بِسۡمِ ٱللَّهِ ٱلرَّحۡمَٰنِ ٱلرَّحِيمِ
82:1إِذَا ٱلسَّمَآءُ ٱنفَطَرَتۡ
Sagbana yi ti cheei
82:2وَإِذَا ٱلۡكَوَاكِبُ ٱنتَثَرَتۡ
Yaha! Saŋmarsi yi ti lu tiŋgbani ni, ka yaɣili luɣulikam
82:3وَإِذَا ٱلۡبِحَارُ فُجِّرَتۡ
Yaha! Kulikara yi ti cheei kpe taba ni
82:4وَإِذَا ٱلۡقُبُورُ بُعۡثِرَتۡ
Yaha! Bɛ yi ti kurgi gbala
82:5عَلِمَتۡ نَفۡسٌ مَّا قَدَّمَتۡ وَأَخَّرَتۡ
Nyɛvuli ni baŋ binshɛɣu di ni daŋsi, ni din naɣisi shɛli
82:6يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
Yaa nyini ninsala (chɛfura)! Bo n-leei yɔhim a n-zaŋ chaŋ a Duuma So Ŋun nam tibgila
82:7ٱلَّذِي خَلَقَكَ فَسَوَّىٰكَ فَعَدَلَكَ
Ŋuna n-nyɛ Ŋun nam a, ka pali a nama, ka nam a saɣisi
82:8فِيٓ أَيِّ صُورَةٍ مَّا شَآءَ رَكَّبَكَ
Ka O zaŋ a niŋ ŋmahiŋgbana shɛli ni O ni bɔra
82:9كـَلَّا بَلۡ تُكَذِّبُونَ بِٱلدِّينِ
Haifa! Chɛli gba! Yi zaŋla sanyoo (Chiyaama dabsili) leei ʒiri
82:10وَإِنَّ عَلَيۡكُمۡ لَحَٰفِظِينَ
Yaha! Achiika! Yi zuɣusaa mali (Malaaika shɛba) ban guli ya
82:11كِرَامًا كَٰتِبِينَ
Bɛ nyɛla ban mali jilma, ka nyɛla ban sabri yi tuuntumsa
82:12يَعۡلَمُونَ مَا تَفۡعَلُونَ
Bɛ mila binshɛɣu yi ni niŋda
82:13إِنَّ ٱلۡأَبۡرَارَ لَفِي نَعِيمٍ
Achiika! Naawuni dabsuma yɛn ti bela yolsigu puuni
82:14وَإِنَّ ٱلۡفُجَّارَ لَفِي جَحِيمٍ
Achiika! Bibɛhi mi yɛn ti bela ʒehiimi (buɣum) puuni
82:15يَصۡلَوۡنَهَا يَوۡمَ ٱلدِّينِ
Ka bɛ yɛn ti kpe li Sanyoo- dali
82:16وَمَا هُمۡ عَنۡهَا بِغَآئِبِينَ
Bɛ mi pala ban yɛn tooi sɔɣi ka chɛ li
82:17وَمَآ أَدۡرَىٰكَ مَا يَوۡمُ ٱلدِّينِ
(Yaa nyini ŋun gbilsiri tibli)! Bo n-leei baŋsi a, bo n-leei nyɛ Sanyoodali
82:18ثُمَّ مَآ أَدۡرَىٰكَ مَا يَوۡمُ ٱلدِّينِ
Din nyaaŋa, bo n-leei baŋsi a din nyɛ Sanyoodali
82:19يَوۡمَ لَا تَمۡلِكُ نَفۡسٌ لِّنَفۡسٍ شَيۡـًٔاۖ وَٱلۡأَمۡرُ يَوۡمَئِذٍ لِّلَّهِ
Dabsi’ shɛli nyɛvuli ni ti ka di nyɛvuli kpee yiko shɛli, dindali maa, yɛllikam daa yɛn ti nyɛla Naawuni ko dini
Translation: Muhammad Baba Ghtobo.