌ وَلَا عَلَىٰٓ أَنفُسِكُمۡ أَن تَأۡكُلُواْ مِنۢ بُيُوتِكُمۡ أَوۡ بُيُوتِ ءَابَآئِكُمۡ أَوۡ بُيُوتِ أُمَّهَٰتِكُمۡ أَوۡ بُيُوتِ إِخۡوَٰنِكُمۡ أَوۡ بُيُوتِ أَخَوَٰتِكُمۡ أَوۡ بُيُوتِ أَعۡمَٰمِكُمۡ أَوۡ بُيُوتِ عَمَّٰتِكُمۡ أَوۡ بُيُوتِ أَخۡوَٰلِكُمۡ أَوۡ بُيُوتِ خَٰلَٰتِكُمۡ أَوۡ مَا مَلَكۡتُم مَّفَاتِحَهُۥٓ أَوۡ صَدِيقِكُمۡۚ لَيۡسَ عَلَيۡكُمۡ جُنَاحٌ أَن تَأۡكُلُواْ جَمِيعًا أَوۡ أَشۡتَاتًاۚ فَإِذَا دَخَلۡتُم بُيُوتًا فَسَلِّمُواْ عَلَىٰٓ أَنفُسِكُمۡ تَحِيَّةً مِّنۡ عِندِ ٱللَّهِ مُبَٰرَكَةً طَيِّبَةًۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَعۡقِلُونَ

Bak ureueng buta hana geularang Capiek got pincang hana geuteugah Got ureueng saket got pih droe gata Pajoh bersama saboh maidah Sinan tamakeuen di rumoh gata Got pih seudia di rumoh ayah Rumoh yah gata got pih ma gata j Chedara gata pih hana salah í Ni Agam ngon inong chedara gata J Got pih ngon apateuh hana ubah g Rumoh abua ngon macut gata A Meunan pih mawateuh saban leupah Got rumoh nyang na gunci bak gata Got rakan gata pih hana ubah Hana jeuet keu peue tapajoh sapat Keunan dum meuhat tajak meulangkah Atawa napsu pajoh sidroe-droe Bandum sinaroe han jeuet keu salah Watee tatamong dalam rumoh nyoe Saleuem bri keudroe saleuem bak Allah Saleuem beureukat Neubri keu gata Allah Taʻala Neubri jroh leupah Meunankeuh ayat Neutrang bak gata Mangat jeuet gata pike beuceudah

24:62

إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ وَإِذَا كَانُواْ مَعَهُۥ عَلَىٰٓ أَمۡرٍ جَامِعٍ لَّمۡ يَذۡهَبُواْ حَتَّىٰ يَسۡتَـٔۡذِنُوهُۚ إِنَّ ٱلَّذِينَ يَسۡتَـٔۡذِنُونَكَ أُوْلَٰٓئِكَ ٱلَّذِينَ يُؤۡمِنُونَ بِٱللَّهِ وَرَسُولِهِۦۚ فَإِذَا ٱسۡتَـٔۡذَنُوكَ لِبَعۡضِ شَأۡنِهِمۡ فَأۡذَن لِّمَن شِئۡتَ مِنۡهُمۡ وَٱسۡتَغۡفِرۡ لَهُمُ ٱللَّهَۚ إِنَّ ٱللَّهَ غَفُورٌ رَّحِيمٌ

Nyang geukheun mukmin soe nyang meuiman Keupada Tuhan ngon Rasulullah Sajan ngon Rasul ‘oh na urosan Lam pertemuan geumuchawarah Han lom geubeudoh geujak ho laen Meu goh na izin bak Rasulullah d Ureueng nyang lakee izin bak gata Keubit jih nyata iman keu Allah Lom jimeuiman keu Rasul Tuhan Teuma urosan jih goh lom sudah 1 Meunyo jilakee izin bak gata Urosan raya jimeung jak peuglah Nyan tabri izin soe nyang hʻeut gata Talakee teuma ampon bak Allah Talakee ampon akan ureueng nyan Tuhan Peungampon lom that Peumurah

24:63

لَّا تَجۡعَلُواْ دُعَآءَ ٱلرَّسُولِ بَيۡنَكُمۡ كَدُعَآءِ بَعۡضِكُم بَعۡضًاۚ قَدۡ يَعۡلَمُ ٱللَّهُ ٱلَّذِينَ يَتَسَلَّلُونَ مِنكُمۡ لِوَاذًاۚ فَلۡيَحۡذَرِ ٱلَّذِينَ يُخَالِفُونَ عَنۡ أَمۡرِهِۦٓ أَن تُصِيبَهُمۡ فِتۡنَةٌ أَوۡ يُصِيبَهُمۡ عَذَابٌ أَلِيمٌ

Tameuhei Rasul bek tapeusaban i Ngon tahei rakanteuh saban leupah i Soe nyang ka teubiet Tuhan Neutusoe 2 Jimita sagoe mangat bek leumah Lam kawan gata jipeusiblah droe Ubak rakan droe keudeh jilangkah Soe nyang han peubuet suroh Hadharat Jiingat beuthat keunong musibah Cobaan Neubri uleh Hadharat í Atawa azeueb peudeh that leupah

24:64

أَلَآ إِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۖ قَدۡ يَعۡلَمُ مَآ أَنتُمۡ عَلَيۡهِ وَيَوۡمَ يُرۡجَعُونَ إِلَيۡهِ فَيُنَبِّئُهُم بِمَا عَمِلُواْۗ وَٱللَّهُ بِكُلِّ شَيۡءٍ عَلِيمُۢ

Peue nyang di langet got nyang di bumoe Beuna tateupeue nyan milek Allah Hal ihwal gata bandum Neuteupeue Meunan pih uroe tawoe bak Allah Bandumteuh tawoe keudeh bak Tuhan Neubri thee yohnyan buet nyang ka leupah Bandum peukara Tuhan Neuteupeue Hana meusapeue pih na meuilah aa a E a a a a a r a Ai AL-FURQAN (PEUMEUNGKLEH) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah

Translation: Tgk. H. Mahjiddin Jusuf.