Surah 41 · 54 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Fussilat in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

41:1

حمٓ

Ha Mim

41:2

تَنزِيلٌ مِّنَ ٱلرَّحۡمَٰنِ ٱلرَّحِيمِ

Ameshio kano karula khu Omunji, Wetsimbabaasi Wobukoosia muno

41:3

كِتَٰبٌ فُصِّلَتۡ ءَايَٰتُهُۥ قُرۡءَانًا عَرَبِيًّا لِّقَوۡمٍ يَعۡلَمُونَ

Eshitabu shie tsinyali tsiashio tsienoosibwa, shisomungwa mulwarabu khubandu baminyile

41:4

بَشِيرًا وَنَذِيرًا فَأَعۡرَضَ أَكۡثَرُهُمۡ فَهُمۡ لَا يَسۡمَعُونَ

Shisuubisia nende okhwikanyilisia, halali abanji bakhaya okhubukulamwo oluchendo, mana shibasuulilanga tawe

41:5

وَقَالُواْ قُلُوبُنَا فِيٓ أَكِنَّةٍ مِّمَّا تَدۡعُونَآ إِلَيۡهِ وَفِيٓ ءَاذَانِنَا وَقۡرٌ وَمِنۢ بَيۡنِنَا وَبَيۡنِكَ حِجَابٌ فَٱعۡمَلۡ إِنَّنَا عَٰمِلُونَ

Ne baboola mbu: “ emieyo chiefu chiafunikhwa khukokhulanjilanga ako, ne amarwi kefu kekala, ne hakari wefu ninawe khuli nende eshikalilo, ne khola toto fwesi khukholanga.”

41:6

قُلۡ إِنَّمَآ أَنَا۠ بَشَرٌ مِّثۡلُكُمۡ يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٌ وَٰحِدٌ فَٱسۡتَقِيمُوٓاْ إِلَيۡهِ وَٱسۡتَغۡفِرُوهُۗ وَوَيۡلٌ لِّلۡمُشۡرِكِينَ

Boola esie endisa Omundu shinga enywe, enyolanga obufimbuli mbu toto Nyasaye wenyu ni Nyasaye mulala, kho mulunjishe khuye ne mumusabe eshileshelo, ne eshinyasio eshikhongo shilinyoola abatsokaasinjia Nyasaye

41:7

ٱلَّذِينَ لَا يُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ كَٰفِرُونَ

Balia balarusinjia eshihanwa tawe ne bakhaya ukhusuubila inyanga yeyindukho

41:8

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونٍ

Toto balia basuubila mana nibakhola amalayi bali nomurungo kulaliwa

41:9

قُلۡ أَئِنَّكُمۡ لَتَكۡفُرُونَ بِٱلَّذِي خَلَقَ ٱلۡأَرۡضَ فِي يَوۡمَيۡنِ وَتَجۡعَلُونَ لَهُۥٓ أَندَادًاۚ ذَٰلِكَ رَبُّ ٱلۡعَٰلَمِينَ

Bola mbu: “toto enywe mukhayanga ulia waloonga eshialo khutsinyanga tsibili, ne mumusasia nende abanyasaye bandi, oyo niye Nyasaye webiloonje biosi.”

41:10

وَجَعَلَ فِيهَا رَوَٰسِيَ مِن فَوۡقِهَا وَبَٰرَكَ فِيهَا وَقَدَّرَ فِيهَآ أَقۡوَٰتَهَا فِيٓ أَرۡبَعَةِ أَيَّامٍ سَوَآءً لِّلسَّآئِلِينَ

Ne yaramwo tsingulu hekulu washio, ne naramwo ikhabi, nenabalililamwo emikabo chabio khutsinyanga tsine, kano kali habwene muno khubarebanga

41:11

ثُمَّ ٱسۡتَوَىٰٓ إِلَى ٱلسَّمَآءِ وَهِيَ دُخَانٌ فَقَالَ لَهَا وَلِلۡأَرۡضِ ٱئۡتِيَا طَوۡعًا أَوۡ كَرۡهًا قَالَتَآ أَتَيۡنَا طَآئِعِينَ

Mana naleng’ana khwikulu nalo nilili omwosi, naliboolela nende eshialo “ itse nimuchamile noho nimukhayile,” biaboola mbu : “ khwitsile nikhuli abarechelefu.”

41:12

فَقَضَىٰهُنَّ سَبۡعَ سَمَٰوَاتٍ فِي يَوۡمَيۡنِ وَأَوۡحَىٰ فِي كُلِّ سَمَآءٍ أَمۡرَهَاۚ وَزَيَّنَّا ٱلسَّمَآءَ ٱلدُّنۡيَا بِمَصَٰبِيحَ وَحِفۡظًاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ

Mana naloonga “ amakulu saba” khutsinyanga tsibili, mana nahana buli likulu akalio, mana nikhurona likulu lieshialo khu tsitaa tsiobulindi, esho nishio eshichelo shia Nyasaye Owamani Omumanyi muno

41:13

فَإِنۡ أَعۡرَضُواْ فَقُلۡ أَنذَرۡتُكُمۡ صَٰعِقَةً مِّثۡلَ صَٰعِقَةِ عَادٍ وَثَمُودَ

Ne nibalakabukulamwo oluchendo tawe, boola mbu: “ Ebekanyisilia eshinyasio sholuyoka shinga shiali sha A’ad nende Thamud

41:14

إِذۡ جَآءَتۡهُمُ ٱلرُّسُلُ مِنۢ بَيۡنِ أَيۡدِيهِمۡ وَمِنۡ خَلۡفِهِمۡ أَلَّا تَعۡبُدُوٓاْ إِلَّا ٱللَّهَۖ قَالُواْ لَوۡ شَآءَ رَبُّنَا لَأَنزَلَ مَلَٰٓئِكَةً فَإِنَّا بِمَآ أُرۡسِلۡتُم بِهِۦ كَٰفِرُونَ

Olwa betselwa nende Abarumwa okhurula imbeli wabu nende inyuma wabu, nibaboolelwa mbu: “ mulalaame shiosi shiosi tawe halali Nyasaye.” nibaboola mbu: “ Nyasaye wefu alenya yakharumile Abamalaika, kho toto efwe khukamwarumwa ninako ako khukhayile.”

41:15

فَأَمَّا عَادٌ فَٱسۡتَكۡبَرُواْ فِي ٱلۡأَرۡضِ بِغَيۡرِ ٱلۡحَقِّ وَقَالُواْ مَنۡ أَشَدُّ مِنَّا قُوَّةًۖ أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَهُمۡ هُوَ أَشَدُّ مِنۡهُمۡ قُوَّةًۖ وَكَانُواْ بِـَٔايَٰتِنَا يَجۡحَدُونَ

Mana Abandu ba A’ad, Bali abafuru khushialo munjila ilali yatoto tawe, mana nibaboola mbu: “ wina ushila efwe amani ? “ shibalolanga mbu Nyasaye wabaloonga ali namaani okhubashila, Ne bakhayanga ebimanyisio biefu

41:16

فَأَرۡسَلۡنَا عَلَيۡهِمۡ رِيحًا صَرۡصَرًا فِيٓ أَيَّامٍ نَّحِسَاتٍ لِّنُذِيقَهُمۡ عَذَابَ ٱلۡخِزۡيِ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَخۡزَىٰۖ وَهُمۡ لَا يُنصَرُونَ

Mana nikhubarumila omuyeka kweyimbumbuyeka, khutsinyanga tsiamasila, kho banyoole okhupila eshinyasio shiokhubafulafusia, mubulamu bwokhushialo, ni eshinyasio shie indukho ni shokhufulafusia okhukhongo okhushila, Nabo shibalihabinwa tawe

41:17

وَأَمَّا ثَمُودُ فَهَدَيۡنَٰهُمۡ فَٱسۡتَحَبُّواْ ٱلۡعَمَىٰ عَلَى ٱلۡهُدَىٰ فَأَخَذَتۡهُمۡ صَٰعِقَةُ ٱلۡعَذَابِ ٱلۡهُونِ بِمَا كَانُواْ يَكۡسِبُونَ

Ne Abandu ba Thamud khwabalunjisia halali nibachama obuwofu okhushila obulunjifu, mana omulilo kweshinyasio shieshifulafusio, nikubabukula khu kalia kabakholanga

41:18

وَنَجَّيۡنَا ٱلَّذِينَ ءَامَنُواْ وَكَانُواْ يَتَّقُونَ

Mana nikhuhabina abasuubila abali nibaria Nyasaye mubo

41:19

وَيَوۡمَ يُحۡشَرُ أَعۡدَآءُ ٱللَّهِ إِلَى ٱلنَّارِ فَهُمۡ يُوزَعُونَ

Ne inyanga yabasuku ba Nyasaye balikhung’asibwa mumulilo, nibakabulwa mumikanda chaukhane

41:20

حَتَّىٰٓ إِذَا مَا جَآءُوهَا شَهِدَ عَلَيۡهِمۡ سَمۡعُهُمۡ وَأَبۡصَٰرُهُمۡ وَجُلُودُهُم بِمَا كَانُواْ يَعۡمَلُونَ

Olwa balikulakhwo (omulilo oko), amarwi kabu nende tsimoni tsiabu nende amaseelo kabu bilirusia obuloli khu koosi pe kabakholanga

41:21

وَقَالُواْ لِجُلُودِهِمۡ لِمَ شَهِدتُّمۡ عَلَيۡنَاۖ قَالُوٓاْ أَنطَقَنَا ٱللَّهُ ٱلَّذِيٓ أَنطَقَ كُلَّ شَيۡءٍۚ وَهُوَ خَلَقَكُمۡ أَوَّلَ مَرَّةٍ وَإِلَيۡهِ تُرۡجَعُونَ

Ne balireeba amaseelo kemibili chiabu mbu,: “ shina shichila noyinia obuloli khwifwe ?” kaliboola mbu: “ Nyasaye okhulomalomiyie owulomalominjia buli eshindu Naye niye awamulonga olwokhuranga na iwuwe namulikalukha.”

41:22

وَمَا كُنتُمۡ تَسۡتَتِرُونَ أَن يَشۡهَدَ عَلَيۡكُمۡ سَمۡعُكُمۡ وَلَآ أَبۡصَٰرُكُمۡ وَلَا جُلُودُكُمۡ وَلَٰكِن ظَنَنتُمۡ أَنَّ ٱللَّهَ لَا يَعۡلَمُ كَثِيرًا مِّمَّا تَعۡمَلُونَ

Shimwali nimunyala okhwifisa tawe, kho amarwi kenyu nende tsimoni tsienyu nende amaseelo kenyu akhubarusilia obuloli, halali mwaparanga mbu toto Nyasaye shiyamanya amaanji kamukholanga tawe

41:23

وَذَٰلِكُمۡ ظَنُّكُمُ ٱلَّذِي ظَنَنتُم بِرَبِّكُمۡ أَرۡدَىٰكُمۡ فَأَصۡبَحۡتُم مِّنَ ٱلۡخَٰسِرِينَ

Ako niko amaparo kenyu, kamuparire Nyasaye wenyu Omulesi, kamusishiye, mana nimuba mubalia abatiba

41:24

فَإِن يَصۡبِرُواْ فَٱلنَّارُ مَثۡوًى لَّهُمۡۖ وَإِن يَسۡتَعۡتِبُواْ فَمَا هُم مِّنَ ٱلۡمُعۡتَبِينَ

Ne nibefwila, omulilo nisho eshimenyo shiabu, ne nibasaba eshileshelo shibaleshelwa tawe

41:25

وَقَيَّضۡنَا لَهُمۡ قُرَنَآءَ فَزَيَّنُواْ لَهُم مَّا بَيۡنَ أَيۡدِيهِمۡ وَمَا خَلۡفَهُمۡ وَحَقَّ عَلَيۡهِمُ ٱلۡقَوۡلُ فِيٓ أُمَمٍ قَدۡ خَلَتۡ مِن قَبۡلِهِم مِّنَ ٱلۡجِنِّ وَٱلۡإِنسِۖ إِنَّهُمۡ كَانُواْ خَٰسِرِينَ

Mana nikhubelesia abetsa, mana nibabaronela ke imbeli nende inyuma wabu, mana likhuwa nilibusibwa khubo , babe halala nende amahanga kabura imbeli wabu, okhurulana nende Amajini nende Abandu, toto abo nibaba bokhusikha

41:26

وَقَالَ ٱلَّذِينَ كَفَرُواْ لَا تَسۡمَعُواْ لِهَٰذَا ٱلۡقُرۡءَانِ وَٱلۡغَوۡاْ فِيهِ لَعَلَّكُمۡ تَغۡلِبُونَ

Ne Abakhayi baboola mbu: “ mularechelesia Ikurani ino tawe, ne khupe oluyoka mwakhaba murio mwashila.”

41:27

فَلَنُذِيقَنَّ ٱلَّذِينَ كَفَرُواْ عَذَابًا شَدِيدًا وَلَنَجۡزِيَنَّهُمۡ أَسۡوَأَ ٱلَّذِي كَانُواْ يَعۡمَلُونَ

Mana toto khulabakhofia eshinyasio eshilulu balia bakhaya, ne toto khulabarunga omurungo omubii khukabakholanga

41:28

ذَٰلِكَ جَزَآءُ أَعۡدَآءِ ٱللَّهِ ٱلنَّارُۖ لَهُمۡ فِيهَا دَارُ ٱلۡخُلۡدِ جَزَآءَۢ بِمَا كَانُواْ بِـَٔايَٰتِنَا يَجۡحَدُونَ

Oko niko omurungo kwa basuku ba Nyasaye, Omulilo, Omo shiliba eshimenyo shiabu tsinyanga tsiosi, omurungo kwabu khukalia kabakhayanga ebilolelo biefu

41:29

وَقَالَ ٱلَّذِينَ كَفَرُواْ رَبَّنَآ أَرِنَا ٱلَّذَيۡنِ أَضَلَّانَا مِنَ ٱلۡجِنِّ وَٱلۡإِنسِ نَجۡعَلۡهُمَا تَحۡتَ أَقۡدَامِنَا لِيَكُونَا مِنَ ٱلۡأَسۡفَلِينَ

Ne abakhayi baliboola mbu: “Nyasaye wefwe Omulesi khwechesie balia bakhukosinjia mu Majini nende Mubandu, khubakhole babe hasi webilenje bwefu khobabe khu bandu bahasi muno.”

41:30

إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ تَتَنَزَّلُ عَلَيۡهِمُ ٱلۡمَلَٰٓئِكَةُ أَلَّا تَخَافُواْ وَلَا تَحۡزَنُواْ وَأَبۡشِرُواْ بِٱلۡجَنَّةِ ٱلَّتِي كُنتُمۡ تُوعَدُونَ

Toto balia baboola mbu : “ Omulesi wefu ni Nyasaye, mana nibalunjikha, Abamalaika balabeeshelanga mana bababoolele mbu: “ mularie tawe nohamba mulabeelela tawe ne sangalile “mwikulu ” ewamwalakungwa

41:31

نَحۡنُ أَوۡلِيَآؤُكُمۡ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۖ وَلَكُمۡ فِيهَا مَا تَشۡتَهِيٓ أَنفُسُكُمۡ وَلَكُمۡ فِيهَا مَا تَدَّعُونَ

Efwe khuli abahelwa benyu khubulamu bwokhushialo nende mwikulu, ne bilimwo biosi pe bie mioyo chenyu chikombanga, ne omo mulinyoolamwo bioosi biamwenya

41:32

نُزُلًا مِّنۡ غَفُورٍ رَّحِيمٍ

Obucheni okhurula khu Nyasaye Amulesheli muno, wobukoosia po

41:33

وَمَنۡ أَحۡسَنُ قَوۡلًا مِّمَّن دَعَآ إِلَى ٱللَّهِ وَعَمِلَ صَٰلِحًا وَقَالَ إِنَّنِي مِنَ ٱلۡمُسۡلِمِينَ

Ne wina oyo wamakhuwa amalayi muno, okhushila ulia ulanganga khu injila ya Nyasaye , mana akhole amalayi, mana aboole mbu endi halala nabasalamu

41:34

وَلَا تَسۡتَوِي ٱلۡحَسَنَةُ وَلَا ٱلسَّيِّئَةُۚ ٱدۡفَعۡ بِٱلَّتِي هِيَ أَحۡسَنُ فَإِذَا ٱلَّذِي بَيۡنَكَ وَبَيۡنَهُۥ عَدَٰوَةٌ كَأَنَّهُۥ وَلِيٌّ حَمِيمٌ

Obulayi shibuyelana nende obubii tawe, runga obubii nende lilia lilayi, kata bibe shinga ulia woli naye obusuku ni omwitsawo wa mbusia ngonie

41:35

وَمَا يُلَقَّىٰهَآ إِلَّا ٱلَّذِينَ صَبَرُواْ وَمَا يُلَقَّىٰهَآ إِلَّا ذُو حَظٍّ عَظِيمٍ

Ne shibakhanyoola obulayi buno tawe halali balia bokhwifwila, ne shiyakhanyoola tawe halali ulia weyikhabi ikhongo

41:36

وَإِمَّا يَنزَغَنَّكَ مِنَ ٱلشَّيۡطَٰنِ نَزۡغٌ فَٱسۡتَعِذۡ بِٱللَّهِۖ إِنَّهُۥ هُوَ ٱلسَّمِيعُ ٱلۡعَلِيمُ

Ne shetani nakhubeyia beyia neshibeyibeyi wishinje khu Nyasaye, toto ye niye Omuwulili, Omumanyi muno

41:37

وَمِنۡ ءَايَٰتِهِ ٱلَّيۡلُ وَٱلنَّهَارُ وَٱلشَّمۡسُ وَٱلۡقَمَرُۚ لَا تَسۡجُدُواْ لِلشَّمۡسِ وَلَا لِلۡقَمَرِ وَٱسۡجُدُواْۤ لِلَّهِۤ ٱلَّذِي خَلَقَهُنَّ إِن كُنتُمۡ إِيَّاهُ تَعۡبُدُونَ

Ne mubimanyisio bibie ni eshilo nende eshitere nende eliuba nende omwesi, mulenamila eliuba nohomba omwesi tawe, ne inamile Nyasaye wabiloonga toto nimumulaamanga yenyene

41:38

فَإِنِ ٱسۡتَكۡبَرُواْ فَٱلَّذِينَ عِندَ رَبِّكَ يُسَبِّحُونَ لَهُۥ بِٱلَّيۡلِ وَٱلنَّهَارِ وَهُمۡ لَا يَسۡـَٔمُونَ

Ne nibafura, manya mbu bioosi ebili ewa Nyasaye bimwitsoominjia eshilo neshitere, nabio shibichong’anga tawe

41:39

وَمِنۡ ءَايَٰتِهِۦٓ أَنَّكَ تَرَى ٱلۡأَرۡضَ خَٰشِعَةً فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡۚ إِنَّ ٱلَّذِيٓ أَحۡيَاهَا لَمُحۡيِ ٱلۡمَوۡتَىٰٓۚ إِنَّهُۥ عَلَىٰ كُلِّ شَيۡءٍ قَدِيرٌ

Ne mubimanyisio bibie , toto ewe ololanga liloba ( liniongofu) liabuyukha ne nikhulirakhwo amatsi olola nilirenga imirombo nichirulamwo, toto ulia uwalilamusia niye ulilamusia abafu, toto ye ni Omunyali wa buli eshindu

41:40

إِنَّ ٱلَّذِينَ يُلۡحِدُونَ فِيٓ ءَايَٰتِنَا لَا يَخۡفَوۡنَ عَلَيۡنَآۗ أَفَمَن يُلۡقَىٰ فِي ٱلنَّارِ خَيۡرٌ أَم مَّن يَأۡتِيٓ ءَامِنًا يَوۡمَ ٱلۡقِيَٰمَةِۚ ٱعۡمَلُواْ مَا شِئۡتُمۡ إِنَّهُۥ بِمَا تَعۡمَلُونَ بَصِيرٌ

Toto balia bakoyasinjia obwatoto buli mubimanyisio biefu shibakhakhwifisila tawe, kho ulia ufubwa mumililo ali obulayi okhushila ulwa witsa nomulembe inyanga yeyindukho? khole shamwenya toto ye alolanga muno kamukholanga

41:41

إِنَّ ٱلَّذِينَ كَفَرُواْ بِٱلذِّكۡرِ لَمَّا جَآءَهُمۡۖ وَإِنَّهُۥ لَكِتَٰبٌ عَزِيزٌ

Toto balia bakhaya ametsulisio olwa kabetsela, ( balisishibwa) ne toto neshitabu shiamani shioluyali

41:42

لَّا يَأۡتِيهِ ٱلۡبَٰطِلُ مِنۢ بَيۡنِ يَدَيۡهِ وَلَا مِنۡ خَلۡفِهِۦۖ تَنزِيلٌ مِّنۡ حَكِيمٍ حَمِيدٍ

Obukori shibwakhashitsila okhurula inyuma washio noho imbeli tawe, sheshibwa nende Omuchesi witsomibungwa muno

41:43

مَّا يُقَالُ لَكَ إِلَّا مَا قَدۡ قِيلَ لِلرُّسُلِ مِن قَبۡلِكَۚ إِنَّ رَبَّكَ لَذُو مَغۡفِرَةٍ وَذُو عِقَابٍ أَلِيمٍ

Koboolelungwa kano ni kalia kaboolelwa Abarumwa betsa imbeli wuwo. Ne toto Nyasaye wuwo Omulesi ni umelesheli ne ni mwene eshinyasio eshilulu

41:44

وَلَوۡ جَعَلۡنَٰهُ قُرۡءَانًا أَعۡجَمِيًّا لَّقَالُواْ لَوۡلَا فُصِّلَتۡ ءَايَٰتُهُۥٓۖ ءَا۬عۡجَمِيٌّ وَعَرَبِيٌّۗ قُلۡ هُوَ لِلَّذِينَ ءَامَنُواْ هُدًى وَشِفَآءٌۚ وَٱلَّذِينَ لَا يُؤۡمِنُونَ فِيٓ ءَاذَانِهِمۡ وَقۡرٌ وَهُوَ عَلَيۡهِمۡ عَمًىۚ أُوْلَٰٓئِكَ يُنَادَوۡنَ مِن مَّكَانِۭ بَعِيدٍ

Ne khukholanga Ikurani ino mulusungo olucheni bakhaboolele mbu : “shichila shina tsinyali tsiayo nitsilaba tsinzaukhania ? lwakhaba lurie olusungo olucheni naye Omurumwa nomwarabu ?” Boola: Ikurani ino ni obulunjifu nende eshinyisio khu usuubila. Ne balia balasuubila mumarwi kabu baramwo tsimbale, nabo khuyo nabawofu, abo balangungwa nabo bali ehale

41:45

وَلَقَدۡ ءَاتَيۡنَا مُوسَى ٱلۡكِتَٰبَ فَٱخۡتُلِفَ فِيهِۚ وَلَوۡلَا كَلِمَةٌ سَبَقَتۡ مِن رَّبِّكَ لَقُضِيَ بَيۡنَهُمۡۚ وَإِنَّهُمۡ لَفِي شَكٍّ مِّنۡهُ مُرِيبٍ

Netoto khwarumila Musa eshitabu, mana nibaukhanamwo, ne lilabetsanga likhuwa liaranjilila okhurula khu Nyasaye wo Omulesi, bakhabusilibwe, ne toto abo bali mushibeyibeyi shiobuyendi

41:46

مَّنۡ عَمِلَ صَٰلِحًا فَلِنَفۡسِهِۦۖ وَمَنۡ أَسَآءَ فَعَلَيۡهَاۗ وَمَا رَبُّكَ بِظَلَّٰمٍ لِّلۡعَبِيدِ

Owukhola amalayi akholela omwoyo kukwe, ne ukhola amabii kali khumwoyo kukwe ne Nyasaye wuwo shakholelanga Omundu amabii tawe

41:47

إِلَيۡهِ يُرَدُّ عِلۡمُ ٱلسَّاعَةِۚ وَمَا تَخۡرُجُ مِن ثَمَرَٰتٍ مِّنۡ أَكۡمَامِهَا وَمَا تَحۡمِلُ مِنۡ أُنثَىٰ وَلَا تَضَعُ إِلَّا بِعِلۡمِهِۦۚ وَيَوۡمَ يُنَادِيهِمۡ أَيۡنَ شُرَكَآءِي قَالُوٓاْ ءَاذَنَّٰكَ مَا مِنَّا مِن شَهِيدٍ

Obumanyi bwokhumanya inyanga yeyindukho bukalusibwa butswa khuye (Nyasaye) ne ebiamo shibirulanga mubimuli biabio, nahomba omukhasi shiyakhabelekha inda nohomba yebule halali Nyasaye yamanya. Ne inyanga yabalilanga mana abareebe mbu: “ bali hena abamwasanjinjia ninabo?” baliboola mbu: “ khufuchilila mbu abulaho yesiyesi mwifwe uyinia obuloli khukano”

41:48

وَضَلَّ عَنۡهُم مَّا كَانُواْ يَدۡعُونَ مِن قَبۡلُۖ وَظَنُّواْ مَا لَهُم مِّن مَّحِيصٍ

Mana nibabakorakhwo balia ababalamanga ne nibaba nende obwatoto mbu babula abelushila

41:49

لَّا يَسۡـَٔمُ ٱلۡإِنسَٰنُ مِن دُعَآءِ ٱلۡخَيۡرِ وَإِن مَّسَّهُ ٱلشَّرُّ فَيَـُٔوسٌ قَنُوطٌ

Omundu shachonga’nga okhusaba amasayo amalayi tawe, ne amabii nikamunyoola afwa omwoyo

41:50

وَلَئِنۡ أَذَقۡنَٰهُ رَحۡمَةً مِّنَّا مِنۢ بَعۡدِ ضَرَّآءَ مَسَّتۡهُ لَيَقُولَنَّ هَٰذَا لِي وَمَآ أَظُنُّ ٱلسَّاعَةَ قَآئِمَةً وَلَئِن رُّجِعۡتُ إِلَىٰ رَبِّيٓ إِنَّ لِي عِندَهُۥ لَلۡحُسۡنَىٰۚ فَلَنُنَبِّئَنَّ ٱلَّذِينَ كَفَرُواْ بِمَا عَمِلُواْ وَلَنُذِيقَنَّهُم مِّنۡ عَذَابٍ غَلِيظٍ

Ne nikhumukhofwa tsimbabaasi tsiefu niyakhamala okhunyakhanakhwo, toto alaboola mbu: “ kano niko kekhoyeshele, ne shembara indukho nilibaho tawe, ne nengalusibwa khu Nyasaye wanje Omulesi, toto esie endi nende obulayi ewuwe,” khuliboolela abakhayi kabakholanga, ne toto khuli bahelesia eshinyasio eshisiro

41:51

وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ فَذُو دُعَآءٍ عَرِيضٍ

Ne nikhuhelesia Omundu obwokholo, akalukhana nakhupila Abandu likosi, ne amabii nikamunyoola asaba amasayo amarambi

41:52

قُلۡ أَرَءَيۡتُمۡ إِن كَانَ مِنۡ عِندِ ٱللَّهِ ثُمَّ كَفَرۡتُم بِهِۦ مَنۡ أَضَلُّ مِمَّنۡ هُوَ فِي شِقَاقِۭ بَعِيدٍ

Boola mbu: “ mulola murie nikali kano mbu karula khu Nyasaye, mana mukakhaye, ni wina omukori muno okhushila ulia wamainji kali ehale.?”

41:53

سَنُرِيهِمۡ ءَايَٰتِنَا فِي ٱلۡأٓفَاقِ وَفِيٓ أَنفُسِهِمۡ حَتَّىٰ يَتَبَيَّنَ لَهُمۡ أَنَّهُ ٱلۡحَقُّۗ أَوَلَمۡ يَكۡفِ بِرَبِّكَ أَنَّهُۥ عَلَىٰ كُلِّ شَيۡءٍ شَهِيدٌ

Khulabechesia ebimanyisio biefu hekulu , nende mumioyo chiabu, okhula kamanyikhane khubo mbu kano nikatoto” , koo shikakhuyela tawe mbu Nyasaye wuwo nomuloli wabuli eshindu

41:54

أَلَآ إِنَّهُمۡ فِي مِرۡيَةٍ مِّن لِّقَآءِ رَبِّهِمۡۗ أَلَآ إِنَّهُۥ بِكُلِّ شَيۡءٍ مُّحِيطُۢ

Manye mbu toto abo bali mutsinganakani khukhubukanana nende Nyasaye wabu, Manye mbu toto Nyasaye yatererera buli eshindu

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.