Surah 31 · 34 verses · Imaam Ismaaeel Ngqoyiyana

Surah Luqman in Xhosa

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

31:1

الٓمٓ

Alif-Lâm-Mîm

31:2

تِلۡكَ ءَايَٰتُ ٱلۡكِتَٰبِ ٱلۡحَكِيمِ

Ezi ziVesi zeNcwadi elumkileyo

31:3

هُدًى وَرَحۡمَةً لِّلۡمُحۡسِنِينَ

ZisisiKhokelo nenceba kubenzi bokulungileyo

31:4

ٱلَّذِينَ يُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ يُوقِنُونَ

Abamisela iSalâh, banikele ngeZakâh, yaye bona baqinisekile ngoBomi oBuzayo

31:5

أُوْلَٰٓئِكَ عَلَىٰ هُدًى مِّن رَّبِّهِمۡۖ وَأُوْلَٰٓئِكَ هُمُ ٱلۡمُفۡلِحُونَ

Bona abo bakwisiKhokelo esilungileyo esivela eNkosini yabo, yaye ngabo abaya kuphumelela

31:6

وَمِنَ ٱلنَّاسِ مَن يَشۡتَرِي لَهۡوَ ٱلۡحَدِيثِ لِيُضِلَّ عَن سَبِيلِ ٱللَّهِ بِغَيۡرِ عِلۡمٍ وَيَتَّخِذَهَا هُزُوًاۚ أُوْلَٰٓئِكَ لَهُمۡ عَذَابٌ مُّهِينٌ

Ebantwini kukho lowo uthenga intetho yokonwabisa1 elahlekisa (abanye) eNdleleni ka-Allâh engenalwazi yaye uyithabatha (iNdlela ka-Allâh) njengento yokuhlekisa. Abo banjalo baya kufumana isohlwayo esilihlazo

31:7

وَإِذَا تُتۡلَىٰ عَلَيۡهِ ءَايَٰتُنَا وَلَّىٰ مُسۡتَكۡبِرًا كَأَن لَّمۡ يَسۡمَعۡهَا كَأَنَّ فِيٓ أُذُنَيۡهِ وَقۡرًاۖ فَبَشِّرۡهُ بِعَذَابٍ أَلِيمٍ

Naxa iiVesi zeThu zicengcelezwa kuye, Uyatshikila ngenkukhumalo abe ngathi akhanga azive, enze ngathi kukho ubuthulu ezindlebeni zakhe. Ngoko ke mnike iindaba ezivuyisayo zesohlwayo esibuhlungu

31:8

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتُ ٱلنَّعِيمِ

Inene abo bakholwayo, benze izenzo zobulungisa okwabo yimiyezo yolonwabo

31:9

خَٰلِدِينَ فِيهَاۖ وَعۡدَ ٱللَّهِ حَقًّاۚ وَهُوَ ٱلۡعَزِيزُ ٱلۡحَكِيمُ

Apho baya kuhlala ngonaphakade, (esi) sisithembiso sika- Allâh esiyinyaniso. Ke Yena nguSobunganga, uSobulumko

31:10

خَلَقَ ٱلسَّمَٰوَٰتِ بِغَيۡرِ عَمَدٍ تَرَوۡنَهَاۖ وَأَلۡقَىٰ فِي ٱلۡأَرۡضِ رَوَٰسِيَ أَن تَمِيدَ بِكُمۡ وَبَثَّ فِيهَا مِن كُلِّ دَآبَّةٍۚ وَأَنزَلۡنَا مِنَ ٱلسَّمَآءِ مَآءً فَأَنۢبَتۡنَا فِيهَا مِن كُلِّ زَوۡجٍ كَرِيمٍ

Yena Wadala amazulu ngaphandle kweentsika eninokuzibona Waza Wamilisela iintaba eziqinileyo emhlabeni, (kuba) hleze (umhlaba) uhexahexe nani, Waza Wenza kwesaa (inzala) yezidalwa zonke. Kananjalo Sithulula imvula ivela esibhakabhakeni, Senze kukhule ngayo apho (izityalo) zayo yonke intlobo yendalo exabisekileyo

31:11

هَٰذَا خَلۡقُ ٱللَّهِ فَأَرُونِي مَاذَا خَلَقَ ٱلَّذِينَ مِن دُونِهِۦۚ بَلِ ٱلظَّٰلِمُونَ فِي ضَلَٰلٍ مُّبِينٍ

Le yindalo ka-Allâh. Ndiboniseni ke ukuba yintoni na abanye ngaphandle kwaKhe abayidalileyo. Ukusuka apho abenzi bobugwenxa basekulahlekeni

31:12

وَلَقَدۡ ءَاتَيۡنَا لُقۡمَٰنَ ٱلۡحِكۡمَةَ أَنِ ٱشۡكُرۡ لِلَّهِۚ وَمَن يَشۡكُرۡ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ ٱللَّهَ غَنِيٌّ حَمِيدٌ

Ngokwenene Thina Sanika uLu’kmân ubulumko (Sathi kuye): Yiba nombulelo kuAllâh.” Ke kaloku nabani na lowo unombulelo (kuAllâh) ubulelela (ukuzinceda) isiqu sakhe. Ke lowo uphika (izibele zika-Allâh) inene Yena uAllâh Akananto Ayidingayo yaye Yena ngoWokudunyiswa

31:13

وَإِذۡ قَالَ لُقۡمَٰنُ لِٱبۡنِهِۦ وَهُوَ يَعِظُهُۥ يَٰبُنَيَّ لَا تُشۡرِكۡ بِٱللَّهِۖ إِنَّ ٱلشِّرۡكَ لَظُلۡمٌ عَظِيمٌ

Yabona uLu’kmân wathi kunyana wakhe xa wayemyala: “Hini na nyana wam, ungayamanisi nto kuAllâh. Inene ukwayamanisa (into kuYe) yintswela bulungisa enkulu.”

31:14

وَوَصَّيۡنَا ٱلۡإِنسَٰنَ بِوَٰلِدَيۡهِ حَمَلَتۡهُ أُمُّهُۥ وَهۡنًا عَلَىٰ وَهۡنٍ وَفِصَٰلُهُۥ فِي عَامَيۡنِ أَنِ ٱشۡكُرۡ لِي وَلِوَٰلِدَيۡكَ إِلَيَّ ٱلۡمَصِيرُ

Kananjalo Thina siyalele inkathalo emntwini ngabazali bakhe. Umama wakhe wamthwala, (wambangela) ubuthathaka, ukanti ukulunyulwa kwakhe kukwiminyaka emibini nika umbulelo kuM nakubazali bakho; kukuM apho kuza kuphelelwa khona

31:15

وَإِن جَٰهَدَاكَ عَلَىٰٓ أَن تُشۡرِكَ بِي مَا لَيۡسَ لَكَ بِهِۦ عِلۡمٌ فَلَا تُطِعۡهُمَاۖ وَصَاحِبۡهُمَا فِي ٱلدُّنۡيَا مَعۡرُوفًاۖ وَٱتَّبِعۡ سَبِيلَ مَنۡ أَنَابَ إِلَيَّۚ ثُمَّ إِلَيَّ مَرۡجِعُكُمۡ فَأُنَبِّئُكُم بِمَا كُنتُمۡ تَعۡمَلُونَ

Kodwa xa (abazali bakho abo) bekuyalela ukuba wayamanise nto yimbi kuM, ongenalwazi2 ngayo wena, ungabathobeli kodwa bakhaphe kweli hlabathi ngobubele obufanelekileyo, ulandele indlela yabo baguqukayo babuyela kuM. Ngoko ke kukuM apho niza kubuyela khona, yaye Ndiza kunixelela ngoko nakwenzayo

31:16

يَٰبُنَيَّ إِنَّهَآ إِن تَكُ مِثۡقَالَ حَبَّةٍ مِّنۡ خَرۡدَلٍ فَتَكُن فِي صَخۡرَةٍ أَوۡ فِي ٱلسَّمَٰوَٰتِ أَوۡ فِي ٱلۡأَرۡضِ يَأۡتِ بِهَا ٱللَّهُۚ إِنَّ ٱللَّهَ لَطِيفٌ خَبِيرٌ

(ULu’kmân wathi kunyana wakhe): “Hini na nyana wam, enokuba ilizwi eligwenxa lingaba ngangokhozo lwemostadi nokuba lingaba selityeni okanye (phi na) emazulwini okanye emhlabeni, uAllâh Uya kuza nalo. Inene uAllâh Unocoselelo, Uyazi

31:17

يَٰبُنَيَّ أَقِمِ ٱلصَّلَوٰةَ وَأۡمُرۡ بِٱلۡمَعۡرُوفِ وَٱنۡهَ عَنِ ٱلۡمُنكَرِ وَٱصۡبِرۡ عَلَىٰ مَآ أَصَابَكَۖ إِنَّ ذَٰلِكَ مِنۡ عَزۡمِ ٱلۡأُمُورِ

Wena ke nyana wam, misela iSalâh, uyalele okulungileyo, walele okugwenxa, ube nomonde ngokukuhleleyo3. Inene leyo yenye yezinto ezifunisa inzondelelo

31:18

وَلَا تُصَعِّرۡ خَدَّكَ لِلنَّاسِ وَلَا تَمۡشِ فِي ٱلۡأَرۡضِ مَرَحًاۖ إِنَّ ٱللَّهَ لَا يُحِبُّ كُلَّ مُخۡتَالٍ فَخُورٍ

Kananjalo ungabatshikileli (ngendelelo) abantu, ungahambi ngenkukhumalo emhlabeni. Inene uAllâh Akabathandi abo baziqhathayo nabazigwagwisayo

31:19

وَٱقۡصِدۡ فِي مَشۡيِكَ وَٱغۡضُضۡ مِن صَوۡتِكَۚ إِنَّ أَنكَرَ ٱلۡأَصۡوَٰتِ لَصَوۡتُ ٱلۡحَمِيرِ

Yiba phakathi ngokunyathela kwakho uthobe ilizwi lakho; inene awona mazwi angathandekiyo (kumazwi) ngaweembongolo.”

31:20

أَلَمۡ تَرَوۡاْ أَنَّ ٱللَّهَ سَخَّرَ لَكُم مَّا فِي ٱلسَّمَٰوَٰتِ وَمَا فِي ٱلۡأَرۡضِ وَأَسۡبَغَ عَلَيۡكُمۡ نِعَمَهُۥ ظَٰهِرَةً وَبَاطِنَةًۗ وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٍ وَلَا هُدًى وَلَا كِتَٰبٍ مُّنِيرٍ

IngabaakuboninaukubauAllâhWenzekonkeokusemazulwini nasemhlabeni kwaphantsi kwakho Waza Wakwenzela uBubele baKhe ngokubanzi, (kwizinto) ezibonakalayo nezingabonakaliyo? Kodwa ebantwini kukho lowo uxoxa, aphikise ngoAllâh engenalwazi okanye isiKhokelo, okanye iNcwadi (evela kuYe)

31:21

وَإِذَا قِيلَ لَهُمُ ٱتَّبِعُواْ مَآ أَنزَلَ ٱللَّهُ قَالُواْ بَلۡ نَتَّبِعُ مَا وَجَدۡنَا عَلَيۡهِ ءَابَآءَنَآۚ أَوَلَوۡ كَانَ ٱلشَّيۡطَٰنُ يَدۡعُوهُمۡ إِلَىٰ عَذَابِ ٱلسَّعِيرِ

Naxa kusithiwa kubo: “Landelani oko uAllâh Akutyhilileyo.” Bathi bona: “Thina, siza kulandela oko sakufumana koobawo mkhulu bethu.” Enokuba uShaytân wayebamemela (abo yisemkhulu babo) esohlwayweni sedangatya (loMlilo)

31:22

وَمَن يُسۡلِمۡ وَجۡهَهُۥٓ إِلَى ٱللَّهِ وَهُوَ مُحۡسِنٌ فَقَدِ ٱسۡتَمۡسَكَ بِٱلۡعُرۡوَةِ ٱلۡوُثۡقَىٰۗ وَإِلَى ٱللَّهِ عَٰقِبَةُ ٱلۡأُمُورِ

Nabani na lowo unikela ubuso bakhe kuAllâh, aze abe ngumenzi wokulungileyo lowo ubambelele kwesona Sandla sithembekileyo. Ke kaloku kuAllâh kulapho iziphumo zemibandela (yonke) zikhoyo

31:23

وَمَن كَفَرَ فَلَا يَحۡزُنكَ كُفۡرُهُۥٓۚ إِلَيۡنَا مَرۡجِعُهُمۡ فَنُنَبِّئُهُم بِمَا عَمِلُوٓاْۚ إِنَّ ٱللَّهَ عَلِيمُۢ بِذَاتِ ٱلصُّدُورِ

Ke yena lowo uye wangakholwa ukungakholwa kwakhe makungakukhathazi wena. KukuThi apho baza kubuyela khona, yaye Siza kubaxelela ngoko bakwenzayo. Inene, uAllâh Uyakwazi okusezifubeni zabo

31:24

نُمَتِّعُهُمۡ قَلِيلًا ثُمَّ نَضۡطَرُّهُمۡ إِلَىٰ عَذَابٍ غَلِيظٍ

Sibanika ulonwabo okwethutyana; kanti Sisaya kubanyanzela ukuba bangene kwisohlwayokazi esikhulu

31:25

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ ٱللَّهُۚ قُلِ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ

Xa ubabuza: “Ngubani owadala amazulu nomhlaba?” Ngokuqinisekileyo baza kuthi: “NguAllâh.” Yithi ke wena: “Iindumiso zonke nemibulelo mazibe kuAllâh!” Kodwa uninzi lwabo alwazi nto

31:26

لِلَّهِ مَا فِي ٱلسَّمَٰوَٰتِ وَٱلۡأَرۡضِۚ إِنَّ ٱللَّهَ هُوَ ٱلۡغَنِيُّ ٱلۡحَمِيدُ

Kokuka-Allah okusemazulwini nasemhlabeni. Inene uAllâh, sisiTyebi, ngowokudunyiswa

31:27

وَلَوۡ أَنَّمَا فِي ٱلۡأَرۡضِ مِن شَجَرَةٍ أَقۡلَٰمٌ وَٱلۡبَحۡرُ يَمُدُّهُۥ مِنۢ بَعۡدِهِۦ سَبۡعَةُ أَبۡحُرٍ مَّا نَفِدَتۡ كَلِمَٰتُ ٱللَّهِۚ إِنَّ ٱللَّهَ عَزِيزٌ حَكِيمٌ

Ukuba ngaba imithi le ibiziintsiba zokubhala nolwandle (olu luyi-inki), lize longezwe ngezinye iilwandle ezisixhenxe, amazwi ka-Allâh ebengayi kuphela. Inene, uAllâh nguSobunganga, uSobulumko

31:28

مَّا خَلۡقُكُمۡ وَلَا بَعۡثُكُمۡ إِلَّا كَنَفۡسٍ وَٰحِدَةٍۚ إِنَّ ٱللَّهَ سَمِيعُۢ بَصِيرٌ

Ukudalwa kwenu nokuvuswa kwenu akuyi kuba yinto yimbi ngaphandle kokuba njengokuvuswa komphefumlo omnye. Inene, uAllâh Uyeva yaye Uyabona

31:29

أَلَمۡ تَرَ أَنَّ ٱللَّهَ يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَسَخَّرَ ٱلشَّمۡسَ وَٱلۡقَمَرَۖ كُلٌّ يَجۡرِيٓ إِلَىٰٓ أَجَلٍ مُّسَمًّى وَأَنَّ ٱللَّهَ بِمَا تَعۡمَلُونَ خَبِيرٌ

Akuboni na okokuba uAllâh Wenza ubusuku bungene kwimini Aze enze imini ingene kubusuku, Waza Wenza ilanga nenyanga, nganye kuzo yabaleka (kweyayo indlela), kangangethuba elithile ezibekelwe lona, kwanokuba uAllâh, ngayo nantoni na eniyenzayo Unolwazi ngayo?’

31:30

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّ مَا يَدۡعُونَ مِن دُونِهِ ٱلۡبَٰطِلُ وَأَنَّ ٱللَّهَ هُوَ ٱلۡعَلِيُّ ٱلۡكَبِيرُ

Oko kungenxa yokuba uAllâh UyiNyaniso, ukanti ezo nto babiza kuzo ngaphandle kwaKhe zibubuxoki, nangenxa yokuba uAllâh Uphakamile, Mkhulu

31:31

أَلَمۡ تَرَ أَنَّ ٱلۡفُلۡكَ تَجۡرِي فِي ٱلۡبَحۡرِ بِنِعۡمَتِ ٱللَّهِ لِيُرِيَكُم مِّنۡ ءَايَٰتِهِۦٓۚ إِنَّ فِي ذَٰلِكَ لَأٓيَٰتٍ لِّكُلِّ صَبَّارٍ شَكُورٍ

Akuboni na ukuba iinqanawa ziwiza4 zinqumle ulwandle ngobabalo luka-Allah khona ukuze Anibonise imiqondiso yaKhe? Inene kuko oko kukho umqondiso kuye nabani na onomonde nonombulelo

31:32

وَإِذَا غَشِيَهُم مَّوۡجٌ كَٱلظُّلَلِ دَعَوُاْ ٱللَّهَ مُخۡلِصِينَ لَهُ ٱلدِّينَ فَلَمَّا نَجَّىٰهُمۡ إِلَى ٱلۡبَرِّ فَمِنۡهُم مُّقۡتَصِدٌۚ وَمَا يَجۡحَدُ بِـَٔايَٰتِنَآ إِلَّا كُلُّ خَتَّارٍ كَفُورٍ

Ke kaloku athi amaza esakubagquma okwamaphahla, bathandaze kuAllâh, benyanisekile kuYe enkolweni. Kodwa Esakubahlangulela emhlabeni kubakho abanye kubo abadikidiki (abaphakathi kokukholwa nokungakholwa). Ukanti akukho bani uzalayo iiVesi zeThu ngaphandle kwalowo unobungcatshi ongenambulelo

31:33

يَٰٓأَيُّهَا ٱلنَّاسُ ٱتَّقُواْ رَبَّكُمۡ وَٱخۡشَوۡاْ يَوۡمًا لَّا يَجۡزِي وَالِدٌ عَن وَلَدِهِۦ وَلَا مَوۡلُودٌ هُوَ جَازٍ عَن وَالِدِهِۦ شَيۡـًٔاۚ إِنَّ وَعۡدَ ٱللَّهِ حَقٌّۖ فَلَا تَغُرَّنَّكُمُ ٱلۡحَيَوٰةُ ٱلدُّنۡيَا وَلَا يَغُرَّنَّكُم بِٱللَّهِ ٱلۡغَرُورُ

Hini na bantu, yoyikani iNkosi yenu noyike neMini apho kungekho tata uya kunceda nyana, kungekho nyana uya kunceda tata. Inene, isithembiso sika-Allâh siyinyaniso, ngoko musani ukwenza ubomi balo mhlaba bunikhohlise kananjalo ningakhohliswa ngumkhohlisi ngoAllâh

31:34

إِنَّ ٱللَّهَ عِندَهُۥ عِلۡمُ ٱلسَّاعَةِ وَيُنَزِّلُ ٱلۡغَيۡثَ وَيَعۡلَمُ مَا فِي ٱلۡأَرۡحَامِۖ وَمَا تَدۡرِي نَفۡسٌ مَّاذَا تَكۡسِبُ غَدًاۖ وَمَا تَدۡرِي نَفۡسُۢ بِأَيِّ أَرۡضٍ تَمُوتُۚ إِنَّ ٱللَّهَ عَلِيمٌ خَبِيرُۢ

Inene, uAllâh (Yena Yedwa) Unolwazi lwe Yure yaye Uthoba imvula Esazi kananjalo okokuba yintoni na esezibelekweni. Ke kaloku akukho mphefumlo waziyo okokuba uza kuzuza ntoni na ngomso, kungekho mphefumlo waziyo okokuba uza kufela kwiliphi na ilizwe. Inene uAllâh Uyazi, Uyaqaphela

Translation: Imaam Ismaaeel Ngqoyiyana.