Surah 11 · 123 verses · Tgk. H. Mahjiddin Jusuf

Surah Hud in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

11:1

الٓرۚ كِتَٰبٌ أُحۡكِمَتۡ ءَايَٰتُهُۥ ثُمَّ فُصِّلَتۡ مِن لَّدُنۡ حَكِيمٍ خَبِيرٍ

Tuhan nyang teupue meukeusud ayat Sabab Hadharat hana Neupeugah Got that meuato ayat kitab nyoe Geupeutrang sinoe peue nyang geupeugah Asai bak Tuhan nyang bijaksana Allah Taʻala ‘eleumee luah

11:2

أَلَّا تَعۡبُدُوٓاْ إِلَّا ٱللَّهَۚ إِنَّنِي لَكُم مِّنۡهُ نَذِيرٌ وَبَشِيرٌ

Mangat gata dum taseumah Tuhan C Meunyo kon Tuhan bek roh taseumah Di Lon keu gata dum lonpeuingat Lom haba mangat Neuyue le Allah

11:3

وَأَنِ ٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِ يُمَتِّعۡكُم مَّتَٰعًا حَسَنًا إِلَىٰٓ أَجَلٍ مُّسَمًّى وَيُؤۡتِ كُلَّ ذِي فَضۡلٍ فَضۡلَهُۥۖ وَإِن تَوَلَّوۡاْ فَإِنِّيٓ أَخَافُ عَلَيۡكُمۡ عَذَابَ يَوۡمٍ كَبِيرٍ

Talakee ampon lom bak Po gata : Tatoubat teuma nibak dum salah Toubat bak Tuhan nak Neubri nekmat ; Seunang taudep di bumoe Allah Taudep seunang hingga troh watee Nyang ka meuteuntee han jeut meuubah Soe nyang got budi Neubri karonya Nyang han tem teuma azeub that leupah Di lon lontakot meunyo tapaleng Sabab han tatem azeub Neubalah Uroe kiamat that haro-hara

11:4

إِلَى ٱللَّهِ مَرۡجِعُكُمۡۖ وَهُوَ عَلَىٰ كُلِّ شَيۡءٍ قَدِيرٌ

Bandum na gata tawoe bak Allah Tuhanku sidroe Maha Kuasa Bandum peukara kuasa Allah

11:5

أَلَآ إِنَّهُمۡ يَثۡنُونَ صُدُورَهُمۡ لِيَسۡتَخۡفُواْ مِنۡهُۚ أَلَا حِينَ يَسۡتَغۡشُونَ ثِيَابَهُمۡ يَعۡلَمُ مَا يُسِرُّونَ وَمَا يُعۡلِنُونَۚ إِنَّهُۥ عَلِيمُۢ بِذَاتِ ٱلصُّدُورِ

Na roh tateupue jipaleng dada Bek leumah muka Neu-eu le Allah Jimeukeuleubong jilimbot ija Allah Taʻala Neuteupue sudah Tuhan Neuteupue bandum rahsia Got lahe nyata peue nyang tapeugah Peue nyang lam dada bandum Neuteupue Hana Meusapeue nyang na meuilah QUZ

11:6

وَمَا مِن دَآبَّةٍ فِي ٱلۡأَرۡضِ إِلَّا عَلَى ٱللَّهِ رِزۡقُهَا وَيَعۡلَمُ مُسۡتَقَرَّهَا وَمُسۡتَوۡدَعَهَاۚ كُلٌّ فِي كِتَٰبٍ مُّبِينٍ

Dum nyang meulata nyang jak lam bum Raseuki jihnyoe ka na bak Allah Teumpat teutapjih pih ka Neutupat Nyang jitroh meuhat Neuteupue sudah Bandum ka Iheuh na di dalam kitab Sinan nyata that ‘eleumee Allah

11:7

وَهُوَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٍ وَكَانَ عَرۡشُهُۥ عَلَى ٱلۡمَآءِ لِيَبۡلُوَكُمۡ أَيُّكُمۡ أَحۡسَنُ عَمَلًاۗ وَلَئِن قُلۡتَ إِنَّكُم مَّبۡعُوثُونَ مِنۢ بَعۡدِ ٱلۡمَوۡتِ لَيَقُولَنَّ ٱلَّذِينَ كَفَرُوٓاْ إِنۡ هَٰذَآ إِلَّا سِحۡرٌ مُّبِينٌ

Tuhan nyang peujeut langet ngon bumoe Dalam nam uroe bandum ka sudah y ‘Arasy Neuh teuma sideh ateuh ie Mangat Neuuji soe nyang meutuah Soe nyang leubeh got buet jih disinoe Teuma na cit nyoe nyang laen ulah Meunyo tapeugah keubit dum gata Neubangket teuma dudoe le Allah Neubangket dudoe watee lheuh mate Teuma di kaphe laju jibantah Jikheun nyoe sihe leupah that nyata

11:8

وَلَئِنۡ أَخَّرۡنَا عَنۡهُمُ ٱلۡعَذَابَ إِلَىٰٓ أُمَّةٍ مَّعۡدُودَةٍ لَّيَقُولُنَّ مَا يَحۡبِسُهُۥٓۗ أَلَا يَوۡمَ يَأۡتِيهِمۡ لَيۡسَ مَصۡرُوفًا عَنۡهُمۡ وَحَاقَ بِهِم مَّا كَانُواْ بِهِۦ يَسۡتَهۡزِءُونَ

Teuma meunyo ka Kamoe peuleupah i Kamoe peududoe keu jihnyan azeub Hana rijang that Kamoe bri balah Hingga padum trep Kamoe bri watee Yohnyan meuteuntee jikheun le bagah Pakon ka meuthon hana troh lagoe Nyan beu tateupue kon na meuilah Han cit glah di jih teuma bak azeub Ban nyang jipubuet teuntee geubalah Peue nyang uroejeh jiulok-ulok Jinoe jih geucok jeut keubeunalah

11:9

وَلَئِنۡ أَذَقۡنَا ٱلۡإِنسَٰنَ مِنَّا رَحۡمَةً ثُمَّ نَزَعۡنَٰهَا مِنۡهُ إِنَّهُۥ لَيَـُٔوسٌ كَفُورٌ

Meunyo keu insan Kamoe bri rahmat Jirasa mangat seunang sileupah Lheuhnyan Kamoe cok rahmat nyan teuma Jeut putoh asa di jih le bagah Han jiingat le keu guna dilee

11:10

وَلَئِنۡ أَذَقۡنَٰهُ نَعۡمَآءَ بَعۡدَ ضَرَّآءَ مَسَّتۡهُ لَيَقُولَنَّ ذَهَبَ ٱلسَّيِّـَٔاتُ عَنِّيٓۚ إِنَّهُۥ لَفَرِحٌ فَخُورٌ

Laen lom lagee meunyo jih ka glah Meunyo jih ka glah nibak meularat Kamoe bri nekmat keu jih le bagah Jikheun le di lon hana le bala Galak jih raya seunang sileupah Teukabo raya di jih watee nyan

11:11

إِلَّا ٱلَّذِينَ صَبَرُواْ وَعَمِلُواْ ٱلصَّٰلِحَٰتِ أُوْلَٰٓئِكَ لَهُم مَّغۡفِرَةٌ وَأَجۡرٌ كَبِيرٌ

Meulengkan nyang han ureueng meutuah Ureueng nyang saba amai pih got that Ampon Hadharat keu gopnyan bagah Lom pih ureueng nyan pahla raya that

11:12

فَلَعَلَّكَ تَارِكُۢ بَعۡضَ مَا يُوحَىٰٓ إِلَيۡكَ وَضَآئِقُۢ بِهِۦ صَدۡرُكَ أَن يَقُولُواْ لَوۡلَآ أُنزِلَ عَلَيۡهِ كَنزٌ أَوۡ جَآءَ مَعَهُۥ مَلَكٌۚ إِنَّمَآ أَنتَ نَذِيرٌۚ وَٱللَّهُ عَلَىٰ كُلِّ شَيۡءٍ وَكِيلٌ

Di gata meuhat peutroh peurintah Sang-sang di gata ka picek dada Tatinggai teuma ladom peurintah Sabab dum jikheun pakon han teuma Gudang areuta Neubri le Allah Pakon han Neubri arta beu le that Got malaikat sajan jak bagah Got malaikat got pih areuta Keunan keu gata Neubri le Allah Teuma di gata meutapeuingat Bek jeut han mangat ateteuh susah Dumpeue cit Tuhan bak tapeujokdroe Jikheun barangpeue bek jeut keugundah

11:13

أَمۡ يَقُولُونَ ٱفۡتَرَىٰهُۖ قُلۡ فَأۡتُواْ بِعَشۡرِ سُوَرٍ مِّثۡلِهِۦ مُفۡتَرَيَٰتٍ وَٱدۡعُواْ مَنِ ٱسۡتَطَعۡتُم مِّن دُونِ ٱللَّهِ إِن كُنتُمۡ صَٰدِقِينَ

Atawa jikheun tapeuna-peuna d Atra nyang taba kon nibak Allah Takheun boh jinoe tacuba peugot Siploh boh surat bek le that leupah Tapeugot-peugot beu saban asoe Tahe barangsoe nyang ceudah-ceudah Nyang bukon Tuhan tahoi le gata Meunyo bit beunar lagee tapeugah

11:14

فَإِلَّمۡ يَسۡتَجِيبُواْ لَكُمۡ فَٱعۡلَمُوٓاْ أَنَّمَآ أُنزِلَ بِعِلۡمِ ٱللَّهِ وَأَن لَّآ إِلَٰهَ إِلَّا هُوَۖ فَهَلۡ أَنتُم مُّسۡلِمُونَ

Meunyo han jitem lagee takheunnyoe Beuna tateupue nyan tron bak Allah Tuhan Neuteupue bandum atranyan Cit hana Tuhan meulengkan Allah Boh teuma gata tatem iseulam

11:15

مَن كَانَ يُرِيدُ ٱلۡحَيَوٰةَ ٱلدُّنۡيَا وَزِينَتَهَا نُوَفِّ إِلَيۡهِمۡ أَعۡمَٰلَهُمۡ فِيهَا وَهُمۡ فِيهَا لَا يُبۡخَسُونَ

Teuma soe hiram keuudep mewah Soe nyang meunapsu keuudep donya Seunang lagoina harek that leupah Kamoe bri beu sep buetjih di sinan Han sapeue kureueng dumpeue cit mudah

11:16

أُوْلَٰٓئِكَ ٱلَّذِينَ لَيۡسَ لَهُمۡ فِي ٱلۡأٓخِرَةِ إِلَّا ٱلنَّارُۖ وَحَبِطَ مَا صَنَعُواْ فِيهَا وَبَٰطِلٌ مَّا كَانُواْ يَعۡمَلُونَ

Teuma awaknyan uroe akhirat Meuteumeung teumpat nuraka juah Luroh dum amai nyang ka jipubuet Hana meubacut pih na geukeubah Meunyo na nyang got abeh dum bateue Hana meusapeue pih na phaedah

11:17

أَفَمَن كَانَ عَلَىٰ بَيِّنَةٍ مِّن رَّبِّهِۦ وَيَتۡلُوهُ شَاهِدٌ مِّنۡهُ وَمِن قَبۡلِهِۦ كِتَٰبُ مُوسَىٰٓ إِمَامًا وَرَحۡمَةًۚ أُوْلَٰٓئِكَ يُؤۡمِنُونَ بِهِۦۚ وَمَن يَكۡفُرۡ بِهِۦ مِنَ ٱلۡأَحۡزَابِ فَٱلنَّارُ مَوۡعِدُهُۥۚ فَلَا تَكُ فِي مِرۡيَةٍ مِّنۡهُۚ إِنَّهُ ٱلۡحَقُّ مِن رَّبِّكَ وَلَٰكِنَّ أَكۡثَرَ ٱلنَّاسِ لَا يُؤۡمِنُونَ

Teuma boh pakri ureueng sidroe treuk Nyang ka Neutunyok keu jih le Allah Saksi pih ka na nyang baca sinan Dilee nibaknyan pih ka geupeugah Lam kitab Musa jeut keu teuladan Ngon rahmat Tuhan sinan meulimpah Gopnyan meuiman bandum atranyan Ek saban ngon nyan ureueng nyang salah Awak nyang kaphe lam kawan nyan dum Teumpat jih bandum nuraka hiwah Ka lheuh geujanji keu jih nuraka Bek na chok gata sagai meuilah Nyan keubeunaran sideh bak Tuhan Teutapi insan le that nyang salah Le manusia nyang han meuiman

11:18

وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًاۚ أُوْلَٰٓئِكَ يُعۡرَضُونَ عَلَىٰ رَبِّهِمۡ وَيَقُولُ ٱلۡأَشۡهَٰدُ هَٰٓؤُلَآءِ ٱلَّذِينَ كَذَبُواْ عَلَىٰ رَبِّهِمۡۚ أَلَا لَعۡنَةُ ٱللَّهِ عَلَى ٱلظَّٰلِمِينَ

Soe leubeh lalem tacuba peugah Soe leubeh lalem nibak jih meuhat Nyang peuna sulet jikheun keu Allah Ukeu Po jih dum teuma jih geuba Saksi cit teuka dum geujak peugah Nyoekeuh jih nyang kheun sulet keu Tuhan Dum laknat Tuhan keu jih geuruah Tuhan Neulaknat ureueng nyang lalem

11:19

ٱلَّذِينَ يَصُدُّونَ عَن سَبِيلِ ٱللَّهِ وَيَبۡغُونَهَا عِوَجًا وَهُم بِٱلۡأٓخِرَةِ هُمۡ كَٰفِرُونَ

Jijak han jitem bak jalan Allah Jitham jak keunoe jiyue ho laen Jalan nyang licen di jih jikeubah Jalan nyang ceukok di jih galak that Uroe akhirat pih jikheun salah Di jih jikaphe uroe akhirat

11:20

أُوْلَٰٓئِكَ لَمۡ يَكُونُواْ مُعۡجِزِينَ فِي ٱلۡأَرۡضِ وَمَا كَانَ لَهُم مِّن دُونِ ٱللَّهِ مِنۡ أَوۡلِيَآءَۘ يُضَٰعَفُ لَهُمُ ٱلۡعَذَابُۚ مَا كَانُواْ يَسۡتَطِيعُونَ ٱلسَّمۡعَ وَمَا كَانُواْ يُبۡصِرُونَ

Han ek roh meuhat jilawan Allah Han ek jiteuntang Tuhan di bumoe Tan wali jihnyoe meunyo kon Allah Azeub that keu jih meuganda-ganda : Han ek jideunge peue nyang geupeugah Peue nyang ka nyata han deuh jikalon

11:21

أُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ وَضَلَّ عَنۡهُم مَّا كَانُواْ يَفۡتَرُونَ

Awaknyan bandum rugoe sileupah Jipeurugoe droe kon ureueng laen Ka sisat bandum peue nyang jiseumah Peue nyang jipeuna hana meuho le

11:22

لَا جَرَمَ أَنَّهُمۡ فِي ٱلۡأٓخِرَةِ هُمُ ٱلۡأَخۡسَرُونَ

Rugoe jih kon le hana peue peugah Hana peue tachok uroe akhirat Awaknyan meuhat rugoe that leupah

11:23

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَأَخۡبَتُوٓاْ إِلَىٰ رَبِّهِمۡ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ

Ureueng meuiman lom geupubuet got Khuchu‘ ‘ibadat taʻat keu Allah Nyankeuh ureueng nyan asoe churuga Keukai simasa sinan geukeubah

11:24

مَثَلُ ٱلۡفَرِيقَيۡنِ كَٱلۡأَعۡمَىٰ وَٱلۡأَصَمِّ وَٱلۡبَصِيرِ وَٱلسَّمِيعِۚ هَلۡ يَسۡتَوِيَانِ مَثَلًاۚ أَفَلَا تَذَكَّرُونَ

Dua peureute miseu jih teuma Lagee sibuta hana meuubah Sibuta tuloe ngon nyang deuh kalon Deunge pih meunan ek saban ulah Nyang deuh keumalon ngon nyang deuh deung Ek saban teuma tacuba peugah Peue han di gata jeut keu peuingat Miseu cit nyoe that hana meuubah

11:25

وَلَقَدۡ أَرۡسَلۡنَا نُوحًا إِلَىٰ قَوۡمِهِۦٓ إِنِّي لَكُمۡ نَذِيرٌ مُّبِينٌ

Kamoe kirem Noh bak kawom gopnyan Geukheun treuk yohnyan lonba peurintah Haba peuingat lonba nyang nyata Keu bandum gata Neuyue le Allah

11:26

أَن لَّا تَعۡبُدُوٓاْ إِلَّا ٱللَّهَۖ إِنِّيٓ أَخَافُ عَلَيۡكُمۡ عَذَابَ يَوۡمٍ أَلِيمٍ

Bek roh taseumah meulengkan Tuhan Laen nibaknyan bandum cit salah Allah keuh Tuhan nyang Maha Esa Lontakot gata roh dalam salah Lontakot azeub teuma peudeh that Uroe akhirat Tuhan Neubalah Uroenyan teuma that haro-hara

11:27

فَقَالَ ٱلۡمَلَأُ ٱلَّذِينَ كَفَرُواْ مِن قَوۡمِهِۦ مَا نَرَىٰكَ إِلَّا بَشَرًا مِّثۡلَنَا وَمَا نَرَىٰكَ ٱتَّبَعَكَ إِلَّا ٱلَّذِينَ هُمۡ أَرَاذِلُنَا بَادِيَ ٱلرَّأۡيِ وَمَا نَرَىٰ لَكُمۡ عَلَيۡنَا مِن فَضۡلِۭ بَلۡ نَظُنُّكُمۡ كَٰذِبِينَ

Jiseuot teuma kaphe seurakah Awak nyang kaphe lam kawan gopnyan Jikheun peue rohnyan keunoe tapeugah Gata kon insan cit lagee kamoe Bek tapeureunoe kamoe ka ceudah Kamoe eu ureueng nyang ikot gata Rakyat jeulata nyang khek that leupah Awak nyang bangai lam kawan kamoe Nyan rijang jinoe pateh peurintah Gata tan leubeh roh nibak kamoe Keupeue atranyoe dum tajak peugah Bak karoe kira gata sulet that

11:28

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَءَاتَىٰنِي رَحۡمَةً مِّنۡ عِندِهِۦ فَعُمِّيَتۡ عَلَيۡكُمۡ أَنُلۡزِمُكُمُوهَا وَأَنتُمۡ لَهَا كَٰرِهُونَ

Geuseuot ligat le Noh meutuah Wahe kawomlon pakri tapike Meunyo na dali Neubri le Allah Tanda nyang nyata nibak Tuhanlon Rahmat lom keu lon Neubri le Allah Teuma ka padok bak mata gata Peue ek lonpaksa teuma lonpeugah Di gata bandum cit beunci teuh nyan

11:29

وَيَٰقَوۡمِ لَآ أَسۡـَٔلُكُمۡ عَلَيۡهِ مَالًاۖ إِنۡ أَجۡرِيَ إِلَّا عَلَى ٱللَّهِۚ وَمَآ أَنَا۠ بِطَارِدِ ٱلَّذِينَ ءَامَنُوٓاْۚ إِنَّهُم مُّلَٰقُواْ رَبِّهِمۡ وَلَٰكِنِّيٓ أَرَىٰكُمۡ قَوۡمًا تَجۡهَلُونَ

Hai kawomlon tan lonlakee upah Kon na meunapśu di lon areuta Upah lon ka na sideh bak Allah Teuma han lonlet ureueng meuiman Meuteumee gopnyan teuma ngon Allah Tapi lonkalon gata han meuphom Gata dum kawom ka roh lam salah

11:30

وَيَٰقَوۡمِ مَن يَنصُرُنِي مِنَ ٱللَّهِ إِن طَرَدتُّهُمۡۚ أَفَلَا تَذَكَّرُونَ

Wahe kawomlon soe nyang tulonglon Meunyo ureueng nyan lonlet tan salah Soe nyang ek peuglah lon nibak Tuhan Soe nyang ek lawan tacuba peugah Peue gata dum han jeut keu peuingat

11:31

وَلَآ أَقُولُ لَكُمۡ عِندِي خَزَآئِنُ ٱللَّهِ وَلَآ أَعۡلَمُ ٱلۡغَيۡبَ وَلَآ أَقُولُ إِنِّي مَلَكٌ وَلَآ أَقُولُ لِلَّذِينَ تَزۡدَرِيٓ أَعۡيُنُكُمۡ لَن يُؤۡتِيَهُمُ ٱللَّهُ خَيۡرًاۖ ٱللَّهُ أَعۡلَمُ بِمَا فِيٓ أَنفُسِهِمۡ إِنِّيٓ إِذًا لَّمِنَ ٱلظَّٰلِمِينَ

Ken lonkheun le that atralon keubah Gudang areuta Neubri le Tuhan Peue le that bak lon hana lonpeugah ‘Eleumee gaeb hana lonteupue Sabab atranyan ‘eleumee Allah Hana lon peugah lon malaikat Ureueng meularat pih tan lonpeugah Ureueng nyang hina bak mata gata Tan lonkheun hina Neubri le allah Han Neubri nyang got akan ureueng nyan ‘Eleumee Tuhan han jeut lonpeugah Tuhan nyang teupue keu hai ureueng nyan Meunyo lonkheun nyan lon lalem leupah

11:32

قَالُواْ يَٰنُوحُ قَدۡ جَٰدَلۡتَنَا فَأَكۡثَرۡتَ جِدَٰلَنَا فَأۡتِنَا بِمَا تَعِدُنَآ إِن كُنتَ مِنَ ٱلصَّٰدِقِينَ

Jikheun treuk hai Noh raya that dawa Kamoe ngon gata le that peue peugah Peue nyang tajanji jinoe peuteuka Meunyo bit beunar peue nyang tapeugah

11:33

قَالَ إِنَّمَا يَأۡتِيكُم بِهِ ٱللَّهُ إِن شَآءَ وَمَآ أَنتُم بِمُعۡجِزِينَ

Geukheun meunyo ka kheundak bak Tuhan Han ek talawan kuasa Allah

11:34

وَلَا يَنفَعُكُمۡ نُصۡحِيٓ إِنۡ أَرَدتُّ أَنۡ أَنصَحَ لَكُمۡ إِن كَانَ ٱللَّهُ يُرِيدُ أَن يُغۡوِيَكُمۡۚ هُوَ رَبُّكُمۡ وَإِلَيۡهِ تُرۡجَعُونَ

Tan guna gata lonbri nasehat Meu Neupeusisat gata le Allah Meunyo heʻut Tuhan peusisat gata Tuhan Po gata kuasa leupah Bak Tuhan teuma tawoe dum gata

11:35

أَمۡ يَقُولُونَ ٱفۡتَرَىٰهُۖ قُلۡ إِنِ ٱفۡتَرَيۡتُهُۥ فَعَلَيَّ إِجۡرَامِي وَأَنَا۠ بَرِيٓءٌ مِّمَّا تُجۡرِمُونَ

Boh peuna-peuna meunan jipeugah i Takheun meunyo lon nyang peuna-peuna Lon nyang meudacha teurimong salah Teuma lon ka glah nibak buet gata Raya that dachateuh han ek peugah

11:36

وَأُوحِيَ إِلَىٰ نُوحٍ أَنَّهُۥ لَن يُؤۡمِنَ مِن قَوۡمِكَ إِلَّا مَن قَدۡ ءَامَنَ فَلَا تَبۡتَئِسۡ بِمَا كَانُواْ يَفۡعَلُونَ

Teuma tron wahi ubak Nabi Noh Bek gata meh-moh keu kawom salah Han jimeuiman bandum keu gata Meulengkan nyang ka kheundak bak Allah Nyang ka meuiman nyankeuh ngon gata Nyang laen teuma bek gata susah Bek susah gata peue nyang jipubuet

11:37

وَٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ

Jinoe peue nyang jeut tapeugot bagah Tapeugot kapai kamoe peureunoe Wahi bak kamoe gata peurintah Nyang bek talakee bak lon silalem Bandum jih karam lam laot luah

11:38

وَيَصۡنَعُ ٱلۡفُلۡكَ وَكُلَّمَا مَرَّ عَلَيۡهِ مَلَأٌ مِّن قَوۡمِهِۦ سَخِرُواْ مِنۡهُۚ قَالَ إِن تَسۡخَرُواْ مِنَّا فَإِنَّا نَسۡخَرُ مِنكُمۡ كَمَا تَسۡخَرُونَ

Teuma Nabi Noh neupeugot kapai Jijak kalon hai le awak salah Oh troh jih keunan jiulok-ulok Jikheun ho tajak nyan dum ka keumah Neukheun jinoe jeut taulok-ulok Teuma kamoe cok cit meutueng balah Kamoe peuulok teuma keu gata

11:39

فَسَوۡفَ تَعۡلَمُونَ مَن يَأۡتِيهِ عَذَابٌ يُخۡزِيهِ وَيَحِلُّ عَلَيۡهِ عَذَابٌ مُّقِيمٌ

Tateupue teuma azeub that leupah Tateupue keu soe azeub that hina Keukai silama han le meuubah

11:40

حَتَّىٰٓ إِذَا جَآءَ أَمۡرُنَا وَفَارَ ٱلتَّنُّورُ قُلۡنَا ٱحۡمِلۡ فِيهَا مِن كُلٍّ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ وَمَنۡ ءَامَنَۚ وَمَآ ءَامَنَ مَعَهُۥٓ إِلَّا قَلِيلٌ

Hingga troh watee Kamoe bri balah Bak dapu raya beureutoh bagah Kamoe kheun taba meupasang-pasang Inong ngon agam mantong tapeuglah Ngon ahli gata pih bandum taba Meulengkan nyang ka teukeudi Allah Ureueng meuiman pih bandum taba Padum droe sahja nyang na got tuah Nyang laen bandum hana meuiman

11:41

وَقَالَ ٱرۡكَبُواْ فِيهَا بِسۡمِ ٱللَّهِ مَجۡر۪ىٰهَا وَمُرۡسَىٰهَآۚ إِنَّ رَبِّي لَغَفُورٌ رَّحِيمٌ

Kheun Noh le yohnyan boh taek bagah Ngon Nama Allah tanyoe beurangkat ‘Oh dudoe meuhat tapiyoh payah Keubit Tuhanlon Maha Pengampon Lom pih Tuhanlon Maha Pemurah

11:42

وَهِيَ تَجۡرِي بِهِمۡ فِي مَوۡجٍ كَٱلۡجِبَالِ وَنَادَىٰ نُوحٌ ٱبۡنَهُۥ وَكَانَ فِي مَعۡزِلٍ يَٰبُنَيَّ ٱرۡكَب مَّعَنَا وَلَا تَكُن مَّعَ ٱلۡكَٰفِرِينَ

Kapai meulayeu deungon ureueng nyan Bakat geulombang sang gle Seulawah Nabi Noh meuhei aneuk agamneuh Neukalon jih deuh jioh meupisah Hai aneuk keunoe ek sajan kamoe Bek karam teuh nyoe ngon kaphe jadah

11:43

قَالَ سَـَٔاوِيٓ إِلَىٰ جَبَلٍ يَعۡصِمُنِي مِنَ ٱلۡمَآءِۚ قَالَ لَا عَاصِمَ ٱلۡيَوۡمَ مِنۡ أَمۡرِ ٱللَّهِ إِلَّا مَن رَّحِمَۚ وَحَالَ بَيۡنَهُمَا ٱلۡمَوۡجُ فَكَانَ مِنَ ٱلۡمُغۡرَقِينَ

Jikheun jeut lon ek keudeh ateuh gle le nyoe han troh le bak pucok meugah Kheun Noh hana soe peusiblah gata Atranyoe bala Neubri le Allah Meulengkan ureueng nyang gaseh Tuhan Bakat troh keunan teuma meuruah Aneuk Noh teuma hana leumah le Karam ka meucre lam laot mirah

11:44

وَقِيلَ يَٰٓأَرۡضُ ٱبۡلَعِي مَآءَكِ وَيَٰسَمَآءُ أَقۡلِعِي وَغِيضَ ٱلۡمَآءُ وَقُضِيَ ٱلۡأَمۡرُ وَٱسۡتَوَتۡ عَلَى ٱلۡجُودِيِّۖ وَقِيلَ بُعۡدًا لِّلۡقَوۡمِ ٱلظَّٰلِمِينَ

Geukheun hai bumoe kaʻuet ie keuhnyan Hai langet ujeun ka piyoh di kah Je laot karhiet tophan pih abeh Kapai ka teueh ie ka dheu leupah Kapai ka santok bak buket judi Geukheun bak kaphe binasa sudah Kawom nyang lalem abeh binasa

11:45

وَنَادَىٰ نُوحٌ رَّبَّهُۥ فَقَالَ رَبِّ إِنَّ ٱبۡنِي مِنۡ أَهۡلِي وَإِنَّ وَعۡدَكَ ٱلۡحَقُّ وَأَنتَ أَحۡكَمُ ٱلۡحَٰكِمِينَ

Teuma kheun sigra Noh Rasul Allah Tuhanku pakri aneuk agamlon Han jipateh lon aneuk meutuah Ka troh janji Droeuneuh wahe Tuhan Droeuneuh keuh hakim ade sileupah

11:46

قَالَ يَٰنُوحُ إِنَّهُۥ لَيۡسَ مِنۡ أَهۡلِكَۖ إِنَّهُۥ عَمَلٌ غَيۡرُ صَٰلِحٍۖ فَلَا تَسۡـَٔلۡنِ مَا لَيۡسَ لَكَ بِهِۦ عِلۡمٌۖ إِنِّيٓ أَعِظُكَ أَن تَكُونَ مِنَ ٱلۡجَٰهِلِينَ

Kheun Tuhan hai Noh jih darohaka Kon ahli gata amaijih salah Tan amai saleh aneuk gatanyan Bek talakee nyan hana phaedah Hana tateupue hai jih di gata Beu ingat gata bek jeut keu salah Bek roh jeut gata ureueng nyang jahe

11:47

قَالَ رَبِّ إِنِّيٓ أَعُوذُ بِكَ أَنۡ أَسۡـَٔلَكَ مَا لَيۡسَ لِي بِهِۦ عِلۡمٌۖ وَإِلَّا تَغۡفِرۡ لِي وَتَرۡحَمۡنِيٓ أَكُن مِّنَ ٱلۡخَٰسِرِينَ

Nabi Noh kħeun le aʻuzubillah Lonlakee lindong bak Droeneuh Tuhan Bek roh lontuan lakee nyang salah Bek roh lonlakee nyang han lonteupue Keubit beuragoe jahe sileupah Meu han Neuampon ngon Neugaseh lon Meuhat jeut treuk lon rugoe sileupah

11:48

قِيلَ يَٰنُوحُ ٱهۡبِطۡ بِسَلَٰمٍ مِّنَّا وَبَرَكَٰتٍ عَلَيۡكَ وَعَلَىٰٓ أُمَمٍ مِّمَّن مَّعَكَۚ وَأُمَمٌ سَنُمَتِّعُهُمۡ ثُمَّ يَمَسُّهُم مِّنَّا عَذَابٌ أَلِيمٌ

Geukheun treuk hai Noh jak le tron jinoe Saleum bak kamoe gata ka leupah Le that beureukat u ateuh gata Ngon umat gata nyang raya tuah Nyang tem jak sajan sapat ngon gata Nyang laen teuma karoh lam salah Dudoe na umat kamoe bri seunang Udep lam aman hana tom susah ‘Oh lheuhnyan di jih azeub peudeh that Nyankeuh akibat meunyo ka salah

11:49

تِلۡكَ مِنۡ أَنۢبَآءِ ٱلۡغَيۡبِ نُوحِيهَآ إِلَيۡكَۖ مَا كُنتَ تَعۡلَمُهَآ أَنتَ وَلَا قَوۡمُكَ مِن قَبۡلِ هَٰذَاۖ فَٱصۡبِرۡۖ إِنَّ ٱلۡعَٰقِبَةَ لِلۡمُتَّقِينَ

Nyankeuh antara haba nyang gaeb Ka padumna trep dilee geupeugah Kamoe bri wahyu jinoe keu gata Mangat dum gata tateupue sudah Barokon gata hana tateupue Jinoe tateupue ka kamoe peugah Meunan cit teuma dum kawom gata Teuma tasaba beu raya leupah Akibat nyang got keu ureueng saba Nyang that takwa gopnyan keu Allah

11:50

وَإِلَىٰ عَادٍ أَخَاهُمۡ هُودًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۖ إِنۡ أَنتُمۡ إِلَّا مُفۡتَرُونَ

Ubak kawom ‘Ad Hud Kamoe kirem Chedara jihnyan nyang toe sileupah Geukheun hai kawom taseumah Tuhan Tan laen Tuhan meulengkan Allah Kon Tuhan gata tapeugot-peugot Bandum gata jeut tapubuet salah

11:51

يَٰقَوۡمِ لَآ أَسۡـَٔلُكُمۡ عَلَيۡهِ أَجۡرًاۖ إِنۡ أَجۡرِيَ إِلَّا عَلَى ٱلَّذِي فَطَرَنِيٓۚ أَفَلَا تَعۡقِلُونَ

Hana lonlakee wahe kawonlon Bak gata keu lon beu tabri upah Upahlon ka na bak nyang peujeut lon Peue gata bandum hana nyang ceudah Peue gata hana nyang got pikiran

11:52

وَيَٰقَوۡمِ ٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِ يُرۡسِلِ ٱلسَّمَآءَ عَلَيۡكُم مِّدۡرَارًا وَيَزِدۡكُمۡ قُوَّةً إِلَىٰ قُوَّتِكُمۡ وَلَا تَتَوَلَّوۡاْ مُجۡرِمِينَ

Wahe kawomlon lakee bak Allah Talakee ampon bak Tuhan gata Toubat beu sigra bek le lam salah Mangat Neupeutron ujeun keu gata Han ek takira tunjai sileupah Lom pih meutamah keu gata teuga Beu leubeh teuga nibak nyang sudah Teuma bek gata bandum tapaleng Tajak ho laen tapubuet salah

11:53

قَالُواْ يَٰهُودُ مَا جِئۡتَنَا بِبَيِّنَةٍ وَمَا نَحۡنُ بِتَارِكِيٓ ءَالِهَتِنَا عَن قَوۡلِكَ وَمَا نَحۡنُ لَكَ بِمُؤۡمِنِينَ

Jikheun treuk hai Hud hana roe taba Dali nyang nyata nyang kon beurakah Kamoe han meutiek dum Tuhan kamoe Sabab naritnyoe nyang gata peugah Kamoe keu gata han meu meuiman

11:54

إِن نَّقُولُ إِلَّا ٱعۡتَرَىٰكَ بَعۡضُ ءَالِهَتِنَا بِسُوٓءٍۗ قَالَ إِنِّيٓ أُشۡهِدُ ٱللَّهَ وَٱشۡهَدُوٓاْ أَنِّي بَرِيٓءٌ مِّمَّا تُشۡرِكُونَ

Narit gatanyan cit ka trang salah Na Tuhan kamoe nyang rampot gata Jisandrong gata jiyue seumeugah Meuka jisandrong takheun barangpeue Narit ka rabue akai ka salah Geukheun treuk di lon saksilon Tuhan Gata pih meunan nyang lonnyoe ka glah Han roh bak peue nyang takheun Tuhan

11:55

مِن دُونِهِۦۖ فَكِيدُونِي جَمِيعًا ثُمَّ لَا تُنظِرُونِ

Bandum nyan cit kon meulengkan Allah Jinoe gata dum tamita daya Jeut tausaha keu lon tailah Bek le peutanggoh pubuet ateuh lon

11:56

إِنِّي تَوَكَّلۡتُ عَلَى ٱللَّهِ رَبِّي وَرَبِّكُمۚ مَّا مِن دَآبَّةٍ إِلَّا هُوَ ءَاخِذُۢ بِنَاصِيَتِهَآۚ إِنَّ رَبِّي عَلَىٰ صِرَٰطٍ مُّسۡتَقِيمٍ

Tawakai di lon teuma bak Allah Tuhan Po di lon deungon Po gata Bandum peukara lam jaroe Allah Dum nyang meulata lam jaroe Tuhan Bak ubon jihnyan Neumat han leupah Tuhanlon sabe bak jalan teupat

11:57

فَإِن تَوَلَّوۡاْ فَقَدۡ أَبۡلَغۡتُكُم مَّآ أُرۡسِلۡتُ بِهِۦٓ إِلَيۡكُمۡۚ وَيَسۡتَخۡلِفُ رَبِّي قَوۡمًا غَيۡرَكُمۡ وَلَا تَضُرُّونَهُۥ شَيۡـًٔاۚ إِنَّ رَبِّي عَلَىٰ كُلِّ شَيۡءٍ حَفِيظٌ

Meu gata batat di lon pih ka glah Meunyo tapaleng kalheuh lonpeutroh Nyang Neuyue peutroh bak lon le Allah i Teuma Tuhanlon Neugantoe gata Nyang laen teuka jeut keu khaliphah Peue nyang Neupeugot han ek tatulak Barangho tajak lam jaroe Allah Bandum peue nyang na Tuhan plihara Bandum Neujaga mangat bek salah

11:58

وَلَمَّا جَآءَ أَمۡرُنَا نَجَّيۡنَا هُودًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَنَجَّيۡنَٰهُم مِّنۡ عَذَابٍ غَلِيظٍ

‘Oh troh peurintah bak kamoe teuka Nabi Hud sigra kamoe peuleupah Ureueng meuiman sajan seureuta Rahmat dum rata kamoe bri bagah Meupeuglah gopnyan bandum bak azeub Sabab cit azeub brat that sileupah

11:59

وَتِلۡكَ عَادٌۖ جَحَدُواْ بِـَٔايَٰتِ رَبِّهِمۡ وَعَصَوۡاْ رُسُلَهُۥ وَٱتَّبَعُوٓاْ أَمۡرَ كُلِّ جَبَّارٍ عَنِيدٍ

Nyankeuh kawom ‘Ad jiingkar ayat Tuhan Hadharat ka Neubri balah Jidarohaka keu Rasul-rasul Di jih jikabui laen peurintah Peurintah ulee angkara murka Nyang bak jikira teuga that leupah Padahai jihnyan musoh nyang beuna

11:60

وَأُتۡبِعُواْ فِي هَٰذِهِ ٱلدُّنۡيَا لَعۡنَةً وَيَوۡمَ ٱلۡقِيَٰمَةِۗ أَلَآ إِنَّ عَادًا كَفَرُواْ رَبَّهُمۡۗ أَلَا بُعۡدًا لِّعَادٍ قَوۡمِ هُودٍ

Laknat lam donya keu jih geukeubah Dalam donya phon keu jihnyan laknat K Uroe kiamat hana meuubah Beu tateupue ‘Ad kaphe keu Tuhan Binasa yohnyan si ‘Ad seurakah Binasa treuk ‘Ad kawom nabi Hud

11:61

وَإِلَىٰ ثَمُودَ أَخَاهُمۡ صَٰلِحًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ هُوَ أَنشَأَكُم مِّنَ ٱلۡأَرۡضِ وَٱسۡتَعۡمَرَكُمۡ فِيهَا فَٱسۡتَغۡفِرُوهُ ثُمَّ تُوبُوٓاْ إِلَيۡهِۚ إِنَّ رَبِّي قَرِيبٌ مُّجِيبٌ

Bak kawom Tsamud jinoe talangkah Meukirem Saleh bak Tsamud keunan Chedara jihnyan teuma geupeugah Wahe kawomlon taseumah Tuhan Tan laen Tuhan meulengkan Allah Tuhan nyang peujeut gata bak bumoe Peumakmu nanggroe gata khaliphah Talakee ampon jinoe bak Tuhan Tatoubat rijang bek le buet salah Tuhanlon that toe teurimong duʻa Talakee teuma nyang mustajabah

11:62

قَالُواْ يَٰصَٰلِحُ قَدۡ كُنتَ فِينَا مَرۡجُوًّا قَبۡلَ هَٰذَآۖ أَتَنۡهَىٰنَآ أَن نَّعۡبُدَ مَا يَعۡبُدُ ءَابَآؤُنَا وَإِنَّنَا لَفِي شَكٍّ مِّمَّا تَدۡعُونَآ إِلَيۡهِ مُرِيبٍ

Jikheun hai Saleh di kamoe cit that Gata meuharap ureueng meutuah Meuharap gata keu ulee kamoe Yoh goh narit nyoe meunoe tapeugah Nyang kamoe seumah tajak tham kamoe Dilee di kamoe dumnyan meuseumah Pakri nyang han chok kamoe keu gata Narit nyang taba ragu that leupah

11:63

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَءَاتَىٰنِي مِنۡهُ رَحۡمَةً فَمَن يَنصُرُنِي مِنَ ٱللَّهِ إِنۡ عَصَيۡتُهُۥۖ فَمَا تَزِيدُونَنِي غَيۡرَ تَخۡسِيرٍ

Geukheun hai kawom pakri tapike Meunyo na dali Neubri le Allah i Tanda nyang nyata nibak Tuhanlon 1 Rahmat lom keu lon Neubri meulimpah Soe ek tulong lon meunyo lontulak Bak gata lonjak Neuyue le Allah Meunyo lon bantah meuhat lon paloe Meulengkan rugoe nyang na tatamah

11:64

وَيَٰقَوۡمِ هَٰذِهِۦ نَاقَةُ ٱللَّهِ لَكُمۡ ءَايَةًۖ فَذَرُوهَا تَأۡكُلۡ فِيٓ أَرۡضِ ٱللَّهِۖ وَلَا تَمَسُّوهَا بِسُوٓءٍ فَيَأۡخُذَكُمۡ عَذَابٌ قَرِيبٌ

Wahe kawomlon nyoe unta Tuhan Keu gata bandum tanda bak Allah Bak bumoe Tuhan bahle jimeuret Bek na buet jeuheut keu jih tailah Meu taelanya jih ngon buet jeuheut Keu gata azeub cit troh le bagah

11:65

فَعَقَرُوهَا فَقَالَ تَمَتَّعُواْ فِي دَارِكُمۡ ثَلَٰثَةَ أَيَّامٍۖ ذَٰلِكَ وَعۡدٌ غَيۡرُ مَكۡذُوبٍ

Jitop ngon leumbeng teuma untanyan Saleh kheun yohnyan gata dum salah Boh jeut takhem-khem jinoe di nanggroe ‘Oh Iheuh Ihee uroe teuka musibah Nyan janji Tuhan bukon duseuta

11:66

فَلَمَّا جَآءَ أَمۡرُنَا نَجَّيۡنَا صَٰلِحًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَمِنۡ خِزۡيِ يَوۡمِئِذٍۚ إِنَّ رَبَّكَ هُوَ ٱلۡقَوِيُّ ٱلۡعَزِيزُ

‘Oh ban troh bala Saleh meupeuglah ‘Oh ban troh bala Kamoe bri keunan Meupeungkleh yohnyan Saleh meutuah Ngon ureueng mukmin nyang sajan gopnyan Bandum ureueng nyan Kamoe peuleupah Kamoe bri rahmat bandum ureueng nyan Azeub uroenyan Kamoe peusiblah Keubit Po gata kuat ngon teuga Maha Perkasa hana ban peugah

11:67

وَأَخَذَ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ

Awak nyang lalem teuma teukeupak Ka geulanteu tak sinan dum reubah Dalam rumohjih bandum binasa

11:68

كَأَن لَّمۡ يَغۡنَوۡاْ فِيهَآۗ أَلَآ إِنَّ ثَمُودَاْ كَفَرُواْ رَبَّهُمۡۗ أَلَا بُعۡدًا لِّثَمُودَ

Sang-sang han tom na keunan jisinggah Beuna tateupue Tsamud nyan kaphe Tuhan hana le di jih jipeugah Dum kawom Tsamud ka keuh binasa

11:69

وَلَقَدۡ جَآءَتۡ رُسُلُنَآ إِبۡرَٰهِيمَ بِٱلۡبُشۡرَىٰ قَالُواْ سَلَٰمًاۖ قَالَ سَلَٰمٌۖ فَمَا لَبِثَ أَن جَآءَ بِعِجۡلٍ حَنِيذٍ

Ibrahim teuma jinoe takisah Utusan Kamoe troh bak Ibrahim € Haba nyang yakin keunan geupeugah Geupeutroh saleum haba nyang mangat Ibrahim suot saleum le bagah Na siat geuduek geubot le hidang Eungkot sie panggang geubot le bagah

11:70

فَلَمَّا رَءَآ أَيۡدِيَهُمۡ لَا تَصِلُ إِلَيۡهِ نَكِرَهُمۡ وَأَوۡجَسَ مِنۡهُمۡ خِيفَةًۚ قَالُواْ لَا تَخَفۡ إِنَّآ أُرۡسِلۡنَآ إِلَىٰ قَوۡمِ لُوطٍ

Geueu dum jamee hana geumat sie Ate nyang leupie ka jeut geulisah Meunyuem teumakot ate Ibrahim Teuma ureueng nyan geukheun le bagah Bek ye teuh kamoe utusan Tuhan Neuyue jak keunan bak kawom salah Ubak kawom Luth kamoe Neukirem

11:71

وَٱمۡرَأَتُهُۥ قَآئِمَةٌ فَضَحِكَتۡ فَبَشَّرۡنَٰهَا بِإِسۡحَٰقَ وَمِن وَرَآءِ إِسۡحَٰقَ يَعۡقُوبَ

Judo Ibrahim ka teuhah babah Judo Ibrahim na geudong sinan Teuseunyum yobnyan geukalon ulah Teuma kamoe bri haba geumbira Lahe aneukda Ishak meutuah Aneuk Ishak teuma lom Ya‘kub

11:72

قَالَتۡ يَٰوَيۡلَتَىٰٓ ءَأَلِدُ وَأَنَا۠ عَجُوزٌ وَهَٰذَا بَعۡلِي شَيۡخًاۖ إِنَّ هَٰذَا لَشَيۡءٌ عَجِيبٌ

Judo teukeujet geudeunge kisah Geukheun pat aneuk di lon ka tuha Hana bahgia Neubri le Allah Lakoelon nyoe pih tuha lagee lon Keubit nyoe di lon ajeb that leupah

11:73

قَالُوٓاْ أَتَعۡجَبِينَ مِنۡ أَمۡرِ ٱللَّهِۖ رَحۡمَتُ ٱللَّهِ وَبَرَكَٰتُهُۥ عَلَيۡكُمۡ أَهۡلَ ٱلۡبَيۡتِۚ إِنَّهُۥ حَمِيدٌ مَّجِيدٌ

Geukheun le jame pakon tahireun Urusan Tuhan nyan rahmat Allah Lom ngon beureukat u ateuh gata Dum keluarga rasul nyang meugah Tuhan nyang patot teurimong pujoe Meugah hana soe Maha Pemurah

11:74

فَلَمَّا ذَهَبَ عَنۡ إِبۡرَٰهِيمَ ٱلرَّوۡعُ وَجَآءَتۡهُ ٱلۡبُشۡرَىٰ يُجَٰدِلُنَا فِي قَوۡمِ لُوطٍ

Gadoh teumakot nibak Ibrahim Haba nyang yakin seunang sileupah Meuteuoh deungon utusan Tuhan Kawom Luth jinoe pakon that salah

11:75

إِنَّ إِبۡرَٰهِيمَ لَحَلِيمٌ أَوَّٰهٌ مُّنِيبٌ

Teuma Ibrahim leumoh that ate Dalam weuh sabe toubat bak Allah

11:76

يَٰٓإِبۡرَٰهِيمُ أَعۡرِضۡ عَنۡ هَٰذَآۖ إِنَّهُۥ قَدۡ جَآءَ أَمۡرُ رَبِّكَۖ وَإِنَّهُمۡ ءَاتِيهِمۡ عَذَابٌ غَيۡرُ مَرۡدُودٍ

Wahe Ibrahim bek le tateuoh Meunan keuh nyang jroh hukoman Allah Hukom Po gata ka putoh meunan Azeub keu jihnyan han jeut Neubantah Han ek soe tulak putosan Tuhan

11:77

وَلَمَّا جَآءَتۡ رُسُلُنَا لُوطًا سِيٓءَ بِهِمۡ وَضَاقَ بِهِمۡ ذَرۡعًا وَقَالَ هَٰذَا يَوۡمٌ عَصِيبٌ

Bak Luth le yohnyan laju geulangkah Teuma Luth susah ‘oh troh ureueng nyan Takot jipadan jipubuet salah Geukheun uroenyoe that haro-hara

11:78

وَجَآءَهُۥ قَوۡمُهُۥ يُهۡرَعُونَ إِلَيۡهِ وَمِن قَبۡلُ كَانُواْ يَعۡمَلُونَ ٱلسَّيِّـَٔاتِۚ قَالَ يَٰقَوۡمِ هَٰٓؤُلَآءِ بَنَاتِي هُنَّ أَطۡهَرُ لَكُمۡۖ فَٱتَّقُواْ ٱللَّهَ وَلَا تُخۡزُونِ فِي ضَيۡفِيٓۖ أَلَيۡسَ مِنكُمۡ رَجُلٌ رَّشِيدٌ

Kawom geuh teuka keunan le bagah Meusenoh-seunoh jijak bak gopnyan Cit ka dilee kon jipubuet salah Teuma Luth geukheun wahe kawomlon Aneuk daralon dum ceudah-ceudah Bandum jih suci lonbri keu gata Teuma takwa gata keu Allah Bek tapeuʻayeb lon bak jameilon Peue hana kawom gata nyang ceudah Peue hana gata nyang got pikiran

11:79

قَالُواْ لَقَدۡ عَلِمۡتَ مَا لَنَا فِي بَنَاتِكَ مِنۡ حَقٍّ وَإِنَّكَ لَتَعۡلَمُ مَا نُرِيدُ

Kheun treuk awaknyan tateupue sudah Tateupue kamoe hana meuhawa Keu aneuk dara gata nyang ceudah Gata tateupue nyang kamoe hajat

11:80

قَالَ لَوۡ أَنَّ لِي بِكُمۡ قُوَّةً أَوۡ ءَاوِيٓ إِلَىٰ رُكۡنٍ شَدِيدٍ

Adak lon kuat suot Luth bagah Atawa lonjak bak kawom teuga

11:81

قَالُواْ يَٰلُوطُ إِنَّا رُسُلُ رَبِّكَ لَن يَصِلُوٓاْ إِلَيۡكَۖ فَأَسۡرِ بِأَهۡلِكَ بِقِطۡعٍ مِّنَ ٱلَّيۡلِ وَلَا يَلۡتَفِتۡ مِنكُمۡ أَحَدٌ إِلَّا ٱمۡرَأَتَكَۖ إِنَّهُۥ مُصِيبُهَا مَآ أَصَابَهُمۡۚ إِنَّ مَوۡعِدَهُمُ ٱلصُّبۡحُۚ أَلَيۡسَ ٱلصُّبۡحُ بِقَرِيبٍ

Kheun jamei teuma meunoe geupeugah Kamoe utusan nibak Po gata Han troh bak gata jipubuet salah Tatubiet malam ngon rakan gata Keudeh u lua bandum talangkah Bek na meusidroe tinggai tamaba Peureumoh gata teuma jih salah Di jih binasa lagee awaknyan Sabab di jihnyan jitem meulangkah á Bak watee suboh janji troh bala Kon karap teuka leupah that bagah

11:82

فَلَمَّا جَآءَ أَمۡرُنَا جَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهَا حِجَارَةً مِّن سِجِّيلٍ مَّنضُودٍ

‘Oh ban troh bala kamoe bri keunan Meubalek yohnyan bumoe meuruah Nyang siblah rot yup meuboh u ateuh Hana soe ceubeuh meusidroe leupah Ngon ujeun batee Kamoe rhom keunan Mate meutimphan bandum jih sudah

11:83

مُّسَوَّمَةً عِندَ رَبِّكَۖ وَمَا هِيَ مِنَ ٱلظَّٰلِمِينَ بِبَعِيدٍ

Bandum bateenyan cit ka meutanda Nibak Po gata nyang Maha Murah Awak nyang lalem keunong bateenyan A Meuseumpom sinan hana peue peugah d

11:84

وَإِلَىٰ مَدۡيَنَ أَخَاهُمۡ شُعَيۡبًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ وَلَا تَنقُصُواْ ٱلۡمِكۡيَالَ وَٱلۡمِيزَانَۖ إِنِّيٓ أَرَىٰكُم بِخَيۡرٍ وَإِنِّيٓ أَخَافُ عَلَيۡكُمۡ عَذَابَ يَوۡمٍ مُّحِيطٍ

U Madyan teuma meukirem Syuʻib Chedara jih bit kon ureueng siblah Geukheun hai kawom taseumah Tuhan Tan laen Tuhan meulengkan Allah Tuhan Po gata taseumah rijang Sukat ngon timang bek tapeusalah Lon kalon gata na keubajikan Lon takot tuan azeub bak Allah Uroe kiamat haro-hara that Lon takot meuhat azeub that leupah y

11:85

وَيَٰقَوۡمِ أَوۡفُواْ ٱلۡمِكۡيَالَ وَٱلۡمِيزَانَ بِٱلۡقِسۡطِۖ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ

Wahe kawonlon beugot tasukat Tatimang meuhat beu ade leupah Bek tapeureugoe dum ureueng laen Sukat deungon ceng ka tapeusalah Bek tapubuet brok di dalam bumoe å Rusak jeut sagoe tapeugot ilah

11:86

بَقِيَّتُ ٱللَّهِ خَيۡرٌ لَّكُمۡ إِن كُنتُم مُّؤۡمِنِينَۚ وَمَآ أَنَا۠ عَلَيۡكُم بِحَفِيظٍ

Peue-peue nyang tinggai nyan got keu gata Meunyo na gata iman keu Allah 7 Di lon keu gata kon ureueng jaga

11:87

قَالُواْ يَٰشُعَيۡبُ أَصَلَوٰتُكَ تَأۡمُرُكَ أَن نَّتۡرُكَ مَا يَعۡبُدُ ءَابَآؤُنَآ أَوۡ أَن نَّفۡعَلَ فِيٓ أَمۡوَٰلِنَا مَا نَشَٰٓؤُاْۖ إِنَّكَ لَأَنتَ ٱلۡحَلِيمُ ٱلرَّشِيدُ

Jisuot sigra kawom seurakah Hai Syuʻib peue keuh seumbahyang gata Nyang yue bak gata beu kamoe keubah Peue nyang geuseumah le du-du gata Bek le nyan jinoe nyang kamoe seumah Atawa tatham dum atra kamoe Bek ban heut kamoe meupeugot ulah Keubit nyoe gata ureueng got ate Carong that pike utoh sileupah

11:88

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَرَزَقَنِي مِنۡهُ رِزۡقًا حَسَنًاۚ وَمَآ أُرِيدُ أَنۡ أُخَالِفَكُمۡ إِلَىٰ مَآ أَنۡهَىٰكُمۡ عَنۡهُۚ إِنۡ أُرِيدُ إِلَّا ٱلۡإِصۡلَٰحَ مَا ٱسۡتَطَعۡتُۚ وَمَا تَوۡفِيقِيٓ إِلَّا بِٱللَّهِۚ عَلَيۡهِ تَوَكَّلۡتُ وَإِلَيۡهِ أُنِيبُ

Geukheun hai kawom pakri tapike Meunyo na dali Neubri le Allah Tuhanlon Neubri raseuki keu lon Ek patot di lon tulak peurintah Ken napsu di lon bek sa ngon gata Nyang lon tham gata lon pubuet bagah Kon meukeusud lon meulengkan keu got Ube ek lon that napsu bek salah Teuma lon harap taufik bak Tuhan Tawakai di lon keudeh bak Allah Di lon cit lonwoe teuma bak Tuhan

11:89

وَيَٰقَوۡمِ لَا يَجۡرِمَنَّكُمۡ شِقَاقِيٓ أَن يُصِيبَكُم مِّثۡلُ مَآ أَصَابَ قَوۡمَ نُوحٍ أَوۡ قَوۡمَ هُودٍ أَوۡ قَوۡمَ صَٰلِحٍۚ وَمَا قَوۡمُ لُوطٍ مِّنكُم بِبَعِيدٍ

Wahe kawonlon bek jeut keu salah Bek sabab dawa gata deungon lon j Keu gata bandum keunong musibah Lagee nyang keunong ubak kawom Noh Kawom Hud Saleh bandum jih salah Kawom Luth pih han jioh ngon gata

11:90

وَٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِۚ إِنَّ رَبِّي رَحِيمٌ وَدُودٌ

Talakee sigra ampon bak Allah € Talakee ampon bak Tuhan gata Toubat beu sigra bek le buet salah Keubit Tuhan lon Pemurah that-that Geumaseh pih that hana ban peugah

11:91

قَالُواْ يَٰشُعَيۡبُ مَا نَفۡقَهُ كَثِيرًا مِّمَّا تَقُولُ وَإِنَّا لَنَرَىٰكَ فِينَا ضَعِيفًاۖ وَلَوۡلَا رَهۡطُكَ لَرَجَمۡنَٰكَۖ وَمَآ أَنتَ عَلَيۡنَا بِعَزِيزٍ

Jikheun hai Syuʻib di kamoe bandum Le hana meuphom peue nyang tapeugah Kamoe eu gata lam kawan kamoe Leumoh that lagoe kon ureueng meugah Adak kon rame famili gata Meurajam gata hana soe teugah Han jeut keu susah kamoe ngon gata

11:92

قَالَ يَٰقَوۡمِ أَرَهۡطِيٓ أَعَزُّ عَلَيۡكُم مِّنَ ٱللَّهِ وَٱتَّخَذۡتُمُوهُ وَرَآءَكُمۡ ظِهۡرِيًّاۖ إِنَّ رَبِّي بِمَا تَعۡمَلُونَ مُحِيطٌ

Syuʻib kheun sigra teuma geupeugah Wahe kawomlon peue famili lon Leubeh tajunjong jih nibak Allah Tapeujeut Tuhan di likot gata Allah Taʻala Neuteupue sudah Po lon Neuteupue peue nyang tapubuet

11:93

وَيَٰقَوۡمِ ٱعۡمَلُواْ عَلَىٰ مَكَانَتِكُمۡ إِنِّي عَٰمِلٌۖ سَوۡفَ تَعۡلَمُونَ مَن يَأۡتِيهِ عَذَابٌ يُخۡزِيهِ وَمَنۡ هُوَ كَٰذِبٌۖ وَٱرۡتَقِبُوٓاْ إِنِّي مَعَكُمۡ رَقِيبٌ

Boh jak le pubuet peue nyang tailah Tapubuet laju nyang ek di gata Di lon pih teuma lon pubuet bagah Akan tateupue keu soe troh azeub Nyang ayeb jih that hana ban peugah Lom pih teteupue soe nyang meusulet Tapreh hana trep meuri nyang salah Di lon pih lonpreh saban ngon gata

11:94

وَلَمَّا جَآءَ أَمۡرُنَا نَجَّيۡنَا شُعَيۡبًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَأَخَذَتِ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ

‘Oh ban troh teuka teuma musibah ‘Oh teuka bala sideh bak Kamoe Syuʻib le jinoe kamoe peusiblah Ngon ureueng mukmin nyang sajan gopnyan Rahmat le keunan nyang Kamoe ruah Awak nyang lalem ka geulanteu tak Han jiteumee jak bandum ka reubah Dalam rumohjih sinan meuseumpom

11:95

كَأَن لَّمۡ يَغۡنَوۡاْ فِيهَآۗ أَلَا بُعۡدًا لِّمَدۡيَنَ كَمَا بَعِدَتۡ ثَمُودُ

Sang-sang hana tom keunan jilangkah Awak Madyan bandum binasa Saban cit juga Tsamud seurakah

11:96

وَلَقَدۡ أَرۡسَلۡنَا مُوسَىٰ بِـَٔايَٰتِنَا وَسُلۡطَٰنٍ مُّبِينٍ

Teuma ka Kamoe kirem lom Musa Ayat geujakba Kamoe peurintah Mvʻjizat nyata lom geuba sajan

11:97

إِلَىٰ فِرۡعَوۡنَ وَمَلَإِيْهِۦ فَٱتَّبَعُوٓاْ أَمۡرَ فِرۡعَوۡنَۖ وَمَآ أَمۡرُ فِرۡعَوۡنَ بِرَشِيدٍ

Ubak Peureuʻun kaphe seurakah Ubak Peuraʻun deungon kawomjih Jiikot dum jih dalam buet salah Kon ureueng beutoi cit Peuraʻun nyan

11:98

يَقۡدُمُ قَوۡمَهُۥ يَوۡمَ ٱلۡقِيَٰمَةِ فَأَوۡرَدَهُمُ ٱلنَّارَۖ وَبِئۡسَ ٱلۡوِرۡدُ ٱلۡمَوۡرُودُ

Jiba kawomnyan lam apui mirah Uroe kiamat kawomjih jiba Dalam nuraka azeub that leupah Sijeuheut teumpat tanyoe jak keunan Nyankeuh teumpat nyan nuraka juah

11:99

وَأُتۡبِعُواْ فِي هَٰذِهِۦ لَعۡنَةً وَيَوۡمَ ٱلۡقِيَٰمَةِۚ بِئۡسَ ٱلرِّفۡدُ ٱلۡمَرۡفُودُ

Sinoekon di jih meuteumeung laknat Uroe kiamat hana peue peugah Nyan keuh beuneulueng nyang leupah jeuheut

11:100

ذَٰلِكَ مِنۡ أَنۢبَآءِ ٱلۡقُرَىٰ نَقُصُّهُۥ عَلَيۡكَۖ مِنۡهَا قَآئِمٌ وَحَصِيدٌ

Haba nyan meuhat nyang Kamoe kisah Bak gata Kamoe kisah haba nyan Ladom nanggroe nyoe mantong na beukah Teuma nyang ladom ka abeh reulee Meuencit tan le ka abeh sudah

11:101

وَمَا ظَلَمۡنَٰهُمۡ وَلَٰكِن ظَلَمُوٓاْ أَنفُسَهُمۡۖ فَمَآ أَغۡنَتۡ عَنۡهُمۡ ءَالِهَتُهُمُ ٱلَّتِي يَدۡعُونَ مِن دُونِ ٱللَّهِ مِن شَيۡءٍ لَّمَّا جَآءَ أَمۡرُ رَبِّكَۖ وَمَا زَادُوهُمۡ غَيۡرَ تَتۡبِيبٍ

Teuma kon Kamoe elanya jih nyoe Lalem jih keudroe jipubuéėt salah Hana guna le tuhan-tuhan jih Nyang jikheun le jih nyang bukon Allah Tan na meubacut pih na meuguna Meu ka troh bala abeh dum bicah Nyang na meutamah keu jih binasa

11:102

وَكَذَٰلِكَ أَخۡذُ رَبِّكَ إِذَآ أَخَذَ ٱلۡقُرَىٰ وَهِيَ ظَٰلِمَةٌۚ إِنَّ أَخۡذَهُۥٓ أَلِيمٌ شَدِيدٌ

Meunan Po gata ‘oh Neutueng balah Sabab jih lalem nangggroe jih abeh Azeub that peudeh hana ban peugah

11:103

إِنَّ فِي ذَٰلِكَ لَأٓيَةً لِّمَنۡ خَافَ عَذَابَ ٱلۡأٓخِرَةِۚ ذَٰلِكَ يَوۡمٌ مَّجۡمُوعٌ لَّهُ ٱلنَّاسُ وَذَٰلِكَ يَوۡمٌ مَّشۡهُودٌ

Atranyan bandum cit jeut keu tanda Keu manusia takwa keu Allah Keu soe nyang takot azeub akhirat Teumakot jih that jipubuet salah Uroe meusapat dum manusia Jikalon rata hana meuilah

11:104

وَمَا نُؤَخِّرُهُۥٓ إِلَّا لِأَجَلٍ مَّعۡدُودٍ

Atranyan teuma Kamoe peutanggoh Hana trep cit troh keunan jilangkah Ajai jih cit troh hana meutrep le

11:105

يَوۡمَ يَأۡتِ لَا تَكَلَّمُ نَفۡسٌ إِلَّا بِإِذۡنِهِۦۚ فَمِنۡهُمۡ شَقِيٌّ وَسَعِيدٌ

Yoh nyan han jeut le sapeue tapeugah Han jeut tamarit sapeue uroe nyan Meu goh lom izin Neubri le Allah Na nyang ceulaka na nyang bahgia Ban nyang usaha masa nyang sudah

11:106

فَأَمَّا ٱلَّذِينَ شَقُواْ فَفِي ٱلنَّارِ لَهُمۡ فِيهَا زَفِيرٌ وَشَهِيقٌ

Soe nyang ceulaka asọe nuraka Naphah su raya hana ban peugah Naphah meugro-gro jiteubiet tamong

11:107

خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۚ إِنَّ رَبَّكَ فَعَّالٌ لِّمَا يُرِيدُ

Keukai jih sinan hana Neu ubah Seulama mantong langet ngon bumoe Meulengkan cit nyoe na kheundak Allah Meulengkan kheundak nibak Po gata Ban nyang Neukada han ek soe ubah Ban nyang h‘eut Tuhan Neupubuet sigra

11:108

وَأَمَّا ٱلَّذِينَ سُعِدُواْ فَفِي ٱلۡجَنَّةِ خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۖ عَطَآءً غَيۡرَ مَجۡذُوذٍ

Teuma bahgia soe nyang meutuah Nyang meubahgia asoe churuga y Keukai simasa sinan geukeubah 5 Seulama mantong langet ngon bumoe Meulengkan cit nyoe ka kheundak Allah Kheundak Po gata karonya Neubri Han tom beurhenti sabe Neuruah

11:109

فَلَا تَكُ فِي مِرۡيَةٍ مِّمَّا يَعۡبُدُ هَٰٓؤُلَآءِۚ مَا يَعۡبُدُونَ إِلَّا كَمَا يَعۡبُدُ ءَابَآؤُهُم مِّن قَبۡلُۚ وَإِنَّا لَمُوَفُّوهُمۡ نَصِيبَهُمۡ غَيۡرَ مَنقُوصٍ

Teuma bek gata cheok deungon ragu Nyang jipeulaku le awak salah Peue nyang jiseumah dum le awaknyan Lagee du jihnyan dilee dum seumah Di Kamoe teuma meupeusep keu jih Bandum bulueng jih ka Kamoe keubah Hana meubacut Kamoe peukureueng Cukop that bulueng hana meuilah

11:110

وَلَقَدۡ ءَاتَيۡنَا مُوسَى ٱلۡكِتَٰبَ فَٱخۡتُلِفَ فِيهِۚ وَلَوۡلَا كَلِمَةٌ سَبَقَتۡ مِن رَّبِّكَ لَقُضِيَ بَيۡنَهُمۡۚ وَإِنَّهُمۡ لَفِي شَكٍّ مِّنۡهُ مُرِيبٍ

Teuma Kamoe bri kitab keu Musa Han jipeucaya jipeugot ulah Hana sapeue kheun bandum awaknyan Adak kon Tuhan ka Neubri jatah Adak kon kana putusan Tuhan Meuhat awaknyan ka abeh sudah Teuma awaknyan cit ragu sabe Chok dalam ate nyang tan phaedah

11:111

وَإِنَّ كُلًّا لَّمَّا لَيُوَفِّيَنَّهُمۡ رَبُّكَ أَعۡمَٰلَهُمۡۚ إِنَّهُۥ بِمَا يَعۡمَلُونَ خَبِيرٌ

Bandum jih teuma le Tuhan gata Neupeusep rata bandum Neubalah Peue nyang jipubuet cit that Neumaklum Balasan bandum cit ka Neukeubah

11:112

فَٱسۡتَقِمۡ كَمَآ أُمِرۡتَ وَمَن تَابَ مَعَكَ وَلَا تَطۡغَوۡاْۚ إِنَّهُۥ بِمَا تَعۡمَلُونَ بَصِيرٌ

Teuma beuteugoh tadong di gata Lagee bak gata Neuyue le Allah Lom pih bandum nyang toubat ngon gata Bek darohaka tapubuet salah Peue nyang tapubuet Tuhan Neukalon

11:113

وَلَا تَرۡكَنُوٓاْ إِلَى ٱلَّذِينَ ظَلَمُواْ فَتَمَسَّكُمُ ٱلنَّارُ وَمَا لَكُم مِّن دُونِ ٱللَّهِ مِنۡ أَوۡلِيَآءَ ثُمَّ لَا تُنصَرُونَ

Bek tacok keu ngon si lalem jadah Bek sagai ceundrong keu jih di gata Bek jeut roh gata lam apui mirah Meunyo gata roh dalam nuraka Waliteuh hana meunyo kon Allah Teuma gata dum hana soe tulong

11:114

وَأَقِمِ ٱلصَّلَوٰةَ طَرَفَيِ ٱلنَّهَارِ وَزُلَفًا مِّنَ ٱلَّيۡلِۚ إِنَّ ٱلۡحَسَنَٰتِ يُذۡهِبۡنَ ٱلسَّيِّـَٔاتِۚ ذَٰلِكَ ذِكۡرَىٰ لِلذَّٰكِرِينَ

Teuma seumbahyang bek roh takeubah Beungoh ngon supot pubuet seumbahyang Meunan pih malam tapubuet bagah Amaiteuh nyang jroh jisampoh nyang brok Taingat seuntok bek na meusalah Jeut keu peuingat keu soe tem ingat

11:115

وَٱصۡبِرۡ فَإِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ

Tasaba meuhat teuma bek susah Ureueng pubuet got han sia-sia Cit le that pahla Neubri le Allah

11:116

فَلَوۡلَا كَانَ مِنَ ٱلۡقُرُونِ مِن قَبۡلِكُمۡ أُوْلُواْ بَقِيَّةٍ يَنۡهَوۡنَ عَنِ ٱلۡفَسَادِ فِي ٱلۡأَرۡضِ إِلَّا قَلِيلًا مِّمَّنۡ أَنجَيۡنَا مِنۡهُمۡۗ وَٱتَّبَعَ ٱلَّذِينَ ظَلَمُواْ مَآ أُتۡرِفُواْ فِيهِ وَكَانُواْ مُجۡرِمِينَ

Pakon han dilee na ureueng nyang got Lam abad-abad masa nyang sudah Nyang geutem larang buet kerusakan Lam bumoe Tuhan jipubuet salah Meulengkan nyang na padum droe ureueng Nyang jeut tabileung Kamoe peuleupah Meupeuglah gopnyan nibak awaknyan Tinggai treuk jihnyan di dalam salah Jielanya droe jipubuet jeuheut Seunang lam nikmat udepjih mewah

11:117

وَمَا كَانَ رَبُّكَ لِيُهۡلِكَ ٱلۡقُرَىٰ بِظُلۡمٍ وَأَهۡلُهَا مُصۡلِحُونَ

Hana roe teuma di Tuhan gata Meupeubinasa naggroe tan salah Han Neuelanya dum asoe nanggroe Meunyo buet jihnyoe sabe jroh leupah

11:118

وَلَوۡ شَآءَ رَبُّكَ لَجَعَلَ ٱلنَّاسَ أُمَّةً وَٰحِدَةًۖ وَلَا يَزَالُونَ مُخۡتَلِفِينَ

Meunyo Neukheundak uleh Po gata Dum manusia hana meupisah Neupeujeut bandum jeut saboh umat Teuma jih meuhat meubicah-bicah

11:119

إِلَّا مَن رَّحِمَ رَبُّكَۚ وَلِذَٰلِكَ خَلَقَهُمۡۗ وَتَمَّتۡ كَلِمَةُ رَبِّكَ لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ

Meulengkan ureueng nyang gaseh Tuhan Neupeujeut gopnyan ureueng meutuah Teuma cit ka sep putusan Tuhan Po gata Neukheun han jeut meuubah Asoe nuraka jen deungon insan Lon pasoe keunan bandum nyang salah

11:120

وَكُلًّا نَّقُصُّ عَلَيۡكَ مِنۡ أَنۢبَآءِ ٱلرُّسُلِ مَا نُثَبِّتُ بِهِۦ فُؤَادَكَۚ وَجَآءَكَ فِي هَٰذِهِ ٱلۡحَقُّ وَمَوۡعِظَةٌ وَذِكۡرَىٰ لِلۡمُؤۡمِنِينَ

Bandum meukisah jinoe bak gata Rasul dum jakba dilee peurintah Meunapsu Kamoe peuteunang gata Bek na tarasa ateteuh susah Nyoe nyang gata ba haba beuna that Lom ngon nasehat nyang jroh sileupah A Peuingat keu soe nyang tem meuiman f

11:121

وَقُل لِّلَّذِينَ لَا يُؤۡمِنُونَ ٱعۡمَلُواْ عَلَىٰ مَكَانَتِكُمۡ إِنَّا عَٰمِلُونَ

Nyang han meuiman takheun boh di kah Ube ek di kah laju kapubuet Kamoe meupubuet cit saban ngon kah

11:122

وَٱنتَظِرُوٓاْ إِنَّا مُنتَظِرُونَ

Di kah dum kapreh kamoe pih meupreh Soe-soe nyang jadeh beuna ngon salah

11:123

وَلِلَّهِ غَيۡبُ ٱلسَّمَٰوَٰتِ وَٱلۡأَرۡضِ وَإِلَيۡهِ يُرۡجَعُ ٱلۡأَمۡرُ كُلُّهُۥ فَٱعۡبُدۡهُ وَتَوَكَّلۡ عَلَيۡهِۚ وَمَا رَبُّكَ بِغَٰفِلٍ عَمَّا تَعۡمَلُونَ

Peue-peue nyang gaeb sideh di langet A Bandumnyan meuhat cit milek Allah Meunan pih dumpeue nyang na di bumoe Urusan meuwoe keudeh bak Allah Teuma taseumahngen tapeujok droe Bak Tuhan sidroe bek na meuubah Hana tom lalee Neuh Tuhan gata Peue takeureuja bandum Neubalah

Translation: Tgk. H. Mahjiddin Jusuf.