Surah 91 · 15 verses · Tgk. H. Mahjiddin Jusuf

Surah Ash-Shams in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

91:1

وَٱلشَّمۡسِ وَضُحَىٰهَا

Demi si Syamsi nyan mata uroe Ngon peungeuh nanggroe hana peue peugah

91:2

وَٱلۡقَمَرِ إِذَا تَلَىٰهَا

Teuma lom buleuen di likot jih nyan

91:3

وَٱلنَّهَارِ إِذَا جَلَّىٰهَا

Singoh uroe trang lom meujeureulah

91:4

وَٱلَّيۡلِ إِذَا يَغۡشَىٰهَا

Teuma ‘oh malam teutop ngon seupot

91:5

وَٱلسَّمَآءِ وَمَا بَنَىٰهَا

Demi lom langet geubina meugah

91:6

وَٱلۡأَرۡضِ وَمَا طَحَىٰهَا

Demi lom bumoe takalon teuleung

91:7

وَنَفۡسٍ وَمَا سَوَّىٰهَا

Meunan pih nyawong seumpurna leupah

91:8

فَأَلۡهَمَهَا فُجُورَهَا وَتَقۡوَىٰهَا

Ladom Tuhan bri nyawong nyan meuhat Ladom Neupeujeut takwa keu Allah

91:9

قَدۡ أَفۡلَحَ مَن زَكَّىٰهَا

Nyang peugleh nyawong jih meubahgia

91:10

وَقَدۡ خَابَ مَن دَسَّىٰهَا

Teuma ceulaka nyang kuto leupah Nyawong jih kuto hana ji peuglah

91:11

كَذَّبَتۡ ثَمُودُ بِطَغۡوَىٰهَآ

Tsamud pih paleh jilawan Allah Jipeugah sulet peue nyang rasul ba That darohaka jih han ban peugah

91:12

إِذِ ٱنۢبَعَثَ أَشۡقَىٰهَا

Nyang leubeh paleh lam kawan jih nyan Jibeudoh yoh nyan laju le bagah

91:13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Geukheun le rasul ubak awak nyan Nyan unta Tuhan ngon ie watee grah Unta nyan ngon ie jih bek taganggu

91:14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Jikheun peue laku haba jipeugah i Jikheun sulet that jicang ngon unta í Neupeubinasa treuk jih le Allah Jilawan Po jih jipubuet dacha Meu jeut treuk rata bandum jih sudah Rata ngon tanoh dum jih binasa Maha kuasa cit sidroe Allah

91:15

وَلَا يَخَافُ عُقۡبَٰهَا

Hana Neutakot sagai di Tuhan Akibat jih nyan han pat jipeugah

Translation: Tgk. H. Mahjiddin Jusuf.