Surah 93 · 11 verses · Abdullah Muhammad Abu Bakr

Surah Ad-Duha in Swahili

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

93:1

وَٱلضُّحَىٰ

Mwenyezi Mungu Anaapa kwa wakati wa dhuha, na uliokusudiwa ni wakati wa mchana mzima

93:2

وَٱلَّيۡلِ إِذَا سَجَىٰ

Na kwa usiku utuliapo na viumbe na likashadidi giza lake. Mwenyezi Mungu Huapa kwa Atakacho katika viumbe vyake. Ama kiumbe, hafai kuapa kwa asiyekuwa Muumba wake. Kuapa kwa asiyekuwa Mwenyezi Mungu ni ushirikina

93:3

مَا وَدَّعَكَ رَبُّكَ وَمَا قَلَىٰ

Hakukuwacha Mola wako, ewe Mtume, wala Hakukuchukia kwa kuchelewesha kukuteremshiaWahyi

93:4

وَلَلۡأٓخِرَةُ خَيۡرٌ لَّكَ مِنَ ٱلۡأُولَىٰ

Na Nyumba ya Akhera ni bora kwako kuliko nyumba ya ulimwengu

93:5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Na Atakupa Mola wako, ewe Mtume, neema ya kila sampuli uridhike

93:6

أَلَمۡ يَجِدۡكَ يَتِيمًا فَـَٔاوَىٰ

Kwani Hakukupata, kabla ya hapo, kuwa ni yatima Akakukusanya na kukutunza

93:7

وَوَجَدَكَ ضَآلًّا فَهَدَىٰ

Na Akakupata hujui Kitabu wala Imani, Akakufundisha yale amabayo ulikuwa huyajui na akakuafikia kufanya amali bora

93:8

وَوَجَدَكَ عَآئِلًا فَأَغۡنَىٰ

Na Akakupata masikini, Akakuletea riziki yako na Akakutajirisha kwa kutosheka na kusubiri

93:9

فَأَمَّا ٱلۡيَتِيمَ فَلَا تَقۡهَرۡ

Basi yatima usimtende ubaya

93:10

وَأَمَّا ٱلسَّآئِلَ فَلَا تَنۡهَرۡ

Na muombaji usimkaripie, bali mlishe na umtimizie haja yake

93:11

وَأَمَّا بِنِعۡمَةِ رَبِّكَ فَحَدِّثۡ

Na ama neema ya Mola wako Aliyokuneemesha nayo izungumze

Translation: Abdullah Muhammad Abu Bakr.