Surah 30 · 60 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Ar-Rum in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

30:1

الٓمٓ

Alif , lam, Mym

30:2

غُلِبَتِ ٱلرُّومُ

Abarumi bashililwe

30:3

فِيٓ أَدۡنَى ٱلۡأَرۡضِ وَهُم مِّنۢ بَعۡدِ غَلَبِهِمۡ سَيَغۡلِبُونَ

Mushialo shili ahambi, nabo mukhushilwa khwabu okho bakhashile

30:4

فِي بِضۡعِ سِنِينَۗ لِلَّهِ ٱلۡأَمۡرُ مِن قَبۡلُ وَمِنۢ بَعۡدُۚ وَيَوۡمَئِذٍ يَفۡرَحُ ٱلۡمُؤۡمِنُونَ

Khu mika mititi butswa, ne likhuwa nilia- Nyasaye lieyinyuma nende lieyimbeli, ne inyanga eyo Abasuubili balisaangala

30:5

بِنَصۡرِ ٱللَّهِۚ يَنصُرُ مَن يَشَآءُۖ وَهُوَ ٱلۡعَزِيزُ ٱلرَّحِيمُ

Khubuhabini bwa Nyasaye, ahabinanga wayenya, naye Niwamani muno Owetsimbabaasi po

30:6

وَعۡدَ ٱللَّهِۖ لَا يُخۡلِفُ ٱللَّهُ وَعۡدَهُۥ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Indakano ya Nyasaye, ne Nyasaye shafunakanga indakano yiyie tawe, halali Abandu abaanji shibamanyile tawe

30:7

يَعۡلَمُونَ ظَٰهِرًا مِّنَ ٱلۡحَيَوٰةِ ٱلدُّنۡيَا وَهُمۡ عَنِ ٱلۡأٓخِرَةِ هُمۡ غَٰفِلُونَ

Bamanya hekulu butswa wobulamu bwokhushialo, nabo khuko mwikulu bakakaandalila

30:8

أَوَلَمۡ يَتَفَكَّرُواْ فِيٓ أَنفُسِهِمۗ مَّا خَلَقَ ٱللَّهُ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٍ مُّسَمًّىۗ وَإِنَّ كَثِيرًا مِّنَ ٱلنَّاسِ بِلِقَآيِٕ رَبِّهِمۡ لَكَٰفِرُونَ

Shibaparangakhwo khubo abeene, (balola mbu) Nyasaye shiyaloonga likulu nende eshialo nende ebili hakari wabio halali khubwatoto, nende khubise biarebwaho, ne toto Abandu abaanji shibafuchililanga mbu balibukaanana nende Nyasaye tawe

30:9

أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۚ كَانُوٓاْ أَشَدَّ مِنۡهُمۡ قُوَّةً وَأَثَارُواْ ٱلۡأَرۡضَ وَعَمَرُوهَآ أَكۡثَرَ مِمَّا عَمَرُوهَا وَجَآءَتۡهُمۡ رُسُلُهُم بِٱلۡبَيِّنَٰتِۖ فَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ

Koo shibachendakhwo khushialo tawe balola shingala indukho yabalia baliho imbeli wabu, bali aba amaani amaanji okhubashila…nebalimanga emikunda nibachikasia po okhubashila bo, shingabalimanga, ne Abarumwa babu babetsela nende ebifune biahabulafu, kho Nyasaye shiyali wokhuba kholela obubii tawe halali abeene nibo bekholela obubii

30:10

ثُمَّ كَانَ عَٰقِبَةَ ٱلَّذِينَ أَسَٰٓـُٔواْ ٱلسُّوٓأَىٰٓ أَن كَذَّبُواْ بِـَٔايَٰتِ ٱللَّهِ وَكَانُواْ بِهَا يَسۡتَهۡزِءُونَ

Mana niiba indukho yabalia bakhola obubii ni okhukhaya tsinyali tsia Nyasaye, ne batsikholelanga omubayo

30:11

ٱللَّهُ يَبۡدَؤُاْ ٱلۡخَلۡقَ ثُمَّ يُعِيدُهُۥ ثُمَّ إِلَيۡهِ تُرۡجَعُونَ

Nyasaye niyewachachia ebilonje mana khandi alibikalusia, mana ewuwe niwo amulikalusibwa

30:12

وَيَوۡمَ تَقُومُ ٱلسَّاعَةُ يُبۡلِسُ ٱلۡمُجۡرِمُونَ

Ne inyanga weyindukho niliula, ababii baliwesiakhwo omwoyo

30:13

وَلَمۡ يَكُن لَّهُم مِّن شُرَكَآئِهِمۡ شُفَعَٰٓؤُاْ وَكَانُواْ بِشُرَكَآئِهِمۡ كَٰفِرِينَ

Shibaliba nende babasabila mubalia ababasaanjinjia, ne abasaanjibungwa abo balibakhaya

30:14

وَيَوۡمَ تَقُومُ ٱلسَّاعَةُ يَوۡمَئِذٍ يَتَفَرَّقُونَ

Ne olwayindukho iliula, inyanga eyo balikabukhana

30:15

فَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَهُمۡ فِي رَوۡضَةٍ يُحۡبَرُونَ

Ne balia abasuubila mana nibakhola amalayi balisangasibwa mumikunda. (chomwikulu)

30:16

وَأَمَّا ٱلَّذِينَ كَفَرُواْ وَكَذَّبُواْ بِـَٔايَٰتِنَا وَلِقَآيِٕ ٱلۡأٓخِرَةِ فَأُوْلَٰٓئِكَ فِي ٱلۡعَذَابِ مُحۡضَرُونَ

Ne balia abakhaya mana nibayingasia tsinyali tsiefu, nende okhukhung’ana khwomwikulu, abo balikhung’asibwa khushinyasio

30:17

فَسُبۡحَٰنَ ٱللَّهِ حِينَ تُمۡسُونَ وَحِينَ تُصۡبِحُونَ

Kho mwitsoomie Nyasaye olwa mwinjila mubise bieshilo nende shingala mwinjila ebise bwomumabwibwi

30:18

وَلَهُ ٱلۡحَمۡدُ فِي ٱلسَّمَٰوَٰتِ وَٱلۡأَرۡضِ وَعَشِيًّا وَحِينَ تُظۡهِرُونَ

Ne ali noluyali lwosi mwikulu nende khushialo nende (mumwitsomie) ebise bieyingolobe nende ebise bieshitere

30:19

يُخۡرِجُ ٱلۡحَيَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَيِّ وَيُحۡيِ ٱلۡأَرۡضَ بَعۡدَ مَوۡتِهَاۚ وَكَذَٰلِكَ تُخۡرَجُونَ

Arusinjia eshilamu okhurula mushafwa, ne arusia eshiafwa mushilamu, ne alamusinjia liloba nilimalile okhufwa khwalio, ne endio nilwamulilamusibwa

30:20

وَمِنۡ ءَايَٰتِهِۦٓ أَنۡ خَلَقَكُم مِّن تُرَابٍ ثُمَّ إِذَآ أَنتُم بَشَرٌ تَنتَشِرُونَ

Ne mubimanyisio bibie ni okhubalonga okhurula khwiloba, mana nimuba Abandu basalananga

30:21

وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجًا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةً وَرَحۡمَةًۚ إِنَّ فِي ذَٰلِكَ لَأٓيَٰتٍ لِّقَوۡمٍ يَتَفَكَّرُونَ

Ne mubimanyisio bibie ni mbu yabalonjela abakhasi benyu okhurulana ninanyu, mbu khomunyoole obwihotselefu khubo, mana nabakholela obuyanzi nende tsimbabaasi hakari wenyu. Toto mukano khuli nende ameeko khubandu baparanga

30:22

وَمِنۡ ءَايَٰتِهِۦ خَلۡقُ ٱلسَّمَٰوَٰتِ وَٱلۡأَرۡضِ وَٱخۡتِلَٰفُ أَلۡسِنَتِكُمۡ وَأَلۡوَٰنِكُمۡۚ إِنَّ فِي ذَٰلِكَ لَأٓيَٰتٍ لِّلۡعَٰلِمِينَ

Ne mubimanyisio bibie ni okhuloonga likulu nende eshialo, nende okhukabukhana tsinimi tsienyu nende obukoondo bwenyu, toto mukano khulimwo nende abimanyisio khubandu abamanyi

30:23

وَمِنۡ ءَايَٰتِهِۦ مَنَامُكُم بِٱلَّيۡلِ وَٱلنَّهَارِ وَٱبۡتِغَآؤُكُم مِّن فَضۡلِهِۦٓۚ إِنَّ فِي ذَٰلِكَ لَأٓيَٰتٍ لِّقَوۡمٍ يَسۡمَعُونَ

Ne mubimanyisio bibie ni okhukona khwenyu eshilo nende (okhubukha) Eshitere nende okhukoonya khwenyu tsimbabaasi tsitsie. Toto mukano khulimwo nende ebimanyisio khubandu bawulilanga

30:24

وَمِنۡ ءَايَٰتِهِۦ يُرِيكُمُ ٱلۡبَرۡقَ خَوۡفًا وَطَمَعًا وَيُنَزِّلُ مِنَ ٱلسَّمَآءِ مَآءً فَيُحۡيِۦ بِهِ ٱلۡأَرۡضَ بَعۡدَ مَوۡتِهَآۚ إِنَّ فِي ذَٰلِكَ لَأٓيَٰتٍ لِّقَوۡمٍ يَعۡقِلُونَ

Ne mubimanyisio bibie ni okhubalolosilia okhumiesukha khwelikulu (nikhuburamo) oburi nende okhubawa omwayo (kweyifula okhukwa) nende okhwishia amatsi okhurula mwikulu, mana nakalamusilia liloba nilimalilenje okhufwa, toto mukano khulimwo nende eshimanyisio khubandu bamanyanga

30:25

وَمِنۡ ءَايَٰتِهِۦٓ أَن تَقُومَ ٱلسَّمَآءُ وَٱلۡأَرۡضُ بِأَمۡرِهِۦۚ ثُمَّ إِذَا دَعَاكُمۡ دَعۡوَةً مِّنَ ٱلۡأَرۡضِ إِذَآ أَنتُمۡ تَخۡرُجُونَ

Ne mubimanyisio bibie likulu nende eshialo biema khubunyali bubwe, ne olwa alibalanga omulango mulala butswa mulirula mwiloba

30:26

وَلَهُۥ مَن فِي ٱلسَّمَٰوَٰتِ وَٱلۡأَرۡضِۖ كُلٌّ لَّهُۥ قَٰنِتُونَ

Ni ebibie ebili mwikulu nende khushialo ne biosi bimuwulilanga

30:27

وَهُوَ ٱلَّذِي يَبۡدَؤُاْ ٱلۡخَلۡقَ ثُمَّ يُعِيدُهُۥ وَهُوَ أَهۡوَنُ عَلَيۡهِۚ وَلَهُ ٱلۡمَثَلُ ٱلۡأَعۡلَىٰ فِي ٱلسَّمَٰوَٰتِ وَٱلۡأَرۡضِۚ وَهُوَ ٱلۡعَزِيزُ ٱلۡحَكِيمُ

Ye niye wachachia ebilonje naye niye ulibikalusia, ne lino ni eliangu muno khuye naye niye weyifuma indayi mwikulu nende khushialo, naye niye Owamani Owamachesi muno

30:28

ضَرَبَ لَكُم مَّثَلًا مِّنۡ أَنفُسِكُمۡۖ هَل لَّكُم مِّن مَّا مَلَكَتۡ أَيۡمَٰنُكُم مِّن شُرَكَآءَ فِي مَا رَزَقۡنَٰكُمۡ فَأَنتُمۡ فِيهِ سَوَآءٌ تَخَافُونَهُمۡ كَخِيفَتِكُمۡ أَنفُسَكُمۡۚ كَذَٰلِكَ نُفَصِّلُ ٱلۡأٓيَٰتِ لِقَوۡمٍ يَعۡقِلُونَ

Abachelasilia imela yenyu abeene, khubalia ebemikhono chienyu emilunji chiatila, muli nende Abasaanji khu kalia akakhubahelisiyie, khomana musanjilananga ebihelaana, mubaritsanga shiangala muritsananga abeene? Ne endi nilwo lwakhwinoosinjia tsinyaali khubandu bamanyanga

30:29

بَلِ ٱتَّبَعَ ٱلَّذِينَ ظَلَمُوٓاْ أَهۡوَآءَهُم بِغَيۡرِ عِلۡمٍۖ فَمَن يَهۡدِي مَنۡ أَضَلَّ ٱللَّهُۖ وَمَا لَهُم مِّن نَّٰصِرِينَ

Halali balia abonoona baloonda abwikombi bwe mioyo chiabu, nibabula obumanyi, kho niwina unyala okhulunjisia owa Nyasaye yalekha okhukora, nabo shibaliba nende ubahabina tawe

30:30

فَأَقِمۡ وَجۡهَكَ لِلدِّينِ حَنِيفًاۚ فِطۡرَتَ ٱللَّهِ ٱلَّتِي فَطَرَ ٱلنَّاسَ عَلَيۡهَاۚ لَا تَبۡدِيلَ لِخَلۡقِ ٱللَّهِۚ ذَٰلِكَ ٱلدِّينُ ٱلۡقَيِّمُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Kho chomia obweni bubwo khudini ilihabwene nalo nilo liba lia Nyasaye yalonjelakhwo Abandu, okhukalukhania khubulaho khubilonje bia Nyasaye eyo niyo idini yatoto, halali Abandu 30. abaanji shibamanyile tawe

30:31

مُنِيبِينَ إِلَيۡهِ وَٱتَّقُوهُ وَأَقِيمُواْ ٱلصَّلَوٰةَ وَلَا تَكُونُواْ مِنَ ٱلۡمُشۡرِكِينَ

Mwihotselesie khuye nemumurie, ne mulumilile okhulaama (iswala) ne mulaba mubatsokaasi tawe

30:32

مِنَ ٱلَّذِينَ فَرَّقُواْ دِينَهُمۡ وَكَانُواْ شِيَعًاۖ كُلُّ حِزۡبِۭ بِمَا لَدَيۡهِمۡ فَرِحُونَ

Mubalia abawukhasia idini yabu, mana nibaba emikanda emikanda, buli omukanda kusangalilanga shiakuli nashio

30:33

وَإِذَا مَسَّ ٱلنَّاسَ ضُرٌّ دَعَوۡاْ رَبَّهُم مُّنِيبِينَ إِلَيۡهِ ثُمَّ إِذَآ أَذَاقَهُم مِّنۡهُ رَحۡمَةً إِذَا فَرِيقٌ مِّنۡهُم بِرَبِّهِمۡ يُشۡرِكُونَ

Amasila nikanyoola Abandu balaamanga Nyasaye wabu mwibwihotselefu, ne olwa abahelesia tsimbabaasi tsitsie, awo omukanda mubo kuchaka okhumutsokaasia

30:34

لِيَكۡفُرُواْ بِمَآ ءَاتَيۡنَٰهُمۡۚ فَتَمَتَّعُواْ فَسَوۡفَ تَعۡلَمُونَ

Mbu khobakhaye akakhwabahelesia, kho mwikhoye, mwakhetse okhumanya

30:35

أَمۡ أَنزَلۡنَا عَلَيۡهِمۡ سُلۡطَٰنًا فَهُوَ يَتَكَلَّمُ بِمَا كَانُواْ بِهِۦ يُشۡرِكُونَ

Koo, khwabeshiliakhwo eshifune eshibahelesinjia ememelo khubutsokaasi bwabu obo

30:36

وَإِذَآ أَذَقۡنَا ٱلنَّاسَ رَحۡمَةً فَرِحُواْ بِهَاۖ وَإِن تُصِبۡهُمۡ سَيِّئَةُۢ بِمَا قَدَّمَتۡ أَيۡدِيهِمۡ إِذَا هُمۡ يَقۡنَطُونَ

Ne nikhuhelesia Abandu tsimbabaasi batsisangalila, ne niboolelwa nende amabii kemikhono chiabu chiakhola, onyoola bawesiakhwo omwoyo

30:37

أَوَلَمۡ يَرَوۡاْ أَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّ فِي ذَٰلِكَ لَأٓيَٰتٍ لِّقَوۡمٍ يُؤۡمِنُونَ

Koo, shibalolangakhwo mbu toto Nyasaye ohelesinjia omukabo omunji khuwayenya ne atutuyilinjia owayenya? Toto mukano khulimwo nende ebimanyisio khubandu abasuubila

30:38

فَـَٔاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِۚ ذَٰلِكَ خَيۡرٌ لِّلَّذِينَ يُرِيدُونَ وَجۡهَ ٱللَّهِۖ وَأُوْلَٰٓئِكَ هُمُ ٱلۡمُفۡلِحُونَ

Kho helesia Omwikho eshiakhoyele nende Omumanani nende ulikhuluchendo. Ako ni amalayi khubalia benyanga tsimbabaasi tsia Nyasaye, Ne abo nibo abalibura

30:39

وَمَآ ءَاتَيۡتُم مِّن رِّبًا لِّيَرۡبُوَاْ فِيٓ أَمۡوَٰلِ ٱلنَّاسِ فَلَا يَرۡبُواْ عِندَ ٱللَّهِۖ وَمَآ ءَاتَيۡتُم مِّن زَكَوٰةٍ تُرِيدُونَ وَجۡهَ ٱللَّهِ فَأُوْلَٰٓئِكَ هُمُ ٱلۡمُضۡعِفُونَ

Ne (amapesa kokhwiwosia) Ribaa (akamumetelanga khubandu nibewolele) khokameteshe khumwandu kwabandu, imbeli wa Nyasaye shi kametekhanga tawe. Ne eshiamurusia shichila eshihanwa (Izakaa) khulwa okhwenya obuchami bwa Nyasaye, kho abo nibo bametelungwakhwo

30:40

ٱللَّهُ ٱلَّذِي خَلَقَكُمۡ ثُمَّ رَزَقَكُمۡ ثُمَّ يُمِيتُكُمۡ ثُمَّ يُحۡيِيكُمۡۖ هَلۡ مِن شُرَكَآئِكُم مَّن يَفۡعَلُ مِن ذَٰلِكُم مِّن شَيۡءٍۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ

Nyasaye niye awabaloonga, mana abahelesinjia omukabo kwenyu,, mana abafwisinjia mana alibalamusia mubafu, koo aliwo mubasaanji benyu unyala okhubakholela shiosi shiosi mukano? Uluyali lwosi ni olulwe, alihekulu muno khukabamutsokasinjia ninako

30:41

ظَهَرَ ٱلۡفَسَادُ فِي ٱلۡبَرِّ وَٱلۡبَحۡرِ بِمَا كَسَبَتۡ أَيۡدِي ٱلنَّاسِ لِيُذِيقَهُم بَعۡضَ ٱلَّذِي عَمِلُواْ لَعَلَّهُمۡ يَرۡجِعُونَ

Obwoononi baswana khungongo nende munyanza khulwa akemikhono chiabandu chiakhola, kho abatisiekhwo eshinyasio mumakhuwa kandi akabakhola, bakhababario bakalukha

30:42

قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلُۚ كَانَ أَكۡثَرُهُم مُّشۡرِكِينَ

Boola: “chende khushialo mana mulole shingala induukho yabalia baliwo imbeli, mubunji mubo bali abatsokaasi.”

30:43

فَأَقِمۡ وَجۡهَكَ لِلدِّينِ ٱلۡقَيِّمِ مِن قَبۡلِ أَن يَأۡتِيَ يَوۡمٌ لَّا مَرَدَّ لَهُۥ مِنَ ٱللَّهِۖ يَوۡمَئِذٍ يَصَّدَّعُونَ

Kho henjia obweni bubwo khudini eya habwene, inyanga eyo ilakhekalilwa tawe nishili okhuula, eyirulanga khu Nyasaye, inyanga eyo balikabukhana

30:44

مَن كَفَرَ فَعَلَيۡهِ كُفۡرُهُۥۖ وَمَنۡ عَمِلَ صَٰلِحًا فَلِأَنفُسِهِمۡ يَمۡهَدُونَ

Ulia ukhaya kali khuye, ne ulia ukhola amalayi yekholelanga omwene

30:45

لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ مِن فَضۡلِهِۦٓۚ إِنَّهُۥ لَا يُحِبُّ ٱلۡكَٰفِرِينَ

Kho Nyasaye anyoole okhurunga tsimbaabasi tsitsie balia abasubila mana nibakhola amalayi, toto ye shiyachama abakhayi tawe

30:46

وَمِنۡ ءَايَٰتِهِۦٓ أَن يُرۡسِلَ ٱلرِّيَاحَ مُبَشِّرَٰتٍ وَلِيُذِيقَكُم مِّن رَّحۡمَتِهِۦ وَلِتَجۡرِيَ ٱلۡفُلۡكُ بِأَمۡرِهِۦ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ

Ne mubimanyisio bibie – ni okhuchesia emiyeka echireranga amakhuwa amalayi kho anyoole okhubapilia enywe tsimbabaasi tsitsie, ne kho ebininwa bwomumatsi bichende khubunyali bubwe. Ne mukoonye tsimbabaasi tsitsie, kho munyoole okhumupila orio

30:47

وَلَقَدۡ أَرۡسَلۡنَا مِن قَبۡلِكَ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَٱنتَقَمۡنَا مِنَ ٱلَّذِينَ أَجۡرَمُواْۖ وَكَانَ حَقًّا عَلَيۡنَا نَصۡرُ ٱلۡمُؤۡمِنِينَ

Ne toto khwaruma imbeli wuwo Abarumwa, khubandu babu, nibabetsela nende ebifune bilolekha mana nikhuhelesia eshinyasio aboononi, ne shiali eshilachilo khwifwe okhuhabina Abasuubili

30:48

ٱللَّهُ ٱلَّذِي يُرۡسِلُ ٱلرِّيَٰحَ فَتُثِيرُ سَحَابًا فَيَبۡسُطُهُۥ فِي ٱلسَّمَآءِ كَيۡفَ يَشَآءُ وَيَجۡعَلُهُۥ كِسَفًا فَتَرَى ٱلۡوَدۡقَ يَخۡرُجُ مِنۡ خِلَٰلِهِۦۖ فَإِذَآ أَصَابَ بِهِۦ مَن يَشَآءُ مِنۡ عِبَادِهِۦٓ إِذَا هُمۡ يَسۡتَبۡشِرُونَ

Nyasaye niye uchesinjia emiyeka, chiyungubasia amaleesi, mana nakasaalania amaleesi ako hekulu shingala yenya. Mana nakakhola ebitonye ebitonye mana olola ifula niruma mukari mwako, ne nayusia butswa khu ulia owayenya mubandu bebe olabalola nibasaangalile

30:49

وَإِن كَانُواْ مِن قَبۡلِ أَن يُنَزَّلَ عَلَيۡهِم مِّن قَبۡلِهِۦ لَمُبۡلِسِينَ

Ne nibashili okhwishilibwa baali nibafwile omwoyo

30:50

فَٱنظُرۡ إِلَىٰٓ ءَاثَٰرِ رَحۡمَتِ ٱللَّهِ كَيۡفَ يُحۡيِ ٱلۡأَرۡضَ بَعۡدَ مَوۡتِهَآۚ إِنَّ ذَٰلِكَ لَمُحۡيِ ٱلۡمَوۡتَىٰۖ وَهُوَ عَلَىٰ كُلِّ شَيۡءٍ قَدِيرٌ

Kho henga ebimanyisio bietsimbabaasi tsia Nyasaye, shingala alamusinjia liloba nilifwile, toto oyo niye ulilamusia abafuu, naye ni omunyali wabuli eshindu

30:51

وَلَئِنۡ أَرۡسَلۡنَا رِيحًا فَرَأَوۡهُ مُصۡفَرًّا لَّظَلُّواْ مِنۢ بَعۡدِهِۦ يَكۡفُرُونَ

Ne nikhuruma omuyeka mana bakulole nikuli obukondo bwa namabuyu, bakhatsililile okhukhaya

30:52

فَإِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ

Ne ewe toto, shiwakhakhola abafu bawulila tawe, nohomba shonyala okhukhola abatimbe bawulila tawe nibamamile okhukalukhana nibatsitsanga

30:53

وَمَآ أَنتَ بِهَٰدِ ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِـَٔايَٰتِنَا فَهُم مُّسۡلِمُونَ

Ne shonyala okhulunjisia abawofu mubukori bwabu, shokholanga yawulila tawe halali ulia wasuubila mutsinyaali tsiefu, abo nibo abehotselesinjia

30:54

ٱللَّهُ ٱلَّذِي خَلَقَكُم مِّن ضَعۡفٍ ثُمَّ جَعَلَ مِنۢ بَعۡدِ ضَعۡفٍ قُوَّةً ثُمَّ جَعَلَ مِنۢ بَعۡدِ قُوَّةٍ ضَعۡفًا وَشَيۡبَةًۚ يَخۡلُقُ مَا يَشَآءُۚ وَهُوَ ٱلۡعَلِيمُ ٱلۡقَدِيرُ

Nyasaye niye awabaloonga okhurula mubuteshele, mana nabakhola okhurula mubuteshele obo abamaani mana nabakhola okhurula muba amaani okhuba abateshele, nende okhukofula Nyasaye alonganga shiayenya. Naye ni Omumanyi omunyali muno

30:55

وَيَوۡمَ تَقُومُ ٱلسَّاعَةُ يُقۡسِمُ ٱلۡمُجۡرِمُونَ مَا لَبِثُواْ غَيۡرَ سَاعَةٍۚ كَذَٰلِكَ كَانُواْ يُؤۡفَكُونَ

Ne inyanga yeyindukho olwa yiliula aboononi baliitsuba mbu shibekhala (khushialo tawe) halali lisaa elala butswa ne endio nilwabashiamibungwa

30:56

وَقَالَ ٱلَّذِينَ أُوتُواْ ٱلۡعِلۡمَ وَٱلۡإِيمَٰنَ لَقَدۡ لَبِثۡتُمۡ فِي كِتَٰبِ ٱللَّهِ إِلَىٰ يَوۡمِ ٱلۡبَعۡثِۖ فَهَٰذَا يَوۡمُ ٱلۡبَعۡثِ وَلَٰكِنَّكُمۡ كُنتُمۡ لَا تَعۡلَمُونَ

Ne balia abahebwa obumanyi nende obusuubili baliboola mbu: “Toto enywe mwekhala khushitabu shia Nyasaye okhula inyanga yokhulamusibwa, kho inyanga yino niyokhulamusibwa, halali enywe mubeele nimulamanyile tawe.”

30:57

فَيَوۡمَئِذٍ لَّا يَنفَعُ ٱلَّذِينَ ظَلَمُواْ مَعۡذِرَتُهُمۡ وَلَا هُمۡ يُسۡتَعۡتَبُونَ

Inyanga eyo ebichila biosi biosi shibilikhoonya balia aboononi tawe, ne okhusaba khwabu obulesheli shikhulifuchililwa tawe

30:58

وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٍۚ وَلَئِن جِئۡتَهُم بِـَٔايَةٍ لَّيَقُولَنَّ ٱلَّذِينَ كَفَرُوٓاْ إِنۡ أَنتُمۡ إِلَّا مُبۡطِلُونَ

Ne toto khwachelasia mu Kurani muno buli okhuchelasia shichila Abandu, nenobetsela nende eshimanyisio toto bialia bakhaya balaboola mbu; “Enywe shimuli shiosi shiosi tawe halali abamabii.”

30:59

كَذَٰلِكَ يَطۡبَعُ ٱللَّهُ عَلَىٰ قُلُوبِ ٱلَّذِينَ لَا يَعۡلَمُونَ

Ne endio nilwa Nyasaye aretsanga eshimanyisio mumioyo chia balia abalamanya tawe

30:60

فَٱصۡبِرۡ إِنَّ وَعۡدَ ٱللَّهِ حَقٌّۖ وَلَا يَسۡتَخِفَّنَّكَ ٱلَّذِينَ لَا يُوقِنُونَ

Kho wisumilisie, toto indache ya Nyasaye niyatoto, Ne balia ababula obwatoto, balakhubeyiabeyia tawe

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.