Surah 73 · 20 verses · Tgk. H. Mahjiddin Jusuf
Surah Al-Muzzammil in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
نِّصۡفَهُۥٓ أَوِ ٱنقُصۡ مِنۡهُ قَلِيلًا
Siteungoh pih jeuet mantong takeubah Atawa kureueng nibak nyan bacut
أَوۡ زِدۡ عَلَيۡهِ وَرَتِّلِ ٱلۡقُرۡءَانَ تَرۡتِيلًا
Tatamah pih jeuet tabeuet qiraah Tabeuet Qur'an keunong makheurot
إِنَّ نَاشِئَةَ ٱلَّيۡلِ هِيَ أَشَدُّ وَطۡـًٔا وَأَقۡوَمُ قِيلًا
Meu tabeuet malam mesra jitamong Teupat ngon keunong tabeuet qiraah
إِنَّ لَكَ فِي ٱلنَّهَارِ سَبۡحًا طَوِيلًا
Meu tabeuet uroe gadoh that gata Panyang keurija mita napakah
وَٱذۡكُرِ ٱسۡمَ رَبِّكَ وَتَبَتَّلۡ إِلَيۡهِ تَبۡتِيلًا
Teuma taseubot nan Tuhan gata Ibadat gata khuchu“ keu Allah
رَّبُّ ٱلۡمَشۡرِقِ وَٱلۡمَغۡرِبِ لَآ إِلَٰهَ إِلَّا هُوَ فَٱتَّخِذۡهُ وَكِيلًا
Tuhan keuh nyang Po timu ngon barat Kon Tuhan meuhat meunyo kon Allah Bak Tuhan gata talakee lindong
وَٱصۡبِرۡ عَلَىٰ مَا يَقُولُونَ وَٱهۡجُرۡهُمۡ هَجۡرًا جَمِيلًا
Peue-peue nyang jikheun saba that leupah Tapeujioh jih deungon cara got
وَذَرۡنِي وَٱلۡمُكَذِّبِينَ أُوْلِي ٱلنَّعۡمَةِ وَمَهِّلۡهُمۡ قَلِيلًا
Tinggai lon meuhat ngon jih nyang salah Jikheun sulet dum peue-peue nyang takheun Nikmat keu jih nyan ka le that leupah Tayue meutanggoh bak jih nyan siat
إِنَّ لَدَيۡنَآ أَنكَالًا وَجَحِيمًا
Bak Kamoe azeub ka lheuh meukeubah Rante nuraka keu jih nyan meuhat
وَطَعَامًا ذَا غُصَّةٍ وَعَذَابًا أَلِيمًا
Makanan jih that tutong sileupah Meuceukiek reukueng han ek takarat Azeub peudeh that hanaban peugah
يَوۡمَ تَرۡجُفُ ٱلۡأَرۡضُ وَٱلۡجِبَالُ وَكَانَتِ ٱلۡجِبَالُ كَثِيبًا مَّهِيلًا
Bumoe ngon gunong uroe nyan anco Gunong teupiro jipo dum bicah
إِنَّآ أَرۡسَلۡنَآ إِلَيۡكُمۡ رَسُولًا شَٰهِدًا عَلَيۡكُمۡ كَمَآ أَرۡسَلۡنَآ إِلَىٰ فِرۡعَوۡنَ رَسُولًا
Ka Kamoe kirem rasul bak gata Keu saksi gata beuna ngon salah Saban ngon dilee ka Kamoe kirem Ubak Peuraʻun pih hana ubah Meukirem rasul ubak Peuraʻun
فَعَصَىٰ فِرۡعَوۡنُ ٱلرَّسُولَ فَأَخَذۡنَٰهُ أَخۡذًا وَبِيلًا
Teuma Peuraʻun maksiet that leupah Jibantah rasul han jitem pateh Meusiksa treuk jih teuma brat leupah
فَكَيۡفَ تَتَّقُونَ إِن كَفَرۡتُمۡ يَوۡمًا يَجۡعَلُ ٱلۡوِلۡدَٰنَ شِيبًا
Pakri teuma droeuteuh taplihara Uroe nyan teuka takheun hana sah Uroe nyoe puteh dum ok aneuk miet Dumnan keuh meugriet hanaban peugah Gata takaphe akan uroe nyan
ٱلسَّمَآءُ مُنفَطِرُۢ بِهِۦۚ كَانَ وَعۡدُهُۥ مَفۡعُولًا
Langet meuguncang Neubri le Allah Janji Tuhanku han jeuet han teuka Anco meuleua langet dum bicah
إِنَّ هَٰذِهِۦ تَذۡكِرَةٌۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا
Keubit atra nyoe jeuet keu peuingat Barangsoe hajat jijak bak Allah Jalan Po jih nyan nyang jijak mita
إِنَّ رَبَّكَ يَعۡلَمُ أَنَّكَ تَقُومُ أَدۡنَىٰ مِن ثُلُثَيِ ٱلَّيۡلِ وَنِصۡفَهُۥ وَثُلُثَهُۥ وَطَآئِفَةٌ مِّنَ ٱلَّذِينَ مَعَكَۚ وَٱللَّهُ يُقَدِّرُ ٱلَّيۡلَ وَٱلنَّهَارَۚ عَلِمَ أَن لَّن تُحۡصُوهُ فَتَابَ عَلَيۡكُمۡۖ فَٱقۡرَءُواْ مَا تَيَسَّرَ مِنَ ٱلۡقُرۡءَانِۚ عَلِمَ أَن سَيَكُونُ مِنكُم مَّرۡضَىٰ وَءَاخَرُونَ يَضۡرِبُونَ فِي ٱلۡأَرۡضِ يَبۡتَغُونَ مِن فَضۡلِ ٱللَّهِ وَءَاخَرُونَ يُقَٰتِلُونَ فِي سَبِيلِ ٱللَّهِۖ فَٱقۡرَءُواْ مَا تَيَسَّرَ مِنۡهُۚ وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَقۡرِضُواْ ٱللَّهَ قَرۡضًا حَسَنًاۚ وَمَا تُقَدِّمُواْ لِأَنفُسِكُم مِّنۡ خَيۡرٍ تَجِدُوهُ عِندَ ٱللَّهِ هُوَ خَيۡرًا وَأَعۡظَمَ أَجۡرًاۚ وَٱسۡتَغۡفِرُواْ ٱللَّهَۖ إِنَّ ٱللَّهَ غَفُورٌ رَّحِيمُۢ
Keubit Po gata Neuteupue sudah Neuteupue gata malam tabagi Dua boh bagi tatueng phaedah Nibak Ihee bagi tacok dua boh Bacut hana troh tangui keu jatah Got pih tabeudoh siteungoh malam Bahgi lhee malam tabeudoh sudah Ngon rakan gata nyang sajan gata Sit ka Neukada bandum le Allah Han ek takira Tuhan Neuteupue Malam ngon uroe urusan Allah Toubat dum gata Tuhan teurimong Tabeuet beu keunong peue-peue nyang mudah Peue-peue nyang mudah tabeuet Qur'an Hana Neuparan gata le Allah Neuteupue gata ladom nyang saket Ladom jiteubiet mita napakah Lam bumoe Tuhan jijak keurija Jimeung jak mita karonya Allah Teuma seumbahyang ngon taboh zakeut Meunan lom tabeut peue-peue nyang mudah Peuutang Tuhan deungon buet nyang got Tapubuet nyang got keudroe teuh bagah Peue nyang tapubuet cit na balasan Neubri le Tuhan keu gata upah Raya that Neubri pahla le Tuhan Talakee ampon laju bak Allah Keubit roe Tuhan Maha Pengampon Lagi pih Tuhan Maha Pemurah
Translation: Tgk. H. Mahjiddin Jusuf.