Surah 91 · 15 verses · Abdullatif Eduardo M. Arceo

Surah Ash-Shams in Filipino

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

91:1

وَٱلشَّمۡسِ وَضُحَىٰهَا

At sa pamamagitan ng Araw at sa kanyang marilag na liwanag

91:2

وَٱلۡقَمَرِ إِذَا تَلَىٰهَا

At sa pamamagitan ng Buwan kung siya ay sumusubaybay sa kanya (Araw)

91:3

وَٱلنَّهَارِ إِذَا جَلَّىٰهَا

At sa pamamagitan ng Maghapon kung ito ay nagpapamalas ng kasikatan (ng Araw)

91:4

وَٱلَّيۡلِ إِذَا يَغۡشَىٰهَا

At sa pamamagitan ng Gabi kung ito ay lumulukob sa kanya (Araw)

91:5

وَٱلسَّمَآءِ وَمَا بَنَىٰهَا

At sa pamamagitan ng Kalangitan (Alapaap) at sa Kanya na lumikha roon

91:6

وَٱلۡأَرۡضِ وَمَا طَحَىٰهَا

At sa pamamagitan ng Kalupaan at Siya na naglatag dito

91:7

وَنَفۡسٍ وَمَا سَوَّىٰهَا

At sa pamamagitan ng Nafs (si Adan, o tao, o kaluluwa, atbp.), at Siya na lumikha sa kanya nang ganap at angkop na sukat

91:8

فَأَلۡهَمَهَا فُجُورَهَا وَتَقۡوَىٰهَا

At Kanyang ipinamalas (sa inspirasyon) sa kanya kung ano ang tumpak at mali

91:9

قَدۡ أَفۡلَحَ مَن زَكَّىٰهَا

Katotohanang siya na nagpapadalisay ng kanyang sarili ay magtatagumpay (alalaong baga, sumunod at magsagawa ng lahat ng mga ipinag-uutos ni 960 Allah sa pamamagitan ng pagsunod sa Tunay na Pananalig at paggawa ng mga kabutihan)

91:10

وَقَدۡ خَابَ مَن دَسَّىٰهَا

At katotohanang siya na nagpapasama sa kanyang sarili ay mabibigo (alalaong baga, pagsuway sa mga ipinag-uutos ni Allah sa pamamagitan ng pagtatakwil sa Tunay na Pananalig at pagsamba sa mga diyus-diyosan at paggawa ng mga kasalanan at kabuktutan)

91:11

كَذَّبَتۡ ثَمُودُ بِطَغۡوَىٰهَآ

(Ang pamayanan) ni Thamud ay nagtatwa (sa kanilang Propeta) sa pamamagitan ng kanilang paglabag sa kautusan (pagtatakwil sa Tunay na Pananalig at pagsamba sa mga diyus-diyosan at paggawa ng lahat ng uri ng kasalanan)

91:12

إِذِ ٱنۢبَعَثَ أَشۡقَىٰهَا

Pagmasdan! Ang pinakabuktot na tao sa kanilang lipon ay lumantad (upang patayin ang babaeng kamelyo na siyang ipinadala bilang Tanda ni Allah sa Kanyang Propetang si Salih)

91:13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Datapuwa’t ang Tagapagbalita ni Allah (Salih) ay nagturing sa kanila: “Maging maingat! Pangambahan ninyo ang masamang kahihinatnan. Iyan ay isang babaeng kamelyo ni Allah! (Siya ay huwag ninyong saktan) at huwag siyang pigilan na uminom!”

91:14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Datapuwa’t sila ay nagtakwil sa kanya (bilang huwad na propeta), at kanilang binigti ito (ang babaeng kamelyo). Kaya’t ang kanilang Panginoon ay sumumpa sa kanilang mga kasalanan at winasak silang lahat (mayaman, mahirap, mahina, malakas, mga tahanan, atbp)

91:15

وَلَا يَخَافُ عُقۡبَٰهَا

At Siya (Allah) ay hindi nangangamba sa anumang kahihinatnan nito (o sa susunod na magaganap)

Translation: Abdullatif Eduardo M. Arceo.