Surah 16 · 128 verses · Tgk. H. Mahjiddin Jusuf

Surah An-Nahl in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

16:1

أَتَىٰٓ أَمۡرُ ٱللَّهِ فَلَا تَسۡتَعۡجِلُوهُۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ

Putusan Tuhan ka teuntee teuka Teuma bak gata talakee bagah Maha suci Neuh ngon Maha Manyang Charikat Tuhan jioh sileupah

16:2

يُنَزِّلُ ٱلۡمَلَٰٓئِكَةَ بِٱلرُّوحِ مِنۡ أَمۡرِهِۦ عَلَىٰ مَن يَشَآءُ مِنۡ عِبَادِهِۦٓ أَنۡ أَنذِرُوٓاْ أَنَّهُۥ لَآ إِلَٰهَ إِلَّآ أَنَا۠ فَٱتَّقُونِ

Neujok peurintah bak malaikat Geujakba ligat bak hamba Allah Soe nyang h‘eut Tuhan keunan geuintat Haba peuingat geuyue jak peugah Tan Tuhan laen meulengkan Lonnyoe Takwa jinoe keu Lon beu bagah

16:3

خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّۚ تَعَٰلَىٰ عَمَّا يُشۡرِكُونَ

Tuhan nyang peujeut langet ngon bumoe Sibeunar that nyoe buken beurakah Maha suci Neuh nibak charikat Kon sagai meuhat lagee jih peugah

16:4

خَلَقَ ٱلۡإِنسَٰنَ مِن نُّطۡفَةٍ فَإِذَا هُوَ خَصِيمٌ مُّبِينٌ

Neuepeujeut insan bak ie sititek Teuma jibalek jeut musoh leupah í Musoh that nyata di jih keu Tuhan

16:5

وَٱلۡأَنۡعَٰمَ خَلَقَهَاۖ لَكُمۡ فِيهَا دِفۡءٌ وَمَنَٰفِعُ وَمِنۡهَا تَأۡكُلُونَ

Bandum binatang peuneujeut Allah Binatang ternak raya munaphaʻat Tuhan Hadharat Neupeujeut sudah Bulee jih suuem lom guna laen Tapajoh dageng mangat sileupah

16:6

وَلَكُمۡ فِيهَا جَمَالٌ حِينَ تُرِيحُونَ وَحِينَ تَسۡرَحُونَ

Watee tapeulheuh jijak uluwa ‘Oh jiwoe teuma takalon indah

16:7

وَتَحۡمِلُ أَثۡقَالَكُمۡ إِلَىٰ بَلَدٍ لَّمۡ تَكُونُواْ بَٰلِغِيهِ إِلَّا بِشِقِّ ٱلۡأَنفُسِۚ إِنَّ رَبَّكُمۡ لَرَءُوفٌ رَّحِيمٌ

Jime ngon awih nyang brat bak taba Watee teubongka jioh talangkah Tame u nanggroe nyang pueh bak tajak Nanggroe pih jarak susah ngon payah Bit Tuhan gata sayang keu hamba Lom Tuhan gata Maha Pemurah

16:8

وَٱلۡخَيۡلَ وَٱلۡبِغَالَ وَٱلۡحَمِيرَ لِتَرۡكَبُوهَا وَزِينَةًۚ وَيَخۡلُقُ مَا لَا تَعۡلَمُونَ

Guda ngon baghal keuleudee teuma Keu kandran gata ho nyang talangkah Lom pih Neupeujeut jih keu hiasan Neupeujeut laen lom le that leupah Nyang tan tateupue laen Neupeujeut

16:9

وَعَلَى ٱللَّهِ قَصۡدُ ٱلسَّبِيلِ وَمِنۡهَا جَآئِرٌۚ وَلَوۡ شَآءَ لَهَدَىٰكُمۡ أَجۡمَعِينَ

Lom hak Neupeujeut jalan bek salah Na jalan teupat nyang ladom ceukok Meunyoe Neukheundak bandum jroh leupah Bandum na gata ek Neupeutunyok Meunyoe Neukheundak meunan le Allah

16:10

هُوَ ٱلَّذِيٓ أَنزَلَ مِنَ ٱلسَّمَآءِ مَآءًۖ لَّكُم مِّنۡهُ شَرَابٌ وَمِنۡهُ شَجَرٌ فِيهِ تُسِيمُونَ

Sideh di langet Neupeutron ujeun Tajep ie bandum mangat puleh grah Ijo on kayee bak tageumeubeu Leumo ngon keubeu pih seunang leupah

16:11

يُنۢبِتُ لَكُم بِهِ ٱلزَّرۡعَ وَٱلزَّيۡتُونَ وَٱلنَّخِيلَ وَٱلۡأَعۡنَٰبَ وَمِن كُلِّ ٱلثَّمَرَٰتِۚ إِنَّ فِي ذَٰلِكَ لَأٓيَةً لِّقَوۡمٍ يَتَفَكَّرُونَ

Tanam-tanaman timoh keu gata Zaitun kuruma anggor nyang mirah Boh kayee laen pih le that macam Soe-soe nyang tem pham jitueng phaedah Soe nyang tem pike jeut tanda dumnyoe

16:12

وَسَخَّرَ لَكُمُ ٱلَّيۡلَ وَٱلنَّهَارَ وَٱلشَّمۡسَ وَٱلۡقَمَرَۖ وَٱلنُّجُومُ مُسَخَّرَٰتُۢ بِأَمۡرِهِۦٓۚ إِنَّ فِي ذَٰلِكَ لَأٓيَٰتٍ لِّقَوۡمٍ يَعۡقِلُونَ

Malam ngon uroe peuneujeut Allah Lom mata uroe buleun ngon bintang Urusan Tuhan bandum Neuulah Sinoe pih bandum cit jeut keu tanda Keu kawom nyang na akai nyang ceudah

16:13

وَمَا ذَرَأَ لَكُمۡ فِي ٱلۡأَرۡضِ مُخۡتَلِفًا أَلۡوَٰنُهُۥٓۚ إِنَّ فِي ذَٰلِكَ لَأٓيَةً لِّقَوۡمٍ يَذَّكَّرُونَ

Lom nyang Neupeujeut laen di bumoe Meumacam bagoe warna nyang indah Sinoe pih bandum cit jeut keu tanda Keu soe nyang suka jitueng phaedah

16:14

وَهُوَ ٱلَّذِي سَخَّرَ ٱلۡبَحۡرَ لِتَأۡكُلُواْ مِنۡهُ لَحۡمًا طَرِيًّا وَتَسۡتَخۡرِجُواْ مِنۡهُ حِلۡيَةً تَلۡبَسُونَهَاۖ وَتَرَى ٱلۡفُلۡكَ مَوَاخِرَ فِيهِ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ

Teuma lom Tuhan Neupeujeut laot Tapajoh eungkot udep ngon basah Lom tapeuteubit sinan hiasan Tangui pakaian nyang indah-indah Takalon kapai meumacam bagoe Meulayeu keu droe jih leupah bagah Ngon nyan tamita karonya Tuhan Chuko keu Tuhan beu le that leupah

16:15

وَأَلۡقَىٰ فِي ٱلۡأَرۡضِ رَوَٰسِيَ أَن تَمِيدَ بِكُمۡ وَأَنۡهَٰرًا وَسُبُلًا لَّعَلَّكُمۡ تَهۡتَدُونَ

Neutiek lom gunong dum dalam bumoe Teudong jih keudroe han soe peureubah Krueng dum jalan dum tatueng munapha‘ʻat

16:16

وَعَلَٰمَٰتٍۚ وَبِٱلنَّجۡمِ هُمۡ يَهۡتَدُونَ

Lom ngon alamat di alam luah Ngon alam bintang jìtuho jalan

16:17

أَفَمَن يَخۡلُقُ كَمَن لَّا يَخۡلُقُۚ أَفَلَا تَذَكَّرُونَ

Ek sa nyang laen teuma ngon Allah Nyang peujeut dumpeue ngon nyang tan peujeut Peue saban sipheut tacuba peugah Peue hana tatueng sinan ibarat

16:18

وَإِن تَعُدُّواْ نِعۡمَةَ ٱللَّهِ لَا تُحۡصُوهَآۗ إِنَّ ٱللَّهَ لَغَفُورٌ رَّحِيمٌ

Takalon nikmat han ek tailah Meunyoe tabileung dum nikmat Tuhan Abeh pikiran han ek tapeugah Han ek takira keu nikmat Tuhan Bahle barangban tamita ilah Keubit roe Tuhan Maha Pengampon Lagi pih Tuhan Maha Pemurah

16:19

وَٱللَّهُ يَعۡلَمُ مَا تُسِرُّونَ وَمَا تُعۡلِنُونَ

Tuhan Neuteupue peue-peue nyang tasom Leubeuh-leubeh lom nyang tapeuleumah

16:20

وَٱلَّذِينَ يَدۡعُونَ مِن دُونِ ٱللَّهِ لَا يَخۡلُقُونَ شَيۡـًٔا وَهُمۡ يُخۡلَقُونَ

Teuma nyang jikheun le dum awaknyan Tuhan jih dumnyan nyang buken Allah Di jih meusapeue hana jipeujeut Jih pih gop peujeut jipheut jitarah

16:21

أَمۡوَٰتٌ غَيۡرُ أَحۡيَآءٍۖ وَمَا يَشۡعُرُونَ أَيَّانَ يُبۡعَثُونَ

Atranyang mate pih hana udep ò Pajan geubangket pih hom jipeugah

16:22

إِلَٰهُكُمۡ إِلَٰهٌ وَٰحِدٌۚ فَٱلَّذِينَ لَا يُؤۡمِنُونَ بِٱلۡأٓخِرَةِ قُلُوبُهُم مُّنكِرَةٌ وَهُم مُّسۡتَكۡبِرُونَ

Nyang Tuhan gata cit Tuhan sidroe Teuma barangsoe iman ka salah Han jimeuiman uroe akhirat Atejih meuhat ingkar keu Allah Jihnyan teukabo jipeuraya droe

16:23

لَا جَرَمَ أَنَّ ٱللَّهَ يَعۡلَمُ مَا يُسِرُّونَ وَمَا يُعۡلِنُونَۚ إِنَّهُۥ لَا يُحِبُّ ٱلۡمُسۡتَكۡبِرِينَ

Hana cheok jihnyan akan geubalah Tuhan Neuteupue peue-peue nyang disom Leubeh-leubeh lom nyang jipeuleumah Hana Neugalak ureueng teukabo

16:24

وَإِذَا قِيلَ لَهُم مَّاذَآ أَنزَلَ رَبُّكُمۡ قَالُوٓاْ أَسَٰطِيرُ ٱلۡأَوَّلِينَ

Narit meutajo watee jipeugah Watee geutanyong peue Tuhan peutron f Cit laju jikheun haba beurakah Nyan haba dongeng ureueng nyang dilee

16:25

لِيَحۡمِلُوٓاْ أَوۡزَارَهُمۡ كَامِلَةً يَوۡمَ ٱلۡقِيَٰمَةِ وَمِنۡ أَوۡزَارِ ٱلَّذِينَ يُضِلُّونَهُم بِغَيۡرِ عِلۡمٍۗ أَلَا سَآءَ مَا يَزِرُونَ

Jitanggong teuntee peue nyang jipeugah Jime dachajih uroe kiamat € Bandum cit lengkap lom na geutamah Dacha gob laen nyang jih peusisat Ateuh jih meuhat dum geubeureukah Jiikot dum jih ngon tan ‘eleumee Meuhat jih teuntee nyang bayeu upah Taingat brok that dacha jipubuet Jime ube buet teuma ka salah

16:26

قَدۡ مَكَرَ ٱلَّذِينَ مِن قَبۡلِهِمۡ فَأَتَى ٱللَّهُ بُنۡيَٰنَهُم مِّنَ ٱلۡقَوَاعِدِ فَخَرَّ عَلَيۡهِمُ ٱلسَّقۡفُ مِن فَوۡقِهِمۡ وَأَتَىٰهُمُ ٱلۡعَذَابُ مِنۡ حَيۡثُ لَا يَشۡعُرُونَ

Ureueng nyang dilee nibak awak nyan Buet dum ureueng nyan jeuheut that leupah Neupeuanco treuk teuma le Tuhan Rumoh awaknyan bak tameh bawah Rhot treuk ngon bubong ateuh awak nyan Teuka keu jihnyan azeub that leupah Í Hana jithee-thee ka teuka azeub

16:27

ثُمَّ يَوۡمَ ٱلۡقِيَٰمَةِ يُخۡزِيهِمۡ وَيَقُولُ أَيۡنَ شُرَكَآءِيَ ٱلَّذِينَ كُنتُمۡ تُشَٰٓقُّونَ فِيهِمۡۚ قَالَ ٱلَّذِينَ أُوتُواْ ٱلۡعِلۡمَ إِنَّ ٱلۡخِزۡيَ ٱلۡيَوۡمَ وَٱلسُّوٓءَ عَلَى ٱلۡكَٰفِرِينَ

Uroe kiamat jih lom Neubalah p f Neupeuayeb jih uroe kiamat Neukheun charikatkeuh ho dum di kah Tuhan charikat ka peusa ngon Lon Hingga Rasul Lon bandum kabantah Di kah kabila tuhan charikat Teuma kheun ligat le ureueng ceudah Kheun ureueng ceudah nyang na ‘eleumee Ayeb ngon malee keu kaphe jadah Uroenyoe ayeb jeuheut keu kaphe

16:28

ٱلَّذِينَ تَتَوَفَّىٰهُمُ ٱلۡمَلَٰٓئِكَةُ ظَالِمِيٓ أَنفُسِهِمۡۖ فَأَلۡقَوُاْ ٱلسَّلَمَ مَا كُنَّا نَعۡمَلُ مِن سُوٓءِۭۚ بَلَىٰٓۚ إِنَّ ٱللَّهَ عَلِيمُۢ بِمَا كُنتُمۡ تَعۡمَلُونَ

Sabab jih sabe lalem that leupah Troh malaikat watee jih maate Lalem jih sabe hana meuubah Wateenyoe jikheun ngon jipeujok droe Hana dì kamoe meupubuet salah f Peue kakheun hana Tuhan Neuteupue Bandum barangpeue nyang dilee buet kah

16:29

فَٱدۡخُلُوٓاْ أَبۡوَٰبَ جَهَنَّمَ خَٰلِدِينَ فِيهَاۖ فَلَبِئۡسَ مَثۡوَى ٱلۡمُتَكَبِّرِينَ

Tamong keudeh lam pinto nuraka Keukai simasa di sinan di kah Teumpat nyang brok that keu soe teukabo Sabab teukabo raya that salah

16:30

وَقِيلَ لِلَّذِينَ ٱتَّقَوۡاْ مَاذَآ أَنزَلَ رَبُّكُمۡۚ قَالُواْ خَيۡرًاۗ لِّلَّذِينَ أَحۡسَنُواْ فِي هَٰذِهِ ٱلدُّنۡيَا حَسَنَةٌۚ وَلَدَارُ ٱلۡأٓخِرَةِ خَيۡرٌۚ وَلَنِعۡمَ دَارُ ٱلۡمُتَّقِينَ

Ureueng takwa watee gop tanyong Peue Tuhan peutron geukheun jroh leupah Soe nyang pubuet got dalam donya nyoe Keu gopnyan dudoe pih got that leupah Nanggroe akhirat keubit leubeh that Sinankeuh teumpat ureueng meutuah Nanggroe paleng got keu ureueng takwa

16:31

جَنَّٰتُ عَدۡنٍ يَدۡخُلُونَهَا تَجۡرِي مِن تَحۡتِهَا ٱلۡأَنۡهَٰرُۖ لَهُمۡ فِيهَا مَا يَشَآءُونَۚ كَذَٰلِكَ يَجۡزِي ٱللَّهُ ٱلۡمُتَّقِينَ

Nyankeuh churuga ‘adnen nyang indah Geutamong laju keunan ureueng nyan Te krueng di sinan ile dum boh-bah Je krueng dum ile di yup churuga Peue-peue nyang hawa geucok le bagah Meuna Neubalah Allah Taʻala Keu soe nyang takwa turot peurintah

16:32

ٱلَّذِينَ تَتَوَفَّىٰهُمُ ٱلۡمَلَٰٓئِكَةُ طَيِّبِينَ يَقُولُونَ سَلَٰمٌ عَلَيۡكُمُ ٱدۡخُلُواْ ٱلۡجَنَّةَ بِمَا كُنتُمۡ تَعۡمَلُونَ

Troh malaikat ubak ureueng nyan Geukalon gopnyan lam jroh sileupah z Geukheun dum saleum keu gata bandum Tatamong dalam churuga indah Sabab yoh dilee ka tausaha

16:33

هَلۡ يَنظُرُونَ إِلَّآ أَن تَأۡتِيَهُمُ ٱلۡمَلَٰٓئِكَةُ أَوۡ يَأۡتِيَ أَمۡرُ رَبِّكَۚ كَذَٰلِكَ فَعَلَ ٱلَّذِينَ مِن قَبۡلِهِمۡۚ وَمَا ظَلَمَهُمُ ٱللَّهُ وَلَٰكِن كَانُوٓاْ أَنفُسَهُمۡ يَظۡلِمُونَ

Teuma ceulaka ureueng nyang salah Peue jipreh di jih troh malaikat Got pih troh ligat keu jih musibah Azeub Po gata teuka ubak jih Dilee nibak jih pih ka Iheuh sudah Awak nyang dilee jidarohaka Kon Neuelanya jihnyan le Allah Tapi jih lalem jielanya droe

16:34

فَأَصَابَهُمۡ سَيِّـَٔاتُ مَا عَمِلُواْ وَحَاقَ بِهِم مَّا كَانُواْ بِهِۦ يَسۡتَهۡزِءُونَ

Jirasa jinoe azeub that leupah Sabab buet jeuheut dilee jipubuet Bandum buet nyang got cit jipeubeueh Sira jipeukhen jiulok-ulok Jinoekeuh jicok meunan beunalah

16:35

وَقَالَ ٱلَّذِينَ أَشۡرَكُواْ لَوۡ شَآءَ ٱللَّهُ مَا عَبَدۡنَا مِن دُونِهِۦ مِن شَيۡءٍ نَّحۡنُ وَلَآ ءَابَآؤُنَا وَلَا حَرَّمۡنَا مِن دُونِهِۦ مِن شَيۡءٍۚ كَذَٰلِكَ فَعَلَ ٱلَّذِينَ مِن قَبۡلِهِمۡۚ فَهَلۡ عَلَى ٱلرُّسُلِ إِلَّا ٱلۡبَلَٰغُ ٱلۡمُبِينُ

Kawom musyrikin lom jikheun meunoe Bandum buet kamoe cit kheundak Allah Meunyoe Neukheundak laen le Tuhan Han roe peue laen nyang kamoe seumah À Meunan pih dilee dum ayah kamoe Bandum na kamoe meuseumah Allah Han Neupeuhareuem pih barangkapeue Meu kon kheundak nyoe ka nibak Allah Lagee nyan cit buet awak nyang dilee Jipeugah lagee macam jiilah Teuma di Rasul kon na peue laen Geupeutroh mantong beu trang geupeugah

16:36

وَلَقَدۡ بَعَثۡنَا فِي كُلِّ أُمَّةٍ رَّسُولًا أَنِ ٱعۡبُدُواْ ٱللَّهَ وَٱجۡتَنِبُواْ ٱلطَّٰغُوتَۖ فَمِنۡهُم مَّنۡ هَدَى ٱللَّهُ وَمِنۡهُم مَّنۡ حَقَّتۡ عَلَيۡهِ ٱلضَّلَٰلَةُۚ فَسِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلۡمُكَذِّبِينَ

Ka Kamoe bangket bak jeut-jeut umat Rasul meuintat jakba peurintah Taseumah Tuhan peujioh thaghut Berhala han jeut sagai taseumah Nyang laen ureueng Tuhan peutunyok Nyang ladom jicok teuma nyang salah Ureueng nyan teuntee ka roh lam sisat Ka Neupeuteutap meunan le Allah Teuma tajak le di dalam bumoe Takalon jinoe pakriban ulah Pakri akibat ureueng peusulet Jipeugah sulet dum Rasul Allah

16:37

إِن تَحۡرِصۡ عَلَىٰ هُدَىٰهُمۡ فَإِنَّ ٱللَّهَ لَا يَهۡدِي مَن يُضِلُّۖ وَمَا لَهُم مِّن نَّٰصِرِينَ

Meunapsuteuh that peutunyok keu jih Atranyan di jih ka sisat leupah Han Neupeutunyok nyang Neupeusisat Uleh Hadharat meunan Neupeugah Han ek soe tulong pih le keu jihnyan

16:38

وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَا يَبۡعَثُ ٱللَّهُ مَن يَمُوتُۚ بَلَىٰ وَعۡدًا عَلَيۡهِ حَقًّا وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Dilee hana ban ka jimeusumpah Demi tuhanjih meusumpah keubit Hana Neubangket dudoe le Allah Hana Neubangket ureueng nyang mate Tapi nyan janji ka Iheuh Neupeugah Teuma beunar that roe janji Tuhan Teuma le insan nyang jipeubeuoh Le manusia hana jiteupue

16:39

لِيُبَيِّنَ لَهُمُ ٱلَّذِي يَخۡتَلِفُونَ فِيهِ وَلِيَعۡلَمَ ٱلَّذِينَ كَفَرُوٓاْ أَنَّهُمۡ كَانُواْ كَٰذِبِينَ

Mangat atranyoe Neupeutrang leupah i Peue nyang jiragu jipeudong dawa 4 Allah Taʻala bandum Neupeugah Mangat jiteupue lom le si kaphe Naritjih kon le sulet sileupah

16:40

إِنَّمَا قَوۡلُنَا لِشَيۡءٍ إِذَآ أَرَدۡنَٰهُ أَن نَّقُولَ لَهُۥ كُن فَيَكُونُ

Teuma di kamoe sep narit sikrak Peue nyang meukheundak cit jeut le bagah Meukheun "kun" mantong kah beujeuet laju Ka keuh jeuet laju hana meupayah

16:41

وَٱلَّذِينَ هَاجَرُواْ فِي ٱللَّهِ مِنۢ بَعۡدِ مَا ظُلِمُواْ لَنُبَوِّئَنَّهُمۡ فِي ٱلدُّنۡيَا حَسَنَةًۖ وَلَأَجۡرُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ

Ureueng hijeurah lheuh jielanya Geuweh ulua karena Allah Di dalam donya Kamoe bri teumpat Ureueng nyan meuhat ureueng meutuah Kamoe bri jroh that di dalam donya Leubeh lom raya pahla meukeubah Meunyoe jiteupue pahla akhirat Nyan nyang leubeh that raya sileupah

16:42

ٱلَّذِينَ صَبَرُواْ وَعَلَىٰ رَبِّهِمۡ يَتَوَكَّلُونَ

Ek that geusaba bandum ureueng nyan Ubak Po gopnyan droeugeuh geuseurah

16:43

وَمَآ أَرۡسَلۡنَا مِن قَبۡلِكَ إِلَّا رِجَالًا نُّوحِيٓ إِلَيۡهِمۡۖ فَسۡـَٔلُوٓاْ أَهۡلَ ٱلذِّكۡرِ إِن كُنتُمۡ لَا تَعۡلَمُونَ

Rasul meukirem sigohlom gata Ureueng lam keuta duson nyang mudah Kamoe bri wahyu ubak ureueng nyan Teuma tatanyong bak ureueng ceudah Tatanyong meuhat bak ureueng teupue Nyang tan tateupue bek malee babah

16:44

بِٱلۡبَيِّنَٰتِ وَٱلزُّبُرِۗ وَأَنزَلۡنَآ إِلَيۡكَ ٱلذِّكۡرَ لِتُبَيِّنَ لِلنَّاسِ مَا نُزِّلَ إِلَيۡهِمۡ وَلَعَلَّهُمۡ يَتَفَكَّرُونَ

Geuba nyang nyata dum ayat-ayat Geuba ngon kitab dum suroh Allah Teuma keu gata ka Kamoe peutron Nyoekeuh Qur'an nyang trang that leupah Mangat tapeutrang bak manusia Peue nyang geuyue ba dumna peurintah Lom pih bandum jih mangat jipike

16:45

أَفَأَمِنَ ٱلَّذِينَ مَكَرُواْ ٱلسَّيِّـَٔاتِ أَن يَخۡسِفَ ٱللَّهُ بِهِمُ ٱلۡأَرۡضَ أَوۡ يَأۡتِيَهُمُ ٱلۡعَذَابُ مِنۡ حَيۡثُ لَا يَشۡعُرُونَ

Peue teuma ase keu awak salah Ek teuma aman soe pubuet jeuheut i Bumoe Neupeurhup keu jih le Allah Atawa azeub keu jihnyan teuka Hana jirasa teuka musibah

16:46

أَوۡ يَأۡخُذَهُمۡ فِي تَقَلُّبِهِمۡ فَمَا هُم بِمُعۡجِزِينَ

Got Neubri azeub teungeh jijak-jak Han ek jitulak meukarat leupah

16:47

أَوۡ يَأۡخُذَهُمۡ عَلَىٰ تَخَوُّفٍ فَإِنَّ رَبَّكُمۡ لَرَءُوفٌ رَّحِيمٌ

Got pih Neuazeub jih bacut-bacut Sira teumakot jih sabe susah Teuma Po gata sayang keu hamba Neuh lom Po gata Maha Pemurah

16:48

أَوَلَمۡ يَرَوۡاْ إِلَىٰ مَا خَلَقَ ٱللَّهُ مِن شَيۡءٍ يَتَفَيَّؤُاْ ظِلَٰلُهُۥ عَنِ ٱلۡيَمِينِ وَٱلشَّمَآئِلِ سُجَّدًا لِّلَّهِ وَهُمۡ دَٰخِرُونَ

Peue hana jieu makheuluk Tuhan Nyang bak bubayang linuet sang reubah U uneun u wie meulingiek linggang Leumoh bubayang sujud bak Allah Hana teukabo droe jipeumiyup

16:49

وَلِلَّهِۤ يَسۡجُدُۤ مَا فِي ٱلسَّمَٰوَٰتِ وَمَا فِي ٱلۡأَرۡضِ مِن دَآبَّةٍ وَٱلۡمَلَٰٓئِكَةُ وَهُمۡ لَا يَسۡتَكۡبِرُونَ

Bandum jisujud keudeh bak Allah Peue nyang meulata sideh dilanget Bandum jisujud hana jibantah Peue nyang meulata sinoe di bumoe Saban lagee nyoe sujud bak Allah Dum malaikat sujud meululu Hana teukabo meuube seupah

16:50

يَخَافُونَ رَبَّهُم مِّن فَوۡقِهِمۡ وَيَفۡعَلُونَ مَا يُؤۡمَرُونَ

Bandum teumakot keu Tuhan gopnyan Di ateuh gopnyan kuasa leupah Peue nyang Tuhan yue geupubuet laju Tan meu sigitu lawan peurintah

16:51

وَقَالَ ٱللَّهُ لَا تَتَّخِذُوٓاْ إِلَٰهَيۡنِ ٱثۡنَيۡنِۖ إِنَّمَا هُوَ إِلَٰهٌ وَٰحِدٌ فَإِيَّٰيَ فَٱرۡهَبُونِ

Neukheun le Tuhan bek dua tuhan Sep sidroe Tuhan mantong taseumah Beu na tatakot keu Lon nyoe sidroe

16:52

وَلَهُۥ مَا فِي ٱلسَّمَٰوَٰتِ وَٱلۡأَرۡضِ وَلَهُ ٱلدِّينُ وَاصِبًاۚ أَفَغَيۡرَ ٱللَّهِ تَتَّقُونَ

Langet ngon bumoe cit milek Allah Peue nyang di langet ngon nyang di bumoe Agama teuh nyoe sabe keu Allah Keu peue tatakot nyang buken Tuhan

16:53

وَمَا بِكُم مِّن نِّعۡمَةٍ فَمِنَ ٱللَّهِۖ ثُمَّ إِذَا مَسَّكُمُ ٱلضُّرُّ فَإِلَيۡهِ تَجۡـَٔرُونَ

Dum nikmat Tuhan cit le sileupah Bandum na nikmat nyang na bak gata Asai jih teuka sideh bak Allah ‘Oh watee gata teuka meularat Bak Tuhan meuhat talakee beuglah

16:54

ثُمَّ إِذَا كَشَفَ ٱلضُّرَّ عَنكُمۡ إِذَا فَرِيقٌ مِّنكُم بِرَبِّهِمۡ يُشۡرِكُونَ

‘Oh lheuh Neupeuglah meularat gata Lam kawan gata ka na nyang salah Jipeucharikat laju keu Po jih Meularat di jih sabab ka leupah

16:55

لِيَكۡفُرُواْ بِمَآ ءَاتَيۡنَٰهُمۡۚ فَتَمَتَّعُواْ فَسَوۡفَ تَعۡلَمُونَ

Peue nyang Kamoe bri ka keuh jikaphe Han jiingat le sabab jih ka glah Meuseunang-seunang leh di kah siat ‘Oh dudoe meuhat ka teupue di kah

16:56

وَيَجۡعَلُونَ لِمَا لَا يَعۡلَمُونَ نَصِيبًا مِّمَّا رَزَقۡنَٰهُمۡۗ تَٱللَّهِ لَتُسۡـَٔلُنَّ عَمَّا كُنتُمۡ تَفۡتَرُونَ

Nyang jiseumah nyan hana jituri Tapi na bahgi keu jih jikeubah Raseuki nyang ka Kamoe bri keu jih Nyang ladom keu jih ka jipeusiblah Demi nyoe Tuhan kapeuna-peuna Geutanyong teuma bandum nyan buet kah

16:57

وَيَجۡعَلُونَ لِلَّهِ ٱلۡبَنَٰتِ سُبۡحَٰنَهُۥ وَلَهُم مَّا يَشۡتَهُونَ

Jipeugah Tuhan na aneuk inong Di jih han jitueng hina jipeugah Di jih na laen nyang galak droejih

16:58

وَإِذَا بُشِّرَ أَحَدُهُم بِٱلۡأُنثَىٰ ظَلَّ وَجۡهُهُۥ مُسۡوَدًّا وَهُوَ كَظِيمٌ

Meu inong di jih malee jih leupah Meunyoe roh lahe aneukjih inong Mukajih itam jitheun amarah

16:59

يَتَوَٰرَىٰ مِنَ ٱلۡقَوۡمِ مِن سُوٓءِ مَا بُشِّرَ بِهِۦٓۚ أَيُمۡسِكُهُۥ عَلَىٰ هُونٍ أَمۡ يَدُسُّهُۥ فِي ٱلتُّرَابِۗ أَلَا سَآءَ مَا يَحۡكُمُونَ

Jisom droe malee jih bak kawomjih Sabab aneukjih hana meutuah Jikeubah aneuk jitanggong hina Atawa jiba dalam tanoh crah Jitanom sinan mangat bek malee Nyan beuna tathee buet brok sileupah

16:60

لِلَّذِينَ لَا يُؤۡمِنُونَ بِٱلۡأٓخِرَةِ مَثَلُ ٱلسَّوۡءِۖ وَلِلَّهِ ٱلۡمَثَلُ ٱلۡأَعۡلَىٰۚ وَهُوَ ٱلۡعَزِيزُ ٱلۡحَكِيمُ

Nyang tan meuiman akan akhirat Sipheut jih brok that hana ban peugah Teuma sipheut got suci ngon manyang Nyan sipheut Tuhan nyang Maha Murah Droeuneuh keuh Tuhan Maha Perkasa Ngon bijaksana Neuh areh leupah

16:61

وَلَوۡ يُؤَاخِذُ ٱللَّهُ ٱلنَّاسَ بِظُلۡمِهِم مَّا تَرَكَ عَلَيۡهَا مِن دَآبَّةٍ وَلَٰكِن يُؤَخِّرُهُمۡ إِلَىٰٓ أَجَلٍ مُّسَمًّىۖ فَإِذَا جَآءَ أَجَلُهُمۡ لَا يَسۡتَـٔۡخِرُونَ سَاعَةً وَلَا يَسۡتَقۡدِمُونَ

Meunyo Neuhukom insan le Tuhan Sabab jih lalem jipubuet salah Ka keuh han sapeue Neutinggai sinoe Di ateuh bumoe dum abeh sudah Teuma di Tuhan cit Neubri tanggoh Ajai gohlom troh nyang ka Neukeubah Meu ka troh ajai han jeut tanggoh le Hanjeuet peu akhe meu saboh saʻah Han jeuet peudilee meunan cit lagi Watee Kamoe bri han jeuet meuubah

16:62

وَيَجۡعَلُونَ لِلَّهِ مَا يَكۡرَهُونَۚ وَتَصِفُ أَلۡسِنَتُهُمُ ٱلۡكَذِبَ أَنَّ لَهُمُ ٱلۡحُسۡنَىٰۚ لَا جَرَمَ أَنَّ لَهُمُ ٱلنَّارَ وَأَنَّهُم مُّفۡرَطُونَ

Teuma awak nyan peue nyang jibenci Atranyan jibri di jih keu Allah Lidahjih sulet jikheun droe jih got ‘Oh dudoe that got keu jih geubalah Hana peue tachok bandum jih teuma Dalam nuraka jitamong bagah

16:63

تَٱللَّهِ لَقَدۡ أَرۡسَلۡنَآ إِلَىٰٓ أُمَمٍ مِّن قَبۡلِكَ فَزَيَّنَ لَهُمُ ٱلشَّيۡطَٰنُ أَعۡمَٰلَهُمۡ فَهُوَ وَلِيُّهُمُ ٱلۡيَوۡمَ وَلَهُمۡ عَذَابٌ أَلِيمٌ

Demi nyoe Tuhan ka kamoe kirem Ubak dum kawom masa nyang sudah Dum Rasul-rasul yoh gohlom gata Teuma jidaya kawom seurakah Chetan jak daya teuma kawom nyan Jikheun buet jihnyan keubit that indah Jeuet treuk uroenyoe walijih chetan Azeub keu jihnyan peudeh sileupah

16:64

وَمَآ أَنزَلۡنَا عَلَيۡكَ ٱلۡكِتَٰبَ إِلَّا لِتُبَيِّنَ لَهُمُ ٱلَّذِي ٱخۡتَلَفُواْ فِيهِ وَهُدًى وَرَحۡمَةً لِّقَوۡمٍ يُؤۡمِنُونَ

Kitab nyang Kamoe peutron keu gata Nak tapeunyata beunar ngon salah Peue nyang jiragu jipeudong dawa Jeut tapeunyata bandum tapeugah Jeut keu peutunyok lom jeut keu rahmat Keu bandum umat iman keu Allah

16:65

وَٱللَّهُ أَنزَلَ مِنَ ٱلسَّمَآءِ مَآءً فَأَحۡيَا بِهِ ٱلۡأَرۡضَ بَعۡدَ مَوۡتِهَآۚ إِنَّ فِي ذَٰلِكَ لَأٓيَةً لِّقَوۡمٍ يَسۡمَعُونَ

Tuhan nyang peutron ujeun di langet Kaycee dum udep bumoe ka basah ‘Oh lheuh barokon ka mate bandum ‘Oh teuka ujeun udep jroh leupah Soe nyang tem deungo cit jeut keu tanda Tuhan kuasa hana ban peugah

16:66

وَإِنَّ لَكُمۡ فِي ٱلۡأَنۡعَٰمِ لَعِبۡرَةًۖ نُّسۡقِيكُم مِّمَّا فِي بُطُونِهِۦ مِنۢ بَيۡنِ فَرۡثٍ وَدَمٍ لَّبَنًا خَالِصًا سَآئِغًا لِّلشَّٰرِبِينَ

Binatang ternak nyang taplihara Sinan pih nyata tatueng phaedah le dalam pruet jih meubri keu gata Susu keulua lam ruweung darah Antara darah deungon kotoran Ie susu sinan teubiet gleh leupah Soe nyang jep mangat lom jeut ibarat

16:67

وَمِن ثَمَرَٰتِ ٱلنَّخِيلِ وَٱلۡأَعۡنَٰبِ تَتَّخِذُونَ مِنۡهُ سَكَرًا وَرِزۡقًا حَسَنًاۚ إِنَّ فِي ذَٰلِكَ لَأٓيَةً لِّقَوۡمٍ يَعۡقِلُونَ

Boh kayee meuhat pih le phaedah j á Kuruma anggor tapeugot sinan Jeut keu minuman mameh sileupah Raseuki nyang got sinan pih tanda Keu ureueng nyang na akai nyang ceudah

16:68

وَأَوۡحَىٰ رَبُّكَ إِلَى ٱلنَّحۡلِ أَنِ ٱتَّخِذِي مِنَ ٱلۡجِبَالِ بُيُوتًا وَمِنَ ٱلشَّجَرِ وَمِمَّا يَعۡرِشُونَ

Bak unoe wahyu nibak Po gata ¢ Keudeh lam rimba kajak leh di kah Bak gunong-gunong kapeugot rumoh Udep dum timoh cong kayee meugah Teuma bak panteu peuneugot insan

16:69

ثُمَّ كُلِي مِن كُلِّ ٱلثَّمَرَٰتِ فَٱسۡلُكِي سُبُلَ رَبِّكِ ذُلُلًاۚ يَخۡرُجُ مِنۢ بُطُونِهَا شَرَابٌ مُّخۡتَلِفٌ أَلۡوَٰنُهُۥ فِيهِ شِفَآءٌ لِّلنَّاسِۚ إِنَّ فِي ذَٰلِكَ لَأٓيَةً لِّقَوۡمٍ يَتَفَكَّرُونَ

Mita makanan teuma le bagah Dumna boh kayee di kah makanan Beudoh berjalan mita napakah c Di sinan jalan di kah terbuka s Jalan Po gata unoe meutuah Teubiet minuman dalam pruet unoe Meubagoe-bagoe warna jiulah Nyang jeut keu ubat keu manusia Puleh jih sigra sehat sileupah Sinan pih tanda keu soe nyang pike Tuhan that ade ngon Maha Murah

16:70

وَٱللَّهُ خَلَقَكُمۡ ثُمَّ يَتَوَفَّىٰكُمۡۚ وَمِنكُم مَّن يُرَدُّ إِلَىٰٓ أَرۡذَلِ ٱلۡعُمُرِ لِكَيۡ لَا يَعۡلَمَ بَعۡدَ عِلۡمٍ شَيۡـًٔاۚ إِنَّ ٱللَّهَ عَلِيمٌ قَدِيرٌ

Bandum na gata cit Tuhan peujeuet ‘Oh Iheuh nyan wapheut Neubri le Allah ' Teuma nyang ladom umu jih panyang i Tapi ka hilang akai nyang ceudah Ka meuwoe manyak han le jiteupue Peue nyang jiteupue masa nyang sudah Keubit cit Tuhan Neuteupue bandum Lagi pih Tuhan kuasa leupah

16:71

وَٱللَّهُ فَضَّلَ بَعۡضَكُمۡ عَلَىٰ بَعۡضٍ فِي ٱلرِّزۡقِۚ فَمَا ٱلَّذِينَ فُضِّلُواْ بِرَآدِّي رِزۡقِهِمۡ عَلَىٰ مَا مَلَكَتۡ أَيۡمَٰنُهُمۡ فَهُمۡ فِيهِ سَوَآءٌۚ أَفَبِنِعۡمَةِ ٱللَّهِ يَجۡحَدُونَ

Tuhan peuleubeh nyang ladom gata Neubri areuta raseuki mudah Teuma nyang leubeh pih han jitem bri Ladom raseuki keu ureueng susah c Keu namiet jih dum pih han jitem bri Saban roh bahgi jihnyan bak Allah Peue jih jiungki keu nikmat Tuhan Han jipeuesaban jibri napakah

16:72

وَٱللَّهُ جَعَلَ لَكُم مِّنۡ أَنفُسِكُمۡ أَزۡوَٰجًا وَجَعَلَ لَكُم مِّنۡ أَزۡوَٰجِكُم بَنِينَ وَحَفَدَةً وَرَزَقَكُم مِّنَ ٱلطَّيِّبَٰتِۚ أَفَبِٱلۡبَٰطِلِ يُؤۡمِنُونَ وَبِنِعۡمَتِ ٱللَّهِ هُمۡ يَكۡفُرُونَ

Tuhan nyang peuejeuet dum judo gata Nibak droe gata bandum Neuulah Neupeujeuet aneuk bak judo teuhnyan Cuco lom sinan rame sileupah Neubri raseuki teuma keu gata Nibak areuta nyang indah-indah Pakon jiiman di jih nyang bateue Teuma jilingkeue lom nikmat Allah Han jiingat le keu nikmat Tuhan

16:73

وَيَعۡبُدُونَ مِن دُونِ ٱللَّهِ مَا لَا يَمۡلِكُ لَهُمۡ رِزۡقًا مِّنَ ٱلسَّمَٰوَٰتِ وَٱلۡأَرۡضِ شَيۡـًٔا وَلَا يَسۡتَطِيعُونَ

Nyang bukon Tuhan di jih jiseumah Di langet bumoe tan sapeue di jih Raseuki keu jih tan na jikeubah Meu sapeue di jih hana kuasa

16:74

فَلَا تَضۡرِبُواْ لِلَّهِ ٱلۡأَمۡثَالَۚ إِنَّ ٱللَّهَ يَعۡلَمُ وَأَنتُمۡ لَا تَعۡلَمُونَ

Teuma bek gata roh dalam salah Bek peucharikat gata keu Tuhan Bek tapeusaban dumnyan ngon Allah Di gata bandum hana tateupue Tuhan nyang teupue beunar ngon salah

16:75

ضَرَبَ ٱللَّهُ مَثَلًا عَبۡدًا مَّمۡلُوكًا لَّا يَقۡدِرُ عَلَىٰ شَيۡءٍ وَمَن رَّزَقۡنَٰهُ مِنَّا رِزۡقًا حَسَنًا فَهُوَ يُنفِقُ مِنۡهُ سِرًّا وَجَهۡرًاۖ هَلۡ يَسۡتَوُۥنَۚ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ

Neupeugot miseu namiet le Tuhan Budak beulian ureueng nyang rendah Hana sapeue na dijih kuasa Ngon ureueng kaya raseuki mudah Raseuki nyang jroh nyang ka Kamoe bri Atranyan geubri dum keu seudeukah Got lam rahsia got lahe nyata Boh teuma ek sa tacuba peugah Tapi le that jih hana jiteupue Sigala pujoe meuwoe keu Allah

16:76

وَضَرَبَ ٱللَّهُ مَثَلًا رَّجُلَيۡنِ أَحَدُهُمَآ أَبۡكَمُ لَا يَقۡدِرُ عَلَىٰ شَيۡءٍ وَهُوَ كَلٌّ عَلَىٰ مَوۡلَىٰهُ أَيۡنَمَا يُوَجِّههُّ لَا يَأۡتِ بِخَيۡرٍ هَلۡ يَسۡتَوِي هُوَ وَمَن يَأۡمُرُ بِٱلۡعَدۡلِ وَهُوَ عَلَىٰ صِرَٰطٍ مُّسۡتَقِيمٍ

Tuhan boh miseu lom na dua droe Ureueng nyang sidroe han jeut seumeugah Han jeut jimarit klo deungon bisu Tayue peulaku han sapeue keumah Nyang na brat mantong keu ureueng po jih Sapeue tan di jih nyang na phaedah i Ho nyang geuyue jak kon got jipeuwoe Ek saban jihnyoe ngon nyang meutuah Peue sa jihnyoe ngon ureueng yue ade Lom geujak sabe bak jalan Allah Sabe di gopnyan bak jalan teupat Hana tom sisat ho nyang geuarah

16:77

وَلِلَّهِ غَيۡبُ ٱلسَّمَٰوَٰتِ وَٱلۡأَرۡضِۚ وَمَآ أَمۡرُ ٱلسَّاعَةِ إِلَّا كَلَمۡحِ ٱلۡبَصَرِ أَوۡ هُوَ أَقۡرَبُۚ إِنَّ ٱللَّهَ عَلَىٰ كُلِّ شَيۡءٍ قَدِيرٌ

Gaeb di langet deungon di bumoe Bandum atranyoe cit milek Allah Teuka kiamat sigo klip mata c Ban tanjo teuka ka abeh sudah Atawa leubeh bagah nibaknyan Dumpeue cit Tuhan kuasa leupah

16:78

وَٱللَّهُ أَخۡرَجَكُم مِّنۢ بُطُونِ أُمَّهَٰتِكُمۡ لَا تَعۡلَمُونَ شَيۡـًٔا وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَ لَعَلَّكُمۡ تَشۡكُرُونَ

Tuhan peutubiet gata lam pruet ma Teuh sapeue hana tateupue peugah Hana meusapeue pih na tateupue Tadeunge dudoe watee ka teuhah Neupeujeut alat tadeunge meusu Takalon laju teuma ka leumah Neupeujeuet ate ngon tatosuwoe Mangat tachuko teuma keu Allah

16:79

أَلَمۡ يَرَوۡاْ إِلَى ٱلطَّيۡرِ مُسَخَّرَٰتٍ فِي جَوِّ ٱلسَّمَآءِ مَا يُمۡسِكُهُنَّ إِلَّا ٱللَّهُۚ إِنَّ فِي ذَٰلِكَ لَأٓيَٰتٍ لِّقَوۡمٍ يُؤۡمِنُونَ

Peue hana jieu cicem teureubang Keudeh lam awan troh jipho bagah Tuhan nyang theun jih bek rhot u bumoe Leumah cit sinoe kuasa Allah Bandum atranyan cit jeut keu tanda Keu kawom nyang na iman keu Allah

16:80

وَٱللَّهُ جَعَلَ لَكُم مِّنۢ بُيُوتِكُمۡ سَكَنًا وَجَعَلَ لَكُم مِّن جُلُودِ ٱلۡأَنۡعَٰمِ بُيُوتًا تَسۡتَخِفُّونَهَا يَوۡمَ ظَعۡنِكُمۡ وَيَوۡمَ إِقَامَتِكُمۡ وَمِنۡ أَصۡوَافِهَا وَأَوۡبَارِهَا وَأَشۡعَارِهَآ أَثَٰثًا وَمَتَٰعًا إِلَىٰ حِينٍ

Tuhan nyang peujeut teumpat keu gata ; Di rumoh gata tapeugot indah $ Kulet binatang ladom keu rumoh Hana that meh-moh phui that sileupah Watee tajak-jak got hana tajak Mangat bak tagrak hana meupayah Bulee keubiri ngon bulee unta Lom laen teuma tatueng phaedah Peugot peukakah di rumoh tangga Pakaian gata pih dang-dang beukah

16:81

وَٱللَّهُ جَعَلَ لَكُم مِّمَّا خَلَقَ ظِلَٰلًا وَجَعَلَ لَكُم مِّنَ ٱلۡجِبَالِ أَكۡنَٰنًا وَجَعَلَ لَكُمۡ سَرَٰبِيلَ تَقِيكُمُ ٱلۡحَرَّ وَسَرَٰبِيلَ تَقِيكُم بَأۡسَكُمۡۚ كَذَٰلِكَ يُتِمُّ نِعۡمَتَهُۥ عَلَيۡكُمۡ لَعَلَّكُمۡ تُسۡلِمُونَ

Lom Tuhan peujeut keu gata reului Gata jeut deurui tapiyoh payah Neupeujeut di gle teumpat tapiyoh Ngon tatop tuboh pakaian indah Í Ngon tatop badan bak tutong uroe Lom bajee beusoe dalam prang bicah À Bek luka tuboh gata dalam prang Nyan nikmat Tuhan cukop that leupah Nikmat nyan Neubri bandum keu gata Mangat dum gata jok droe bak Allah

16:82

فَإِن تَوَلَّوۡاْ فَإِنَّمَا عَلَيۡكَ ٱلۡبَلَٰغُ ٱلۡمُبِينُ

Teuma meunyoe jih mantong jipaleng Hana cit jitem ban gata peugah Ka keuh di gata tapeutroh mantong

16:83

يَعۡرِفُونَ نِعۡمَتَ ٱللَّهِ ثُمَّ يُنكِرُونَهَا وَأَكۡثَرُهُمُ ٱلۡكَٰفِرُونَ

Sabab jih carong jibalek surah Jiteupue bandum nayn nikmat Tuhan Meu bacut pih tan di jih jipapah Dum nikmat Tuhan hana leumah le Nyang le jih kaphe sisat sileupah

16:84

وَيَوۡمَ نَبۡعَثُ مِن كُلِّ أُمَّةٍ شَهِيدًا ثُمَّ لَا يُؤۡذَنُ لِلَّذِينَ كَفَرُواْ وَلَا هُمۡ يُسۡتَعۡتَبُونَ

Uroenyan teuma bak jeut-jeut umat : d Kamoe yue bangket saksi nyang ceudah Han le geuizin keu awak kaphe Ampon hana le jeut lakee meuʻah

16:85

وَإِذَا رَءَا ٱلَّذِينَ ظَلَمُواْ ٱلۡعَذَابَ فَلَا يُخَفَّفُ عَنۡهُمۡ وَلَا هُمۡ يُنظَرُونَ

Ban jieu azeub dum le silalem Peuphui han geutem meu beube seupah í Tanggoh hana le bandum watee nyan

16:86

وَإِذَا رَءَا ٱلَّذِينَ أَشۡرَكُواْ شُرَكَآءَهُمۡ قَالُواْ رَبَّنَا هَٰٓؤُلَآءِ شُرَكَآؤُنَا ٱلَّذِينَ كُنَّا نَدۡعُواْ مِن دُونِكَۖ فَأَلۡقَوۡاْ إِلَيۡهِمُ ٱلۡقَوۡلَ إِنَّكُمۡ لَكَٰذِبُونَ

nyang muchrek yohnyan meunyeusai teulah f ‘Oh ban jikalon tuhan charikat 5 Jingadu ligat bak Tuhan Allah Wahe Po kamoe nyoekeuh awaknyoe Charikat kamoe dilee meuseumah Kon Droeuneuh dilee kamoe kheun Tuhan Nyankeuh awaknyan tuhan meupeugah Suot awak nyan sulet dum gata

16:87

وَأَلۡقَوۡاْ إِلَى ٱللَّهِ يَوۡمَئِذٍ ٱلسَّلَمَۖ وَضَلَّ عَنۡهُم مَّا كَانُواْ يَفۡتَرُونَ

Bandum jih teuma tundok bak Allah A Jok droe bak Tuhan bandum uroenyan Atra nyang laen ka abeh sudah Atra nyang dilee jipeuna-peuna Han meuhoka tan le meubeukah

16:88

ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ زِدۡنَٰهُمۡ عَذَابًا فَوۡقَ ٱلۡعَذَابِ بِمَا كَانُواْ يُفۡسِدُونَ

Awak nyang kaphe jitham gop laen Mangat geupaleng bak jalan Allah Han jibri geujak bak jalan teupat Kamoe bri azeub nyang brat sileupah Di ateuh azeub meubri lom azeub Sabab jih jeuheut raya that salah

16:89

وَيَوۡمَ نَبۡعَثُ فِي كُلِّ أُمَّةٍ شَهِيدًا عَلَيۡهِم مِّنۡ أَنفُسِهِمۡۖ وَجِئۡنَا بِكَ شَهِيدًا عَلَىٰ هَٰٓؤُلَآءِۚ وَنَزَّلۡنَا عَلَيۡكَ ٱلۡكِتَٰبَ تِبۡيَٰنًا لِّكُلِّ شَيۡءٍ وَهُدًى وَرَحۡمَةً وَبُشۡرَىٰ لِلۡمُسۡلِمِينَ

Nyankeuh uroenyan bak jeut-jeut umat Kamoe yue bangket saksi nyang ceudah í Saksi nyan teuma lam kawan droejih Geupeugah hai jih jipubuet salah Di gata saksi keu bandum gopnyan Lam kitab cit trang mangat tapeugah Kitab nyang Kamoe peutron keu gata Di sinan nyata bandum peurintah Lom pih peutunyok ureueng Iseulam Rahmat bak Tuhan ngon seunang leupah

16:90

إِنَّ ٱللَّهَ يَأۡمُرُ بِٱلۡعَدۡلِ وَٱلۡإِحۡسَٰنِ وَإِيتَآيِٕ ذِي ٱلۡقُرۡبَىٰ وَيَنۡهَىٰ عَنِ ٱلۡفَحۡشَآءِ وَٱلۡمُنكَرِ وَٱلۡبَغۡيِۚ يَعِظُكُمۡ لَعَلَّكُمۡ تَذَكَّرُونَ

Keubit di Tuhan Neuyue beu ade Pubuet got sabe ngon bri napakah Kawom keurabat wajeb tatulong Teuma Neularang nibak buet salah Keuji ngon mungkar lom darohaka Bandum nyan dacha wajeb takeubah Nasehat Neubri uleh Hadharat Mangat teuingat teuh bek roh salah

16:91

وَأَوۡفُواْ بِعَهۡدِ ٱللَّهِ إِذَا عَٰهَدتُّمۡ وَلَا تَنقُضُواْ ٱلۡأَيۡمَٰنَ بَعۡدَ تَوۡكِيدِهَا وَقَدۡ جَعَلۡتُمُ ٱللَّهَ عَلَيۡكُمۡ كَفِيلًاۚ إِنَّ ٱللَّهَ يَعۡلَمُ مَا تَفۡعَلُونَ

Janji ngon Tuhan bek na meuleset Meu ka tajanji han jeut taubah ‘Oh tameusumpah bek tapeubateue Bek roh talingkeue takheun nan Allah Jaminan Tuhan ka lheueh tapeukong Bek takheun mantong bak buet teuh salah Peue nyang tapubuet Tuhan Neuteupue Hana meusapeue pih na meuilah

16:92

وَلَا تَكُونُواْ كَٱلَّتِي نَقَضَتۡ غَزۡلَهَا مِنۢ بَعۡدِ قُوَّةٍ أَنكَٰثًا تَتَّخِذُونَ أَيۡمَٰنَكُمۡ دَخَلَۢا بَيۡنَكُمۡ أَن تَكُونَ أُمَّةٌ هِيَ أَرۡبَىٰ مِنۡ أُمَّةٍۚ إِنَّمَا يَبۡلُوكُمُ ٱللَّهُ بِهِۦۚ وَلَيُبَيِّنَنَّ لَكُمۡ يَوۡمَ ٱلۡقِيَٰمَةِ مَا كُنتُمۡ فِيهِ تَخۡتَلِفُونَ

Bek roe jeut gata lagee si inong Nyang jirheut beuneung ‘oh lheuh kong leupah Beuneung nyang kong that abeh meuc‘uet-c'uet Bandum ka jirheut hana jikeubah Meunan keuh sumpah meunyo ka taboh Abeh dum reuloh anco ngon bicah Ka jeut keu alat tatipee rakan Sabab golongan teuh sang le leupah Nyan dum ujian Tuhan keu gata Dudoe cit nyata beunar ngon salah Uroe kiamat Tuhan peunyata Peue nyang le gata tameuparikah Peue nyang yoh dilee tapeugot dawa

16:93

وَلَوۡ شَآءَ ٱللَّهُ لَجَعَلَكُمۡ أُمَّةً وَٰحِدَةً وَلَٰكِن يُضِلُّ مَن يَشَآءُ وَيَهۡدِي مَن يَشَآءُۚ وَلَتُسۡـَٔلُنَّ عَمَّا كُنتُمۡ تَعۡمَلُونَ

Di Tuhan teuma cit ka Neupeugah Meunyoe Neukheundak Neupeujeut gata Keu saboh bangsa hana meupisah Tapi soe nyang h‘eut Neuh Neupeusisat Lom pih soe nyang h‘eut Neubri hidayah Neubri peutunyok bak jalan nyang got Teuma peue nyang buet gata han leupah Geutanyong bandum peue nyang tapubuet Tatanggong jaweub beunar ngon salah

16:94

وَلَا تَتَّخِذُوٓاْ أَيۡمَٰنَكُمۡ دَخَلَۢا بَيۡنَكُمۡ فَتَزِلَّ قَدَمُۢ بَعۡدَ ثُبُوتِهَا وَتَذُوقُواْ ٱلسُّوٓءَ بِمَا صَدَدتُّمۡ عَن سَبِيلِ ٱللَّهِ وَلَكُمۡ عَذَابٌ عَظِيمٌ

Bek roh tapeugot sumpah gatanyan Ngon tipee rakan teuh tameusumpah ‘Oh lheuh cot tadong meusireuk gaki Teuh jeut treuk bahgi teuh brok sileupah Tarasa azeub sabab tajak tham Gop dum bak jalan nyang suroh Allah Azeub raya that keu gata geubri

16:95

وَلَا تَشۡتَرُواْ بِعَهۡدِ ٱللَّهِ ثَمَنًا قَلِيلًاۚ إِنَّمَا عِندَ ٱللَّهِ هُوَ خَيۡرٌ لَّكُمۡ إِن كُنتُمۡ تَعۡلَمُونَ

Bek peubloe janji deungon yum murah Bek peubloe janji gata ngon Tuhan Peue nyang bak Tuhan cit got that leupah Meunyoe tateupue got that keu gata

16:96

مَا عِندَكُمۡ يَنفَدُ وَمَا عِندَ ٱللَّهِ بَاقٍۗ وَلَنَجۡزِيَنَّ ٱلَّذِينَ صَبَرُوٓاْ أَجۡرَهُم بِأَحۡسَنِ مَا كَانُواْ يَعۡمَلُونَ

Peue nyang bak gata gadoh le bagah Peue nyang bak Tuhan keukai jeut masa Keu ureueng saba cit Kamoe balah Kamoe bri pahla teuma nyang got that Sabab buet got that masa nyang sudah

16:97

مَنۡ عَمِلَ صَٰلِحًا مِّن ذَكَرٍ أَوۡ أُنثَىٰ وَهُوَ مُؤۡمِنٌ فَلَنُحۡيِيَنَّهُۥ حَيَوٰةً طَيِّبَةًۖ وَلَنَجۡزِيَنَّهُمۡ أَجۡرَهُم بِأَحۡسَنِ مَا كَانُواْ يَعۡمَلُونَ

Soe nyang pubuet got agam ngon inong Lom jimeuiman di jih keu Allah Kamoe bri udep keu jih nyang got that Pahla lom meuhat keu jih meubalah Leubeh got nibak peue nyang jipubuet

16:98

فَإِذَا قَرَأۡتَ ٱلۡقُرۡءَانَ فَٱسۡتَعِذۡ بِٱللَّهِ مِنَ ٱلشَّيۡطَٰنِ ٱلرَّجِيمِ

Teuma ‘oh tabeut lakee bak Allah Talakee lindong bak daya chetan Nyang keunong rajam di jih bak Allah Takheunnyan watee tabeut Qur’an

16:99

إِنَّهُۥ لَيۡسَ لَهُۥ سُلۡطَٰنٌ عَلَى ٱلَّذِينَ ءَامَنُواْ وَعَلَىٰ رَبِّهِمۡ يَتَوَكَّلُونَ

Nyan daya chetan cit ek tateugah Han ek jidaya ureueng meuiman Geujok droe gopnyan keudeh bak Allah

16:100

إِنَّمَا سُلۡطَٰنُهُۥ عَلَى ٱلَّذِينَ يَتَوَلَّوۡنَهُۥ وَٱلَّذِينَ هُم بِهِۦ مُشۡرِكُونَ

Nyang ek jidaya nyang rakan ngon jih Nyang jitem tueng jih jeut keu khaliphah Lom pih awak nyang tem peucharikat Jih ngon Hadharat nyang Maha Murah

16:101

وَإِذَا بَدَّلۡنَآ ءَايَةً مَّكَانَ ءَايَةٍ وَٱللَّهُ أَعۡلَمُ بِمَا يُنَزِّلُ قَالُوٓاْ إِنَّمَآ أَنتَ مُفۡتَرِۭۚ بَلۡ أَكۡثَرُهُمۡ لَا يَعۡلَمُونَ

Meunyoe di Kamoe meugantoe ayat Ngon laen ayat nyang leubeh indah Tuhan Neuteupue peue nyang Neupeutron 3 Di jih cit jikheun keu gata salah Jikheun keu gata tapeuna-peuna Atra nyang han meunan jipeugah Tapi le that jih nyang tan jiteupue

16:102

قُلۡ نَزَّلَهُۥ رُوحُ ٱلۡقُدُسِ مِن رَّبِّكَ بِٱلۡحَقِّ لِيُثَبِّتَ ٱلَّذِينَ ءَامَنُواْ وَهُدًى وَبُشۡرَىٰ لِلۡمُسۡلِمِينَ

Takheun atranyoe tron nibak Allah Jibrail peutron nibak Po gata Sibeunar nyata kon sagai salah Neupeukong ate ureueng meuiman Lom keu ureueng nyan peutunyok Allah Haba gembira lom keu barangsoe Nyang tem peujok droe keudeh bak Allah

16:103

وَلَقَدۡ نَعۡلَمُ أَنَّهُمۡ يَقُولُونَ إِنَّمَا يُعَلِّمُهُۥ بَشَرٌۗ لِّسَانُ ٱلَّذِي يُلۡحِدُونَ إِلَيۡهِ أَعۡجَمِيٌّ وَهَٰذَا لِسَانٌ عَرَبِيٌّ مُّبِينٌ

Kamoe meuteupue jikheun keu gopnyan Na ureueng laen meunan jipeugah Jijak peureunoe geuh le ureueng nyan Padahai gopnyan meulaen lidah Lidah ureueng nyan kon bahsa Arab Nyoe bahsa Arab nyata that leupah

16:104

إِنَّ ٱلَّذِينَ لَا يُؤۡمِنُونَ بِـَٔايَٰتِ ٱللَّهِ لَا يَهۡدِيهِمُ ٱللَّهُ وَلَهُمۡ عَذَابٌ أَلِيمٌ

Soe nyang han pateh keu ayat Tuhan Keu ureueng nyan tan peutunyok Allah Keu jihnyan teuma azeub peudeh that

16:105

إِنَّمَا يَفۡتَرِي ٱلۡكَذِبَ ٱلَّذِينَ لَا يُؤۡمِنُونَ بِـَٔايَٰتِ ٱللَّهِۖ وَأُوْلَٰٓئِكَ هُمُ ٱلۡكَٰذِبُونَ

Jipeugah sulet bandum peurintah Nyang hana sulet nyankeuh awaknyan Nyang han meuiman keu ayat Allah Nyankeuh awaknyan awak nyang sulet

16:106

مَن كَفَرَ بِٱللَّهِ مِنۢ بَعۡدِ إِيمَٰنِهِۦٓ إِلَّا مَنۡ أُكۡرِهَ وَقَلۡبُهُۥ مُطۡمَئِنُّۢ بِٱلۡإِيمَٰنِ وَلَٰكِن مَّن شَرَحَ بِٱلۡكُفۡرِ صَدۡرًا فَعَلَيۡهِمۡ غَضَبٌ مِّنَ ٱللَّهِ وَلَهُمۡ عَذَابٌ عَظِيمٌ

Teuma nyang keubit kaphe keu Allah 1 Barangsoe kaphe lheuh jimeuiman Muruka Tuhan keu jih that leupah Meulengkan ureueng nyang bit jipaksa Iman geuh teuma hana meuubah Lam ate gopnyan teutap meuiman Ureueng nyang meunan hana meusalah Tapi nyang peuhah dada keu kaphe Hana jitem le iman keu Allah Ureueng nyan teuma muruka Tuhan Azeub keu jihnyan raya sileupah

16:107

ذَٰلِكَ بِأَنَّهُمُ ٱسۡتَحَبُّواْ ٱلۡحَيَوٰةَ ٱلدُّنۡيَا عَلَى ٱلۡأٓخِرَةِ وَأَنَّ ٱللَّهَ لَا يَهۡدِي ٱلۡقَوۡمَ ٱلۡكَٰفِرِينَ

Sabab awaknyan galak keu donya Akhirat hana di jih jipapah Han Neupeutunyok teuma di Tuhan Barang roe insan kaphe keu Allah

16:108

أُوْلَٰٓئِكَ ٱلَّذِينَ طَبَعَ ٱللَّهُ عَلَىٰ قُلُوبِهِمۡ وَسَمۡعِهِمۡ وَأَبۡصَٰرِهِمۡۖ وَأُوْلَٰٓئِكَ هُمُ ٱلۡغَٰفِلُونَ

Awaknyan ka Iheuh Neucap le Tuhan Lam ate jihnyan ureueng nyang salah Geulinyueng mata di jih meucap O Ureueng lale that teuwo keu Allah

16:109

لَا جَرَمَ أَنَّهُمۡ فِي ٱلۡأٓخِرَةِ هُمُ ٱلۡخَٰسِرُونَ

Hana peue tachok awaknyan meuhat Uroe akhirat rugoe that leupah

16:110

ثُمَّ إِنَّ رَبَّكَ لِلَّذِينَ هَاجَرُواْ مِنۢ بَعۡدِ مَا فُتِنُواْ ثُمَّ جَٰهَدُواْ وَصَبَرُوٓاْ إِنَّ رَبَّكَ مِنۢ بَعۡدِهَا لَغَفُورٌ رَّحِيمٌ

Teuma Po gata peulindong hamba ‘Oh Ihueh sengsara jijaK hijeurah Berjuang teuma ngon that jisaba Uleh Po gata Neubri meutuah Keubit Po gata Maha Peungampon Lagi pih Tuhan Maha Pemurah

16:111

يَوۡمَ تَأۡتِي كُلُّ نَفۡسٍ تُجَٰدِلُ عَن نَّفۡسِهَا وَتُوَفَّىٰ كُلُّ نَفۡسٍ مَّا عَمِلَتۡ وَهُمۡ لَا يُظۡلَمُونَ

Uroenyan teuma bandum bila droe Laen barangsoe han ek jipeuglah Ban nyang jipubuet meunan keuh jumba Han geuelanya jih meube seupah

16:112

وَضَرَبَ ٱللَّهُ مَثَلًا قَرۡيَةً كَانَتۡ ءَامِنَةً مُّطۡمَئِنَّةً يَأۡتِيهَا رِزۡقُهَا رَغَدًا مِّن كُلِّ مَكَانٍ فَكَفَرَتۡ بِأَنۡعُمِ ٱللَّهِ فَأَذَٰقَهَا ٱللَّهُ لِبَاسَ ٱلۡجُوعِ وَٱلۡخَوۡفِ بِمَا كَانُواْ يَصۡنَعُونَ

Neupeugot miseu saboh le Tuhan Nanggroe nyang aman teunang that leupah Bak jeut-jeut teumpat raseuki teuka Udep gembira raseuki mudah Teuma jikaphe keu nikmat Tuhan Neubri treuk keunan teuka musiabh Deuk ngon teumakot jeut keu pakaian Nyan keuh balasan sabab ka salah

16:113

وَلَقَدۡ جَآءَهُمۡ رَسُولٌ مِّنۡهُمۡ فَكَذَّبُوهُ فَأَخَذَهُمُ ٱلۡعَذَابُ وَهُمۡ ظَٰلِمُونَ

Ka teuka Rasul ubak awaknyan Jikheun keu gopnyan sulet sileupah Neubri treuk azeub le Tuhan keu jih Sabab lalem jih jipubuet salah

16:114

فَكُلُواْ مِمَّا رَزَقَكُمُ ٱللَّهُ حَلَٰلًا طَيِّبًا وَٱشۡكُرُواْ نِعۡمَتَ ٱللَّهِ إِن كُنتُمۡ إِيَّاهُ تَعۡبُدُونَ

Teuma tapajoh bandum raseuki j Nyang ka Tuhan bri nyang haleue leupah i Makanan nyang got Neubri keu gata Tachuko teuma keu nikmat Allah Meunyoe taseumah Tuhan Hadharat Tachuko beu that bek na meuilah

16:115

إِنَّمَا حَرَّمَ عَلَيۡكُمُ ٱلۡمَيۡتَةَ وَٱلدَّمَ وَلَحۡمَ ٱلۡخِنزِيرِ وَمَآ أُهِلَّ لِغَيۡرِ ٱللَّهِ بِهِۦۖ فَمَنِ ٱضۡطُرَّ غَيۡرَ بَاغٍ وَلَا عَادٍ فَإِنَّ ٱللَّهَ غَفُورٌ رَّحِيمٌ

Nyang Neupeuhareum sagai le Tuhan Keu gata bandum bangke ngon darah Teuma lom sie bui deungon binatang Nyang tasie bukon ngon Nama Allah Teuma barangsoe nyang ka meularat Bek peugot-peugot bek leupah-leupah Nyan teuma Tuhan Maha Pengampon Lagi pih Tuhan Maha Pemurah

16:116

وَلَا تَقُولُواْ لِمَا تَصِفُ أَلۡسِنَتُكُمُ ٱلۡكَذِبَ هَٰذَا حَلَٰلٌ وَهَٰذَا حَرَامٌ لِّتَفۡتَرُواْ عَلَى ٱللَّهِ ٱلۡكَذِبَۚ إِنَّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ لَا يُفۡلِحُونَ

{Bek takheun sulet ngon lidah gata } Takheun nyan atra haleue sileupah g Takheun nyoe haleue takheun nyoe hareuem f Atranyan bandum sulet that leupah Tapeuna-peuna sulet keu Tuhan Ureueng nyang meunan raya that salah Hana meuuntong hana bahgia

16:117

مَتَٰعٌ قَلِيلٌ وَلَهُمۡ عَذَابٌ أَلِيمٌ

Seunang di donya cit meube seupah Seunang di donya keu jihnyan bacut ‘Oh Iheuh nyan azeub peudeh sileupah

16:118

وَعَلَى ٱلَّذِينَ هَادُواْ حَرَّمۡنَا مَا قَصَصۡنَا عَلَيۡكَ مِن قَبۡلُۖ وَمَا ظَلَمۡنَٰهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ

Ka Kamoe peugah haba Yahudi Nyang hareuem meubri dilee meukisah Teuma kon Kamoe elanya jihnyan 2 Tapi jih keudroe elanya leupah Jielanya droe jipubuet lalem

16:119

ثُمَّ إِنَّ رَبَّكَ لِلَّذِينَ عَمِلُواْ ٱلسُّوٓءَ بِجَهَٰلَةٍ ثُمَّ تَابُواْ مِنۢ بَعۡدِ ذَٰلِكَ وَأَصۡلَحُوٓاْ إِنَّ رَبَّكَ مِنۢ بَعۡدِهَا لَغَفُورٌ رَّحِيمٌ

Jisangka jihnyoe hana meusalah Ú ‘Oh Iheuhnyan teuma laju jitoubat Jipubuet buet got deungon ikheulah Teuma Po gata keu ureueng meunan Maha Pengampon lagi Pemurah

16:120

إِنَّ إِبۡرَٰهِيمَ كَانَ أُمَّةً قَانِتًا لِّلَّهِ حَنِيفًا وَلَمۡ يَكُ مِنَ ٱلۡمُشۡرِكِينَ

Keubit Ibrahim umat nyang taʻat Pubuet ibadat sunggoh sileupah Han tom na Tuhan geupeucharikat Tapi geutaʻat deungon ikheulah

16:121

شَاكِرًا لِّأَنۡعُمِهِۚ ٱجۡتَبَىٰهُ وَهَدَىٰهُ إِلَىٰ صِرَٰطٍ مُّسۡتَقِيمٍ

Sabe geuchuko keu nikmat Tuhan Neupileh gopnyan teuma le Allah Neutunyok gopnyan bak jalan teupat

16:122

وَءَاتَيۡنَٰهُ فِي ٱلدُّنۡيَا حَسَنَةًۖ وَإِنَّهُۥ فِي ٱلۡأٓخِرَةِ لَمِنَ ٱلصَّٰلِحِينَ

Kamoe bri teumpat nyang got that leupah 3 Kamoe bri got that gopnyan lam donya Akhirat teuma hana peue peugah Ureueng nyang saleh nanggroe akhirat

16:123

ثُمَّ أَوۡحَيۡنَآ إِلَيۡكَ أَنِ ٱتَّبِعۡ مِلَّةَ إِبۡرَٰهِيمَ حَنِيفًاۖ وَمَا كَانَ مِنَ ٱلۡمُشۡرِكِينَ

Taikot ligat gopnyan beubagah ; Kamoe bri wahi keunan bak gata Taikot sigra peue nyang geukeubah Agama suci geucok keu gata Charikat hana sagai keu Allah Geupeucharikat han tom keu Tuhan

16:124

إِنَّمَا جُعِلَ ٱلسَّبۡتُ عَلَى ٱلَّذِينَ ٱخۡتَلَفُواْ فِيهِۚ وَإِنَّ رَبَّكَ لَيَحۡكُمُ بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ

Nyan haba pantang teuma Lon peugah Geupeujeut pantang bak uroe Sabtu Masa dahulu keu awak salah Jipeugot dawa awaknyan dilee Neuhukom teuntee jihnyan le Allah Uroe kiamat Tuhan peuputoh Ho-ho nyang Neuboh hana soe bantah

16:125

ٱدۡعُ إِلَىٰ سَبِيلِ رَبِّكَ بِٱلۡحِكۡمَةِ وَٱلۡمَوۡعِظَةِ ٱلۡحَسَنَةِۖ وَجَٰدِلۡهُم بِٱلَّتِي هِيَ أَحۡسَنُۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ

Tamaba ubak jalan Po gata Ngon bijaksana bek ngon tagagah Nasehat nyang jroh mameh suara Meunyo e jidawa beu got tapeugah Tuhan Neuturi soe nyang ka sisat Jalan nyang teupat di jih jikeubah Lom pih Po gata Neuturi that-that Nyang toh dum umat nyang na hidayah Toh siri umat nyang tunyok Tuhan

16:126

وَإِنۡ عَاقَبۡتُمۡ فَعَاقِبُواْ بِمِثۡلِ مَا عُوقِبۡتُم بِهِۦۖ وَلَئِن صَبَرۡتُمۡ لَهُوَ خَيۡرٌ لِّلصَّٰبِرِينَ

Teuma bek lalem ‘oh tatueng balah Lagee buet jih brok u ateuh gata Meunan cit juga watee tabalah Teuma leubeh got meunyoe tasaba Raya that pahla Neubri le Allah

16:127

وَٱصۡبِرۡ وَمَا صَبۡرُكَ إِلَّا بِٱللَّهِۚ وَلَا تَحۡزَنۡ عَلَيۡهِمۡ وَلَا تَكُ فِي ضَيۡقٍ مِّمَّا يَمۡكُرُونَ

Tasaba gata ngon tulong Tuhan Ngon izin Tuhan nyang Maha Murah Teuma bek susah teuh keu awaknyan Buet jeuheut jihnyan bek gata gundah Bek jeut keu picek lam dada gata

16:128

إِنَّ ٱللَّهَ مَعَ ٱلَّذِينَ ٱتَّقَواْ وَّٱلَّذِينَ هُم مُّحۡسِنُونَ

Ureueng nyang takwa sajan ngon Allah Lom Tuhan sajan ureueng pubuet got Meunan nasehat Neubri le Allah AL-ISRA’ (PEUJAK BAK WATEE MALAM)

Translation: Tgk. H. Mahjiddin Jusuf.