Surah 11 · 123 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Hud in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

11:1

الٓرۚ كِتَٰبٌ أُحۡكِمَتۡ ءَايَٰتُهُۥ ثُمَّ فُصِّلَتۡ مِن لَّدُنۡ حَكِيمٍ خَبِيرٍ

Aif Lam Ra, shino ni eshitabu shietsinyaali tsiashio tsiakasibwa obulayi mana nitsinoosibwa obulayi okhurula khu Wamachesi muno Omumanyi wa koosi

11:2

أَلَّا تَعۡبُدُوٓاْ إِلَّا ٱللَّهَۚ إِنَّنِي لَكُم مِّنۡهُ نَذِيرٌ وَبَشِيرٌ

Mulalaama okhuyiniakhwo Nyasaye butswa, (Yenyene) Toto esie khwinywe endi omwikanyilisi nende Omusuubisia

11:3

وَأَنِ ٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِ يُمَتِّعۡكُم مَّتَٰعًا حَسَنًا إِلَىٰٓ أَجَلٍ مُّسَمًّى وَيُؤۡتِ كُلَّ ذِي فَضۡلٍ فَضۡلَهُۥۖ وَإِن تَوَلَّوۡاْ فَإِنِّيٓ أَخَافُ عَلَيۡكُمۡ عَذَابَ يَوۡمٍ كَبِيرٍ

Ne sabe eshileleshelo Nyasaye wenyu, mana mumukalushile, yetsa okhubahelesia omwikhoyo omulayi okhula ebise ebimanyifu(khuye) Mana alihelesia buli owamalayi amalayi kaye. Nenimulaloonda tawe esie ebaririra eshinyasio shieyinyanga ikhongo

11:4

إِلَى ٱللَّهِ مَرۡجِعُكُمۡۖ وَهُوَ عَلَىٰ كُلِّ شَيۡءٍ قَدِيرٌ

Amakalushilo kenyu ni wa Nyasaye, naye ni Omunyali wabuli eshindu

11:5

أَلَآ إِنَّهُمۡ يَثۡنُونَ صُدُورَهُمۡ لِيَسۡتَخۡفُواْ مِنۡهُۚ أَلَا حِينَ يَسۡتَغۡشُونَ ثِيَابَهُمۡ يَعۡلَمُ مَا يُسِرُّونَ وَمَا يُعۡلِنُونَۚ إِنَّهُۥ عَلِيمُۢ بِذَاتِ ٱلصُّدُورِ

Koo, manye mbu; “toto abo bafisanga akali mubilifu biabu, mbu khobafise Nyasaye, manye mbu; olwa befunikhanga tsingubo tsiabu(Nyasaye) yamanya akabafisanga nende akabaretsanga habulafu. Toto ye amanyile muno akali mubilifu

11:6

وَمَا مِن دَآبَّةٍ فِي ٱلۡأَرۡضِ إِلَّا عَلَى ٱللَّهِ رِزۡقُهَا وَيَعۡلَمُ مُسۡتَقَرَّهَا وَمُسۡتَوۡدَعَهَاۚ كُلٌّ فِي كِتَٰبٍ مُّبِينٍ

Ne yibulaho isolo yosiyosi khushialo halali omukabo kwayo kuli khu Nyasaye, yamanya eshimenyo shiayio shetsinyanga tsiosi, nende habandu wuwe okhuburira butswa, Koosi kali mushitabu ashiretsanga habulafu

11:7

وَهُوَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٍ وَكَانَ عَرۡشُهُۥ عَلَى ٱلۡمَآءِ لِيَبۡلُوَكُمۡ أَيُّكُمۡ أَحۡسَنُ عَمَلًاۗ وَلَئِن قُلۡتَ إِنَّكُم مَّبۡعُوثُونَ مِنۢ بَعۡدِ ٱلۡمَوۡتِ لَيَقُولَنَّ ٱلَّذِينَ كَفَرُوٓاْ إِنۡ هَٰذَآ إِلَّا سِحۡرٌ مُّبِينٌ

Niye owaloonga likulu nende eshialo khu tsinyanga tsisaasaba, ne eshisaala shishie shioluyali shiali khumatsi, kho abapime niwina mwinywe ukhola amalayi. Ne noboola mbu; “toto enywe mulilamusibwa nimwakhamala okhufwa” Abakhayi toto balaboola mbu; “buno shini shiosi shiosi tawe halali obulosi bwa habulafu

11:8

وَلَئِنۡ أَخَّرۡنَا عَنۡهُمُ ٱلۡعَذَابَ إِلَىٰٓ أُمَّةٍ مَّعۡدُودَةٍ لَّيَقُولُنَّ مَا يَحۡبِسُهُۥٓۗ أَلَا يَوۡمَ يَأۡتِيهِمۡ لَيۡسَ مَصۡرُوفًا عَنۡهُمۡ وَحَاقَ بِهِم مَّا كَانُواْ بِهِۦ يَسۡتَهۡزِءُونَ

Ne nikhubashindia okhunyoola eshinyasio okhuula ebise biabusibwa, baboola mbu; “Nishina shikayilanga eshinyasio esho” Manye mbu inyanga yashilibetsela sishilibarusibwakhwo tawe. Ne akabatseshelanga kalibabotokhana

11:9

وَلَئِنۡ أَذَقۡنَا ٱلۡإِنسَٰنَ مِنَّا رَحۡمَةً ثُمَّ نَزَعۡنَٰهَا مِنۡهُ إِنَّهُۥ لَيَـُٔوسٌ كَفُورٌ

Ne Omundu nikhumupilia tsimbabaasi okhurula khwifwe mana nikhutsirusiawo khuye, amalanga afwa omwoyo lwangu muno, khandi abula okhupara obulayi

11:10

وَلَئِنۡ أَذَقۡنَٰهُ نَعۡمَآءَ بَعۡدَ ضَرَّآءَ مَسَّتۡهُ لَيَقُولَنَّ ذَهَبَ ٱلسَّيِّـَٔاتُ عَنِّيٓۚ إِنَّهُۥ لَفَرِحٌ فَخُورٌ

Ne nikhumupilia obwokholo imbeli wobutinyu bwayanyoola aboola mbu; “obubii bundulilekhwo” Toto ye asangala niyelaya muno

11:11

إِلَّا ٱلَّذِينَ صَبَرُواْ وَعَمِلُواْ ٱلصَّٰلِحَٰتِ أُوْلَٰٓئِكَ لَهُم مَّغۡفِرَةٌ وَأَجۡرٌ كَبِيرٌ

Halali balia besumilisia mana nibakhola ebikhole ebilayi, abo balinyoola obulesheli nende omurungo omukhongo

11:12

فَلَعَلَّكَ تَارِكُۢ بَعۡضَ مَا يُوحَىٰٓ إِلَيۡكَ وَضَآئِقُۢ بِهِۦ صَدۡرُكَ أَن يَقُولُواْ لَوۡلَآ أُنزِلَ عَلَيۡهِ كَنزٌ أَوۡ جَآءَ مَعَهُۥ مَلَكٌۚ إِنَّمَآ أَنتَ نَذِيرٌۚ وَٱللَّهُ عَلَىٰ كُلِّ شَيۡءٍ وَكِيلٌ

Mana awundi olalekha akandi kalia akawafimbulilwa, ne eshilifu shishio shitsa okhulola obusiro khulwa ako shichila okhuboola khwabu mbu; “shichila shina nakhaya okhwishilibwa eshiachi nohomba Malaika okhwitsa halala ninaye? Ewe oli omwikanyilisi butswa, ne Nyasaye niye omulindi wabuli eshindu

11:13

أَمۡ يَقُولُونَ ٱفۡتَرَىٰهُۖ قُلۡ فَأۡتُواْ بِعَشۡرِ سُوَرٍ مِّثۡلِهِۦ مُفۡتَرَيَٰتٍ وَٱدۡعُواْ مَنِ ٱسۡتَطَعۡتُم مِّن دُونِ ٱللَّهِ إِن كُنتُمۡ صَٰدِقِينَ

Nohomba babolanga mbu; “washikasia omwene” Boola mbu; “Mana rerekhwo tsinyaali ekhumi tsiobubeyi etsiakasibwa shinga ino, ne mulanje abamunyalilwa abalali Nyasaye tawe, toto nimuli mbu muboolanga habwene

11:14

فَإِلَّمۡ يَسۡتَجِيبُواْ لَكُمۡ فَٱعۡلَمُوٓاْ أَنَّمَآ أُنزِلَ بِعِلۡمِ ٱللَّهِ وَأَن لَّآ إِلَٰهَ إِلَّا هُوَۖ فَهَلۡ أَنتُم مُّسۡلِمُونَ

Ne nibalafuchilila tawe kho manye shieshibwa khubumanyi bwa Nyasaye, ne abulaho Nyasaye halali ye, kho mana mulaba abehotselefu

11:15

مَن كَانَ يُرِيدُ ٱلۡحَيَوٰةَ ٱلدُّنۡيَا وَزِينَتَهَا نُوَفِّ إِلَيۡهِمۡ أَعۡمَٰلَهُمۡ فِيهَا وَهُمۡ فِيهَا لَا يُبۡخَسُونَ

Balia benya obulamu bwokhushialo nende oburone bwashio, khulabahelesia khushialo khuno, ebikhole biabu biosi, ne shibali tutuyilibwa tawe

11:16

أُوْلَٰٓئِكَ ٱلَّذِينَ لَيۡسَ لَهُمۡ فِي ٱلۡأٓخِرَةِ إِلَّا ٱلنَّارُۖ وَحَبِطَ مَا صَنَعُواْ فِيهَا وَبَٰطِلٌ مَّا كَانُواْ يَعۡمَلُونَ

Abo nibo abalaliba nende eshindu mwikulu tawe halali omulilo, ne ebikhole biosi biabakhola biakhabiye, ne kaliba amakhaya kosi kabakholanga

11:17

أَفَمَن كَانَ عَلَىٰ بَيِّنَةٍ مِّن رَّبِّهِۦ وَيَتۡلُوهُ شَاهِدٌ مِّنۡهُ وَمِن قَبۡلِهِۦ كِتَٰبُ مُوسَىٰٓ إِمَامًا وَرَحۡمَةًۚ أُوْلَٰٓئِكَ يُؤۡمِنُونَ بِهِۦۚ وَمَن يَكۡفُرۡ بِهِۦ مِنَ ٱلۡأَحۡزَابِ فَٱلنَّارُ مَوۡعِدُهُۥۚ فَلَا تَكُ فِي مِرۡيَةٍ مِّنۡهُۚ إِنَّهُ ٱلۡحَقُّ مِن رَّبِّكَ وَلَٰكِنَّ أَكۡثَرَ ٱلنَّاسِ لَا يُؤۡمِنُونَ

Koo Omundu uli nende tsinyaali okhurula khu Nyasaye wuwe, ne atsisoomanga tsinyaali etso - ni obuloli okhurula khu Nyasaye wuwe, ne imbeli wuwe eshitabu shia Musa eshiali eshimilisi nende eshietsimbabaasi, abo bamuusubilanga ye, ne balia bamukhaya mumukanda, abo omulilo nikwo amalakano kabu. Kho olaba nende inganakani khukano tawe, buno ni obwatoto okhurula khu Nyasaye wuwo, halali Abandu abanji shibasuubilanga tawe

11:18

وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًاۚ أُوْلَٰٓئِكَ يُعۡرَضُونَ عَلَىٰ رَبِّهِمۡ وَيَقُولُ ٱلۡأَشۡهَٰدُ هَٰٓؤُلَآءِ ٱلَّذِينَ كَذَبُواْ عَلَىٰ رَبِّهِمۡۚ أَلَا لَعۡنَةُ ٱللَّهِ عَلَى ٱلظَّٰلِمِينَ

Ne ni wina omubii omukhongo oyo, okhushila ulwa uchishila Nyasaye obubeyi? Abo balirerwa imbeli wa Nyasaye wabu, ne abaloli baliboola mbu; “Bano nibo abachishila Nyasaye wabu obubeyi” wulile! Eshitsubo shia Nyasaye shili khubandu ababii

11:19

ٱلَّذِينَ يَصُدُّونَ عَن سَبِيلِ ٱللَّهِ وَيَبۡغُونَهَا عِوَجًا وَهُم بِٱلۡأٓخِرَةِ هُمۡ كَٰفِرُونَ

Balia abekalilanga(Abandu) khu Injila ya Nyasaye, ne benyanga mbu yikotiombole, ne bakhayanga mbu obulamu bwomwikulu bubulaho

11:20

أُوْلَٰٓئِكَ لَمۡ يَكُونُواْ مُعۡجِزِينَ فِي ٱلۡأَرۡضِ وَمَا كَانَ لَهُم مِّن دُونِ ٱللَّهِ مِنۡ أَوۡلِيَآءَۘ يُضَٰعَفُ لَهُمُ ٱلۡعَذَابُۚ مَا كَانُواْ يَسۡتَطِيعُونَ ٱلسَّمۡعَ وَمَا كَانُواْ يُبۡصِرُونَ

Abo shibanyala okhuswekha khushialo tawe ne babula omulindi owulali Nyasaye, Balimetelwa eshinyasio, Shibali nibanyala okhuwulila nohomba shibali banyala okhulola tawe

11:21

أُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ وَضَلَّ عَنۡهُم مَّا كَانُواْ يَفۡتَرُونَ

Abo nibo basishia emioyo chiabu, ne akabachikhanga kalibakora

11:22

لَا جَرَمَ أَنَّهُمۡ فِي ٱلۡأٓخِرَةِ هُمُ ٱلۡأَخۡسَرُونَ

Toto abo nibo balinyoola okhusikha khwatoto mwikulu(Akhera)

11:23

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَأَخۡبَتُوٓاْ إِلَىٰ رَبِّهِمۡ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ

Ne toto balia abasuubila mana nibakhola 11. amalayi, mana nibehotselesia khu Nyasaye wabu, abo nibo Abandu bo mwikulu ( Jannah), balimenyamwo tsinyanga tsiosi

11:24

مَثَلُ ٱلۡفَرِيقَيۡنِ كَٱلۡأَعۡمَىٰ وَٱلۡأَصَمِّ وَٱلۡبَصِيرِ وَٱلسَّمِيعِۚ هَلۡ يَسۡتَوِيَانِ مَثَلًاۚ أَفَلَا تَذَكَّرُونَ

Emikanda chibili echo chili shinga omuwofu nende owekala amarwi, nende owulolanga nende owulilanga, koo babili abo bakhayelana toto? Shimuparangakhwo tawe

11:25

وَلَقَدۡ أَرۡسَلۡنَا نُوحًا إِلَىٰ قَوۡمِهِۦٓ إِنِّي لَكُمۡ نَذِيرٌ مُّبِينٌ

Ne toto khwaruma Nuhu khubandu bebe. (Nababoolela) “Toto esie endi Omwikanyilisi wenyu Owahabulafu.”

11:26

أَن لَّا تَعۡبُدُوٓاْ إِلَّا ٱللَّهَۖ إِنِّيٓ أَخَافُ عَلَيۡكُمۡ عَذَابَ يَوۡمٍ أَلِيمٍ

Mulalaama halali Nyasaye butswa (yenyene), esie abaririra eshinyasio shie inyanga indulu

11:27

فَقَالَ ٱلۡمَلَأُ ٱلَّذِينَ كَفَرُواْ مِن قَوۡمِهِۦ مَا نَرَىٰكَ إِلَّا بَشَرًا مِّثۡلَنَا وَمَا نَرَىٰكَ ٱتَّبَعَكَ إِلَّا ٱلَّذِينَ هُمۡ أَرَاذِلُنَا بَادِيَ ٱلرَّأۡيِ وَمَا نَرَىٰ لَكُمۡ عَلَيۡنَا مِن فَضۡلِۭ بَلۡ نَظُنُّكُمۡ كَٰذِبِينَ

Abakhongo babakhayi mubandu bebe nibaboola mbu; “Efwe shikhukhulolanga noli shiosi shiosi tawe, oli butswa Omundu shinga efwe, ne shikhukhulolanga halali abalondi bao nibo abateshele mwifwe, bakhulondelekhwo khuliparo liokhuchaka, ne shikhubalolanga nimukhushilila shiosishiosi tawe, halali khubaparira mbu muli ababeyi

11:28

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَءَاتَىٰنِي رَحۡمَةً مِّنۡ عِندِهِۦ فَعُمِّيَتۡ عَلَيۡكُمۡ أَنُلۡزِمُكُمُوهَا وَأَنتُمۡ لَهَا كَٰرِهُونَ

Yaboola;”Enywe Abandu banje, mulola murie nendi nende eshimanyisio okhurula khu Nyasaye wanje, neyambelesiye tsimbabaasi okhurula khuye, mana mwesi tsiboolele, koo khwakhabanichilisia okhutsichama nanyu ni mukhayile

11:29

وَيَٰقَوۡمِ لَآ أَسۡـَٔلُكُمۡ عَلَيۡهِ مَالًاۖ إِنۡ أَجۡرِيَ إِلَّا عَلَى ٱللَّهِۚ وَمَآ أَنَا۠ بِطَارِدِ ٱلَّذِينَ ءَامَنُوٓاْۚ إِنَّهُم مُّلَٰقُواْ رَبِّهِمۡ وَلَٰكِنِّيٓ أَرَىٰكُمۡ قَوۡمًا تَجۡهَلُونَ

Ne enywe Abandu banje, esie shebenyaangakhwo omwandu tawe, omurungo kwanje kulibuswa khu Nyasaye, ne esie shindakhatafia balia abasuubila tawe, toto bo balibukanana nende Nyasaye wabu Omulesi, halali esie ebalolanga enywe nimuli Abandu balamanyile tawe

11:30

وَيَٰقَوۡمِ مَن يَنصُرُنِي مِنَ ٱللَّهِ إِن طَرَدتُّهُمۡۚ أَفَلَا تَذَكَّرُونَ

Enywe Abandu banje! Wina witsa okhuhabina imbeli wa Nyasaye, nikali mbu ebatafia abo? Shimuparangakhwo tawe

11:31

وَلَآ أَقُولُ لَكُمۡ عِندِي خَزَآئِنُ ٱللَّهِ وَلَآ أَعۡلَمُ ٱلۡغَيۡبَ وَلَآ أَقُولُ إِنِّي مَلَكٌ وَلَآ أَقُولُ لِلَّذِينَ تَزۡدَرِيٓ أَعۡيُنُكُمۡ لَن يُؤۡتِيَهُمُ ٱللَّهُ خَيۡرًاۖ ٱللَّهُ أَعۡلَمُ بِمَا فِيٓ أَنفُسِهِمۡ إِنِّيٓ إِذًا لَّمِنَ ٱلظَّٰلِمِينَ

Ne shebaboolelanga mbu endi nende ebiachi bia Nyasaye tawe, nohomba mbu esie ndamanya amakhuwa kefisile, nohomba shemboola mbu “esie endi Malaika tawe” nohomba shemboola mbu: “balia abababusinjiamwo tsimoni mbu Nyasaye shalabahelesia obulayi tawe.” Nyasaye niye umanyile muno akali mumioyo chiabu(nemboola endio) Toto nditsa okhuba mubandu abamabii

11:32

قَالُواْ يَٰنُوحُ قَدۡ جَٰدَلۡتَنَا فَأَكۡثَرۡتَ جِدَٰلَنَا فَأۡتِنَا بِمَا تَعِدُنَآ إِن كُنتَ مِنَ ٱلصَّٰدِقِينَ

Baboola mbu: “ewe Nuhu, wakhalomaloma ninafuu muno, ne oburirisiye amakhuwa muno, mana nakharera akokhulakanga ako toto noli owuboolanga obwatoto.”

11:33

قَالَ إِنَّمَا يَأۡتِيكُم بِهِ ٱللَّهُ إِن شَآءَ وَمَآ أَنتُم بِمُعۡجِزِينَ

Naboola mbu; “Nyasaye alabarerera niyenya, ne enywe shimunyala okhumushila tawe”

11:34

وَلَا يَنفَعُكُمۡ نُصۡحِيٓ إِنۡ أَرَدتُّ أَنۡ أَنصَحَ لَكُمۡ إِن كَانَ ٱللَّهُ يُرِيدُ أَن يُغۡوِيَكُمۡۚ هُوَ رَبُّكُمۡ وَإِلَيۡهِ تُرۡجَعُونَ

Ne amachelo kanje khwinywe shikakhakhonya tawe, nindenya okhubachelela, Nyasaye niyenya okhubalekha mukore, Ye niye Omulesi wenyu, na ni ewuwe ni wamulikalusibwa

11:35

أَمۡ يَقُولُونَ ٱفۡتَرَىٰهُۖ قُلۡ إِنِ ٱفۡتَرَيۡتُهُۥ فَعَلَيَّ إِجۡرَامِي وَأَنَا۠ بَرِيٓءٌ مِّمَّا تُجۡرِمُونَ

Nohomba baboolanga mbu; “Yakasiasa omwene” boola mbu;” Nendi ndakakasia tsimbii tsilikhwisie, nasi endi ehale nende amabii kamukholanga.”

11:36

وَأُوحِيَ إِلَىٰ نُوحٍ أَنَّهُۥ لَن يُؤۡمِنَ مِن قَوۡمِكَ إِلَّا مَن قَدۡ ءَامَنَ فَلَا تَبۡتَئِسۡ بِمَا كَانُواْ يَفۡعَلُونَ

Nuhu nafimbulilwa mbu: “ toto abulaho witsa okhusubila mubandu bawo halali balia bamala okhusuubila, kho alabeelela khukabakholanga tawe.”

11:37

وَٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ

Ne okasie iriaro (safina) mutsimoni tsiefu, nende khubufimbuli bwefu, ne olanomianomia amakhuwa kabandu ababii tawe, toto abo betsa okhufwa okhurulana nende amatsi

11:38

وَيَصۡنَعُ ٱلۡفُلۡكَ وَكُلَّمَا مَرَّ عَلَيۡهِ مَلَأٌ مِّن قَوۡمِهِۦ سَخِرُواْ مِنۡهُۚ قَالَ إِن تَسۡخَرُواْ مِنَّا فَإِنَّا نَسۡخَرُ مِنكُمۡ كَمَا تَسۡخَرُونَ

Ne nachaka okhukasia obwaro(isafina), ne buli Abandu be nibabura bamutseshelelanga, naye yaboolanga mbu; “nimukhutseshelela, fwesi khulabatseshelela shingala mukhutseshelelanga.”

11:39

فَسَوۡفَ تَعۡلَمُونَ مَن يَأۡتِيهِ عَذَابٌ يُخۡزِيهِ وَيَحِلُّ عَلَيۡهِ عَذَابٌ مُّقِيمٌ

Ne mwitsa okhumanya wina ulanyoola eshinyasio shio khumututuyia, ne wina witsa okhwishilibwa eshinyasio shilawa

11:40

حَتَّىٰٓ إِذَا جَآءَ أَمۡرُنَا وَفَارَ ٱلتَّنُّورُ قُلۡنَا ٱحۡمِلۡ فِيهَا مِن كُلٍّ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ وَمَنۡ ءَامَنَۚ وَمَآ ءَامَنَ مَعَهُۥٓ إِلَّا قَلِيلٌ

Olwa likhuwa liefu liola, mana liloba nilichaka okhubitikha amaatsi, khwamuboolela mbu; “injisiamwo (muliaro) eshisatsa neshikhasi, nende Abandu bawo- halali balia belikhuwa liamala okhubura- nende abasuubila, ne shibasuubila halala ninaye halali batiti

11:41

وَقَالَ ٱرۡكَبُواْ فِيهَا بِسۡمِ ٱللَّهِ مَجۡر۪ىٰهَا وَمُرۡسَىٰهَآۚ إِنَّ رَبِّي لَغَفُورٌ رَّحِيمٌ

Ne (Nuhu) naboola mbu; “Ninemwo, khulira lia Nyasaye khube okhwilukha khwalio nende okhwema khwalio. Toto Nyasaye wanje Omulesi ni Omulesheli muno Owetsimbabaasi.”

11:42

وَهِيَ تَجۡرِي بِهِمۡ فِي مَوۡجٍ كَٱلۡجِبَالِ وَنَادَىٰ نُوحٌ ٱبۡنَهُۥ وَكَانَ فِي مَعۡزِلٍ يَٰبُنَيَّ ٱرۡكَب مَّعَنَا وَلَا تَكُن مَّعَ ٱلۡكَٰفِرِينَ

Eliaro elo nilichaka okhwilama ninabo mumarunda kalishinga tsingulu. Mana Nuhu nalaanga Omwana wuwe owali ehale; “Ewe mwananje nina ninafu muno, ne olaba nende Abakhayi tawe.”

11:43

قَالَ سَـَٔاوِيٓ إِلَىٰ جَبَلٍ يَعۡصِمُنِي مِنَ ٱلۡمَآءِۚ قَالَ لَا عَاصِمَ ٱلۡيَوۡمَ مِنۡ أَمۡرِ ٱللَّهِ إِلَّا مَن رَّحِمَۚ وَحَالَ بَيۡنَهُمَا ٱلۡمَوۡجُ فَكَانَ مِنَ ٱلۡمُغۡرَقِينَ

(Omwana waye) Naboola mbu; “Nditsa okhunina khulukulu lwitsa okhuninda okhurulana nende amatsi.” (Nuh)Naboola mbu; “Owumao owulinda yesi yesi nyangayino likhuwa lia Nyasaye, halali ulia awahelesiye tsimbabaasi”, Mana lirunda nilikhupa hakari wabu mana naba mubalia abasikha okhurulana nende amatsi

11:44

وَقِيلَ يَٰٓأَرۡضُ ٱبۡلَعِي مَآءَكِ وَيَٰسَمَآءُ أَقۡلِعِي وَغِيضَ ٱلۡمَآءُ وَقُضِيَ ٱلۡأَمۡرُ وَٱسۡتَوَتۡ عَلَى ٱلۡجُودِيِّۖ وَقِيلَ بُعۡدًا لِّلۡقَوۡمِ ٱلظَّٰلِمِينَ

Ne nikaboolwa mbu; “Ewe liloba! Mila amatsi koko, na ewe likulu kekalile, mana amatsi nikakholomokha hasi, ne likhuwa nilibusibwa, Ne eliaro niliema khulukulu lwa Judi. Ne nikaboolwa mbu; “Basishile ehale Abandu ababii”

11:45

وَنَادَىٰ نُوحٌ رَّبَّهُۥ فَقَالَ رَبِّ إِنَّ ٱبۡنِي مِنۡ أَهۡلِي وَإِنَّ وَعۡدَكَ ٱلۡحَقُّ وَأَنتَ أَحۡكَمُ ٱلۡحَٰكِمِينَ

Ne Nuhu nasaba Nyasaye wuwe, naboola mbu; “Ewe Nyasaye wanje, Omwana wanje ni mulala khubandu bomunzu yanje, ne okhulaka khukhwo nikhwatoto, nawe newe owatoto umalayo okhushila abasubisinjia boosi

11:46

قَالَ يَٰنُوحُ إِنَّهُۥ لَيۡسَ مِنۡ أَهۡلِكَۖ إِنَّهُۥ عَمَلٌ غَيۡرُ صَٰلِحٍۖ فَلَا تَسۡـَٔلۡنِ مَا لَيۡسَ لَكَ بِهِۦ عِلۡمٌۖ إِنِّيٓ أَعِظُكَ أَن تَكُونَ مِنَ ٱلۡجَٰهِلِينَ

Yaboola mbu; “Ewe Nuh, toto oyo Shali mubaana bo tawe, ebikhole bibie shinebilayi tawe, kho olareba akobula ninako obumanyi tawe, esie ekhuchelela olaba mubandu abasilu tawe”

11:47

قَالَ رَبِّ إِنِّيٓ أَعُوذُ بِكَ أَنۡ أَسۡـَٔلَكَ مَا لَيۡسَ لِي بِهِۦ عِلۡمٌۖ وَإِلَّا تَغۡفِرۡ لِي وَتَرۡحَمۡنِيٓ أَكُن مِّنَ ٱلۡخَٰسِرِينَ

(Nuhu) Naboola mbu; “Ewe Nyasaye wanje, ndilinda khwiwe ndaletsa okhusaba ekembula ninako obumanyi tawe, ne nolandeshela tawe, nende okhumbeela tsimbabaasi, nditsa okhuba mubalia banyoola okhusikha

11:48

قِيلَ يَٰنُوحُ ٱهۡبِطۡ بِسَلَٰمٍ مِّنَّا وَبَرَكَٰتٍ عَلَيۡكَ وَعَلَىٰٓ أُمَمٍ مِّمَّن مَّعَكَۚ وَأُمَمٌ سَنُمَتِّعُهُمۡ ثُمَّ يَمَسُّهُم مِّنَّا عَذَابٌ أَلِيمٌ

Nikaboolwa mbu ; ‘Ewe Nuhu, yikha nende omulembe okhurula khwifwe ne tsikhabi tsibe khwiwe, nende khubandu bali halala ninawe. Ne emikanda chindi khulichisangasia mana khulibatila nende eshinyasio eshilulu

11:49

تِلۡكَ مِنۡ أَنۢبَآءِ ٱلۡغَيۡبِ نُوحِيهَآ إِلَيۡكَۖ مَا كُنتَ تَعۡلَمُهَآ أَنتَ وَلَا قَوۡمُكَ مِن قَبۡلِ هَٰذَاۖ فَٱصۡبِرۡۖ إِنَّ ٱلۡعَٰقِبَةَ لِلۡمُتَّقِينَ

Ako ni mumakhuwa akefisa khukhufimbulililangakhwo, shiwali wabamanya tawe ewe nohomba abandu bobo, imbeli wakano, kho wisumilisie okhumala okhulayi khuliba khwabalia baria Nyasaye

11:50

وَإِلَىٰ عَادٍ أَخَاهُمۡ هُودًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۖ إِنۡ أَنتُمۡ إِلَّا مُفۡتَرُونَ

Ne khu babu Adi khwabarumila Omusiani wabu, (ulangwa mbu) Hud. Nababoolela mbu; “Enywe Abandu banje, Mulaame Nyasaye mubula Nyasaye wundi owulali ye tawe, Enywe shimuli halali abachishi butswa

11:51

يَٰقَوۡمِ لَآ أَسۡـَٔلُكُمۡ عَلَيۡهِ أَجۡرًاۖ إِنۡ أَجۡرِيَ إِلَّا عَلَى ٱلَّذِي فَطَرَنِيٓۚ أَفَلَا تَعۡقِلُونَ

Enywe Abandu banje shebasabanga omurungo khu kano tawe. Omurungo kwanje kuli khu ulia owalonga, Mana shimuparangakhw+o tawe

11:52

وَيَٰقَوۡمِ ٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِ يُرۡسِلِ ٱلسَّمَآءَ عَلَيۡكُم مِّدۡرَارًا وَيَزِدۡكُمۡ قُوَّةً إِلَىٰ قُوَّتِكُمۡ وَلَا تَتَوَلَّوۡاْ مُجۡرِمِينَ

Enywe Abandu banje! Sabe eshileshelo khu Nyasaye wenyu, mana mumukalushile, alabererera amaleesi akeshia ifula inyinji, ne alabameta amani hekulu wa amani kenyu. Nemulakalukhana okhuba ababii tawe

11:53

قَالُواْ يَٰهُودُ مَا جِئۡتَنَا بِبَيِّنَةٍ وَمَا نَحۡنُ بِتَارِكِيٓ ءَالِهَتِنَا عَن قَوۡلِكَ وَمَا نَحۡنُ لَكَ بِمُؤۡمِنِينَ

Nibaboola mbu; “ Ewe Hud! Oshili okhurerera ebimanyisio bili habulafu. Ne efwe shikhwakhalekha abanyasaye befu khumakhuwa koko ako tawe, Ne efwe shikhulakhusuubila tawe.”

11:54

إِن نَّقُولُ إِلَّا ٱعۡتَرَىٰكَ بَعۡضُ ءَالِهَتِنَا بِسُوٓءٍۗ قَالَ إِنِّيٓ أُشۡهِدُ ٱللَّهَ وَٱشۡهَدُوٓاْ أَنِّي بَرِيٓءٌ مِّمَّا تُشۡرِكُونَ

“Efwe shikhuboolangasa tawe halali abanyasaye befu bandi bamalile okhukhura mubutinyu. Naboola mbu; “Esie emumanyia Nyasaye, ne enywe mube abaloli mbu esie endi ehale khukamutsokasinjia.”

11:55

مِن دُونِهِۦۖ فَكِيدُونِي جَمِيعًا ثُمَّ لَا تُنظِرُونِ

Owulaliyetawe( Nyasaye)“ Khomundutilesa mwesi, mana mulambekho obwiyangu bwosi bwosi tawe

11:56

إِنِّي تَوَكَّلۡتُ عَلَى ٱللَّهِ رَبِّي وَرَبِّكُمۚ مَّا مِن دَآبَّةٍ إِلَّا هُوَ ءَاخِذُۢ بِنَاصِيَتِهَآۚ إِنَّ رَبِّي عَلَىٰ صِرَٰطٍ مُّسۡتَقِيمٍ

Esie ndisichile Nyasaye Omulesi wanje nende Omulesi wenyu, shibulaho eshilonje shiosi shiosi halali eshikholanga shingala yenya. Toto Nyasaye wanje ali khunjila ingololofu

11:57

فَإِن تَوَلَّوۡاْ فَقَدۡ أَبۡلَغۡتُكُم مَّآ أُرۡسِلۡتُ بِهِۦٓ إِلَيۡكُمۡۚ وَيَسۡتَخۡلِفُ رَبِّي قَوۡمًا غَيۡرَكُمۡ وَلَا تَضُرُّونَهُۥ شَيۡـًٔاۚ إِنَّ رَبِّي عَلَىٰ كُلِّ شَيۡءٍ حَفِيظٌ

Nenimukalukha inyuma emalile okhuboosilia akandarumwa ninako khwinywe. Ne Nyasaye wanje alarera Abandu bandi abalali 11. enywe, ne enywe shimunyala okhumukhola liosi liosi tawe. Toto Nyasaye niwokhubikha buli eshindu

11:58

وَلَمَّا جَآءَ أَمۡرُنَا نَجَّيۡنَا هُودًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَنَجَّيۡنَٰهُم مِّنۡ عَذَابٍ غَلِيظٍ

Olwa likhuwa liefu liola, khwahonokosia Hudi nende balia abasuubila halala ninaye khutsimbabaasi tsirulanga khwifwe. Ne nikhubahabina okhurulana nende eshinyasio eshiumu

11:59

وَتِلۡكَ عَادٌۖ جَحَدُواْ بِـَٔايَٰتِ رَبِّهِمۡ وَعَصَوۡاْ رُسُلَهُۥ وَٱتَّبَعُوٓاْ أَمۡرَ كُلِّ جَبَّارٍ عَنِيدٍ

Ne abo nibo Adi. Bayingasia ebimanyisio bia Nyasaye wabu Omulesi, ne nibaloba Abarumwa baye, mana nibaloonda amakhuwa kabuli Omufuru Omushiamu

11:60

وَأُتۡبِعُواْ فِي هَٰذِهِ ٱلدُّنۡيَا لَعۡنَةً وَيَوۡمَ ٱلۡقِيَٰمَةِۗ أَلَآ إِنَّ عَادًا كَفَرُواْ رَبَّهُمۡۗ أَلَا بُعۡدًا لِّعَادٍ قَوۡمِ هُودٍ

Mana nibalondebwakhwo nende eshitsubo khushialo shino nende inyanga yeyindukho. wulile ne mumanye mbu, Abandu ba Adi bakhaya Nyasaye wabu Omulesi. Ne manye mbu Adi basishibwa, Abandu ba Hudi

11:61

وَإِلَىٰ ثَمُودَ أَخَاهُمۡ صَٰلِحًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ هُوَ أَنشَأَكُم مِّنَ ٱلۡأَرۡضِ وَٱسۡتَعۡمَرَكُمۡ فِيهَا فَٱسۡتَغۡفِرُوهُ ثُمَّ تُوبُوٓاْ إِلَيۡهِۚ إِنَّ رَبِّي قَرِيبٌ مُّجِيبٌ

Ne Khu Thamud nikhuruma Omusiani wabu(ulangwa mbu) Swaleh. Naboola; “Enywe Abandu banje, mulaame Nyasaye, mulalaama nyasaye owulali ye tawe, Ye niye owabaloonga khushialo mana nabamenyiamwo. Kho mumusabe eshileshelo ne mumukalushile, toto Nyasaye wanje ali ahambi ne afuchililanga

11:62

قَالُواْ يَٰصَٰلِحُ قَدۡ كُنتَ فِينَا مَرۡجُوًّا قَبۡلَ هَٰذَآۖ أَتَنۡهَىٰنَآ أَن نَّعۡبُدَ مَا يَعۡبُدُ ءَابَآؤُنَا وَإِنَّنَا لَفِي شَكٍّ مِّمَّا تَدۡعُونَآ إِلَيۡهِ مُرِيبٍ

Nibaboola mbu; “Ewe Saleh! Toto wali Omundu omwisikwa khwifwe noshili okhwitsa nende kano. Oh! Okhukaninjia okhulaama akabapapa befu balamanga? Ne toto khuli nende obukanakani mumioyo chiefu khukokhulanjilanga kano

11:63

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَءَاتَىٰنِي مِنۡهُ رَحۡمَةً فَمَن يَنصُرُنِي مِنَ ٱللَّهِ إِنۡ عَصَيۡتُهُۥۖ فَمَا تَزِيدُونَنِي غَيۡرَ تَخۡسِيرٍ

Naboola mbu; “Enywe Abandu banje! Mulola murie nendi nende ebimanyisio ebia habulafu okhurula khu Nyasaye wanje Omulesi, naye yambelesiye tsimbabaasi okhurula khuye, Kho niwina witsa okhukhoonya khu Nyasaye ninditsukhana ndamukhaya? Neshimulameta shiosi shiosi tawe halali okhusikha

11:64

وَيَٰقَوۡمِ هَٰذِهِۦ نَاقَةُ ٱللَّهِ لَكُمۡ ءَايَةًۖ فَذَرُوهَا تَأۡكُلۡ فِيٓ أَرۡضِ ٱللَّهِۖ وَلَا تَمَسُّوهَا بِسُوٓءٍ فَيَأۡخُذَكُمۡ عَذَابٌ قَرِيبٌ

Enywe Abandu banje ingamia ino niya Nyasaye, neni eshimanyisio khwinywe. Kho muyileshe ilie khushialo shia Nyasaye ne mulayitila khububii tawe, mwakhanyoola eshinyasio shili ahambi. Abandu ba Luti

11:65

فَعَقَرُوهَا فَقَالَ تَمَتَّعُواْ فِي دَارِكُمۡ ثَلَٰثَةَ أَيَّامٍۖ ذَٰلِكَ وَعۡدٌ غَيۡرُ مَكۡذُوبٍ

Mana nibayisinza. Mana(Saleh) naboola mbu; “mwikhoye mutsinzu tsienyu tsinyanga tsitaru (mulanyoola eshinyasio), Ino ni indache ilali yobubeyi tawe

11:66

فَلَمَّا جَآءَ أَمۡرُنَا نَجَّيۡنَا صَٰلِحًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَمِنۡ خِزۡيِ يَوۡمِئِذٍۚ إِنَّ رَبَّكَ هُوَ ٱلۡقَوِيُّ ٱلۡعَزِيزُ

Olwa likhuwa liefu liola, khwahabina Swaleh nende balia abasuubila ninaye. Khutsimbabaasi okhurula khwifwe, nende eshinyasio shieyinyanga eyo. Toto Nyasaye wuwo niwa Amani Owokhushila

11:67

وَأَخَذَ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ

Ne balia abakhola obubii oluyoka lwabasishia, nibanyolekhana mutsinzu tsiabu nibalaambalile

11:68

كَأَن لَّمۡ يَغۡنَوۡاْ فِيهَآۗ أَلَآ إِنَّ ثَمُودَاْ كَفَرُواْ رَبَّهُمۡۗ أَلَا بُعۡدًا لِّثَمُودَ

Nibaba shinga Abandu balalikho omo tawe, Toto manye mbu Thamaud bakhaya Nyasaye wabu, mana Thamud nibakorera ehale

11:69

وَلَقَدۡ جَآءَتۡ رُسُلُنَآ إِبۡرَٰهِيمَ بِٱلۡبُشۡرَىٰ قَالُواْ سَلَٰمًاۖ قَالَ سَلَٰمٌۖ فَمَا لَبِثَ أَن جَآءَ بِعِجۡلٍ حَنِيذٍ

Ne Abarumwa befu betsela Ibrahim okhumusuubisia, Nibaboola mbu; “mulembe” Nakalusia mbu; “Mulembe” Ni shiyashinda tawe niyetsa nende eshimwosi ushikhomefu

11:70

فَلَمَّا رَءَآ أَيۡدِيَهُمۡ لَا تَصِلُ إِلَيۡهِ نَكِرَهُمۡ وَأَوۡجَسَ مِنۡهُمۡ خِيفَةًۚ قَالُواْ لَا تَخَفۡ إِنَّآ أُرۡسِلۡنَآ إِلَىٰ قَوۡمِ لُوطٍ

Olwa yalola emikhono chiabu nichilashiulakhwo tawe, nabakholela obukanakani mana nabaria, nibaboola mbu; “olaria tawe, toto efwe khurumilwe khubandu ba Luti”

11:71

وَٱمۡرَأَتُهُۥ قَآئِمَةٌ فَضَحِكَتۡ فَبَشَّرۡنَٰهَا بِإِسۡحَٰقَ وَمِن وَرَآءِ إِسۡحَٰقَ يَعۡقُوبَ

Ne Omukhaye wuwe(Sara) niyemele shilunji natsekha, mana nikhumuhelesia amakhuwa amalayi- ka Is-haq ne inyuma wa Is-haqa khuliho nende Yaqub

11:72

قَالَتۡ يَٰوَيۡلَتَىٰٓ ءَأَلِدُ وَأَنَا۠ عَجُوزٌ وَهَٰذَا بَعۡلِي شَيۡخًاۖ إِنَّ هَٰذَا لَشَيۡءٌ عَجِيبٌ

Naboola mbu; “eh esie endi! Ndakhebula nengofule endi ne omusatsa wanje wuno nakofule ari, toto lino nilikhuwa liokhuwuchisia.”

11:73

قَالُوٓاْ أَتَعۡجَبِينَ مِنۡ أَمۡرِ ٱللَّهِۖ رَحۡمَتُ ٱللَّهِ وَبَرَكَٰتُهُۥ عَلَيۡكُمۡ أَهۡلَ ٱلۡبَيۡتِۚ إِنَّهُۥ حَمِيدٌ مَّجِيدٌ

Nibaboola mbu; “owukanga likhuwa lia Nyasaye? Tsimbabaasi tsia Nyasaye nende ikhabi yiyie tsibe ninanyu enywe Abandu beyinzu ino. Toto ye niye ukhoyesheele okhulaywa nende okhwitsomibwa

11:74

فَلَمَّا ذَهَبَ عَنۡ إِبۡرَٰهِيمَ ٱلرَّوۡعُ وَجَآءَتۡهُ ٱلۡبُشۡرَىٰ يُجَٰدِلُنَا فِي قَوۡمِ لُوطٍ

Mana shingala oburi bwawa khu Ibraheem, namalile okhunyoola amakhuwa amalayi, yachaka okhuyingasia, okhulondokhana nende

11:75

إِنَّ إِبۡرَٰهِيمَ لَحَلِيمٌ أَوَّٰهٌ مُّنِيبٌ

Toto Ibrahim yali Omwihotselefu, omwitsomi wa Nyasaye ne omwangu wokhumukalushila

11:76

يَٰٓإِبۡرَٰهِيمُ أَعۡرِضۡ عَنۡ هَٰذَآۖ إِنَّهُۥ قَدۡ جَآءَ أَمۡرُ رَبِّكَۖ وَإِنَّهُمۡ ءَاتِيهِمۡ عَذَابٌ غَيۡرُ مَرۡدُودٍ

(Nikhumuboolela)”Ewe Ibraheem! Lekhana nende kano. Toto likhuwa lia Nyasaye wuwo limalile okhubura. Ne toto abo shilaboolela eshinyasio eshilakalusibwa inyuma tawe

11:77

وَلَمَّا جَآءَتۡ رُسُلُنَا لُوطًا سِيٓءَ بِهِمۡ وَضَاقَ بِهِمۡ ذَرۡعًا وَقَالَ هَٰذَا يَوۡمٌ عَصِيبٌ

Ne olwa Abarumwa befu betsela Luti, yababelelela muno, mana nalola obutinyu muno shichilabo, naboola mbu; “ino ni inyanga isiro”

11:78

وَجَآءَهُۥ قَوۡمُهُۥ يُهۡرَعُونَ إِلَيۡهِ وَمِن قَبۡلُ كَانُواْ يَعۡمَلُونَ ٱلسَّيِّـَٔاتِۚ قَالَ يَٰقَوۡمِ هَٰٓؤُلَآءِ بَنَاتِي هُنَّ أَطۡهَرُ لَكُمۡۖ فَٱتَّقُواْ ٱللَّهَ وَلَا تُخۡزُونِ فِي ضَيۡفِيٓۖ أَلَيۡسَ مِنكُمۡ رَجُلٌ رَّشِيدٌ

Abandu bebe nibamwitsila tsimbilo, ne imbeli wakano bali nibakholanga amabii. Naboola mbu; “Enywe Abandu banje, bano ni abakhana banje, bo ni abatswenufu khwinywe. Kho murie Nyasaye ne mulafimbia omurwe nabacheni banje tawe. Mwinywe shalikhomwo omundu omulunjifu tawe

11:79

قَالُواْ لَقَدۡ عَلِمۡتَ مَا لَنَا فِي بَنَاتِكَ مِنۡ حَقٍّ وَإِنَّكَ لَتَعۡلَمُ مَا نُرِيدُ

Nibaboola mbu: “Nga ewe toto wamanya mbu khubula oluchendo mubakhana bao, ne toto omanyile obulayi muno shiakhwenyanga.”

11:80

قَالَ لَوۡ أَنَّ لِي بِكُمۡ قُوَّةً أَوۡ ءَاوِيٓ إِلَىٰ رُكۡنٍ شَدِيدٍ

Naboola mbu; “embetsangakhwo nobunyali khwinywe nohomba ambetsanga nende isiilo ya amani (yakhoonya khwinywe)

11:81

قَالُواْ يَٰلُوطُ إِنَّا رُسُلُ رَبِّكَ لَن يَصِلُوٓاْ إِلَيۡكَۖ فَأَسۡرِ بِأَهۡلِكَ بِقِطۡعٍ مِّنَ ٱلَّيۡلِ وَلَا يَلۡتَفِتۡ مِنكُمۡ أَحَدٌ إِلَّا ٱمۡرَأَتَكَۖ إِنَّهُۥ مُصِيبُهَا مَآ أَصَابَهُمۡۚ إِنَّ مَوۡعِدَهُمُ ٱلصُّبۡحُۚ أَلَيۡسَ ٱلصُّبۡحُ بِقَرِيبٍ

Nibaboola mbu; “Ewe Luti, toto efwe khuli Abarumwa ba Nyasaye wuwo Omulesi, shibalakhulakhwo tawe, ne orule ewe nende Abandu bao, mumashebelende, ne Omundu yesisyesi alahenga inyuma tawe, halali Omukhasi wuwo, naye kalamunyoola amasila ketsa okhunyoola abandi abo. Toto ibise biabu ni Itsuli- koo istuli shilisa ahambii

11:82

فَلَمَّا جَآءَ أَمۡرُنَا جَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهَا حِجَارَةً مِّن سِجِّيلٍ مَّنضُودٍ

Olwa likhuwa liefu lietsa, khwakhola hekulu yaba hasi wabu, mana nikhubeshilia ifula yetsimbale tsieliloba eliumu

11:83

مُّسَوَّمَةً عِندَ رَبِّكَۖ وَمَا هِيَ مِنَ ٱلظَّٰلِمِينَ بِبَعِيدٍ

Etsiarebwakhwo eshimanyisio ewa Nyasaye wuwo Omulesi, ne kano shikali ehale nende Abandu ababii tawe

11:84

وَإِلَىٰ مَدۡيَنَ أَخَاهُمۡ شُعَيۡبًاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ وَلَا تَنقُصُواْ ٱلۡمِكۡيَالَ وَٱلۡمِيزَانَۖ إِنِّيٓ أَرَىٰكُم بِخَيۡرٍ وَإِنِّيٓ أَخَافُ عَلَيۡكُمۡ عَذَابَ يَوۡمٍ مُّحِيطٍ

Ne khubandu ba Madyan,(khwaruma) omusiani wabu ( ulangwa mbu) Shuabu. Naboola mbu: “enywe Abandu banje mulaame Nyasaye, mubula Nyasaye wundi owulali ye tawe. Ne Mulaleemia eshichelo nohomba iratili tawe. Esie ebalolanga muli obulayi, ne toto esie abaririra eshinyasio shilibabotokhana inyanga eyo

11:85

وَيَٰقَوۡمِ أَوۡفُواْ ٱلۡمِكۡيَالَ وَٱلۡمِيزَانَ بِٱلۡقِسۡطِۖ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ

“Enywe Abandu banje! Yitsusie eshichelo nende iratili khubuleng’aafu ne mulalemilia Abandu ebindu biabu tawe, ne mulasalasia obubii nende isasia khushialo tawe

11:86

بَقِيَّتُ ٱللَّهِ خَيۡرٌ لَّكُمۡ إِن كُنتُم مُّؤۡمِنِينَۚ وَمَآ أَنَا۠ عَلَيۡكُم بِحَفِيظٍ

Ne(omwandu) okwa Nyasaye abatonyilie nikwo omulayi khwinywe, toto nimuli abasuubilanga. Mana esie shendi omulindi wenyu tawe

11:87

قَالُواْ يَٰشُعَيۡبُ أَصَلَوٰتُكَ تَأۡمُرُكَ أَن نَّتۡرُكَ مَا يَعۡبُدُ ءَابَآؤُنَآ أَوۡ أَن نَّفۡعَلَ فِيٓ أَمۡوَٰلِنَا مَا نَشَٰٓؤُاْۖ إِنَّكَ لَأَنتَ ٱلۡحَلِيمُ ٱلرَّشِيدُ

Nibaboola mbu; “Ewe Shuab! Amalaamo koko kokhulomesia efwe okhulekha akabapapa befu balaamanga, nohomba khulekhe okhukhola shingala khwenya khumwandu kwefu? Toto ewe oli omuholo omulunjifu

11:88

قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٍ مِّن رَّبِّي وَرَزَقَنِي مِنۡهُ رِزۡقًا حَسَنًاۚ وَمَآ أُرِيدُ أَنۡ أُخَالِفَكُمۡ إِلَىٰ مَآ أَنۡهَىٰكُمۡ عَنۡهُۚ إِنۡ أُرِيدُ إِلَّا ٱلۡإِصۡلَٰحَ مَا ٱسۡتَطَعۡتُۚ وَمَا تَوۡفِيقِيٓ إِلَّا بِٱللَّهِۚ عَلَيۡهِ تَوَكَّلۡتُ وَإِلَيۡهِ أُنِيبُ

Yaboola mbu; “Enywe Abandu banje mulola murie nendi nende eshimanyisio shirula khu Nyasaye wanje ne yangabile omukabo omulayi, okhurula khuye, ne esie shindenya okhukabukhana ninanyu akebakaninjia tawe, shindenya halali okhukasia shingala enyalilwa ne okhubura khwanje shikhwakhaba tawe halali khu bunyali bwa Nyasaye, niye wandisichile na ewuwe niwenjomele

11:89

وَيَٰقَوۡمِ لَا يَجۡرِمَنَّكُمۡ شِقَاقِيٓ أَن يُصِيبَكُم مِّثۡلُ مَآ أَصَابَ قَوۡمَ نُوحٍ أَوۡ قَوۡمَ هُودٍ أَوۡ قَوۡمَ صَٰلِحٍۚ وَمَا قَوۡمُ لُوطٍ مِّنكُم بِبَعِيدٍ

“Na enywe Abandu banje! Okhukabukhana ninasi khulabayila kabanyoola shinga kalia kanyoola Abandu ba Nuhu, nohomba Abandu ba Hud nohomba ba Swaleh, ne Abandu ba Luti shibali ehale ninanyu tawe.”

11:90

وَٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِۚ إِنَّ رَبِّي رَحِيمٌ وَدُودٌ

“Ne musabe eshileshelo khu Nyasaye wenyu, mana mwikanile khuye, toto Nyasaye wanje ni wetsimbabaasi owobuyanzi muno

11:91

قَالُواْ يَٰشُعَيۡبُ مَا نَفۡقَهُ كَثِيرًا مِّمَّا تَقُولُ وَإِنَّا لَنَرَىٰكَ فِينَا ضَعِيفًاۖ وَلَوۡلَا رَهۡطُكَ لَرَجَمۡنَٰكَۖ وَمَآ أَنتَ عَلَيۡنَا بِعَزِيزٍ

Baboola mbu; “Ewe Shuab, efwe shikhuwulilanga muno akoboolanga tawe, efwe khukhulola noli omuteshele khwifwe, bakhayanga okhuba Abandu bo khwakhakhulasile amachina, ne sholi omundu woluyali khwifwe tawe

11:92

قَالَ يَٰقَوۡمِ أَرَهۡطِيٓ أَعَزُّ عَلَيۡكُم مِّنَ ٱللَّهِ وَٱتَّخَذۡتُمُوهُ وَرَآءَكُمۡ ظِهۡرِيًّاۖ إِنَّ رَبِّي بِمَا تَعۡمَلُونَ مُحِيطٌ

Naboola mbu; “Enywe Abandu! Abandu banje niboluyali khwinywe okhushila Nyasaye? Ne mwamukhola okhuba inyuma wemikongo chienyu, Toto Nyasaye abotokhananga akamukholanga

11:93

وَيَٰقَوۡمِ ٱعۡمَلُواْ عَلَىٰ مَكَانَتِكُمۡ إِنِّي عَٰمِلٌۖ سَوۡفَ تَعۡلَمُونَ مَن يَأۡتِيهِ عَذَابٌ يُخۡزِيهِ وَمَنۡ هُوَ كَٰذِبٌۖ وَٱرۡتَقِبُوٓاْ إِنِّي مَعَكُمۡ رَقِيبٌ

“Ne enywe Abandu banje! Khole ngamwenya amunyalilwa, siesi ekholanga, ahambi hano mulamanya witsa okhulilwa nende eshinyasio shiokhumututuyia, nende ulia uli omubeyi. Kholinde butswa siesi endi ninanyu enindanga

11:94

وَلَمَّا جَآءَ أَمۡرُنَا نَجَّيۡنَا شُعَيۡبًا وَٱلَّذِينَ ءَامَنُواْ مَعَهُۥ بِرَحۡمَةٍ مِّنَّا وَأَخَذَتِ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ

Ne olwe likhuwa liefu liola, khwahonokosia Shueib nende balia basuubila halala ninaye, khulwe tsimbabaasi tsiefu. Ne balia bakhola obubii, oluyoka lwabukula emioyo chiabu. Nibaba mutsinzu tsiabu nibalaambalile

11:95

كَأَن لَّمۡ يَغۡنَوۡاْ فِيهَآۗ أَلَا بُعۡدًا لِّمَدۡيَنَ كَمَا بَعِدَتۡ ثَمُودُ

Nibabashinga abalabakhomwo tawe. Koo ulile, “Basikha Abandu ba Madyan shingala Abandu ba Thamud basishibwa.”

11:96

وَلَقَدۡ أَرۡسَلۡنَا مُوسَىٰ بِـَٔايَٰتِنَا وَسُلۡطَٰنٍ مُّبِينٍ

Netoto khwaruma Musa halala nende ebimanyisio biefu nende ebifune bili habulafu

11:97

إِلَىٰ فِرۡعَوۡنَ وَمَلَإِيْهِۦ فَٱتَّبَعُوٓاْ أَمۡرَ فِرۡعَوۡنَۖ وَمَآ أَمۡرُ فِرۡعَوۡنَ بِرَشِيدٍ

Khu Firauni nende abandu baye. Halali abo baloonda amakhuwa ka Firauni, ne amakhuwa ka Firauni shinamalunjifu tawe

11:98

يَقۡدُمُ قَوۡمَهُۥ يَوۡمَ ٱلۡقِيَٰمَةِ فَأَوۡرَدَهُمُ ٱلنَّارَۖ وَبِئۡسَ ٱلۡوِرۡدُ ٱلۡمَوۡرُودُ

Aliimisia Abandu beye inyanga yeyindukho, ne alibosia mumulilo. Neni habii ali arie habundu hawo

11:99

وَأُتۡبِعُواْ فِي هَٰذِهِۦ لَعۡنَةً وَيَوۡمَ ٱلۡقِيَٰمَةِۚ بِئۡسَ ٱلرِّفۡدُ ٱلۡمَرۡفُودُ

Ne balondibwakho eshitsubo khushialo khuno nende inyanga yeyindukho. Ne ni eshibi shili shirie eshinyasio shiabalihebwa ukhula khabili

11:100

ذَٰلِكَ مِنۡ أَنۢبَآءِ ٱلۡقُرَىٰ نَقُصُّهُۥ عَلَيۡكَۖ مِنۡهَا قَآئِمٌ وَحَصِيدٌ

Ako ni mumakhuwa ketsingongo kakhukhukanilanga, akandi muko kaliwo ne akandi kayinibwaho

11:101

وَمَا ظَلَمۡنَٰهُمۡ وَلَٰكِن ظَلَمُوٓاْ أَنفُسَهُمۡۖ فَمَآ أَغۡنَتۡ عَنۡهُمۡ ءَالِهَتُهُمُ ٱلَّتِي يَدۡعُونَ مِن دُونِ ٱللَّهِ مِن شَيۡءٍ لَّمَّا جَآءَ أَمۡرُ رَبِّكَۖ وَمَا زَادُوهُمۡ غَيۡرَ تَتۡبِيبٍ

Nafu shikhwabakholela obubii tawe, halali nibo abeene bekholela obubii. Ne abanyasaye babalaamanga abalali Nyasaye shibabakhonyakhwo shiosi shiosi tawe olwa likhuwa lia Nyasaye wuwo liola. Ne shibabameta halali abusishi

11:102

وَكَذَٰلِكَ أَخۡذُ رَبِّكَ إِذَآ أَخَذَ ٱلۡقُرَىٰ وَهِيَ ظَٰلِمَةٌۚ إِنَّ أَخۡذَهُۥٓ أَلِيمٌ شَدِيدٌ

Ne endio nilwakhubetsanga okhubukula khwa Nyasaye wuwo, olwa atilanga olukongo niluli olwamabii, Toto okhubukula khukhwe ni okhululu muno

11:103

إِنَّ فِي ذَٰلِكَ لَأٓيَةً لِّمَنۡ خَافَ عَذَابَ ٱلۡأٓخِرَةِۚ ذَٰلِكَ يَوۡمٌ مَّجۡمُوعٌ لَّهُ ٱلنَّاسُ وَذَٰلِكَ يَوۡمٌ مَّشۡهُودٌ

Totomuakokhulinendeeshilolelokhubalia baritsanga eshinyasio shio mwikulu (Akhera) . Eyo niyo inyanga yabandu balikhung’asibwa, ne niyo inyanga yabilibaho ebilonje biosi

11:104

وَمَا نُؤَخِّرُهُۥٓ إِلَّا لِأَجَلٍ مَّعۡدُودٍ

Ne shikhubashindinjia tawe halali okhula ebise biarebwaho

11:105

يَوۡمَ يَأۡتِ لَا تَكَلَّمُ نَفۡسٌ إِلَّا بِإِذۡنِهِۦۚ فَمِنۡهُمۡ شَقِيٌّ وَسَعِيدٌ

Inyanga lwayiliula, abulaho ulilomaloma halali khukhuchama khukhwe Nyasaye. Ne mubo balibamwo ababii nende abalayi

11:106

فَأَمَّا ٱلَّذِينَ شَقُواْ فَفِي ٱلنَّارِ لَهُمۡ فِيهَا زَفِيرٌ وَشَهِيقٌ

Ne balia baliba ababii baliba mumulilo, balikhupamwo obuyoka nende tsimbungu

11:107

خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۚ إِنَّ رَبَّكَ فَعَّالٌ لِّمَا يُرِيدُ

Balikhalamwo ebise biosi biokhumenyaho likulu nende eshialo, halali shinga Nyasaye yenya. Toto Nyasaye wuwo akholanga shiayenya

11:108

وَأَمَّا ٱلَّذِينَ سُعِدُواْ فَفِي ٱلۡجَنَّةِ خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۖ عَطَآءً غَيۡرَ مَجۡذُوذٍ

Ne balia bobulayi baliba mwikulu, balikhalamwo tsinyanga tsiosi tselikulu nende eshialo okhubaho. halali shinga Nyasaye yenya , niye wemikabo chilawa

11:109

فَلَا تَكُ فِي مِرۡيَةٍ مِّمَّا يَعۡبُدُ هَٰٓؤُلَآءِۚ مَا يَعۡبُدُونَ إِلَّا كَمَا يَعۡبُدُ ءَابَآؤُهُم مِّن قَبۡلُۚ وَإِنَّا لَمُوَفُّوهُمۡ نَصِيبَهُمۡ غَيۡرَ مَنقُوصٍ

Kho olaba nende inganakani khukabano balaamanga tawe, shibalaamanga halali shinga balaamanga basabwe babu bakhale. Ne khulibahelesia omukabo kwabu omulamba okulalemibwa tawe

11:110

وَلَقَدۡ ءَاتَيۡنَا مُوسَى ٱلۡكِتَٰبَ فَٱخۡتُلِفَ فِيهِۚ وَلَوۡلَا كَلِمَةٌ سَبَقَتۡ مِن رَّبِّكَ لَقُضِيَ بَيۡنَهُمۡۚ وَإِنَّهُمۡ لَفِي شَكٍّ مِّنۡهُ مُرِيبٍ

Ne toto khwahelesia Musa eshitabu, mana ni obwawukhani niburebwamwo. Ne libulanga okhuba mbu nilikhuwa liaranjilila okhurula khu Nyasaye wuwo, toto bakhabusiye hakari wabu. Toto bo bali mubukanakani, mubuyendi khushio

11:111

وَإِنَّ كُلًّا لَّمَّا لَيُوَفِّيَنَّهُمۡ رَبُّكَ أَعۡمَٰلَهُمۡۚ إِنَّهُۥ بِمَا يَعۡمَلُونَ خَبِيرٌ

Ne toto Nyasaye wuwo alibarunga abo boosi ebikhole biabu, Toto ye ni Omumanyi muno khukabakholanga

11:112

فَٱسۡتَقِمۡ كَمَآ أُمِرۡتَ وَمَن تَابَ مَعَكَ وَلَا تَطۡغَوۡاْۚ إِنَّهُۥ بِمَا تَعۡمَلُونَ بَصِيرٌ

Kho tsililila nende obulunjifu shingala walomesibwa, nende balia abekanila ninawe, ne mulabura eshichelo tawe, toto ye alolanga muno akamukholanga

11:113

وَلَا تَرۡكَنُوٓاْ إِلَى ٱلَّذِينَ ظَلَمُواْ فَتَمَسَّكُمُ ٱلنَّارُ وَمَا لَكُم مِّن دُونِ ٱللَّهِ مِنۡ أَوۡلِيَآءَ ثُمَّ لَا تُنصَرُونَ

Ne muleshinga khubalia bakholanga obubii tawe, omulilo kwabatilakhwo, ne shimuliba nende omulindi imbeli wa Nyasaye tawe, Mana mwabula okhukhonywa

11:114

وَأَقِمِ ٱلصَّلَوٰةَ طَرَفَيِ ٱلنَّهَارِ وَزُلَفًا مِّنَ ٱلَّيۡلِۚ إِنَّ ٱلۡحَسَنَٰتِ يُذۡهِبۡنَ ٱلسَّيِّـَٔاتِۚ ذَٰلِكَ ذِكۡرَىٰ لِلذَّٰكِرِينَ

Ne olaame amalaamo khundulo tsibili tseshitere(Adhuhur nende Al-asr). Nende ebise bieshilo bilihambi nende eshitere. Toto obulayi burusinjiaho amabii. Shino ni eshitsulisio khubestulilanga

11:115

وَٱصۡبِرۡ فَإِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ

Ne wisumilisie, toto Nyasaye shakosinjia omurungo kwabakholanga amalayi tawe

11:116

فَلَوۡلَا كَانَ مِنَ ٱلۡقُرُونِ مِن قَبۡلِكُمۡ أُوْلُواْ بَقِيَّةٍ يَنۡهَوۡنَ عَنِ ٱلۡفَسَادِ فِي ٱلۡأَرۡضِ إِلَّا قَلِيلًا مِّمَّنۡ أَنجَيۡنَا مِنۡهُمۡۗ وَٱتَّبَعَ ٱلَّذِينَ ظَلَمُواْ مَآ أُتۡرِفُواْ فِيهِ وَكَانُواْ مُجۡرِمِينَ

Mana khulwashina nibalabamwo mubandu beyimbeli enywe nimushili, Abandu bobwongo, abakania obutobela khushialo? halali batiti butswa mubo abakhwahabina. Ne balia bakhola obubii, baloonda obwokholo bwa balimwo. Mana nibaba aboononi

11:117

وَمَا كَانَ رَبُّكَ لِيُهۡلِكَ ٱلۡقُرَىٰ بِظُلۡمٍ وَأَهۡلُهَا مُصۡلِحُونَ

Ne Nyasaye wuwo shiniwokhusishia tsingongo khububii tawe Abandu batsio nibali abakholi bamalayi

11:118

وَلَوۡ شَآءَ رَبُّكَ لَجَعَلَ ٱلنَّاسَ أُمَّةً وَٰحِدَةًۖ وَلَا يَزَالُونَ مُخۡتَلِفِينَ

Ne Nyasaye wuwo yenyanga yakhakholele Abandu okhuba omukanda mulala (okhupara bulala). Kholano balatsililila okhukabukhana

11:119

إِلَّا مَن رَّحِمَ رَبُّكَۚ وَلِذَٰلِكَ خَلَقَهُمۡۗ وَتَمَّتۡ كَلِمَةُ رَبِّكَ لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ

Halali balia aba Nyasaye wuwo yalolela tsimbabaasi, ne khulwatsio yabaloonga, Ne likhuwa lia Nyasaye liamala okhuranjilila mbu; “Toto bwene ndilitsusia mumulilo (mujahanaam ) Amajiini nende Abandu boosi (ababii)

11:120

وَكُلًّا نَّقُصُّ عَلَيۡكَ مِنۡ أَنۢبَآءِ ٱلرُّسُلِ مَا نُثَبِّتُ بِهِۦ فُؤَادَكَۚ وَجَآءَكَ فِي هَٰذِهِ ٱلۡحَقُّ وَمَوۡعِظَةٌ وَذِكۡرَىٰ لِلۡمُؤۡمِنِينَ

Ne khukhukanilanga amakhuwa kabarumwa khulwako khutinyisie omwoyo kukwo, ne mukano obwatoto bukhwitsile, nende amachelo nende obwitsulisio khubalia basuubila

11:121

وَقُل لِّلَّذِينَ لَا يُؤۡمِنُونَ ٱعۡمَلُواْ عَلَىٰ مَكَانَتِكُمۡ إِنَّا عَٰمِلُونَ

Ne boolela balia abalasuubilanga mbu; “Khole butswa akamukholanga fwesi khukholanga.”

11:122

وَٱنتَظِرُوٓاْ إِنَّا مُنتَظِرُونَ

Ne linde butswa fwesi khulindanga

11:123

وَلِلَّهِ غَيۡبُ ٱلسَّمَٰوَٰتِ وَٱلۡأَرۡضِ وَإِلَيۡهِ يُرۡجَعُ ٱلۡأَمۡرُ كُلُّهُۥ فَٱعۡبُدۡهُ وَتَوَكَّلۡ عَلَيۡهِۚ وَمَا رَبُّكَ بِغَٰفِلٍ عَمَّا تَعۡمَلُونَ

Ne nibia Nyasaye biosi biefisa mwikulu nende mushialo, ne amakhuwa koosi kalikalusibwa khuye. Khomulaame ne omwisiche Ye butswa. Ne Nyasaye wuwo shakandalanga khukamukholanga tawe

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.