Surah 72 · 28 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Al-Jinn in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

72:1

قُلۡ أُوحِيَ إِلَيَّ أَنَّهُ ٱسۡتَمَعَ نَفَرٌ مِّنَ ٱلۡجِنِّ فَقَالُوٓاْ إِنَّا سَمِعۡنَا قُرۡءَانًا عَجَبًا

Boola mbu: ‘‘enyoolele obufimbuli mbu toto omukanda mulala kwa Majini kwarechelesia nikuboola mbu: “efwe toto bwene khuwulile Ikurani yokhuchenyia

72:2

يَهۡدِيٓ إِلَى ٱلرُّشۡدِ فَـَٔامَنَّا بِهِۦۖ وَلَن نُّشۡرِكَ بِرَبِّنَآ أَحَدًا

Ilunjisinjia khubulunjifu, mana khuyisuubile, neshikhulisaasia Nyasaye wefu Omulesi nende shiosishiosi tawe

72:3

وَأَنَّهُۥ تَعَٰلَىٰ جَدُّ رَبِّنَا مَا ٱتَّخَذَ صَٰحِبَةً وَلَا وَلَدًا

Ne toto bwene Nyasaye wefu niwoluyali olukhongo abula Omukhasi nohomba Omwana

72:4

وَأَنَّهُۥ كَانَ يَقُولُ سَفِيهُنَا عَلَى ٱللَّهِ شَطَطًا

Ne khubwatoto abasilu mwifwe baboolanga khu Nyasaye obubeyi

72:5

وَأَنَّا ظَنَنَّآ أَن لَّن تَقُولَ ٱلۡإِنسُ وَٱلۡجِنُّ عَلَى ٱللَّهِ كَذِبًا

Ne efwe toto khwaparanga mbu Abandu nende Amajini shibanyala okhuboola obubeyi khu Nyasaye tawe

72:6

وَأَنَّهُۥ كَانَ رِجَالٌ مِّنَ ٱلۡإِنسِ يَعُوذُونَ بِرِجَالٍ مِّنَ ٱلۡجِنِّ فَزَادُوهُمۡ رَهَقًا

Netoto bwene Abasatsa okhurula Mubandu, bakhabanga okhwilinda khubasatsa beshijini, mana nibabameta tsimbi

72:7

وَأَنَّهُمۡ ظَنُّواْ كَمَا ظَنَنتُمۡ أَن لَّن يَبۡعَثَ ٱللَّهُ أَحَدًا

Netoto abo baparanga shingala muparanga mbu, Nyasaye shaliruma yesi yesi tawe

72:8

وَأَنَّا لَمَسۡنَا ٱلسَّمَآءَ فَوَجَدۡنَٰهَا مُلِئَتۡ حَرَسًا شَدِيدًا وَشُهُبًا

Ne toto khwatila khulikulu nikhunyoola lietsulaabalindiabalulunendetsing’ining’ini tsiomulilo

72:9

وَأَنَّا كُنَّا نَقۡعُدُ مِنۡهَا مَقَٰعِدَ لِلسَّمۡعِۖ فَمَن يَسۡتَمِعِ ٱلۡأٓنَ يَجِدۡ لَهُۥ شِهَابًا رَّصَدًا

Ne toto bwene khwekhalangamwo nikhurechelesia ne uletsa okhurechelesia bulaano alabukanana nende tsing’ining’ini tsiomulilo omululu

72:10

وَأَنَّا لَا نَدۡرِيٓ أَشَرٌّ أُرِيدَ بِمَن فِي ٱلۡأَرۡضِ أَمۡ أَرَادَ بِهِمۡ رَبُّهُمۡ رَشَدًا

Ne efwe shikhumanyile tawe nibenyelwa amabii abali khushialo nohomba Nyasaye wabu nabenyela obulunjifu

72:11

وَأَنَّا مِنَّا ٱلصَّٰلِحُونَ وَمِنَّا دُونَ ذَٰلِكَۖ كُنَّا طَرَآئِقَ قِدَدًا

Ne toto bwene mwifwe khulimwo nende abakholi bamalayi, ne abaandi balimwo balali bario tawe, khuli emikanda chikabukhane

72:12

وَأَنَّا ظَنَنَّآ أَن لَّن نُّعۡجِزَ ٱللَّهَ فِي ٱلۡأَرۡضِ وَلَن نُّعۡجِزَهُۥ هَرَبًا

Ne efwe khwamanya mbu shikhunyala okhushila Nyasaye khushialo tawe, neshikhunyala okhumushila tsimbilo tawe

72:13

وَأَنَّا لَمَّا سَمِعۡنَا ٱلۡهُدَىٰٓ ءَامَنَّا بِهِۦۖ فَمَن يُؤۡمِنۢ بِرَبِّهِۦ فَلَا يَخَافُ بَخۡسًا وَلَا رَهَقًا

Ne efwe olwakhawulila obulunjifu khwabufuchilila. ne usuubila mu Nyasaye wuwe Omulesi , sharitsanga okhwibilwa nohomba okhuboolelwa kalali katoto tawe

72:14

وَأَنَّا مِنَّا ٱلۡمُسۡلِمُونَ وَمِنَّا ٱلۡقَٰسِطُونَۖ فَمَنۡ أَسۡلَمَ فَأُوْلَٰٓئِكَ تَحَرَّوۡاْ رَشَدًا

Ne toto mwifwe balimwo Abasalamu, nende abalekha katoto, ne balia basilima, abo nibo baloonda obulunjifu

72:15

وَأَمَّا ٱلۡقَٰسِطُونَ فَكَانُواْ لِجَهَنَّمَ حَطَبًا

Ne balia balekha obwatoto baliba tsikhwi etsio mulilo kwa jahanam

72:16

وَأَلَّوِ ٱسۡتَقَٰمُواْ عَلَى ٱلطَّرِيقَةِ لَأَسۡقَيۡنَٰهُم مَّآءً غَدَقًا

Ne balunjikhanga khunjila yatoto, khwakhabanywesie amaatsi amaanji

72:17

لِّنَفۡتِنَهُمۡ فِيهِۚ وَمَن يُعۡرِضۡ عَن ذِكۡرِ رَبِّهِۦ يَسۡلُكۡهُ عَذَابًا صَعَدًا

Khulwo okhubatema khuko, ne ulechelesia amachelo ka Nyasayewe alanyoola eshinyasio eshilulu.’’

72:18

وَأَنَّ ٱلۡمَسَٰجِدَ لِلَّهِ فَلَا تَدۡعُواْ مَعَ ٱللَّهِ أَحَدًا

Ne toto emisikiti ni chia Nyasaye , kho mulalaama halala nende Nyasaye shiosishiosi tawe

72:19

وَأَنَّهُۥ لَمَّا قَامَ عَبۡدُ ٱللَّهِ يَدۡعُوهُ كَادُواْ يَكُونُونَ عَلَيۡهِ لِبَدًا

Ne toto olwa Omusumba wa Nyasaye yasinjila namulaama, ako (amajini) kalihambi okhumufwinya

72:20

قُلۡ إِنَّمَآ أَدۡعُواْ رَبِّي وَلَآ أُشۡرِكُ بِهِۦٓ أَحَدًا

Boola mbu: “ toto esie enamanga Nyasaye wanje omulesi ne shemutsokaasinjiakhwo nende yesi yesi tawe

72:21

قُلۡ إِنِّي لَآ أَمۡلِكُ لَكُمۡ ضَرًّا وَلَا رَشَدًا

Boola mbu: “esie embula obunyali bwokhubawumisia nohomba okhubalunjisia

72:22

قُلۡ إِنِّي لَن يُجِيرَنِي مِنَ ٱللَّهِ أَحَدٌ وَلَنۡ أَجِدَ مِن دُونِهِۦ مُلۡتَحَدًا

Boola mbu: “toto abulaho yesiyesi unyala okhuuninda okhurulana nende eshinyasio shia Nyasaye, ne shindilinyoola andakhelushila tawe halali khuye

72:23

إِلَّا بَلَٰغًا مِّنَ ٱللَّهِ وَرِسَٰلَٰتِهِۦۚ وَمَن يَعۡصِ ٱللَّهَ وَرَسُولَهُۥ فَإِنَّ لَهُۥ نَارَ جَهَنَّمَ خَٰلِدِينَ فِيهَآ أَبَدًا

Halali ndusie oburume okhurula khu Nyasaye nende indakano Ye, ne ukhaya Nyasaye nende Omurumwa wuwe, kho toto balinyoola Omulilo kwa jahanam, balimenyamwo tsinyanga tsiosi

72:24

حَتَّىٰٓ إِذَا رَأَوۡاْ مَا يُوعَدُونَ فَسَيَعۡلَمُونَ مَنۡ أَضۡعَفُ نَاصِرًا وَأَقَلُّ عَدَدًا

Okhula olwa balilola kabalakungwa balimanya mbu niwina omuteshele mubukhoonyi nende omuleemu

72:25

قُلۡ إِنۡ أَدۡرِيٓ أَقَرِيبٌ مَّا تُوعَدُونَ أَمۡ يَجۡعَلُ لَهُۥ رَبِّيٓ أَمَدًا

Boolambu:‘ esieengorwakamulakungwa kano nikali ahambi nohomba Nyasaye alakasitia ehale.”

72:26

عَٰلِمُ ٱلۡغَيۡبِ فَلَا يُظۡهِرُ عَلَىٰ غَيۡبِهِۦٓ أَحَدًا

Omumanyi wakefisile, ne shafunulilanga yesiyesi akefisa tawe

72:27

إِلَّا مَنِ ٱرۡتَضَىٰ مِن رَّسُولٍ فَإِنَّهُۥ يَسۡلُكُ مِنۢ بَيۡنِ يَدَيۡهِ وَمِنۡ خَلۡفِهِۦ رَصَدًا

Halali ulia wayachamila Mubarumwa, ne toto oyo amwelesinjia abalindi imbeli nende inyuma

72:28

لِّيَعۡلَمَ أَن قَدۡ أَبۡلَغُواْ رِسَٰلَٰتِ رَبِّهِمۡ وَأَحَاطَ بِمَا لَدَيۡهِمۡ وَأَحۡصَىٰ كُلَّ شَيۡءٍ عَدَدَۢا

Kho anyoole okhumanya toto bosia oburume bwa Nyasaye wabu, naye yamanya obulayi akabali ninako, ne yamanya obubasio bwabuli eshindu

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.