Surah 23 · 118 verses · Tgk. H. Mahjiddin Jusuf

Surah Al-Mu'minun in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

23:1

قَدۡ أَفۡلَحَ ٱلۡمُؤۡمِنُونَ

Meubahgia that ureueng meuiman

23:2

ٱلَّذِينَ هُمۡ فِي صَلَاتِهِمۡ خَٰشِعُونَ

Dalam seumbahyang khuchu‘ that leupah

23:3

وَٱلَّذِينَ هُمۡ عَنِ ٱللَّغۡوِ مُعۡرِضُونَ

Han tom geupeubuet nyang sia-sia Buet deungon kata hana tom salah

23:4

وَٱلَّذِينَ هُمۡ لِلزَّكَوٰةِ فَٰعِلُونَ

Geubri ngon zakeuet meu na hareuta

23:5

وَٱلَّذِينَ هُمۡ لِفُرُوجِهِمۡ حَٰفِظُونَ

Meunalee teuma geujaga leupah

23:6

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Meulengkan ubak peurumoh gopnyan Namiet teubosan teuma geuh nyang sah Meunyo nyan teuma han jeuet keu cupa

23:7

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Laen tamita nyankeuh nyang salah

23:8

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

Bandum amanah ngon janji gopnyan Meubacut pih han sagai geuubah

23:9

وَٱلَّذِينَ هُمۡ عَلَىٰ صَلَوَٰتِهِمۡ يُحَافِظُونَ

Lom geupeulahra seumbahyang gopnyan

23:10

أُوْلَٰٓئِكَ هُمُ ٱلۡوَٰرِثُونَ

Nyankeuh ureueng nyan teurimong upah Geutueng pusaka upah ureueng nyan

23:11

ٱلَّذِينَ يَرِثُونَ ٱلۡفِرۡدَوۡسَ هُمۡ فِيهَا خَٰلِدُونَ

Pusaka gopnyan churuga indah Churuga Firdaus teumpat ureueng nyan Keukai di sinan gopnyan geukeubah

23:12

وَلَقَدۡ خَلَقۡنَا ٱلۡإِنسَٰنَ مِن سُلَٰلَةٍ مِّن طِينٍ

Ka Kamoe peujeuet dum manusia Bak tanoh baja phon asai liah

23:13

ثُمَّ جَعَلۡنَٰهُ نُطۡفَةً فِي قَرَارٍ مَّكِينٍ

Lheueh nyan Meupeujeuet bak sititek ie Bak teumpat leupie sideh Meukeubah

23:14

ثُمَّ خَلَقۡنَا ٱلنُّطۡفَةَ عَلَقَةً فَخَلَقۡنَا ٱلۡعَلَقَةَ مُضۡغَةً فَخَلَقۡنَا ٱلۡمُضۡغَةَ عِظَٰمًا فَكَسَوۡنَا ٱلۡعِظَٰمَ لَحۡمًا ثُمَّ أَنشَأۡنَٰهُ خَلۡقًا ءَاخَرَۚ فَتَبَارَكَ ٱللَّهُ أَحۡسَنُ ٱلۡخَٰلِقِينَ

Te sititek nyan teuma Meupeujeuet Keu laen sipheuet saboh cak darah y Meupeujeuet darah teuma keu asoe Keunan Meupasoe tuleueng meugapah Meubalot tuleueng teuma ngon asoe Teuma ‘oh dudoe bandum Meuubah d Kamoe peujeuet jih makhluk laen Keubit that licen peuneujeuet Allah Maha Suci that Tuhan nyang peujeuet Hana soe peujeuet lagee nyan indah

23:15

ثُمَّ إِنَّكُم بَعۡدَ ذَٰلِكَ لَمَيِّتُونَ

‘Oh Iheueh nyan teuma gata dum mate

23:16

ثُمَّ إِنَّكُمۡ يَوۡمَ ٱلۡقِيَٰمَةِ تُبۡعَثُونَ

Neubangket teuh le teuma le Allah Uroe kiamat teuma geubangket Hana padum trep sang-sang that bagah

23:17

وَلَقَدۡ خَلَقۡنَا فَوۡقَكُمۡ سَبۡعَ طَرَآئِقَ وَمَا كُنَّا عَنِ ٱلۡخَلۡقِ غَٰفِلِينَ

Ka Kamoe peujeuet di ateueh gata Tujoh angkasa nyang raya leupah Hana tom lale teuma di-Kamoe Nyang meupeujeuet nyoe sabe meupapah

23:18

وَأَنزَلۡنَا مِنَ ٱلسَّمَآءِ مَآءَۢ بِقَدَرٍ فَأَسۡكَنَّٰهُ فِي ٱلۡأَرۡضِۖ وَإِنَّا عَلَىٰ ذَهَابِۭ بِهِۦ لَقَٰدِرُونَ

Meupeutren ujeuen sideh di langet » Kada jih meuhat hana meupeugah i Kamoe peudong ie sinan di bumoe Teuma di-Kamoe ek lom meuruah Kamoe kuasa meupeuboh ie nyan

23:19

فَأَنشَأۡنَا لَكُم بِهِۦ جَنَّٰتٍ مِّن نَّخِيلٍ وَأَعۡنَٰبٍ لَّكُمۡ فِيهَا فَوَٰكِهُ كَثِيرَةٌ وَمِنۡهَا تَأۡكُلُونَ

Keu keubon teuh nyan teuma meukeubah Keubon keureuma anggor boh kayee Nyang laen teuntee dum le that leupah Boh kayee dum nyan mangat tapajoh

23:20

وَشَجَرَةً تَخۡرُجُ مِن طُورِ سَيۡنَآءَ تَنۢبُتُ بِٱلدُّهۡنِ وَصِبۡغٍ لِّلۡأٓكِلِينَ

Teuma na saboh kayee meutuah Kaycee nyan timoh di Thursina Minyeuk dum jibri bak kayee ceudah Teuma makanan tapajoh leumak

23:21

وَإِنَّ لَكُمۡ فِي ٱلۡأَنۡعَٰمِ لَعِبۡرَةًۖ نُّسۡقِيكُم مِّمَّا فِي بُطُونِهَا وَلَكُمۡ فِيهَا مَنَٰفِعُ كَثِيرَةٌ وَمِنۡهَا تَأۡكُلُونَ

Binatang teurnak pih saboh tuah le dalam pruet jih meubri keu gata Laen dum teuma le that phaedah Tapajoh sie jih mangat that rasa

23:22

وَعَلَيۡهَا وَعَلَى ٱلۡفُلۡكِ تُحۡمَلُونَ

Tagiduek teuma jan tameulangkah Saban ngon kapai keu keundraan gata Bak rueng jih lanja taek le bagah

23:23

وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ

Kamoe kirem Noh bak kaom gopnyan Geukheun le gopnyan kaom meutuah Taseumah Allah nyankeuh nyang Tuhan Tan laen Tuhan teuh meu kon Allah Pakon han gata tatem takwa

23:24

فَقَالَ ٱلۡمَلَؤُاْ ٱلَّذِينَ كَفَرُواْ مِن قَوۡمِهِۦ مَا هَٰذَآ إِلَّا بَشَرٌ مِّثۡلُكُمۡ يُرِيدُ أَن يَتَفَضَّلَ عَلَيۡكُمۡ وَلَوۡ شَآءَ ٱللَّهُ لَأَنزَلَ مَلَٰٓئِكَةً مَّا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ

Jiseuot sigra le kaphe jadah Awak nyang kaphe lam kaomgeuh nyoe Jikheun peue jih nyoe jikeumeung peugah ô Jih manusia cit lagee gata Napsu mulia jih tapeumeugah Napsu beuleubeh jih nibak gata Nyankeuh jijak ba haba beurakah Meunyo Neukheundak Tuhan Hadharat Cit malaikat Neukirem bagah Han tom tadeungo bak du-du tanyoe Haba lagee nyoe nyang jih jak peugah Han tom tadeungo bak ureueng dilee

23:25

إِنۡ هُوَ إِلَّا رَجُلُۢ بِهِۦ جِنَّةٌ فَتَرَبَّصُواْ بِهِۦ حَتَّىٰ حِينٍ

Bit jih ka seudee akai ka salah i Bit meunan tapreh cit meupadum trep

23:26

قَالَ رَبِّ ٱنصُرۡنِي بِمَا كَذَّبُونِ

Jikheun lon sulet wahe ya Allah Neutulong lon nyoe han jitem pateh Nabi Noh meuceh meunan neupeugah

23:27

فَأَوۡحَيۡنَآ إِلَيۡهِ أَنِ ٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا فَإِذَا جَآءَ أَمۡرُنَا وَفَارَ ٱلتَّنُّورُ فَٱسۡلُكۡ فِيهَا مِن كُلٍّ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ مِنۡهُمۡۖ وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ

Kamoe bri wahyu teuma bak gopnyan Meunyo ka meunan tamita hilah Tapeugot kapai jinoe digata Jeuet Kamoe jaga mangat bek salah Ngon wahyu Kamoe meu ka troh watee Gata jak dilee Kamoe peuleupah Meu ka teupancar ie nibak dapu Watee nyan laju gata beukeumah Dua-dua peue meupasang-pasang Tayue ek rijang keunan beubagah Ngon ahli gata nyang seutot gata Nyankeuh nyang taba jan tameulangkah Meulengkan soe-soe nyang ka na kada Keu jih ceulaka Neubri le Allah Awak nyang lalem nyan bek talakee Karam dum teuntee lam laot luah Bek lakee bak Lon teuntang awak nyan

23:28

فَإِذَا ٱسۡتَوَيۡتَ أَنتَ وَمَن مَّعَكَ عَلَى ٱلۡفُلۡكِ فَقُلِ ٱلۡحَمۡدُ لِلَّهِ ٱلَّذِي نَجَّىٰنَا مِنَ ٱلۡقَوۡمِ ٱلظَّٰلِمِينَ

Digata keunan taek le bagah Meu ka lheueh taek u dalam kapai Bek tuwo sagai tapujoe Allah Alhamdulillah Tuhan tapujoe Ban dumna kamoe ka Neupeuleupah Neupeuglah kamoe nibak si lalem

23:29

وَقُل رَّبِّ أَنزِلۡنِي مُنزَلًا مُّبَارَكًا وَأَنتَ خَيۡرُ ٱلۡمُنزِلِينَ

Takheun lom laen wahe ya Allah Neupeuduek kamoe bak saboh teumpat Nyang ka beureukat nanggroe meutuah Droe-Neuh sineujroh ureueng bri teumpat

23:30

إِنَّ فِي ذَٰلِكَ لَأٓيَٰتٍ وَإِن كُنَّا لَمُبۡتَلِينَ

Bandum nyan ayat kuasa Allah Bandum atra nyan Meubri cobaan

23:31

ثُمَّ أَنشَأۡنَا مِنۢ بَعۡدِهِمۡ قَرۡنًا ءَاخَرِينَ

Di likot jih nyan meugantoe bagah Meugantoe deungon kurun nyang laen

23:32

فَأَرۡسَلۡنَا فِيهِمۡ رَسُولًا مِّنۡهُمۡ أَنِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ

Teuma meukirem lom Rasulullah Rasul Meukirem dalam kawan jih Geuyue dum bak jih taseumah Allah Tuhan nyang laen bandum kon tuhan Pakon gata han takwa keu Allah

23:33

وَقَالَ ٱلۡمَلَأُ مِن قَوۡمِهِ ٱلَّذِينَ كَفَرُواْ وَكَذَّبُواْ بِلِقَآءِ ٱلۡأٓخِرَةِ وَأَتۡرَفۡنَٰهُمۡ فِي ٱلۡحَيَوٰةِ ٱلدُّنۡيَا مَا هَٰذَآ إِلَّا بَشَرٌ مِّثۡلُكُمۡ يَأۡكُلُ مِمَّا تَأۡكُلُونَ مِنۡهُ وَيَشۡرَبُ مِمَّا تَشۡرَبُونَ

Jikheun le kaphe lam kaom gopnyan Awak nyan nyang han turot peurintah Uroe akhirat pih jikheun hana Lam udep donya kamoe bri mewah Jikheun dum jih nyoe pih manusia Saban ngon gata hana meuubah Peue nyang tapajoh ngon peue nyang tajep Jipajoh jijep pih saban leupah

23:34

وَلَئِنۡ أَطَعۡتُم بَشَرًا مِّثۡلَكُمۡ إِنَّكُمۡ إِذًا لَّخَٰسِرُونَ

Meunyo taikot cit manusia Nyang sa ngon gata rogoe that leupah

23:35

أَيَعِدُكُمۡ أَنَّكُمۡ إِذَا مِتُّمۡ وَكُنتُمۡ تُرَابًا وَعِظَٰمًا أَنَّكُم مُّخۡرَجُونَ

Peue jimeujanji jikheun bak gata ‘Oh mate gata jikheun geubalah ‘Oh jeuet keu tanoh teuh tinggai tuleueng Geubangketteuh lom meunan jipeugah

23:36

هَيۡهَاتَ هَيۡهَاتَ لِمَا تُوعَدُونَ

Jioh that jioh nyang jijanji nyan

23:37

إِنۡ هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا نَحۡنُ بِمَبۡعُوثِينَ

Nyang beutoi kon nyan nyang hana sosah Udep lam donya mate ngon udep Hana le bangket tanyoe ka sudah

23:38

إِنۡ هُوَ إِلَّا رَجُلٌ ٱفۡتَرَىٰ عَلَى ٱللَّهِ كَذِبًا وَمَا نَحۡنُ لَهُۥ بِمُؤۡمِنِينَ

Kon laen jih nyan jipeuna-peuna s Sulet lagoena jikheun keu Allah Gata nyoe han jeuet meuiman keu jih

23:39

قَالَ رَبِّ ٱنصُرۡنِي بِمَا كَذَّبُونِ

Pakri nyoe dum jih wahe ya Allah Neutulong lon nyoe han jitem pateh Rasul nyan meuceh meunan geupeugah

23:40

قَالَ عَمَّا قَلِيلٍ لَّيُصۡبِحُنَّ نَٰدِمِينَ

Kheun Tuhan teuma han trep le sagai Jih nyan meunyeusai bandum jih teulah

23:41

فَأَخَذَتۡهُمُ ٱلصَّيۡحَةُ بِٱلۡحَقِّ فَجَعَلۡنَٰهُمۡ غُثَآءًۚ فَبُعۡدًا لِّلۡقَوۡمِ ٱلظَّٰلِمِينَ

Bit jitak treuk jih dum le geulanteue Hana meusapeue jiteumee peugah f Lagee broh teuboh treuk jih dum sinan Kaom nyang lalem jioh that leupah

23:42

ثُمَّ أَنشَأۡنَا مِنۢ بَعۡدِهِمۡ قُرُونًا ءَاخَرِينَ

Meugantoe treuk jih ngon kuron laen Di likot jih nyan Meugantoe bagah

23:43

مَا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ

Beurangri ummat meu goh troh ajai Han jeuet peuawai meu ube seupah Meu ka troh ajai han jeuet peuakhe

23:44

ثُمَّ أَرۡسَلۡنَا رُسُلَنَا تَتۡرَاۖ كُلَّ مَا جَآءَ أُمَّةً رَّسُولُهَا كَذَّبُوهُۖ فَأَتۡبَعۡنَا بَعۡضَهُم بَعۡضًا وَجَعَلۡنَٰهُمۡ أَحَادِيثَۚ فَبُعۡدًا لِّقَوۡمٍ لَّا يُؤۡمِنُونَ

Kamoe kirem le Rasul lom bagah Meuturot-turot Meukirem Rasul Bandum nyan Rasul sulet jipeugah Bandum jih teuma Meupeubinasa Jeuet treuk jih haba dalam seujarah Jioh that kaom nyang hana iman

23:45

ثُمَّ أَرۡسَلۡنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلۡطَٰنٍ مُّبِينٍ

Musa ‘oh lheueh nyan Kamoe yue langkah Musa ngon Harun Meukirem keunoe t Ngon ayat Kamoe geuba peurintah Muʻjizat nyata geujak ba keunan

23:46

إِلَىٰ فِرۡعَوۡنَ وَمَلَإِيْهِۦ فَٱسۡتَكۡبَرُواْ وَكَانُواْ قَوۡمًا عَالِينَ

Ubak Peuraʻeun kaphe seurakah k Teuma teukabo jih ngon kaom jih Mbong that bandum jih hana ban peugah

23:47

فَقَالُوٓاْ أَنُؤۡمِنُ لِبَشَرَيۡنِ مِثۡلِنَا وَقَوۡمُهُمَا لَنَا عَٰبِدُونَ

Jikheun peue kamoe meujak meuiman Keu dua insan lagee nyan rendah Bandua jih nyan saban ngon tanyoe Kaom jih tanyoe bandum jiseumah

23:48

فَكَذَّبُوهُمَا فَكَانُواْ مِنَ ٱلۡمُهۡلَكِينَ

Han jitem pateh bandua gopnyan Jeuet treuk awak nyan binasa sudah

23:49

وَلَقَدۡ ءَاتَيۡنَا مُوسَى ٱلۡكِتَٰبَ لَعَلَّهُمۡ يَهۡتَدُونَ

Cit ka Kamoe bri kitab keu Musa Kadang cit ek na keu jih hidayah Kadang Neutunyok dum jih le Tuhan

23:50

وَجَعَلۡنَا ٱبۡنَ مَرۡيَمَ وَأُمَّهُۥٓ ءَايَةً وَءَاوَيۡنَٰهُمَآ إِلَىٰ رَبۡوَةٍ ذَاتِ قَرَارٍ وَمَعِينٍ

Aneuk Maryam teuma meutuah Aneuk Maryam deungon ma gopnyan Tanda bak gopnyan Kamoe peuleumah Kamoe bri teumpat gopnyan bandua Bak tanoh data geupiyoh payah Teumpat nyang teunang saboh geurugoh Sinan geupiyoh ie pih na mudah

23:51

يَٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ عَلِيمٌ

Hai Rasul-Rasul pajoh le gata Makanan gata nyang jroh-jroh leupah Lom pih tapubuet dum buet nyang got-got Peue nyang tapubuet Lon teupeue bagah

23:52

وَإِنَّ هَٰذِهِۦٓ أُمَّتُكُمۡ أُمَّةً وَٰحِدَةً وَأَنَا۠ رَبُّكُمۡ فَٱتَّقُونِ

Nyan ummat gata cit saboh bandum Lon Po gata dum nyang beu taseumah Teuma takwa gata dum keu Lon

23:53

فَتَقَطَّعُوٓاْ أَمۡرَهُم بَيۡنَهُمۡ زُبُرًاۖ كُلُّ حِزۡبِۭ بِمَا لَدَيۡهِمۡ فَرِحُونَ

Peucah treuk jih dum meupisah-pisah Bandum jih galak keu peureute droe

23:54

فَذَرۡهُمۡ فِي غَمۡرَتِهِمۡ حَتَّىٰ حِينٍ

Bah meunan keudroe jih bek tapapah Bah sisat jih dum dang-dang troh watee Meu ka troh watee abeh jih sudah

23:55

أَيَحۡسَبُونَ أَنَّمَا نُمِدُّهُم بِهِۦ مِن مَّالٍ وَبَنِينَ

Peue jisangka dum Kamoe bri keu jih Le that aneuk jih hareuta mewah

23:56

نُسَارِعُ لَهُمۡ فِي ٱلۡخَيۡرَٰتِۚ بَل لَّا يَشۡعُرُونَ

Meupeubagah jih bak keubajikan Jiteupeue pih tan dijih ka salah

23:57

إِنَّ ٱلَّذِينَ هُم مِّنۡ خَشۡيَةِ رَبِّهِم مُّشۡفِقُونَ

Ureueng nyang takot dum keu Po gopnyan

23:58

وَٱلَّذِينَ هُم بِـَٔايَٰتِ رَبِّهِمۡ يُؤۡمِنُونَ

Lom geumeuiman keu ayat Allah

23:59

وَٱلَّذِينَ هُم بِرَبِّهِمۡ لَا يُشۡرِكُونَ

Keu Po gopnyan han geupeucharikat

23:60

وَٱلَّذِينَ يُؤۡتُونَ مَآ ءَاتَواْ وَّقُلُوبُهُمۡ وَجِلَةٌ أَنَّهُمۡ إِلَىٰ رَبِّهِمۡ رَٰجِعُونَ

Ureueng meularat geubri seudeukah Ureueng nyan geubri peue-peue nyang geubri Teumakot ate gopnyan keu Allah Teumakot gopnyan geuwoe bak Tuhan

23:61

أُوْلَٰٓئِكَ يُسَٰرِعُونَ فِي ٱلۡخَيۡرَٰتِ وَهُمۡ لَهَا سَٰبِقُونَ

Nyankeuh ureueng nyan nyang got that bagah Meudilee-dilee gopnyan bak buet got

23:62

وَلَا نُكَلِّفُ نَفۡسًا إِلَّا وُسۡعَهَاۚ وَلَدَيۡنَا كِتَٰبٌ يَنطِقُ بِٱلۡحَقِّ وَهُمۡ لَا يُظۡلَمُونَ

Hana Meupeubrat teuma bek salah Di-Kamoe Meuyue nyang ek geupeubuet Hana Meuyue buet nyang leupah-leupah Lam kitab Kamoe narit nyang beuna Hana elanya meu ube seupah Jih nyan pih bandum han geuelanya

23:63

بَلۡ قُلُوبُهُمۡ فِي غَمۡرَةٍ مِّنۡ هَٰذَا وَلَهُمۡ أَعۡمَٰلٌ مِّن دُونِ ذَٰلِكَ هُمۡ لَهَا عَٰمِلُونَ

Ate jih teuma nyang sisat leupah Hana jipike dijih atra nyoe Laen nibak nyoe pih buet jih salah Buet nyang hana got bandum jipeubuet

23:64

حَتَّىٰٓ إِذَآ أَخَذۡنَا مُتۡرَفِيهِم بِٱلۡعَذَابِ إِذَا هُمۡ يَجۡـَٔرُونَ

Baro teukeujot ‘oh jieu balah ë Jieu geuazeueb awak nyang chik-chik Meu jigeumeuciek treuk riyoh leupah

23:65

لَا تَجۡـَٔرُواْ ٱلۡيَوۡمَۖ إِنَّكُم مِّنَّا لَا تُنصَرُونَ

Bek kageumeuciek le dum uroe nyoe Hana troh keu noe soe jak tulong kah

23:66

قَدۡ كَانَتۡ ءَايَٰتِي تُتۡلَىٰ عَلَيۡكُمۡ فَكُنتُمۡ عَلَىٰٓ أَعۡقَٰبِكُمۡ تَنكِصُونَ

Watee geubaca dilee ayat Lon Keu kah han katueng kasurot bagah

23:67

مُسۡتَكۡبِرِينَ بِهِۦ سَٰمِرًا تَهۡجُرُونَ

Ngon mbong kah kakheun dum macam-macam ‘Oh watee malam kapeugah-peugah

23:68

أَفَلَمۡ يَدَّبَّرُواْ ٱلۡقَوۡلَ أَمۡ جَآءَهُم مَّا لَمۡ يَأۡتِ ءَابَآءَهُمُ ٱلۡأَوَّلِينَ

Peue tan jipike narit nyang jikheun Bak du-du jih kon ka lheueh geupeugah Atawa du-du jih dilee awai Goh lom troh sagai geuba peurintah

23:69

أَمۡ لَمۡ يَعۡرِفُواْ رَسُولَهُمۡ فَهُمۡ لَهُۥ مُنكِرُونَ

Peue han jituri Rasul jih nyan dum Jeuet jiungki dum peue nyan geupeugah

23:70

أَمۡ يَقُولُونَ بِهِۦ جِنَّةُۢۚ بَلۡ جَآءَهُم بِٱلۡحَقِّ وَأَكۡثَرُهُمۡ لِلۡحَقِّ كَٰرِهُونَ

Atawa jikheun gopnyan ka gila Tapi nyang geuba keubit risalah Haba nyang beuna geuba ubak jih Teuma le that jih beunci jih leupah Le that jih beunci keu peue nyang beuna

23:71

وَلَوِ ٱتَّبَعَ ٱلۡحَقُّ أَهۡوَآءَهُمۡ لَفَسَدَتِ ٱلسَّمَٰوَٰتُ وَٱلۡأَرۡضُ وَمَن فِيهِنَّۚ بَلۡ أَتَيۡنَٰهُم بِذِكۡرِهِمۡ فَهُمۡ عَن ذِكۡرِهِم مُّعۡرِضُونَ

Peuturot hawa dijih nyang salah Meunyo napsu jih nyan tapeuturot Abeh dum karot peuneujeuet Allah Tatinggai nyang hak taturot jih nyoe Langet ngon bumoe abeh dum cah prah Ngon bandum ureueng nyang na di sinan Rusak bandum nyan hana ban peugah Kamoe bri ayat peuingat keu jih Jipaleng dijih hana jipapah

23:72

أَمۡ تَسۡـَٔلُهُمۡ خَرۡجًا فَخَرَاجُ رَبِّكَ خَيۡرٌۖ وَهُوَ خَيۡرُ ٱلرَّٰزِقِينَ

Atawa peue na talakee bak jih C Beujibri le jih keu gata upah Upah Po gata nyan nyang leubeh got Tan laen nyang got meu kon bri Allah Tuhan Sineujroh nyang bri raseuki

23:73

وَإِنَّكَ لَتَدۡعُوهُمۡ إِلَىٰ صِرَٰطٍ مُّسۡتَقِيمٍ

Tahei jih lagi bak jalan Allah Jalan nyang beutoi jalan nyang teupat

23:74

وَإِنَّ ٱلَّذِينَ لَا يُؤۡمِنُونَ بِٱلۡأٓخِرَةِ عَنِ ٱلصِّرَٰطِ لَنَٰكِبُونَ

Dikaphe meuhat jalan jih salah Han jipateh na uroe akhirat Jalan nyang teupat dijih jikeubah

23:75

وَلَوۡ رَحِمۡنَٰهُمۡ وَكَشَفۡنَا مَا بِهِم مِّن ضُرٍّ لَّلَجُّواْ فِي طُغۡيَٰنِهِمۡ يَعۡمَهُونَ

Meunyo Meusayang le Kamoe keu jih j Meupeuleupah jih dum han le sosah Teuntee jimeuʻen lam darohaka Hana le reuda jipeubuet salah

23:76

وَلَقَدۡ أَخَذۡنَٰهُم بِٱلۡعَذَابِ فَمَا ٱسۡتَكَانُواْ لِرَبِّهِمۡ وَمَا يَتَضَرَّعُونَ

Ka lheueh Kamoe bri roe azeueb keu jih Han cit jitem jih turot peurintah Han jitem teukui keudeh keu Po jih

23:77

حَتَّىٰٓ إِذَا فَتَحۡنَا عَلَيۡهِم بَابًا ذَا عَذَابٍ شَدِيدٍ إِذَا هُمۡ فِيهِ مُبۡلِسُونَ

Meubri treuk keu jih azeueb that leupah Meujeuet treuk jih nyan dum putoh asa ‘Oh pinto seksa ka Kamoe peuhah

23:78

وَهُوَ ٱلَّذِيٓ أَنشَأَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلًا مَّا تَشۡكُرُونَ

Tuhan nyang peujeuet geulunyueng mata Ngon ate gata carong ngon ceudah Tapi nit gata nyang tatem chukor

23:79

وَهُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ

Neubri gata le di bumoe Allah Meuaneuk cucoteuh dum di bumoe Meusapat dudoe teuma bak Allah

23:80

وَهُوَ ٱلَّذِي يُحۡيِۦ وَيُمِيتُ وَلَهُ ٱخۡتِلَٰفُ ٱلَّيۡلِ وَٱلنَّهَارِۚ أَفَلَا تَعۡقِلُونَ

Tuhan peuhudep Tuhan peumate Malam teuka le uroe pih leupah Malam ngon uroe cit meungkleh sabe Hankeuh tapike ngon akai ceudah

23:81

بَلۡ قَالُواْ مِثۡلَ مَا قَالَ ٱلۡأَوَّلُونَ

Tapi kheunjih sa ngon ureueng jameun Saban ngon jih kheun hana meuubah

23:82

قَالُوٓاْ أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ

Jikheun peue keubit ‘oh mate tanyoe Geubangket tanyoe teuma geupeugah p *Oh jeuet keu tanoh teuh tinggai tuleueng Geubangket teuh lom mustahe leupah

23:83

لَقَدۡ وُعِدۡنَا نَحۡنُ وَءَابَآؤُنَا هَٰذَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ

Keubit geutanyoe ngon du-du tanyoe Geujanji meunoe dilee ka sudah Atranyoe dongeng ureueng nyang dilee Bandum meuteuntee haba beurakah

23:84

قُل لِّمَنِ ٱلۡأَرۡضُ وَمَن فِيهَآ إِن كُنتُمۡ تَعۡلَمُونَ

Takheun soe nyang po bumoe ngon asoe Bandum sinaroe tacuba peugah Meunyo tateupeue takheun soe po jih

23:85

سَيَقُولُونَ لِلَّهِۚ قُلۡ أَفَلَا تَذَكَّرُونَ

Teuntee seuotjih nyang po nyan Allah Takheun boh pakon cit han taingat

23:86

قُلۡ مَن رَّبُّ ٱلسَّمَٰوَٰتِ ٱلسَّبۡعِ وَرَبُّ ٱلۡعَرۡشِ ٱلۡعَظِيمِ

Takheun po langet soe lom ci peugah Po langet tujoh po ‘arasy raya

23:87

سَيَقُولُونَ لِلَّهِۚ قُلۡ أَفَلَا تَتَّقُونَ

Jiseuot lanja po jih nyan Allah Takheun boh pakon han tatakwa

23:88

قُلۡ مَنۢ بِيَدِهِۦ مَلَكُوتُ كُلِّ شَيۡءٍ وَهُوَ يُجِيرُ وَلَا يُجَارُ عَلَيۡهِ إِن كُنتُمۡ تَعۡلَمُونَ

Takheun soe raja lom taci peugah Nyang po keurajeuen seugala rupa Nyang ek neubela soe-soe nyang sosah Beurangsoe laen han ek jibela Meunyo neuseksa soe nyan ci peugah Meunyo tateupeue takheun soe dih nyan

23:89

سَيَقُولُونَ لِلَّهِۚ قُلۡ فَأَنَّىٰ تُسۡحَرُونَ

Teuntee jikheun nyan cit sidroe Allah Takheun peue cit ek gata jitaki

23:90

بَلۡ أَتَيۡنَٰهُم بِٱلۡحَقِّ وَإِنَّهُمۡ لَكَٰذِبُونَ

Tapi ka Meubri keu jih dum sudah Atra nyang beuna ka lheueh Kamoe bri Droe jih nyang taki sulet that leupah

23:91

مَا ٱتَّخَذَ ٱللَّهُ مِن وَلَدٍ وَمَا كَانَ مَعَهُۥ مِنۡ إِلَٰهٍۚ إِذًا لَّذَهَبَ كُلُّ إِلَٰهِۭ بِمَا خَلَقَ وَلَعَلَا بَعۡضُهُمۡ عَلَىٰ بَعۡضٍۚ سُبۡحَٰنَ ٱللَّهِ عَمَّا يَصِفُونَ

Hana aneuk-Neuh sagai di Tuhan Tan laen tuhan sajan ngon Allah Sabab meunyo na tuhan nyang laen r Makhluk laen geupeujeuet sudah Meuseunoh-seunoh peugot atra droe 3 Ka keuh rayek droe bandum geupeugah Maha Suci that Allah lagee nyan

23:92

عَٰلِمِ ٱلۡغَيۡبِ وَٱلشَّهَٰدَةِ فَتَعَٰلَىٰ عَمَّا يُشۡرِكُونَ

Nyang keubit Tuhan cit sidroe Allah Nyang han deuh taeu got nyang deuh taeu Bandum deuh Neueu meunyo le Allah Bandum deuh Neueu Maha manyang that Nibak charikat lagee jih peugah

23:93

قُل رَّبِّ إِمَّا تُرِيَنِّي مَا يُوعَدُونَ

Takheun Tuhanku meunyo Neumeung bri Peue nyang Neujanji Neumeung peuleumah Neumeung peukalon atra nyan bak lon

23:94

رَبِّ فَلَا تَجۡعَلۡنِي فِي ٱلۡقَوۡمِ ٱلظَّٰلِمِينَ

Tuhanku bek lon roh lam beurakah Bek roh lon dalam kaom nyang lalem

23:95

وَإِنَّا عَلَىٰٓ أَن نُّرِيَكَ مَا نَعِدُهُمۡ لَقَٰدِرُونَ

Meunyo Kamoe tem ek Meupeuleumah Ek Meupeukalon dum nyan bak gata

23:96

ٱدۡفَعۡ بِٱلَّتِي هِيَ أَحۡسَنُ ٱلسَّيِّئَةَۚ نَحۡنُ أَعۡلَمُ بِمَا يَصِفُونَ

Teuma digata beugot tapapah Tatulak ngon got buet nyang brok jih nyan Kamoe teupeue nyan peue nyang jipeugah

23:97

وَقُل رَّبِّ أَعُوذُ بِكَ مِنۡ هَمَزَٰتِ ٱلشَّيَٰطِينِ

Takheun Tuhanku Neupeulindong lon Nibak s‘ah chetan jiyue buet salah

23:98

وَأَعُوذُ بِكَ رَبِّ أَن يَحۡضُرُونِ

Neupeulindong lon wahe Tuhanku Bek jipeukaru bak lon jilangkah

23:99

حَتَّىٰٓ إِذَا جَآءَ أَحَدَهُمُ ٱلۡمَوۡتُ قَالَ رَبِّ ٱرۡجِعُونِ

Teuma awak nyan ‘oh teuka mawot Han ek le meumot jikheun treuk bagah Tuhanku Neubri lon woe u donya

23:100

لَعَلِّيٓ أَعۡمَلُ صَٰلِحًا فِيمَا تَرَكۡتُۚ كـَلَّآۚ إِنَّهَا كَلِمَةٌ هُوَ قَآئِلُهَاۖ وَمِن وَرَآئِهِم بَرۡزَخٌ إِلَىٰ يَوۡمِ يُبۡعَثُونَ

Lon peubuet teuma amai jroh leupah Amai nyang shaleh nyang tinggai dilee Jinoe meuteuntee han le lon keubah Tapi atra nyan narit jih mantong Di likot jih dong padang that luah Sampoe geubangket jih han troh teuka

23:101

فَإِذَا نُفِخَ فِي ٱلصُّورِ فَلَآ أَنسَابَ بَيۡنَهُمۡ يَوۡمَئِذٍ وَلَا يَتَسَآءَلُونَ

‘Oh Sangkai kala pih geuyup sudah Uroe nyan han le geutanyong bangsa Han le chedara nyang meugah-meugah Han jeuet teumanyong le bak uroe nyan

23:102

فَمَن ثَقُلَتۡ مَوَٰزِينُهُۥ فَأُوْلَٰٓئِكَ هُمُ ٱلۡمُفۡلِحُونَ

Nyang brat timbangan nyan nyang meutuah Nyankeuh ureueng nyan nyang meubahgia

23:103

وَمَنۡ خَفَّتۡ مَوَٰزِينُهُۥ فَأُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ فِي جَهَنَّمَ خَٰلِدُونَ

Nyang phui ceulaka rugoe sileupah Jipeurugoe droe roh lam nuraka Keukai jeuep masa lam apui mirah

23:104

تَلۡفَحُ وُجُوهَهُمُ ٱلنَّارُ وَهُمۡ فِيهَا كَٰلِحُونَ

Jisama muža jitot le apui Meugasui-gasui hanco ngon patah b i

23:105

أَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَكُنتُم بِهَا تُكَذِّبُونَ

Kon ka geubaca dilee ayat Lon Keu gata bandum sulet tapeugah

23:106

قَالُواْ رَبَّنَا غَلَبَتۡ عَلَيۡنَا شِقۡوَتُنَا وَكُنَّا قَوۡمًا ضَآلِّينَ

Kheun treuk awak nyan hai Tuhan kamoe Jigiduek kamoe le buet nyang salah £ Kakeuh meunang jih u ateueh kamoe Jeuet treuk dum kamoe sisat sileupah

23:107

رَبَّنَآ أَخۡرِجۡنَا مِنۡهَا فَإِنۡ عُدۡنَا فَإِنَّا ظَٰلِمُونَ

Neubri meuteubiet nibak teumpat nyoe Hai Tuhan kamoe saket that leupah Meunyo kamoe woe buet lagee dilee H Nyan ka meuteuntee kamoe nyang salah Kamoe nyang lalem droe meuelanya

23:108

قَالَ ٱخۡسَـُٔواْ فِيهَا وَلَا تُكَلِّمُونِ

Neukheun bah hinakeuh sinan dikah Beujrakeuh sinan mangat karasa Bek le meuhaba ngon Lon nyoe dikah

23:109

إِنَّهُۥ كَانَ فَرِيقٌ مِّنۡ عِبَادِي يَقُولُونَ رَبَّنَآ ءَامَنَّا فَٱغۡفِرۡ لَنَا وَٱرۡحَمۡنَا وَأَنتَ خَيۡرُ ٱلرَّٰحِمِينَ

Saboh jamaʻah nibak hamba Lon Ureueng nyan geukheun wahe ya Allah Wahe Po kamoe kamoe meuiman Neuampon teuma kamoe ka salah Droe-Neuh sineujroh ureueng geumaseh Kamoe Neugaseh wahe ya Allah

23:110

فَٱتَّخَذۡتُمُوهُمۡ سِخۡرِيًّا حَتَّىٰٓ أَنسَوۡكُمۡ ذِكۡرِي وَكُنتُم مِّنۡهُمۡ تَضۡحَكُونَ

Kaulok-ulok ureueng nyan bandum Hingga jeuet keu Lon tuwokeuh dikah f Bandumkeuh tuwo kaingat keu Lon Dawok kapeukhem ureueng nyan dikah

23:111

إِنِّي جَزَيۡتُهُمُ ٱلۡيَوۡمَ بِمَا صَبَرُوٓاْ أَنَّهُمۡ هُمُ ٱلۡفَآئِزُونَ

Uroe nyoe gopnyan nyang meubahgia k Sabab geusaba jinoe Lon balah

23:112

قَٰلَ كَمۡ لَبِثۡتُمۡ فِي ٱلۡأَرۡضِ عَدَدَ سِنِينَ

Neukheun padum thon keuh dalam bumoe

23:113

قَالُواْ لَبِثۡنَا يَوۡمًا أَوۡ بَعۡضَ يَوۡمٍ فَسۡـَٔلِ ٱلۡعَآدِّينَ

Sang-sang siuroe jiseuot bagah Meukon siuroe sang sikhan uroe Tatanyong keudroe bak ureueng ceudah Keudeh bak ureueng nyang jeuet meubileueng

23:114

قَٰلَ إِن لَّبِثۡتُمۡ إِلَّا قَلِيلًاۖ لَّوۡ أَنَّكُمۡ كُنتُمۡ تَعۡلَمُونَ

Sideh kah geukheun rijang sileupah Meunyo kateupeue sideh kah tinggai Cit siat sagai leupah that bagah

23:115

أَفَحَسِبۡتُمۡ أَنَّمَا خَلَقۡنَٰكُمۡ عَبَثًا وَأَنَّكُمۡ إِلَيۡنَا لَا تُرۡجَعُونَ

Peue bak tasangka Meupeujeuet gata Cit sia-sia hana phaedah p Hana geupeuwoe gata le bak Lon

23:116

فَتَعَٰلَى ٱللَّهُ ٱلۡمَلِكُ ٱلۡحَقُّۖ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡكَرِيمِ

Maha Suci Lon Raja nyang meugah Raja nyang beuna nyang mat keurajeuen Kon laen tuhan meulengkan Allah Allahkeuh nyang Po ‘arasy mulia

23:117

وَمَن يَدۡعُ مَعَ ٱللَّهِ إِلَٰهًا ءَاخَرَ لَا بُرۡهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓۚ إِنَّهُۥ لَا يُفۡلِحُ ٱلۡكَٰفِرُونَ

Soe nyang tapuja meunyo kon Allah Beurangsoe puja tuhan nyang laen Jikheun na laen sajan ngon Allah Hana meudali nyang jipeugah nyan Neukira dum nyan teuma le Allah Tuhan nyang Po jih peugot keunira Hana bahgia si kaphe jadah

23:118

وَقُل رَّبِّ ٱغۡفِرۡ وَٱرۡحَمۡ وَأَنتَ خَيۡرُ ٱلرَّٰحِمِينَ

Takheun Tuhanku beu-Neupeuampon Neugaseh keu lon ureueng nyang salah Droe-Neuh sineujroh ureueng geumaseh Bandum Neugaseh wahe ya Allah AN-NUR (CAHAYA) s Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah

Translation: Tgk. H. Mahjiddin Jusuf.