Surah 31 · 34 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah
Surah Luqman in Luyia
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلَّذِينَ يُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ يُوقِنُونَ
Balia balumililanga okhulaama nende bahininjia eshihanwa (zakaa), abali nende obusuubili khuyinyanga yeyindukho
أُوْلَٰٓئِكَ عَلَىٰ هُدًى مِّن رَّبِّهِمۡۖ وَأُوْلَٰٓئِكَ هُمُ ٱلۡمُفۡلِحُونَ
Abo nibo bali khubulunjifu, okhurula khu Nyasaye wabu, ne abo nibo abalibura
وَمِنَ ٱلنَّاسِ مَن يَشۡتَرِي لَهۡوَ ٱلۡحَدِيثِ لِيُضِلَّ عَن سَبِيلِ ٱللَّهِ بِغَيۡرِ عِلۡمٍ وَيَتَّخِذَهَا هُزُوًاۚ أُوْلَٰٓئِكَ لَهُمۡ عَذَابٌ مُّهِينٌ
Ne mubandu balimwo balia abawulanga amakhuwa kabula oluchendo, mbu kho banyoole okhukosia khunjila ya Nyasaye nibalamanyile liosi liosi tawe, nebakholelanga injila eyo omubayo, Abo baliba nende eshinyasio shietsisoni
وَإِذَا تُتۡلَىٰ عَلَيۡهِ ءَايَٰتُنَا وَلَّىٰ مُسۡتَكۡبِرًا كَأَن لَّمۡ يَسۡمَعۡهَا كَأَنَّ فِيٓ أُذُنَيۡهِ وَقۡرًاۖ فَبَشِّرۡهُ بِعَذَابٍ أَلِيمٍ
Ne nibasoomelwa tsinyaali tsiefu, batshihelesinjia emikongo mukhwilola , shinga balatsiwulilekhwo tawe, shinga mumarwi kabu kalimwo iwula, kho basuubisie amakhuwa keshinyasio eshilulu
إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتُ ٱلنَّعِيمِ
Toto balia abasuubila mana nibakhola amalayi baliba nende emikunda chobwokholo
خَٰلِدِينَ فِيهَاۖ وَعۡدَ ٱللَّهِ حَقًّاۚ وَهُوَ ٱلۡعَزِيزُ ٱلۡحَكِيمُ
Balimenyamwo tsinyanga tsiasi, ne indache ya Nyasaye ni yatoto, naye niye Owamani, Owamachesi muno
خَلَقَ ٱلسَّمَٰوَٰتِ بِغَيۡرِ عَمَدٍ تَرَوۡنَهَاۖ وَأَلۡقَىٰ فِي ٱلۡأَرۡضِ رَوَٰسِيَ أَن تَمِيدَ بِكُمۡ وَبَثَّ فِيهَا مِن كُلِّ دَآبَّةٍۚ وَأَنزَلۡنَا مِنَ ٱلسَّمَآءِ مَآءً فَأَنۢبَتۡنَا فِيهَا مِن كُلِّ زَوۡجٍ كَرِيمٍ
Yalonga likulu libula tsisilo, tsiamulola ,ne nara khwililoba tsingulu lilabatengeyatengeya tawe, naye yasalasiamwo tsisolo tsiabuli imbia, ne khukwisinjia amatsi okhurula hekulu, mana nikhumesiamwo emimela emilayi echia buli imbia
هَٰذَا خَلۡقُ ٱللَّهِ فَأَرُونِي مَاذَا خَلَقَ ٱلَّذِينَ مِن دُونِهِۦۚ بَلِ ٱلظَّٰلِمُونَ فِي ضَلَٰلٍ مُّبِينٍ
Khuno nokhuloonga khwa Nyasaye, kho munzechesiekhwo nishina shiabaloonga balia abalali Ye (Nyasaye) Halali abonooni bali mubukori bulolekha
وَلَقَدۡ ءَاتَيۡنَا لُقۡمَٰنَ ٱلۡحِكۡمَةَ أَنِ ٱشۡكُرۡ لِلَّهِۚ وَمَن يَشۡكُرۡ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ ٱللَّهَ غَنِيٌّ حَمِيدٌ
Netoto khwahelesia Luqman amachesi, nikhumuboolela mbu:“khupila Nyasaye orio muno, ni ulia witsa ukhupa orio, oyo aba akhupilanga khululwe omwene, ne ulia ukhaya ne Nayasaye ni Omuyinda Owitsomibwa muno ”
وَإِذۡ قَالَ لُقۡمَٰنُ لِٱبۡنِهِۦ وَهُوَ يَعِظُهُۥ يَٰبُنَيَّ لَا تُشۡرِكۡ بِٱللَّهِۖ إِنَّ ٱلشِّرۡكَ لَظُلۡمٌ عَظِيمٌ
Olwa Luqman yaboolela Omusiani wuwe, namuhelesinjia amachelo, mbu: “Ewe mwanawanje, olatsokaasia Nyasaye tawe, shichila toto okhutsokasia ni obwonooni obukhongo.”
وَوَصَّيۡنَا ٱلۡإِنسَٰنَ بِوَٰلِدَيۡهِ حَمَلَتۡهُ أُمُّهُۥ وَهۡنًا عَلَىٰ وَهۡنٍ وَفِصَٰلُهُۥ فِي عَامَيۡنِ أَنِ ٱشۡكُرۡ لِي وَلِوَٰلِدَيۡكَ إِلَيَّ ٱلۡمَصِيرُ
Ne khwachelela Omundu khubebusi bebe, Nyina mwana yamuchinga khubusandi nobunyakhani, ne okhumuleshesia okhununa ni emika chibili, mbu khupila orio esie nende abebusi bo, ne amakalishilo kenyu ni khwisie
وَإِن جَٰهَدَاكَ عَلَىٰٓ أَن تُشۡرِكَ بِي مَا لَيۡسَ لَكَ بِهِۦ عِلۡمٌ فَلَا تُطِعۡهُمَاۖ وَصَاحِبۡهُمَا فِي ٱلدُّنۡيَا مَعۡرُوفًاۖ وَٱتَّبِعۡ سَبِيلَ مَنۡ أَنَابَ إِلَيَّۚ ثُمَّ إِلَيَّ مَرۡجِعُكُمۡ فَأُنَبِّئُكُم بِمَا كُنتُمۡ تَعۡمَلُونَ
Ne nibakhunichilisia okhunzokasia nende kalia kobula ninako obumanyi, alabawulila tawe, halali menya ninabo khubulayi ne oloonde injila yabalia abanzitsangakhwo, mana ewanje ni amulikalusibwa ne ndilibaboolela akamwakholanga
يَٰبُنَيَّ إِنَّهَآ إِن تَكُ مِثۡقَالَ حَبَّةٍ مِّنۡ خَرۡدَلٍ فَتَكُن فِي صَخۡرَةٍ أَوۡ فِي ٱلسَّمَٰوَٰتِ أَوۡ فِي ٱلۡأَرۡضِ يَأۡتِ بِهَا ٱللَّهُۚ إِنَّ ٱللَّهَ لَطِيفٌ خَبِيرٌ
Ewe mwanawanje, toto likhuwa liosi liosi kata nilili shinga obusiro bwo yinyuma yolule, kata nilili mulukulu nohomba mwikulu nohomba khushialo, Nyasaye alilirera, toto Nyasaye ni omuchesi muno wamakhuwa kefisile uli nende obumanyi bwakoosi
يَٰبُنَيَّ أَقِمِ ٱلصَّلَوٰةَ وَأۡمُرۡ بِٱلۡمَعۡرُوفِ وَٱنۡهَ عَنِ ٱلۡمُنكَرِ وَٱصۡبِرۡ عَلَىٰ مَآ أَصَابَكَۖ إِنَّ ذَٰلِكَ مِنۡ عَزۡمِ ٱلۡأُمُورِ
Ewe mwanawanje: “lumilila okhulaama(Iswalah) ne olomesie amalayi ne okanie amabii, ne wifwile khukalia akalakhunyoola, toto ako ni amakhuwa kakhoyeshele okhuloondwa.”
وَلَا تُصَعِّرۡ خَدَّكَ لِلنَّاسِ وَلَا تَمۡشِ فِي ٱلۡأَرۡضِ مَرَحًاۖ إِنَّ ٱللَّهَ لَا يُحِبُّ كُلَّ مُخۡتَالٍ فَخُورٍ
Ne olahenga Abandu neshileka tawe, ne olachenda khushialo nende isunga tawe, toto Nyasaye shiyachama buli ulia weshileka owilolanga tawe
وَٱقۡصِدۡ فِي مَشۡيِكَ وَٱغۡضُضۡ مِن صَوۡتِكَۚ إِنَّ أَنكَرَ ٱلۡأَصۡوَٰتِ لَصَوۡتُ ٱلۡحَمِيرِ
Ne otiile okhuchenda khwahakari, ne wishie hasi omwoyo kukwo, toto omwoyo kweyisishili nikwo omubii muno okhushila emioyo chiosi
أَلَمۡ تَرَوۡاْ أَنَّ ٱللَّهَ سَخَّرَ لَكُم مَّا فِي ٱلسَّمَٰوَٰتِ وَمَا فِي ٱلۡأَرۡضِ وَأَسۡبَغَ عَلَيۡكُمۡ نِعَمَهُۥ ظَٰهِرَةً وَبَاطِنَةًۗ وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٍ وَلَا هُدًى وَلَا كِتَٰبٍ مُّنِيرٍ
Koo, shimulolakhwo mbu Nyasaye yabahotselesiya ebili mwikulu nende khushialo, mana nabetsusilia tsimbabaasi tsitsie- etsia habulafu nende atsifisile? Ni mubandu balimwo abayingananga khu Nyasaye nibabula obumanyi, nohomba obulunjifu nohomba eshitabu shiobulafu
وَإِذَا قِيلَ لَهُمُ ٱتَّبِعُواْ مَآ أَنزَلَ ٱللَّهُ قَالُواْ بَلۡ نَتَّبِعُ مَا وَجَدۡنَا عَلَيۡهِ ءَابَآءَنَآۚ أَوَلَوۡ كَانَ ٱلشَّيۡطَٰنُ يَدۡعُوهُمۡ إِلَىٰ عَذَابِ ٱلسَّعِيرِ
Ne nibaboolelwa mbu: “Loonde aka Nyasaye yeshia,” nibaboola mbu; “halali efwe khuloonda akakhwanyoola nako bapapa befu” koo kata shetani nali mbu abalanganga mushinyasio shio mulilo
وَمَن يُسۡلِمۡ وَجۡهَهُۥٓ إِلَى ٱللَّهِ وَهُوَ مُحۡسِنٌ فَقَدِ ٱسۡتَمۡسَكَ بِٱلۡعُرۡوَةِ ٱلۡوُثۡقَىٰۗ وَإِلَى ٱللَّهِ عَٰقِبَةُ ٱلۡأُمُورِ
Ne ulia wiyaana obweni bubwe khu Nyasaye, nenali mbu nomukholi wamalayi, toto aba amalile okhutila omukoye kwalakhalikha, ne indukho yamakhuwa koosi nikhu Nyasaye
وَمَن كَفَرَ فَلَا يَحۡزُنكَ كُفۡرُهُۥٓۚ إِلَيۡنَا مَرۡجِعُهُمۡ فَنُنَبِّئُهُم بِمَا عَمِلُوٓاْۚ إِنَّ ٱللَّهَ عَلِيمُۢ بِذَاتِ ٱلصُّدُورِ
Ne ulia okhaya, obukhayi bwaye bulakhuwa eshibeela tawe, amakalushilo kenyu ni khwifwe, awo khulibaboolela kalia kabakholanga, toto Nyasaye ni Omumanyi muno owakali mubilifu
نُمَتِّعُهُمۡ قَلِيلًا ثُمَّ نَضۡطَرُّهُمۡ إِلَىٰ عَذَابٍ غَلِيظٍ
Khubasangasinjia hatiti, mana khulibaluuma mushinyasio eshisiro
وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ ٱللَّهُۚ قُلِ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ
Nenobareeba mbu:“niwina waloonga likulu nende eshialo” Ne balaboolasa mbu: “ni Nyasaye” boola mbu: “oluyali lwosi ni lwa Nyasaye halali abaanji mubo shibamanyile tawe”
لِلَّهِ مَا فِي ٱلسَّمَٰوَٰتِ وَٱلۡأَرۡضِۚ إِنَّ ٱللَّهَ هُوَ ٱلۡغَنِيُّ ٱلۡحَمِيدُ
Buli eshili mwikulu nende mushialo nishia Nyasaye toto Nyasaye niye Omuyinda owulayungwa muno
وَلَوۡ أَنَّمَا فِي ٱلۡأَرۡضِ مِن شَجَرَةٍ أَقۡلَٰمٌ وَٱلۡبَحۡرُ يَمُدُّهُۥ مِنۢ بَعۡدِهِۦ سَبۡعَةُ أَبۡحُرٍ مَّا نَفِدَتۡ كَلِمَٰتُ ٱللَّهِۚ إِنَّ ٱللَّهَ عَزِيزٌ حَكِيمٌ
Ne chibetsanga mbu emisala chiosi chili khushialo nitsikalamu, nende tsinyanza(tsibe obwino) tsikhonywa nende tsinyanza saba, (ukhuhandika) amakhuwa ka Nyasaye shikakhaweele tawe, Toto Nyasaye ni Owamani Owamachesi muno
مَّا خَلۡقُكُمۡ وَلَا بَعۡثُكُمۡ إِلَّا كَنَفۡسٍ وَٰحِدَةٍۚ إِنَّ ٱللَّهَ سَمِيعُۢ بَصِيرٌ
Toto okhulongwa khwenyu nende okhulamusibwa khwenyu khuli shinga khwo mwoyo mulala, toto Nyasaye ne Omuwulili Omuloli muno
أَلَمۡ تَرَ أَنَّ ٱللَّهَ يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَسَخَّرَ ٱلشَّمۡسَ وَٱلۡقَمَرَۖ كُلٌّ يَجۡرِيٓ إِلَىٰٓ أَجَلٍ مُّسَمًّى وَأَنَّ ٱللَّهَ بِمَا تَعۡمَلُونَ خَبِيرٌ
Shololakhwo mbu Nyasaye yenjisinjia eshilo mushitere, ne yenjisia eshitere mushilo, ne yakhola eliuba nende omwesi okhumuwulila biosi bichendanga butswa okhula inyanga yarebwaho, netoto Nyasaye ali nende obumanyi bwa koosi pe akamukholanga
ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّ مَا يَدۡعُونَ مِن دُونِهِ ٱلۡبَٰطِلُ وَأَنَّ ٱللَّهَ هُوَ ٱلۡعَلِيُّ ٱلۡكَبِيرُ
Endio nilwokhuba mbu, toto Nyasaye niye owa habweene , Ne ebiabalaamanga ebilali ye tawe nobukori, netoto Nyasaye niye owahekulu omukhongo muno
أَلَمۡ تَرَ أَنَّ ٱلۡفُلۡكَ تَجۡرِي فِي ٱلۡبَحۡرِ بِنِعۡمَتِ ٱللَّهِ لِيُرِيَكُم مِّنۡ ءَايَٰتِهِۦٓۚ إِنَّ فِي ذَٰلِكَ لَأٓيَٰتٍ لِّكُلِّ صَبَّارٍ شَكُورٍ
Shololakhwo mbu ebinimwa bichendanga munyanza khutsimbabaasi tsia Nyasaye, kho anyoole okhubamanyia ebimanyisio bibie, toto mwako khulimwo nende abimanyisio khubuli omwisumilisi owokhupa orio muno
وَإِذَا غَشِيَهُم مَّوۡجٌ كَٱلظُّلَلِ دَعَوُاْ ٱللَّهَ مُخۡلِصِينَ لَهُ ٱلدِّينَ فَلَمَّا نَجَّىٰهُمۡ إِلَى ٱلۡبَرِّ فَمِنۡهُم مُّقۡتَصِدٌۚ وَمَا يَجۡحَدُ بِـَٔايَٰتِنَآ إِلَّا كُلُّ خَتَّارٍ كَفُورٍ
Ne olwa amarunda kabafunikhanga shinga amaleesi, balamaanga Nyasaye mubwihotselefu muno, ne olwa abahonokosia mana abare khulukongo, abandi mubo baba hakari hakari, ne abulaho uyingasinjia ebimanyisio biefu bino halali buli ulia omukhayi omukhongo
يَٰٓأَيُّهَا ٱلنَّاسُ ٱتَّقُواْ رَبَّكُمۡ وَٱخۡشَوۡاْ يَوۡمًا لَّا يَجۡزِي وَالِدٌ عَن وَلَدِهِۦ وَلَا مَوۡلُودٌ هُوَ جَازٍ عَن وَالِدِهِۦ شَيۡـًٔاۚ إِنَّ وَعۡدَ ٱللَّهِ حَقٌّۖ فَلَا تَغُرَّنَّكُمُ ٱلۡحَيَوٰةُ ٱلدُّنۡيَا وَلَا يَغُرَّنَّكُم بِٱللَّهِ ٱلۡغَرُورُ
Enywe Abandu murie Nyasaye wenyu ne murie inyanga yomwibusi alalikhoonya Omwana wuwe, nohomba Omwana okhukhoonya omwibusi wuwe shiosi-shiosi. Toto indache ya Nyasaye niyatoto, kho obulamu bwokhushialo bulabakatia tawe, nohomba omukati ulia alabakatia khu Nyasaye tawe
إِنَّ ٱللَّهَ عِندَهُۥ عِلۡمُ ٱلسَّاعَةِ وَيُنَزِّلُ ٱلۡغَيۡثَ وَيَعۡلَمُ مَا فِي ٱلۡأَرۡحَامِۖ وَمَا تَدۡرِي نَفۡسٌ مَّاذَا تَكۡسِبُ غَدًاۖ وَمَا تَدۡرِي نَفۡسُۢ بِأَيِّ أَرۡضٍ تَمُوتُۚ إِنَّ ٱللَّهَ عَلِيمٌ خَبِيرُۢ
Toto Nyasaye ali nende obumanyi bweyinyanga yeyindukho ne, yeshinjia ifula, ne amanyile eshili mulubeleshelo, ne omwoyo kukorerwe shiakulanyola mutsuli, ne omwoyo kukorerwe akulifwila, toto Nyasaye niye omumanyi owamakhuwa koosi
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.