Surah 92 · 21 verses · Abdullah Muhammad Abu Bakr

Surah Al-Layl in Swahili

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

92:1

وَٱلَّيۡلِ إِذَا يَغۡشَىٰ

Mwenyezi Mungu Anaapa kwa usiku unapoifinika ardhi na vilivyoko juu yake kwa giza lake

92:2

وَٱلنَّهَارِ إِذَا تَجَلَّىٰ

Na kwa mchana unapofunuka mwangaza wake kutoka kwenye giza la usiku

92:3

وَمَا خَلَقَ ٱلذَّكَرَ وَٱلۡأُنثَىٰٓ

Na kwa kuumba mbea mbili: ya kiume na ya kike

92:4

إِنَّ سَعۡيَكُمۡ لَشَتَّىٰ

Kuwa vitendo vyenu vinatofautiana: kuna wenye kufanyia dunia na wenye kufanyia Akhera

92:5

فَأَمَّا مَنۡ أَعۡطَىٰ وَٱتَّقَىٰ

Ama mwenye kutoa kwenye mali yake, akamcha Mwenyezi Mungu katika huko kutoa

92:6

وَصَدَّقَ بِٱلۡحُسۡنَىٰ

akaamini «Lā Ilāha Illā Allāh» na yanayotakiwa na Imani hiyo na akaamini malipo yanayofungamana nayo

92:7

فَسَنُيَسِّرُهُۥ لِلۡيُسۡرَىٰ

Tutamuongoza na kumuafikia njia za kheri na wema na kumsahilishia mambo yake

92:8

وَأَمَّا مَنۢ بَخِلَ وَٱسۡتَغۡنَىٰ

Na ama mwenye kuyafanyia ubakhili mali yake, asiwe na haja ya malipo ya Mola wake

92:9

وَكَذَّبَ بِٱلۡحُسۡنَىٰ

akakanusha neno la «Lā Ilāha Illā Allāh» na yanayotakiwa na neno hilo na akakanusha malipo yanayofungamana nalo

92:10

فَسَنُيَسِّرُهُۥ لِلۡعُسۡرَىٰ

Tutamnyoshea njia za mateso

92:11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Wala hayatamfaa yeye mali yake aliyoyafanyia ubakhili atakapotumbukia Motoni

92:12

إِنَّ عَلَيۡنَا لَلۡهُدَىٰ

Ni juu Yetu, kwa fadhila Zetu na busara Yetu, kueleza njia ya uongofu yenye kufikisha kwa Mwenyezi Mungu na ya upotevu

92:13

وَإِنَّ لَنَا لَلۡأٓخِرَةَ وَٱلۡأُولَىٰ

Na Sisi Tuna mamlaka ya maisha ya Akhera na maisha ya ulimwenguni

92:14

فَأَنذَرۡتُكُمۡ نَارًا تَلَظَّىٰ

Ndipo nikawaonya , enyi watu, na kuwatisha moto wenye kuwaka, nao ni moto wa Jahanamu

92:15

لَا يَصۡلَىٰهَآ إِلَّا ٱلۡأَشۡقَى

Hataingia Moto huo isipokuwa aliyekuwa mbaya sana. Mwenye kumkanusha Nabii Muhammad, rehema ya Mwenyezi Mungu na amani zimshukie

92:16

ٱلَّذِي كَذَّبَ وَتَوَلَّىٰ

na akakataa kumwamini na kumtii Mwenyezi Mungu na Mtume wake

92:17

وَسَيُجَنَّبُهَا ٱلۡأَتۡقَى

Na ataepushwa nao mchaji Mwenyezi Mungu sana

92:18

ٱلَّذِي يُؤۡتِي مَالَهُۥ يَتَزَكَّىٰ

Ambaye hutoa mali yake kwa kutaka nyongeza za kheri

92:19

وَمَا لِأَحَدٍ عِندَهُۥ مِن نِّعۡمَةٍ تُجۡزَىٰٓ

kutoa Kwake si kwa kulipa zema alizofanyiwa na mtu

92:20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Lakini anatoa kwa kutaka uso wa Mola wake na radhi zake. Basi Mwenyezi Mungu atampa

92:21

وَلَسَوۡفَ يَرۡضَىٰ

huko Peponi, malipo ya kumridhisha

Translation: Abdullah Muhammad Abu Bakr.