Surah 40 · 85 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah
Surah Ghafir in Luyia
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡعَلِيمِ
Okhwishibwa khweshitabu shino khurula khu Nyasaye Owamani Omumanyi muno
غَافِرِ ٱلذَّنۢبِ وَقَابِلِ ٱلتَّوۡبِ شَدِيدِ ٱلۡعِقَابِ ذِي ٱلطَّوۡلِۖ لَآ إِلَٰهَ إِلَّا هُوَۖ إِلَيۡهِ ٱلۡمَصِيرُ
Uleshelanga tsimbi ufuchililanga eshileshelo, Oweshinyasio eshilulu , umuhaani abulaho Nyasaye halali Ye, ne ewuwe niwo amakalushilo
مَا يُجَٰدِلُ فِيٓ ءَايَٰتِ ٱللَّهِ إِلَّا ٱلَّذِينَ كَفَرُواْ فَلَا يَغۡرُرۡكَ تَقَلُّبُهُمۡ فِي ٱلۡبِلَٰدِ
Shibayingananga khubimanyisio bia Nyasaye tawe halali bialia bakhaya , kho okhuyelayela khwabu khushialo khulakhung’ang’asia tawe
كَذَّبَتۡ قَبۡلَهُمۡ قَوۡمُ نُوحٍ وَٱلۡأَحۡزَابُ مِنۢ بَعۡدِهِمۡۖ وَهَمَّتۡ كُلُّ أُمَّةِۭ بِرَسُولِهِمۡ لِيَأۡخُذُوهُۖ وَجَٰدَلُواْ بِٱلۡبَٰطِلِ لِيُدۡحِضُواْ بِهِ ٱلۡحَقَّ فَأَخَذۡتُهُمۡۖ فَكَيۡفَ كَانَ عِقَابِ
Imbeli wabu Abandu ba Nuh nende emikanda chindi chiakhaya okhuloonda ka Nyasaye, ne buli omukanda kwali nendeamahababakokhutila Omurumwa wabu, mana nibayingana khubukori khobanyoole okhukalukhania obwatoto , mana nebatiila, kho eshinyasio shianje shiali shirie
وَكَذَٰلِكَ حَقَّتۡ كَلِمَتُ رَبِّكَ عَلَى ٱلَّذِينَ كَفَرُوٓاْ أَنَّهُمۡ أَصۡحَٰبُ ٱلنَّارِ
Ne endi nilwaliatinyisibwa likhuwa lia Nyasaye wuwo Omulesi khubakhayi, mbu toto bo ni Abandu bomumulilo
ٱلَّذِينَ يَحۡمِلُونَ ٱلۡعَرۡشَ وَمَنۡ حَوۡلَهُۥ يُسَبِّحُونَ بِحَمۡدِ رَبِّهِمۡ وَيُؤۡمِنُونَ بِهِۦ وَيَسۡتَغۡفِرُونَ لِلَّذِينَ ءَامَنُواْۖ رَبَّنَا وَسِعۡتَ كُلَّ شَيۡءٍ رَّحۡمَةً وَعِلۡمًا فَٱغۡفِرۡ لِلَّذِينَ تَابُواْ وَٱتَّبَعُواْ سَبِيلَكَ وَقِهِمۡ عَذَابَ ٱلۡجَحِيمِ
Ne balia bachinganga indebe(arsh) nende balia bamubotokhana bamwitsoominjia nibahelesia Nyasaye wabu oluyali , nebamusuubilanga ne basabilanga eshileshelo balia basuubila: “ Nyasaye wefu Omulesi waswania buli eshindu tsimbabaasi nende obumanyi kho baleshele balia abasaba eshileshelo mana nibaloonda injila yiyio, ne obekalile eshinyasio shio mulilo
رَبَّنَا وَأَدۡخِلۡهُمۡ جَنَّٰتِ عَدۡنٍ ٱلَّتِي وَعَدتَّهُمۡ وَمَن صَلَحَ مِنۡ ءَابَآئِهِمۡ وَأَزۡوَٰجِهِمۡ وَذُرِّيَّٰتِهِمۡۚ إِنَّكَ أَنتَ ٱلۡعَزِيزُ ٱلۡحَكِيمُ
Nyasaye wefu Omulesi obenjisie mwikulu mumukunda kulaliwa tawe, kwa wabalaka nende balia bakhola amalayi mubebusi babu, nende abakhasi babu nende olwibulo lwabu , toto ewe newe Owamaani Owamachesi muno
وَقِهِمُ ٱلسَّيِّـَٔاتِۚ وَمَن تَقِ ٱلسَّيِّـَٔاتِ يَوۡمَئِذٍ فَقَدۡ رَحِمۡتَهُۥۚ وَذَٰلِكَ هُوَ ٱلۡفَوۡزُ ٱلۡعَظِيمُ
Ne obekalile amabii, ne owawikalila amabii inyanga eyo toto oliba omukoosiyie, ne okho nikho okhubura okhukhongo
إِنَّ ٱلَّذِينَ كَفَرُواْ يُنَادَوۡنَ لَمَقۡتُ ٱللَّهِ أَكۡبَرُ مِن مَّقۡتِكُمۡ أَنفُسَكُمۡ إِذۡ تُدۡعَوۡنَ إِلَى ٱلۡإِيمَٰنِ فَتَكۡفُرُونَ
Toto balia bakhaya balilangwa mana baboolelwe mbu: “ toto okhusinya khwenyu Nyasaye ni okhukhongo okhushila shinga mwesinya abeene, olwa mwalangungwa khubusuubili nanyu nimukhaya”
قَالُواْ رَبَّنَآ أَمَتَّنَا ٱثۡنَتَيۡنِ وَأَحۡيَيۡتَنَا ٱثۡنَتَيۡنِ فَٱعۡتَرَفۡنَا بِذُنُوبِنَا فَهَلۡ إِلَىٰ خُرُوجٍ مِّن سَبِيلٍ
Baliboola mbu: “ Nyasaye wefu Omulesi okhufwisiyie khabili, ne okhulamusiyie khabili, mana khufuchilile tsimbi tsiefu, kho injila yokhurula iliho
ذَٰلِكُم بِأَنَّهُۥٓ إِذَا دُعِيَ ٱللَّهُ وَحۡدَهُۥ كَفَرۡتُمۡ وَإِن يُشۡرَكۡ بِهِۦ تُؤۡمِنُواْۚ فَٱلۡحُكۡمُ لِلَّهِ ٱلۡعَلِيِّ ٱلۡكَبِيرِ
Ako ni endio , okhubeela Nyasaye niyalaamungwa yenyene mwakhayanga , ne natsokaasibwa mwachamanga, mana obunyali ni bwa Nyasaye omukhongo wehekulu
هُوَ ٱلَّذِي يُرِيكُمۡ ءَايَٰتِهِۦ وَيُنَزِّلُ لَكُم مِّنَ ٱلسَّمَآءِ رِزۡقًاۚ وَمَا يَتَذَكَّرُ إِلَّا مَن يُنِيبُ
Ye niye ubalolosilinjia ebimanyisio bibie, ne abeshilinjia okhurula hekulu emikabo. Ne abulaho witsulila kano halali ulia umukalushila
فَٱدۡعُواْ ٱللَّهَ مُخۡلِصِينَ لَهُ ٱلدِّينَ وَلَوۡ كَرِهَ ٱلۡكَٰفِرُونَ
Kho mulaame Nyasaye nomwitswenula khu dini yiyie , kata abakhayi nibasinyikha
رَفِيعُ ٱلدَّرَجَٰتِ ذُو ٱلۡعَرۡشِ يُلۡقِي ٱلرُّوحَ مِنۡ أَمۡرِهِۦ عَلَىٰ مَن يَشَآءُ مِنۡ عِبَادِهِۦ لِيُنذِرَ يَوۡمَ ٱلتَّلَاقِ
Niye unininjia ebichelo, mwene ishisala , arumanga Malaika(jibril ) Ruh khubunyali bubwe khuwayenya mubasumba bebe, khulwa okhubekanyilisia inyanga yomukhung’ano
يَوۡمَ هُم بَٰرِزُونَۖ لَا يَخۡفَىٰ عَلَى ٱللَّهِ مِنۡهُمۡ شَيۡءٌۚ لِّمَنِ ٱلۡمُلۡكُ ٱلۡيَوۡمَۖ لِلَّهِ ٱلۡوَٰحِدِ ٱلۡقَهَّارِ
Inyanga ya baliemela, shibulaho shiosi shiosi shilifisa khu Nyasaye, “Obwami ni bwa wina Inyanga yino? Ni obwa Nyasaye mulala ukholanga kayeenya.”
ٱلۡيَوۡمَ تُجۡزَىٰ كُلُّ نَفۡسِۭ بِمَا كَسَبَتۡۚ لَا ظُلۡمَ ٱلۡيَوۡمَۚ إِنَّ ٱللَّهَ سَرِيعُ ٱلۡحِسَابِ
Nyanga yino buli Omundu alarungwa kayakholanga, luno okhukholanila obubii khubulaho , toto Nyasaye ni Omwangu wokhubala
وَأَنذِرۡهُمۡ يَوۡمَ ٱلۡأٓزِفَةِ إِذِ ٱلۡقُلُوبُ لَدَى ٱلۡحَنَاجِرِ كَٰظِمِينَۚ مَا لِلظَّٰلِمِينَ مِنۡ حَمِيمٍ وَلَا شَفِيعٍ يُطَاعُ
Ne bekanyilisie inyanga ili ahambi , olwe emioyo chiliula khwiporokotio, nabo nibayinjilwe neshibeela, abamabii shibaliba nende Omwitsa nohomba ubasabila yawulilwa tawe
يَعۡلَمُ خَآئِنَةَ ٱلۡأَعۡيُنِ وَمَا تُخۡفِي ٱلصُّدُورُ
Yamanya okhukatia khwetsimoni, nende ke emioyo chifisanga
وَٱللَّهُ يَقۡضِي بِٱلۡحَقِّۖ وَٱلَّذِينَ يَدۡعُونَ مِن دُونِهِۦ لَا يَقۡضُونَ بِشَيۡءٍۗ إِنَّ ٱللَّهَ هُوَ ٱلسَّمِيعُ ٱلۡبَصِيرُ
Ne Nyasaye abusinjia khubwatoto , ne balia balaamanga owulali Nyasaye shibabusinjia shiosi shiosi tawe, toto Nyasaye ni Omuwulili Omuloli muno
أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ كَانُواْ مِن قَبۡلِهِمۡۚ كَانُواْ هُمۡ أَشَدَّ مِنۡهُمۡ قُوَّةً وَءَاثَارًا فِي ٱلۡأَرۡضِ فَأَخَذَهُمُ ٱللَّهُ بِذُنُوبِهِمۡ وَمَا كَانَ لَهُم مِّنَ ٱللَّهِ مِن وَاقٍ
Shibachendangakhwo khushialo mana balola indukho yabalia bali imbeli wabu, bali nende amani amanji okhubashila, nende ebikhole ebikhongo khushialo, mana Nyasaye nabatila obutinyu khutsimbi tsiabu, mana nibakhaywa ubakhoonya okhurula khushinyasio shia Nyasaye
ذَٰلِكَ بِأَنَّهُمۡ كَانَت تَّأۡتِيهِمۡ رُسُلُهُم بِٱلۡبَيِّنَٰتِ فَكَفَرُواْ فَأَخَذَهُمُ ٱللَّهُۚ إِنَّهُۥ قَوِيٌّ شَدِيدُ ٱلۡعِقَابِ
Endio nilwokhuba mbu Abarumwa babetselanga nende ebifune biyela mana nibakhaya ne Nyasaye nabatila, toto ye niwa amaani weshinyasio eshilulu
وَلَقَدۡ أَرۡسَلۡنَا مُوسَىٰ بِـَٔايَٰتِنَا وَسُلۡطَٰنٍ مُّبِينٍ
Ne toto khwaruma Musa halala nende ebimanyisio biefu nende ebifune bia habulafu
إِلَىٰ فِرۡعَوۡنَ وَهَٰمَٰنَ وَقَٰرُونَ فَقَالُواْ سَٰحِرٌ كَذَّابٌ
Khu Firaun nende Hamana nende Qarun, mana nibaboola mbu : “uno ni Omulosi Omubeeyi muno.”
فَلَمَّا جَآءَهُم بِٱلۡحَقِّ مِنۡ عِندِنَا قَالُواْ ٱقۡتُلُوٓاْ أَبۡنَآءَ ٱلَّذِينَ ءَامَنُواْ مَعَهُۥ وَٱسۡتَحۡيُواْ نِسَآءَهُمۡۚ وَمَا كَيۡدُ ٱلۡكَٰفِرِينَ إِلَّا فِي ضَلَٰلٍ
Olwa yabeetsela nende obwatoto okhurula khwifwe , baboola mbu: “yire Abana abasiani babalia basuubila ninaye , mana muleshe Abana abakhana, ne ebifwanga bia bakhayi shibli hosi hosi tawe halali mubukori.”
وَقَالَ فِرۡعَوۡنُ ذَرُونِيٓ أَقۡتُلۡ مُوسَىٰ وَلۡيَدۡعُ رَبَّهُۥٓۖ إِنِّيٓ أَخَافُ أَن يُبَدِّلَ دِينَكُمۡ أَوۡ أَن يُظۡهِرَ فِي ٱلۡأَرۡضِ ٱلۡفَسَادَ
Ne Firaun naboola mbu : “mundeshe ndire Musa mana alanje Nyasaye wuwe Omulesi, esie eritsanga ye okhukalukhania idini yenyu nohomba akhole amabii khushialo.”
وَقَالَ مُوسَىٰٓ إِنِّي عُذۡتُ بِرَبِّي وَرَبِّكُم مِّن كُلِّ مُتَكَبِّرٍ لَّا يُؤۡمِنُ بِيَوۡمِ ٱلۡحِسَابِ
Ne Musa naboola mbu: “esie ndilinda khu Nyasaye wanje Omulesi khu enywe, okhurulana nende buli Omufuuru ulasuubilanga inyanga yokhubalilwa”
وَقَالَ رَجُلٌ مُّؤۡمِنٌ مِّنۡ ءَالِ فِرۡعَوۡنَ يَكۡتُمُ إِيمَٰنَهُۥٓ أَتَقۡتُلُونَ رَجُلًا أَن يَقُولَ رَبِّيَ ٱللَّهُ وَقَدۡ جَآءَكُم بِٱلۡبَيِّنَٰتِ مِن رَّبِّكُمۡۖ وَإِن يَكُ كَٰذِبًا فَعَلَيۡهِ كَذِبُهُۥۖ وَإِن يَكُ صَادِقًا يُصِبۡكُم بَعۡضُ ٱلَّذِي يَعِدُكُمۡۖ إِنَّ ٱللَّهَ لَا يَهۡدِي مَنۡ هُوَ مُسۡرِفٌ كَذَّابٌ
Mana Omusatsa omusuubili mubandu ba Firaun owafisa obusuubili bubwe naboola mbu: “koo mwira butswa Omundu shichila okhuboolasa mbu Nyasaye nomulesi wanje ne abetseele nende abwatoto okhurula khu Nyasaye wenyu, ne nali mbu nomubeyi mumuleshe nobubeyi bubwe , ne nali owatoto kamulakanga kalamunyoola, toto Nyasaye shalunjisinjia ulia wabura eshichelo Omubeyi tawe.”
يَٰقَوۡمِ لَكُمُ ٱلۡمُلۡكُ ٱلۡيَوۡمَ ظَٰهِرِينَ فِي ٱلۡأَرۡضِ فَمَن يَنصُرُنَا مِنۢ بَأۡسِ ٱللَّهِ إِن جَآءَنَاۚ قَالَ فِرۡعَوۡنُ مَآ أُرِيكُمۡ إِلَّا مَآ أَرَىٰ وَمَآ أَهۡدِيكُمۡ إِلَّا سَبِيلَ ٱلرَّشَادِ
Enywe Abandu banje obwami nobwenyu nyagayino mushilile khushialo, ne wina ulikhuhabina khushinyasio shia Nyasaye nishilikhwitsila? Firaun naboola mbu: “esie shebaboolela liosi liosi tawe halali lilia liendola , ne esie shebalunjisinjia tawe halali khunjila yobulunjifu.’’
وَقَالَ ٱلَّذِيٓ ءَامَنَ يَٰقَوۡمِ إِنِّيٓ أَخَافُ عَلَيۡكُم مِّثۡلَ يَوۡمِ ٱلۡأَحۡزَابِ
Ne wasuubila ulia naboola mbu: “ enywe Abandu banje esie abariranga shinga tsinyanga tsie mikanda
مِثۡلَ دَأۡبِ قَوۡمِ نُوحٍ وَعَادٍ وَثَمُودَ وَٱلَّذِينَ مِنۢ بَعۡدِهِمۡۚ وَمَا ٱللَّهُ يُرِيدُ ظُلۡمًا لِّلۡعِبَادِ
Shinga Abandu ba Nuh nende ba Ad nende Thamud nende balia ababaloondakhwo, ne Nyasaye shakholelanga Abandu bebe akabalakhoyeshele tawe
وَيَٰقَوۡمِ إِنِّيٓ أَخَافُ عَلَيۡكُمۡ يَوۡمَ ٱلتَّنَادِ
Enywe Abandu banje esie abaririranga inyanga yetsimbungu
يَوۡمَ تُوَلُّونَ مُدۡبِرِينَ مَا لَكُم مِّنَ ٱللَّهِ مِنۡ عَاصِمٍۗ وَمَن يُضۡلِلِ ٱللَّهُ فَمَا لَهُۥ مِنۡ هَادٍ
Inyanga yamulilukha nimukalukha inyuma, shimuliba nende wokhubalinda khu Nyasaye tawe, ne ulia wa Nyasaye yahandichila obukori shali nende umulunjisia tawe
وَلَقَدۡ جَآءَكُمۡ يُوسُفُ مِن قَبۡلُ بِٱلۡبَيِّنَٰتِ فَمَا زِلۡتُمۡ فِي شَكٍّ مِّمَّا جَآءَكُم بِهِۦۖ حَتَّىٰٓ إِذَا هَلَكَ قُلۡتُمۡ لَن يَبۡعَثَ ٱللَّهُ مِنۢ بَعۡدِهِۦ رَسُولًاۚ كَذَٰلِكَ يُضِلُّ ٱللَّهُ مَنۡ هُوَ مُسۡرِفٌ مُّرۡتَابٌ
Ne toto Yusuf yamala okhubetsela nende obulafu bwatoto, halali enywe nimutsilila okhuba nende tsinganakani khukalia kayamurerera okhuula shinga yafwa, mwaboola mbu Nyasaye shalirera Omurumwa wundi tawe, endio nilwa Nyasaye alekhanga akora ulia owabura eshichelo wikanakaninjia
ٱلَّذِينَ يُجَٰدِلُونَ فِيٓ ءَايَٰتِ ٱللَّهِ بِغَيۡرِ سُلۡطَٰنٍ أَتَىٰهُمۡۖ كَبُرَ مَقۡتًا عِندَ ٱللَّهِ وَعِندَ ٱلَّذِينَ ءَامَنُواْۚ كَذَٰلِكَ يَطۡبَعُ ٱللَّهُ عَلَىٰ كُلِّ قَلۡبِ مُتَكَبِّرٍ جَبَّارٍ
Balia bayingananga khubimanyisio bia Nyasaye nibabula amatililo , neshisinyisio eshikhongo imbeli wa Nyasaye nende imbeli wabasuubili, endio nilwa Nyasaye aretsanga eshimanyisio khubuli omwoyo omufururu kwisunganga
وَقَالَ فِرۡعَوۡنُ يَٰهَٰمَٰنُ ٱبۡنِ لِي صَرۡحًا لَّعَلِّيٓ أَبۡلُغُ ٱلۡأَسۡبَٰبَ
Mana Firaun naboola mbu: “ Hamana nyumbashile ingasi (munara) kho enyoole okhuulila khutsinjila
أَسۡبَٰبَ ٱلسَّمَٰوَٰتِ فَأَطَّلِعَ إِلَىٰٓ إِلَٰهِ مُوسَىٰ وَإِنِّي لَأَظُنُّهُۥ كَٰذِبًاۚ وَكَذَٰلِكَ زُيِّنَ لِفِرۡعَوۡنَ سُوٓءُ عَمَلِهِۦ وَصُدَّ عَنِ ٱلسَّبِيلِۚ وَمَا كَيۡدُ فِرۡعَوۡنَ إِلَّا فِي تَبَابٍ
Tsinjila tsielikulu enyoole okhulola Nyasaye wa Musa, netoto esie amuparirasa mbu ni omubeyi.” Ne endio ni lwa Firaun yakholelwa alole ebikhole bibie ebibii okhuba ebilayi mana niyekalilwa tsinjila. Ne ebikhole bia Firaun shibiamukhoonya tawe halali okhumusishia
وَقَالَ ٱلَّذِيٓ ءَامَنَ يَٰقَوۡمِ ٱتَّبِعُونِ أَهۡدِكُمۡ سَبِيلَ ٱلرَّشَادِ
Na owasuubila ulia naboola mbu: “enywe Abandu banje munondekhwo ebalunjisie injila yabalunjifu”
يَٰقَوۡمِ إِنَّمَا هَٰذِهِ ٱلۡحَيَوٰةُ ٱلدُّنۡيَا مَتَٰعٌ وَإِنَّ ٱلۡأٓخِرَةَ هِيَ دَارُ ٱلۡقَرَارِ
Enywe Abandu banje toto obulamu bwokhushialo khuno ni omwikhoyo omutiti ne toto mwikulu nisho eshimenyo shietsinyanga tsiosi
مَنۡ عَمِلَ سَيِّئَةً فَلَا يُجۡزَىٰٓ إِلَّا مِثۡلَهَاۖ وَمَنۡ عَمِلَ صَٰلِحًا مِّن ذَكَرٍ أَوۡ أُنثَىٰ وَهُوَ مُؤۡمِنٌ فَأُوْلَٰٓئِكَ يَدۡخُلُونَ ٱلۡجَنَّةَ يُرۡزَقُونَ فِيهَا بِغَيۡرِ حِسَابٍ
Ulia ukhola amabii shalirungwa halali amabii, ne ulia ukhola amalayi mubasatsa nohomba mubakhasi nali omusuubili , abo nibo balinjila mwikulu, balihebwa emikabo chibula eshichelo
وَيَٰقَوۡمِ مَا لِيٓ أَدۡعُوكُمۡ إِلَى ٱلنَّجَوٰةِ وَتَدۡعُونَنِيٓ إِلَى ٱلنَّارِ
Enywe Abandu banje muli murie ebalanganga khubuhonia nanyu munaanganga okhutsia mumulilo
تَدۡعُونَنِي لِأَكۡفُرَ بِٱللَّهِ وَأُشۡرِكَ بِهِۦ مَا لَيۡسَ لِي بِهِۦ عِلۡمٌ وَأَنَا۠ أَدۡعُوكُمۡ إِلَى ٱلۡعَزِيزِ ٱلۡغَفَّٰرِ
Munaanganga mbu ekhaye Nyasaye mana emutsokasie khukengorerwe , nasi emulanganga khu owa Amaani Owobulesheli muno
لَا جَرَمَ أَنَّمَا تَدۡعُونَنِيٓ إِلَيۡهِ لَيۡسَ لَهُۥ دَعۡوَةٌ فِي ٱلدُّنۡيَا وَلَا فِي ٱلۡأٓخِرَةِ وَأَنَّ مَرَدَّنَآ إِلَى ٱللَّهِ وَأَنَّ ٱلۡمُسۡرِفِينَ هُمۡ أَصۡحَٰبُ ٱلنَّارِ
Toto owamunanjilanga okhumulaama shakhoyesheele okhukholelwa omulango khushialo khuno nohomba mwikulu tawe, ne efwe fwesi khulikalusibwa ewa Nyasaye , ne toto balia babura eshichelo nibo Abandu bomumulilo
فَسَتَذۡكُرُونَ مَآ أَقُولُ لَكُمۡۚ وَأُفَوِّضُ أَمۡرِيٓ إِلَى ٱللَّهِۚ إِنَّ ٱللَّهَ بَصِيرُۢ بِٱلۡعِبَادِ
Ne mulitsulila kebaboolelanga kano ne endeshela likhuwa lianje Nyasaye, toto Nyasaye alolanga muno Abasumba bebe
فَوَقَىٰهُ ٱللَّهُ سَيِّـَٔاتِ مَا مَكَرُواْۖ وَحَاقَ بِـَٔالِ فِرۡعَوۡنَ سُوٓءُ ٱلۡعَذَابِ
Mana Nyasaye nabaliinda khubusuku bwabakhola, mana eshinyasio eshibii shilibotokhana Abandu ba Firaun
ٱلنَّارُ يُعۡرَضُونَ عَلَيۡهَا غُدُوًّا وَعَشِيًّاۚ وَيَوۡمَ تَقُومُ ٱلسَّاعَةُ أَدۡخِلُوٓاْ ءَالَ فِرۡعَوۡنَ أَشَدَّ ٱلۡعَذَابِ
Balinjila mumulilo itsuli nende ingoloobe ne olwa indukho iliula baliboolelwa mbu: “injisie Abandu ba Firauni mushinyasio eshilulu”
وَإِذۡ يَتَحَآجُّونَ فِي ٱلنَّارِ فَيَقُولُ ٱلضُّعَفَٰٓؤُاْ لِلَّذِينَ ٱسۡتَكۡبَرُوٓاْ إِنَّا كُنَّا لَكُمۡ تَبَعًا فَهَلۡ أَنتُم مُّغۡنُونَ عَنَّا نَصِيبًا مِّنَ ٱلنَّارِ
Olwa balireebana mumulilo, Abateshele balireeba Abafuru mbu: “ toto efwe khwabaloondangakhwo mana munyala okhukhututuyiliakhwo omulilo kuno.”
قَالَ ٱلَّذِينَ ٱسۡتَكۡبَرُوٓاْ إِنَّا كُلٌّ فِيهَآ إِنَّ ٱللَّهَ قَدۡ حَكَمَ بَيۡنَ ٱلۡعِبَادِ
Abafuru baliboola mbu: “ toto efwe fwesi khulimwo , toto Nyasaye amalile okhubusia khubandu bebe”
وَقَالَ ٱلَّذِينَ فِي ٱلنَّارِ لِخَزَنَةِ جَهَنَّمَ ٱدۡعُواْ رَبَّكُمۡ يُخَفِّفۡ عَنَّا يَوۡمًا مِّنَ ٱلۡعَذَابِ
Balia bali mumulilo baliboolela abalindi bomulilo mbu: “ mukhusabilekhwo Nyasaye wenyu Omulesi , akhututuyiliekhwo eshinyasio kata inyanga ndala.”
قَالُوٓاْ أَوَلَمۡ تَكُ تَأۡتِيكُمۡ رُسُلُكُم بِٱلۡبَيِّنَٰتِۖ قَالُواْ بَلَىٰۚ قَالُواْ فَٱدۡعُواْۗ وَمَا دُعَٰٓؤُاْ ٱلۡكَٰفِرِينَ إِلَّا فِي ضَلَٰلٍ
Baliboola mbu: “Abarumwa shibabeetselanga nende ebifune biahabulafu? Baliboola mbu: “kali kario” mana baliboolelwa mbu: “ musabe Nyasaye wenyu, ne amalaamo kabakhayi ni amakhaya imbeli wa Nyasaye
إِنَّا لَنَنصُرُ رُسُلَنَا وَٱلَّذِينَ ءَامَنُواْ فِي ٱلۡحَيَوٰةِ ٱلدُّنۡيَا وَيَوۡمَ يَقُومُ ٱلۡأَشۡهَٰدُ
Toto efwe khulihabina Abarumwa befu nende balia basuubila khushialo, nende inyanga yabaloli balieema
يَوۡمَ لَا يَنفَعُ ٱلظَّٰلِمِينَ مَعۡذِرَتُهُمۡۖ وَلَهُمُ ٱللَّعۡنَةُ وَلَهُمۡ سُوٓءُ ٱلدَّارِ
Inyanga yebichila biabakhayi shibiliwulilwa tawe, ne balinyoola eshitsubo, ne balinyoola eshimenyo eshibi muno
وَلَقَدۡ ءَاتَيۡنَا مُوسَى ٱلۡهُدَىٰ وَأَوۡرَثۡنَا بَنِيٓ إِسۡرَٰٓءِيلَ ٱلۡكِتَٰبَ
Netoto khwahelesia Musa obulunjifu ne nikhuhelesia Abana ba Israil eshitabu
هُدًى وَذِكۡرَىٰ لِأُوْلِي ٱلۡأَلۡبَٰبِ
Shilimwo obulunjifu nende emetsulisio khu bandu bamachesi
فَٱصۡبِرۡ إِنَّ وَعۡدَ ٱللَّهِ حَقٌّ وَٱسۡتَغۡفِرۡ لِذَنۢبِكَ وَسَبِّحۡ بِحَمۡدِ رَبِّكَ بِٱلۡعَشِيِّ وَٱلۡإِبۡكَٰرِ
Kho wisumilisie toto aka Nyasaye yalaka kalirulila, ne saba eshileshelo khumabii ko, ne witsomie Nyasaye wuwo Omulesi ingoloobe nende itsuli
إِنَّ ٱلَّذِينَ يُجَٰدِلُونَ فِيٓ ءَايَٰتِ ٱللَّهِ بِغَيۡرِ سُلۡطَٰنٍ أَتَىٰهُمۡ إِن فِي صُدُورِهِمۡ إِلَّا كِبۡرٌ مَّا هُم بِبَٰلِغِيهِۚ فَٱسۡتَعِذۡ بِٱللَّهِۖ إِنَّهُۥ هُوَ ٱلسَّمِيعُ ٱلۡبَصِيرُ
Toto balia bayingananga khubimanyisio bia Nyasaye nibabula amatililo , ebilifu biabu nebikhaya halali benyanga obukhongo ne shibanyala okhubuulila tawe, kho wilinde khu Nyasaye , toto ye ni Omuwulili Omuloli muno
لَخَلۡقُ ٱلسَّمَٰوَٰتِ وَٱلۡأَرۡضِ أَكۡبَرُ مِنۡ خَلۡقِ ٱلنَّاسِ وَلَٰكِنَّ أَكۡثَرَ ٱلنَّاسِ لَا يَعۡلَمُونَ
Toto okhulongwa khwelikulu nende eshialo nokhukhongo okhushila okhulongwa khwa Abandu, halali Abandu abanji shibamanyile tawe
وَمَا يَسۡتَوِي ٱلۡأَعۡمَىٰ وَٱلۡبَصِيرُ وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَلَا ٱلۡمُسِيٓءُۚ قَلِيلًا مَّا تَتَذَكَّرُونَ
Ne shibahelaana omuwofu nende owulolanga tawe, nohomba balia abasuubila nibakhola amalayi bakhayelana nende abetsimbi? Muparanga hatiti muno
إِنَّ ٱلسَّاعَةَ لَأٓتِيَةٌ لَّا رَيۡبَ فِيهَا وَلَٰكِنَّ أَكۡثَرَ ٱلنَّاسِ لَا يُؤۡمِنُونَ
Toto indukho iliula ibula obukanakani tawe, halali Abandu abanji shibasuubilanga tawe
وَقَالَ رَبُّكُمُ ٱدۡعُونِيٓ أَسۡتَجِبۡ لَكُمۡۚ إِنَّ ٱلَّذِينَ يَسۡتَكۡبِرُونَ عَنۡ عِبَادَتِي سَيَدۡخُلُونَ جَهَنَّمَ دَاخِرِينَ
Ne Nyasaye wenyu Omulesi yaboola mbu: “musabee ndalabahelesia, toto balia belolanga okhulaama esie balinjila mumulilo nibatutuye.”
ٱللَّهُ ٱلَّذِي جَعَلَ لَكُمُ ٱلَّيۡلَ لِتَسۡكُنُواْ فِيهِ وَٱلنَّهَارَ مُبۡصِرًاۚ إِنَّ ٱللَّهَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَ ٱلنَّاسِ لَا يَشۡكُرُونَ
Nyasaye niye wabakholela eshilo muhulushilemwo, ne eshitere mulolele, toto Nyasaye niwetsimbabaasi khubandu halali Abandu abanji shibakhupanga orio tawe
ذَٰلِكُمُ ٱللَّهُ رَبُّكُمۡ خَٰلِقُ كُلِّ شَيۡءٍ لَّآ إِلَٰهَ إِلَّا هُوَۖ فَأَنَّىٰ تُؤۡفَكُونَ
Oyo niye Nyasaye wenyu omulesi owaloonga buli eshindu , abulaho Nyasaye wundi owulali ye tawe, kho ni hena amuhenjibungwa
كَذَٰلِكَ يُؤۡفَكُ ٱلَّذِينَ كَانُواْ بِـَٔايَٰتِ ٱللَّهِ يَجۡحَدُونَ
Ne endio nilwa baliinjibwa balia abakhayanga ebimanyisio biefu
ٱللَّهُ ٱلَّذِي جَعَلَ لَكُمُ ٱلۡأَرۡضَ قَرَارًا وَٱلسَّمَآءَ بِنَآءً وَصَوَّرَكُمۡ فَأَحۡسَنَ صُوَرَكُمۡ وَرَزَقَكُم مِّنَ ٱلطَّيِّبَٰتِۚ ذَٰلِكُمُ ٱللَّهُ رَبُّكُمۡۖ فَتَبَارَكَ ٱللَّهُ رَبُّ ٱلۡعَٰلَمِينَ
Nyasaye niye wabakholela eshialo okhuba eshimenyo , ne likulu okhuba eshiumbashe , mana nabahelesia ifwani indayi muno, ne nabahelesia emikabo emilayi muno , oyo niye Nyasaye Omulesi wenyu , ne niwoluyali Nyasaye Omulesi webilonje biosi
هُوَ ٱلۡحَيُّ لَآ إِلَٰهَ إِلَّا هُوَ فَٱدۡعُوهُ مُخۡلِصِينَ لَهُ ٱلدِّينَۗ ٱلۡحَمۡدُ لِلَّهِ رَبِّ ٱلۡعَٰلَمِينَ
Naye Nomulamu abulaho Nyasaye wundi owulali Ye , khomumulaame mubutwenufu, oluyali nilwa Nyasaye Omulesi webilonje bioosi
قُلۡ إِنِّي نُهِيتُ أَنۡ أَعۡبُدَ ٱلَّذِينَ تَدۡعُونَ مِن دُونِ ٱللَّهِ لَمَّا جَآءَنِيَ ٱلۡبَيِّنَٰتُ مِن رَّبِّي وَأُمِرۡتُ أَنۡ أُسۡلِمَ لِرَبِّ ٱلۡعَٰلَمِينَ
Boola mbu: “ toto esie ndakanibwa okhulaama biamulamaanga ebilali Nyasaye , olwa obulafu bwanzitsila okhurula khu Nyasaye wanje Omulesi ne elomesibwe okhwilekhula khu Nyasaye Omulesi webiloonje bioosi
هُوَ ٱلَّذِي خَلَقَكُم مِّن تُرَابٍ ثُمَّ مِن نُّطۡفَةٍ ثُمَّ مِنۡ عَلَقَةٍ ثُمَّ يُخۡرِجُكُمۡ طِفۡلًا ثُمَّ لِتَبۡلُغُوٓاْ أَشُدَّكُمۡ ثُمَّ لِتَكُونُواْ شُيُوخًاۚ وَمِنكُم مَّن يُتَوَفَّىٰ مِن قَبۡلُۖ وَلِتَبۡلُغُوٓاْ أَجَلًا مُّسَمًّى وَلَعَلَّكُمۡ تَعۡقِلُونَ
Niye wabaloonga okhurula khwiloba, okhutsia khu amaatsi kolwibulo , okhutsia okhuba lilika lia matsayi, okhula shingala murulamwo abatoro, okhula shingala muula abakali, okhula shingala muba abakofu, ne mwinywe baliho abafwitsanga nibashili abatiti ne boosi boole khubise biabalachilwa, kho munyoole okhupara
هُوَ ٱلَّذِي يُحۡيِۦ وَيُمِيتُۖ فَإِذَا قَضَىٰٓ أَمۡرًا فَإِنَّمَا يَقُولُ لَهُۥ كُن فَيَكُونُ
Niye ulamusinjia ne niye ufwisiinjia , ne niyenya okhukhola likhuwa aboolanga butswa mbu: “ ba” niliba
أَلَمۡ تَرَ إِلَى ٱلَّذِينَ يُجَٰدِلُونَ فِيٓ ءَايَٰتِ ٱللَّهِ أَنَّىٰ يُصۡرَفُونَ
Shololanga balia bayingananga khubimanyisio bia Nyasaye balinjibungwa hena
ٱلَّذِينَ كَذَّبُواْ بِٱلۡكِتَٰبِ وَبِمَآ أَرۡسَلۡنَا بِهِۦ رُسُلَنَاۖ فَسَوۡفَ يَعۡلَمُونَ
Nebalia bakhaya eshitabu nende kalia kakhwaruma Abarumwa befu, balitsa okhumanya
إِذِ ٱلۡأَغۡلَٰلُ فِيٓ أَعۡنَٰقِهِمۡ وَٱلسَّلَٰسِلُ يُسۡحَبُونَ
Olwa baliboywa mwikosi mwabu emikoye nende eminyororo, nibakhwesulululwa
ثُمَّ قِيلَ لَهُمۡ أَيۡنَ مَا كُنتُمۡ تُشۡرِكُونَ
Mana baliboolelwa mbu: “bali hena abamwasaanjinjia ninabo
مِن دُونِ ٱللَّهِۖ قَالُواْ ضَلُّواْ عَنَّا بَل لَّمۡ نَكُن نَّدۡعُواْ مِن قَبۡلُ شَيۡـًٔاۚ كَذَٰلِكَ يُضِلُّ ٱللَّهُ ٱلۡكَٰفِرِينَ
Abalali Nyasaye.” Baliboola mbu: “bakhukorerekhwo halali shikhwalaamanga shiosi shiosi inyuma wefu tawe” Endio nilwa Nyasaye akosinjia Abakhayi
ذَٰلِكُم بِمَا كُنتُمۡ تَفۡرَحُونَ فِي ٱلۡأَرۡضِ بِغَيۡرِ ٱلۡحَقِّ وَبِمَا كُنتُمۡ تَمۡرَحُونَ
Ako nilwokhuba mbu mwasangalanga khushialo khunjila ilali ya habwene nende shingala mwelolanga
ٱدۡخُلُوٓاْ أَبۡوَٰبَ جَهَنَّمَ خَٰلِدِينَ فِيهَاۖ فَبِئۡسَ مَثۡوَى ٱلۡمُتَكَبِّرِينَ
Injile mumiliango chia Jahannamu, mumenyemwo tsinyanga tsioosi, ni eshimenyo eshibi shili shirie khubafuru
فَٱصۡبِرۡ إِنَّ وَعۡدَ ٱللَّهِ حَقٌّۚ فَإِمَّا نُرِيَنَّكَ بَعۡضَ ٱلَّذِي نَعِدُهُمۡ أَوۡ نَتَوَفَّيَنَّكَ فَإِلَيۡنَا يُرۡجَعُونَ
Kho wisumilisie toto aka Nyasaye yalaka kaliba, ne nikhukhwechesia khu kalia kakhwabalaka nohomba nikhukhufwisia , ne nikhwifwe butswa niwo abalikalukha
وَلَقَدۡ أَرۡسَلۡنَا رُسُلًا مِّن قَبۡلِكَ مِنۡهُم مَّن قَصَصۡنَا عَلَيۡكَ وَمِنۡهُم مَّن لَّمۡ نَقۡصُصۡ عَلَيۡكَۗ وَمَا كَانَ لِرَسُولٍ أَن يَأۡتِيَ بِـَٔايَةٍ إِلَّا بِإِذۡنِ ٱللَّهِۚ فَإِذَا جَآءَ أَمۡرُ ٱللَّهِ قُضِيَ بِٱلۡحَقِّ وَخَسِرَ هُنَالِكَ ٱلۡمُبۡطِلُونَ
Ne toto khwaruma Abarumwa imbeli wuwo, abandi khwakhuboolela ne abandi bakhulakhuboolela, ne Omurumwa shiyakharerere eshimanyisio shiosi shiosi halali khubunyali bwa Nyasaye, mana lilako lia Nyasaye lwaliliitsa lilibusibwa khubwatoto ne awo Abakori balisikha
ٱللَّهُ ٱلَّذِي جَعَلَ لَكُمُ ٱلۡأَنۡعَٰمَ لِتَرۡكَبُواْ مِنۡهَا وَمِنۡهَا تَأۡكُلُونَ
Nyasaye niye wabalonjela ebiruche ebindi bibachingenge ne ebindi mulitsenje
وَلَكُمۡ فِيهَا مَنَٰفِعُ وَلِتَبۡلُغُواْ عَلَيۡهَا حَاجَةً فِي صُدُورِكُمۡ وَعَلَيۡهَا وَعَلَى ٱلۡفُلۡكِ تُحۡمَلُونَ
Ne munyoola obukhoonyi khubio, ne bibamalilanga obusiro buli mumioyo chienyu, ne muchingungwa khubio nende biomumatsi muchingungwakhwo
وَيُرِيكُمۡ ءَايَٰتِهِۦ فَأَيَّ ءَايَٰتِ ٱللَّهِ تُنكِرُونَ
Ne abechesinjia ebimanyisio bibie , kho nibimanyisio shina biamukhayanga
أَفَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۚ كَانُوٓاْ أَكۡثَرَ مِنۡهُمۡ وَأَشَدَّ قُوَّةً وَءَاثَارًا فِي ٱلۡأَرۡضِ فَمَآ أَغۡنَىٰ عَنۡهُم مَّا كَانُواْ يَكۡسِبُونَ
Shibachendangakhwo khushialo mana balola indukho yabalia abali imbeli wabu, bali abaanji , nende amaani amanji nende ebikhole ebikhongo khushialo okhubashila. Ne koosi kabakholanga shikabakhoonya shiosi shiosi tawe
فَلَمَّا جَآءَتۡهُمۡ رُسُلُهُم بِٱلۡبَيِّنَٰتِ فَرِحُواْ بِمَا عِندَهُم مِّنَ ٱلۡعِلۡمِ وَحَاقَ بِهِم مَّا كَانُواْ بِهِۦ يَسۡتَهۡزِءُونَ
Olwa Abarumwa babu babetsela nende ebilolelo bia habulafu, basaangalila okhurulana nende obumanyi bwa baali ninabwo, mana nikababotokhana kalia akabakholelanga omubayo
فَلَمَّا رَأَوۡاْ بَأۡسَنَا قَالُوٓاْ ءَامَنَّا بِٱللَّهِ وَحۡدَهُۥ وَكَفَرۡنَا بِمَا كُنَّا بِهِۦ مُشۡرِكِينَ
Olwa balola eshinyasio shiefu, baboola mbu : “ khusuubiile Nyasaye mulala yenyene, ne khwikanile biakhwatsokasinjia ninabio. (Nyasaye)
فَلَمۡ يَكُ يَنفَعُهُمۡ إِيمَٰنُهُمۡ لَمَّا رَأَوۡاْ بَأۡسَنَاۖ سُنَّتَ ٱللَّهِ ٱلَّتِي قَدۡ خَلَتۡ فِي عِبَادِهِۦۖ وَخَسِرَ هُنَالِكَ ٱلۡكَٰفِرُونَ
Obusuubili bwabu shibwabakhoonya eshindu tawe olwabalola eshinyasio shiefu. Eyo niyo injila ya Nyasaye yabura khubasumba bebe, mana eyo Abakhayi nibasikha
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.