Surah 27 · 93 verses · Tgk. H. Mahjiddin Jusuf

Surah An-Naml in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

27:1

طسٓۚ تِلۡكَ ءَايَٰتُ ٱلۡقُرۡءَانِ وَكِتَابٍ مُّبِينٍ

Tha Sin Tuhan nyang teupeue meukeusud ayat Sabab Hadharat hana Neupeugah Nyankeuh dum ayat dalam Qur'an Lam kitab geutrang bandum peurintah

27:2

هُدًى وَبُشۡرَىٰ لِلۡمُؤۡمِنِينَ

Haba peutunyok haba geumbira Keu mukmin dumna ureueng meutuah

27:3

ٱلَّذِينَ يُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ يُوقِنُونَ

Peubuet seumbahyang ngon geuboh zakeuet Uroe akhirat geuyakin leupah

27:4

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ زَيَّنَّا لَهُمۡ أَعۡمَٰلَهُمۡ فَهُمۡ يَعۡمَهُونَ

Teuma awak nyan nyang han meuiman Akhirat pih tan dijih jipeugah Kamoe peuindah dum buet awak nyan Sang-sang buet jih nyan kon buet nyang salah Kakeuh meul‘ueh p‘ueh treuk jih di sinan

27:5

أُوْلَٰٓئِكَ ٱلَّذِينَ لَهُمۡ سُوٓءُ ٱلۡعَذَابِ وَهُمۡ فِي ٱلۡأٓخِرَةِ هُمُ ٱلۡأَخۡسَرُونَ

Jeuet keu awak nyan azeueb that leupah Rugoe that dijih uroe akhirat

27:6

وَإِنَّكَ لَتُلَقَّى ٱلۡقُرۡءَانَ مِن لَّدُنۡ حَكِيمٍ عَلِيمٍ

Keu gata meuhat geubri peurintah Geubri Qur'an keunan keu gata Nibak Po gata nyang Maha Murah Nyang Bijaksana hana teukira Seugala rupa Neuteupeue sudah

27:7

إِذۡ قَالَ مُوسَىٰ لِأَهۡلِهِۦٓ إِنِّيٓ ءَانَسۡتُ نَارًا سَـَٔاتِيكُم مِّنۡهَا بِخَبَرٍ أَوۡ ءَاتِيكُم بِشِهَابٍ قَبَسٍ لَّعَلَّكُمۡ تَصۡطَلُونَ

Bak watee Musa geukheun bak ahli Geuh sang-sang meuri apui hu mirah Bah lon jak kalon lon jak peunyata Watee lon gisa euntreuk lon peugah Kadang na apui lon peuwoe bacut Meu na meukeusud tatueng phaedah

27:8

فَلَمَّا جَآءَهَا نُودِيَ أَنۢ بُورِكَ مَن فِي ٱلنَّارِ وَمَنۡ حَوۡلَهَا وَسُبۡحَٰنَ ٱللَّهِ رَبِّ ٱلۡعَٰلَمِينَ

‘Oh ban troh Musa geudeungo ligat Keubit beureukat ureueng troh langkah Ureueng toe apui ngon lingka gopnyan Beureukat keunan Neubri le Allah Maha Suci that Tuhan Po alam

27:9

يَٰمُوسَىٰٓ إِنَّهُۥٓ أَنَا ٱللَّهُ ٱلۡعَزِيزُ ٱلۡحَكِيمُ

Hai Musa sinan sinoe lon Allah Lon that Peurkasa ngon Bijaksana

27:10

وَأَلۡقِ عَصَاكَۚ فَلَمَّا رَءَاهَا تَهۡتَزُّ كَأَنَّهَا جَآنٌّ وَلَّىٰ مُدۡبِرًا وَلَمۡ يُعَقِّبۡۚ يَٰمُوسَىٰ لَا تَخَفۡ إِنِّي لَا يَخَافُ لَدَيَّ ٱلۡمُرۡسَلُونَ

Nyan tungkat gata tatiek leh bagah ‘Oh ban geukalon ka meugrak tungkat Uleue raya that jihah ngon babah Geuplueng u likot hana geungieng-ngieng Hai Musa pakon teumakot leupah Bek yoteuh Rasul hanjeuet teumakot Bak Lon nyan hanjeuet pantang that leupah

27:11

إِلَّا مَن ظَلَمَ ثُمَّ بَدَّلَ حُسۡنَۢا بَعۡدَ سُوٓءٍ فَإِنِّي غَفُورٌ رَّحِيمٌ

Meulengkan ureueng nyang buet jih lalem ‘Oh Iheueh nyan jitem toubat bak Allah Buet jih nyang jeuheut jigantoe ngon got Teuma buet nyang got han le jikeubah Nyan di-Lon teuma Maha Peungampon Meunan pih sit Lon Maha Peumurah

27:12

وَأَدۡخِلۡ يَدَكَ فِي جَيۡبِكَ تَخۡرُجۡ بَيۡضَآءَ مِنۡ غَيۡرِ سُوٓءٍۖ فِي تِسۡعِ ءَايَٰتٍ إِلَىٰ فِرۡعَوۡنَ وَقَوۡمِهِۦٓۚ إِنَّهُمۡ كَانُواْ قَوۡمًا فَٰسِقِينَ

Tapeulop jaroeteuh lam keh bajee ‘Oh tasuet teuntee puteh that leupah Kon puteh supak puteh meukilat Sikureueng ayat Neubri le Allah Atra nyan taba ubak Peuraʻeun Ngon kaom jih dum nyang fasek leupah

27:13

فَلَمَّا جَآءَتۡهُمۡ ءَايَٰتُنَا مُبۡصِرَةً قَالُواْ هَٰذَا سِحۡرٌ مُّبِينٌ

‘Oh ban ka teuka dum ayat Kamoe Ubak kaom nyoe jikalon sudah Jikheun laju nyoe sihe raya that

27:14

وَجَحَدُواْ بِهَا وَٱسۡتَيۡقَنَتۡهَآ أَنفُسُهُمۡ ظُلۡمًا وَعُلُوًّاۚ فَٱنظُرۡ كَيۡفَ كَانَ عَٰقِبَةُ ٱلۡمُفۡسِدِينَ

Jiungki leugat bandum peurintah Dalam ate jih jiyakin beuna Tapi elanya jih mbong that leupah Teuma takalon pakri akibat Ureueng nyang jeuheut jipubuet salah

27:15

وَلَقَدۡ ءَاتَيۡنَا دَاوُۥدَ وَسُلَيۡمَٰنَ عِلۡمًاۖ وَقَالَا ٱلۡحَمۡدُ لِلَّهِ ٱلَّذِي فَضَّلَنَا عَلَىٰ كَثِيرٍ مِّنۡ عِبَادِهِ ٱلۡمُؤۡمِنِينَ

Meubri keu Daud deungon Sulaiman ‘Eleumee gopnyan Kamoe bri luah Geukheun bandua pujoe keu Tuhan Karonya-Neuh nyan le han ban peugah Leubeh keu kamoe nibak nyang laen Í Dum ureueng mukmin nyang hamba Allah

27:16

وَوَرِثَ سُلَيۡمَٰنُ دَاوُۥدَۖ وَقَالَ يَٰٓأَيُّهَا ٱلنَّاسُ عُلِّمۡنَا مَنطِقَ ٱلطَّيۡرِ وَأُوتِينَا مِن كُلِّ شَيۡءٍۖ إِنَّ هَٰذَا لَهُوَ ٱلۡفَضۡلُ ٱلۡمُبِينُ

Sulaiman geutueng pusaka Daud Bandum geuturot peue nyang geupeugah Geukheun treuk teuma wahe dum insan Peungetahuan kamoe le leupah Neubri keu kamoe ‘eleumee Tuhan Meuteupeue rijang peue cicem peugah Neubri keu kamoe bandum peukara Nyoekeuh kurnia nyang nyata leupah

27:17

وَحُشِرَ لِسُلَيۡمَٰنَ جُنُودُهُۥ مِنَ ٱلۡجِنِّ وَٱلۡإِنسِ وَٱلطَّيۡرِ فَهُمۡ يُوزَعُونَ

Geupeusapat treuk tentra Sulaiman Jen deungon insan dum hamba Allah Meunan pih cicem bandum meubareh

27:18

حَتَّىٰٓ إِذَآ أَتَوۡاْ عَلَىٰ وَادِ ٱلنَّمۡلِ قَالَتۡ نَمۡلَةٌ يَٰٓأَيُّهَا ٱلنَّمۡلُ ٱدۡخُلُواْ مَسَٰكِنَكُمۡ لَا يَحۡطِمَنَّكُمۡ سُلَيۡمَٰنُ وَجُنُودُهُۥ وَهُمۡ لَا يَشۡعُرُونَ

Hingga troh keudeh dum geumeulangkah ‘Oh ban troh keudeh bak gampong sidom ` Kheun saboh sidom rakan meutuah Talop lam umpung gata nyoe bandum J Nak bek geugidong le hamba Allah Tentra Sulaiman dum gidong gata Hana geusahja bak geubet langkah

27:19

فَتَبَسَّمَ ضَاحِكًا مِّن قَوۡلِهَا وَقَالَ رَبِّ أَوۡزِعۡنِيٓ أَنۡ أَشۡكُرَ نِعۡمَتَكَ ٱلَّتِيٓ أَنۡعَمۡتَ عَلَيَّ وَعَلَىٰ وَٰلِدَيَّ وَأَنۡ أَعۡمَلَ صَٰلِحًا تَرۡضَىٰهُ وَأَدۡخِلۡنِي بِرَحۡمَتِكَ فِي عِبَادِكَ ٱلصَّٰلِحِينَ

Sulaiman deungo teukhem teuseunyom Bit rakyat sidom utoh sileupah Geukheun Tuhanku Neubri lon chukor Nikmat-Neuh that le keu lon Neuruah Meunan pih nikmat keu ma ngon ku lon Ka Neubri keu lon dum le that leupah

27:20

وَتَفَقَّدَ ٱلطَّيۡرَ فَقَالَ مَالِيَ لَآ أَرَى ٱلۡهُدۡهُدَ أَمۡ كَانَ مِنَ ٱلۡغَآئِبِينَ

Teuma dum cicem geujak pareksa Geukheun treuk ho ka hud-hud tan leumah Peue jih ka jijak hana meu haba

27:21

لَأُعَذِّبَنَّهُۥ عَذَابًا شَدِيدًا أَوۡ لَأَاْذۡبَحَنَّهُۥٓ أَوۡ لَيَأۡتِيَنِّي بِسُلۡطَٰنٍ مُّبِينٍ

Keubit ceulaka jipeubuet salah Kuazeueb jih nyan beu saket that-that Ho jibeurangkat hana jipeugah Adak han kusie kukoh takue jih f Atawa dijih na peue jipeugah Meu na alasan dijih nyang nyata t Han keunong seksa meu ek jipeuglah

27:22

فَمَكَثَ غَيۡرَ بَعِيدٍ فَقَالَ أَحَطتُ بِمَا لَمۡ تُحِطۡ بِهِۦ وَجِئۡتُكَ مِن سَبَإِۭ بِنَبَإٍ يَقِينٍ

‘Oh ban troh hud-hud sinan jipiyoh Hana that jioh ngon Nabiyyullah Jikheun na haba nyang han neuteupeue Dilon lon teupeue ka troh lon langkah Lon ba di Sabak haba nyang yakin Leupah that peunteng deungo lon peugah

27:23

إِنِّي وَجَدتُّ ٱمۡرَأَةً تَمۡلِكُهُمۡ وَأُوتِيَتۡ مِن كُلِّ شَيۡءٍ وَلَهَا عَرۡشٌ عَظِيمٌ

Lon kalon sideh na raja inong Nyang mat keurajeuen nanggroe pih luah Bandum peukara geubri keu gopnyan Meuligoe gopnyan raya that leupah

27:24

وَجَدتُّهَا وَقَوۡمَهَا يَسۡجُدُونَ لِلشَّمۡسِ مِن دُونِ ٱللَّهِ وَزَيَّنَ لَهُمُ ٱلشَّيۡطَٰنُ أَعۡمَٰلَهُمۡ فَصَدَّهُمۡ عَنِ ٱلسَّبِيلِ فَهُمۡ لَا يَهۡتَدُونَ

Gopnyan ngon kaomgeuh lam nanggroe nyoe Bak mata uroe bandum geuseumah Bandum geusujud kon ubak Tuhan Buet nyan le chetan ka jipeuindah Buet nyan got that-that jikheun le chetan Gob dum jiyue tham bak jalan Allah Hana peutunyok dum keu ureueng nyan

27:25

أَلَّاۤ يَسۡجُدُواْۤ لِلَّهِ ٱلَّذِي يُخۡرِجُ ٱلۡخَبۡءَ فِي ٱلسَّمَٰوَٰتِ وَٱلۡأَرۡضِ وَيَعۡلَمُ مَا تُخۡفُونَ وَمَا تُعۡلِنُونَ

Jisujud dum nyan kon ubak Allah A Tuhan nyang peujeuet langet ngon bumoe Neupeudeuh asoe jih nyang tan leumah Peue-peue nyang tasom bandum Neuteupeue Nyang lahe dumpeue pih hana ubah

27:26

ٱللَّهُ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡعَظِيمِ

Tan tuhan laen nibak Hadharat ‘Arasy raya that sit milek Allah

27:27

قَالَ سَنَنظُرُ أَصَدَقۡتَ أَمۡ كُنتَ مِنَ ٱلۡكَٰذِبِينَ

Sulaiman geukheun takalon teuma 4 Peue gata beuna atawa salah Meu gata sulet tahukom teuma

27:28

ٱذۡهَب بِّكِتَٰبِي هَٰذَا فَأَلۡقِهۡ إِلَيۡهِمۡ ثُمَّ تَوَلَّ عَنۡهُمۡ فَٱنظُرۡ مَاذَا يَرۡجِعُونَ

Jinoe jak sigra keudeh talangkah Tatiek surat lon ubak awak nyan d Takalon lheueh nyan pakri jipeugah

27:29

قَالَتۡ يَٰٓأَيُّهَا ٱلۡمَلَؤُاْ إِنِّيٓ أُلۡقِيَ إِلَيَّ كِتَٰبٌ كَرِيمٌ

Kheun raja inong wahe dum rakyat Dilon na surat saboh jroh leupah

27:30

إِنَّهُۥ مِن سُلَيۡمَٰنَ وَإِنَّهُۥ بِسۡمِ ٱللَّهِ ٱلرَّحۡمَٰنِ ٱلرَّحِيمِ

Raja Sulaiman nyang kirem surat Asoe jih meuhat ngon nama Allah Nyang that Geumaseh donya akhirat d Tuhan Hadharat nyang Maha Murah

27:31

أَلَّا تَعۡلُواْ عَلَيَّ وَأۡتُونِي مُسۡلِمِينَ

Bek na mbong gata u ateueh lon nyoe Islam jinoe keunoe talangkah

27:32

قَالَتۡ يَٰٓأَيُّهَا ٱلۡمَلَؤُاْ أَفۡتُونِي فِيٓ أَمۡرِي مَا كُنتُ قَاطِعَةً أَمۡرًا حَتَّىٰ تَشۡهَدُونِ

Kheun raja inong wahe dum rakyat Pakriban pakat tacuba peugah Hana tom lon cok saboh putosan Meu gata tuan gohlom troh langkah Meu gohlom tabri keu lon timbangan

27:33

قَالُواْ نَحۡنُ أُوْلُواْ قُوَّةٍ وَأُوْلُواْ بَأۡسٍ شَدِيدٍ وَٱلۡأَمۡرُ إِلَيۡكِ فَٱنظُرِي مَاذَا تَأۡمُرِينَ

Kheun treuk awak nyan tanyoe that meugah Teuga ngon beuhe geutanyoe sit that Putosan meuhat ban gata peugah Peue tapeurintah kamoe meuikot

27:34

قَالَتۡ إِنَّ ٱلۡمُلُوكَ إِذَا دَخَلُواْ قَرۡيَةً أَفۡسَدُوهَا وَجَعَلُوٓاْ أَعِزَّةَ أَهۡلِهَآ أَذِلَّةًۚ وَكَذَٰلِكَ يَفۡعَلُونَ

Teuma geuseuot le putroe ceudah Dum raja-raja ‘oh talo musoh Hana geupiyoh laju geujajah Lheueh geupeurusak bandum peue nyang na Bandum jeuet hina ureueng nyang meugah Tanyoe pih teuntee geupeugot meunan

27:35

وَإِنِّي مُرۡسِلَةٌ إِلَيۡهِم بِهَدِيَّةٍ فَنَاظِرَةُۢ بِمَ يَرۡجِعُ ٱلۡمُرۡسَلُونَ

Lon pike seunang tabri hadiah ‘Oh lIheueh takirem tapreh peue haba Watee jigisa pakri jipeugah

27:36

فَلَمَّا جَآءَ سُلَيۡمَٰنَ قَالَ أَتُمِدُّونَنِ بِمَالٍ فَمَآ ءَاتَىٰنِۦَ ٱللَّهُ خَيۡرٌ مِّمَّآ ءَاتَىٰكُمۚ بَلۡ أَنتُم بِهَدِيَّتِكُمۡ تَفۡرَحُونَ

‘Oh troh utosan ubak Sulaiman Geukheun peue dum nyan tame hadiah Di sinoe bak lon le that atra nyan Kurnia Tuhan keu lon le leupah Digata seunang ngon hadiah nyan

27:37

ٱرۡجِعۡ إِلَيۡهِمۡ فَلَنَأۡتِيَنَّهُم بِجُنُودٍ لَّا قِبَلَ لَهُم بِهَا وَلَنُخۡرِجَنَّهُم مِّنۡهَآ أَذِلَّةً وَهُمۡ صَٰغِرُونَ

Tajak woe kaman keudeh beu bagah Kamoe jak keudeh ngon bala tentra Han ek takira nyang jai that leupah Kamoe peuteubiet bandum di nanggroe Hina beurangsoe nyang dilee meugah Bandum jeuet ubit nyang dilee raya

27:38

قَالَ يَٰٓأَيُّهَا ٱلۡمَلَؤُاْ أَيُّكُمۡ يَأۡتِينِي بِعَرۡشِهَا قَبۡلَ أَن يَأۡتُونِي مُسۡلِمِينَ

Teuma meusabda Sulaiman bagah Wahe dum rakyat tapeugah jinoe Soe ek ba keunoe meuligoe indah Meuligoe putroe tabeu-et keunoe Yoh gohlom keunoe jijak meunyeurah

27:39

قَالَ عِفۡرِيتٌ مِّنَ ٱلۡجِنِّ أَنَا۠ ءَاتِيكَ بِهِۦ قَبۡلَ أَن تَقُومَ مِن مَّقَامِكَۖ وَإِنِّي عَلَيۡهِ لَقَوِيٌّ أَمِينٌ

Kheun jen Ifret dilon ek lon ba Yoh gohlom gata tabeudoh bagah Teuga ngon aman lon lon ba keunoe Yoh droeneuh sinoe gohlom neulangkah

27:40

قَالَ ٱلَّذِي عِندَهُۥ عِلۡمٌ مِّنَ ٱلۡكِتَٰبِ أَنَا۠ ءَاتِيكَ بِهِۦ قَبۡلَ أَن يَرۡتَدَّ إِلَيۡكَ طَرۡفُكَۚ فَلَمَّا رَءَاهُ مُسۡتَقِرًّا عِندَهُۥ قَالَ هَٰذَا مِن فَضۡلِ رَبِّي لِيَبۡلُوَنِيٓ ءَأَشۡكُرُ أَمۡ أَكۡفُرُۖ وَمَن شَكَرَ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ رَبِّي غَنِيٌّ كَرِيمٌ

Kheun sidroe ureueng nyang na ‘eleumee Lam kitab dilee geuteupeue sudah Dilon ek lon ba lam siklep mata Keubit troh sigra meuligoe indah ‘Oh ban ka geu-eu meuligoe sinan Nabi Sulaiman geukheun le bagah Atra nyoe meuhat karonya Tuhan Neukeumeung kalon pakri ban ulah Peue na lon chukor atawa hana Teuma meunyo na teuntee jroh leupah Soe nyang tem chukor munapheuʻat keu droe Cheitan peulaloe ka ek geubantah Teuma nyang kaphe han jitem chukor Han ek jiato napsu jiteugah Nyan di-Tuhanlon keubit that kaya Lom that mulia hana ban peugah Hana meuhajat chukor beurangsoe Tuhanku sidroe Maha Peumurah

27:41

قَالَ نَكِّرُواْ لَهَا عَرۡشَهَا نَنظُرۡ أَتَهۡتَدِيٓ أَمۡ تَكُونُ مِنَ ٱلَّذِينَ لَا يَهۡتَدُونَ

Geukheun taubah bacut meuligoe Takalon jinoe pakriban ulah Ek jituri lom meuligoe jih nyan Atawa sit han sabab ka ubah

27:42

فَلَمَّا جَآءَتۡ قِيلَ أَهَٰكَذَا عَرۡشُكِۖ قَالَتۡ كَأَنَّهُۥ هُوَۚ وَأُوتِينَا ٱلۡعِلۡمَ مِن قَبۡلِهَا وَكُنَّا مُسۡلِمِينَ

Teuma geutanyong ‘oh ban troh putroe Peue nyo lagee nyoe meuligoe indah Meuligoe gata peue saban ngon nyoe Sang-sang atra nyoe geuseu-ot bagah Sang meuligoe lonka geuba keunoe Teuma sit kamoe meuteupeue sudah Yoh gohlom dilee ka meu-Islam

27:43

وَصَدَّهَا مَا كَانَت تَّعۡبُدُ مِن دُونِ ٱللَّهِۖ إِنَّهَا كَانَتۡ مِن قَوۡمٍ كَٰفِرِينَ

Teuma na soe tham jeuetkeuh roh salah Sabab putroe kon jiseumah Tuhan Ka roh lam kawan kaphe seurakah

27:44

قِيلَ لَهَا ٱدۡخُلِي ٱلصَّرۡحَۖ فَلَمَّا رَأَتۡهُ حَسِبَتۡهُ لُجَّةً وَكَشَفَتۡ عَن سَاقَيۡهَاۚ قَالَ إِنَّهُۥ صَرۡحٌ مُّمَرَّدٌ مِّن قَوَارِيرَۗ قَالَتۡ رَبِّ إِنِّي ظَلَمۡتُ نَفۡسِي وَأَسۡلَمۡتُ مَعَ سُلَيۡمَٰنَ لِلَّهِ رَبِّ ٱلۡعَٰلَمِينَ

Geukheun boh tamong dalam meuligoe Teuma diputroe hireuen that leupah Geusangka geubloh dalam ie laot ; Ija geubeu-ot beuteh ka leumah Sulaiman kheun nyoe meuligoe kaca Meulaen rupa takalon ubah Putroe kheun Tuhan lon elanya droe Jinoe lon jok droe bak droe-Neuh Allah Ka lon Islam sajan Sulaiman Tuhan Po alam jinoe lon seumah

27:45

وَلَقَدۡ أَرۡسَلۡنَآ إِلَىٰ ثَمُودَ أَخَاهُمۡ صَٰلِحًا أَنِ ٱعۡبُدُواْ ٱللَّهَ فَإِذَا هُمۡ فَرِيقَانِ يَخۡتَصِمُونَ

Teuma bak Tsamud ka Kamoe kirem Chedara jih nyan Shaleh meutuah Geupeugah bak jih taseumah Tuhan Meu jeuet treuk jih nyan dua kabilah Dua awak nyan jipeudong dawa

27:46

قَالَ يَٰقَوۡمِ لِمَ تَسۡتَعۡجِلُونَ بِٱلسَّيِّئَةِ قَبۡلَ ٱلۡحَسَنَةِۖ لَوۡلَا تَسۡتَغۡفِرُونَ ٱللَّهَ لَعَلَّكُمۡ تُرۡحَمُونَ

Shaleh kheun sigra teuma geupeugah Pakon dum gata talakee nyang brok Talakee beu troh jinoe beu bagah Pakon han nyang got talakee phon-phon Talakee ampon deecha bak Allah Mangat jeuet rahmat Neubri keu gata

27:47

قَالُواْ ٱطَّيَّرۡنَا بِكَ وَبِمَن مَّعَكَۚ قَالَ طَٰٓئِرُكُمۡ عِندَ ٱللَّهِۖ بَلۡ أَنتُمۡ قَوۡمٌ تُفۡتَنُونَ

Jiseuot sigra gata nyang salah Ceulaka kamoe ngon sabab gata Ngon rakan gata bandumteuh salah Geukheun ceulaka cit bak droe gata Han tatakwa gata keu Allah Keunong fitnah keu bandum gata Raya that bala Neubri le Allah

27:48

وَكَانَ فِي ٱلۡمَدِينَةِ تِسۡعَةُ رَهۡطٍ يُفۡسِدُونَ فِي ٱلۡأَرۡضِ وَلَا يُصۡلِحُونَ

Na sikureueng droe ureueng lam kuta Awak nyan kha-kha jipubuet salah Sinan di bumoe jipubuet jeuheut Hana nyang got buet jih meu be seupah

27:49

قَالُواْ تَقَاسَمُواْ بِٱللَّهِ لَنُبَيِّتَنَّهُۥ وَأَهۡلَهُۥ ثُمَّ لَنَقُولَنَّ لِوَلِيِّهِۦ مَا شَهِدۡنَا مَهۡلِكَ أَهۡلِهِۦ وَإِنَّا لَصَٰدِقُونَ

Jikheun meusumpah tanyoe ngon Tuhan Kamoe poh malam jih han meukeubah Ngon ahli jih nyan kamoe poh malam Bak wali jih nyan teuma meupeugah Hana tanyoe eu awak nyan ho ka Saleh binasa kadang ka reubah Nyang tanyoe peugah tanyoe beuna that

27:50

وَمَكَرُواْ مَكۡرًا وَمَكَرۡنَا مَكۡرًا وَهُمۡ لَا يَشۡعُرُونَ

Keubit jeuheut that jipeubuet salah Jitipee bandum meunan jikira Hana jisangka ka Kamoe balah

27:51

فَٱنظُرۡ كَيۡفَ كَانَ عَٰقِبَةُ مَكۡرِهِمۡ أَنَّا دَمَّرۡنَٰهُمۡ وَقَوۡمَهُمۡ أَجۡمَعِينَ

Takalon pakri akibat keu jih Sabab jeuheut jih jipubuet salah Kamoe peuhanco jih ngon kaom jih Abeh bandum jih han Kamoe keubah

27:52

فَتِلۡكَ بُيُوتُهُمۡ خَاوِيَةَۢ بِمَا ظَلَمُوٓاْۚ إِنَّ فِي ذَٰلِكَ لَأٓيَةً لِّقَوۡمٍ يَعۡلَمُونَ

Rumoh-rumoh jih runtoh dum meukr‘um Sabab jih lalem hana ban peugah Atra nyan bandum pih jeuet keu tanda Keu kaom nyang na jitueng phaedah Kaom nyang teupeue Kuasa Tuhan

27:53

وَأَنجَيۡنَا ٱلَّذِينَ ءَامَنُواْ وَكَانُواْ يَتَّقُونَ

Ureueng meuiman Kamoe peuleupah Bandum ureueng nyan hana binasa Sabab takwa gopnyan keu Allah

27:54

وَلُوطًا إِذۡ قَالَ لِقَوۡمِهِۦٓ أَتَأۡتُونَ ٱلۡفَٰحِشَةَ وَأَنتُمۡ تُبۡصِرُونَ

Nabi Luth teuma geukheun bak kaom Geuh peue gata dum tapubuet salah Tapubuet keuji sit ka takalon

27:55

أَئِنَّكُمۡ لَتَأۡتُونَ ٱلرِّجَالَ شَهۡوَةً مِّن دُونِ ٱلنِّسَآءِۚ بَلۡ أَنتُمۡ قَوۡمٌ تَجۡهَلُونَ

Tamita agam tatueng keu makah Han tatueng inong bandum digata Tapi buet gata jahe that leupah

27:56

فَمَا كَانَ جَوَابَ قَوۡمِهِۦٓ إِلَّآ أَن قَالُوٓاْ أَخۡرِجُوٓاْ ءَالَ لُوطٍ مِّن قَرۡيَتِكُمۡۖ إِنَّهُمۡ أُنَاسٌ يَتَطَهَّرُونَ

Kon laen jaweueb le kaom gopnyan Peuteubiet jih nyan keudeh beu bagah Use wareh Luth bandum di sinoe Lam nanggroe tanyoe jih bek takeubah Ureueng gleh that jih kon lagee tanyoe

27:57

فَأَنجَيۡنَٰهُ وَأَهۡلَهُۥٓ إِلَّا ٱمۡرَأَتَهُۥ قَدَّرۡنَٰهَا مِنَ ٱلۡغَٰبِرِينَ

Teuma di-Kamoe gopnyan Meupeuglah Meupeuglah gopnyan ngon ahli gopnyan Peurumoh gopnyan teuma ka salah Ka roh lam kawan awak binasa Ka Kamoe kada sinan Meukeubah

27:58

وَأَمۡطَرۡنَا عَلَيۡهِم مَّطَرًاۖ فَسَآءَ مَطَرُ ٱلۡمُنذَرِينَ

Kamoe rhom bandum ngon ujeuen batee Sabab ka dilee geubri peurintah Beurangsoe nyang ka lheueh geupeuingat Ujeuen jeuheut that keu jih geubalah

27:59

قُلِ ٱلۡحَمۡدُ لِلَّهِ وَسَلَٰمٌ عَلَىٰ عِبَادِهِ ٱلَّذِينَ ٱصۡطَفَىٰٓۗ ءَآللَّهُ خَيۡرٌ أَمَّا يُشۡرِكُونَ

(Takheun dum pujoe meuwoe keu Tuhan Keu hamba-Neuh nyan saleuem Neupeugah QUZ 20) Hamba-Neuh nyan dum nyang ka Neupileh Soe got Tuhan jih teuma ngon Allah Tuhan jih dum nyang jipeucharikat

27:60

أَمَّنۡ خَلَقَ ٱلسَّمَٰوَٰتِ وَٱلۡأَرۡضَ وَأَنزَلَ لَكُم مِّنَ ٱلسَّمَآءِ مَآءً فَأَنۢبَتۡنَا بِهِۦ حَدَآئِقَ ذَاتَ بَهۡجَةٍ مَّا كَانَ لَكُمۡ أَن تُنۢبِتُواْ شَجَرَهَآۗ أَءِلَٰهٌ مَّعَ ٱللَّهِۚ بَلۡ هُمۡ قَوۡمٌ يَعۡدِلُونَ

Boh soe nyang peujeuet bumoe nyang li Soe nyang peujeuet dum langet ngon bumoe Soe peutren keunoe ujeuen geuruah Kamoe peuhudep dumna tanaman Di dalam taman takalon indah Hana gata ek peutimoh kayee Na laen teuntee Tuhan tapeugah Sajan ngon Allah na laen Tuhan Tapi awak nyan dum ka meusalah

27:61

أَمَّن جَعَلَ ٱلۡأَرۡضَ قَرَارًا وَجَعَلَ خِلَٰلَهَآ أَنۡهَٰرًا وَجَعَلَ لَهَا رَوَٰسِيَ وَجَعَلَ بَيۡنَ ٱلۡبَحۡرَيۡنِ حَاجِزًاۗ أَءِلَٰهٌ مَّعَ ٱللَّهِۚ بَلۡ أَكۡثَرُهُمۡ لَا يَعۡلَمُونَ

Soe peujeuet bumoe teumpat diaman Ngon krueng dum sinan di ceulah-ceulah Neupeujeuet gunong dum be-be raya Ie laot dua pih Neupeusiblah Di teungoh-teungoh sit ka meutanda Na laen teuma Tuhan tapeugah Sajan ngon Allah na laen Tuhan Tapi laen nyan jahe that leupah Hana jiteupeue bandum atra nyan

27:62

أَمَّن يُجِيبُ ٱلۡمُضۡطَرَّ إِذَا دَعَاهُ وَيَكۡشِفُ ٱلسُّوٓءَ وَيَجۡعَلُكُمۡ خُلَفَآءَ ٱلۡأَرۡضِۗ أَءِلَٰهٌ مَّعَ ٱللَّهِۚ قَلِيلًا مَّا تَذَكَّرُونَ

Soe peuglah jih nyan ‘oh watee sosah Watee meularat jilakee doʻa ‘Oh teuka bala soe nyang ek peuglah Nyang peujeuet gata raja di sinoe Di dalam bumoe jeuet keu khaliphah Sajan ngon Allah na laen Tuhan Nit that gata nyan tatueng phaedah

27:63

أَمَّن يَهۡدِيكُمۡ فِي ظُلُمَٰتِ ٱلۡبَرِّ وَٱلۡبَحۡرِ وَمَن يُرۡسِلُ ٱلرِّيَٰحَ بُشۡرَۢا بَيۡنَ يَدَيۡ رَحۡمَتِهِۦٓۗ أَءِلَٰهٌ مَّعَ ٱللَّهِۚ تَعَٰلَى ٱللَّهُ عَمَّا يُشۡرِكُونَ

Soe nyang peutunyok gata lam seupot Darat ngon laot ‘oh seupot leupah Soe peulheueh angen haba geumbira Yoh goh troh teuka rahmat bak Allah Dang jitoh ujeuen rahmat bak Tuhan Na laen Tuhan sajan ngon Allah Maha Suci-Neuh Tuhan Hadharat Nibak charikat lagee jih peugah

27:64

أَمَّن يَبۡدَؤُاْ ٱلۡخَلۡقَ ثُمَّ يُعِيدُهُۥ وَمَن يَرۡزُقُكُم مِّنَ ٱلسَّمَآءِ وَٱلۡأَرۡضِۗ أَءِلَٰهٌ مَّعَ ٱللَّهِۚ قُلۡ هَاتُواْ بُرۡهَٰنَكُمۡ إِن كُنتُمۡ صَٰدِقِينَ

Soe nyang phon peujeuet dum makhluk nyoe Lheueh nyan Neupeuwoe keudeh le Allah Soe bri raseuki keu bandum gata Di langet teuka sideh neuruah Di bumoe pih le karonya Tuhan Na laen Tuhan sajan ngon Allah Takheun ba keunoe dali bak gata Meunyo bit beuna lagee tapeugah

27:65

قُل لَّا يَعۡلَمُ مَن فِي ٱلسَّمَٰوَٰتِ وَٱلۡأَرۡضِ ٱلۡغَيۡبَ إِلَّا ٱللَّهُۚ وَمَا يَشۡعُرُونَ أَيَّانَ يُبۡعَثُونَ

Takheun nyang ghaeb hana soe teupeue Hanya nyang teupeue sit droe-Neuh Allah Soe nyang di langet got pih di bumoe Hana nyang teupeu ileumee Allah Hana jiteupeue pajan geubangket

27:66

بَلِ ٱدَّٰرَكَ عِلۡمُهُمۡ فِي ٱلۡأٓخِرَةِۚ بَلۡ هُمۡ فِي شَكٍّ مِّنۡهَاۖ بَلۡ هُم مِّنۡهَا عَمُونَ

Uroe akhirat meubaro teuhah Uroe akhirat baro jiteupeue Tapi jih jinoe ragu that leupah Bahkan jih buta han deuh jikalon

27:67

وَقَالَ ٱلَّذِينَ كَفَرُوٓاْ أَءِذَا كُنَّا تُرَٰبًا وَءَابَآؤُنَآ أَئِنَّا لَمُخۡرَجُونَ

Dikaphe jikheun peue geujak peugah Ka jeuet keu tanoh bandun geutanyoe Ngon du-du tanyoe ka abeh sudah Ek na geubangket lom digeutanyoe Tateubiet sinoe akan geubalah

27:68

لَقَدۡ وُعِدۡنَا هَٰذَا نَحۡنُ وَءَابَآؤُنَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ

Bitka geujanji keu bandum tanyoe Ngon yah-yah tanyoe masa nyang sudah Teuma atra nyoe cit kon peue laen Meulengkan dongeng haba beurakah Bandum nyoe dongeng bak ureueng jameun

27:69

قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلۡمُجۡرِمِينَ

Boh jak leh takheun lam bumoe Allah Tajak lam bumoe takalon meuhat Pakri akibat kaom nyang salah

27:70

وَلَا تَحۡزَنۡ عَلَيۡهِمۡ وَلَا تَكُن فِي ضَيۡقٍ مِّمَّا يَمۡكُرُونَ

Bek sosah gata teuma keu jih nyan Sabab buet jih nyan lawan peurintah Bek seumpet dadateuh deungon tungang

27:71

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Lom jikheun dijih pajan geubalah Nyang janjiteuh nyan pajan troh teuka Meunyo bit beuna lagee tapeugah

27:72

قُلۡ عَسَىٰٓ أَن يَكُونَ رَدِفَ لَكُم بَعۡضُ ٱلَّذِي تَسۡتَعۡجِلُونَ

Takheun sang kadang cit teuka ladom Peue nyang gata dum talakee bagah

27:73

وَإِنَّ رَبَّكَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَهُمۡ لَا يَشۡكُرُونَ

Po gata Neubri le that karonya Keu manusia dum le that leupah Tapi le that jih han jitem chukor

27:74

وَإِنَّ رَبَّكَ لَيَعۡلَمُ مَا تُكِنُّ صُدُورُهُمۡ وَمَا يُعۡلِنُونَ

Neuteupeue laju teuma le Allah Peue-peue nyang jisom lam dada nyan Got pih atra nyang deuh jipeuleumah Bandum Neuteupeue Allah Taʻala

27:75

وَمَا مِنۡ غَآئِبَةٍ فِي ٱلسَّمَآءِ وَٱلۡأَرۡضِ إِلَّا فِي كِتَٰبٍ مُّبِينٍ

Nyang ghaeb teuma pih hana ubah Ghaeb di langet got pih di bumoe Bandum atra nyoe Neuteupeue sudah Lam kitab Tuhan bandum cit ka na

27:76

إِنَّ هَٰذَا ٱلۡقُرۡءَانَ يَقُصُّ عَلَىٰ بَنِيٓ إِسۡرَٰٓءِيلَ أَكۡثَرَ ٱلَّذِي هُمۡ فِيهِ يَخۡتَلِفُونَ

Qur'an nyoe teuma pih na geukisah Le that dum kisah Bani Israi Nyang jimeupake meupisah-pisah Geupeugah keu jih bandum atra nyan

27:77

وَإِنَّهُۥ لَهُدًى وَرَحۡمَةٌ لِّلۡمُؤۡمِنِينَ

Ureueng meuiman teuma meutuah Jeuet keu peutunyok bandum ureueng nyan Rahmat keu gopnyan pih dum meulimpah

27:78

إِنَّ رَبَّكَ يَقۡضِي بَيۡنَهُم بِحُكۡمِهِۦۚ وَهُوَ ٱلۡعَزِيزُ ٱلۡعَلِيمُ

Po gata teuma peuputoh hukom d Keu jih nyan bandum ban hukom Allah Maha Peurkasa cit sidroe Tuhan ‘Eleumee Tuhan leupah that luah

27:79

فَتَوَكَّلۡ عَلَى ٱللَّهِۖ إِنَّكَ عَلَى ٱلۡحَقِّ ٱلۡمُبِينِ

Teuma tawakkal gata bak Tuhan f Buet gata dum nyan beuna that leupah

27:80

إِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ

Ureueng nyang mate han deuh jideungo Peue tapeudeungo hana phaedah d Peue tapeudeungo bak ureueng tuloe Tahoi tayue woe jijak lom bagah Muka jipaleng ngon jipeulikot Bäh dum ek tadhot hana phaedah

27:81

وَمَآ أَنتَ بِهَٰدِي ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِـَٔايَٰتِنَا فَهُم مُّسۡلِمُونَ

Ureueng nyang buta meunyo ka sisat Han ek peuteupat meunyo ka salah Ureueng meuiman keu ayat Kamoe Peudeungo keunoe nyan le phaedah Bak Kamoe laju dum geupeujok droe

27:82

وَإِذَا وَقَعَ ٱلۡقَوۡلُ عَلَيۡهِمۡ أَخۡرَجۡنَا لَهُمۡ دَآبَّةً مِّنَ ٱلۡأَرۡضِ تُكَلِّمُهُمۡ أَنَّ ٱلنَّاسَ كَانُواْ بِـَٔايَٰتِنَا لَا يُوقِنُونَ

Laen awak nyoe nyang peubuet salah ‘Oh troh putosan ateueh awak nyoe Teubiet lam bumoe makhluk Allah Saboh binatang Kamoe peuteubiet Teuma jimarit laju jipeugah Soe nyang han yakin dum manusia Nyang han peucaya keu ayat Allah

27:83

وَيَوۡمَ نَحۡشُرُ مِن كُلِّ أُمَّةٍ فَوۡجًا مِّمَّن يُكَذِّبُ بِـَٔايَٰتِنَا فَهُمۡ يُوزَعُونَ

Uroe nyan teuma Kamoe peusapat Bak jeuep-jeuep ummat saboh parikah Nyang peugah sulet dum ayat Kamoe Bandum awak nyoe akan geupisah

27:84

حَتَّىٰٓ إِذَا جَآءُو قَالَ أَكَذَّبۡتُم بِـَٔايَٰتِي وَلَمۡ تُحِيطُواْ بِهَا عِلۡمًا أَمَّاذَا كُنتُمۡ تَعۡمَلُونَ

Geukheun treuk bak jih ‘oh troh dum keunoe Peue ayat Kamoe kakheun beurakah Kapeugah sulet ‘eleumeekeuh tan Pakon jeuet meunan bandum kapeugah Peue sit kapubuet teuma uroejeh

27:85

وَوَقَعَ ٱلۡقَوۡلُ عَلَيۡهِم بِمَا ظَلَمُواْ فَهُمۡ لَا يَنطِقُونَ

Teuma bandum jih ka abeh kisah Putosan ka na han jeuet marit le Dilee jih sabe lalem that leupah

27:86

أَلَمۡ يَرَوۡاْ أَنَّا جَعَلۡنَا ٱلَّيۡلَ لِيَسۡكُنُواْ فِيهِ وَٱلنَّهَارَ مُبۡصِرًاۚ إِنَّ فِي ذَٰلِكَ لَأٓيَٰتٍ لِّقَوۡمٍ يُؤۡمِنُونَ

Han jieu malam Kamoe bri teunang Jeuet ji-eh seunang jipiyoh payah Meupeujeuet uroe watee keurija Taeu jeuep banda peungeuh trang leupah Atra nyan bandum sit jeuet keu tanda Keu kaom nyang na iman keu Allah

27:87

وَيَوۡمَ يُنفَخُ فِي ٱلصُّورِ فَفَزِعَ مَن فِي ٱلسَّمَٰوَٰتِ وَمَن فِي ٱلۡأَرۡضِ إِلَّا مَن شَآءَ ٱللَّهُۚ وَكُلٌّ أَتَوۡهُ دَٰخِرِينَ

Uroe nyan geuyup ngon sangkai kala Teukeujet lanja dum hamba Allah Nyang na di langet got nyang di bumoe Meulengkan soe-soe nyang kheundak Allah Keudeh bak Tuhan bandum jiteuka Teukui dum rata han sapeue peugah

27:88

وَتَرَى ٱلۡجِبَالَ تَحۡسَبُهَا جَامِدَةً وَهِيَ تَمُرُّ مَرَّ ٱلسَّحَابِۚ صُنۡعَ ٱللَّهِ ٱلَّذِيٓ أَتۡقَنَ كُلَّ شَيۡءٍۚ إِنَّهُۥ خَبِيرُۢ بِمَا تَفۡعَلُونَ

Taeu dum gunong tasangka teutap Jijak dum meuhat sit bagah-bagah Bagah that jijak saban ngon awan Peuneujeuet Tuhan ‘ajib that leupah Watee Neupeujeuet dum beurangkapeue Leungkap that dumpeue hana meusalah Keubit sit Tuhan dumpeue Neumaklum Buet gata bandum Neuteupeue sudah

27:89

مَن جَآءَ بِٱلۡحَسَنَةِ فَلَهُۥ خَيۡرٌ مِّنۡهَا وَهُم مِّن فَزَعٍ يَوۡمَئِذٍ ءَامِنُونَ

Soe nyang pubuet got balasan pih got Leubeh that lom got watee geubalah Watee teukeujet ‘oh troh uroe nyan Ureueng nyoe aman teunang sileupah

27:90

وَمَن جَآءَ بِٱلسَّيِّئَةِ فَكُبَّتۡ وُجُوهُهُمۡ فِي ٱلنَّارِ هَلۡ تُجۡزَوۡنَ إِلَّا مَا كُنتُمۡ تَعۡمَلُونَ

Nyang pubuet jeuheut teuma yoh dilee Geupeugom ulee lam apui mirah Muka geugom dalam nuraka Lagee keurija meunan geubalah

27:91

إِنَّمَآ أُمِرۡتُ أَنۡ أَعۡبُدَ رَبَّ هَٰذِهِ ٱلۡبَلۡدَةِ ٱلَّذِي حَرَّمَهَا وَلَهُۥ كُلُّ شَيۡءٍۖ وَأُمِرۡتُ أَنۡ أَكُونَ مِنَ ٱلۡمُسۡلِمِينَ

Dilee nyoe geuyue lon seumah Tuhan Nyang Po bandum nyan takalon luah Nyang Po nanggroe nyoe nanggroe nyang suci Mulya that lagi nanggroe meutuah Laen dum teuma bandum peukara Allah Taʻala milek nyang sah Dilee nyoe Neuyue beu lon peujok droe Islam jinoe mangat bek salah

27:92

وَأَنۡ أَتۡلُوَاْ ٱلۡقُرۡءَانَۖ فَمَنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَقُلۡ إِنَّمَآ أَنَا۠ مِنَ ٱلۡمُنذِرِينَ

Lom pih Qur’an Neuyue lon baca Keu manusia nyang na hidayah Nyang puebuet lagee peutunyok Tuhan Keu droe ureueng nyan teurimong balah Takheun lom teuma bak ureueng sisat Lon nyoe peuingat mantong bek salah

27:93

وَقُلِ ٱلۡحَمۡدُ لِلَّهِ سَيُرِيكُمۡ ءَايَٰتِهِۦ فَتَعۡرِفُونَهَاۚ وَمَا رَبُّكَ بِغَٰفِلٍ عَمَّا تَعۡمَلُونَ

Takheun lom pujoe bandum keu Tuhan Dum ayat Tuhan sit Neupeuleumah Akan Neupeudeuh bandum bak gata Tateupeue sigra hana meuilah Po gata hantom lale meu siat Buet gata meuhat Neungieng le Allah f Al-QASHASH (KISAH) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah

Translation: Tgk. H. Mahjiddin Jusuf.