Surah 22 · 78 verses · Tgk. H. Mahjiddin Jusuf

Surah Al-Hajj in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

22:1

يَٰٓأَيُّهَا ٱلنَّاسُ ٱتَّقُواْ رَبَّكُمۡۚ إِنَّ زَلۡزَلَةَ ٱلسَّاعَةِ شَيۡءٌ عَظِيمٌ

Wahe dum insan beu tatakwa Ubak Po gata nyang Maha Murah Raya that bala uroe kiamat Geumpa raya that Neubri le Allah

22:2

يَوۡمَ تَرَوۡنَهَا تَذۡهَلُ كُلُّ مُرۡضِعَةٍ عَمَّآ أَرۡضَعَتۡ وَتَضَعُ كُلُّ ذَاتِ حَمۡلٍ حَمۡلَهَا وَتَرَى ٱلنَّاسَ سُكَٰرَىٰ وَمَا هُم بِسُكَٰرَىٰ وَلَٰكِنَّ عَذَابَ ٱللَّهِ شَدِيدٌ

Nyang peumom aneuk takalon bingong Sang hana jimom le aneuk lidah Nyang teungoh meume aneuk ka lahe Udep ngon mate saleh pakri bah Manusia dum takalon mabok Atra kon mabok teukeujot leupah Azeueb raya that Neubri le Tuhan

22:3

وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٍ وَيَتَّبِعُ كُلَّ شَيۡطَٰنٍ مَّرِيدٍ

Teuma na insan ladom seurakah Hana jipateh kuasa Tuhan Peurintah Tuhan dijih jibantah Padahai dijih ‘eleumeejih tan Jiikot chetan nyang jeuheut leupah

22:4

كُتِبَ عَلَيۡهِ أَنَّهُۥ مَن تَوَلَّاهُ فَأَنَّهُۥ يُضِلُّهُۥ وَيَهۡدِيهِ إِلَىٰ عَذَابِ ٱلسَّعِيرِ

Cit ka meuteuntee sipheuet si chetan Nyang ikot jih nyan cit ureueng salah Nyang cok jih keu ngon cit jipeusisat Jihoi jih meuhat lam apui mirah Jiba jih ubak azeueb nuraka

22:5

يَٰٓأَيُّهَا ٱلنَّاسُ إِن كُنتُمۡ فِي رَيۡبٍ مِّنَ ٱلۡبَعۡثِ فَإِنَّا خَلَقۡنَٰكُم مِّن تُرَابٍ ثُمَّ مِن نُّطۡفَةٍ ثُمَّ مِنۡ عَلَقَةٍ ثُمَّ مِن مُّضۡغَةٍ مُّخَلَّقَةٍ وَغَيۡرِ مُخَلَّقَةٍ لِّنُبَيِّنَ لَكُمۡۚ وَنُقِرُّ فِي ٱلۡأَرۡحَامِ مَا نَشَآءُ إِلَىٰٓ أَجَلٍ مُّسَمًّى ثُمَّ نُخۡرِجُكُمۡ طِفۡلًا ثُمَّ لِتَبۡلُغُوٓاْ أَشُدَّكُمۡۖ وَمِنكُم مَّن يُتَوَفَّىٰ وَمِنكُم مَّن يُرَدُّ إِلَىٰٓ أَرۡذَلِ ٱلۡعُمُرِ لِكَيۡلَا يَعۡلَمَ مِنۢ بَعۡدِ عِلۡمٍ شَيۡـًٔاۚ وَتَرَى ٱلۡأَرۡضَ هَامِدَةً فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡ وَأَنۢبَتَتۡ مِن كُلِّ زَوۡجِۭ بَهِيجٍ

Hai manusia chokteuh tapeugah Meunyo chok gata akan geubangket Taingat beusep keu droeteuh bagah Phon-phon bak tanoh meupeujeuet gata ‘Oh lheueh nyan teuma bak ie sicicah Bak ie sititek darah sijaroe Jeuet treuk keu asoe nyang ka geuulah Ladom asoe nyan hana geupeugot Tanda Hadharat kuasa leupah Nak Meupeuleumah kuasa Kamoe Lam rahim jinoe teuma Meukeubah Ban nyang hʻeut Kamoe Meukeubah sinan Troh watee jan nyan teubiet treuk bagah ‘Oh lheueh di sinan Kamoe peuteubiet Jeuet keu aneukmiet galakteuh leupah Lheueh nyan jih rayok ladom ka mate Ladom meuche-che meutot-tot langkah Ka lewat umu akai pih ka deue Tan le jiteupeue peue nyang jipeugah Dilee jiteupeue jinoe hana le Lom bumoe mate taeu bek salah Meupeutron ujeuen meugrak jih udep Hana meung that trep timoh le bagah Timoh tanaman indah hana ban

22:6

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّهُۥ يُحۡيِ ٱلۡمَوۡتَىٰ وَأَنَّهُۥ عَلَىٰ كُلِّ شَيۡءٍ قَدِيرٌ

Nyan tanda Tuhan kuasa leupah Allah nyo Tuhan ek Neupeuudep Ek Neupeubangket jan nyang hʻeut Allah Ureueng nyang mate ek Neupeuudep Tuhankeuh nyang bit kuasa leupah Ateueh beurangpeue Tuhan kuasa

22:7

وَأَنَّ ٱلسَّاعَةَ ءَاتِيَةٌ لَّا رَيۡبَ فِيهَا وَأَنَّ ٱللَّهَ يَبۡعَثُ مَن فِي ٱلۡقُبُورِ

Kiamat teuka pih han meuubah Hana peue tachok uroe kiamat Uroe Neubangket bandum le Allah Ureueng lam kubu bandum Neubangket

22:8

وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٍ وَلَا هُدًى وَلَا كِتَٰبٍ مُّنِيرٍ

Teuma nyan sulet na cit nyang peugah Na ladom ureueng nyang bantah Tuhan Ileumeejih tan jimita hilah Kon na peutunyok kon na lam kitab Nyang bak Hadharat nyata Neupeugah

22:9

ثَانِيَ عِطۡفِهِۦ لِيُضِلَّ عَن سَبِيلِ ٱللَّهِۖ لَهُۥ فِي ٱلدُّنۡيَا خِزۡيٌۖ وَنُذِيقُهُۥ يَوۡمَ ٱلۡقِيَٰمَةِ عَذَابَ ٱلۡحَرِيقِ

Jipaleng keuieng teukabo jih that Jijak peusisat bak jalan Allah Meubri ‘ayeb jih di dalam donya Akhirat teuma pih lom Meubalah Uroe kiamat azeueb tutong that Keu jih nyan teumpat nuraka juah

22:10

ذَٰلِكَ بِمَا قَدَّمَتۡ يَدَاكَ وَأَنَّ ٱللَّهَ لَيۡسَ بِظَلَّٰمٍ لِّلۡعَبِيدِ

Buet jaroe droekeuh atra nyan bandum Tuhan hana tom Neupubuet salah Hantom elanya Tuhan keu hamba

22:11

وَمِنَ ٱلنَّاسِ مَن يَعۡبُدُ ٱللَّهَ عَلَىٰ حَرۡفٍۖ فَإِنۡ أَصَابَهُۥ خَيۡرٌ ٱطۡمَأَنَّ بِهِۦۖ وَإِنۡ أَصَابَتۡهُ فِتۡنَةٌ ٱنقَلَبَ عَلَىٰ وَجۡهِهِۦ خَسِرَ ٱلدُّنۡيَا وَٱلۡأٓخِرَةَۚ ذَٰلِكَ هُوَ ٱلۡخُسۡرَانُ ٱلۡمُبِينُ

Cit manusia nyang peugot ulah Na nyang jisambe jiseumah Tuhan 3 Meunyo jih seunang galak jih leupah 3 Meunyo na bala keu jih cubaan Jibalek rijang Tuhan jikeubah Rugoe jih donya deungon akhirat Jeuet jih nyata that rugoe sileupah

22:12

يَدۡعُواْ مِن دُونِ ٱللَّهِ مَا لَا يَضُرُّهُۥ وَمَا لَا يَنفَعُهُۥۚ ذَٰلِكَ هُوَ ٱلضَّلَٰلُ ٱلۡبَعِيدُ

Jicok keu Tuhan nyang kon Hadharat Han ek meularat bak jih jipeuglah Lom pih jih han ek jibri munapheuʻat Kakeuh jih sisat jioh that leupah

22:13

يَدۡعُواْ لَمَن ضَرُّهُۥٓ أَقۡرَبُ مِن نَّفۡعِهِۦۚ لَبِئۡسَ ٱلۡمَوۡلَىٰ وَلَبِئۡسَ ٱلۡعَشِيرُ

Leubeh toe jih nyan ubak meularat Nibak munapheuʻat nyang na phaedah Sijeuheut tuan sijeuheut rakan Nyankeuh atra nyan dijih jiseumah

22:14

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٍ تَجۡرِي مِن تَحۡتِهَا ٱلۡأَنۡهَٰرُۚ إِنَّ ٱللَّهَ يَفۡعَلُ مَا يُرِيدُ

Tuhan peutamong ureueng meuiman Nyang buet ureueng nyan lom got that leupah Dalam churuga nyang na ngon ie krueng Di yup jih meulueng takalon indah Tuhan Neupeubuet ban nyang Neukheundak

22:15

مَن كَانَ يَظُنُّ أَن لَّن يَنصُرَهُ ٱللَّهُ فِي ٱلدُّنۡيَا وَٱلۡأٓخِرَةِ فَلۡيَمۡدُدۡ بِسَبَبٍ إِلَى ٱلسَّمَآءِ ثُمَّ لۡيَقۡطَعۡ فَلۡيَنظُرۡ هَلۡ يُذۡهِبَنَّ كَيۡدُهُۥ مَا يَغِيظُ

Soe nyang hana hak hana meutuah Soe nyang jisangka han tulong Tuhan Keu hamba-Neuh nyan nyang Rasul Allah Dalam donya nyoe got di akhirat Nyang got jiikat taloejih bagah Keudeh u langet jiikat taloe Lheueh nyan jiek droe jingieng u bawah Jikalon treuk buet jih peue na hase Nyang saket ate jih peue phaedah Nyang beungeh jih keu ajaran Nabi Jikeumeung taki keu Rasulullah

22:16

وَكَذَٰلِكَ أَنزَلۡنَٰهُ ءَايَٰتِۭ بَيِّنَٰتٍ وَأَنَّ ٱللَّهَ يَهۡدِي مَن يُرِيدُ

Meunankeuh Kamoe Meupeutron ayat Nyata beuna that hana meusalah Soe nyang Neukheundak Tuhan peutunyok Soe nyang han tem cok rugoe sileupah

22:17

إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلصَّٰبِـِٔينَ وَٱلنَّصَٰرَىٰ وَٱلۡمَجُوسَ وَٱلَّذِينَ أَشۡرَكُوٓاْ إِنَّ ٱللَّهَ يَفۡصِلُ بَيۡنَهُمۡ يَوۡمَ ٱلۡقِيَٰمَةِۚ إِنَّ ٱللَّهَ عَلَىٰ كُلِّ شَيۡءٍ شَهِيدٌ

Ureueng meuiman lom ngon Yahudi Muallaf lagi masa nyang sudah Nashrani teuma dengon Majusi Musyrikin lagi nyang raya salah Bandum ureueng nyang ka na putosan Sideh bak Tuhan akan Neubalah Uroe kiamat putosan Neubri Tuhan keu saksi beuna ngon salah

22:18

أَلَمۡ تَرَ أَنَّ ٱللَّهَ يَسۡجُدُۤ لَهُۥۤ مَن فِي ٱلسَّمَٰوَٰتِ وَمَن فِي ٱلۡأَرۡضِ وَٱلشَّمۡسُ وَٱلۡقَمَرُ وَٱلنُّجُومُ وَٱلۡجِبَالُ وَٱلشَّجَرُ وَٱلدَّوَآبُّ وَكَثِيرٌ مِّنَ ٱلنَّاسِۖ وَكَثِيرٌ حَقَّ عَلَيۡهِ ٱلۡعَذَابُۗ وَمَن يُهِنِ ٱللَّهُ فَمَا لَهُۥ مِن مُّكۡرِمٍۚ إِنَّ ٱللَّهَ يَفۡعَلُ مَا يَشَآءُ

Peue han tateupeue bandum jisujud Soe nyang di langet keupada Allah Soe nyang di bumoe uroe ngon buleuen Bintang ngon gunong sujud bak Allah Dumna bak kayee deungon binatang Le cit dum insan turot peurintah Teuma le cit jih nyang hak geu azeueb Han jitem pubuet peurintah Allah Beurangsoe nyang ka Tuhan peuhina Beurangsoe teuma han ek jiubah Beurangsoe han ek peubako jih nyan Ban nyang hʻeut Tuhan Neupeubuet bagah

22:19

هَٰذَانِ خَصۡمَانِ ٱخۡتَصَمُواْ فِي رَبِّهِمۡۖ فَٱلَّذِينَ كَفَرُواْ قُطِّعَتۡ لَهُمۡ ثِيَابٌ مِّن نَّارٍ يُصَبُّ مِن فَوۡقِ رُءُوسِهِمُ ٱلۡحَمِيمُ

Dua ureueng nyoe meumusoh sabe í Tuhan jipike beuna ngon salah i Teuma si kaphe pakaian keu jih Geucok di sideh lam apui mirah Geuple ie hamim tutong hana ban

22:20

يُصۡهَرُ بِهِۦ مَا فِي بُطُونِهِمۡ وَٱلۡجُلُودُ

Asoe pruet jih nyan anco dum bicah Ngon kulet jih pih anco sinaroe

22:21

وَلَهُم مَّقَٰمِعُ مِنۡ حَدِيدٍ

Ngon seunuet beusoe keu jih geukeubah

22:22

كُلَّمَآ أَرَادُوٓاْ أَن يَخۡرُجُواْ مِنۡهَا مِنۡ غَمٍّ أُعِيدُواْ فِيهَا وَذُوقُواْ عَذَابَ ٱلۡحَرِيقِ

‘Oh jimeung teubiet sabab saket that Geupeuwoe leugat keunan lom bagah Rasa treuk dikah azeueb tutong that Dilee kah batat kaphe keu Allah

22:23

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٍ تَجۡرِي مِن تَحۡتِهَا ٱلۡأَنۡهَٰرُ يُحَلَّوۡنَ فِيهَا مِنۡ أَسَاوِرَ مِن ذَهَبٍ وَلُؤۡلُؤًاۖ وَلِبَاسُهُمۡ فِيهَا حَرِيرٌ

Tuhan peutamong ureueng meuiman Nyang buet ureueng nyan pih jroh sileupah Dalam churuga nyang kruengjih ile Di yup jih sabe takalon indah Geupeungui gopnyan gleueng meuh ngon intan Lom ngon pakaian sutra dhiet leupah

22:24

وَهُدُوٓاْ إِلَى ٱلطَّيِّبِ مِنَ ٱلۡقَوۡلِ وَهُدُوٓاْ إِلَىٰ صِرَٰطِ ٱلۡحَمِيدِ

Ka geupeutunyok bandum ureueng nyan Geumarit sinan hantom nyang salah Geutunyok gopnyan bak jalan teupat Jalan Hadharat nyang Maha Murah Droe-Neuh nyan nyang hak teurimong pujoe

22:25

إِنَّ ٱلَّذِينَ كَفَرُواْ وَيَصُدُّونَ عَن سَبِيلِ ٱللَّهِ وَٱلۡمَسۡجِدِ ٱلۡحَرَامِ ٱلَّذِي جَعَلۡنَٰهُ لِلنَّاسِ سَوَآءً ٱلۡعَٰكِفُ فِيهِ وَٱلۡبَادِۚ وَمَن يُرِدۡ فِيهِ بِإِلۡحَادِۭ بِظُلۡمٍ نُّذِقۡهُ مِنۡ عَذَابٍ أَلِيمٍ

Dikaphe pindoe teuma buet salah Jitham dum ureueng bak jalan Tuhan Masjidil haram han jibri langkah Kamoe peujeuet nyan keu bandum insan Bandum cit saban dum hamba Allah Nyang tinggai sinan got nyang troh keunan Bandum jeuet keunan jitamong bagah Teuma nyang tamong napsu buet jeuheut Ngon lalem azeueb keu jih Meukeubah Kamoe peurasa azeueb that peudeh

22:26

وَإِذۡ بَوَّأۡنَا لِإِبۡرَٰهِيمَ مَكَانَ ٱلۡبَيۡتِ أَن لَّا تُشۡرِكۡ بِي شَيۡـًٔا وَطَهِّرۡ بَيۡتِيَ لِلطَّآئِفِينَ وَٱلۡقَآئِمِينَ وَٱلرُّكَّعِ ٱلسُّجُودِ

Jinoe jameunjih teuma Meupeugah Watee Ibrahim Kamoe bri teumpat Geujak ibadat bak rumoh Allah Bek peucharikat sagai keu Tuhan Peugleh rumoh-Lon ke ureueng thawaf Ureueng seumbahyang ruku‘ ngon sujud Khusyu‘ geupeubuet bandum peurintah

22:27

وَأَذِّن فِي ٱلنَّاسِ بِٱلۡحَجِّ يَأۡتُوكَ رِجَالًا وَعَلَىٰ كُلِّ ضَامِرٍ يَأۡتِينَ مِن كُلِّ فَجٍّ عَمِيقٍ

Tabri thee haji bak manusia Jijak bak gata keunan dum bagah l Nyang jak ngon gaki nyang jak ngon kandran í Dum bansabohnyan keunan jilangkah Bak teumpat jioh dum teuka keunan

22:28

لِّيَشۡهَدُواْ مَنَٰفِعَ لَهُمۡ وَيَذۡكُرُواْ ٱسۡمَ ٱللَّهِ فِيٓ أَيَّامٍ مَّعۡلُومَٰتٍ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۖ فَكُلُواْ مِنۡهَا وَأَطۡعِمُواْ ٱلۡبَآئِسَ ٱلۡفَقِيرَ

Keumeung jak kalon dumna phaedah Le that munapheu‘at dum keu ureueng nyan Seubot nan Tuhan teuma le bagah Ka meudum uroe taseubot Tuhan Ka Neubri hewan dum le sileupah Tapajoh laju sie binatang nyan Tabri makanan keu ureueng sosah Ureueng meularat ngon ureueng gasien

22:29

ثُمَّ لۡيَقۡضُواْ تَفَثَهُمۡ وَلۡيُوفُواْ نُذُورَهُمۡ وَلۡيَطَّوَّفُواْ بِٱلۡبَيۡتِ ٱلۡعَتِيقِ

Peugleh kotoran lheueh nyan beubagah Tapeutroh nazar nyang tameuhajat Jak thawaf ligat lingka Baitullah

22:30

ذَٰلِكَۖ وَمَن يُعَظِّمۡ حُرُمَٰتِ ٱللَّهِ فَهُوَ خَيۡرٌ لَّهُۥ عِندَ رَبِّهِۦۗ وَأُحِلَّتۡ لَكُمُ ٱلۡأَنۡعَٰمُ إِلَّا مَا يُتۡلَىٰ عَلَيۡكُمۡۖ فَٱجۡتَنِبُواْ ٱلرِّجۡسَ مِنَ ٱلۡأَوۡثَٰنِ وَٱجۡتَنِبُواْ قَوۡلَ ٱلزُّورِ

Nyan tanoh hareuem tapeumulia Nyang Neuyue jaga bandum le Allah Amai nyang that got dum nyan bak Tuhan Keumuliaan hana ban peugah Binatang teurnak haleue keu gata Meulengkan nyang ka hareuem Geupeugah Teuma bek sagai tapuja patong Tamarit langsong pih bek nyang salah

22:31

حُنَفَآءَ لِلَّهِ غَيۡرَ مُشۡرِكِينَ بِهِۦۚ وَمَن يُشۡرِكۡ بِٱللَّهِ فَكَأَنَّمَا خَرَّ مِنَ ٱلسَّمَآءِ فَتَخۡطَفُهُ ٱلطَّيۡرُ أَوۡ تَهۡوِي بِهِ ٱلرِّيحُ فِي مَكَانٍ سَحِيقٍ

Khusyu‘ keu Tuhan bek peucharikat p Peubuet ibadat cit meu keu Allah % Beurangsoe jikheun charikat Tuhan < Teuma ureueng nyan seuulah-ulah Sang-sang jih nyan rhot sideh di langet Jisama leugat le cicem siwah Get pih jipeupo jih nyan le angen Jijak peumeuʻen jioh that leupah>

22:32

ذَٰلِكَۖ وَمَن يُعَظِّمۡ شَعَٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ

Nyankeuh beurangsoe nyang peumulia 7 Bandum na tanda peurintah Allah Manasik Haji bek na nyang cupa Nyankeuh takwa ate jroh leupah

22:33

لَكُمۡ فِيهَا مَنَٰفِعُ إِلَىٰٓ أَجَلٍ مُّسَمًّى ثُمَّ مَحِلُّهَآ إِلَى ٱلۡبَيۡتِ ٱلۡعَتِيقِ

Binatang nyan dum tatueng munapheu‘at x Dang-dang geuintat keu dam hadiah ; Geusie jih teuma bak Rumoh Tuhan Jeuet keu teubosan peue-peue nyang salah

22:34

وَلِكُلِّ أُمَّةٍ جَعَلۡنَا مَنسَكًا لِّيَذۡكُرُواْ ٱسۡمَ ٱللَّهِ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۗ فَإِلَٰهُكُمۡ إِلَٰهٌ وَٰحِدٌ فَلَهُۥٓ أَسۡلِمُواْۗ وَبَشِّرِ ٱلۡمُخۡبِتِينَ

Ka Kamoe peujeuet keu tiep-tiep ummat Teumpat ibadat jiseubot Allah Binatang teurnak geusie kurubeuen Watee nyan geukheun cit nama Allah Ka Neubri keu jih nyan keu raseuki Bacut beujibri keu ureueng sosah d Jeuet Tuhan gata cit Tuhan sidroe Keunan tajok droe bek sagai salah Tamong Islam lom tapeusuka Soe nyang geumbira turot peurintah

22:35

ٱلَّذِينَ إِذَا ذُكِرَ ٱللَّهُ وَجِلَتۡ قُلُوبُهُمۡ وَٱلصَّٰبِرِينَ عَلَىٰ مَآ أَصَابَهُمۡ وَٱلۡمُقِيمِي ٱلصَّلَوٰةِ وَمِمَّا رَزَقۡنَٰهُمۡ يُنفِقُونَ

Watee jideungo geuseubot Tuhan Lam ate jih nyan teumakot leupah i Peue nyang mushibah pih ek jisaba Seumbahyang teuma hantom jikeubah Bandum raseuki nyang ka Kamoe bri Zakeuet dum jibri deungon seudeukah

22:36

وَٱلۡبُدۡنَ جَعَلۡنَٰهَا لَكُم مِّن شَعَٰٓئِرِ ٱللَّهِ لَكُمۡ فِيهَا خَيۡرٌۖ فَٱذۡكُرُواْ ٱسۡمَ ٱللَّهِ عَلَيۡهَا صَوَآفَّۖ فَإِذَا وَجَبَتۡ جُنُوبُهَا فَكُلُواْ مِنۡهَا وَأَطۡعِمُواْ ٱلۡقَانِعَ وَٱلۡمُعۡتَرَّۚ كَذَٰلِكَ سَخَّرۡنَٰهَا لَكُمۡ لَعَلَّكُمۡ تَشۡكُرُونَ

Kamoe peujeuet dum unta keu gata ; Nyan jeuet keu tanda keu syiʻar Allah % Manfaatjih le tatueng keu gata c Tasie tabaca ngon nama Allah i Sira jidong dum meubareh-bareh Meunyo ka jieh mate ka reubah Tapajoh sie jih tabri makanan Keu ureueng nyang han lakee seudeukah Meunan pih ureueng nyang tem meulakee Bandum nyan teuntee ureueng nyang sosah Meunan Kamoe bri mudah keu gata Mangat dum gata chukor keu Allah

22:37

لَن يَنَالَ ٱللَّهَ لُحُومُهَا وَلَا دِمَآؤُهَا وَلَٰكِن يَنَالُهُ ٱلتَّقۡوَىٰ مِنكُمۡۚ كَذَٰلِكَ سَخَّرَهَا لَكُمۡ لِتُكَبِّرُواْ ٱللَّهَ عَلَىٰ مَا هَدَىٰكُمۡۗ وَبَشِّرِ ٱلۡمُحۡسِنِينَ

Asoe sie unta ngon darah unta Han troh jiteuka keudeh bak Allah Teutapi nyang troh bak Hak Taʻala Takwa gata nyang jroh that leupah Meunankeuh Neubri mudah keu gata Mangat dum gata taagong Allah Takheun teukeubi bek sagai lupa 1 Sabab keu gata Neubri hidayah Teuma ureueng nyang peubuet got sabe Geumbira ate bak jih tapeugah

22:38

إِنَّ ٱللَّهَ يُدَٰفِعُ عَنِ ٱلَّذِينَ ءَامَنُوٓاْۗ إِنَّ ٱللَّهَ لَا يُحِبُّ كُلَّ خَوَّانٍ كَفُورٍ

Tuhan Neubela ureueng meuiman d Nyang han meuiman khianat leupah Hana Neugalak kaphe khianat

22:39

أُذِنَ لِلَّذِينَ يُقَٰتَلُونَ بِأَنَّهُمۡ ظُلِمُواْۚ وَإِنَّ ٱللَّهَ عَلَىٰ نَصۡرِهِمۡ لَقَدِيرٌ

Neuyue prang leugat jih Neuyue balah Ureueng nyang jiprang gopnyan le kaphe Izin ka neubri neuyue prang bagah Sabab ureueng nyan ka jielanya Neuyue prang teuma jih nyan beubagah Tuhan kuasa Neutulong gopnyan

22:40

ٱلَّذِينَ أُخۡرِجُواْ مِن دِيَٰرِهِم بِغَيۡرِ حَقٍّ إِلَّآ أَن يَقُولُواْ رَبُّنَا ٱللَّهُۗ وَلَوۡلَا دَفۡعُ ٱللَّهِ ٱلنَّاسَ بَعۡضَهُم بِبَعۡضٍ لَّهُدِّمَتۡ صَوَٰمِعُ وَبِيَعٌ وَصَلَوَٰتٌ وَمَسَٰجِدُ يُذۡكَرُ فِيهَا ٱسۡمُ ٱللَّهِ كَثِيرًاۗ وَلَيَنصُرَنَّ ٱللَّهُ مَن يَنصُرُهُۥٓۚ إِنَّ ٱللَّهَ لَقَوِيٌّ عَزِيزٌ

Jiuse gopnyan nyang hana salah Jipeuteubiet geuh lam nanggroe gopnyan Sabab kheun gopnyan Po kamoe Allah é Adak kon Tuhan Neutulak bala Bak manusia ngon macam hilah Teuntee ka abeh rumoh ibadat Jireuloh meuhat le ureueng salah Rumoh ibadat awak Nashrani Deungon Yahudi jireuloh sudah Lom ngon meusijid nyang le di sinan Geuseubot Tuhan pih han jikeubah Teuma di Tuhan teuntee Neutulong Soe nyang tem tulong agama Allah Teuma cit Tuhan keubit that teuga Maha Perkasa Kuasa leupah

22:41

ٱلَّذِينَ إِن مَّكَّنَّٰهُمۡ فِي ٱلۡأَرۡضِ أَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ وَأَمَرُواْ بِٱلۡمَعۡرُوفِ وَنَهَوۡاْ عَنِ ٱلۡمُنكَرِۗ وَلِلَّهِ عَٰقِبَةُ ٱلۡأُمُورِ

Meunyo ureueng nyan Kamoe bri teumpat Kamoe peuteutap di bumoe Allah Meuhat seumbahyang ngon geuboh zakeuet Geuyue buet nyang got han tom geukeubah Geutham lom nibak buet keujeuhatan Bandum urosan meuwoe bak Allah

22:42

وَإِن يُكَذِّبُوكَ فَقَدۡ كَذَّبَتۡ قَبۡلَهُمۡ قَوۡمُ نُوحٍ وَعَادٌ وَثَمُودُ

Meunyo jipeugah sulet keu gata Dilee cit dum ka meunan jipeugah Kaom nabi Noh ‘Ad deungon Tsamud

22:43

وَقَوۡمُ إِبۡرَٰهِيمَ وَقَوۡمُ لُوطٍ

Ibrahim ngon Luth saban that leupah Kaom Ibrahim deungon kaom Luth bandum buet jeuheut han tom jikeubah

22:44

وَأَصۡحَٰبُ مَدۡيَنَۖ وَكُذِّبَ مُوسَىٰۖ فَأَمۡلَيۡتُ لِلۡكَٰفِرِينَ ثُمَّ أَخَذۡتُهُمۡۖ فَكَيۡفَ كَانَ نَكِيرِ

Awak Madyan bandum pih şaban Musa pih meunan jikheun beurakah Lon bri treuk tanggoh keu bandum kaphe Lon azeueb jih le ‘oh Iheueh nyan bagah Pakriban balah Lon keu jih bandum

22:45

فَكَأَيِّن مِّن قَرۡيَةٍ أَهۡلَكۡنَٰهَا وَهِيَ ظَالِمَةٌ فَهِيَ خَاوِيَةٌ عَلَىٰ عُرُوشِهَا وَبِئۡرٍ مُّعَطَّلَةٍ وَقَصۡرٍ مَّشِيدٍ

Meunyo si lalem han peue peugah Padum le nanggroe Meupeubinasa Sabab jih nyata lalem that leupah Panteue tanaman jih abeh runtoh Monjih ka reuloh bandum jikeubah Meuligoe raya bandum abeh soh Tan le meusaboh pih na soe papah

22:46

أَفَلَمۡ يَسِيرُواْ فِي ٱلۡأَرۡضِ فَتَكُونَ لَهُمۡ قُلُوبٌ يَعۡقِلُونَ بِهَآ أَوۡ ءَاذَانٌ يَسۡمَعُونَ بِهَاۖ فَإِنَّهَا لَا تَعۡمَى ٱلۡأَبۡصَٰرُ وَلَٰكِن تَعۡمَى ٱلۡقُلُوبُ ٱلَّتِي فِي ٱلصُّدُورِ

Pakon han jijak dum dalam bumoe 7 Lam ate jih nyoe pikiran ceudah É Deungon geulunyueng jideungo dumpeue Mangat jiteupeue beuna ngon salah Kon buta mata buta lam ate Dada jih sare takalon luah

22:47

وَيَسۡتَعۡجِلُونَكَ بِٱلۡعَذَابِ وَلَن يُخۡلِفَ ٱللَّهُ وَعۡدَهُۥۚ وَإِنَّ يَوۡمًا عِندَ رَبِّكَ كَأَلۡفِ سَنَةٍ مِّمَّا تَعُدُّونَ

Jilakee ‘azeueb beurijang teuka Meunan bak gata dum jijak peugah Teuma di Tuhan meu ka Neujanji Bah beurangkakri han tom Neuubah Uroe siuroe sideh bak Tuhan Sang siribee thon dumnan trep leupah Sang siribee thon uroe geutanyoe

22:48

وَكَأَيِّن مِّن قَرۡيَةٍ أَمۡلَيۡتُ لَهَا وَهِيَ ظَالِمَةٌ ثُمَّ أَخَذۡتُهَا وَإِلَيَّ ٱلۡمَصِيرُ

Padum le nanggroe ka abeh sudah Padum le nanggroe Kamoe beri tanggoh Dijih lam gadoh lalem that leupah “Oh lheueh nyan teuma Lon beri treuk azeueb Bak Lon cit meuhat jiwoe dum bagah

22:49

قُلۡ يَٰٓأَيُّهَا ٱلنَّاسُ إِنَّمَآ أَنَا۠ لَكُمۡ نَذِيرٌ مُّبِينٌ

Takheun le gata bak manusia Lon nyoe keu gata cit ureueng peugah Ureueng peuingat cit trang ngon nyata Mangat bek gata tapubuet salah

22:50

فَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُم مَّغۡفِرَةٌ وَرِزۡقٌ كَرِيمٌ

Soe nyang meuiman ngon jipubuet got i Ampunan meuhat Neubri le Allah Neubri raseuki nyang that mulia

22:51

وَٱلَّذِينَ سَعَوۡاْ فِيٓ ءَايَٰتِنَا مُعَٰجِزِينَ أُوْلَٰٓئِكَ أَصۡحَٰبُ ٱلۡجَحِيمِ

Teuma ceulaka keu soe nyang bantah 1 Jiteuntang dijih dum ayat Kamoe Keu Rasul Kamoe pih jipeusosah Jih nyan dum teuma asoe nuraka

22:52

وَمَآ أَرۡسَلۡنَا مِن قَبۡلِكَ مِن رَّسُولٍ وَلَا نَبِيٍّ إِلَّآ إِذَا تَمَنَّىٰٓ أَلۡقَى ٱلشَّيۡطَٰنُ فِيٓ أُمۡنِيَّتِهِۦ فَيَنسَخُ ٱللَّهُ مَا يُلۡقِي ٱلشَّيۡطَٰنُ ثُمَّ يُحۡكِمُ ٱللَّهُ ءَايَٰتِهِۦۗ وَٱللَّهُ عَلِيمٌ حَكِيمٌ

Dilee dum cit ka Rasul jibantah i Rasul ngon nabi nyang Kamoe kirem A Meuhat jipeukhem jikheun beurakah s Watee geubaca dum ayat Kamoe O Chetan troh keunoe jipeuget hilah Jipeuchok ureueng keu bacaan nyan Teuma di Tuhan Neusampoh bagah Chok nyang chetan boh dalam ate jih Neusampoh bak jih teuma le Allah Neupeukong ayat-Neuh teuma lheueh nyan ‘Eleumee Tuhan leupah that luah Lagi pih Tuhan that bijaksana

22:53

لِّيَجۡعَلَ مَا يُلۡقِي ٱلشَّيۡطَٰنُ فِتۡنَةً لِّلَّذِينَ فِي قُلُوبِهِم مَّرَضٌ وَٱلۡقَاسِيَةِ قُلُوبُهُمۡۗ وَإِنَّ ٱلظَّٰلِمِينَ لَفِي شِقَاقِۭ بَعِيدٍ

Cubaan teuma Neubri le Allah Chok nyang chetan boh jeuet keu cubaan Keu ureueng nyang tan iman jih ceudah Nyang na peunyaket dalam ate jih Lom pih ate jih batat kreueh leupah Teuma si lalem cit lam meupake Meutingkah sabe jioh that leupah

22:54

وَلِيَعۡلَمَ ٱلَّذِينَ أُوتُواْ ٱلۡعِلۡمَ أَنَّهُ ٱلۡحَقُّ مِن رَّبِّكَ فَيُؤۡمِنُواْ بِهِۦ فَتُخۡبِتَ لَهُۥ قُلُوبُهُمۡۗ وَإِنَّ ٱللَّهَ لَهَادِ ٱلَّذِينَ ءَامَنُوٓاْ إِلَىٰ صِرَٰطٍ مُّسۡتَقِيمٍ

Teuma di ureueng nyang na ‘eleumee Geuteupeue teuntee nyoe nibak Allah Beuna ayat nyoe nibak Po gata Ureueng nyan teuma meuiman bagah Khusyu‘ ngon ate iman keu Tuhan Keubit le Tuhan Neubri hidayah Tuhan peutunyok ureueng meuiman Bak jalan Tuhan nyang teupat leupah

22:55

وَلَا يَزَالُ ٱلَّذِينَ كَفَرُواْ فِي مِرۡيَةٍ مِّنۡهُ حَتَّىٰ تَأۡتِيَهُمُ ٱلسَّاعَةُ بَغۡتَةً أَوۡ يَأۡتِيَهُمۡ عَذَابُ يَوۡمٍ عَقِيمٍ

Si kaphe teuma dijih chok sabe sr Hingga bak akhe dijih lam salah cs k Ban tanjo teuka kiamat keu jih Get pih troh bak jih azeueb that leupah Azeueb bak uroe that haru hara

22:56

ٱلۡمُلۡكُ يَوۡمَئِذٍ لِّلَّهِ يَحۡكُمُ بَيۡنَهُمۡۚ فَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فِي جَنَّٰتِ ٱلنَّعِيمِ

Keurajeuen teuma cit sidroe Allah Nyang mat keurajeuen cit sidroe Tuhan d Hakim uroe nyan cit sidroe Allah Tuhan nyan hukom bandum uroe nyan Si nyang meuiman nyan nyang meutuah Iman keu Tuhan lom jipeubuet got Meuteumeung teumpat churuga indah

22:57

وَٱلَّذِينَ كَفَرُواْ وَكَذَّبُواْ بِـَٔايَٰتِنَا فَأُوْلَٰٓئِكَ لَهُمۡ عَذَابٌ مُّهِينٌ

Teuma nyang kaphe hana meuiman : Lom ayat Tuhan jikheun beurakah Dum ayat Kamoe jikheun sulet that Azeueb hina that keu jih geukeubah

22:58

وَٱلَّذِينَ هَاجَرُواْ فِي سَبِيلِ ٱللَّهِ ثُمَّ قُتِلُوٓاْ أَوۡ مَاتُواْ لَيَرۡزُقَنَّهُمُ ٱللَّهُ رِزۡقًا حَسَنًاۚ وَإِنَّ ٱللَّهَ لَهُوَ خَيۡرُ ٱلرَّٰزِقِينَ

Soe nyang hijrah bak jalan Tuhan Jipoh geuh sinan mate meudarah r Atawa mate lam peurjalanan Raseuki gopnyan Neubri le Allah Raseuki nyang jroh Neubri churuga Allah Taʻala Maha Peumurah Droe-Neuh sineujroh nyang bri raseuki

22:59

لَيُدۡخِلَنَّهُم مُّدۡخَلًا يَرۡضَوۡنَهُۥۚ وَإِنَّ ٱللَّهَ لَعَلِيمٌ حَلِيمٌ

Teumpat pih Neubri nyang jroh sileupah Bak teumpat nyang jroh nyang rila Gopnyan 1 Keubit roe Tuhan ileumee luah Tuhan that kalim gaseh keu hamba

22:60

ذَٰلِكَۖ وَمَنۡ عَاقَبَ بِمِثۡلِ مَا عُوقِبَ بِهِۦ ثُمَّ بُغِيَ عَلَيۡهِ لَيَنصُرَنَّهُ ٱللَّهُۚ إِنَّ ٱللَّهَ لَعَفُوٌّ غَفُورٌ

Teuma nyang seksa balah meubalah À Ureueng nyang balah watee jiseksa f Lagee jiseksa han leupah-leupah Lheueh nyan ureueng nyang lom jielanya Neutulong teuma gopnyan le Allah Maha Peumeuʻah Maha Peungampon Nyan sipheuet Tuhan nyang Maha Murah

22:61

ذَٰلِكَ بِأَنَّ ٱللَّهَ يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَأَنَّ ٱللَّهَ سَمِيعُۢ بَصِيرٌ

Nyankeuh di Tuhan Neupeulop malam : Dalam uroe trang seupot le bagah i Neupeulop uroe teuma lam malam Teungoh seupot klam faja ka teuhah Dumpeue Neudeungo teuma le Tuhan Dumpeue Neukalon hana meuhilah

22:62

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّ مَا يَدۡعُونَ مِن دُونِهِۦ هُوَ ٱلۡبَٰطِلُ وَأَنَّ ٱللَّهَ هُوَ ٱلۡعَلِيُّ ٱلۡكَبِيرُ

Nyankeuh cit Tuhan sidroe nyang beuna Laen dum teuma ka teuntee salah Peue nyang jipuja.nyang bukon Tuhan Badum seubarang bateue dum salah Tuhankeuh sidroe Maha Manyang that Maha Raya that hana peue peugah

22:63

أَلَمۡ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءً فَتُصۡبِحُ ٱلۡأَرۡضُ مُخۡضَرَّةًۚ إِنَّ ٱللَّهَ لَطِيفٌ خَبِيرٌ

Peue hana taeu pakriban Tuhan Neupeutron ujeuen keunoe Neuruah Neupeutron ujeuen sideh di langet Bumoe pih udep hijo dum indah Keubit cit Tuhan buet-Neuh haloh that Neumaʻlum pih that hana ban peugah

22:64

لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَإِنَّ ٱللَّهَ لَهُوَ ٱلۡغَنِيُّ ٱلۡحَمِيدُ

Peue nyang di langet ngon nyang di bumoe Bandum atra nyoe cit milek Allah 5 Tuhan that kaya hak that tapujoe

22:65

أَلَمۡ تَرَ أَنَّ ٱللَّهَ سَخَّرَ لَكُم مَّا فِي ٱلۡأَرۡضِ وَٱلۡفُلۡكَ تَجۡرِي فِي ٱلۡبَحۡرِ بِأَمۡرِهِۦ وَيُمۡسِكُ ٱلسَّمَآءَ أَن تَقَعَ عَلَى ٱلۡأَرۡضِ إِلَّا بِإِذۡنِهِۦٓۚ إِنَّ ٱللَّهَ بِٱلنَّاسِ لَرَءُوفٌ رَّحِيمٌ

Hana taeu roe kuasa Allah Neujok keu gata peue nyang di bumoe Bandum sinaroe tapeubuet mudah Kapai jilayeue ngon izin Tuhan Jiplueng dum tajam lam laot luah Neupeutheun langet han rhot u bumoe Meu kon izin nyo ka na bak Allah Keubit that sayang Tuhan keu insan Lagi pih Tuhan Maha Peumurah

22:66

وَهُوَ ٱلَّذِيٓ أَحۡيَاكُمۡ ثُمَّ يُمِيتُكُمۡ ثُمَّ يُحۡيِيكُمۡۗ إِنَّ ٱلۡإِنسَٰنَ لَكَفُورٌ

Tuhankeuh sidroè peuudep gata Peumate gata teuma lom bagah Neupeuhudep lom gata ‘oh lheueh nyan Teuma dum insan hana jipapah Hana jichukor dum jih keu ni‘mat

22:67

لِّكُلِّ أُمَّةٍ جَعَلۡنَا مَنسَكًا هُمۡ نَاسِكُوهُۖ فَلَا يُنَٰزِعُنَّكَ فِي ٱلۡأَمۡرِۚ وَٱدۡعُ إِلَىٰ رَبِّكَۖ إِنَّكَ لَعَلَىٰ هُدًى مُّسۡتَقِيمٍ

Teuma dum ummat Kamoe bri mudah Kamoe bri keu jih maseng syari ‘at Keunan jimumat hukom bek salah Gata deungon jih teuma bek dawa Urosan gata bek jijak bantah Teuma meuduʻa ubak-Po gata Neutunyok gata bak jalan Allah Jalan nyang teupat jalan nyang beuna

22:68

وَإِن جَٰدَلُوكَ فَقُلِ ٱللَّهُ أَعۡلَمُ بِمَا تَعۡمَلُونَ

Meunyo jidawa teuma tapeugah Takheun tapeubuet laju beurangpeue Bandum Nueteupeue teuma le Allah

22:69

ٱللَّهُ يَحۡكُمُ بَيۡنَكُمۡ يَوۡمَ ٱلۡقِيَٰمَةِ فِيمَا كُنتُمۡ فِيهِ تَخۡتَلِفُونَ

Uroe kiamat Neuhukom gata Allah Taʻala Kuasa leupah Teuntang peue-peue nyang tapeudong dawa Oh dudoe nyata beuna ngon salah

22:70

أَلَمۡ تَعۡلَمۡ أَنَّ ٱللَّهَ يَعۡلَمُ مَا فِي ٱلسَّمَآءِ وَٱلۡأَرۡضِۚ إِنَّ ذَٰلِكَ فِي كِتَٰبٍۚ إِنَّ ذَٰلِكَ عَلَى ٱللَّهِ يَسِيرٌ

Peue han tateupeue ‘eleumee Tuhan Dumpeue Neutuban ‘eleumee Allah Peue nyang di langet ngon nyang di bumoe Í Lam kitab dum nyoe ka lheueh Neukeubah Atra nyan mudah meunyo bak Tuhan

22:71

وَيَعۡبُدُونَ مِن دُونِ ٱللَّهِ مَا لَمۡ يُنَزِّلۡ بِهِۦ سُلۡطَٰنًا وَمَا لَيۡسَ لَهُم بِهِۦ عِلۡمٌۗ وَمَا لِلظَّٰلِمِينَ مِن نَّصِيرٍ

Teuma kon Tuhan dijih jiseumah Nyang hana dali tron nibak Tuhan c Jiseumah nyang nyan dijih kon Allah Meu jiteupeue tan nyang jiseumah nyan Keubit roe jih nyan lalem that leupah Hana soe tulong ureueng nyang lalem

22:72

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٍ تَعۡرِفُ فِي وُجُوهِ ٱلَّذِينَ كَفَرُواْ ٱلۡمُنكَرَۖ يَكَادُونَ يَسۡطُونَ بِٱلَّذِينَ يَتۡلُونَ عَلَيۡهِمۡ ءَايَٰتِنَاۗ قُلۡ أَفَأُنَبِّئُكُم بِشَرٍّ مِّن ذَٰلِكُمُۚ ٱلنَّارُ وَعَدَهَا ٱللَّهُ ٱلَّذِينَ كَفَرُواْۖ وَبِئۡسَ ٱلۡمَصِيرُ

Dijih jipeukhem dum ayat Allah Watee geubaca dum ayat Kamoe Muka jih dum nyoe cit ka le mirah Takalon meuri muka si kaphe Jiungki sabe peue nyang geupeugah Ureueng nyang baca dum ayat Kamoe Sang-sang jikiloe han le jikeubah

22:73

يَٰٓأَيُّهَا ٱلنَّاسُ ضُرِبَ مَثَلٌ فَٱسۡتَمِعُواْ لَهُۥٓۚ إِنَّ ٱلَّذِينَ تَدۡعُونَ مِن دُونِ ٱللَّهِ لَن يَخۡلُقُواْ ذُبَابًا وَلَوِ ٱجۡتَمَعُواْ لَهُۥۖ وَإِن يَسۡلُبۡهُمُ ٱلذُّبَابُ شَيۡـًٔا لَّا يَسۡتَنقِذُوهُ مِنۡهُۚ ضَعُفَ ٱلطَّالِبُ وَٱلۡمَطۡلُوبُ

Hai manusia na miseue saboh Tadeungo beujroh miseue geupeugah Peue nyang taseumah nyang bukon Tuhan Meubacut pih tan dijih na hilah Han ek jipeuget meusaboh lalat Bahle meupakat rame jih leupah Meunyo jireupah bak jih le lalat Meubacut that-that han ek jipeuglah Leumoh tan teuga ureueng meulakee Teumpat jilakee pih leumoh leupah

22:74

مَا قَدَرُواْ ٱللَّهَ حَقَّ قَدۡرِهِۦٓۚ إِنَّ ٱللَّهَ لَقَوِيٌّ عَزِيزٌ

Hana jituri pakriban Tuhan Jikira saban legee kon Allah Nyang keubit teuma Tuhan that teuga Maha Peurkasa teuga that leupah

22:75

ٱللَّهُ يَصۡطَفِي مِنَ ٱلۡمَلَٰٓئِكَةِ رُسُلًا وَمِنَ ٱلنَّاسِۚ إِنَّ ٱللَّهَ سَمِيعُۢ بَصِيرٌ

Tuhan Neupileh dum malaikat Rasul Hadharat jak ba peurintah Lom pih Neupileh dum manusia Nyang patot jak ba surohan Allah Keubit roe Tuhan Neudeungo dumpeue Neukalon dumpeue hana meuilah

22:76

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۚ وَإِلَى ٱللَّهِ تُرۡجَعُ ٱلۡأُمُورُ

Neuteupeue dumpeue nyang na di keue jih Nyang di likot jih pih hana ubah Bandum urosan peuwoe bak Tuhan

22:77

يَٰٓأَيُّهَا ٱلَّذِينَ ءَامَنُواْ ٱرۡكَعُواْ وَٱسۡجُدُواْۤ وَٱعۡبُدُواْ رَبَّكُمۡ وَٱفۡعَلُواْ ٱلۡخَيۡرَ لَعَلَّكُمۡ تُفۡلِحُونَ

Hai ureueng mukmin taruku‘ bagah Taruku‘ sujud taseumah Tuhan Po gata cit nyan laen dum salah Tapeubuet nyang got mangat jeuet gata Ureueng bahgia seunang that leupah

22:78

وَجَٰهِدُواْ فِي ٱللَّهِ حَقَّ جِهَادِهِۦۚ هُوَ ٱجۡتَبَىٰكُمۡ وَمَا جَعَلَ عَلَيۡكُمۡ فِي ٱلدِّينِ مِنۡ حَرَجٍۚ مِّلَّةَ أَبِيكُمۡ إِبۡرَٰهِيمَۚ هُوَ سَمَّىٰكُمُ ٱلۡمُسۡلِمِينَ مِن قَبۡلُ وَفِي هَٰذَا لِيَكُونَ ٱلرَّسُولُ شَهِيدًا عَلَيۡكُمۡ وَتَكُونُواْ شُهَدَآءَ عَلَى ٱلنَّاسِۚ فَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَٱعۡتَصِمُواْ بِٱللَّهِ هُوَ مَوۡلَىٰكُمۡۖ فَنِعۡمَ ٱلۡمَوۡلَىٰ وَنِعۡمَ ٱلنَّصِيرُ

Teuma tajihad bak jalan Tuhan Keubit berjuang bek sagai malaih Neupileh gata bandum le Tuhan Agamateuh nyan keubit that mudah Kon Neupeubeurat keu bandum gata Dalam agama bek takheun salah Agama ayahteuh nyang that halim Nabi Ibrahim geunaseh Allah Tuhan Neuboh nan gata Muslimin Ka dilee jameun meunan Neupeugah Meunan pih kana dalam kitab nyoe Saksi gata nyoe nyan Rasulullah Gata keusaksi dum manusia Seumbahyang teuma beuyakin leupah Tabri ngon zakeuet lom pih tamumat Ubak Hadharat nyang Maha Murah Bak taloe Tuhan beukong tamumat Po gata meuhat cit sidroe Allah Sineujroh tuan sineujroh rakan Nyang bri bantuan meuhat cit Allah AL-MU’MINUN (UREUENG-UREUENG M A2 f. Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah)

Translation: Tgk. H. Mahjiddin Jusuf.