Surah 91 · 15 verses · Abdullah Muhammad Abu Bakr

Surah Ash-Shams in Swahili

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

91:1

وَٱلشَّمۡسِ وَضُحَىٰهَا

Mwenyezi Mungu Anaapa kwa jua na mchana wake na mwangaza wake wa asubuhi

91:2

وَٱلۡقَمَرِ إِذَا تَلَىٰهَا

Na kwa mwezi unapolifuata wakati wa kucha na kutwa

91:3

وَٱلنَّهَارِ إِذَا جَلَّىٰهَا

Na kwa mchana unapoliondoa giza na kulifunua

91:4

وَٱلَّيۡلِ إِذَا يَغۡشَىٰهَا

Na kwa usiku unapoifinika ardhi ikawa giza

91:5

وَٱلسَّمَآءِ وَمَا بَنَىٰهَا

Na kwa mbingu na kujengeka kwake kiimara

91:6

وَٱلۡأَرۡضِ وَمَا طَحَىٰهَا

Na kwa ardhi na kutandikika kwake

91:7

وَنَفۡسٍ وَمَا سَوَّىٰهَا

Na kwa kila nafsi na namna Mwenyezi Mungu alivyoikamilisha umbo lake ili itekeleze kazi iliyoumbiwa nayo

91:8

فَأَلۡهَمَهَا فُجُورَهَا وَتَقۡوَىٰهَا

Akaibainishia njia ya shari na njia ya kheri

91:9

قَدۡ أَفۡلَحَ مَن زَكَّىٰهَا

Amefaulu mwenye kuisafisha na kuikuza kwa kheri

91:10

وَقَدۡ خَابَ مَن دَسَّىٰهَا

Na ameingia kwenye hasara mwenye kuitia nafsi yake kwenye maasia

91:11

كَذَّبَتۡ ثَمُودُ بِطَغۡوَىٰهَآ

Kabila la Thamūd lilimkanusha Nabii wake kwa kuvama kwenye uasi

91:12

إِذِ ٱنۢبَعَثَ أَشۡقَىٰهَا

Pindi walipotoka wabaya zaidi wa kabila hilo kumchinja Ngamia. Mtume wa Mwenyezi Mungu’ Ṣāliḥ, amani imshukie

91:13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

akawaambia: «Tahadharini kumgusa kwa ubaya ngamia ambaye ni miujiza ilioletwa na Mwenyezi Mungu kwenu inayoonyesha ukweli wa Nabii wenu, na msizuie kinywaji chake. Yeye ana siku yake ya kunywa na nyinyi mna siku yenu maalumu ya kunywa.» Hilo likawa zito kwao

91:14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Wakamkanusha na kulipuza onyo lake wakamchinja.Mola wao Akawafinika kwa adhabu, akaisawazisha juu yao na hakuna aliyeweza kuponyoka

91:15

وَلَا يَخَافُ عُقۡبَٰهَا

Wala Haogopi, Mwenye uwezo uliotukuka, athari ya adhabu kali Aliywateremshia

Translation: Abdullah Muhammad Abu Bakr.