Surah 11 · 123 verses · Unknown

Surah Hud in Kendayan

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

11:1

الٓرۚ كِتَٰبٌ أُحۡكِمَتۡ ءَايَٰتُهُۥ ثُمَّ فُصِّلَتۡ مِن لَّدُنۡ حَكِيمٍ خَبِيرٍ

Alif lâm râ’ (nianlah) kitab nang ayat-ayat nya disusun mang rapi kemudian dijalasatn secara taparinci.392 (nang diturunan) dari sisi (Allah) nang maha bijaksana, maha teliti

11:2

أَلَّا تَعۡبُدُوٓاْ إِلَّا ٱللَّهَۚ إِنَّنِي لَكُم مِّنۡهُ نَذِيرٌ وَبَشِيرٌ

Agar kao nana’ manyambah selain Allah. Sabatolnya aku (Muhammad) ialah mare’ paringatatn man maba barita suka darinya nto’nya nyu

11:3

وَأَنِ ٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِ يُمَتِّعۡكُم مَّتَٰعًا حَسَنًا إِلَىٰٓ أَجَلٍ مُّسَمًّى وَيُؤۡتِ كُلَّ ذِي فَضۡلٍ فَضۡلَهُۥۖ وَإِن تَوَلَّوۡاْ فَإِنِّيٓ أَخَافُ عَلَيۡكُمۡ عَذَابَ يَوۡمٍ كَبِيرٍ

Man hendak lalal kao mamohon ampunan ka’ tuhan nyu man batobat ka’Nya. Niscaya ia akan mari’ kenikmatan nang edo’ ka’ kao sampe watu nang udah ditantukan. Man jika kao bapaling maka sungguh aku gali’ kao akan ditimpa sesa pada ari nang aya’ (kiamat)

11:4

إِلَى ٱللَّهِ مَرۡجِعُكُمۡۖ وَهُوَ عَلَىٰ كُلِّ شَيۡءٍ قَدِيرٌ

Kapada Allah lah kao kambali (atakng), Ia Maha Kuasa atas sagala sasuatu

11:5

أَلَآ إِنَّهُمۡ يَثۡنُونَ صُدُورَهُمۡ لِيَسۡتَخۡفُواْ مِنۡهُۚ أَلَا حِينَ يَسۡتَغۡشُونَ ثِيَابَهُمۡ يَعۡلَمُ مَا يُسِرُّونَ وَمَا يُعۡلِنُونَۚ إِنَّهُۥ عَلِيمُۢ بِذَاتِ ٱلصُّدُورِ

Ingatlah, sabatolnya iaka’koa (urakng- urakng munafiq) muang (mamalingkan) dada nto’ nosok kating diri dari ia (Muhammad)393 ingatlah, waktu iaka’koa ngubu’i diri’nya mang kain, Allah nuan ahe nang iaka’koa nosok katn man ahe iaka’koa nyatakan, sungguh, Allah Maha Nau’an (sagala) isi ati

11:6

وَمَا مِن دَآبَّةٍ فِي ٱلۡأَرۡضِ إِلَّا عَلَى ٱللَّهِ رِزۡقُهَا وَيَعۡلَمُ مُسۡتَقَرَّهَا وَمُسۡتَوۡدَعَهَاۚ كُلٌّ فِي كِتَٰبٍ مُّبِينٍ

Man nana’ sote’pun makluk bagarale (banyawa) dibumi malainkan samuanya dijamin Allah rezekinya. Ia nu’an tampat kediamannya man tampat man tampat panyimpanannya,394 samua (tatulis) dalapm kitab nang nyata (Lauh Mahfûdz)

11:7

وَهُوَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٍ وَكَانَ عَرۡشُهُۥ عَلَى ٱلۡمَآءِ لِيَبۡلُوَكُمۡ أَيُّكُمۡ أَحۡسَنُ عَمَلًاۗ وَلَئِن قُلۡتَ إِنَّكُم مَّبۡعُوثُونَ مِنۢ بَعۡدِ ٱلۡمَوۡتِ لَيَقُولَنَّ ٱلَّذِينَ كَفَرُوٓاْ إِنۡ هَٰذَآ إِلَّا سِحۡرٌ مُّبِينٌ

Man ia lah nang manciptakan langit man bumi dalapm enam masa man ‘Arsy-nya. Di atas air, agar ia manguji sae ke’ ka’ antara kao nang labih edo’ amalnya tika kao bakata “(ka’ panduduk Mekah), sabatolnya kao akan dibangkitkan udah mati, ”niscaya urakng kapir koa akan bakata. ”Nian hanya seher nang nyata

11:8

وَلَئِنۡ أَخَّرۡنَا عَنۡهُمُ ٱلۡعَذَابَ إِلَىٰٓ أُمَّةٍ مَّعۡدُودَةٍ لَّيَقُولُنَّ مَا يَحۡبِسُهُۥٓۗ أَلَا يَوۡمَ يَأۡتِيهِمۡ لَيۡسَ مَصۡرُوفًا عَنۡهُمۡ وَحَاقَ بِهِم مَّا كَانُواْ بِهِۦ يَسۡتَهۡزِءُونَ

Man sungguh, kade’ (jika) kami tangguhatn sesa ka’iaka’koa sampe waktu nang ditantukan. Niscaya iaka’koa iaka’koa akan bakata, ”ahe ke’nang manghalanginya nu’an lah waktu sesa koa atakng ka’ iaka’koa, nana’lah bias diela’ating oleh iaka’koa, iaka’koa dikapong oleh (sesa) nang de’e iaka’koa mampaolok’-oloknya

11:9

وَلَئِنۡ أَذَقۡنَا ٱلۡإِنسَٰنَ مِنَّا رَحۡمَةً ثُمَّ نَزَعۡنَٰهَا مِنۡهُ إِنَّهُۥ لَيَـُٔوسٌ كَفُورٌ

Man kade’ kami bare’atn rahmat kami ka’talino, kamudian (rahmat koa)kami cabut kambali (agi’) pastilah ia manjadi putus asa man nana’ ba tarima kasih

11:10

وَلَئِنۡ أَذَقۡنَٰهُ نَعۡمَآءَ بَعۡدَ ضَرَّآءَ مَسَّتۡهُ لَيَقُولَنَّ ذَهَبَ ٱلسَّيِّـَٔاتُ عَنِّيٓۚ إِنَّهُۥ لَفَرِحٌ فَخُورٌ

Man kade’ (jika) barcatn kabahagian ka’ nya sasudah ditimpa bancana nang manimpa’nya, niscaya ia akan bakata”udah ilang bancana koa dariku, sabatolnya ia (marasa) miah suka man bangga

11:11

إِلَّا ٱلَّذِينَ صَبَرُواْ وَعَمِلُواْ ٱلصَّٰلِحَٰتِ أُوْلَٰٓئِكَ لَهُم مَّغۡفِرَةٌ وَأَجۡرٌ كَبِيرٌ

Kacoali urakng–urakng nang sabar, man ngurajaatn kabajikan, iaka’koa namu ampu nan man pahala nang aya’

11:12

فَلَعَلَّكَ تَارِكُۢ بَعۡضَ مَا يُوحَىٰٓ إِلَيۡكَ وَضَآئِقُۢ بِهِۦ صَدۡرُكَ أَن يَقُولُواْ لَوۡلَآ أُنزِلَ عَلَيۡهِ كَنزٌ أَوۡ جَآءَ مَعَهُۥ مَلَكٌۚ إِنَّمَآ أَنتَ نَذِيرٌۚ وَٱللَّهُ عَلَىٰ كُلِّ شَيۡءٍ وَكِيلٌ

Maka boleh jadi kao (Muhammad) hendak ningalatn sabagian Dari ahe nang diwahyukan ka’ kao man ka’ dadanyu sampit karananya, karana iaka’koa akan ngomong” ngahe nana’ ka’nya harta (kakayaan) ato atakng basamanya mala’ekat, sungguh, kao nggelah seurakng mare’ paringatatn man Allah pangingu sagala sasuatu

11:13

أَمۡ يَقُولُونَ ٱفۡتَرَىٰهُۖ قُلۡ فَأۡتُواْ بِعَشۡرِ سُوَرٍ مِّثۡلِهِۦ مُفۡتَرَيَٰتٍ وَٱدۡعُواْ مَنِ ٱسۡتَطَعۡتُم مِّن دُونِ ٱللَّهِ إِن كُنتُمۡ صَٰدِقِينَ

Bahkan iaka’koa ngomong, “ia (Muhammad) udah mambuat–buat al-Quran koa”, ngomong lah, “(kalo’ lekoa) atanganlah sapuluh surah samisal iaka’koa nya (al-Quran) nang dibuat- buat, man babalah sae ja’ diantara kao nang sanggup salain Allah, jika kao urakng- urakng nang banar.”

11:14

فَإِلَّمۡ يَسۡتَجِيبُواْ لَكُمۡ فَٱعۡلَمُوٓاْ أَنَّمَآ أُنزِلَ بِعِلۡمِ ٱللَّهِ وَأَن لَّآ إِلَٰهَ إِلَّا هُوَۖ فَهَلۡ أَنتُم مُّسۡلِمُونَ

Maka jika iaka’koa nana’ mamanuhi tantangan mu maka (kataatnlah), ”katahuilahbahoa’ (al-Quran) itu diturunan mang ilmu Allah man bahoa’ nana’ ada tuhan selain Allah maka mao ke’ kao basarah diri (masuk islam)

11:15

مَن كَانَ يُرِيدُ ٱلۡحَيَوٰةَ ٱلدُّنۡيَا وَزِينَتَهَا نُوَفِّ إِلَيۡهِمۡ أَعۡمَٰلَهُمۡ فِيهَا وَهُمۡ فِيهَا لَا يُبۡخَسُونَ

Sae ma’an menghendaki kehidupan dunia man parhiasannya pasti kami bare’atn (balasan) binsi atas pakarajaatn iaka’koa ka’ dunia (mang sampurna) man iaka’koa ka’ dunia nana’ akan dirugiatn

11:16

أُوْلَٰٓئِكَ ٱلَّذِينَ لَيۡسَ لَهُمۡ فِي ٱلۡأٓخِرَةِ إِلَّا ٱلنَّارُۖ وَحَبِطَ مَا صَنَعُواْ فِيهَا وَبَٰطِلٌ مَّا كَانُواْ يَعۡمَلُونَ

Koalah urakng nang nana’ namu (sasuatu) dinaherat kacoali naraka, man sia-sialah dinaung ahe nang udah iaka’koa usahakan (ka dunia) man tahapuslah ahe nang iaka’koa karajaatn

11:17

أَفَمَن كَانَ عَلَىٰ بَيِّنَةٍ مِّن رَّبِّهِۦ وَيَتۡلُوهُ شَاهِدٌ مِّنۡهُ وَمِن قَبۡلِهِۦ كِتَٰبُ مُوسَىٰٓ إِمَامًا وَرَحۡمَةًۚ أُوْلَٰٓئِكَ يُؤۡمِنُونَ بِهِۦۚ وَمَن يَكۡفُرۡ بِهِۦ مِنَ ٱلۡأَحۡزَابِ فَٱلنَّارُ مَوۡعِدُهُۥۚ فَلَا تَكُ فِي مِرۡيَةٍ مِّنۡهُۚ إِنَّهُ ٱلۡحَقُّ مِن رَّبِّكَ وَلَٰكِنَّ أَكۡثَرَ ٱلنَّاسِ لَا يُؤۡمِنُونَ

Maka ahe ke’ (urakng – urakng kapir koa sama mang) urakng nang udah mampunyai’ bukti nang nyata (al-Quran) dari tuhannya, man diikuti oleh saksi, 395 darinya man sanapenya udah ada pula kita’ musa man manjadi padoman man rahmat? Iaka’koa baiman ka’nya (al-Quran), sae ma’an mangingakarinya, (al-Quran) ka’ antara sakalompok (urakng Quraisy) maka narakalah tampat diancamkan bagi ia, karana koa amelah kao ragu tarhadap (al- Quran) sungguh, al-Quran koa banar-banar dari tuhannyu, tatapi kamanyakatn talino nana’ baiman

11:18

وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًاۚ أُوْلَٰٓئِكَ يُعۡرَضُونَ عَلَىٰ رَبِّهِمۡ وَيَقُولُ ٱلۡأَشۡهَٰدُ هَٰٓؤُلَآءِ ٱلَّذِينَ كَذَبُواْ عَلَىٰ رَبِّهِمۡۚ أَلَا لَعۡنَةُ ٱللَّهِ عَلَى ٱلظَّٰلِمِينَ

Man sae ke’ nang labih zalim daripada urakng nang mangada-ngadaatn sasuatu nang alok-alok tahadap Allah. Iaka’koa koa akan dihadapkan ka’ tuhan iaka’koa. man para saksi, 396 akan ngomong, urakng- urakng nian lah nang udah pangalok ta hadap tuhan iaka’koa”ingatlah, laknat Allah (di timpaatn) ka’urakng nang zalim

11:19

ٱلَّذِينَ يَصُدُّونَ عَن سَبِيلِ ٱللَّهِ وَيَبۡغُونَهَا عِوَجًا وَهُم بِٱلۡأٓخِرَةِ هُمۡ كَٰفِرُونَ

(yaitu) iaka’koa nang manghalangi dari maraga Allah man menghendaki agar maraga koa bengkok.397 man iaka’koa koalah urakng nang nana’ pucaya’ adanya ari naherat

11:20

أُوْلَٰٓئِكَ لَمۡ يَكُونُواْ مُعۡجِزِينَ فِي ٱلۡأَرۡضِ وَمَا كَانَ لَهُم مِّن دُونِ ٱللَّهِ مِنۡ أَوۡلِيَآءَۘ يُضَٰعَفُ لَهُمُ ٱلۡعَذَابُۚ مَا كَانُواْ يَسۡتَطِيعُونَ ٱلسَّمۡعَ وَمَا كَانُواْ يُبۡصِرُونَ

Iaka’koa nana’ mampu manghalagi (siksaan Allah) ka’ bumi, man nana’ aka nada bagi iaka’koa panolong salain Allah. sesa koa dilipat gandakan ka’ iaka’koa nana’ mampu nangar marugiatn dirinya babaro, man lanyaplah dari iaka’koa ahe nang salalu iaka’koa ada-ada kan

11:21

أُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ وَضَلَّ عَنۡهُم مَّا كَانُواْ يَفۡتَرُونَ

Iaka’koa koalah nang marugiatkan dirinya babaro, man lanyaplah dari iaka’koa ahe nang salalu iaka’koa ada-ada kan

11:22

لَا جَرَمَ أَنَّهُمۡ فِي ٱلۡأٓخِرَةِ هُمُ ٱلۡأَخۡسَرُونَ

Pasti iaka’koa koa (jadi) urakng nang paling rugi ka’naherat

11:23

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَأَخۡبَتُوٓاْ إِلَىٰ رَبِّهِمۡ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ

Sabatolnya urakng-urakng nang baiman man ngarajaatn kebajikan man marandahkan diri ka’ tuhan, iaka’koa koa panghuni surge, man kakal ka’ dalapmnya

11:24

مَثَلُ ٱلۡفَرِيقَيۡنِ كَٱلۡأَعۡمَىٰ وَٱلۡأَصَمِّ وَٱلۡبَصِيرِ وَٱلسَّمِيعِۚ هَلۡ يَسۡتَوِيَانِ مَثَلًاۚ أَفَلَا تَذَكَّرُونَ

Parumpaan kadua golongan (urakng kapir man mukmin) ka’ urakng buta man tuli’ mang urakng nang nana’ bias nagar. Sama ke’k kadua golongan koa? maka nana’ ke’kao naap palajaran

11:25

وَلَقَدۡ أَرۡسَلۡنَا نُوحًا إِلَىٰ قَوۡمِهِۦٓ إِنِّي لَكُمۡ نَذِيرٌ مُّبِينٌ

Man sungguh kami udah mangutus nuh. Ka’kaumnya, (ia bakata)”sungguh, aku nia ialah mare’ paringatatn nang nyata bagi kao

11:26

أَن لَّا تَعۡبُدُوٓاْ إِلَّا ٱللَّهَۖ إِنِّيٓ أَخَافُ عَلَيۡكُمۡ عَذَابَ يَوۡمٍ أَلِيمٍ

Agar kao nana’ manyambah salain Allah, aku banar-banar kawatir, kao akan ditimpa sesa (pada) ari nang miah padih

11:27

فَقَالَ ٱلۡمَلَأُ ٱلَّذِينَ كَفَرُواْ مِن قَوۡمِهِۦ مَا نَرَىٰكَ إِلَّا بَشَرًا مِّثۡلَنَا وَمَا نَرَىٰكَ ٱتَّبَعَكَ إِلَّا ٱلَّذِينَ هُمۡ أَرَاذِلُنَا بَادِيَ ٱلرَّأۡيِ وَمَا نَرَىٰ لَكُمۡ عَلَيۡنَا مِن فَضۡلِۭ بَلۡ نَظُنُّكُمۡ كَٰذِبِينَ

Maka bakatalah para pamuka nang kapir dari kaumnya, kami nana’ nele’ kao, malainkan nggelah seurakng talino (biasa) iea kami, man kami nana’ nele’ urakng nang ikut kao, malainkan urakng nang hina, dina ka’ antara kami nang capat pucaya’. Kami nana’ nele’ kao, punya suatu kalabihan ahe pun atas kami, bahkan kami nganggap kao ialah urakng pandusta

11:28

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَءَاتَىٰنِي رَحۡمَةً مِّنۡ عِندِهِۦ فَعُمِّيَتۡ عَلَيۡكُمۡ أَنُلۡزِمُكُمُوهَا وَأَنتُمۡ لَهَا كَٰرِهُونَ

Ia (Nuh) bakata, ”wahe kaum ku, ahe pandatnya nyu kade’ aku, ada bukti nang nyata, dari tuhan ku, man aku dibare’ rahmat dari sisinya, sadangkan (rahmat koa) disamarkan nto’nyu. Ahe kami akan mamaksa kao nto’ narimanya, padahal kao nana’ suka

11:29

وَيَٰقَوۡمِ لَآ أَسۡـَٔلُكُمۡ عَلَيۡهِ مَالًاۖ إِنۡ أَجۡرِيَ إِلَّا عَلَى ٱللَّهِۚ وَمَآ أَنَا۠ بِطَارِدِ ٱلَّذِينَ ءَامَنُوٓاْۚ إِنَّهُم مُّلَٰقُواْ رَبِّهِمۡ وَلَٰكِنِّيٓ أَرَىٰكُمۡ قَوۡمًا تَجۡهَلُونَ

Man wahe kaum ku, aku nana’ minta harta ka’ kao, (sabage imbalan) atas seruan ku. Imbalanku hanya dari Allah man aku sakali- kali nana akan ngusir urakng udah baiman. Sungguh, iaka’koa akan batamu mang tuhannya man sebaliknya aku nele’ kao sabage kaum nang bodoh

11:30

وَيَٰقَوۡمِ مَن يَنصُرُنِي مِنَ ٱللَّهِ إِن طَرَدتُّهُمۡۚ أَفَلَا تَذَكَّرُونَ

Man wahe kaum ku, ’ sae ke’nang akan nolong aku dari sesa (Allah) kalo’ aku iaka’koa?, nana ‘ke’ kao naap palajaran

11:31

وَلَآ أَقُولُ لَكُمۡ عِندِي خَزَآئِنُ ٱللَّهِ وَلَآ أَعۡلَمُ ٱلۡغَيۡبَ وَلَآ أَقُولُ إِنِّي مَلَكٌ وَلَآ أَقُولُ لِلَّذِينَ تَزۡدَرِيٓ أَعۡيُنُكُمۡ لَن يُؤۡتِيَهُمُ ٱللَّهُ خَيۡرًاۖ ٱللَّهُ أَعۡلَمُ بِمَا فِيٓ أَنفُسِهِمۡ إِنِّيٓ إِذًا لَّمِنَ ٱلظَّٰلِمِينَ

Man aku nana’ ngomong ka’ kao bahoa’ ada gudang-gudang rajaki man kakayaan dari Allah, man aku nana’ nuan nang gaib, man nana’ (pula) ngomong bahoa’ sabatolnya aku ialah mala’ekat, man aku nana (uga) ngomong ka’urakng nang ditele ‘hina oleh pancle’atn nyu, ”bahoa’ Allah nana’ akan mare’atn kabaikan ka’iaka’koa, Allah labih nuan ahe nang ada ka’ iri iaka’koa, sungguh, kade’ lekoa aku banar-banar ta masok urakng–urakng nang zalim

11:32

قَالُواْ يَٰنُوحُ قَدۡ جَٰدَلۡتَنَا فَأَكۡثَرۡتَ جِدَٰلَنَا فَأۡتِنَا بِمَا تَعِدُنَآ إِن كُنتَ مِنَ ٱلصَّٰدِقِينَ

Iaka’koa bakata, ”wahe Nuh! sungguh kao udah mabantah mang kami, man kao udah mamparpanjang, bantahan nyu ka’ kami maka atakng lah ka’ kami sesa nang kao ancamkan, kade’ kao ta masok urakng nang banar

11:33

قَالَ إِنَّمَا يَأۡتِيكُم بِهِ ٱللَّهُ إِن شَآءَ وَمَآ أَنتُم بِمُعۡجِزِينَ

Ya (Nuh) nyawap, ”Hanya Allah nang akan ngatangan sesa ka’ kao kade’tuhan manghendaki, man kao nana’ akan bisa malapas’ng diri. ’

11:34

وَلَا يَنفَعُكُمۡ نُصۡحِيٓ إِنۡ أَرَدتُّ أَنۡ أَنصَحَ لَكُمۡ إِن كَانَ ٱللَّهُ يُرِيدُ أَن يُغۡوِيَكُمۡۚ هُوَ رَبُّكُمۡ وَإِلَيۡهِ تُرۡجَعُونَ

Man nasehatku nana’ akan bamanpa’at baginyu sakalian aku ingin mare’nasehat ka’kao, kalo’ Allah mao manyasatatn kao, ya ialah tuhannyuman ka’nya lah kao dipulangan (kambali)

11:35

أَمۡ يَقُولُونَ ٱفۡتَرَىٰهُۖ قُلۡ إِنِ ٱفۡتَرَيۡتُهُۥ فَعَلَيَّ إِجۡرَامِي وَأَنَا۠ بَرِيٓءٌ مِّمَّا تُجۡرِمُونَ

Bahkan iaka’koa (urakng kapir) bakata “ya cuma mangada-ngada ja’, “kataatnlah (Muhammad), “kade’ aku mangada-ngada, aku lah nang akan mamikul dosanya, man aku bebas dari dosa nang kao pabuat

11:36

وَأُوحِيَ إِلَىٰ نُوحٍ أَنَّهُۥ لَن يُؤۡمِنَ مِن قَوۡمِكَ إِلَّا مَن قَدۡ ءَامَنَ فَلَا تَبۡتَئِسۡ بِمَا كَانُواْ يَفۡعَلُونَ

Man diwahyukan ka’ Nuh, ”Nua’anlah, ”nana’ akan baiman diantara kaum nyu, kecuali urakng-urakng nang banar-banar baiman, (ja’), karana koa amelah kao basadih ati, tantang ahe nang iaka’koa pabuat

11:37

وَٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ

Man buatlah kapal koa mang pangawasan man patunjuk wahyu kami, man amelah kao ngomong mang aku tangtang urakng-urakng nang zalim. Sabatolnya iaka’koa koa pasti tinyalaman

11:38

وَيَصۡنَعُ ٱلۡفُلۡكَ وَكُلَّمَا مَرَّ عَلَيۡهِ مَلَأٌ مِّن قَوۡمِهِۦ سَخِرُواْ مِنۡهُۚ قَالَ إِن تَسۡخَرُواْ مِنَّا فَإِنَّا نَسۡخَرُ مِنكُمۡ كَمَا تَسۡخَرُونَ

Man ampuslah ia (Nuh) mamuat kapal satiap kali pamimpin kaumnya bajalatnngalaluinya, iaka’koa ngoloknya, ia (Nuh) bakata, ”jika kao ngolo’ kami maka kami (pun) akan ngolo’, salemae kao ngolo’ kami

11:39

فَسَوۡفَ تَعۡلَمُونَ مَن يَأۡتِيهِ عَذَابٌ يُخۡزِيهِ وَيَحِلُّ عَلَيۡهِ عَذَابٌ مُّقِيمٌ

Maka nae kao akan nu’an sae nang akan ditimpa sesa nang manghinakan man (sae) nang akan ditimpa sesa yang kakal

11:40

حَتَّىٰٓ إِذَا جَآءَ أَمۡرُنَا وَفَارَ ٱلتَّنُّورُ قُلۡنَا ٱحۡمِلۡ فِيهَا مِن كُلٍّ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ وَمَنۡ ءَامَنَۚ وَمَآ ءَامَنَ مَعَهُۥٓ إِلَّا قَلِيلٌ

Hingga ahe bila parintah kami atakng man tanur (dapur) udah mancaratn ai’ “Kami bapirman, “muatkanlah ka’ dalapmnya, (kapal koa) dari masing-masing (binatang) sapasang laki-laki man bini, man (uga’) keluarganyu, kecuali urakng nang udah takana katatapatn nang dee (dolo’) man (muat kan pula) urakng nang baiman “tanyata urakng-urakng nang baiman, nang sama-sama mang Nuh hanya sabebet. 11. H®

11:41

وَقَالَ ٱرۡكَبُواْ فِيهَا بِسۡمِ ٱللَّهِ مَجۡر۪ىٰهَا وَمُرۡسَىٰهَآۚ إِنَّ رَبِّي لَغَفُورٌ رَّحِيمٌ

Man ia bakata, ”naiklah kao samua ka’ dalapmnya (kapal) mang manyabut, dama Allah pada waktu balayar man balabuhnya. Sabatolnya tuhan ku, maha pengampun, Maha Panyayang

11:42

وَهِيَ تَجۡرِي بِهِمۡ فِي مَوۡجٍ كَٱلۡجِبَالِ وَنَادَىٰ نُوحٌ ٱبۡنَهُۥ وَكَانَ فِي مَعۡزِلٍ يَٰبُنَيَّ ٱرۡكَب مَّعَنَا وَلَا تَكُن مَّعَ ٱلۡكَٰفِرِينَ

Man kapal koa balayar, maba iaka’koa ka’dalapm galombang laksana gunung- gunung man Nuh nyaru’ anaknya, 398 waktu ia (anak koa) barada ka’ tampat nang jauh tapancil, Wahe Anakku! naiklah (ka’kapal) sama-sama kami man amelah kao sama- sama urakng-urakng kapir

11:43

قَالَ سَـَٔاوِيٓ إِلَىٰ جَبَلٍ يَعۡصِمُنِي مِنَ ٱلۡمَآءِۚ قَالَ لَا عَاصِمَ ٱلۡيَوۡمَ مِنۡ أَمۡرِ ٱللَّهِ إِلَّا مَن رَّحِمَۚ وَحَالَ بَيۡنَهُمَا ٱلۡمَوۡجُ فَكَانَ مِنَ ٱلۡمُغۡرَقِينَ

Ia (anaknya) nyawap. ”aku akan ngago’ palindungan ka’ gunung nang bias ngindaratn aku dari air bah!”(Nuh) bakata, ”nanak ada nang malindungi dari siksaan Allah pada ari nian salain Allah nang Maha Panyayang. ”man galombang manjadi panghalang anatar kaduanya maka ia (anak koa) tamasok urakng nang tangalaman

11:44

وَقِيلَ يَٰٓأَرۡضُ ٱبۡلَعِي مَآءَكِ وَيَٰسَمَآءُ أَقۡلِعِي وَغِيضَ ٱلۡمَآءُ وَقُضِيَ ٱلۡأَمۡرُ وَٱسۡتَوَتۡ عَلَى ٱلۡجُودِيِّۖ وَقِيلَ بُعۡدًا لِّلۡقَوۡمِ ٱلظَّٰلِمِينَ

Man dipirmankan, wahe bumi! Talatn lah ai’nyu, man”wahe langit, (ujatn) barantilah, man ai’pun disurutatn, man parintahpun salaseatn399 man kapal koa pun, balabuh di atas gunung Judi. 400 Nuan diomongkan, binasalah urakng-urakng zalim

11:45

وَنَادَىٰ نُوحٌ رَّبَّهُۥ فَقَالَ رَبِّ إِنَّ ٱبۡنِي مِنۡ أَهۡلِي وَإِنَّ وَعۡدَكَ ٱلۡحَقُّ وَأَنتَ أَحۡكَمُ ٱلۡحَٰكِمِينَ

Man Nuh mamohon ka’tuhannya barage ngomong, ”ya tuhan ku, sabatolnya anak ku, ialah tamasuk kaluargaku, man janji mu itu pasti banar, engkau ialah hakim nang paling adil

11:46

قَالَ يَٰنُوحُ إِنَّهُۥ لَيۡسَ مِنۡ أَهۡلِكَۖ إِنَّهُۥ عَمَلٌ غَيۡرُ صَٰلِحٍۖ فَلَا تَسۡـَٔلۡنِ مَا لَيۡسَ لَكَ بِهِۦ عِلۡمٌۖ إِنِّيٓ أَعِظُكَ أَن تَكُونَ مِنَ ٱلۡجَٰهِلِينَ

Ia (Allah) bapirman, ”wahe Nuh! sabatolnya ia buke lah tamasok kaluarganyu, karana parbuatannya sungguh nana’ baik, sabab ame kao mamohon, ka’ ku, sasuatu nang nana’ kao nu’an (hakikatnya) aku manasehatinyu agar (kao) nana’ tamasok urakng nang bodoh

11:47

قَالَ رَبِّ إِنِّيٓ أَعُوذُ بِكَ أَنۡ أَسۡـَٔلَكَ مَا لَيۡسَ لِي بِهِۦ عِلۡمٌۖ وَإِلَّا تَغۡفِرۡ لِي وَتَرۡحَمۡنِيٓ أَكُن مِّنَ ٱلۡخَٰسِرِينَ

Ia (Nuh) bakata, ”ya, tuhan ku, sabatolnya aku balindung ka’ mu, nto’ mamohon ka’ mu, sasuatu nang aku nana’ nau’an (hakikatnya), kalo’ kao nana’ mangampuni- ku, (nana’) manaruh balas kasian ka’aku niscahaya, aku ta masok urakng nang rugi

11:48

قِيلَ يَٰنُوحُ ٱهۡبِطۡ بِسَلَٰمٍ مِّنَّا وَبَرَكَٰتٍ عَلَيۡكَ وَعَلَىٰٓ أُمَمٍ مِّمَّن مَّعَكَۚ وَأُمَمٌ سَنُمَتِّعُهُمۡ ثُمَّ يَمَسُّهُم مِّنَّا عَذَابٌ أَلِيمٌ

Dipirmankan, ”Wahe Nuh! Turutn lah mang salamat sajahtera man panuh kabarkahan dari kami, baginyu man bagi samua umut (muk- min) nang man kao man ada umat-umat nang kami bare’ kasanangan (dalapm) kahidupatn dunia)kamudian iaka’koa akan ditimpa sesa kami nang padih

11:49

تِلۡكَ مِنۡ أَنۢبَآءِ ٱلۡغَيۡبِ نُوحِيهَآ إِلَيۡكَۖ مَا كُنتَ تَعۡلَمُهَآ أَنتَ وَلَا قَوۡمُكَ مِن قَبۡلِ هَٰذَاۖ فَٱصۡبِرۡۖ إِنَّ ٱلۡعَٰقِبَةَ لِلۡمُتَّقِينَ

Koalah sabagian dari barita-barita gaib nang kami wahyukan ka’ kao (Muhammad) nana’ parnah (suah) kao nu’annya, man nana’ pula kaumnyu, sanape’ nian maka barsabarlah, sungguh, kasudahan (nang baik) ialah bagi urakng nang bataqwa

11:50

وَإِلَىٰ عَادٍ أَخَاهُمۡ هُودًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۖ إِنۡ أَنتُمۡ إِلَّا مُفۡتَرُونَ

Man ka’ kaum ‘Ad (kami utus) kamarkapala nyaka’koa, Hud, dia bakata, ”wahe kaum ku! Sambahlah Allah, nana ada tuhan baginyu, salain ya. (salama nian) kao ialah mangada-ngada

11:51

يَٰقَوۡمِ لَآ أَسۡـَٔلُكُمۡ عَلَيۡهِ أَجۡرًاۖ إِنۡ أَجۡرِيَ إِلَّا عَلَى ٱلَّذِي فَطَرَنِيٓۚ أَفَلَا تَعۡقِلُونَ

Wahe kaum ku! aku nana’ minta imbalan ka’ kao atas (seruanku) nian. Imbalan ku hanya dari Allah nang udah manciptakan ku, nan’lah kao ngarati

11:52

وَيَٰقَوۡمِ ٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِ يُرۡسِلِ ٱلسَّمَآءَ عَلَيۡكُم مِّدۡرَارًا وَيَزِدۡكُمۡ قُوَّةً إِلَىٰ قُوَّتِكُمۡ وَلَا تَتَوَلَّوۡاْ مُجۡرِمِينَ

Man (Hud bakata), ”wahe kaum ku! Mohonlah ampunan ka’ tuhannyu lalu batobatlah ka’nya. Niscaya ya nurunan ujatn nang daras, ya akan manambah kakuatan di atas kakuatannyu. Man amelah kao bapaling manjadi urakng nang badosa

11:53

قَالُواْ يَٰهُودُ مَا جِئۡتَنَا بِبَيِّنَةٍ وَمَا نَحۡنُ بِتَارِكِيٓ ءَالِهَتِنَا عَن قَوۡلِكَ وَمَا نَحۡنُ لَكَ بِمُؤۡمِنِينَ

Iaka’koa kaum Ad bakata, ”wahe Hud! kao nana’ ngatangan suatu bukti nang nyata ka’ kami, man kami, nana’ akan ningalatn sasambahan kami karana pakataan nyu, man kami nana akan pucaya’, ka’ kao

11:54

إِن نَّقُولُ إِلَّا ٱعۡتَرَىٰكَ بَعۡضُ ءَالِهَتِنَا بِسُوٓءٍۗ قَالَ إِنِّيٓ أُشۡهِدُ ٱللَّهَ وَٱشۡهَدُوٓاْ أَنِّي بَرِيٓءٌ مِّمَّا تُشۡرِكُونَ

Kami hanya ngomong bahoa’ sabagian sasambahan kami udah nimpaatn panyakit gila atas dirinyu. ”dia (Hud) menjawab, ”sabatolnya aku basaksi ka’ Allah man saksikanlah bahoa’, aku ngalapasatn diri dari ahe nang kao pasakutukan

11:55

مِن دُونِهِۦۖ فَكِيدُونِي جَمِيعًا ثُمَّ لَا تُنظِرُونِ

Mang nang lain, sabab koa jalatn kanlah samua tipu daya nyu tahadap ku man ame kao tunda agi’ 11. H®D

11:56

إِنِّي تَوَكَّلۡتُ عَلَى ٱللَّهِ رَبِّي وَرَبِّكُمۚ مَّا مِن دَآبَّةٍ إِلَّا هُوَ ءَاخِذُۢ بِنَاصِيَتِهَآۚ إِنَّ رَبِّي عَلَىٰ صِرَٰطٍ مُّسۡتَقِيمٍ

Sabatolnya aku tawakal ka’ Allah tuhan ku man tuhannyu. Nan’ sote’ pun mahluk baga- rak (banyawa) malainkan ya lah nang nyingi’ ubutn-ubutn nya (manguasai), sungguh, juabata ku ha’ maraga nang lurus (Adil)

11:57

فَإِن تَوَلَّوۡاْ فَقَدۡ أَبۡلَغۡتُكُم مَّآ أُرۡسِلۡتُ بِهِۦٓ إِلَيۡكُمۡۚ وَيَسۡتَخۡلِفُ رَبِّي قَوۡمًا غَيۡرَكُمۡ وَلَا تَضُرُّونَهُۥ شَيۡـًٔاۚ إِنَّ رَبِّي عَلَىٰ كُلِّ شَيۡءٍ حَفِيظٌ

Maka kade’ kao bapaling maka sungguh, aku udah nyampaetn ka’ kao, ahe nang manjadi tugas ku, sabagian rasul ka’ kao, man tuhan ku akan mangganti kao iaka’koa kaum nang lain, sadangkan kao nana’ bias ngatangan mudarat ka’nya sabebet pun, sabatolnya tuhan ku maha pangingu sagala sasuatu

11:58

وَلَمَّا جَآءَ أَمۡرُنَا نَجَّيۡنَا هُودًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَنَجَّيۡنَٰهُم مِّنۡ عَذَابٍ غَلِيظٍ

Man waktu sesa kami atakng, kami salamat- atn Hud man urakng-urakng nang baiman sama-sama ia kami salamat’atn (pula) iaka’koa (dinaherat) dari sesa nang barat

11:59

وَتِلۡكَ عَادٌۖ جَحَدُواْ بِـَٔايَٰتِ رَبِّهِمۡ وَعَصَوۡاْ رُسُلَهُۥ وَٱتَّبَعُوٓاْ أَمۡرَ كُلِّ جَبَّارٍ عَنِيدٍ

Man kaolah (kisah) kaum ‘Ad nang mangingkari tanda-tanda (kakuasaan) tuhan iaka’koa mandurhakai rasul-rasulnya man manurut parintah samua panguasa nang sawenang-wenang agi’ durhaka

11:60

وَأُتۡبِعُواْ فِي هَٰذِهِ ٱلدُّنۡيَا لَعۡنَةً وَيَوۡمَ ٱلۡقِيَٰمَةِۗ أَلَآ إِنَّ عَادًا كَفَرُواْ رَبَّهُمۡۗ أَلَا بُعۡدًا لِّعَادٍ قَوۡمِ هُودٍ

Man iaka’koa salalu diikuti mang laknat ka’ dunia nian man (lekoa pula) ka’ari kiamat, ingatlah kaum ‘Ad koa ingkar ka’tuhan iaka’koa, sungguh, binasalah kaum ‘Ad, umat Hud koa

11:61

وَإِلَىٰ ثَمُودَ أَخَاهُمۡ صَٰلِحًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ هُوَ أَنشَأَكُم مِّنَ ٱلۡأَرۡضِ وَٱسۡتَعۡمَرَكُمۡ فِيهَا فَٱسۡتَغۡفِرُوهُ ثُمَّ تُوبُوٓاْ إِلَيۡهِۚ إِنَّ رَبِّي قَرِيبٌ مُّجِيبٌ

Man ka’ kaum Tsamud (kami utus) kamarkapala nyaka’koa Saleh. Dia bakata”wahe kaum ku! Sambahlah Allah, nana’ ada tuhan bagi nyu salain ja. Ya udah manciptakan nyu dari bumi (tanah) nang nyadiatn nyu pamakmurnya, 401 karana koa mohonlah ampunan ka’-Nya, kamudian batobatlah ka’-Nya, sasungguhya tuhanku miah samak (rahmat-Nya) man mamparke- nankan (doa hamba-Nya)

11:62

قَالُواْ يَٰصَٰلِحُ قَدۡ كُنتَ فِينَا مَرۡجُوًّا قَبۡلَ هَٰذَآۖ أَتَنۡهَىٰنَآ أَن نَّعۡبُدَ مَا يَعۡبُدُ ءَابَآؤُنَا وَإِنَّنَا لَفِي شَكٍّ مِّمَّا تَدۡعُونَآ إِلَيۡهِ مُرِيبٍ

Iaka’koa (kaum Samud) bakata, ”wahe saleh! Sungguh, kao sanape nian barada ka’ tangah- tangah kami marupakan urakng nang diarap- atn, ngahe kao ngalarang kami manyambah ahe nang disambah oleh nenek-moyang kami? Sungguh, kami banar-banar dalapm karaguan man kagalisahatn tahadap ahe (agama) nang kao serukan ka’kami

11:63

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَءَاتَىٰنِي مِنۡهُ رَحۡمَةً فَمَن يَنصُرُنِي مِنَ ٱللَّهِ إِنۡ عَصَيۡتُهُۥۖ فَمَا تَزِيدُونَنِي غَيۡرَ تَخۡسِيرٍ

Ia (Saleh) bakata, ”Wahe kaum ku! tarangkan ka’ aku kalao aku ada bukti nang nyata dari tuhanku, man dibare’ Nya aku rahmat (kenabian)dariNya maka sae nang akan manolong ku, dari sesa Allah jika aku mandurhakai Nya? maka kao hanya akan nambah karugiatn ka’aku

11:64

وَيَٰقَوۡمِ هَٰذِهِۦ نَاقَةُ ٱللَّهِ لَكُمۡ ءَايَةًۖ فَذَرُوهَا تَأۡكُلۡ فِيٓ أَرۡضِ ٱللَّهِۖ وَلَا تَمَسُّوهَا بِسُوٓءٍ فَيَأۡخُذَكُمۡ عَذَابٌ قَرِيبٌ

Man wahe kaumku! nianlah unta nang bini dari Allah, sabagian mukzizat nto’ nyu. Sabab koa biarlah ia makatn ka’ bumi Allah, man amelah kao nunggunya mang gangguan ahe pun nang akan manyababkan kao capat ditimpa (sesa)

11:65

فَعَقَرُوهَا فَقَالَ تَمَتَّعُواْ فِي دَارِكُمۡ ثَلَٰثَةَ أَيَّامٍۖ ذَٰلِكَ وَعۡدٌ غَيۡرُ مَكۡذُوبٍ

Maka iaka’koa nyambaleh unta koa, kamudian ia (Shaleh) bakata, ”basanang- sananglah kita’ samua ka’rumah kita’ salama tiga ari402 koa ialah janji nang nana’ bisa didustaatn

11:66

فَلَمَّا جَآءَ أَمۡرُنَا نَجَّيۡنَا صَٰلِحًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَمِنۡ خِزۡيِ يَوۡمِئِذٍۚ إِنَّ رَبَّكَ هُوَ ٱلۡقَوِيُّ ٱلۡعَزِيزُ

Maka waktu keputusan kami atakng, kami salamatatn Saleh man urakng-urakng nang baiman, sama-sama nya mang rahmat kami man (kami salamat’atn) dari kahinaan pada ari-ari koa, sungguh, tuhan-nyu, nang Maha Kuat, Maha Pakasa

11:67

وَأَخَذَ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ

Kamudian suara yang mangguntur nimpa urakng-urakng nang zalim koa, sahingga iaka’koa mati bagalimpangan ka’ rumah nyaka’koa

11:68

كَأَن لَّمۡ يَغۡنَوۡاْ فِيهَآۗ أَلَآ إِنَّ ثَمُودَاْ كَفَرُواْ رَبَّهُمۡۗ أَلَا بُعۡدًا لِّثَمُودَ

Saolah-olah iaka’koa nana’ suah tinggal (badiapm)403 ka’ tampat koa, ingatlah kaum samud, mangingkari tuhan iaka’koa, ingatlah, binasalah kaum samud

11:69

وَلَقَدۡ جَآءَتۡ رُسُلُنَآ إِبۡرَٰهِيمَ بِٱلۡبُشۡرَىٰ قَالُواْ سَلَٰمًاۖ قَالَ سَلَٰمٌۖ فَمَا لَبِثَ أَن جَآءَ بِعِجۡلٍ حَنِيذٍ

Man para utusan kami (para mala’ekat) udah atakng ka’ Ibrahim mang maba kabar gambira, iaka’koa mangucapatn”salamat”, ia (Ibrahim) nyawap, ”salamat (atas kao). ”maka nana’ lama kamudian nyuguhatn dageng anak sapi nang dipanggang. 11. H®

11:70

فَلَمَّا رَءَآ أَيۡدِيَهُمۡ لَا تَصِلُ إِلَيۡهِ نَكِرَهُمۡ وَأَوۡجَسَ مِنۡهُمۡ خِيفَةًۚ قَالُواْ لَا تَخَفۡ إِنَّآ أُرۡسِلۡنَآ إِلَىٰ قَوۡمِ لُوطٍ

Maka waktu ditele’nya kokot iaka’koa nana’ malapasnya ia (Ibrahim)mancurigai iaka’koa, man marasa gali’ ka’ iaka’koa, iaka’koa (mala’ekat) bakata, ”Ame gali’ sabatolnya kami diutus ka’ kaum Luth

11:71

وَٱمۡرَأَتُهُۥ قَآئِمَةٌ فَضَحِكَتۡ فَبَشَّرۡنَٰهَا بِإِسۡحَٰقَ وَمِن وَرَآءِ إِسۡحَٰقَ يَعۡقُوبَ

Man bininya badiri lalu ia tasanyum maka kami sampeatn ka’nya kabar gambira tantang (maranekatn) ishak man udah ishak (akan lahir) Yakub

11:72

قَالَتۡ يَٰوَيۡلَتَىٰٓ ءَأَلِدُ وَأَنَا۠ عَجُوزٌ وَهَٰذَا بَعۡلِي شَيۡخًاۖ إِنَّ هَٰذَا لَشَيۡءٌ عَجِيبٌ

Ia (bininya) bakata, ”sungguh ajaib, mungkin ke’ aku akan baranak. Padahal aku udah tuha, man laki ku pun (nia) udah miah tuha? Nian banar-banar sasuatu nang ajaib

11:73

قَالُوٓاْ أَتَعۡجَبِينَ مِنۡ أَمۡرِ ٱللَّهِۖ رَحۡمَتُ ٱللَّهِ وَبَرَكَٰتُهُۥ عَلَيۡكُمۡ أَهۡلَ ٱلۡبَيۡتِۚ إِنَّهُۥ حَمِيدٌ مَّجِيدٌ

Iaka’koa (para mala’ekat) bakata, ”ngahe kao marasa heran tantang katatapan Allah? (koa ialah) rahmat man barkah Allah, dicurahatn ka’ kao ahlul bait! Sabatolnya Allah maha tartpuji, Maha Pangasih

11:74

فَلَمَّا ذَهَبَ عَنۡ إِبۡرَٰهِيمَ ٱلرَّوۡعُ وَجَآءَتۡهُ ٱلۡبُشۡرَىٰ يُجَٰدِلُنَا فِي قَوۡمِ لُوطٍ

Maka katika rasa gali’ ilang dari Ibrahim, man kabar gambira udah atakng ka’ nya, iapun basoal jawap mang (para mala’ekat) kami tantang kaum Lut

11:75

إِنَّ إِبۡرَٰهِيمَ لَحَلِيمٌ أَوَّٰهٌ مُّنِيبٌ

Ibrahim sungguh panyantun, lamut ati man suka kambali (kepada Allah)

11:76

يَٰٓإِبۡرَٰهِيمُ أَعۡرِضۡ عَنۡ هَٰذَآۖ إِنَّهُۥ قَدۡ جَآءَ أَمۡرُ رَبِّكَۖ وَإِنَّهُمۡ ءَاتِيهِمۡ عَذَابٌ غَيۡرُ مَرۡدُودٍ

Wahe Ibrahim, tingalatn (pabincangan) koa, sungguh katatapatn tuhan nyu, udah atakng man iaka’koa koa akan ditimpa sesa nang nana bisa ditolak

11:77

وَلَمَّا جَآءَتۡ رُسُلُنَا لُوطًا سِيٓءَ بِهِمۡ وَضَاقَ بِهِمۡ ذَرۡعًا وَقَالَ هَٰذَا يَوۡمٌ عَصِيبٌ

Man waktu para utusan kami (para mala’ekat) koa atatn ka’ Lut, ya marasa curiga man dadanya marasa sampit karana (kadatangan) nya ya (Lut) bakata bakata nian ari nang miah sulit

11:78

وَجَآءَهُۥ قَوۡمُهُۥ يُهۡرَعُونَ إِلَيۡهِ وَمِن قَبۡلُ كَانُواْ يَعۡمَلُونَ ٱلسَّيِّـَٔاتِۚ قَالَ يَٰقَوۡمِ هَٰٓؤُلَآءِ بَنَاتِي هُنَّ أَطۡهَرُ لَكُمۡۖ فَٱتَّقُواْ ٱللَّهَ وَلَا تُخۡزُونِ فِي ضَيۡفِيٓۖ أَلَيۡسَ مِنكُمۡ رَجُلٌ رَّشِيدٌ

Man kaumnya capat atakng ka’nya, man dari de’e iaka’koa salalu ngalakuatn pabuatan keji, Lut bakata, ”Wahe kaumku nianlah putrid-putri (nagari) ku iaka’koa labih suci bagi nyu maka batawakal lah ka’ Allah, man amelah kao, man camarkan dama ku ta hadap tamu ku nia. Nana’ ada ke’ ka’ antara nyu, urakng nang pane

11:79

قَالُواْ لَقَدۡ عَلِمۡتَ مَا لَنَا فِي بَنَاتِكَ مِنۡ حَقٍّ وَإِنَّكَ لَتَعۡلَمُ مَا نُرِيدُ

Iaka’koa nyawap, ”sabatolnya kao pasti nuan bahoa’ nana’ ada kainginan (syahwat) tahadap putrid-putri nyu, man kao tantu nu’an ahe nang (sabanarnya) kami kahandaki

11:80

قَالَ لَوۡ أَنَّ لِي بِكُمۡ قُوَّةً أَوۡ ءَاوِيٓ إِلَىٰ رُكۡنٍ شَدِيدٍ

Ia (Lut) bakata, ”sakiranya aku ada kakuatan (nto’ manolaknyu) ato aku bisa balindung ka’ kaluarga nang kuat (tantu aku lakukan)

11:81

قَالُواْ يَٰلُوطُ إِنَّا رُسُلُ رَبِّكَ لَن يَصِلُوٓاْ إِلَيۡكَۖ فَأَسۡرِ بِأَهۡلِكَ بِقِطۡعٍ مِّنَ ٱلَّيۡلِ وَلَا يَلۡتَفِتۡ مِنكُمۡ أَحَدٌ إِلَّا ٱمۡرَأَتَكَۖ إِنَّهُۥ مُصِيبُهَا مَآ أَصَابَهُمۡۚ إِنَّ مَوۡعِدَهُمُ ٱلصُّبۡحُۚ أَلَيۡسَ ٱلصُّبۡحُ بِقَرِيبٍ

Iaka’koa, (para mala’ekat) bakata, ”wahe Lut! Sabatolnya kami ialah para utusan tuhannyu maka nana’ akan bisa mangganggu kao, sabab koa ampuslah barsama kaluarga- nyu pada akhir malapm man ame ada seko’ (seurakng) urakng pun ka’ antara kao nang nele’ ka’ balakang, kecuali bininyu, sabatolnya ia (uga’) akan ditimpa (siksaan) nang manimpa iaka’koa, sabatolnya saat tajadinya siksaan nto’ iaka’koa koa, pada waktu subuh buke’ ke subuh koa udah samak

11:82

فَلَمَّا جَآءَ أَمۡرُنَا جَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهَا حِجَارَةً مِّن سِجِّيلٍ مَّنضُودٍ

Maka waktukaputusan kami atakng, kami mengjungkir balikatn nagari kaum Lut man kami ujatn ni ‘ iaka’koa batubi-tubi mang batu dari tanah nang tabakar

11:83

مُّسَوَّمَةً عِندَ رَبِّكَۖ وَمَا هِيَ مِنَ ٱلظَّٰلِمِينَ بِبَعِيدٍ

Nang dibare’ tanda oleh tuhannyu, man siksaan koa nana’lah jauh dari urakng nang zalim

11:84

وَإِلَىٰ مَدۡيَنَ أَخَاهُمۡ شُعَيۡبًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ وَلَا تَنقُصُواْ ٱلۡمِكۡيَالَ وَٱلۡمِيزَانَۖ إِنِّيٓ أَرَىٰكُم بِخَيۡرٍ وَإِنِّيٓ أَخَافُ عَلَيۡكُمۡ عَذَابَ يَوۡمٍ مُّحِيطٍ

Mana ka’ (panduduk) Madyan (kami utus) kamarkapala nyaka’koa, Syu’aib ya bakata, ”Wahe kaum ku, sambahlah Allah, nana’ ada tuhan baginyu salain dalapm kaadaan nang edo’ (makmur), man sabatolnya aku kawatir kao akan ditimpa sesa pada ari nang mambinasakan (kiamat)

11:85

وَيَٰقَوۡمِ أَوۡفُواْ ٱلۡمِكۡيَالَ وَٱلۡمِيزَانَ بِٱلۡقِسۡطِۖ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ

Man wahe kaum ku! bisi’atn takaran man timbangan mang adil, man amelah kao ngarugiatn, tatino tahadap hak-hak iaka’koa man mae kao mambuat kajahatatn ka’ bumi mang babuat karusakan

11:86

بَقِيَّتُ ٱللَّهِ خَيۡرٌ لَّكُمۡ إِن كُنتُم مُّؤۡمِنِينَۚ وَمَآ أَنَا۠ عَلَيۡكُم بِحَفِيظٍ

Sisa (nang halal) dari Allah ialah labih baik, bagi nyu kade’ kao urakng nang baiman . man aku bukalah, seko’ urakng, panjaga atas dirinyu. 11. H®

11:87

قَالُواْ يَٰشُعَيۡبُ أَصَلَوٰتُكَ تَأۡمُرُكَ أَن نَّتۡرُكَ مَا يَعۡبُدُ ءَابَآؤُنَآ أَوۡ أَن نَّفۡعَلَ فِيٓ أَمۡوَٰلِنَا مَا نَشَٰٓؤُاْۖ إِنَّكَ لَأَنتَ ٱلۡحَلِيمُ ٱلرَّشِيدُ

Iaka’koa, bakata, ”wahe syu’ib! ahe ke’ agama nyu nang nyuruhnyu agar kao ningalatn ahe nang disambah nenek moyang kami, ato malarang kami mangalola harta kami, manurut cara nang kami kahendaki? sabatolnya kao banar-banar urakng nang miah panyantun man pane

11:88

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَرَزَقَنِي مِنۡهُ رِزۡقًا حَسَنًاۚ وَمَآ أُرِيدُ أَنۡ أُخَالِفَكُمۡ إِلَىٰ مَآ أَنۡهَىٰكُمۡ عَنۡهُۚ إِنۡ أُرِيدُ إِلَّا ٱلۡإِصۡلَٰحَ مَا ٱسۡتَطَعۡتُۚ وَمَا تَوۡفِيقِيٓ إِلَّا بِٱللَّهِۚ عَلَيۡهِ تَوَكَّلۡتُ وَإِلَيۡهِ أُنِيبُ

Ia (syu’aib) bakata, ”Wahe kaum ku! Tarangkan ka’ aku jika aku ada bukti nang nyata dari tuhan ku man aku dianugrahinya rajaki nang edo’ (pantas ke’ aku nyalahi parintahnya)? aku nana’ bamaksud manya- lahi kao, tahadap ahe nang aku larang darinya. Aku hanya bamaksud (ngatangan) pabaikan salama aku masih sanggup. Man patunjuk nang aku ikuti hanya dari Allah. ka’nya aku batawakal man ka’nya (pula) aku kambali

11:89

وَيَٰقَوۡمِ لَا يَجۡرِمَنَّكُمۡ شِقَاقِيٓ أَن يُصِيبَكُم مِّثۡلُ مَآ أَصَابَ قَوۡمَ نُوحٍ أَوۡ قَوۡمَ هُودٍ أَوۡ قَوۡمَ صَٰلِحٍۚ وَمَا قَوۡمُ لُوطٍ مِّنكُم بِبَعِيدٍ

Man wahe kaum ku! amelah patantangan antara aku (mang kao) manyababkan kao babuat dosa, sahingga kao ditimpa siksaan saparati’ nang manimpa kaum Nuh. Kaum Hud, Kaum Saleh, sadang kaum Lut nana’ jauh dari kaum (kao)

11:90

وَٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِۚ إِنَّ رَبِّي رَحِيمٌ وَدُودٌ

Man mohonlah ampunan ka’ tuhannyu, kamudian batobatlah ka’nya sungguh tuhanku Maha Panyayang, Maha Pangasih

11:91

قَالُواْ يَٰشُعَيۡبُ مَا نَفۡقَهُ كَثِيرًا مِّمَّا تَقُولُ وَإِنَّا لَنَرَىٰكَ فِينَا ضَعِيفًاۖ وَلَوۡلَا رَهۡطُكَ لَرَجَمۡنَٰكَۖ وَمَآ أَنتَ عَلَيۡنَا بِعَزِيزٍ

Iaka’koa bakata, ”wahe syu’aib! kami nana’ manyak ngarati tantang ahe nang kao omongan koa, sadangkan kanyataannya kami nele’ kao seurakng (urakng) nang ramah di

11:92

قَالَ يَٰقَوۡمِ أَرَهۡطِيٓ أَعَزُّ عَلَيۡكُم مِّنَ ٱللَّهِ وَٱتَّخَذۡتُمُوهُ وَرَآءَكُمۡ ظِهۡرِيًّاۖ إِنَّ رَبِّي بِمَا تَعۡمَلُونَ مُحِيطٌ

Ia (Syu’aib) nyawap! wahe kaum ku! Ahe ke’ kaluargaku labih tahormat manurut pandangan-nyu daripada Allah, bahkan Ia kao tampatatn ka’ balakangnyu (diabaikan)? Nau’anlah (pangatahuan) Tuhanku maliputi ahe nang kao karajaatn

11:93

وَيَٰقَوۡمِ ٱعۡمَلُواْ عَلَىٰ مَكَانَتِكُمۡ إِنِّي عَٰمِلٌۖ سَوۡفَ تَعۡلَمُونَ مَن يَأۡتِيهِ عَذَابٌ يُخۡزِيهِ وَمَنۡ هُوَ كَٰذِبٌۖ وَٱرۡتَقِبُوٓاْ إِنِّي مَعَكُمۡ رَقِيبٌ

Man wahe kaum ku! babuatlah manurut kamampuannyu, sabatolnya aku pun babuat (pula), nea kao akan nu’an sae nang akan ditimpa sesa nang manghinakan man sae nang badusta. Man tunggulah! sungguhnya aku man kao ialah urakng nang manunggu

11:94

وَلَمَّا جَآءَ أَمۡرُنَا نَجَّيۡنَا شُعَيۡبًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَأَخَذَتِ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ

Maka waktu kaputusan kami atakng, kami salamat’atn Syu’aib man urakng-urakng nang baiman basamanya mang rahmat kam sadangkan urakng nang zalim dibinasaatn oleh suara nang manggunturm, sahingga iaka’koa mati bagalimpangan ka’ rumahny

11:95

كَأَن لَّمۡ يَغۡنَوۡاْ فِيهَآۗ أَلَا بُعۡدًا لِّمَدۡيَنَ كَمَا بَعِدَتۡ ثَمُودُ

Saolah-olah iaka’koa nana suah diap’m ka tampat koa, ingatlah, binasalah panduduk madyan sabage mae panduduk samud (uga udah binasa)

11:96

وَلَقَدۡ أَرۡسَلۡنَا مُوسَىٰ بِـَٔايَٰتِنَا وَسُلۡطَٰنٍ مُّبِينٍ

Man sungguh, kami udah mangutus musa mang tanda-tanda (kakusaan), kami man bukti nang nyata

11:97

إِلَىٰ فِرۡعَوۡنَ وَمَلَإِيْهِۦ فَٱتَّبَعُوٓاْ أَمۡرَ فِرۡعَوۡنَۖ وَمَآ أَمۡرُ فِرۡعَوۡنَ بِرَشِيدٍ

Kapada Pir’aun man para pamuka kaumny tapi iaka’koa ngikuti’ parintah Pir’aun, padahal parintah Pir’aun, buke’lah (parintah) nang banar

11:98

يَقۡدُمُ قَوۡمَهُۥ يَوۡمَ ٱلۡقِيَٰمَةِ فَأَوۡرَدَهُمُ ٱلنَّارَۖ وَبِئۡسَ ٱلۡوِرۡدُ ٱلۡمَوۡرُودُ

Ia (Pir’aun) bajalatn ka’ dapan kaumnya k ari kiamat, lalu maba iaka’koa masok ka’ dalapm naraka. Naraka koa saburuk-buruk tampat nang ditama’i

11:99

وَأُتۡبِعُواْ فِي هَٰذِهِۦ لَعۡنَةً وَيَوۡمَ ٱلۡقِيَٰمَةِۚ بِئۡسَ ٱلرِّفۡدُ ٱلۡمَرۡفُودُ

Man iaka’koa diikuti mang laknat ka’ dian (dunia man lekoa uga’) pada ari kiamat (laknat) koa saburuk-buruk pamareatn nan dibare’

11:100

ذَٰلِكَ مِنۡ أَنۢبَآءِ ٱلۡقُرَىٰ نَقُصُّهُۥ عَلَيۡكَۖ مِنۡهَا قَآئِمٌ وَحَصِيدٌ

Koalah, sangahe barita tantang nagari- nagari (nang udah dibinasakan) nang kami caritaatn ka’ kao (Muhammad). Ka’ antara nagari-nagari koa sabagian masih ada bakas-bakasnya man ada (pula) nang udah musnah

11:101

وَمَا ظَلَمۡنَٰهُمۡ وَلَٰكِن ظَلَمُوٓاْ أَنفُسَهُمۡۖ فَمَآ أَغۡنَتۡ عَنۡهُمۡ ءَالِهَتُهُمُ ٱلَّتِي يَدۡعُونَ مِن دُونِ ٱللَّهِ مِن شَيۡءٍ لَّمَّا جَآءَ أَمۡرُ رَبِّكَۖ وَمَا زَادُوهُمۡ غَيۡرَ تَتۡبِيبٍ

Man kami nana’ manzalimi iaka’koa, tatap iaka’koa lah manzalami diri iaka’koa babaro, karana koa nana’ bamanpa’at sabebetpun bagi iaka’koa sasambahan nan iaka’koa sambah salain Allah, karana siksaan tuhannya atakng sasambahan koa hanya manambah kabinasaan bagi iaka’ko

11:102

وَكَذَٰلِكَ أَخۡذُ رَبِّكَ إِذَآ أَخَذَ ٱلۡقُرَىٰ وَهِيَ ظَٰلِمَةٌۚ إِنَّ أَخۡذَهُۥٓ أَلِيمٌ شَدِيدٌ

Man lekoa lah sesa tuhannyu ahe bila ya manyiksa (panduduk) nagari-nagari nang babuat zalim. Sungguh, siksanya miah padih, miah barat. 11. H®

11:103

إِنَّ فِي ذَٰلِكَ لَأٓيَةً لِّمَنۡ خَافَ عَذَابَ ٱلۡأٓخِرَةِۚ ذَٰلِكَ يَوۡمٌ مَّجۡمُوعٌ لَّهُ ٱلنَّاسُ وَذَٰلِكَ يَوۡمٌ مَّشۡهُودٌ

Sabatolnya, pada nang lekoa pasti ada palajaran bagi urakng-urakng nang gali’ ka’sesa naherat. Koalah ari, waktu samua talino dikumpulatn (nto’ dihisab), man koalah ari nang disaksikan (oleh samua makluk)

11:104

وَمَا نُؤَخِّرُهُۥٓ إِلَّا لِأَجَلٍ مَّعۡدُودٍ

Man kami nana’ akan manunda, kacoali sampe’ waktu nang udah ditantukan

11:105

يَوۡمَ يَأۡتِ لَا تَكَلَّمُ نَفۡسٌ إِلَّا بِإِذۡنِهِۦۚ فَمِنۡهُمۡ شَقِيٌّ وَسَعِيدٌ

Waktu ari koa atakng, nana’ seurakng pun nang ngomong, kacoali mang ijinNya maka ka’ antara iaka’koa ada nang sangsara ada nang nyaman

11:106

فَأَمَّا ٱلَّذِينَ شَقُواْ فَفِي ٱلنَّارِ لَهُمۡ فِيهَا زَفِيرٌ وَشَهِيقٌ

Maka adapun urakng-urakng nang sangsara maka (tampat)nya ka’ dalapm naraka, ka’ naung iaka’koa mangaluaratn man manarik nafas mang marintih

11:107

خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۚ إِنَّ رَبَّكَ فَعَّالٌ لِّمَا يُرِيدُ

Iaka’koa kakal ka’ dalapm nya salama ada langit man bumi, 406 kacoali jika tuhannyu manghandaki (nang lain) sungguh, tuhannyu, maha palaksana tahadap ahe nang ya kahandaki

11:108

وَأَمَّا ٱلَّذِينَ سُعِدُواْ فَفِي ٱلۡجَنَّةِ خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۖ عَطَآءً غَيۡرَ مَجۡذُوذٍ

Man adapun urakng-urakng nang bahagia maka (tampatnya) ka’ dalapm surge, iaka’koa kakal ka’dalapmnya salama ada langit man bumi, kacoali jika tuhannyu manghandaki (nang lain), sabage karunia nang nana’ ada putusnya

11:109

فَلَا تَكُ فِي مِرۡيَةٍ مِّمَّا يَعۡبُدُ هَٰٓؤُلَآءِۚ مَا يَعۡبُدُونَ إِلَّا كَمَا يَعۡبُدُ ءَابَآؤُهُم مِّن قَبۡلُۚ وَإِنَّا لَمُوَفُّوهُمۡ نَصِيبَهُمۡ غَيۡرَ مَنقُوصٍ

Maka amelah kao (Muhammad) ragu-ragu tantang ahe nang iaka’koa sambah. Iaka’koa manyambah, lemae nenek moyang iaka’koa de’e manyambah. Kami pasti akan manyampurnakan pambalasan (tahadap) iaka’koa tanpa dikurangi sabebet pun

11:110

وَلَقَدۡ ءَاتَيۡنَا مُوسَى ٱلۡكِتَٰبَ فَٱخۡتُلِفَ فِيهِۚ وَلَوۡلَا كَلِمَةٌ سَبَقَتۡ مِن رَّبِّكَ لَقُضِيَ بَيۡنَهُمۡۚ وَإِنَّهُمۡ لَفِي شَكٍّ مِّنۡهُ مُرِيبٍ

Man sungguh, kami udah mare’atn kitab (taurat) ka’ musa lalu diparselisihkannya man kalo’ nana’ ada katatapan nang terdahulu (dolo’) dari tuhannyu, niscaya udah dilaksanakan hukuman ka’ antara iaka’koa. 407 Sungguh, iaka’koa urakng (kapir makah), banar-banar dalapm kabimbangan man karaguatn tahadap (Al- Qua’an)

11:111

وَإِنَّ كُلًّا لَّمَّا لَيُوَفِّيَنَّهُمۡ رَبُّكَ أَعۡمَٰلَهُمۡۚ إِنَّهُۥ بِمَا يَعۡمَلُونَ خَبِيرٌ

Man sabatolnya ka’ masing-masing (nang basalisih koa) pasti tuhannyu akan mare’ balasan sacara panuh, atas pabuatan iaka’koa, sungguh yam aha teliti ta hadap ahe nang iaka’koa karajaatn

11:112

فَٱسۡتَقِمۡ كَمَآ أُمِرۡتَ وَمَن تَابَ مَعَكَ وَلَا تَطۡغَوۡاْۚ إِنَّهُۥ بِمَا تَعۡمَلُونَ بَصِيرٌ

Maka tataplah kao (Muhammad) ka’ marage nang banar, salemae udah diparintahatn ka’ kao man (uga) urakng nang batobat man kao, man amelah kao ngalampoi’ batas, sungguh, Ia Maha Nele’ ahe nang kao karajaatn

11:113

وَلَا تَرۡكَنُوٓاْ إِلَى ٱلَّذِينَ ظَلَمُواْ فَتَمَسَّكُمُ ٱلنَّارُ وَمَا لَكُم مِّن دُونِ ٱللَّهِ مِنۡ أَوۡلِيَآءَ ثُمَّ لَا تُنصَرُونَ

Man amelah kao cendrung ka’ urakng nang zalim nang manyababkan kao disantuh api naraka, sadangkan kao nana’ ade seurakng panolong pun salain Allah sahingga kao nana’ akan dibare’ patolongan

11:114

وَأَقِمِ ٱلصَّلَوٰةَ طَرَفَيِ ٱلنَّهَارِ وَزُلَفًا مِّنَ ٱلَّيۡلِۚ إِنَّ ٱلۡحَسَنَٰتِ يُذۡهِبۡنَ ٱلسَّيِّـَٔاتِۚ ذَٰلِكَ ذِكۡرَىٰ لِلذَّٰكِرِينَ

Man laksanakan salat pada kadua ujukng siakng (alap’m man gumare) man pada bagian pamulaan malapm pabuatan- pabuatan baek koa manghapus kasalahan- kasalahan, koalah paringatatn bagi urakng nang salalu ngingat (Allah)

11:115

وَٱصۡبِرۡ فَإِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ

Man basabarlah karana sabatolnya Allah nana’ manyia-nyiakan pahala urakng nang babuat kabaikan

11:116

فَلَوۡلَا كَانَ مِنَ ٱلۡقُرُونِ مِن قَبۡلِكُمۡ أُوْلُواْ بَقِيَّةٍ يَنۡهَوۡنَ عَنِ ٱلۡفَسَادِ فِي ٱلۡأَرۡضِ إِلَّا قَلِيلًا مِّمَّنۡ أَنجَيۡنَا مِنۡهُمۡۗ وَٱتَّبَعَ ٱلَّذِينَ ظَلَمُواْ مَآ أُتۡرِفُواْ فِيهِ وَكَانُواْ مُجۡرِمِينَ

Maka nguhe nana’ ada ka’ antara umat-umat sanape’ kao urakng nang ada hautamaan nang malarang (babuat) karusakatn bumi kacoali, sabagian enek ka’ antara urakng nang udah kami salamat’atn, man urakng nang zalim hanya mamantingkan kanikmatan man kamewahan, man iaka’koa ialah urakng-urakng nang badosa

11:117

وَمَا كَانَ رَبُّكَ لِيُهۡلِكَ ٱلۡقُرَىٰ بِظُلۡمٍ وَأَهۡلُهَا مُصۡلِحُونَ

Man tuhan nyu nana’ akan mambinasakan nagri-nagri sacara zalim salama panduduknya urakng-urakng nang babuat kabaikan

11:118

وَلَوۡ شَآءَ رَبُّكَ لَجَعَلَ ٱلنَّاسَ أُمَّةً وَٰحِدَةًۖ وَلَا يَزَالُونَ مُخۡتَلِفِينَ

Man jika tuhannyu manghendaki, tantu jadiatn talino umat nang sote’ tatapi iaka’koa sanantiasa basalisih (pandapat)

11:119

إِلَّا مَن رَّحِمَ رَبُّكَۚ وَلِذَٰلِكَ خَلَقَهُمۡۗ وَتَمَّتۡ كَلِمَةُ رَبِّكَ لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ

Kacoali urakng nang dibare’ rahmat oleh tuhan (tuhan) nyu. Man nto’ koalah Allah manciptakan iaka’koa kalimat (kaputusan) tuhan nyu udah tatap. ”aku pasti akan mamanuhi naraka jahanam iaka’koa jin man talino (nang durhaka) samuanya

11:120

وَكُلًّا نَّقُصُّ عَلَيۡكَ مِنۡ أَنۢبَآءِ ٱلرُّسُلِ مَا نُثَبِّتُ بِهِۦ فُؤَادَكَۚ وَجَآءَكَ فِي هَٰذِهِ ٱلۡحَقُّ وَمَوۡعِظَةٌ وَذِكۡرَىٰ لِلۡمُؤۡمِنِينَ

Man samu kisah rasul-rasul, kami caritaatn ka’ kao (muhammad) agar mang kisah koa kami taguh ati nyu man ka’ dalapm nya udah dibare at’ ng ka’ kao (sagala) kabana- ratn nasehat man paringatatn bagi urakng nang baiman

11:121

وَقُل لِّلَّذِينَ لَا يُؤۡمِنُونَ ٱعۡمَلُواْ عَلَىٰ مَكَانَتِكُمۡ إِنَّا عَٰمِلُونَ

Man kataatnlah (Muhammad) ka’ urakng nana’ baiman, ”babuat manurut kadudukan- nya, kami pun banar-banar akan babuat

11:122

وَٱنتَظِرُوٓاْ إِنَّا مُنتَظِرُونَ

Man tunggulah sabatolnya kami pun tamasok nang manunggu

11:123

وَلِلَّهِ غَيۡبُ ٱلسَّمَٰوَٰتِ وَٱلۡأَرۡضِ وَإِلَيۡهِ يُرۡجَعُ ٱلۡأَمۡرُ كُلُّهُۥ فَٱعۡبُدۡهُ وَتَوَكَّلۡ عَلَيۡهِۚ وَمَا رَبُّكَ بِغَٰفِلٍ عَمَّا تَعۡمَلُونَ

Man nu’ Allah maliputi rahasia langit man bumi ka’ Nya sagala urusan dipulangkan. Maka sambahlah ya man batawakalah ka’ Nya. Man tuhan nyu nana’ akan lengah tahadap ahe nang kao karajaatn. (Barakatnyabut) dama Allah nang Maha Pangasih, Maha Panyayang

Translation: Unknown.