Surah 33 · 73 verses · Sheikh Amissi Radjabu Ntamba

Surah Al-Ahzab in Rundi

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

33:1

يَٰٓأَيُّهَا ٱلنَّبِيُّ ٱتَّقِ ٱللَّهَ وَلَا تُطِعِ ٱلۡكَٰفِرِينَ وَٱلۡمُنَٰفِقِينَۚ إِنَّ ٱللَّهَ كَانَ عَلِيمًا حَكِيمًا

Ewe ntumwa y’Imana, nubandanye utakambira Imana yawe y’ukuri kandi ntugamburukire abo bahakanyi b’Imana y’ukuri hamwe n’ababeshi, ntankeka Imana niyo nyene ubumenyi n’ubuhizi buhagije

33:2

وَٱتَّبِعۡ مَا يُوحَىٰٓ إِلَيۡكَ مِن رَّبِّكَۚ إِنَّ ٱللَّهَ كَانَ بِمَا تَعۡمَلُونَ خَبِيرًا

Kandi ugume ukurikira muvyo washikirijwe mubutumwa buvuye k’Umuremyi wawe mu vy’ukuri Imana yawe niyo ifise inkuru zivyo mugira vyose

33:3

وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلًا

Kandi wizere Imana yawe nayo niyo yihagije kuba ariyo ikingira ibintu vyose

33:4

مَّا جَعَلَ ٱللَّهُ لِرَجُلٍ مِّن قَلۡبَيۡنِ فِي جَوۡفِهِۦۚ وَمَا جَعَلَ أَزۡوَٰجَكُمُ ٱلَّٰٓـِٔي تُظَٰهِرُونَ مِنۡهُنَّ أُمَّهَٰتِكُمۡۚ وَمَا جَعَلَ أَدۡعِيَآءَكُمۡ أَبۡنَآءَكُمۡۚ ذَٰلِكُمۡ قَوۡلُكُم بِأَفۡوَٰهِكُمۡۖ وَٱللَّهُ يَقُولُ ٱلۡحَقَّ وَهُوَ يَهۡدِي ٱلسَّبِيلَ

Imana ntiyashize k’umuntu imitima ibiri mugikiriza ciwe, kandi ntiyagize abatambukanyi banyu mwatumbereje nabo imigongo yabo hamwe n’imigongo yabanyina banyu yuko banyina banyu, kandi ntiyagize ibibondo vyanyu vy’abazanano yuko bari mubibondo vyanyu kama, ayo n’amajambo yanyu yaturutse muminwa yanyu n’Imana niyo ivugisha ukuri kwama nayo niyo irongora inzira y’uburongozi bwiza

33:5

ٱدۡعُوهُمۡ لِأٓبَآئِهِمۡ هُوَ أَقۡسَطُ عِندَ ٱللَّهِۚ فَإِن لَّمۡ تَعۡلَمُوٓاْ ءَابَآءَهُمۡ فَإِخۡوَٰنُكُمۡ فِي ٱلدِّينِ وَمَوَٰلِيكُمۡۚ وَلَيۡسَ عَلَيۡكُمۡ جُنَاحٌ فِيمَآ أَخۡطَأۡتُم بِهِۦ وَلَٰكِن مَّا تَعَمَّدَتۡ قُلُوبُكُمۡۚ وَكَانَ ٱللَّهُ غَفُورًا رَّحِيمًا

Nimuba hamagare kumazina yabase wabo kuko ubwo nibwo buzoba buri mukuri imbere y’Imana, nimwaba mutazi abavyeyi babo, rero nibene wanyu muri mw’idini rimwe n’abagenzi banyu kandi ntamwikomo kuri mwebwe mugize amakosa nkayo mugabo kuri bimwe vyagizwe n’imitima yanyu kubigirampaka, n’Imana niyo ifise ikigongwe cinshi n’impuhwe zihagije

33:6

ٱلنَّبِيُّ أَوۡلَىٰ بِٱلۡمُؤۡمِنِينَ مِنۡ أَنفُسِهِمۡۖ وَأَزۡوَٰجُهُۥٓ أُمَّهَٰتُهُمۡۗ وَأُوْلُواْ ٱلۡأَرۡحَامِ بَعۡضُهُمۡ أَوۡلَىٰ بِبَعۡضٍ فِي كِتَٰبِ ٱللَّهِ مِنَ ٱلۡمُؤۡمِنِينَ وَٱلۡمُهَٰجِرِينَ إِلَّآ أَن تَفۡعَلُوٓاْ إِلَىٰٓ أَوۡلِيَآئِكُم مَّعۡرُوفًاۚ كَانَ ذَٰلِكَ فِي ٱلۡكِتَٰبِ مَسۡطُورًا

Intumwa y’Imana irafise uburenganzira gusumba aba Isilamu n’imitima yabo, n’abakenyezi nibo banyina babo nabo ni mubwoko bumwe kandi barafise uruhara rumwe nivyo musabikanya bimwe biri mugitabu c’Imana gusumba abandi ba Isilamu hamwe n’abahungutse mugabo nimwagira ineza kubagenzi banyu sibibi kandi ibi vyose biramaze kwandikwa mugitabu c’Imana

33:7

وَإِذۡ أَخَذۡنَا مِنَ ٱلنَّبِيِّـۧنَ مِيثَٰقَهُمۡ وَمِنكَ وَمِن نُّوحٍ وَإِبۡرَٰهِيمَ وَمُوسَىٰ وَعِيسَى ٱبۡنِ مَرۡيَمَۖ وَأَخَذۡنَا مِنۡهُم مِّيثَٰقًا غَلِيظًا

Mugihe twagira amasezerano kuntumwa z’Imana no kuri wewe nyene hamwe no kuntumwa y’Imana Nuhu (iii) no kuntumwa y’Imana Ibrahimu (iii) no kuntumwa y’Imana Mussa (iii) no kuntumwa y’Imana Issa mwene Mariyamu (iii) abo bose twakiye indagano zikoma komeye kuribo

33:8

لِّيَسۡـَٔلَ ٱلصَّٰدِقِينَ عَن صِدۡقِهِمۡۚ وَأَعَدَّ لِلۡكَٰفِرِينَ عَذَابًا أَلِيمًا

Kugira ngo ibaze abemeye kubijanye n’ukuri kwabo, kandi yaraba teguriye abo bahakanyi b’Imana ibihano bibabaza cane

33:9

يَٰٓأَيُّهَا ٱلَّذِينَ ءَامَنُواْ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ جَآءَتۡكُمۡ جُنُودٌ فَأَرۡسَلۡنَا عَلَيۡهِمۡ رِيحًا وَجُنُودًا لَّمۡ تَرَوۡهَاۚ وَكَانَ ٱللَّهُ بِمَا تَعۡمَلُونَ بَصِيرًا

Mwebwe mwemeye Imana yanyu y’ukuri nimwibuke imigisha y’Imana iri hejuru yanyu mugihe mwashikirwa n’ingabo natwe duca tubarungikira umuyaga hamwe n’ingabo zitaboneka, n’Imana niyo ibona ivyo mugira vyose

33:10

إِذۡ جَآءُوكُم مِّن فَوۡقِكُمۡ وَمِنۡ أَسۡفَلَ مِنكُمۡ وَإِذۡ زَاغَتِ ٱلۡأَبۡصَٰرُ وَبَلَغَتِ ٱلۡقُلُوبُ ٱلۡحَنَاجِرَ وَتَظُنُّونَ بِٱللَّهِ ٱلظُّنُونَا۠

Mugihe mwashikirwa n’izo ngabo zivuye hejuru yanyu no hasi yanyu n’amaso yanyu azibonye imitima yanyu nayo ica iduga mumazosi yanyu namwe aho muri muca mutangura kwikeka ku Mana yanyu inyikeko zitandukanye

33:11

هُنَالِكَ ٱبۡتُلِيَ ٱلۡمُؤۡمِنُونَ وَزُلۡزِلُواْ زِلۡزَالًا شَدِيدًا

Aho niho aba Isilamu batekerwa n’ibibazo nuku jugumizwa ijugumizo rikaze cane

33:12

وَإِذۡ يَقُولُ ٱلۡمُنَٰفِقُونَ وَٱلَّذِينَ فِي قُلُوبِهِم مَّرَضٌ مَّا وَعَدَنَا ٱللَّهُ وَرَسُولُهُۥٓ إِلَّا غُرُورًا

No mugihe ababeshi b’Imana bavuga hamwe n’abarwaye mumitima yabo bati:- Imana hamwe n’Intumwa yiwe ntiba twemereye atari ububeshi gusa

33:13

وَإِذۡ قَالَت طَّآئِفَةٌ مِّنۡهُمۡ يَٰٓأَهۡلَ يَثۡرِبَ لَا مُقَامَ لَكُمۡ فَٱرۡجِعُواْۚ وَيَسۡتَـٔۡذِنُ فَرِيقٌ مِّنۡهُمُ ٱلنَّبِيَّ يَقُولُونَ إِنَّ بُيُوتَنَا عَوۡرَةٌ وَمَا هِيَ بِعَوۡرَةٍۖ إِن يُرِيدُونَ إِلَّا فِرَارًا

N’abantu bamwe muribo mugihe bavuga bati:- mwebwe basangwa bo ng’aha muri Yath’riba ntahandi hantu mwoba mufise hukubaho, rero nimusubire inyuma, uwundi murwi muribo waciye usaba uruhusha Intumwa y’Imana uvuga uti:- mu vy’ukuri inzu zacu ziragaragara mugabo ntizigaragara, mugabo ntaco bashaka atari uguhunga gusa

33:14

وَلَوۡ دُخِلَتۡ عَلَيۡهِم مِّنۡ أَقۡطَارِهَا ثُمَّ سُئِلُواْ ٱلۡفِتۡنَةَ لَأٓتَوۡهَا وَمَا تَلَبَّثُواْ بِهَآ إِلَّا يَسِيرًا

Niyaba izo ngabo zarinjiye hejuru yabo muri ico gisagara kumpande zose z’igisagara hanyuma basabwa kugira ingwano gusa, bari kugira gutyo kandi ntibari kuguma muri ico gisagara atari mumwanya mutoyi gusa

33:15

وَلَقَدۡ كَانُواْ عَٰهَدُواْ ٱللَّهَ مِن قَبۡلُ لَا يُوَلُّونَ ٱلۡأَدۡبَٰرَۚ وَكَانَ عَهۡدُ ٱللَّهِ مَسۡـُٔولًا

Mu vy’ukuri baramaze kugiriranira indagano n’Imana kuva kera yuko batazo hindura imigongo yabo inyuma, n’indagano y’Imana niyo kubarizwa ko

33:16

قُل لَّن يَنفَعَكُمُ ٱلۡفِرَارُ إِن فَرَرۡتُم مِّنَ ٱلۡمَوۡتِ أَوِ ٱلۡقَتۡلِ وَإِذًا لَّا تُمَتَّعُونَ إِلَّا قَلِيلًا

Vuga uti:- uko kwiruka kwanyu ntaco kuzobafasha mwo nagatoyi, nimwaba muzohunga urupfu canke muzokwicwa, rero kuri ivyo ntimuzo ronswa umutekano atari mumwanya mutoyi gusa

33:17

قُلۡ مَن ذَا ٱلَّذِي يَعۡصِمُكُم مِّنَ ٱللَّهِ إِنۡ أَرَادَ بِكُمۡ سُوٓءًا أَوۡ أَرَادَ بِكُمۡ رَحۡمَةًۚ وَلَا يَجِدُونَ لَهُم مِّن دُونِ ٱللَّهِ وَلِيًّا وَلَا نَصِيرًا

Vuga uti:- ni nde yoshobora kubakingira ku Mana niba mwoshikirwa n’inabi, canke ibashikira imigisha myiza, kandi ntibazoronka uwubakingira canke umufasha atari Imana yonyene gusa

33:18

قَدۡ يَعۡلَمُ ٱللَّهُ ٱلۡمُعَوِّقِينَ مِنكُمۡ وَٱلۡقَآئِلِينَ لِإِخۡوَٰنِهِمۡ هَلُمَّ إِلَيۡنَاۖ وَلَا يَأۡتُونَ ٱلۡبَأۡسَ إِلَّا قَلِيلًا

Ntankeka Imana irabazi bamwe bikingira muri mwebwe nababwira bene wabo bavuga bati:- nimuze iwacu nabo ntibagende kurugamba atari bakeyi cane

33:19

أَشِحَّةً عَلَيۡكُمۡۖ فَإِذَا جَآءَ ٱلۡخَوۡفُ رَأَيۡتَهُمۡ يَنظُرُونَ إِلَيۡكَ تَدُورُ أَعۡيُنُهُمۡ كَٱلَّذِي يُغۡشَىٰ عَلَيۡهِ مِنَ ٱلۡمَوۡتِۖ فَإِذَا ذَهَبَ ٱلۡخَوۡفُ سَلَقُوكُم بِأَلۡسِنَةٍ حِدَادٍ أَشِحَّةً عَلَى ٱلۡخَيۡرِۚ أُوْلَٰٓئِكَ لَمۡ يُؤۡمِنُواْ فَأَحۡبَطَ ٱللَّهُ أَعۡمَٰلَهُمۡۚ وَكَانَ ذَٰلِكَ عَلَى ٱللَّهِ يَسِيرًا

Bazobagirira inzigo mugabo haje icobatera c’ubwoba uzoca ubabona bakwitegereza amaso yabo nayo ahindagurika hirya no hino nkuwaguye igihumure c’urupfu, mugabo ubwoba bubavuyemwo baca basubira kubashavuza kundimi zabo zikaze cane, bagaca bagira inzigo kumigisha y’Imana, abo rero ntibemeye kuri ivyo, Imana yaciye ibakurako imigisha y’ibikorwa vyabo, n’ivyo biroroshe cane ku Mana

33:20

يَحۡسَبُونَ ٱلۡأَحۡزَابَ لَمۡ يَذۡهَبُواْۖ وَإِن يَأۡتِ ٱلۡأَحۡزَابُ يَوَدُّواْ لَوۡ أَنَّهُم بَادُونَ فِي ٱلۡأَعۡرَابِ يَسۡـَٔلُونَ عَنۡ أَنۢبَآئِكُمۡۖ وَلَوۡ كَانُواْ فِيكُم مَّا قَٰتَلُوٓاْ إِلَّا قَلِيلًا

Biyumvira yuko yamirwi y’abansi babo itaragenda, iyaba iyo mirwi yogarutse bari kwipfuza yuko boba mubugaragwa hamwe n’abanya gihugu baho nyene babaza amakuru yanyu gusa, rero iyo mwoba muri kumwe namwe ntibari kurwana atari bakeyi cane muribo gusa

33:21

لَّقَدۡ كَانَ لَكُمۡ فِي رَسُولِ ٱللَّهِ أُسۡوَةٌ حَسَنَةٌ لِّمَن كَانَ يَرۡجُواْ ٱللَّهَ وَٱلۡيَوۡمَ ٱلۡأٓخِرَ وَذَكَرَ ٱللَّهَ كَثِيرًا

Ntankeka rero mwebwe muracafise akarorero keza kavuye kuntumwa y’Imana nukuwu tinya Imana yiwe hamwe n’umusi w’imperuka hamwe nugu takambira Imana cane

33:22

وَلَمَّا رَءَا ٱلۡمُؤۡمِنُونَ ٱلۡأَحۡزَابَ قَالُواْ هَٰذَا مَا وَعَدَنَا ٱللَّهُ وَرَسُولُهُۥ وَصَدَقَ ٱللَّهُ وَرَسُولُهُۥۚ وَمَا زَادَهُمۡ إِلَّآ إِيمَٰنًا وَتَسۡلِيمًا

Naba Isilamu b’ukuri mugihe babona ingabo z’abansi b’Imana ziba shikiriye baciye bavuga bati:- ibi nivyo Imana yatwemereye hamwe n’intumwa yiwe, kuko bavugisha ukuri kwama, kandi nta n’ico batwongereje ko atari ibanga ryukwemera hamwe n’ubugamburutsi gusa

33:23

مِّنَ ٱلۡمُؤۡمِنِينَ رِجَالٌ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلًا

Mu bantu harimwo abemeye Imana yabo y’ukuri bakwijije amasezerano basezeranye n’Imana, muribo baramaze kurangiza ubuzima bwabo, n’abandi nabo baraca rindiriye, rero muri rusangi ntibigeze bahindura n’ikintu na kimwe

33:24

لِّيَجۡزِيَ ٱللَّهُ ٱلصَّٰدِقِينَ بِصِدۡقِهِمۡ وَيُعَذِّبَ ٱلۡمُنَٰفِقِينَ إِن شَآءَ أَوۡ يَتُوبَ عَلَيۡهِمۡۚ إِنَّ ٱللَّهَ كَانَ غَفُورًا رَّحِيمًا

Kugira ngo Imana ibarihe abanyakuri kubera ukuri kwabo nuguhana ababeshi ibishatse, canke ikabagirira ikigongwe, ntankeka Imana niyo ifise ikigongwe cinshi cukugira ico kigongwe n’impuhwe nyinshi zihagije

33:25

وَرَدَّ ٱللَّهُ ٱلَّذِينَ كَفَرُواْ بِغَيۡظِهِمۡ لَمۡ يَنَالُواْ خَيۡرًاۚ وَكَفَى ٱللَّهُ ٱلۡمُؤۡمِنِينَ ٱلۡقِتَالَۚ وَكَانَ ٱللَّهُ قَوِيًّا عَزِيزًا

Naba hakanye Imana yabo y’ukuri yarabagaruye n’ishavu ryabo, hanyuma ntibaronka ineza iyariyo yose, hanyuma Imana ica irashigikira aba Isilamu mungwano zabo, nayo niyo nyene ubushobozi kandi niyo nziza

33:26

وَأَنزَلَ ٱلَّذِينَ ظَٰهَرُوهُم مِّنۡ أَهۡلِ ٱلۡكِتَٰبِ مِن صَيَاصِيهِمۡ وَقَذَفَ فِي قُلُوبِهِمُ ٱلرُّعۡبَ فَرِيقًا تَقۡتُلُونَ وَتَأۡسِرُونَ فَرِيقًا

Nayo yaciye ibamanurira bamwe bafashije mubantu bahawe igitabu kivuye mubirindiro vyabo hanyuma itera ubwoba mumitima yabo, bamwe muribo muca murabica n’abandi nabo muca mubagira imbohe

33:27

وَأَوۡرَثَكُمۡ أَرۡضَهُمۡ وَدِيَٰرَهُمۡ وَأَمۡوَٰلَهُمۡ وَأَرۡضًا لَّمۡ تَطَـُٔوهَاۚ وَكَانَ ٱللَّهُ عَلَىٰ كُلِّ شَيۡءٍ قَدِيرًا

Ica ibaha ibisigi vy’Isi vyabo hamwe n’amazu yabo n’amatungo yabo hamwe n’Isi mutari bwayihonyoreko, n’Imana niyo nyene ubushobozi buri hejuru y’ibintu vyose

33:28

يَٰٓأَيُّهَا ٱلنَّبِيُّ قُل لِّأَزۡوَٰجِكَ إِن كُنتُنَّ تُرِدۡنَ ٱلۡحَيَوٰةَ ٱلدُّنۡيَا وَزِينَتَهَا فَتَعَالَيۡنَ أُمَتِّعۡكُنَّ وَأُسَرِّحۡكُنَّ سَرَاحًا جَمِيلًا

Ewe ntumwa y’Imana, nubwire abo bakenyezi bawe uti:- nimwaba mukunda ubuzima bwo ngaha kw’Isi hamwe n’ibisharizo vyayo, nimuze ndabahe ivyoba nezereza n’ukwahukana kwiza

33:29

وَإِن كُنتُنَّ تُرِدۡنَ ٱللَّهَ وَرَسُولَهُۥ وَٱلدَّارَ ٱلۡأٓخِرَةَ فَإِنَّ ٱللَّهَ أَعَدَّ لِلۡمُحۡسِنَٰتِ مِنكُنَّ أَجۡرًا عَظِيمًا

Nimwaba mwipfuza Imana y’ukuri hamwe n’intumwa yayo hamwe n’inzu yo mw’ijuru, Imana yaraba teguriye abagira ineza muri mwebwe hamwe n’impembo niniya

33:30

يَٰنِسَآءَ ٱلنَّبِيِّ مَن يَأۡتِ مِنكُنَّ بِفَٰحِشَةٍ مُّبَيِّنَةٍ يُضَٰعَفۡ لَهَا ٱلۡعَذَابُ ضِعۡفَيۡنِۚ وَكَانَ ذَٰلِكَ عَلَى ٱللَّهِ يَسِيرًا

Mwabapfasoni b’intumwa y’Imana, uwuzogira ibicumuro ivyarivyo vyose muri mwebwe azo kwongerezwa ibihano kuriwe vy’incuro zibiri, n’ibi vyose n’ibintu vyoroshe imbere y’Imana

33:31

وَمَن يَقۡنُتۡ مِنكُنَّ لِلَّهِ وَرَسُولِهِۦ وَتَعۡمَلۡ صَٰلِحًا نُّؤۡتِهَآ أَجۡرَهَا مَرَّتَيۡنِ وَأَعۡتَدۡنَا لَهَا رِزۡقًا كَرِيمًا

No muri mwebwe uwuzo gamburukira Imana n’intumwa yayo hamwe nukugira ibikorwa vyiza, tuzomuha impembo yiwe y’incuro zibiri nukumu tegurira imigisha y’iteka

33:32

يَٰنِسَآءَ ٱلنَّبِيِّ لَسۡتُنَّ كَأَحَدٍ مِّنَ ٱلنِّسَآءِ إِنِ ٱتَّقَيۡتُنَّۚ فَلَا تَخۡضَعۡنَ بِٱلۡقَوۡلِ فَيَطۡمَعَ ٱلَّذِي فِي قَلۡبِهِۦ مَرَضٌ وَقُلۡنَ قَوۡلًا مَّعۡرُوفًا

Mwabapfasoni b’intumwa y’Imana, mwebwe ntimumeze nk’abandi bapfasoni basanzwe, nimwaba mushaka gutakambira Imana yanyu nukuyisenga, kandi ntimu hinyanyure amajwi yanyu kugira ngo ntaze agomwe n’umuntu arwaye mumutima wiwe, kandi muvuge amajambo meza

33:33

وَقَرۡنَ فِي بُيُوتِكُنَّ وَلَا تَبَرَّجۡنَ تَبَرُّجَ ٱلۡجَٰهِلِيَّةِ ٱلۡأُولَىٰۖ وَأَقِمۡنَ ٱلصَّلَوٰةَ وَءَاتِينَ ٱلزَّكَوٰةَ وَأَطِعۡنَ ٱللَّهَ وَرَسُولَهُۥٓۚ إِنَّمَا يُرِيدُ ٱللَّهُ لِيُذۡهِبَ عَنكُمُ ٱلرِّجۡسَ أَهۡلَ ٱلۡبَيۡتِ وَيُطَهِّرَكُمۡ تَطۡهِيرًا

Nimugume mumazu yanyu kandi ntimuze mwereke ibisharizo vyanyu k’umugaragaro nkuko bahora bereka abo bapfasoni mugihe c’ubujuju, rero muce muhagarika amasengesho yanyu nugutanga imperezwa, muteko mugamburukire Imana hamwe n’intumwa yayo, rero Imana igomba ibakurire umwanda mwebwe bantu bo munzu y’intumwa y’Imana, kandi igashaka yuko ibasukura neza cane

33:34

وَٱذۡكُرۡنَ مَا يُتۡلَىٰ فِي بُيُوتِكُنَّ مِنۡ ءَايَٰتِ ٱللَّهِ وَٱلۡحِكۡمَةِۚ إِنَّ ٱللَّهَ كَانَ لَطِيفًا خَبِيرًا

Muba menyeshe ibisomwa biri mumazu yanyu no muri aya majambo y’Imana arimwo ubuhizi buhanitse, mu vy’ukuri Imana niyo ifise ubumenyi bw’ibintu n’amabanga, kandi niyo nyene ubumenyi bw’ibintu biri k’umugaragaro

33:35

إِنَّ ٱلۡمُسۡلِمِينَ وَٱلۡمُسۡلِمَٰتِ وَٱلۡمُؤۡمِنِينَ وَٱلۡمُؤۡمِنَٰتِ وَٱلۡقَٰنِتِينَ وَٱلۡقَٰنِتَٰتِ وَٱلصَّٰدِقِينَ وَٱلصَّٰدِقَٰتِ وَٱلصَّٰبِرِينَ وَٱلصَّٰبِرَٰتِ وَٱلۡخَٰشِعِينَ وَٱلۡخَٰشِعَٰتِ وَٱلۡمُتَصَدِّقِينَ وَٱلۡمُتَصَدِّقَٰتِ وَٱلصَّٰٓئِمِينَ وَٱلصَّٰٓئِمَٰتِ وَٱلۡحَٰفِظِينَ فُرُوجَهُمۡ وَٱلۡحَٰفِظَٰتِ وَٱلذَّٰكِرِينَ ٱللَّهَ كَثِيرًا وَٱلذَّٰكِرَٰتِ أَعَدَّ ٱللَّهُ لَهُم مَّغۡفِرَةً وَأَجۡرًا عَظِيمًا

Ntankeka abagabo bakurikirana neza inkingi z’idini rya Isilamu n’abakenyezi nuko nyene bazikurikirana, hamwe n’abagabo bemera neza bimwe bivuye kumitima yabo izo nkingi zukwemera nyakuri, n’abakenyezi bemera neza izo nkingi z’ukwemera nyakuri, hamwe n’abagabo bagamburuka, n’abakenyezi bagamburuka, hamwe n’abagabo bavugisha ukuri, n’abakenyezi bavugisha ukuri, hamwe n’abagabo bihangana, n’abakenyezi bihangana, hamwe n’abagabo bagamburuka, n’abakenyezi bagamburuka, hamwe n’abagabo batanga imperezwa zabo, n’abakenyezi batanga imperezwa zabo, hamwe n’abagabo bisonzesha, n’abakenyezi bisonzesha, hamwe n’abagabo bifata rupfasoni ntangere kubitsina vyabo, n’abapfasoni bifata rupfasoni ntangere kubitsina vyabo, hamwe n’abagabo bavuga Imana yabo y’ukuri umwanya wose, n’abapfasoni bavuga Imana yabo y’ukuri umwanya wose, abo nibo Imana yateguriye ikigongwe n’impembo niniya

33:36

وَمَا كَانَ لِمُؤۡمِنٍ وَلَا مُؤۡمِنَةٍ إِذَا قَضَى ٱللَّهُ وَرَسُولُهُۥٓ أَمۡرًا أَن يَكُونَ لَهُمُ ٱلۡخِيَرَةُ مِنۡ أَمۡرِهِمۡۗ وَمَن يَعۡصِ ٱللَّهَ وَرَسُولَهُۥ فَقَدۡ ضَلَّ ضَلَٰلًا مُّبِينًا

Ntibibaho k’umugabo yemeye Imana yiwe y’ukuri canke k’umukenyezi yemeye Imana yiwe y’ukuri hamwe n’intumwa yiwe mugihe baciriwe urubanza babe bafise aho bahengamiye kuri urwo rubanza rwabo, nuwu hakana Imana mu kwiyonkora ku Mana hamwe n’intumwa yiwe, mu vy’ukuri uyo muntu azoba yazimiye bimwe biri k’umugaragaro

33:37

وَإِذۡ تَقُولُ لِلَّذِيٓ أَنۡعَمَ ٱللَّهُ عَلَيۡهِ وَأَنۡعَمۡتَ عَلَيۡهِ أَمۡسِكۡ عَلَيۡكَ زَوۡجَكَ وَٱتَّقِ ٱللَّهَ وَتُخۡفِي فِي نَفۡسِكَ مَا ٱللَّهُ مُبۡدِيهِ وَتَخۡشَى ٱلنَّاسَ وَٱللَّهُ أَحَقُّ أَن تَخۡشَىٰهُۖ فَلَمَّا قَضَىٰ زَيۡدٌ مِّنۡهَا وَطَرًا زَوَّجۡنَٰكَهَا لِكَيۡ لَا يَكُونَ عَلَى ٱلۡمُؤۡمِنِينَ حَرَجٌ فِيٓ أَزۡوَٰجِ أَدۡعِيَآئِهِمۡ إِذَا قَضَوۡاْ مِنۡهُنَّ وَطَرًاۚ وَكَانَ أَمۡرُ ٱللَّهِ مَفۡعُولًا

Igihe yabwira umwe Imana yahaye imigisha yiwe uca uramu hezagira, nufate umutambukanyi wawe kandi utinye Imana yawe, nukunyegeza ibiri kumutima wawe mugihe Imana yawe ariyo nyene ukuri nuguca utinya abantu aho gutinya Imana yawe y’ukuri mugihe uyo Zaidi yarangiza amabanga yiwe nkenerwa, nuyo mupfasoni niho twamuha uburenganzira bwukubakana nuyo mupfasoni kugira ngo ntihabe imyikeko n’ingorane kuba Isilamu mu kwubaka izabo n’abana babo b’abazanano mugihe bataba keneye, n’itegeko ry’Imana niryo ritegerezwa gukurikizwa gusa

33:38

مَّا كَانَ عَلَى ٱلنَّبِيِّ مِنۡ حَرَجٍ فِيمَا فَرَضَ ٱللَّهُ لَهُۥۖ سُنَّةَ ٱللَّهِ فِي ٱلَّذِينَ خَلَوۡاْ مِن قَبۡلُۚ وَكَانَ أَمۡرُ ٱللَّهِ قَدَرًا مَّقۡدُورًا

Ntamwikomo kuntumwa y’Imana kubintu Imana imaze kumu menyesha, bikaba ari ibisanzwe ku Mana ku bantu bahise baho hambere n’itegeko ry’Imana n’iteguro riteguwe neza

33:39

ٱلَّذِينَ يُبَلِّغُونَ رِسَٰلَٰتِ ٱللَّهِ وَيَخۡشَوۡنَهُۥ وَلَا يَخۡشَوۡنَ أَحَدًا إِلَّا ٱللَّهَۗ وَكَفَىٰ بِٱللَّهِ حَسِيبًا

Abahora bashikiriza ubutumwa bw’Imana hamwe nukuyitinya, rero ntanuwo batinya atari Imana, n’Imana niyo ihagije muguharura

33:40

مَّا كَانَ مُحَمَّدٌ أَبَآ أَحَدٍ مِّن رِّجَالِكُمۡ وَلَٰكِن رَّسُولَ ٱللَّهِ وَخَاتَمَ ٱلنَّبِيِّـۧنَۗ وَكَانَ ٱللَّهُ بِكُلِّ شَيۡءٍ عَلِيمًا

Intumwa y’Imana Muhammadi (aui) si umuvyeyi y’uwariwe wese muba shingantahe banyu, ahubwo n’intumwa y’Imana yanyuma muntumwa zayo zose, n’Imana niyo ifise ubumenyi bw’ibintu vyose

33:41

يَٰٓأَيُّهَا ٱلَّذِينَ ءَامَنُواْ ٱذۡكُرُواْ ٱللَّهَ ذِكۡرًا كَثِيرًا

Mwebwe mwemeye Imana yanyu y’ukuri, ni mwibuke Imana yanyu kenshi na kenshi

33:42

وَسَبِّحُوهُ بُكۡرَةً وَأَصِيلًا

Kandi muyihayagize iyo Mana kuva mugitondo no kumugoroba

33:43

هُوَ ٱلَّذِي يُصَلِّي عَلَيۡكُمۡ وَمَلَٰٓئِكَتُهُۥ لِيُخۡرِجَكُم مِّنَ ٱلظُّلُمَٰتِ إِلَى ٱلنُّورِۚ وَكَانَ بِٱلۡمُؤۡمِنِينَ رَحِيمًا

Niyo ibaha iyo migisha hamwe n’Abamarayika biwe kugira ngo ibakure mumwijima nukuba shikana mumuco, kandi niyo iha imigisha yayo cane aba Isilamu

33:44

تَحِيَّتُهُمۡ يَوۡمَ يَلۡقَوۡنَهُۥ سَلَٰمٌۚ وَأَعَدَّ لَهُمۡ أَجۡرًا كَرِيمًا

Indamutso zabo zo k’umusi w’ihuriro n’Imana zizoba arindamutso z’amahoro, kandi yabateguriye impembo z’iteka ntangere

33:45

يَٰٓأَيُّهَا ٱلنَّبِيُّ إِنَّآ أَرۡسَلۡنَٰكَ شَٰهِدًا وَمُبَشِّرًا وَنَذِيرًا

Ewe ntumwa y’Imana, mu vy’ukuri twebwe twakurungitse ngo utubere icabona cugutanga inkuru nziza nukuba mu bantu batuza

33:46

وَدَاعِيًا إِلَى ٱللَّهِ بِإِذۡنِهِۦ وَسِرَاجًا مُّنِيرًا

Kandi ube mu bantu bararika abandi kubera Imana, kandi kw’itegeko ryiwe, kandi ube uri urumuri rutanga umuco

33:47

وَبَشِّرِ ٱلۡمُؤۡمِنِينَ بِأَنَّ لَهُم مِّنَ ٱللَّهِ فَضۡلًا كَبِيرًا

Kandi ubahe aba Isilamu inkuru nziza yuko bafise akarusho kaniniya kavuye ku Mana yabo

33:48

وَلَا تُطِعِ ٱلۡكَٰفِرِينَ وَٱلۡمُنَٰفِقِينَ وَدَعۡ أَذَىٰهُمۡ وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلًا

Ntugamburukire abo bahakanyi b’Imana hamwe nabo babeshi, kandi ntiwiteho kumabi yabo, mugabo ugume wizera Imana yawe gusa, kuko ariyo ihagije mukugu kingira

33:49

يَٰٓأَيُّهَا ٱلَّذِينَ ءَامَنُوٓاْ إِذَا نَكَحۡتُمُ ٱلۡمُؤۡمِنَٰتِ ثُمَّ طَلَّقۡتُمُوهُنَّ مِن قَبۡلِ أَن تَمَسُّوهُنَّ فَمَا لَكُمۡ عَلَيۡهِنَّ مِنۡ عِدَّةٍ تَعۡتَدُّونَهَاۖ فَمَتِّعُوهُنَّ وَسَرِّحُوهُنَّ سَرَاحًا جَمِيلًا

Mwebwe mwemeye Imana yanyu y’ukuri, ni mwubakane n’abakenyezi bemeye Imana yabo y’ukuri hanyuma ni mwahukana nabo batambukanyi banyu imbere yuguhuza nabo ibitsina, ntavyicaro bafise muzoba harurirako, mugabo nimubahe ico mwoba shumbusha kandi muze mwahukane nabo munzira nziza z’amahoro

33:50

يَٰٓأَيُّهَا ٱلنَّبِيُّ إِنَّآ أَحۡلَلۡنَا لَكَ أَزۡوَٰجَكَ ٱلَّٰتِيٓ ءَاتَيۡتَ أُجُورَهُنَّ وَمَا مَلَكَتۡ يَمِينُكَ مِمَّآ أَفَآءَ ٱللَّهُ عَلَيۡكَ وَبَنَاتِ عَمِّكَ وَبَنَاتِ عَمَّٰتِكَ وَبَنَاتِ خَالِكَ وَبَنَاتِ خَٰلَٰتِكَ ٱلَّٰتِي هَاجَرۡنَ مَعَكَ وَٱمۡرَأَةً مُّؤۡمِنَةً إِن وَهَبَتۡ نَفۡسَهَا لِلنَّبِيِّ إِنۡ أَرَادَ ٱلنَّبِيُّ أَن يَسۡتَنكِحَهَا خَالِصَةً لَّكَ مِن دُونِ ٱلۡمُؤۡمِنِينَۗ قَدۡ عَلِمۡنَا مَا فَرَضۡنَا عَلَيۡهِمۡ فِيٓ أَزۡوَٰجِهِمۡ وَمَا مَلَكَتۡ أَيۡمَٰنُهُمۡ لِكَيۡلَا يَكُونَ عَلَيۡكَ حَرَجٌۗ وَكَانَ ٱللَّهُ غَفُورًا رَّحِيمًا

Ewe ntumwa y’Imana, twaraguhaye uburenganzira kubatambukanyi bawe wahaye agashimwe kabo hamwe nabo witungiye mukuboko kwawe kw’iburyo, wahawe n’Imana yawe hamwe n’abigeme babadata banyu batoyi, hamwe n’abigeme bayinasenge banyu, n’abigeme bayinarume banyu, n’abigeme babashiki banyokwanyu mwimukanye nabo, hamwe n’umukenyezi wumu Isilamukazi yitanze kubwiwe imbere y’intumwa y’Imana, nkuko intumwa y’Imana nawe yagomba kwubakana nawe kandi berekuriwe kuriwe gusa bitarekuriwe kubandi ba Isilamu, ntankeka twebwe turamaze kubimenyesha ivyo twabategetse kubakenyezi babo hamwe n’abakenyezi mwitungiye kumaboko yanyu y’iburyo kugira ngo ntihabe ingorane kuri wewe, n’Imana niyo nyene imbabazi nyinshi n’impuhwe zihagije

33:51

تُرۡجِي مَن تَشَآءُ مِنۡهُنَّ وَتُـٔۡوِيٓ إِلَيۡكَ مَن تَشَآءُۖ وَمَنِ ٱبۡتَغَيۡتَ مِمَّنۡ عَزَلۡتَ فَلَا جُنَاحَ عَلَيۡكَۚ ذَٰلِكَ أَدۡنَىٰٓ أَن تَقَرَّ أَعۡيُنُهُنَّ وَلَا يَحۡزَنَّ وَيَرۡضَيۡنَ بِمَآ ءَاتَيۡتَهُنَّ كُلُّهُنَّۚ وَٱللَّهُ يَعۡلَمُ مَا فِي قُلُوبِكُمۡۚ وَكَانَ ٱللَّهُ عَلِيمًا حَلِيمًا

Usubiza inyuma kuwo wishakiye muribo, nukwegereza hafi kuwo wishakiye, niwaba wamugomye uwo wamaze kwahukana nawe sibibi kuri wewe kugira gutyo kuzotuma unezereza amaso yabo aho kugumana agahinda kandi bashime wabahaye uko bari kwose, n’Imana niyo ifise ubumenyi bw’ibiri mumitima yanyu, kandi niyo ifise ubumenyi, kandi niyo ntungane

33:52

لَّا يَحِلُّ لَكَ ٱلنِّسَآءُ مِنۢ بَعۡدُ وَلَآ أَن تَبَدَّلَ بِهِنَّ مِنۡ أَزۡوَٰجٍ وَلَوۡ أَعۡجَبَكَ حُسۡنُهُنَّ إِلَّا مَا مَلَكَتۡ يَمِينُكَۗ وَكَانَ ٱللَّهُ عَلَىٰ كُلِّ شَيۡءٍ رَّقِيبًا

Munyuma yaba bapfasoni ufise ntabundi burenganzira ufise bwukubaka n’abandi bakenyezi canke kubahindura n’abandi bakenyezi naho ubwiza bwabo bwokunezereza dukuyemwo mubo wintungiye k’ukuboko kwawe kw’iburyo, n’Imana niyo irereka ibintu vyose

33:53

يَٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتَ ٱلنَّبِيِّ إِلَّآ أَن يُؤۡذَنَ لَكُمۡ إِلَىٰ طَعَامٍ غَيۡرَ نَٰظِرِينَ إِنَىٰهُ وَلَٰكِنۡ إِذَا دُعِيتُمۡ فَٱدۡخُلُواْ فَإِذَا طَعِمۡتُمۡ فَٱنتَشِرُواْ وَلَا مُسۡتَـٔۡنِسِينَ لِحَدِيثٍۚ إِنَّ ذَٰلِكُمۡ كَانَ يُؤۡذِي ٱلنَّبِيَّ فَيَسۡتَحۡيِۦ مِنكُمۡۖ وَٱللَّهُ لَا يَسۡتَحۡيِۦ مِنَ ٱلۡحَقِّۚ وَإِذَا سَأَلۡتُمُوهُنَّ مَتَٰعًا فَسۡـَٔلُوهُنَّ مِن وَرَآءِ حِجَابٍۚ ذَٰلِكُمۡ أَطۡهَرُ لِقُلُوبِكُمۡ وَقُلُوبِهِنَّۚ وَمَا كَانَ لَكُمۡ أَن تُؤۡذُواْ رَسُولَ ٱللَّهِ وَلَآ أَن تَنكِحُوٓاْ أَزۡوَٰجَهُۥ مِنۢ بَعۡدِهِۦٓ أَبَدًاۚ إِنَّ ذَٰلِكُمۡ كَانَ عِندَ ٱللَّهِ عَظِيمًا

Mwebwe mwemeye Imana yanyu y’ukuri, ntimwinjire mumazu y’intumwa y’Imana kugeza aho muhabwa uruhusha rwukuja gufungura, nukutarindira kugeza aho ivyo bifungurwa bihira, mugabo ni mwaba mufise ubutumire aho niho murekuriwe kwinjira, kandi muhejeje gufungura nimuce mwitahira mutarinze gushinga ibiyago kuko ibintu nk’ivyo vyamye bishavuza intumwa y’Imana, nawe aho ari akagira isoni, mugabo Imana ntibona isoni ivugishije ukuri, namwe mugihe mubajije abapfasoni biwe nimubabarize inyuma y’uruzitiro, kugira gutyo n’ugusukura imitima yanyu hamwe n’imitima yabo, kandi sivyiza gushavuza intumwa y’Imana canke kwubakana n’abapfasoni biwe munyuma yiwe, rero kugira gutyo kizoba ari igicumuro kininiya cane imbere y’Imana

33:54

إِن تُبۡدُواْ شَيۡـًٔا أَوۡ تُخۡفُوهُ فَإِنَّ ٱللَّهَ كَانَ بِكُلِّ شَيۡءٍ عَلِيمًا

Nimwa serura icarico cose canke mukaki nyegeza, ntimuzi yuko Imana ifise ubumenyi bw’ibintu vyose

33:55

لَّا جُنَاحَ عَلَيۡهِنَّ فِيٓ ءَابَآئِهِنَّ وَلَآ أَبۡنَآئِهِنَّ وَلَآ إِخۡوَٰنِهِنَّ وَلَآ أَبۡنَآءِ إِخۡوَٰنِهِنَّ وَلَآ أَبۡنَآءِ أَخَوَٰتِهِنَّ وَلَا نِسَآئِهِنَّ وَلَا مَا مَلَكَتۡ أَيۡمَٰنُهُنَّۗ وَٱتَّقِينَ ٱللَّهَۚ إِنَّ ٱللَّهَ كَانَ عَلَىٰ كُلِّ شَيۡءٍ شَهِيدًا

Ntagicumuro kuribo no kuri badata babo, canke kubibondo vyabo, canke bene wabo, canke kubana babene babo, canke abana babashiki babo, canke abakenyezi nkabo, canke bamwe bitungiwe n’amaboko yabo y’iburyo, nimutinye Imana yanyu mwebwe bakenyezi kuko ntankeka Imana niyo cabona kiri hejuru y’ibintu vyose

33:56

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا

Mu vy’ukuri Imana imanura imigisha kuntumwa yayo hamwe no kuba marayika bayo, rero mwebwe aba Isilamu kandi muyisengere intumwa y’Imana muyisabira amahoro y’Imana n’imigisha nukumusabira amahoro

33:57

إِنَّ ٱلَّذِينَ يُؤۡذُونَ ٱللَّهَ وَرَسُولَهُۥ لَعَنَهُمُ ٱللَّهُ فِي ٱلدُّنۡيَا وَٱلۡأٓخِرَةِ وَأَعَدَّ لَهُمۡ عَذَابًا مُّهِينًا

Mu vy’ukuri bamwe bashavuza Imana hamwe n’intumwa yayo, abo bantu Imana yarabavumye kuri iy’Isi no mw’ijuru, kandi yaraba teguriye ibihano bibatetereza

33:58

وَٱلَّذِينَ يُؤۡذُونَ ٱلۡمُؤۡمِنِينَ وَٱلۡمُؤۡمِنَٰتِ بِغَيۡرِ مَا ٱكۡتَسَبُواْ فَقَدِ ٱحۡتَمَلُواْ بُهۡتَٰنًا وَإِثۡمًا مُّبِينًا

Nabarya bashavuza abagabo baba Isilamu hamwe n’abakenyezi babo ata n’ikosa narimwe bagize, ntankeka abo bantu nabikoreye ubuhemu buniniya hamwe n’ibicumuro biri k’umugaragaro

33:59

يَٰٓأَيُّهَا ٱلنَّبِيُّ قُل لِّأَزۡوَٰجِكَ وَبَنَاتِكَ وَنِسَآءِ ٱلۡمُؤۡمِنِينَ يُدۡنِينَ عَلَيۡهِنَّ مِن جَلَٰبِيبِهِنَّۚ ذَٰلِكَ أَدۡنَىٰٓ أَن يُعۡرَفۡنَ فَلَا يُؤۡذَيۡنَۗ وَكَانَ ٱللَّهُ غَفُورًا رَّحِيمًا

Ewe ntumwa y’Imana, niwongorere abakenyezi bawe, hamwe n’abigeme bawe, hamwe n’abakenyezi baba Isilamu bamanure neza impuzu zabo, bagize gutyo bizotuma bamenyekana kugira ngo ntaba girirwe inabi, n’Imana niyo ifise imbabazi nyinshi n’impuhwe zihagije

33:60

لَّئِن لَّمۡ يَنتَهِ ٱلۡمُنَٰفِقُونَ وَٱلَّذِينَ فِي قُلُوبِهِم مَّرَضٌ وَٱلۡمُرۡجِفُونَ فِي ٱلۡمَدِينَةِ لَنُغۡرِيَنَّكَ بِهِمۡ ثُمَّ لَا يُجَاوِرُونَكَ فِيهَآ إِلَّا قَلِيلًا

Niba abo babeshi hamwe nabafise ingwara mumitima yabo hamwe n’abiyamamaza kumabi yabo bari mugisagara, mu vy’ukuri twebwe tuzobigukura ko hejuru yabo hanyuma ntibazo kwicara ngaho hafi yawe atari mumwanya mugufiya gusa

33:61

مَّلۡعُونِينَۖ أَيۡنَمَا ثُقِفُوٓاْ أُخِذُواْ وَقُتِّلُواْ تَقۡتِيلًا

Abo bantu baravumwe aho bari hose naho babonekera hose nibafatwe kandi bicwe

33:62

سُنَّةَ ٱللَّهِ فِي ٱلَّذِينَ خَلَوۡاْ مِن قَبۡلُۖ وَلَن تَجِدَ لِسُنَّةِ ٱللَّهِ تَبۡدِيلًا

Ibi nibisanzwe kumana kuvyabayeho kubantu bamyeho kera, kandi ntuzoronka ihindagurika ry’ibintu bisanzwe ku Mana

33:63

يَسۡـَٔلُكَ ٱلنَّاسُ عَنِ ٱلسَّاعَةِۖ قُلۡ إِنَّمَا عِلۡمُهَا عِندَ ٱللَّهِۚ وَمَا يُدۡرِيكَ لَعَلَّ ٱلسَّاعَةَ تَكُونُ قَرِيبًا

Abantu bakubaza inkuru z’umusi w’umuhero w’isi, wewe nuvuge uti:- ubwo bumenyi buri ku Mana yonyene gusa, none n’igiki kizo kumenyesha ko nkumbure umusi w’umuhero w’Isi uri hafi yugushika

33:64

إِنَّ ٱللَّهَ لَعَنَ ٱلۡكَٰفِرِينَ وَأَعَدَّ لَهُمۡ سَعِيرًا

Mu vy’ukuri Imana yarabavumye abahakanyi bayo, kandi yaraba teguriye umuriro udahera

33:65

خَٰلِدِينَ فِيهَآ أَبَدًاۖ لَّا يَجِدُونَ وَلِيًّا وَلَا نَصِيرًا

Bazowuguma mwo mubuzima bwabo bwose, kandi ntibazo ronka umukunzi canke umufasha

33:66

يَوۡمَ تُقَلَّبُ وُجُوهُهُمۡ فِي ٱلنَّارِ يَقُولُونَ يَٰلَيۡتَنَآ أَطَعۡنَا ٱللَّهَ وَأَطَعۡنَا ٱلرَّسُولَا۠

N’umusi waho mumaso yabo hazohinda gurirwa mumuriro udahera baze bavuge bati:- iyo tugamburukira Imana hamwe nuku gamburukira intumwa yiwe Muhammadi (aui)

33:67

وَقَالُواْ رَبَّنَآ إِنَّآ أَطَعۡنَا سَادَتَنَا وَكُبَرَآءَنَا فَأَضَلُّونَا ٱلسَّبِيلَا۠

Bazovuga bati:- Muremyi wacu, mu vy’ukuri twebwe twakurikiye abategetsi bacu hamwe n’abakuru bacu, abo rero nibo batuzimije munzira y’ukuri

33:68

رَبَّنَآ ءَاتِهِمۡ ضِعۡفَيۡنِ مِنَ ٱلۡعَذَابِ وَٱلۡعَنۡهُمۡ لَعۡنًا كَبِيرًا

Muremyi wacu, nubahe ibihano bimwe vy’akarorero abo bantu, vy’incuro zibiri zibiri, uteko ubavume umuvumo muniniya

33:69

يَٰٓأَيُّهَا ٱلَّذِينَ ءَامَنُواْ لَا تَكُونُواْ كَٱلَّذِينَ ءَاذَوۡاْ مُوسَىٰ فَبَرَّأَهُ ٱللَّهُ مِمَّا قَالُواْۚ وَكَانَ عِندَ ٱللَّهِ وَجِيهًا

Mwebwe mwemeye Imana yanyu y’ukuri, ntimube nkabagoye intumwa y’Imana Mussa (iii) mugabo Imana imugira mweranda kuvyo bamuvuzeko, nawe akaba yari afise urupfasoni ntangere imbere y’Imana

33:70

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلًا سَدِيدًا

Mwebwe mwemeye Imana yanyu y’ukuri, nimuyitinye Imana yanyu y’ukuri, kandi muvuge amajambo y’ukuri

33:71

يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا

Izobagirira ibikorwa vyanyu vyiza, kandi izobagirira imbabazi kubicumuro vyanyu, nuwu gamburukira Imana hamwe n’intumwa yiwe, ntankeka uyo muntu azoba afise intsinzi niniya cane

33:72

إِنَّا عَرَضۡنَا ٱلۡأَمَانَةَ عَلَى ٱلسَّمَٰوَٰتِ وَٱلۡأَرۡضِ وَٱلۡجِبَالِ فَأَبَيۡنَ أَن يَحۡمِلۡنَهَا وَأَشۡفَقۡنَ مِنۡهَا وَحَمَلَهَا ٱلۡإِنسَٰنُۖ إِنَّهُۥ كَانَ ظَلُومًا جَهُولًا

Mu vy’ukuri twebwe twaraseruye amategeko yacu hamwe n’amatuzo yacu, kumajuru yose hamwe n’Isi n’Imisozi, vyose vyarahakanye kwakira ayo mategeko nukuyatinya, mugabo umuntu yarayakiye, ntankeka umuntu niwe muhemu mukuru, kandi atabwenge afise

33:73

لِّيُعَذِّبَ ٱللَّهُ ٱلۡمُنَٰفِقِينَ وَٱلۡمُنَٰفِقَٰتِ وَٱلۡمُشۡرِكِينَ وَٱلۡمُشۡرِكَٰتِ وَيَتُوبَ ٱللَّهُ عَلَى ٱلۡمُؤۡمِنِينَ وَٱلۡمُؤۡمِنَٰتِۗ وَكَانَ ٱللَّهُ غَفُورًا رَّحِيمَۢا

Kugira ngo Imana ihane abagabo b’ababeshi n’abakenyezi bababeshi hamwe n’abagabo bagereranya Imana n’ibindi bintu, hamwe n’abakenyezi bagereranya Imana n’ibindi bintu hanyuma ize igirire ikigongwe aba Isilamu b’abagabo n’abakenyezi, n’Imana niyo nyene ikigongwe cinshi n’impuhwe zihagije

Translation: Sheikh Amissi Radjabu Ntamba.