Surah 15 · 99 verses · Tgk. H. Mahjiddin Jusuf

Surah Al-Hijr in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

15:1

الٓرۚ تِلۡكَ ءَايَٰتُ ٱلۡكِتَٰبِ وَقُرۡءَانٍ مُّبِينٍ

Alif Lam Ra Tuhan nyang teupue meukeusud ayat Sabab Hadharat hana Neupeugah Nyankeuh dum ayat di dalam kitab Qur'an meuhat nyata trang leupah QUZ

15:2

رُّبَمَا يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ

Kadang cit harok jih roe di kaphe Han ek jitheun le azeub sileupah Adak meu dilee jih ji Iseulam

15:3

ذَرۡهُمۡ يَأۡكُلُواْ وَيَتَمَتَّعُواْ وَيُلۡهِهِمُ ٱلۡأَمَلُۖ فَسَوۡفَ يَعۡلَمُونَ

Teuma bah meunan jinoe jih mewah Beh le jipajoh meuseunang-seunang Lale jiangan nyang indah-indah Teuma ‘oh dudoe akan jiteupue

15:4

وَمَآ أَهۡلَكۡنَا مِن قَرۡيَةٍ إِلَّا وَلَهَا كِتَابٌ مَّعۡلُومٌ

Teuma di kamoe han tom meusalah Meupeubinasa barangri nanggroe Meu katroh sampoe watee jih nyang sah Meu katroh watee nyang kamoe teutap

15:5

مَّا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ

Wateenyan meuhat han jeut meuubah Han jeut peudilee han jeut peududoe Umat barangsoe ajai ka sudah

15:6

وَقَالُواْ يَٰٓأَيُّهَا ٱلَّذِي نُزِّلَ عَلَيۡهِ ٱلذِّكۡرُ إِنَّكَ لَمَجۡنُونٌ

Jikheun hai ureueng nyang tron Qur’an Ateuh ureueng nyan gata ka parah Gata ka pungo kamoe eu meuhat

15:7

لَّوۡمَا تَأۡتِينَا بِٱلۡمَلَٰٓئِكَةِ إِن كُنتَ مِنَ ٱلصَّٰدِقِينَ

Kon malaikat taba keu hujjah Ba malaikat keunoe bak kamoe Meunyoe beunar nyoe nyang gata peugah

15:8

مَا نُنَزِّلُ ٱلۡمَلَٰٓئِكَةَ إِلَّا بِٱلۡحَقِّ وَمَا كَانُوٓاْ إِذًا مُّنظَرِينَ

Malaikat nyan cit kamoe peutron Beunar that meunan kon sagai salah Teuma watee nyan han jeut tanggoh le Bandum si kaphe ka abeh sudah

15:9

إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ

Ka kamoe peutron peue nyang tabaca Kamoe nyang jaga bek na soe ubah

15:10

وَلَقَدۡ أَرۡسَلۡنَا مِن قَبۡلِكَ فِي شِيَعِ ٱلۡأَوَّلِينَ

Keubit di kamoe ka kamoe kirem Rasul-rasul dum jak ba peurintah Yoh gohlom gata meukirem meuhat Ubak dum umat masa nyang sudah

15:11

وَمَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ

Teuma ‘oh bantroh Rasul ubak jih Jiulok le jih jikheun beurakah

15:12

كَذَٰلِكَ نَسۡلُكُهُۥ فِي قُلُوبِ ٱلۡمُجۡرِمِينَ

Sipheut nyan kamoe peujeut bak kaphe Di dalam atejih jipeue beueh

15:13

لَا يُؤۡمِنُونَ بِهِۦ وَقَدۡ خَلَتۡ سُنَّةُ ٱلۡأَوَّلِينَ

Di jih nyan bandum han jimeuiman Bah peungalaman jiteupue sudah Pakriban nyang ka yoh masa dilee Akibat teuntee hana peue peugah

15:14

وَلَوۡ فَتَحۡنَا عَلَيۡهِم بَابًا مِّنَ ٱلسَّمَآءِ فَظَلُّواْ فِيهِ يَعۡرُجُونَ

Sangkira kamoe meubuka pinto Langet nyang biru keu jih meupeuhah Hingga jitamong jiek u dalam

15:15

لَقَالُوٓاْ إِنَّمَا سُكِّرَتۡ أَبۡصَٰرُنَا بَلۡ نَحۡنُ قَوۡمٌ مَّسۡحُورُونَ

Cit laen macam teuma jipeugah Jikheun gatanyoe ka keunong sihe Matateuh han le ka geupeuubah

15:16

وَلَقَدۡ جَعَلۡنَا فِي ٱلسَّمَآءِ بُرُوجًا وَزَيَّنَّٰهَا لِلنَّٰظِرِينَ

Ka kamoe peujeut sideh di langet Bintang meublet-blet hu meujeureulah Jeut keu hiasan soe ayng eu rupa

15:17

وَحَفِظۡنَٰهَا مِن كُلِّ شَيۡطَٰنٍ رَّجِيمٍ

Kamoe plihara teuma bek salah Kamoe plihara bak daya chetan Nyang ka Neurajam jihnyan le Allah

15:18

إِلَّا مَنِ ٱسۡتَرَقَ ٱلسَّمۡعَ فَأَتۡبَعَهُۥ شِهَابٌ مُّبِينٌ

Meulengkan nyang na nyang jak cue deungo Jilet le cahya hu meujeureulah

15:19

وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ شَيۡءٍ مَّوۡزُونٍ

Kamoe leung bumoe meupeudong gunong Tumbuh-tumbuhan lam bumoe luah Meupeugot bandum deungon ukuran

15:20

وَجَعَلۡنَا لَكُمۡ فِيهَا مَعَٰيِشَ وَمَن لَّسۡتُمۡ لَهُۥ بِرَٰزِقِينَ

Jeut penghidupan keu gata mudah Mangat taudep sinan dum gata Meunan cit juga makheuluk Allah Makheuluk laen dum nyang merdeka Nyang kon le gata tabri napakah Di jih raseuki jimita keudroe

15:21

وَإِن مِّن شَيۡءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٍ مَّعۡلُومٍ

Bandum atranyoe kamoe peurintah Gudang bak kamoe ka meuseudia 3 Meupeutron teuma ube phaedah

15:22

وَأَرۡسَلۡنَا ٱلرِّيَٰحَ لَوَٰقِحَ فَأَنزَلۡنَا مِنَ ٱلسَّمَآءِ مَآءً فَأَسۡقَيۡنَٰكُمُوهُ وَمَآ أَنتُمۡ لَهُۥ بِخَٰزِنِينَ

Meukirem angen jeut keu seulangke Mangat kayee gle jimeuboh bagah Sideh di langet Kamoe peutron ie Kamoe bri treuk ie tajep puleh grah Bandum gudang nyan hana bak gata Bak Kamoe sahja ka Kamoe keubah

15:23

وَإِنَّا لَنَحۡنُ نُحۡيِۦ وَنُمِيتُ وَنَحۡنُ ٱلۡوَٰرِثُونَ

Kamoe peuudep Kamoe peumate Han nyang sabe ngon Kamoe Allah Meunan pih Kamoe nyang tueng pusaka

15:24

وَلَقَدۡ عَلِمۡنَا ٱلۡمُسۡتَقۡدِمِينَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِينَ

Nyang dilee masa meuteupue sudah Ureueng nyang dilee ureueng nyang dudoe Bandum meutusoe hana meuilah

15:25

وَإِنَّ رَبَّكَ هُوَ يَحۡشُرُهُمۡۚ إِنَّهُۥ حَكِيمٌ عَلِيمٌ

Po gata teuma ek Neupeusapat Ureueng nyan meuhat meuhadap Allah Bijaksana that Droeuneuh nyan sidroe Neuteupue dumpeue hana meuilah

15:26

وَلَقَدۡ خَلَقۡنَا ٱلۡإِنسَٰنَ مِن صَلۡصَٰلٍ مِّنۡ حَمَإٍ مَّسۡنُونٍ

Ka Kamoe peujeut si manusia Bak tanoh lata kliet ngon meugeutah Tanoh kliet nyang tho ngon leuhop itam Meupeugot ragam hingga jih gagah

15:27

وَٱلۡجَآنَّ خَلَقۡنَٰهُ مِن قَبۡلُ مِن نَّارِ ٱلسَّمُومِ

Teuma kawom jen Kamoe peujeut phon Bak apui tutong hu meujeureulah

15:28

وَإِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرًا مِّن صَلۡصَٰلٍ مِّنۡ حَمَإٍ مَّسۡنُونٍ

Watee Po gata Neukheun amanah Bak malaikat dilee Neupeugah i Ku keumeung peujeut si manusia Bak tanoh lata kliet ngon meugeutah Tanoh kliet nyang tho ngon leuhop itam Ku peugot ragam hingga jih meugah

15:29

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ

Lheuh Ku peugot jih Kupruh ngon nyawong Asai nibaklon ka Iheuh Kukeubah Wateenyan gata bandum tasujud Tabri horomat keu jih le bagah

15:30

فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ

Teuma sujud treuk dum malaikat Suroh Hadharat hana geubantah

15:31

إِلَّآ إِبۡلِيسَ أَبَىٰٓ أَن يَكُونَ مَعَ ٱلسَّٰجِدِينَ

Meulengkan iblih sagai nyang han tem Keubit jih laen peurangui jadah

15:32

قَالَ يَٰٓإِبۡلِيسُ مَا لَكَ أَلَّا تَكُونَ مَعَ ٱلسَّٰجِدِينَ

Kheun Tuhan pakon di kah hai iblih Kasujud bak jih han katem di kah

15:33

قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٍ مِّنۡ حَمَإٍ مَّسۡنُونٍ

Jikheun di lon han lonsujud keunan Sabab jih insan nyang hina leupah Neupeujeut jihnyan bak tanoh leukiet Han lontem sujud sabab jih rendah Tanoh kliet nyang tho ngon leuhop itam Neupeugot ragam hingga jih gagah

15:34

قَالَ فَٱخۡرُجۡ مِنۡهَا فَإِنَّكَ رَجِيمٌ

Kheun Tuhan teubiet di kah di sinan Kah keunong rajam batat sileupah

15:35

وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ

Paleh lom keu kah sampoe ‘oh dudoe Sampoe ‘oh uroe dum geubri balah

15:36

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ

Jikheun Tuhanku lon Neubri tanggoh Sampoe uroe troh geubangket sudah

15:37

قَالَ فَإِنَّكَ مِنَ ٱلۡمُنظَرِينَ

Kheun Tuhan di kah ka geubri tanggoh

15:38

إِلَىٰ يَوۡمِ ٱلۡوَقۡتِ ٱلۡمَعۡلُومِ

Sampoe uroe troh lagee ka peugah

15:39

قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ

Jikheun Tuhanku nyoe lon ka sisat Ka Neupeusisat lon keunong tulah Sabab nyan di lon lonpeujroh keu jih Lonpeugah bak jih donya jroh leupah Lon meungpeusisat insan nyan bandum

15:40

إِلَّا عِبَادَكَ مِنۡهُمُ ٱلۡمُخۡلَصِينَ

Meulengkan ladom nyang bit ikheulah Nyankeuh hamba Droeuneuh nyang got teupat

15:41

قَالَ هَٰذَا صِرَٰطٌ عَلَيَّ مُسۡتَقِيمٌ

Nyoe jalan teupat Neukheun le Allah Nyoe urusanlon keu droe peuteupat

15:42

إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ

Hambalon meuhat han ek kareupah Hana kuasa di kah ateuhjih Meulengkan bak jih nyang tem ikot kah

15:43

وَإِنَّ جَهَنَّمَ لَمَوۡعِدُهُمۡ أَجۡمَعِينَ

Teuma nuraka Kujanji keu jih Keunan bandum jih dudoe Kukeubah

15:44

لَهَا سَبۡعَةُ أَبۡوَٰبٍ لِّكُلِّ بَابٍ مِّنۡهُمۡ جُزۡءٌ مَّقۡسُومٌ

Dalam nuraka na tujoh pinto Bak jeut-jeut pinto maseng parikah

15:45

إِنَّ ٱلۡمُتَّقِينَ فِي جَنَّٰتٍ وَعُيُونٍ

Teuma barangsoe ureueng nyang takwa Dalam churuga bandum geukeubah Ie krueng di sinan ie mon meumata

15:46

ٱدۡخُلُوهَا بِسَلَٰمٍ ءَامِنِينَ

Tatamong lanja ureueng meutuah Seulamat aman keu bandum gata

15:47

وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٍ مُّتَقَٰبِلِينَ

Asoe lam dada ka gleh sileupah Abeh Kamoe boh peunyaket ate Dengki hana le meuube seupah Meuhadap-hadap duek ngon chedara Bandum gembira ateuh peuratah

15:48

لَا يَمَسُّهُمۡ فِيهَا نَصَبٌ وَمَا هُم مِّنۡهَا بِمُخۡرَجِينَ

Hana meureuoh hana hek keubit Tan geupeutubiet sinan geukeubah

15:49

نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ

Jak leh tapeugah bak dum hambaLon Lon that Peungampon ngon that Pemurah

15:50

وَأَنَّ عَذَابِي هُوَ ٱلۡعَذَابُ ٱلۡأَلِيمُ

Teuma azeub Lon azeub peudeh that Hana meusiat jeut piyoh payah

15:51

وَنَبِّئۡهُمۡ عَن ضَيۡفِ إِبۡرَٰهِيمَ

Tapeugah haba ubak awaknyan Jamee Ibrahim masa nyang sudah

15:52

إِذۡ دَخَلُواْ عَلَيۡهِ فَقَالُواْ سَلَٰمًا قَالَ إِنَّا مِنكُمۡ وَجِلُونَ

‘Oh ban troh jamee tamong bak gopnyan Geumeubri saleum keu gopnyan bagah Seuot Ibrahim kamoe teumakot

15:53

قَالُواْ لَا تَوۡجَلۡ إِنَّا نُبَشِّرُكَ بِغُلَٰمٍ عَلِيمٍ

Bek hai neutakot jamee dum peugah Haba gembira kamoe ba keunoe Aneuk agam droeuneuh alem leupah

15:54

قَالَ أَبَشَّرۡتُمُونِي عَلَىٰٓ أَن مَّسَّنِيَ ٱلۡكِبَرُ فَبِمَ تُبَشِّرُونَ

Geukheun na patot gembira keu lon Watee umulon ka tuha leupah Pakrinyan takheun haba gembira

15:55

قَالُواْ بَشَّرۡنَٰكَ بِٱلۡحَقِّ فَلَا تَكُن مِّنَ ٱلۡقَٰنِطِينَ

Kheun jamee teuka nyoe kon beurakah Haba sibeunar lonba bak gata Bek putoh asa gata meutuah

15:56

قَالَ وَمَن يَقۡنَطُ مِن رَّحۡمَةِ رَبِّهِۦٓ إِلَّا ٱلضَّآلُّونَ

Kheun Ibrahim soe nyang putoh asa Mungken si buta nyang sisat leupah Han putoh asa bak rahmat Po jih Meunyoe kon ka jih sisat sileupah

15:57

قَالَ فَمَا خَطۡبُكُمۡ أَيُّهَا ٱلۡمُرۡسَلُونَ

Geukheun lom peue lom urusan gata Hai jamee teuka utusan Allah

15:58

قَالُوٓاْ إِنَّآ أُرۡسِلۡنَآ إِلَىٰ قَوۡمٍ مُّجۡرِمِينَ

Kheun jamee kamoe Neuyue jak keudeh Bak kawom paileh sisat sileupah

15:59

إِلَّآ ءَالَ لُوطٍ إِنَّا لَمُنَجُّوهُمۡ أَجۡمَعِينَ

Laen nibak Luth ngon kawom gopnyan Bandum awaknyan ka Kamoe keubah Bandum binasa laen nibak Luth Ngon nyang ikot Luth nyang Kamoe peuglah

15:60

إِلَّا ٱمۡرَأَتَهُۥ قَدَّرۡنَآ إِنَّهَا لَمِنَ ٱلۡغَٰبِرِينَ

Teuma peureumohgeuh Kamoe kada Karoh binasa lam kawan salah

15:61

فَلَمَّا جَآءَ ءَالَ لُوطٍ ٱلۡمُرۡسَلُونَ

‘Oh ban troh rasul ubak Luth keunan

15:62

قَالَ إِنَّكُمۡ قَوۡمٌ مُّنكَرُونَ

Geukheun di lon han lonteusoe peugah Hana lonturi bandum na gata

15:63

قَالُواْ بَلۡ جِئۡنَٰكَ بِمَا كَانُواْ فِيهِ يَمۡتَرُونَ

Kheun jamee teuka hana peue salah Kamoe nyoe teuka meuba peunyaket Nyang jikheun sulet watee tapeugah

15:64

وَأَتَيۡنَٰكَ بِٱلۡحَقِّ وَإِنَّا لَصَٰدِقُونَ

Meuba keu gata haba nyang beunar Kamoe nyoe beunar peue nyang meupeugah

15:65

فَأَسۡرِ بِأَهۡلِكَ بِقِطۡعٍ مِّنَ ٱلَّيۡلِ وَٱتَّبِعۡ أَدۡبَٰرَهُمۡ وَلَا يَلۡتَفِتۡ مِنكُمۡ أَحَدٌ وَٱمۡضُواْ حَيۡثُ تُؤۡمَرُونَ

Tajak ngon kawomteuh euntreuk malam Dilikot kawom gata talangkah Bek na meusidroe nyang ngieng u likot € Tajak taturot peue kamoe peugah

15:66

وَقَضَيۡنَآ إِلَيۡهِ ذَٰلِكَ ٱلۡأَمۡرَ أَنَّ دَابِرَ هَٰٓؤُلَآءِ مَقۡطُوعٌ مُّصۡبِحِينَ

Ka Kamoe wahyu keunan bak gopnyan Urusan jihnyan ka teutap sudah i Bak watee suboh bandum jih abeh Saba that paleh jipubuet salah

15:67

وَجَآءَ أَهۡلُ ٱلۡمَدِينَةِ يَسۡتَبۡشِرُونَ

Awak lam keuta seunang that ate Keunan jijak le bak Luth meutuah

15:68

قَالَ إِنَّ هَٰٓؤُلَآءِ ضَيۡفِي فَلَا تَفۡضَحُونِ

Kheun Luth uroenyoe bandum jameelon Bek peumalee lon tapeugot salah

15:69

وَٱتَّقُواْ ٱللَّهَ وَلَا تُخۡزُونِ

Bandum na gata takwa keu Tuhan Bek peuayeb lon kawom meutuah

15:70

قَالُوٓاْ أَوَلَمۡ نَنۡهَكَ عَنِ ٱلۡعَٰلَمِينَ

Jikheun kon ka lheuh kamoe tham gata Ureueng nyang teuka bek tapeusiblah

15:71

قَالَ هَٰٓؤُلَآءِ بَنَاتِيٓ إِن كُنتُمۡ فَٰعِلِينَ

Kheun Luth jehpat dum aneuk daralon Ka izin bak lon jeut tapeurintah

15:72

لَعَمۡرُكَ إِنَّهُمۡ لَفِي سَكۡرَتِهِمۡ يَعۡمَهُونَ

Demi umuteuh bandum awaknyan Tan le pikiran ka mabok leupah ‘

15:73

فَأَخَذَتۡهُمُ ٱلصَّيۡحَةُ مُشۡرِقِينَ

Teuka geulanteue ban teubiet uroe Bandum awaknyoe teukeujet susah

15:74

فَجَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهِمۡ حِجَارَةً مِّن سِجِّيلٍ

Kamoe peubalek nyang ateuh uyup Umat nabi Luth ka keunong tulah Ngon batee sijjil Kamoe rhom jihnyan Lagee ujeun tron dum le sileupah

15:75

إِنَّ فِي ذَٰلِكَ لَأٓيَٰتٍ لِّلۡمُتَوَسِّمِينَ

Bandum nyan tanda cit kon peue laen Keu ureueng nyang tem jitueng phaedah

15:76

وَإِنَّهَا لَبِسَبِيلٍ مُّقِيمٍ

Peue nyang terjadi bandum atranyan Bak jalan aman saboh daerah

15:77

إِنَّ فِي ذَٰلِكَ لَأٓيَةً لِّلۡمُؤۡمِنِينَ

Bandum nyan tanda cit kon peue laen Keu ureueng nyang tem iman keu Allah

15:78

وَإِن كَانَ أَصۡحَٰبُ ٱلۡأَيۡكَةِ لَظَٰلِمِينَ

Awak di Aikah keubit lalem that

15:79

فَٱنتَقَمۡنَا مِنۡهُمۡ وَإِنَّهُمَا لَبِإِمَامٍ مُّبِينٍ

Hana meutrep that Kamoe tueng balah Nanggroe nyan dua cit bineh jalan Rame disinan dum lalu lintah

15:80

وَلَقَدۡ كَذَّبَ أَصۡحَٰبُ ٱلۡحِجۡرِ ٱلۡمُرۡسَلِينَ

Awak di Hijir pih keubit batat É Jikheun sulet that dum Rasul Allah

15:81

وَءَاتَيۡنَٰهُمۡ ءَايَٰتِنَا فَكَانُواْ عَنۡهَا مُعۡرِضِينَ

Kamoe bri keu jih dum ayat Kamoe Jikheun atranyoe hana phaedah y Jibeudoh laju jijak ho laen Muka jipaleng jibalek arah

15:82

وَكَانُواْ يَنۡحِتُونَ مِنَ ٱلۡجِبَالِ بُيُوتًا ءَامِنِينَ

Awaknyan teuma jikurek gunong d Keunan jitamong han jeut keu susah Jikurek gunong jipeugot rumoh Udepjih manyoh aman that leupah

15:83

فَأَخَذَتۡهُمُ ٱلصَّيۡحَةُ مُصۡبِحِينَ

Bak watee suboh teuka geulanteu Abeh jih dumpeue binasa sudah

15:84

فَمَآ أَغۡنَىٰ عَنۡهُم مَّا كَانُواْ يَكۡسِبُونَ

Hana guna le bandum usaha Nyang ka jipuga ngon susah payah

15:85

وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّۗ وَإِنَّ ٱلسَّاعَةَ لَأٓتِيَةٌۖ فَٱصۡفَحِ ٱلصَّفۡحَ ٱلۡجَمِيلَ

Kon Kamoe peujeut langet ngon bumoe P Bandum ngon asoe teusia payah € f Meulengkan beunar cit na hikeumat Uroe kiamat teuma tan salah Han jeut han teuka uroe kiamat Teuma cit got that jih tapeumeuʻah

15:86

إِنَّ رَبَّكَ هُوَ ٱلۡخَلَّٰقُ ٱلۡعَلِيمُ

Keubit Po gata nyang peujeut dumpeue Neuteupue dumpeue hana meuilah

15:87

وَلَقَدۡ ءَاتَيۡنَٰكَ سَبۡعًا مِّنَ ٱلۡمَثَانِي وَٱلۡقُرۡءَانَ ٱلۡعَظِيمَ

Ka lheuh Kamoe bri keu gata ayat c Tujoh boh meuhat sabe tapeugah Teuma Qur’an nyang that-that raya

15:88

لَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجًا مِّنۡهُمۡ وَلَا تَحۡزَنۡ عَلَيۡهِمۡ وَٱخۡفِضۡ جَنَاحَكَ لِلۡمُؤۡمِنِينَ

Bek roe di gata harok keu salah Harok seunang that keu udep donya Meublek-blek mata taeu jih meugah Le that awak nyan taeu lam seunang Di gata hai nyan teuma bek susah Keu ureueng mukmin teuma di gata Tapeumulia droe tapeureundah

15:89

وَقُلۡ إِنِّيٓ أَنَا ٱلنَّذِيرُ ٱلۡمُبِينُ

Takheun ulon nyoe ureueng peuingat Lon bri amanat nyang trang sileupah

15:90

كَمَآ أَنزَلۡنَا عَلَى ٱلۡمُقۡتَسِمِينَ

Lagee yoh dilee awak weuk kitab Nyang ladom kitab di jih jikeubah Ka Kamoe peutron bala dum keu jih

15:91

ٱلَّذِينَ جَعَلُواْ ٱلۡقُرۡءَانَ عِضِينَ

Qur'an di jih jiweuk jipisah

15:92

فَوَرَبِّكَ لَنَسۡـَٔلَنَّهُمۡ أَجۡمَعِينَ

Demi Po gata cit Kamoe tanyong Bandum atranyan beu ek jipeuglah

15:93

عَمَّا كَانُواْ يَعۡمَلُونَ

Peue nyang jipubuet bandum meutanyong

15:94

فَٱصۡدَعۡ بِمَا تُؤۡمَرُ وَأَعۡرِضۡ عَنِ ٱلۡمُشۡرِكِينَ

Tapeugah beutrang jinoe peurintah Peugah beutrang-trang peue geuyue gata Muchrek ceulaka bek that taindah Tapaleng muka bak awak muchrek

15:95

إِنَّا كَفَيۡنَٰكَ ٱلۡمُسۡتَهۡزِءِينَ

Kamoe poh balek soe nyang peu beueh Soe nyang keu gata jiulok-ulok

15:96

ٱلَّذِينَ يَجۡعَلُونَ مَعَ ٱللَّهِ إِلَٰهًا ءَاخَرَۚ فَسَوۡفَ يَعۡلَمُونَ

Di jih dum jicok Tuhan kon Allah Tuhan nyang laen di jih jipakoe Jiteupue dudoe teuma nyan salah

15:97

وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ

Kamoe meuteupue dadateuh picek Sabab meubalek peue nyang jipeugah

15:98

فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ

Teuma teuseubeh takheun di gata Pujoe Po gata nyang Maha Murah t Tasujud bandum pubuet ibadat

15:99

وَٱعۡبُدۡ رَبَّكَ حَتَّىٰ يَأۡتِيَكَ ٱلۡيَقِينُ

Po gata meuhat sidroe taseumah s Sampoe troh ajai taseumah Tuhan Tayakin meunan bek na meuubah

Translation: Tgk. H. Mahjiddin Jusuf.