Surah 39 · 75 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Az-Zumar in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

39:1

تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ

Okhwishibwa khweshitabu shino khurulana nende Nyasaye Owamani Owamachesi muno

39:2

إِنَّآ أَنزَلۡنَآ إِلَيۡكَ ٱلۡكِتَٰبَ بِٱلۡحَقِّ فَٱعۡبُدِ ٱللَّهَ مُخۡلِصًا لَّهُ ٱلدِّينَ

Toto efwe khwakhwishilia eshitabu shino khubwatoto, kho mulaame Nyasaye yenyene mubutswenufu khu Dini yiyie butswa

39:3

أَلَا لِلَّهِ ٱلدِّينُ ٱلۡخَالِصُۚ وَٱلَّذِينَ ٱتَّخَذُواْ مِن دُونِهِۦٓ أَوۡلِيَآءَ مَا نَعۡبُدُهُمۡ إِلَّا لِيُقَرِّبُونَآ إِلَى ٱللَّهِ زُلۡفَىٰٓ إِنَّ ٱللَّهَ يَحۡكُمُ بَيۡنَهُمۡ فِي مَا هُمۡ فِيهِ يَخۡتَلِفُونَۗ إِنَّ ٱللَّهَ لَا يَهۡدِي مَنۡ هُوَ كَٰذِبٌ كَفَّارٌ

Toto Idini yabwene ni ya Nyasaye butswa, ne balia abeliindanga khu ulali Nyasaye nibaboola mbu: “ shikhubalamaanga tawe halali bakhusitie ahambi nende Nyasaye,” toto Nyasaye alibakabula khu kalia akabawukhananga. Toto Nyasaye shaluunjisinjia omubeeyi omukhayi tawe

39:4

لَّوۡ أَرَادَ ٱللَّهُ أَن يَتَّخِذَ وَلَدًا لَّٱصۡطَفَىٰ مِمَّا يَخۡلُقُ مَا يَشَآءُۚ سُبۡحَٰنَهُۥۖ هُوَ ٱللَّهُ ٱلۡوَٰحِدُ ٱلۡقَهَّارُ

Nyasaye yenyanga okhuba nende Omwana yakhaloboole mubiloonje bibie owayenya, oluyali ni olulwe, niye Nyasaye mulala ukholanga liayenya

39:5

خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّۖ يُكَوِّرُ ٱلَّيۡلَ عَلَى ٱلنَّهَارِ وَيُكَوِّرُ ٱلنَّهَارَ عَلَى ٱلَّيۡلِۖ وَسَخَّرَ ٱلشَّمۡسَ وَٱلۡقَمَرَۖ كُلٌّ يَجۡرِي لِأَجَلٍ مُّسَمًّىۗ أَلَا هُوَ ٱلۡعَزِيزُ ٱلۡغَفَّٰرُ

Yaloonga likulu nende eshialo khubwatoto, ufuunikhanga eshiloo khushiteere, nende eshiteere khushiloo, mana nakhola eliuba nende omwesi mubiikhonyele , bioosi bichendanga khubise biarebwaho, manye mbu niye Owa amani Omulesheli muno

39:6

خَلَقَكُم مِّن نَّفۡسٍ وَٰحِدَةٍ ثُمَّ جَعَلَ مِنۡهَا زَوۡجَهَا وَأَنزَلَ لَكُم مِّنَ ٱلۡأَنۡعَٰمِ ثَمَٰنِيَةَ أَزۡوَٰجٍۚ يَخۡلُقُكُمۡ فِي بُطُونِ أُمَّهَٰتِكُمۡ خَلۡقًا مِّنۢ بَعۡدِ خَلۡقٍ فِي ظُلُمَٰتٍ ثَلَٰثٍۚ ذَٰلِكُمُ ٱللَّهُ رَبُّكُمۡ لَهُ ٱلۡمُلۡكُۖ لَآ إِلَٰهَ إِلَّا هُوَۖ فَأَنَّىٰ تُصۡرَفُونَ

Yaloonga okhurula Khumundu mulala, mana namurusiamwo owashie, mana nabarerera ebiruche ebisatsa nende ebikhasi tsimbia munane, abaloonganga mutsinda tsia banyinenywe oshiloonje okhutsia khushindi, mubiilima bitaru. Oyo niye Nyasaye Omulesi wenyu, obwami nobubwe, abulaho Nyasaye wundi owulali ye tawe, kho nanyu mulinjibungwa heena

39:7

إِن تَكۡفُرُواْ فَإِنَّ ٱللَّهَ غَنِيٌّ عَنكُمۡۖ وَلَا يَرۡضَىٰ لِعِبَادِهِ ٱلۡكُفۡرَۖ وَإِن تَشۡكُرُواْ يَرۡضَهُ لَكُمۡۗ وَلَا تَزِرُ وَازِرَةٌ وِزۡرَ أُخۡرَىٰۚ ثُمَّ إِلَىٰ رَبِّكُم مَّرۡجِعُكُمۡ فَيُنَبِّئُكُم بِمَا كُنتُمۡ تَعۡمَلُونَۚ إِنَّهُۥ عَلِيمُۢ بِذَاتِ ٱلصُّدُورِ

Ni mukhaya toto Nyasaye ni omuyinda khwinywe, ne shachamilanga Abasumba bebe obukhayi tawe, ne nimumwitsoomia alabafuchilila ne Omundu shalichinga obusiro bwo owashie tawe, mana mulikalukha ewa Nyasaye wenyu Omulesi, ne alibaboolela akamwakholanga toto ye ni Omumanyi muno khukali mubilifi

39:8

وَإِذَا مَسَّ ٱلۡإِنسَٰنَ ضُرٌّ دَعَا رَبَّهُۥ مُنِيبًا إِلَيۡهِ ثُمَّ إِذَا خَوَّلَهُۥ نِعۡمَةً مِّنۡهُ نَسِيَ مَا كَانَ يَدۡعُوٓاْ إِلَيۡهِ مِن قَبۡلُ وَجَعَلَ لِلَّهِ أَندَادًا لِّيُضِلَّ عَن سَبِيلِهِۦۚ قُلۡ تَمَتَّعۡ بِكُفۡرِكَ قَلِيلًا إِنَّكَ مِنۡ أَصۡحَٰبِ ٱلنَّارِ

Ne Omundu nanyoola amasila kosikosi asaba Nyasaye wuwe namukalushila, ne namuhelesia tsimbabaasi okhurula ewuwe yebilila akayasabanga imbeli mana natsokasia Nyasaye nende Abanyasaye bandi mbu kho akosie Abandu khu injila yiye, wikhoye nende obukhayi bubwo hatiti, toto ewe oli mubaandu bomumulilo

39:9

أَمَّنۡ هُوَ قَٰنِتٌ ءَانَآءَ ٱلَّيۡلِ سَاجِدًا وَقَآئِمًا يَحۡذَرُ ٱلۡأٓخِرَةَ وَيَرۡجُواْ رَحۡمَةَ رَبِّهِۦۗ قُلۡ هَلۡ يَسۡتَوِي ٱلَّذِينَ يَعۡلَمُونَ وَٱلَّذِينَ لَا يَعۡلَمُونَۗ إِنَّمَا يَتَذَكَّرُ أُوْلُواْ ٱلۡأَلۡبَٰبِ

Koo ulia ulaamanga eshilo Nyasaye wuwe niyeema niyenama mana naba noburi khu inyanga imalilishi, ne nasuubila okhunyoola tsimbabaasi tsia Nyasaye wuwe. Boola mbu:“ bakhaba nashilala abamanyile nende abalamanyile tawe, toto abachesi nibobetsulilanga.’’

39:10

قُلۡ يَٰعِبَادِ ٱلَّذِينَ ءَامَنُواْ ٱتَّقُواْ رَبَّكُمۡۚ لِلَّذِينَ أَحۡسَنُواْ فِي هَٰذِهِ ٱلدُّنۡيَا حَسَنَةٌۗ وَأَرۡضُ ٱللَّهِ وَٰسِعَةٌۗ إِنَّمَا يُوَفَّى ٱلصَّٰبِرُونَ أَجۡرَهُم بِغَيۡرِ حِسَابٍ

Boola enywe Abasumba banje basuubila, murie Nyasaye wenyu Omulesi, balia bakhola amalayi khushialo khuno balinyoola amalayi, ne eshialo shia Nyasaye neshiyaangufu, toto abesumilisi balihebwa omurungo kwabu okhubura eshichelo

39:11

قُلۡ إِنِّيٓ أُمِرۡتُ أَنۡ أَعۡبُدَ ٱللَّهَ مُخۡلِصًا لَّهُ ٱلدِّينَ

Boola mbu: “esie ndalomesibwa okhulaama Nyasaye mubutswenufu

39:12

وَأُمِرۡتُ لِأَنۡ أَكُونَ أَوَّلَ ٱلۡمُسۡلِمِينَ

Ne ndalomesibwa okhuba weyimbeli mubasalamu

39:13

قُلۡ إِنِّيٓ أَخَافُ إِنۡ عَصَيۡتُ رَبِّي عَذَابَ يَوۡمٍ عَظِيمٍ

Boola mbu: “ esie eritsaanga eshinyasio shie inyanga ikhongo nekhaya okhuloonda ka Nyasaye Omulesi wanje.”

39:14

قُلِ ٱللَّهَ أَعۡبُدُ مُخۡلِصًا لَّهُۥ دِينِي

Ni Nyasaye butswa wenaamanga nemutswenushila

39:15

فَٱعۡبُدُواْ مَا شِئۡتُم مِّن دُونِهِۦۗ قُلۡ إِنَّ ٱلۡخَٰسِرِينَ ٱلَّذِينَ خَسِرُوٓاْ أَنفُسَهُمۡ وَأَهۡلِيهِمۡ يَوۡمَ ٱلۡقِيَٰمَةِۗ أَلَا ذَٰلِكَ هُوَ ٱلۡخُسۡرَانُ ٱلۡمُبِينُ

Kho lame shia mwenya owulali Ye. Boola mbu: “toto balia abatiba mana nibatibia emioyo chiabu inyanga yeyindukho,” koo manye mbu, okho nikho okhutiba khwa habulafu

39:16

لَهُم مِّن فَوۡقِهِمۡ ظُلَلٌ مِّنَ ٱلنَّارِ وَمِن تَحۡتِهِمۡ ظُلَلٌۚ ذَٰلِكَ يُخَوِّفُ ٱللَّهُ بِهِۦ عِبَادَهُۥۚ يَٰعِبَادِ فَٱتَّقُونِ

Baliba nende ebichelo biomulilo biawukhane hekulu nende hasi wabu, endio nilwa Nyasaye arisia Abandu bebe, enywe abasumba banje muurie

39:17

وَٱلَّذِينَ ٱجۡتَنَبُواْ ٱلطَّٰغُوتَ أَن يَعۡبُدُوهَا وَأَنَابُوٓاْ إِلَى ٱللَّهِ لَهُمُ ٱلۡبُشۡرَىٰۚ فَبَشِّرۡ عِبَادِ

Ne balia basita ehale khubulaami bwobukori mana nibamukalushila Nyasaye, basuubisibwa obulayi imbeli wa Nyasaye , subisia Abasumba banje

39:18

ٱلَّذِينَ يَسۡتَمِعُونَ ٱلۡقَوۡلَ فَيَتَّبِعُونَ أَحۡسَنَهُۥٓۚ أُوْلَٰٓئِكَ ٱلَّذِينَ هَدَىٰهُمُ ٱللَّهُۖ وَأُوْلَٰٓئِكَ هُمۡ أُوْلُواْ ٱلۡأَلۡبَٰبِ

Balia bawulilanga likhuwa mana nibaloonda lilia lilayi lialio, abo nibo ba Nyasaye yalunjisia, ne abo nibo bamachesi

39:19

أَفَمَنۡ حَقَّ عَلَيۡهِ كَلِمَةُ ٱلۡعَذَابِ أَفَأَنتَ تُنقِذُ مَن فِي ٱلنَّارِ

Ne ulia okhoyeshele okhunyoola omurungo kweshinyasio, ewe olinobunyali bwokhuhabina uli mumulilo

39:20

لَٰكِنِ ٱلَّذِينَ ٱتَّقَوۡاْ رَبَّهُمۡ لَهُمۡ غُرَفٌ مِّن فَوۡقِهَا غُرَفٌ مَّبۡنِيَّةٌ تَجۡرِي مِن تَحۡتِهَا ٱلۡأَنۡهَٰرُۖ وَعۡدَ ٱللَّهِ لَا يُخۡلِفُ ٱللَّهُ ٱلۡمِيعَادَ

Halali balia baria Nyasaye wabu balinyoola tsigorofa ebikoro biombakhwa hekulu webindi, emialo chiburanga hasi wabio, indache ya Nyasaye ne Nyasaye shanyala okhwima shiayakhulaka tawe

39:21

أَلَمۡ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءً فَسَلَكَهُۥ يَنَٰبِيعَ فِي ٱلۡأَرۡضِ ثُمَّ يُخۡرِجُ بِهِۦ زَرۡعًا مُّخۡتَلِفًا أَلۡوَٰنُهُۥ ثُمَّ يَهِيجُ فَتَرَىٰهُ مُصۡفَرًّا ثُمَّ يَجۡعَلُهُۥ حُطَٰمًاۚ إِنَّ فِي ذَٰلِكَ لَذِكۡرَىٰ لِأُوْلِي ٱلۡأَلۡبَٰبِ

Koo shololangakhwo shinga Nyasaye yeshinjia amaatsi okhurula mwikulu, mana nakabusia mutsindoto mwiloba, mana namesilia emimela chikabukhane obukondo, mana chiume chikalukhane chibe namabuyu, mana achikhole amasakaria , toto mu ako khulimwo nende eshitsulisio khubandu bamachesi

39:22

أَفَمَن شَرَحَ ٱللَّهُ صَدۡرَهُۥ لِلۡإِسۡلَٰمِ فَهُوَ عَلَىٰ نُورٍ مِّن رَّبِّهِۦۚ فَوَيۡلٌ لِّلۡقَٰسِيَةِ قُلُوبُهُم مِّن ذِكۡرِ ٱللَّهِۚ أُوْلَٰٓئِكَ فِي ضَلَٰلٍ مُّبِينٍ

Koo ulia wa Nyasaye yafungula eshilifu shishie khubuisilamu, mana naba mubulafu bururulanga ewa Nyasaye Omulesi ( bakhaba nashilala nende ulia womwoyo omumu?) eshinyasio eshikhongo shili khubemioyo emiumu chaletsulilanga Nyasaye, abo bali mubukori obwa habulafu

39:23

ٱللَّهُ نَزَّلَ أَحۡسَنَ ٱلۡحَدِيثِ كِتَٰبًا مُّتَشَٰبِهًا مَّثَانِيَ تَقۡشَعِرُّ مِنۡهُ جُلُودُ ٱلَّذِينَ يَخۡشَوۡنَ رَبَّهُمۡ ثُمَّ تَلِينُ جُلُودُهُمۡ وَقُلُوبُهُمۡ إِلَىٰ ذِكۡرِ ٱللَّهِۚ ذَٰلِكَ هُدَى ٱللَّهِ يَهۡدِي بِهِۦ مَن يَشَآءُۚ وَمَن يُضۡلِلِ ٱللَّهُ فَمَا لَهُۥ مِنۡ هَادٍ

Nyasaye yeshia amakhuwa amalayi muno , eshitabu shietsinyaali tsifwanana tsiakalushilwa, tsirenjinjia emibili chia balia abaria Nyasaye wabu Omulesi, mana nitsikololosia emibili chiabu nende emioyo chiabu khukhwitsulila Nyasaye, obo nibo obulunjifu bwa Nyasaye alunjisinjia khubwo owayenya, ne owa Nyasaye alekha abulaho umulunjisia

39:24

أَفَمَن يَتَّقِي بِوَجۡهِهِۦ سُوٓءَ ٱلۡعَذَابِ يَوۡمَ ٱلۡقِيَٰمَةِۚ وَقِيلَ لِلظَّٰلِمِينَ ذُوقُواْ مَا كُنتُمۡ تَكۡسِبُونَ

Koo ulia wo bweni bubwe bulibukanana nende eshinyasio eshibii inyanga yeyindukho (aliba nashilala nende abalayi?) mana ababii baliboolelwa mbu: “ pile kalia kamwakholanga.”

39:25

كَذَّبَ ٱلَّذِينَ مِن قَبۡلِهِمۡ فَأَتَىٰهُمُ ٱلۡعَذَابُ مِنۡ حَيۡثُ لَا يَشۡعُرُونَ

Bakhaya balia abali imbeli wabu mana eshinyasio nishibetsela munjila yabalamanyile tawe

39:26

فَأَذَاقَهُمُ ٱللَّهُ ٱلۡخِزۡيَ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ

Mana Nyasaye nabakhofia eshinyasio shiobuteshele, ne eshinyasio shieyinyanga yeyindukho neshikhongo muno, bamanyanga khwo

39:27

وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٍ لَّعَلَّهُمۡ يَتَذَكَّرُونَ

Ne toto khwachelasilia Abandu mu Kurani ino buli imbia yamachelasio kho banyoole okhwitsulila

39:28

قُرۡءَانًا عَرَبِيًّا غَيۡرَ ذِي عِوَجٍ لَّعَلَّهُمۡ يَتَّقُونَ

Ikurani yolwarabu ibulamwo tsingatsio khobanyoole okhuria Nyasaye

39:29

ضَرَبَ ٱللَّهُ مَثَلًا رَّجُلًا فِيهِ شُرَكَآءُ مُتَشَٰكِسُونَ وَرَجُلًا سَلَمًا لِّرَجُلٍ هَلۡ يَسۡتَوِيَانِ مَثَلًاۚ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ

Nyasaye achelasia Omundu uli nende Abaami bakholelanga halala basolananga, nende Omundu uli nende Omwami mulala, koo bakhaba nashilala? Oluyali lwoosi nilwa Nyasaye, halali obunji bwabu shibamanyile tawe

39:30

إِنَّكَ مَيِّتٌ وَإِنَّهُم مَّيِّتُونَ

Toto ewe olifwa nabo boosi balifwa

39:31

ثُمَّ إِنَّكُمۡ يَوۡمَ ٱلۡقِيَٰمَةِ عِندَ رَبِّكُمۡ تَخۡتَصِمُونَ

Mana toto enywe imbeli wa Nyasaye wenyu Omulesi mulisoolana, inyanga yeyindukho

39:32

فَمَنۡ أَظۡلَمُ مِمَّن كَذَبَ عَلَى ٱللَّهِ وَكَذَّبَ بِٱلصِّدۡقِ إِذۡ جَآءَهُۥٓۚ أَلَيۡسَ فِي جَهَنَّمَ مَثۡوًى لِّلۡكَٰفِرِينَ

Kho niwina omwonooni muno okhushila ulia owakatilia Nyasaye , ne nakhaya obwatoto nibumwitsile , koo Jahannamu shinishio eshimenyo shiabakhayi

39:33

وَٱلَّذِي جَآءَ بِٱلصِّدۡقِ وَصَدَّقَ بِهِۦٓ أُوْلَٰٓئِكَ هُمُ ٱلۡمُتَّقُونَ

Ne ulia owarera obwatoto mana nabutinyisia , abo nibo abaria Nyasaye

39:34

لَهُم مَّا يَشَآءُونَ عِندَ رَبِّهِمۡۚ ذَٰلِكَ جَزَآءُ ٱلۡمُحۡسِنِينَ

Balinyoola biabeenya imbeli wa Nyasaye, oko niko omurungo kwabakholi abamalayi

39:35

لِيُكَفِّرَ ٱللَّهُ عَنۡهُمۡ أَسۡوَأَ ٱلَّذِي عَمِلُواْ وَيَجۡزِيَهُمۡ أَجۡرَهُم بِأَحۡسَنِ ٱلَّذِي كَانُواْ يَعۡمَلُونَ

Kho Nyasaye abaleshele amabii kabakhola, ne abarunje omurungo kwabu khulwa amalayi kabakholanga

39:36

أَلَيۡسَ ٱللَّهُ بِكَافٍ عَبۡدَهُۥۖ وَيُخَوِّفُونَكَ بِٱلَّذِينَ مِن دُونِهِۦۚ وَمَن يُضۡلِلِ ٱللَّهُ فَمَا لَهُۥ مِنۡ هَادٍ

Koo Nyasaye shali uyela Omundu wuwe tawe? Ne bakhurisinjia khubalia abalali ye tawe, ne owa Nyasaye alekha oyo obulaho omulunjisia

39:37

وَمَن يَهۡدِ ٱللَّهُ فَمَا لَهُۥ مِن مُّضِلٍّۗ أَلَيۡسَ ٱللَّهُ بِعَزِيزٍ ذِي ٱنتِقَامٍ

Ne Owa Nyasaye alunjisia shali nende umukosia tawe, Nyasaye shali Owamaani Oweyimongo?(wokhurunga likhobo)

39:38

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ ٱللَّهُۚ قُلۡ أَفَرَءَيۡتُم مَّا تَدۡعُونَ مِن دُونِ ٱللَّهِ إِنۡ أَرَادَنِيَ ٱللَّهُ بِضُرٍّ هَلۡ هُنَّ كَٰشِفَٰتُ ضُرِّهِۦٓ أَوۡ أَرَادَنِي بِرَحۡمَةٍ هَلۡ هُنَّ مُمۡسِكَٰتُ رَحۡمَتِهِۦۚ قُلۡ حَسۡبِيَ ٱللَّهُۖ عَلَيۡهِ يَتَوَكَّلُ ٱلۡمُتَوَكِّلُونَ

Ne nobareeba mbu niwina waloonga likulu nende eshialo, balaboola mbu : “ni Nyasaye” boola mbu : “koo mulola murie biamulaamanga ebilali Nyasaye, Nyasaye niyenya okhuwumisia aba nyasaye abo banyala okhwihabina, nohomba nabenyenyela tsimbabaasi bo bakhekalila tsimbabaasi tsitsie? Boola mbu: “Nyasaye yambela ne khuye bamwisiche bokhumwisika.”

39:39

قُلۡ يَٰقَوۡمِ ٱعۡمَلُواْ عَلَىٰ مَكَانَتِكُمۡ إِنِّي عَٰمِلٌۖ فَسَوۡفَ تَعۡلَمُونَ

Boola mbu: “ enywe Abandu banje khole shinga kamunyala esie siesi ekholanga, mulitsa okhumanya.”

39:40

مَن يَأۡتِيهِ عَذَابٌ يُخۡزِيهِ وَيَحِلُّ عَلَيۡهِ عَذَابٌ مُّقِيمٌ

Ni wina olinyoola eshinyasio shietsisoni nende ulia uliba mushinyaasio shilaliwa

39:41

إِنَّآ أَنزَلۡنَا عَلَيۡكَ ٱلۡكِتَٰبَ لِلنَّاسِ بِٱلۡحَقِّۖ فَمَنِ ٱهۡتَدَىٰ فَلِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۖ وَمَآ أَنتَ عَلَيۡهِم بِوَكِيلٍ

Toto khwakhwishilia eshitabu khulwa abandu boosi nende khubwatoto, kho ulia ulunjikha nikhulwa omwoyo kukwe, ne ulia ukora ne toto kalikhuye , ne ewe sholi omulindi wabu tawe

39:42

ٱللَّهُ يَتَوَفَّى ٱلۡأَنفُسَ حِينَ مَوۡتِهَا وَٱلَّتِي لَمۡ تَمُتۡ فِي مَنَامِهَاۖ فَيُمۡسِكُ ٱلَّتِي قَضَىٰ عَلَيۡهَا ٱلۡمَوۡتَ وَيُرۡسِلُ ٱلۡأُخۡرَىٰٓ إِلَىٰٓ أَجَلٍ مُّسَمًّىۚ إِنَّ فِي ذَٰلِكَ لَأٓيَٰتٍ لِّقَوۡمٍ يَتَفَكَّرُونَ

Nyasaye abukulanga emioyo ebise biokhufwa khwachio, ne chilafwile ebise biokhukona khwachio, ne atiila chilia echiahandichilwa okhufwa, ne akalusia echindi okhula ebise biachio biachahandichilwa, toto mu ako khulimwo nende ameeko Khubandu baparanga

39:43

أَمِ ٱتَّخَذُواْ مِن دُونِ ٱللَّهِ شُفَعَآءَۚ قُلۡ أَوَلَوۡ كَانُواْ لَا يَمۡلِكُونَ شَيۡـًٔا وَلَا يَعۡقِلُونَ

Nohomba nibo bekhola ababasabila imbeli wa Nyasaye, boola mbu: “ kata bo babula obunyali bwa shiosi shiosi, ne shibulaho shabamanyile

39:44

قُل لِّلَّهِ ٱلشَّفَٰعَةُ جَمِيعًاۖ لَّهُۥ مُلۡكُ ٱلسَّمَٰوَٰتِ وَٱلۡأَرۡضِۖ ثُمَّ إِلَيۡهِ تُرۡجَعُونَ

Boola mbu: “ obulesheli bwoosi ni bwa Nyasaye obwami bwomwikulu nende khushialo nobubwe mana ewuwe niwo omulikalusibwa.”

39:45

وَإِذَا ذُكِرَ ٱللَّهُ وَحۡدَهُ ٱشۡمَأَزَّتۡ قُلُوبُ ٱلَّذِينَ لَا يُؤۡمِنُونَ بِٱلۡأٓخِرَةِۖ وَإِذَا ذُكِرَ ٱلَّذِينَ مِن دُونِهِۦٓ إِذَا هُمۡ يَسۡتَبۡشِرُونَ

Ne Nyasaye narumbulwa yenyene emioyo chiabalia abalasuubila tawe chisiukha, ne abandi nibarumbulwa abalali ye obalola nibasangala

39:46

قُلِ ٱللَّهُمَّ فَاطِرَ ٱلسَّمَٰوَٰتِ وَٱلۡأَرۡضِ عَٰلِمَ ٱلۡغَيۡبِ وَٱلشَّهَٰدَةِ أَنتَ تَحۡكُمُ بَيۡنَ عِبَادِكَ فِي مَا كَانُواْ فِيهِ يَخۡتَلِفُونَ

Boola mbu: “ewe Nyasaye wanje owaloonga likulu nende eshialo Omumanyi wakalalolekhanga tawe nende kalolekhanga , ewe newe uliawukhasia hakari wabasumba bobo khukalia akabakabukhananga

39:47

وَلَوۡ أَنَّ لِلَّذِينَ ظَلَمُواْ مَا فِي ٱلۡأَرۡضِ جَمِيعًا وَمِثۡلَهُۥ مَعَهُۥ لَٱفۡتَدَوۡاْ بِهِۦ مِن سُوٓءِ ٱلۡعَذَابِ يَوۡمَ ٱلۡقِيَٰمَةِۚ وَبَدَا لَهُم مِّنَ ٱللَّهِ مَا لَمۡ يَكُونُواْ يَحۡتَسِبُونَ

Ne abamabii babetsanga nende bioosi bili mushialo nende khandi ebindi shinga ebo, toto bakhabirusiye okhwinunula , okhurulana nende eshinyasio eshibii shieyinyanga yeyindukho. Ne kabaliloloshela ewa Nyasaye kalia akabalali niberecheshele tawe

39:48

وَبَدَا لَهُمۡ سَيِّـَٔاتُ مَا كَسَبُواْ وَحَاقَ بِهِم مَّا كَانُواْ بِهِۦ يَسۡتَهۡزِءُونَ

Ne bulibaloloshela obubii bwakabakholanga, mana kalibabotokhana kabatseshelelanga

39:49

فَإِذَا مَسَّ ٱلۡإِنسَٰنَ ضُرٌّ دَعَانَا ثُمَّ إِذَا خَوَّلۡنَٰهُ نِعۡمَةً مِّنَّا قَالَ إِنَّمَآ أُوتِيتُهُۥ عَلَىٰ عِلۡمِۭۚ بَلۡ هِيَ فِتۡنَةٌ وَلَٰكِنَّ أَكۡثَرَهُمۡ لَا يَعۡلَمُونَ

Ne Omundu nanyoola amasila akhusaba efwe, mana nikhumuwa tsimbabaasi tsirula khwifwe, aboola mbu : “toto esie ehelesibwe kano okhurulana nende amachesi kanje” halali ako ni amatemo habula Abandu abanji shibamanyile tawe.”

39:50

قَدۡ قَالَهَا ٱلَّذِينَ مِن قَبۡلِهِمۡ فَمَآ أَغۡنَىٰ عَنۡهُم مَّا كَانُواْ يَكۡسِبُونَ

Toto baboola ako balia bali imbeli wabu mana shikabakhonyakhwo akabakholanga tawe

39:51

فَأَصَابَهُمۡ سَيِّـَٔاتُ مَا كَسَبُواْۚ وَٱلَّذِينَ ظَلَمُواْ مِنۡ هَٰٓؤُلَآءِ سَيُصِيبُهُمۡ سَيِّـَٔاتُ مَا كَسَبُواْ وَمَا هُم بِمُعۡجِزِينَ

Mana obubii bwakabakhola nibubanyoola , ne balia abetsimbi mubano kalibanyoola amabii kabakhola, nabo shibalishila tawe

39:52

أَوَلَمۡ يَعۡلَمُوٓاْ أَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّ فِي ذَٰلِكَ لَأٓيَٰتٍ لِّقَوۡمٍ يُؤۡمِنُونَ

Koo shibamanyile mbu Nyasaye akabanga emikabo mubunji nende khushichelo owayenya, toto mukano khulimwo nende ameeko khubandu basuubila

39:53

قُلۡ يَٰعِبَادِيَ ٱلَّذِينَ أَسۡرَفُواْ عَلَىٰٓ أَنفُسِهِمۡ لَا تَقۡنَطُواْ مِن رَّحۡمَةِ ٱللَّهِۚ إِنَّ ٱللَّهَ يَغۡفِرُ ٱلذُّنُوبَ جَمِيعًاۚ إِنَّهُۥ هُوَ ٱلۡغَفُورُ ٱلرَّحِيمُ

Boola mbu: “enywe Abasumba banje bakholelaobubiiemioyochiabu, mulawesiakhwo omwoyo khutsimbabaasi tsia Nyasaye tawe, toto Nyasaye aleshelanga ebionoono bioosi, toto ye niye Omulesheli muno Omukoosia po.”

39:54

وَأَنِيبُوٓاْ إِلَىٰ رَبِّكُمۡ وَأَسۡلِمُواْ لَهُۥ مِن قَبۡلِ أَن يَأۡتِيَكُمُ ٱلۡعَذَابُ ثُمَّ لَا تُنصَرُونَ

Mukalushile Nyasaye wenyu Omulesi mana mwilekhule khuye, eshinyasio nishishili okhubetsela mana mukhaye okhuhonokokha

39:55

وَٱتَّبِعُوٓاْ أَحۡسَنَ مَآ أُنزِلَ إِلَيۡكُم مِّن رَّبِّكُم مِّن قَبۡلِ أَن يَأۡتِيَكُمُ ٱلۡعَذَابُ بَغۡتَةً وَأَنتُمۡ لَا تَشۡعُرُونَ

Ne loonde amalayi muno akamweshilibwa okhurula khu Nyasaye wenyu Omulesi, eshinyasio nishishili okhubapwoka nanyu nimulamanyile tawe

39:56

أَن تَقُولَ نَفۡسٌ يَٰحَسۡرَتَىٰ عَلَىٰ مَا فَرَّطتُ فِي جَنۢبِ ٱللَّهِ وَإِن كُنتُ لَمِنَ ٱلسَّٰخِرِينَ

Mana omwoyo kuletsa kwaboola mbu: “ abayie ndiyitsulisia khukambura ewa Nyasaye, ne toto esie ndali mubokhwikoyania”

39:57

أَوۡ تَقُولَ لَوۡ أَنَّ ٱللَّهَ هَدَىٰنِي لَكُنتُ مِنَ ٱلۡمُتَّقِينَ

Nohomba kuboole mbu: “ Nyasaye yanunjisinjia ndakhabeele mubalia bamuria”

39:58

أَوۡ تَقُولَ حِينَ تَرَى ٱلۡعَذَابَ لَوۡ أَنَّ لِي كَرَّةً فَأَكُونَ مِنَ ٱلۡمُحۡسِنِينَ

Nohomba kuboole ebise bieshinyasio mbu: “ abayie nengalusibwayo nemba mubandu abalayi”

39:59

بَلَىٰ قَدۡ جَآءَتۡكَ ءَايَٰتِي فَكَذَّبۡتَ بِهَا وَٱسۡتَكۡبَرۡتَ وَكُنتَ مِنَ ٱلۡكَٰفِرِينَ

Shikanyalikhana tawe, toto ebimanyiso bianje biakhwitsila mana nobikhaya nofura noba mubakhayi

39:60

وَيَوۡمَ ٱلۡقِيَٰمَةِ تَرَى ٱلَّذِينَ كَذَبُواْ عَلَى ٱللَّهِ وُجُوهُهُم مُّسۡوَدَّةٌۚ أَلَيۡسَ فِي جَهَنَّمَ مَثۡوًى لِّلۡمُتَكَبِّرِينَ

Ne inyanga yeyindukho olilola balia bakhaya ka Nyasaye wabu obweni bwabu nibumaliye, koo mu Jahannamu shinishio eshimenyo shiabafuru

39:61

وَيُنَجِّي ٱللَّهُ ٱلَّذِينَ ٱتَّقَوۡاْ بِمَفَازَتِهِمۡ لَا يَمَسُّهُمُ ٱلسُّوٓءُ وَلَا هُمۡ يَحۡزَنُونَ

Ne Nyasaye alihonia balia bamuria, khulwokhubura khwabu, shibalinyoolwa nobubii bwosi bwosi tawe, nohomba shibalibeelela tawe

39:62

ٱللَّهُ خَٰلِقُ كُلِّ شَيۡءٍۖ وَهُوَ عَلَىٰ كُلِّ شَيۡءٍ وَكِيلٌ

Nyasye niye waloonga buli eshindu naye niye omulindi wa buli eshindu

39:63

لَّهُۥ مَقَالِيدُ ٱلسَّمَٰوَٰتِ وَٱلۡأَرۡضِۗ وَٱلَّذِينَ كَفَرُواْ بِـَٔايَٰتِ ٱللَّهِ أُوْلَٰٓئِكَ هُمُ ٱلۡخَٰسِرُونَ

Niye uli nende tsifunguo tsielikulu nende eshialo ne balia bakhaya ebimanyisio bia Nyasaye abo nibo balitiba

39:64

قُلۡ أَفَغَيۡرَ ٱللَّهِ تَأۡمُرُوٓنِّيٓ أَعۡبُدُ أَيُّهَا ٱلۡجَٰهِلُونَ

Boola “owulali Nyasaye niye wamunomesinjia okhulaama enywe Abasilu?”

39:65

وَلَقَدۡ أُوحِيَ إِلَيۡكَ وَإِلَى ٱلَّذِينَ مِن قَبۡلِكَ لَئِنۡ أَشۡرَكۡتَ لَيَحۡبَطَنَّ عَمَلُكَ وَلَتَكُونَنَّ مِنَ ٱلۡخَٰسِرِينَ

Ne toto wafimbulilwa nende balia abaliho imbeli wuwo mbu : “notsokaasia Nyasaye ebikhole bibio bioosi bilakwa akhaya, ne toto oliba Mubandu basikha.”

39:66

بَلِ ٱللَّهَ فَٱعۡبُدۡ وَكُن مِّنَ ٱلشَّٰكِرِينَ

Halali laama butswa Nyasaye mana obe mubalia bakhupanga orio

39:67

وَمَا قَدَرُواْ ٱللَّهَ حَقَّ قَدۡرِهِۦ وَٱلۡأَرۡضُ جَمِيعًا قَبۡضَتُهُۥ يَوۡمَ ٱلۡقِيَٰمَةِ وَٱلسَّمَٰوَٰتُ مَطۡوِيَّٰتُۢ بِيَمِينِهِۦۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ

Ne shibamuwa Nyasaye oluyali shingala kenyekhana tawe, ne eshialo shiosi shiliba mumukhono kukwe, ne likulu lilikanyakanywa liaba mumukhono kukwe omulunji, oluyali ni olulwe Owekulu nomutwenufu khukabamutsokaasinjia ninako

39:68

وَنُفِخَ فِي ٱلصُّورِ فَصَعِقَ مَن فِي ٱلسَّمَٰوَٰتِ وَمَن فِي ٱلۡأَرۡضِ إِلَّا مَن شَآءَ ٱللَّهُۖ ثُمَّ نُفِخَ فِيهِ أُخۡرَىٰ فَإِذَا هُمۡ قِيَامٌ يَنظُرُونَ

Ne olwika lulikhupwa mana bifwe bioosi ebili mwikulu nende khushialo halali ulia wa Nyasaye alichama, mana khandi lulikhupwa olundi mana boosi balibukha nibahenga

39:69

وَأَشۡرَقَتِ ٱلۡأَرۡضُ بِنُورِ رَبِّهَا وَوُضِعَ ٱلۡكِتَٰبُ وَجِاْيٓءَ بِٱلنَّبِيِّـۧنَ وَٱلشُّهَدَآءِ وَقُضِيَ بَيۡنَهُم بِٱلۡحَقِّ وَهُمۡ لَا يُظۡلَمُونَ

Mana eshialo shiliakha khubulafu bwa Nyasaye washio Omulesi, ne eshitabu shilirerwa, ne Abarumwa balirerwa nende Abaloli, mana barungwe omurungo kwa toto nabo shibalikholelwa obubii tawe

39:70

وَوُفِّيَتۡ كُلُّ نَفۡسٍ مَّا عَمِلَتۡ وَهُوَ أَعۡلَمُ بِمَا يَفۡعَلُونَ

Mana buli shiamundu alirungwa kayakholanga , naye (Nyasaye) yamanya muno kabakholanga

39:71

وَسِيقَ ٱلَّذِينَ كَفَرُوٓاْ إِلَىٰ جَهَنَّمَ زُمَرًاۖ حَتَّىٰٓ إِذَا جَآءُوهَا فُتِحَتۡ أَبۡوَٰبُهَا وَقَالَ لَهُمۡ خَزَنَتُهَآ أَلَمۡ يَأۡتِكُمۡ رُسُلٌ مِّنكُمۡ يَتۡلُونَ عَلَيۡكُمۡ ءَايَٰتِ رَبِّكُمۡ وَيُنذِرُونَكُمۡ لِقَآءَ يَوۡمِكُمۡ هَٰذَاۚ قَالُواْ بَلَىٰ وَلَٰكِنۡ حَقَّتۡ كَلِمَةُ ٱلۡعَذَابِ عَلَى ٱلۡكَٰفِرِينَ

Ne abakhayi baliyilwa mujahannamu mumikanda, okhula shingala balikuulakhwo, mana emiliango chakwo chiikulwe Abalindi bakhwo balireeba mbu: “ koo Abarumwa shibabetselakhwo tawe okhurula mwinywe? Nibabasoomela tsinyaali tsia Nyasaye wenyu Omulesi, nibekanyilisia okhubukanana nende inyanga yenyu ino?” baliboola mbu: “kali kario halali likhuwa lieshinyasio liatinyisibwa khubakhayi.”

39:72

قِيلَ ٱدۡخُلُوٓاْ أَبۡوَٰبَ جَهَنَّمَ خَٰلِدِينَ فِيهَاۖ فَبِئۡسَ مَثۡوَى ٱلۡمُتَكَبِّرِينَ

Baliboolelwa mbu: “ injile mumuliango chia Jahannamu mumenyemwo tsinyanga tsiosi” ni eshimenyo eshibii shirie khubafuru

39:73

وَسِيقَ ٱلَّذِينَ ٱتَّقَوۡاْ رَبَّهُمۡ إِلَى ٱلۡجَنَّةِ زُمَرًاۖ حَتَّىٰٓ إِذَا جَآءُوهَا وَفُتِحَتۡ أَبۡوَٰبُهَا وَقَالَ لَهُمۡ خَزَنَتُهَا سَلَٰمٌ عَلَيۡكُمۡ طِبۡتُمۡ فَٱدۡخُلُوهَا خَٰلِدِينَ

Ne abaria Nyasaye wabu Omulesi baliyilwa mwikulu mumikanda, okhula shingala baliulakhwo mana emiliango nichikulwa mana Abalindi bakwo baliboola mbu : “ omuleembe kube ninanyu, muli abalayi, injilemwo mumenyemwo tsinyanga tsiosi.”

39:74

وَقَالُواْ ٱلۡحَمۡدُ لِلَّهِ ٱلَّذِي صَدَقَنَا وَعۡدَهُۥ وَأَوۡرَثَنَا ٱلۡأَرۡضَ نَتَبَوَّأُ مِنَ ٱلۡجَنَّةِ حَيۡثُ نَشَآءُۖ فَنِعۡمَ أَجۡرُ ٱلۡعَٰمِلِينَ

Baliboolambu:“oluyalilwoosi nilwa Nyasaye ukhuhelesiye kayakhulaka, akhulesheele eshialo khumenya mumikunda shingala khwenya . Ne ni omurungo omulayi kuli kurie khubakholi (bamalayi)

39:75

وَتَرَى ٱلۡمَلَٰٓئِكَةَ حَآفِّينَ مِنۡ حَوۡلِ ٱلۡعَرۡشِ يُسَبِّحُونَ بِحَمۡدِ رَبِّهِمۡۚ وَقُضِيَ بَيۡنَهُم بِٱلۡحَقِّۚ وَقِيلَ ٱلۡحَمۡدُ لِلَّهِ رَبِّ ٱلۡعَٰلَمِينَ

Ne olilola Abamalaika nibabotokhana eshisala shia Nyasaye Omulesi, nibetsominjia nibafumia oluyali lwa Nyasaye Omulesi wabu mana balirungwa khubwatoto, ne baliboola mbu: ‘’ oluyali lioosi nilwa Nyasaye Omulesi webiloonje bioosi.”

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.