Surah 27 · 93 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah
Surah An-Naml in Luyia
بِسۡمِ ٱللَّهِ ٱلرَّحۡمَٰنِ ٱلرَّحِيمِ
طسٓۚ تِلۡكَ ءَايَٰتُ ٱلۡقُرۡءَانِ وَكِتَابٍ مُّبِينٍ
Twa Syn, Tsino ni tsinyaali tsieyi Ikurani, nende eshibatu eshinoosi
ٱلَّذِينَ يُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ يُوقِنُونَ
Balia balumiililanga okhulaama (salah) nende okhurusia ishihanwa (izaaka) ,nabo bali nobusuubili muno bwo mwikulu
إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ زَيَّنَّا لَهُمۡ أَعۡمَٰلَهُمۡ فَهُمۡ يَعۡمَهُونَ
Toto balia balasuubilanga mwikulu tawe, khwabaronela ebikhole biabu, manabo bawofulilamwo
أُوْلَٰٓئِكَ ٱلَّذِينَ لَهُمۡ سُوٓءُ ٱلۡعَذَابِ وَهُمۡ فِي ٱلۡأٓخِرَةِ هُمُ ٱلۡأَخۡسَرُونَ
Abo nibo baliba nende eshinyasio eshibii, nabo mwikulu nibo balinyoola okhusikha muno
وَإِنَّكَ لَتُلَقَّى ٱلۡقُرۡءَانَ مِن لَّدُنۡ حَكِيمٍ عَلِيمٍ
Ne toto ewe wechesibungwa Ikurani okhurula khuwamachesi, Omumanyi muno
إِذۡ قَالَ مُوسَىٰ لِأَهۡلِهِۦٓ إِنِّيٓ ءَانَسۡتُ نَارًا سَـَٔاتِيكُم مِّنۡهَا بِخَبَرٍ أَوۡ ءَاتِيكُم بِشِهَابٍ قَبَسٍ لَّعَلَّكُمۡ تَصۡطَلُونَ
(Itsulila) olwa Musa yaboolela Abandu beyinzu yiyie mbu; “Toto esie endutsi omulilo, bulano buri nditsa okhubarerera amacheni kali khumulilo oko, nohomba ndista okhubarerera eshichenga shiakhanga mwakhaba murio mwanyoola okhwora (omulilo)
فَلَمَّا جَآءَهَا نُودِيَ أَنۢ بُورِكَ مَن فِي ٱلنَّارِ وَمَنۡ حَوۡلَهَا وَسُبۡحَٰنَ ٱللَّهِ رَبِّ ٱلۡعَٰلَمِينَ
Kho olwa yakulakhwo, yawulila omulango mbu; “Alinetsikhabi owuli mumulilo kuno nende ulia uli mundulo mwakwo, ne Nyasaye niwoluyali, Omulesi webiloonje bioosi.”
يَٰمُوسَىٰٓ إِنَّهُۥٓ أَنَا ٱللَّهُ ٱلۡعَزِيزُ ٱلۡحَكِيمُ
Ewe Musa- Toto esie nesie Nyasaye owa Amaani Owamachesi muno
وَأَلۡقِ عَصَاكَۚ فَلَمَّا رَءَاهَا تَهۡتَزُّ كَأَنَّهَا جَآنٌّ وَلَّىٰ مُدۡبِرًا وَلَمۡ يُعَقِّبۡۚ يَٰمُوسَىٰ لَا تَخَفۡ إِنِّي لَا يَخَافُ لَدَيَّ ٱلۡمُرۡسَلُونَ
“Ne sukuna indabushi yiyio” olwayayilola nimoolanga shinga inzokha, yakalukhana inyuma niyelukha, neshiyalinda tawe. Nyasaye namuboolela,“Ewe Musa olaria tawe, toto esie, Abarumwa shibabetsanga noburi imbeli wanje tawe.”
إِلَّا مَن ظَلَمَ ثُمَّ بَدَّلَ حُسۡنَۢا بَعۡدَ سُوٓءٍ فَإِنِّي غَفُورٌ رَّحِيمٌ
“Halali ulia wakhola obubii, mana nakalukhania obulayi habundu wobubii, Toto esie endi Omunji wobulesheli Omunji wetsimbabaasi
وَأَدۡخِلۡ يَدَكَ فِي جَيۡبِكَ تَخۡرُجۡ بَيۡضَآءَ مِنۡ غَيۡرِ سُوٓءٍۖ فِي تِسۡعِ ءَايَٰتٍ إِلَىٰ فِرۡعَوۡنَ وَقَوۡمِهِۦٓۚ إِنَّهُمۡ كَانُواْ قَوۡمًا فَٰسِقِينَ
Ne Injisia omukhono mumufuko kukwo, kulakalukhana okhuba omulafu tswe bulali bwobubii tawe. Ni ndala khubimanyisio tisa bia Firauni nende Abandu bebe, toto abo bali Abandu abarula khunjila yanje
فَلَمَّا جَآءَتۡهُمۡ ءَايَٰتُنَا مُبۡصِرَةً قَالُواْ هَٰذَا سِحۡرٌ مُّبِينٌ
Mana olwa ebimanyisio biefu bilolekha biaboolela baboola mbu; “Buno ni obulosi obwahabulafu”
وَجَحَدُواْ بِهَا وَٱسۡتَيۡقَنَتۡهَآ أَنفُسُهُمۡ ظُلۡمًا وَعُلُوًّاۚ فَٱنظُرۡ كَيۡفَ كَانَ عَٰقِبَةُ ٱلۡمُفۡسِدِينَ
Mana nibabiyingasia khububii nende khubufuru ne emioyo chiabu nichimanyile muno mbu nitoto, kho henga indukho yabandu bakholanga obubii shinga yali
وَلَقَدۡ ءَاتَيۡنَا دَاوُۥدَ وَسُلَيۡمَٰنَ عِلۡمًاۖ وَقَالَا ٱلۡحَمۡدُ لِلَّهِ ٱلَّذِي فَضَّلَنَا عَلَىٰ كَثِيرٍ مِّنۡ عِبَادِهِ ٱلۡمُؤۡمِنِينَ
Netoto khwahelesia Daudi nende Suleiman obumanyi, Nibaboola mbu; “Oluyali nilwa Nyasaye owakhukholela efwe obulayi muno okhushila abanji mubasumba bebe abasuubili.”
وَوَرِثَ سُلَيۡمَٰنُ دَاوُۥدَۖ وَقَالَ يَٰٓأَيُّهَا ٱلنَّاسُ عُلِّمۡنَا مَنطِقَ ٱلطَّيۡرِ وَأُوتِينَا مِن كُلِّ شَيۡءٍۖ إِنَّ هَٰذَا لَهُوَ ٱلۡفَضۡلُ ٱلۡمُبِينُ
Ne Suleiman nabukula habundu wa Dawud, ne naboola mbu; “enywe Abandu, khwechesibwa okhuboola khwa mayoni, ne khwahelesibwa buli eshindu, toto buno ni obulayi buli habulafu.”
وَحُشِرَ لِسُلَيۡمَٰنَ جُنُودُهُۥ مِنَ ٱلۡجِنِّ وَٱلۡإِنسِ وَٱلطَّيۡرِ فَهُمۡ يُوزَعُونَ
Ne Suleiman nakhung’asilibwa omukanda kukwe kwabalwani okhurula mumajini, nende Abandu nende amayoni, nakwo nikureebwa mumikanda emikanda
حَتَّىٰٓ إِذَآ أَتَوۡاْ عَلَىٰ وَادِ ٱلنَّمۡلِ قَالَتۡ نَمۡلَةٌ يَٰٓأَيُّهَا ٱلنَّمۡلُ ٱدۡخُلُواْ مَسَٰكِنَكُمۡ لَا يَحۡطِمَنَّكُمۡ سُلَيۡمَٰنُ وَجُنُودُهُۥ وَهُمۡ لَا يَشۡعُرُونَ
Okhula shingala boola mwitwoma lietsindukusi, indukusi yaboola(okhuboolela atsiashie) mbu; “Enywe tsindukusi injile mutsinzu tsienyu, Suleiman nende omukanda kukwe kwe liyie baletsa babasena tawe, nabo nibakorerwe.”
فَتَبَسَّمَ ضَاحِكًا مِّن قَوۡلِهَا وَقَالَ رَبِّ أَوۡزِعۡنِيٓ أَنۡ أَشۡكُرَ نِعۡمَتَكَ ٱلَّتِيٓ أَنۡعَمۡتَ عَلَيَّ وَعَلَىٰ وَٰلِدَيَّ وَأَنۡ أَعۡمَلَ صَٰلِحًا تَرۡضَىٰهُ وَأَدۡخِلۡنِي بِرَحۡمَتِكَ فِي عِبَادِكَ ٱلصَّٰلِحِينَ
Mana namwenya natsekha okhurulana nende likhuwa elo naboola mbu; “Ewe Nyasaye wanje mbelesie amaani ekhupe orio khutsimbabaasi tsiawambelesia, esie nende abebusi banje, ne enyoole okhukhola ebikhole ebilayi ebiawachama, ne unyinjisie khutsimbabaasi tsistio, mubasumba bobo abalayi.”
وَتَفَقَّدَ ٱلطَّيۡرَ فَقَالَ مَالِيَ لَآ أَرَى ٱلۡهُدۡهُدَ أَمۡ كَانَ مِنَ ٱلۡغَآئِبِينَ
Mana nachenda nahenga amayoni, naboola mbu; kabelekarie endalalolanga Hud hud? Nohomba shililiho tawe
لَأُعَذِّبَنَّهُۥ عَذَابًا شَدِيدًا أَوۡ لَأَاْذۡبَحَنَّهُۥٓ أَوۡ لَيَأۡتِيَنِّي بِسُلۡطَٰنٍ مُّبِينٍ
Toto nditsa okhuliwa eshinyasio eshilulu, nohomba nditsa okhulisinza nohomba limbelesie eshifune shilolekha
فَمَكَثَ غَيۡرَ بَعِيدٍ فَقَالَ أَحَطتُ بِمَا لَمۡ تُحِطۡ بِهِۦ وَجِئۡتُكَ مِن سَبَإِۭ بِنَبَإٍ يَقِينٍ
Shiyashinda muno tawe(Hud Hud niliula) niliboola mbu; “Enyoolele kamulamanyile tawe, ne ikhwitsile endi okhurula sabaa nende amakhuwa katoto.”
إِنِّي وَجَدتُّ ٱمۡرَأَةً تَمۡلِكُهُمۡ وَأُوتِيَتۡ مِن كُلِّ شَيۡءٍ وَلَهَا عَرۡشٌ عَظِيمٌ
“Toto esie enyoolele Omukhasi niyabaruka naye yahelesibwa buli eshindu, ne ali nende eshisaala eshikhongo (shobwami).”
وَجَدتُّهَا وَقَوۡمَهَا يَسۡجُدُونَ لِلشَّمۡسِ مِن دُونِ ٱللَّهِ وَزَيَّنَ لَهُمُ ٱلشَّيۡطَٰنُ أَعۡمَٰلَهُمۡ فَصَدَّهُمۡ عَنِ ٱلسَّبِيلِ فَهُمۡ لَا يَهۡتَدُونَ
“Emunyoolele nende Abandu bebe nibeenamilanga eliuba mushilenje shia Nyasaye, ne Shetani yabaronela ebikhole biabu mana nabeekalila injila(ya abweene) khomana shibalunjikhanga tawe.”
أَلَّاۤ يَسۡجُدُواْۤ لِلَّهِ ٱلَّذِي يُخۡرِجُ ٱلۡخَبۡءَ فِي ٱلسَّمَٰوَٰتِ وَٱلۡأَرۡضِ وَيَعۡلَمُ مَا تُخۡفُونَ وَمَا تُعۡلِنُونَ
Mbu khobaleshe okhwinamila Nyasaye owurusinjia akefisile mwikulu nende mushialo ne yamanya akamufisanga nende akamuretsanga habulafu
ٱللَّهُ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡعَظِيمِ
Nyasaye, abulaho ulaamungwa khubwatoto ulali ye tawe Nyasaye we shisaala shiobwami eshikhongo
قَالَ سَنَنظُرُ أَصَدَقۡتَ أَمۡ كُنتَ مِنَ ٱلۡكَٰذِبِينَ
(Suleiman) naboola mbu; “khulahenga khulole mbu nobwatoto nohomba oli mubabeeyanga.”
ٱذۡهَب بِّكِتَٰبِي هَٰذَا فَأَلۡقِهۡ إِلَيۡهِمۡ ثُمَّ تَوَلَّ عَنۡهُمۡ فَٱنظُرۡ مَاذَا يَرۡجِعُونَ
Tsia nende Ibarua yanje ino, mana obahelesie, mana awuleele, mana olole shabalakhukalusia
قَالَتۡ يَٰٓأَيُّهَا ٱلۡمَلَؤُاْ إِنِّيٓ أُلۡقِيَ إِلَيَّ كِتَٰبٌ كَرِيمٌ
Naboola mbu; “Enywe abakhongo toto endererwe ibarua yoluyali.”
إِنَّهُۥ مِن سُلَيۡمَٰنَ وَإِنَّهُۥ بِسۡمِ ٱللَّهِ ٱلرَّحۡمَٰنِ ٱلرَّحِيمِ
Irula khu Suleiman, nayo ni; “Mulira lia Nyasaye Owetsimbabaasi Owobukoosia.”
أَلَّا تَعۡلُواْ عَلَيَّ وَأۡتُونِي مُسۡلِمِينَ
Mulaakholela obufuru tawe, ne muule ewanje mweesi nimumalile okhuba abaisilamu
قَالَتۡ يَٰٓأَيُّهَا ٱلۡمَلَؤُاْ أَفۡتُونِي فِيٓ أَمۡرِي مَا كُنتُ قَاطِعَةً أَمۡرًا حَتَّىٰ تَشۡهَدُونِ
Naboola mbu; “Enywe abakhongo, munjelele khwikhuwa lino, shindakhakhalaka liosi liosi tawe okhuula mumboolele.”
قَالُواْ نَحۡنُ أُوْلُواْ قُوَّةٍ وَأُوْلُواْ بَأۡسٍ شَدِيدٍ وَٱلۡأَمۡرُ إِلَيۡكِ فَٱنظُرِي مَاذَا تَأۡمُرِينَ
Nibaboola mbu; “efwe khuli abaamani, nende abobulwani abakhongo, ne okhubusia khuli khwiwe kholola liokhalaka.”
قَالَتۡ إِنَّ ٱلۡمُلُوكَ إِذَا دَخَلُواْ قَرۡيَةً أَفۡسَدُوهَا وَجَعَلُوٓاْ أَعِزَّةَ أَهۡلِهَآ أَذِلَّةًۚ وَكَذَٰلِكَ يَفۡعَلُونَ
(Malkia) Naboola mbu; “Toto Abaami nibenjila mwitokho balinyasinjia, ne bakholanga Abandu boluyali mwo okhuba hasi, ne endio nilwabakholanga.”
وَإِنِّي مُرۡسِلَةٌ إِلَيۡهِم بِهَدِيَّةٍ فَنَاظِرَةُۢ بِمَ يَرۡجِعُ ٱلۡمُرۡسَلُونَ
“Ne toto esie nditsa okhubayilila eshisangasia mana eninde shiabarumwa baletsa ninasho.”
فَلَمَّا جَآءَ سُلَيۡمَٰنَ قَالَ أَتُمِدُّونَنِ بِمَالٍ فَمَآ ءَاتَىٰنِۦَ ٱللَّهُ خَيۡرٌ مِّمَّآ ءَاتَىٰكُمۚ بَلۡ أَنتُم بِهَدِيَّتِكُمۡ تَفۡرَحُونَ
Kho olwa Omurumwa wuwe yoola khu Suleiman, Suleiman naboola mbu; “koo enywe mwenya okhukhonya nende omwandu? Ne kwayambelesia Nyasaye ni omulayi po okhushila okwayahelesia enywe. Halali enywe musangalilanga ebisangasia biabu.”
ٱرۡجِعۡ إِلَيۡهِمۡ فَلَنَأۡتِيَنَّهُم بِجُنُودٍ لَّا قِبَلَ لَهُم بِهَا وَلَنُخۡرِجَنَّهُم مِّنۡهَآ أَذِلَّةً وَهُمۡ صَٰغِرُونَ
“Kalukhayo nende ishisangasia esho khubo, toto efwe khwitsa okhubatsiila nende omukanda kwabalwani okwabalanya okhwema nakwo tawe, netoto khulabarusiamwo, nibatonyele abateshele nibatutuye .”
قَالَ يَٰٓأَيُّهَا ٱلۡمَلَؤُاْ أَيُّكُمۡ يَأۡتِينِي بِعَرۡشِهَا قَبۡلَ أَن يَأۡتُونِي مُسۡلِمِينَ
(Suleiman) Naboola; “Enywe abakhongo ni wina witsa okhunderera eshisala shishie shioluyali nabashili okhunzitsila nibasilime.”
قَالَ عِفۡرِيتٌ مِّنَ ٱلۡجِنِّ أَنَا۠ ءَاتِيكَ بِهِۦ قَبۡلَ أَن تَقُومَ مِن مَّقَامِكَۖ وَإِنِّي عَلَيۡهِ لَقَوِيٌّ أَمِينٌ
Ifrit okhurula Mumajini naboola mbu; “Esie nditsa okhurera noshili okhubukha oli hoa , esie toto endi nende amani kokhukhola endio ne endi omwisikwa.”
قَالَ ٱلَّذِي عِندَهُۥ عِلۡمٌ مِّنَ ٱلۡكِتَٰبِ أَنَا۠ ءَاتِيكَ بِهِۦ قَبۡلَ أَن يَرۡتَدَّ إِلَيۡكَ طَرۡفُكَۚ فَلَمَّا رَءَاهُ مُسۡتَقِرًّا عِندَهُۥ قَالَ هَٰذَا مِن فَضۡلِ رَبِّي لِيَبۡلُوَنِيٓ ءَأَشۡكُرُ أَمۡ أَكۡفُرُۖ وَمَن شَكَرَ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ رَبِّي غَنِيٌّ كَرِيمٌ
Ulia uli nende obumanyi bweshitabu naboola mbu; “Esie nditsa okhukhurerera noshili okhumetiametia (Okhutimba) tsimoni tsitsio, “kho olwa yalola nishirererwe imbeli wuwe naboola mbu; “kano nikhutsimbabaasi tsia Nyasaye wanje khoyandeme mbu ekhupa orio nohomba ekhaya, ne ulia okhupa orio toto ye akhupa khululwe omwene, ne ulia ukhaya toto Nyasaye wanje ni Omuyinda Omuhani muno
قَالَ نَكِّرُواْ لَهَا عَرۡشَهَا نَنظُرۡ أَتَهۡتَدِيٓ أَمۡ تَكُونُ مِنَ ٱلَّذِينَ لَا يَهۡتَدُونَ
(Suleiman) Naboola mbu; “Mumukalukhasilie eshisala shishie shobwami shino khulolekhwo mbu alashimanya nohomba yetsa okhuba mubalia abalakhashimanya tawe
فَلَمَّا جَآءَتۡ قِيلَ أَهَٰكَذَا عَرۡشُكِۖ قَالَتۡ كَأَنَّهُۥ هُوَۚ وَأُوتِينَا ٱلۡعِلۡمَ مِن قَبۡلِهَا وَكُنَّا مُسۡلِمِينَ
Kho olwayoola naboolelwa mbu; “koo eshisaala shiobwami shino shili shinga eshishio? Naboola mbu shili ngashio butswa, nafu khwechesibwa obumanyi nikhushili okhulola kano, na khumalile okhuba abasalamu”
وَصَدَّهَا مَا كَانَت تَّعۡبُدُ مِن دُونِ ٱللَّهِۖ إِنَّهَا كَانَتۡ مِن قَوۡمٍ كَٰفِرِينَ
Ne (Suleiman) namukania kalia akayalaamanga akalali ka- Nyasaye tawe, toto ye yali mubandu Abakhayi
قِيلَ لَهَا ٱدۡخُلِي ٱلصَّرۡحَۖ فَلَمَّا رَأَتۡهُ حَسِبَتۡهُ لُجَّةً وَكَشَفَتۡ عَن سَاقَيۡهَاۚ قَالَ إِنَّهُۥ صَرۡحٌ مُّمَرَّدٌ مِّن قَوَارِيرَۗ قَالَتۡ رَبِّ إِنِّي ظَلَمۡتُ نَفۡسِي وَأَسۡلَمۡتُ مَعَ سُلَيۡمَٰنَ لِلَّهِ رَبِّ ٱلۡعَٰلَمِينَ
Naboolelwa mbu; “injila munzu, olwayalola amunjila yapara mbu amatsi kaliwo, mana naninia ingubo yiyie nafimbula tsindenywe tsitsie, (Suleiman) naboola mbu; “Toto obo ni obwelu 27. bwakasibwa nende biwo”(Bilqis) naboola mbu: “ Nyasaye wanje esie ekholeele obubii omwoyo kwanje, ne esilimile halala nende Suleiman khu Nyasaye Omulesi webilonje bioosi.”
وَلَقَدۡ أَرۡسَلۡنَآ إِلَىٰ ثَمُودَ أَخَاهُمۡ صَٰلِحًا أَنِ ٱعۡبُدُواْ ٱللَّهَ فَإِذَا هُمۡ فَرِيقَانِ يَخۡتَصِمُونَ
Ne toto khwayilila babu Thamudi owashiabwe Swalih, nababoolela mbu: “Mulaame Nyasaye” mana nibakalukhana emikanda chibili chisolananga
قَالَ يَٰقَوۡمِ لِمَ تَسۡتَعۡجِلُونَ بِٱلسَّيِّئَةِ قَبۡلَ ٱلۡحَسَنَةِۖ لَوۡلَا تَسۡتَغۡفِرُونَ ٱللَّهَ لَعَلَّكُمۡ تُرۡحَمُونَ
Naboola mbu: “ enywe Abandu banje shichila shina nimuyuyushilanga obubii inyuma wamalayi? Shichila shina nimulasaba eshileshelo Nyasaye mwakhaba murio mwanyoola okhubeelwa tsimbabaasi?”
قَالُواْ ٱطَّيَّرۡنَا بِكَ وَبِمَن مَّعَكَۚ قَالَ طَٰٓئِرُكُمۡ عِندَ ٱللَّهِۖ بَلۡ أَنتُمۡ قَوۡمٌ تُفۡتَنُونَ
Nibaboola mbu: “khunyoolele lisubilo shichila ewe nende balia bali halala ninawe.” Naboola mbu “ (ikhabi imbii yenyu) lisubilo lienyu lili khu Nyasaye , halali enywe muli Abandu bateemungwa.”
وَكَانَ فِي ٱلۡمَدِينَةِ تِسۡعَةُ رَهۡطٍ يُفۡسِدُونَ فِي ٱلۡأَرۡضِ وَلَا يُصۡلِحُونَ
Ne bali mwitokho Abandu tisa abakholanga amahaka muno khushialo, neshibakasinjia liosi liosi tawe
قَالُواْ تَقَاسَمُواْ بِٱللَّهِ لَنُبَيِّتَنَّهُۥ وَأَهۡلَهُۥ ثُمَّ لَنَقُولَنَّ لِوَلِيِّهِۦ مَا شَهِدۡنَا مَهۡلِكَ أَهۡلِهِۦ وَإِنَّا لَصَٰدِقُونَ
Nibaboola mbu “ mwitsubanile khu Nyasaye mbu khwitsa okhumutsunushila eshilo khumusere ye nende Abandu baye, ne toto khwitsa okhuboolela Omundu waye (omuchelami wuwe) mbu: “shikhulutsikhwo okhusikha khwabandu baye tawe, ne toto efwe khuboolanga habwene.”
وَمَكَرُواْ مَكۡرًا وَمَكَرۡنَا مَكۡرًا وَهُمۡ لَا يَشۡعُرُونَ
Mana nibakasia ebifwanga biabu nafu nikhukasia amakhuwa kefu, nabo nibalamanyile tawe
فَٱنظُرۡ كَيۡفَ كَانَ عَٰقِبَةُ مَكۡرِهِمۡ أَنَّا دَمَّرۡنَٰهُمۡ وَقَوۡمَهُمۡ أَجۡمَعِينَ
Kho henga shingala indukho yebifwanga biabu yali, toto efwe khwabasishia nende Abandu babu boosi
فَتِلۡكَ بُيُوتُهُمۡ خَاوِيَةَۢ بِمَا ظَلَمُوٓاْۚ إِنَّ فِي ذَٰلِكَ لَأٓيَةً لِّقَوۡمٍ يَعۡلَمُونَ
Kho etso nitso tsinzu tsiabu tsiatong’a tsikhaya shichila obubii bwabu, toto mukano khulimwo nende ameeko khubandu bamanya
وَأَنجَيۡنَا ٱلَّذِينَ ءَامَنُواْ وَكَانُواْ يَتَّقُونَ
Mana nikhuhabina balia basuubila nende balia bamuritsanga
وَلُوطًا إِذۡ قَالَ لِقَوۡمِهِۦٓ أَتَأۡتُونَ ٱلۡفَٰحِشَةَ وَأَنتُمۡ تُبۡصِرُونَ
Ne Lut olwayaboolela Abandu bebe mbu: “ mukholanga eshifwolo nimulola?”
أَئِنَّكُمۡ لَتَأۡتُونَ ٱلرِّجَالَ شَهۡوَةً مِّن دُونِ ٱلنِّسَآءِۚ بَلۡ أَنتُمۡ قَوۡمٌ تَجۡهَلُونَ
Toto enywe mwinjililanga Abasatsa mubwikombi balali abakhasi tawe, toto enywe muli Abandu bakholanga obusilu.”
فَمَا كَانَ جَوَابَ قَوۡمِهِۦٓ إِلَّآ أَن قَالُوٓاْ أَخۡرِجُوٓاْ ءَالَ لُوطٍ مِّن قَرۡيَتِكُمۡۖ إِنَّهُمۡ أُنَاسٌ يَتَطَهَّرُونَ
Ne likalusio lia Abandu bebe shiliali halali okhuboola mbu: “tafie abaloondi ba Luti mulitokho lienyu, abo ni Abandu betswenulanga.”
فَأَنجَيۡنَٰهُ وَأَهۡلَهُۥٓ إِلَّا ٱمۡرَأَتَهُۥ قَدَّرۡنَٰهَا مِنَ ٱلۡغَٰبِرِينَ
Mana nikhumuhabina nende Abandu bebe, halali omukhasi wuwe, nikhumuhandichila khubalia abatong’a inyuma
وَأَمۡطَرۡنَا عَلَيۡهِم مَّطَرًاۖ فَسَآءَ مَطَرُ ٱلۡمُنذَرِينَ
Mana nikhubakwisilia ifula, ne yali ifula ifwana irie ino ya Abandu bekanyilisibwa
قُلِ ٱلۡحَمۡدُ لِلَّهِ وَسَلَٰمٌ عَلَىٰ عِبَادِهِ ٱلَّذِينَ ٱصۡطَفَىٰٓۗ ءَآللَّهُ خَيۡرٌ أَمَّا يُشۡرِكُونَ
Boola: “oluyali nilwa Nyasaye ne omulembe kube khubasumba bebe abayalobola. Kho Koo Nyasaye niye Omulayi nohomba balia abamumusanjinjia ninaye?”
أَمَّنۡ خَلَقَ ٱلسَّمَٰوَٰتِ وَٱلۡأَرۡضَ وَأَنزَلَ لَكُم مِّنَ ٱلسَّمَآءِ مَآءً فَأَنۢبَتۡنَا بِهِۦ حَدَآئِقَ ذَاتَ بَهۡجَةٍ مَّا كَانَ لَكُمۡ أَن تُنۢبِتُواْ شَجَرَهَآۗ أَءِلَٰهٌ مَّعَ ٱللَّهِۚ بَلۡ هُمۡ قَوۡمٌ يَعۡدِلُونَ
Nohomba ulia waloonga likulu nende eshialo mana nabeshilia amatsi okhurula mwikulu, ne khu ako nikhumesilia emikunda chilolekha obulayi, enywe mubula obunyali bwokhumesia emisala chakwo. Nyasaye wundi halala nende Nyasaye? Halali abo ni Abandu bokhutsia bushiama
أَمَّن جَعَلَ ٱلۡأَرۡضَ قَرَارًا وَجَعَلَ خِلَٰلَهَآ أَنۡهَٰرًا وَجَعَلَ لَهَا رَوَٰسِيَ وَجَعَلَ بَيۡنَ ٱلۡبَحۡرَيۡنِ حَاجِزًاۗ أَءِلَٰهٌ مَّعَ ٱللَّهِۚ بَلۡ أَكۡثَرُهُمۡ لَا يَعۡلَمُونَ
Nohomba ulia wabakholela liloba okhuba habundu weshimenyo , mana naramwo emialo nende tsingulu ne naraho eshikalilo hakari wetsinyanza tsibili. Koo aliho Nyasaye wundi halala nende Nyasaye? Halali abanji mubo shibamanyile tawe
أَمَّن يُجِيبُ ٱلۡمُضۡطَرَّ إِذَا دَعَاهُ وَيَكۡشِفُ ٱلسُّوٓءَ وَيَجۡعَلُكُمۡ خُلَفَآءَ ٱلۡأَرۡضِۗ أَءِلَٰهٌ مَّعَ ٱللَّهِۚ قَلِيلًا مَّا تَذَكَّرُونَ
Nohomba ulia uwulilanga amalilo ka ulia ukhayilwe, olwa amusabanga, mana namurusiliakhwo obutinyu obo, ne nabakhola okhuba abalindi beshialo, Nyasaye wundi halala nende Nyasaye? Okhwitsulila khwenyu ni okhutiti
أَمَّن يَهۡدِيكُمۡ فِي ظُلُمَٰتِ ٱلۡبَرِّ وَٱلۡبَحۡرِ وَمَن يُرۡسِلُ ٱلرِّيَٰحَ بُشۡرَۢا بَيۡنَ يَدَيۡ رَحۡمَتِهِۦٓۗ أَءِلَٰهٌ مَّعَ ٱللَّهِۚ تَعَٰلَى ٱللَّهُ عَمَّا يُشۡرِكُونَ
Nohomba ulia ubarunjisinjia khushilima shokhushialo nende shiomunyanza, ne ulia uyilanga omuyeka okhurera amakhuwa amalayi tsimbabaasi tsitsie nitsishili okhuula (ifula), koo Nyasaye wundi halala nende Nyasaye ? Nyasaye ali hekulu muno nende kabamutsokasinjia ninako
أَمَّن يَبۡدَؤُاْ ٱلۡخَلۡقَ ثُمَّ يُعِيدُهُۥ وَمَن يَرۡزُقُكُم مِّنَ ٱلسَّمَآءِ وَٱلۡأَرۡضِۗ أَءِلَٰهٌ مَّعَ ٱللَّهِۚ قُلۡ هَاتُواْ بُرۡهَٰنَكُمۡ إِن كُنتُمۡ صَٰدِقِينَ
Nohomba ulia wachachia ebiloonje , mana alibikalusia, nende ulia ubakabilanga okhurula mwikulu nende khushialo.. koo Nyasaye wundi halala nende Nyasaye? Boola mbu : “rere ebifune bienyu nikali mbu toto muboolanga obulaamba.”
قُل لَّا يَعۡلَمُ مَن فِي ٱلسَّمَٰوَٰتِ وَٱلۡأَرۡضِ ٱلۡغَيۡبَ إِلَّا ٱللَّهُۚ وَمَا يَشۡعُرُونَ أَيَّانَ يُبۡعَثُونَ
Boola mbu: “abulaho uli mwikulu nende khushialo umanyile akefisile halali Nyasaye, nabo shibamanyile mbu ni liina wabakhalamusibwe tawe
بَلِ ٱدَّٰرَكَ عِلۡمُهُمۡ فِي ٱلۡأٓخِرَةِۚ بَلۡ هُمۡ فِي شَكٍّ مِّنۡهَاۖ بَلۡ هُم مِّنۡهَا عَمُونَ
Bubetsele burie obumanyi (bwokhumanya) komwikulu? halali bo bali mubukanakani bwabu, halali bo ni abawofu khubwo
وَقَالَ ٱلَّذِينَ كَفَرُوٓاْ أَءِذَا كُنَّا تُرَٰبًا وَءَابَآؤُنَآ أَئِنَّا لَمُخۡرَجُونَ
Ne balia bakhaya nibaboola mbu: “olwakhuliba liloba nende bapapa befu mbu khulilamusibwa?”
لَقَدۡ وُعِدۡنَا هَٰذَا نَحۡنُ وَءَابَآؤُنَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ
Toto khwalakwa kano efwe nende bapapa befu bakhale. Kano shinishiosi shiosi tawe halali tsingano tsiakhale
قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلۡمُجۡرِمِينَ
Boola mbu: “ chende khushialo mana mulole shinga indukho yabandu ababii yali.”
وَلَا تَحۡزَنۡ عَلَيۡهِمۡ وَلَا تَكُن فِي ضَيۡقٍ مِّمَّا يَمۡكُرُونَ
Ne olabeelela tawe ne olabamubutinyu tawe khulwa ebifwanga biabu biabakholanga
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ
Ne baboolanga mbu; “ ne indache ino iliula liina? Toto nimuli mbu muboolanga obulaamba.”
قُلۡ عَسَىٰٓ أَن يَكُونَ رَدِفَ لَكُم بَعۡضُ ٱلَّذِي تَسۡتَعۡجِلُونَ
Boola mbu: “ nikaboolele ahambi hano ebuleka khumakhuwa kamuyungubalilanga.”
وَإِنَّ رَبَّكَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَهُمۡ لَا يَشۡكُرُونَ
Ne toto Nyasaye wuwo niwetsimbabaasi khubandu halali abaanji mubo shibakhupanga orio tawe
وَإِنَّ رَبَّكَ لَيَعۡلَمُ مَا تُكِنُّ صُدُورُهُمۡ وَمَا يُعۡلِنُونَ
Netoto Nyasaye wuwo amanyile muno akebilifu biabu bifisanga nende akabaretsanga habulafu
وَمَا مِنۡ غَآئِبَةٍ فِي ٱلسَّمَآءِ وَٱلۡأَرۡضِ إِلَّا فِي كِتَٰبٍ مُّبِينٍ
Ne libulaho liefisa mwikulu nende khushialo halali lili mushitabu eshiokhwinoosia
إِنَّ هَٰذَا ٱلۡقُرۡءَانَ يَقُصُّ عَلَىٰ بَنِيٓ إِسۡرَٰٓءِيلَ أَكۡثَرَ ٱلَّذِي هُمۡ فِيهِ يَخۡتَلِفُونَ
Toto Ikurani ino ikananga khu baana ba Isarail amanji kalia akabawukhanangamwo
وَإِنَّهُۥ لَهُدًى وَرَحۡمَةٌ لِّلۡمُؤۡمِنِينَ
Ne toto Ikurani ino ni obulunjifu nende tsimbabaasi khubalia abasuubila
إِنَّ رَبَّكَ يَقۡضِي بَيۡنَهُم بِحُكۡمِهِۦۚ وَهُوَ ٱلۡعَزِيزُ ٱلۡعَلِيمُ
Toto Nyasaye alibusia hakari wabu khukhubusia khukhwe, naye niye Owamani Omumanyi muno
فَتَوَكَّلۡ عَلَى ٱللَّهِۖ إِنَّكَ عَلَى ٱلۡحَقِّ ٱلۡمُبِينِ
Kho wisiche Nyasaye toto ewe oli khubwatoto bulolekha
إِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ
Toto ewe shonyala okhukhola abafu bawulile omulango tawe nohomba okhole abekala amarwi bawulila tawe olwabakalukhanaga nibabwao
وَمَآ أَنتَ بِهَٰدِي ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِـَٔايَٰتِنَا فَهُم مُّسۡلِمُونَ
Nohomba shonyala okhulunjisia abawofu mubukori bwabu, ne shiwakhakhola bawulila halali balia abasuubila tsinyaali tsiefu, nabo nibo abawulili
وَإِذَا وَقَعَ ٱلۡقَوۡلُ عَلَيۡهِمۡ أَخۡرَجۡنَا لَهُمۡ دَآبَّةً مِّنَ ٱلۡأَرۡضِ تُكَلِّمُهُمۡ أَنَّ ٱلنَّاسَ كَانُواْ بِـَٔايَٰتِنَا لَا يُوقِنُونَ
Ne olwelikhuwa lilibarulila, khulibarusilia isolo okhurula mwiloba, ibalomalomie, toto Abandu bakhaya okhusuubila tsinyaali tsiefu
وَيَوۡمَ نَحۡشُرُ مِن كُلِّ أُمَّةٍ فَوۡجًا مِّمَّن يُكَذِّبُ بِـَٔايَٰتِنَا فَهُمۡ يُوزَعُونَ
Ne inyanga yakhulikhung’asia buli Abandu emikanda chiabalia abayingasinjia ebimanyisio biefu, ne baliemibwa ebituche ebituche
حَتَّىٰٓ إِذَا جَآءُو قَالَ أَكَذَّبۡتُم بِـَٔايَٰتِي وَلَمۡ تُحِيطُواْ بِهَا عِلۡمًا أَمَّاذَا كُنتُمۡ تَعۡمَلُونَ
Okhula shingala baliula mana (Nyasaye) aboole mbu: “koo enywe mwayingana ebimanyisio bianje nimulabimanyile obulayi tawe, nohomba nishina shiamwakholanga?.”
وَوَقَعَ ٱلۡقَوۡلُ عَلَيۡهِم بِمَا ظَلَمُواْ فَهُمۡ لَا يَنطِقُونَ
Mana likhuwa nilibakwila khumabii kabakhola, ne baliwulela tsi
أَلَمۡ يَرَوۡاْ أَنَّا جَعَلۡنَا ٱلَّيۡلَ لِيَسۡكُنُواْ فِيهِ وَٱلنَّهَارَ مُبۡصِرًاۚ إِنَّ فِي ذَٰلِكَ لَأٓيَٰتٍ لِّقَوۡمٍ يُؤۡمِنُونَ
Koo, shibalolangakhwo mbu efwe khwakhola eshilo okhuba shiokhwihotselesiamwo, nende eshitere okhubakhonya okhulola. Toto mu ako khulimwo nende ameeko khubandu basuubilanga
وَيَوۡمَ يُنفَخُ فِي ٱلصُّورِ فَفَزِعَ مَن فِي ٱلسَّمَٰوَٰتِ وَمَن فِي ٱلۡأَرۡضِ إِلَّا مَن شَآءَ ٱللَّهُۚ وَكُلٌّ أَتَوۡهُ دَٰخِرِينَ
Ne inyanga yolwika lulikhupwa, mana bibeyebeye bioosi ebili mwikulu nende khushialo halali ulia wa Nyasaye alichama, ne boosi bakhamwitsile nibali abateshele
وَتَرَى ٱلۡجِبَالَ تَحۡسَبُهَا جَامِدَةً وَهِيَ تَمُرُّ مَرَّ ٱلسَّحَابِۚ صُنۡعَ ٱللَّهِ ٱلَّذِيٓ أَتۡقَنَ كُلَّ شَيۡءٍۚ إِنَّهُۥ خَبِيرُۢ بِمَا تَفۡعَلُونَ
Ne olilola tsingulu nopara mbu tsiemele natsio tsichendanga shinga amaleesi. Nibo obwiranyi bwa Nyasaye, obwayakasilia obulayi buli eshindu, toto ye amanyile muno akamukholanga
مَن جَآءَ بِٱلۡحَسَنَةِ فَلَهُۥ خَيۡرٌ مِّنۡهَا وَهُم مِّن فَزَعٍ يَوۡمَئِذٍ ءَامِنُونَ
Abaliitsa namalayi balinyoola amalayi muno okhushilakhwo ako, nabo khushibeyibeyi shieyinyanga eyo baliba nomulembe
وَمَن جَآءَ بِٱلسَّيِّئَةِ فَكُبَّتۡ وُجُوهُهُمۡ فِي ٱلنَّارِ هَلۡ تُجۡزَوۡنَ إِلَّا مَا كُنتُمۡ تَعۡمَلُونَ
Ne abalitsa nende amabii, obweni bwabu bulisindikhwa mumulilo (mana boboolelwe mbu) “shimurungungwa tawe halali kalia akamwakholanga.”
إِنَّمَآ أُمِرۡتُ أَنۡ أَعۡبُدَ رَبَّ هَٰذِهِ ٱلۡبَلۡدَةِ ٱلَّذِي حَرَّمَهَا وَلَهُۥ كُلُّ شَيۡءٍۖ وَأُمِرۡتُ أَنۡ أَكُونَ مِنَ ٱلۡمُسۡلِمِينَ
Toto elomesibwe okhulaama Nyasaye omulesi welitokho lino eliahebwa oluyali, ne buli eshindu ni eshishie ne elomesibwe okhuba mubasalamu
وَأَنۡ أَتۡلُوَاْ ٱلۡقُرۡءَانَۖ فَمَنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَقُلۡ إِنَّمَآ أَنَا۠ مِنَ ٱلۡمُنذِرِينَ
Ne osoome Ikurani , kho ulia ulunjikha alunjikhanga khulwa ye omwene, ne ulia ukora boola mbu: “ toto esie endisa mubekanyilisi.”
وَقُلِ ٱلۡحَمۡدُ لِلَّهِ سَيُرِيكُمۡ ءَايَٰتِهِۦ فَتَعۡرِفُونَهَاۚ وَمَا رَبُّكَ بِغَٰفِلٍ عَمَّا تَعۡمَلُونَ
Ne boola Mbu: “oluyali lwosi ni lwa Nyasaye yetsa okhubechesia ebimanyisio bibie mwitsa okhubimanya, ne Nyasaye shang’ang’alinga kamukholanga tawe.”
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.