Surah 71 · 28 verses · Tgk. H. Mahjiddin Jusuf

Surah Nuh in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

71:1

إِنَّآ أَرۡسَلۡنَا نُوحًا إِلَىٰ قَوۡمِهِۦٓ أَنۡ أَنذِرۡ قَوۡمَكَ مِن قَبۡلِ أَن يَأۡتِيَهُمۡ عَذَابٌ أَلِيمٌ

Kamoe kirem Noh bak kawom gopnyan Peuingat jih nyan bek pubuet salah Yoh gohlom teuka azeub peudeh that

71:2

قَالَ يَٰقَوۡمِ إِنِّي لَكُمۡ نَذِيرٌ مُّبِينٌ

Geukheun treuk ligat kawom meutuah Lon nyoe bak gata Neuyue peuingat Uleh Hadharat nyata Neupeugah

71:3

أَنِ ٱعۡبُدُواْ ٱللَّهَ وَٱتَّقُوهُ وَأَطِيعُونِ

Taseumah Allah lom tatakwa Keu Tuhan gata nyang Maha Murah Tataʻat keu Lon bek tameudawa

71:4

يَغۡفِرۡ لَكُم مِّن ذُنُوبِكُمۡ وَيُؤَخِّرۡكُمۡ إِلَىٰٓ أَجَلٍ مُّسَمًّىۚ إِنَّ أَجَلَ ٱللَّهِ إِذَا جَآءَ لَا يُؤَخَّرُۚ لَوۡ كُنتُمۡ تَعۡلَمُونَ

Ampon keu gata Neubri le Allah Neuampon dacha ngon panyang umu Leubeh sigitu bek rijang leupah Dang-dang troh ajai nyang ka meuteuntee Meu ka troh watee han jeuet meu minah Han jeuet le tanggoh meu ka troh watee Meu na ‘eleumee tateupue sudah

71:5

قَالَ رَبِّ إِنِّي دَعَوۡتُ قَوۡمِي لَيۡلًا وَنَهَارًا

Geukheun Tuhanku pakri kawomlon Ka Iheuh dum di lon sabe lon peugah Malam ngon uroe lon yue pubuet got

71:6

فَلَمۡ يَزِدۡهُمۡ دُعَآءِيٓ إِلَّا فِرَارًا

Di jih lagee sot hana jipapah Nyang na sit jiplueng leubeh nibak sot

71:7

وَإِنِّي كُلَّمَا دَعَوۡتُهُمۡ لِتَغۡفِرَ لَهُمۡ جَعَلُوٓاْ أَصَٰبِعَهُمۡ فِيٓ ءَاذَانِهِمۡ وَٱسۡتَغۡشَوۡاْ ثِيَابَهُمۡ وَأَصَرُّواْ وَٱسۡتَكۡبَرُواْ ٱسۡتِكۡبَارًا

‘Oh lon yue nyang got jikheun beurakah Ngon aneuk jaroe jih di geulinyueng Jimeukeuleubong ngon ija sihah Hana jipiyoh jipubuet jeuheut Ngon mbong jih pih that teukabo leupah

71:8

ثُمَّ إِنِّي دَعَوۡتُهُمۡ جِهَارًا

Teuma lon peugah han le lon som-som Di keu jih bandum lon bri peurintah

71:9

ثُمَّ إِنِّيٓ أَعۡلَنتُ لَهُمۡ وَأَسۡرَرۡتُ لَهُمۡ إِسۡرَارًا

Lheuh nyan lon lahe kadang pih lon som Jideungo han lom peue nyang lon peugah

71:10

فَقُلۡتُ ٱسۡتَغۡفِرُواْ رَبَّكُمۡ إِنَّهُۥ كَانَ غَفَّارًا

Talakee ampon lon kheun bak Tuhan f Neuampon rijang gata le Allah

71:11

يُرۡسِلِ ٱلسَّمَآءَ عَلَيۡكُم مِّدۡرَارًا

Neubri ngon ujeuen keu gata le that

71:12

وَيُمۡدِدۡكُم بِأَمۡوَٰلٍ وَبَنِينَ وَيَجۡعَل لَّكُمۡ جَنَّٰتٍ وَيَجۡعَل لَّكُمۡ أَنۡهَٰرًا

Areuta le that Neubri meulimpah Neubri le aneuk teuh lom ngon keubon Neubri deungon krueng seunang teuh leupah

71:13

مَّا لَكُمۡ لَا تَرۡجُونَ لِلَّهِ وَقَارًا

Pakon han tatem harap keu Tuhan Deungon adab sopan tapujoe Allah

71:14

وَقَدۡ خَلَقَكُمۡ أَطۡوَارًا

Neupeujeut gata meutingkat-tingkat Di phon bacut that sampoe ‘an sudah

71:15

أَلَمۡ تَرَوۡاْ كَيۡفَ خَلَقَ ٱللَّهُ سَبۡعَ سَمَٰوَٰتٍ طِبَاقًا

Peue hana taeu nyang Tuhan peujeuet Langet Neupeujeuet tujoh tabaqah

71:16

وَجَعَلَ ٱلۡقَمَرَ فِيهِنَّ نُورًا وَجَعَلَ ٱلشَّمۡسَ سِرَاجًا

Neupeujeuet buleuen cahya seureuloe . Ngon mata uroe hu meujeureulah

71:17

وَٱللَّهُ أَنۢبَتَكُم مِّنَ ٱلۡأَرۡضِ نَبَاتًا

Tuhan peutimoh gata di bumoe

71:18

ثُمَّ يُعِيدُكُمۡ فِيهَا وَيُخۡرِجُكُمۡ إِخۡرَاجًا

Gata Neupeuwoe teuma lom sudah Dudoe Neubangket bandum sinaroe

71:19

وَٱللَّهُ جَعَلَ لَكُمُ ٱلۡأَرۡضَ بِسَاطًا

Neupeujeuet bumoe teuleueng ngon luah

71:20

لِّتَسۡلُكُواْ مِنۡهَا سُبُلًا فِجَاجًا

Mangat jeuet tajak sinan ho nyang hʻeut Peue nyang meukeusud tamita bagah

71:21

قَالَ نُوحٌ رَّبِّ إِنَّهُمۡ عَصَوۡنِي وَٱتَّبَعُواْ مَن لَّمۡ يَزِدۡهُ مَالُهُۥ وَوَلَدُهُۥٓ إِلَّا خَسَارًا

Wahe Tuhanku le Noh lom geukheun Han jipeureumeun peue nyang lon peugah Jimaksiet keu lon di jih jiikot Ureueng nyang karot nyang ba bak salah Atra ngon aneuk jih jeuet keu rugoe Jiturot jih nyoe peue nyang jipeugah

71:22

وَمَكَرُواْ مَكۡرًا كُبَّارًا

Jipubuet jeuheut raya han bagoe

71:23

وَقَالُواْ لَا تَذَرُنَّ ءَالِهَتَكُمۡ وَلَا تَذَرُنَّ وَدًّا وَلَا سُوَاعًا وَلَا يَغُوثَ وَيَعُوقَ وَنَسۡرًا

Jikheun Tuhan nyoe bandum taseumah Tuhan gata dum waddan suwaʻan Yaghus pih meunan han jeuet takeubah Yaʻuq ngon nasar Tuhan teuh bandum Jipeusisat dum rame sileupah Awak nyang lalem nyang elanya that

71:24

وَقَدۡ أَضَلُّواْ كَثِيرًاۖ وَلَا تَزِدِ ٱلظَّٰلِمِينَ إِلَّا ضَلَٰلًا

Bandum ka sisat meutamah-tamah

71:25

مِّمَّا خَطِيٓـَٰٔتِهِمۡ أُغۡرِقُواْ فَأُدۡخِلُواْ نَارًا فَلَمۡ يَجِدُواْ لَهُم مِّن دُونِ ٱللَّهِ أَنصَارًا

Geupeukaram jih dalam buet jeuheut Jitamong meuhat lam apui mirah À Dalam nuraka bandum jitamong Hana soe tulong meunyo kon Allah

71:26

وَقَالَ نُوحٌ رَّبِّ لَا تَذَرۡ عَلَى ٱلۡأَرۡضِ مِنَ ٱلۡكَٰفِرِينَ دَيَّارًا

Geukheun lom le Noh Tuhanku bek le Neukeubah kaphe seunang jih leupah £ Bek le Neukeubah jih ateuh bumoe Jeuet keudeh keunoe mantong jilangkah

71:27

إِنَّكَ إِن تَذَرۡهُمۡ يُضِلُّواْ عِبَادَكَ وَلَا يَلِدُوٓاْ إِلَّا فَاجِرًا كَفَّارًا

Meunyo Neukeubah jih jipeusisat Hamba Neuh meuhat bandum buet salah Meu jimeuaneuk pih jeuet keu kaphe

71:28

رَّبِّ ٱغۡفِرۡ لِي وَلِوَٰلِدَيَّ وَلِمَن دَخَلَ بَيۡتِيَ مُؤۡمِنًا وَلِلۡمُؤۡمِنِينَ وَٱلۡمُؤۡمِنَٰتِۖ وَلَا تَزِدِ ٱلظَّٰلِمِينَ إِلَّا تَبَارَۢا

Dacha lon Neubri ampon ya Allah Meunan pih dacha dua ma-ku lon Mukmin nyang bak lon keunoe geulangkah Mukmin nyang tamong dalam rumoh lon Bandum Neuampon wahe ya Allah Lom bandum mukmin agam ngon inong Bek roh meutamong lam apui mirah Teuma si lalem meutamah rugoe Bandum jih asoe nuraka juah

Translation: Tgk. H. Mahjiddin Jusuf.