Surah 85 · 22 verses · Abdullah J. M. Adini And Students

Surah Al-Buruj in Shona

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

85:1

وَٱلسَّمَآءِ ذَاتِ ٱلۡبُرُوجِ

(Ndinopika) nedenga rakabata nyenyedzi dzihombe

85:2

وَٱلۡيَوۡمِ ٱلۡمَوۡعُودِ

Uye nezuva rakatsidzwa (zuva rekutongwa)

85:3

وَشَاهِدٍ وَمَشۡهُودٍ

Uye nechinopupura (zuva rechishanu) uye chinopupurirwa (musi weArafah mumwedzi we Dhul- Hijjah)

85:4

قُتِلَ أَصۡحَٰبُ ٱلۡأُخۡدُودِ

Vakatukwa (vakarengerwa) vanhu veAl-Ukhdood (Gomba) (Panyaya yemukomana na mambo)

85:5

ٱلنَّارِ ذَاتِ ٱلۡوَقُودِ

(Vanhu) vemoto wakakuchidzirwa nebvavi (mafuta)

85:6

إِذۡ هُمۡ عَلَيۡهَا قُعُودٌ

Apo pavakagara pawaiva uri (moto)

85:7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٌ

Uye vakapupura izvo zvavaiita vakanangana nevatendi (kuvapisa)

85:8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Uye vakange vasina mhosva kusara kwekuti vakatenda muna Allah, mukuru wazvose, vane kurumbidzwa kwose

85:9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٍ شَهِيدٌ

Avo vane humambo hwekudenga nepasi! Uye Allah mupupuri wezvose

85:10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Zvirokwazvo, avo vanoedza vanhurume nevanhukadzi vanotenda (nokuvarwadzisa nekuvapisa), uye voregerera kukumbira ruregerero (kuna Allah), vachave nemutongo weGehena, uye vachave nomutongo wemoto unopisa

85:11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٌ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Zvirokwazvo, avo vanotenda nokuita mabasa akanaka, vachave neminda iyo nzizi dzichange dzichierera muzasi mayo (Paradhiso). Uku ndiko kubudirira kukuru

85:12

إِنَّ بَطۡشَ رَبِّكَ لَشَدِيدٌ

Zvirokwazvo, (Iwe Muhammad (SAW)) mutongo waTenzi vako wakaomarara

85:13

إِنَّهُۥ هُوَ يُبۡدِئُ وَيُعِيدُ

Zvirokwazvo, ndivo vanotanga (mutongo) uye vanodzokorora (mutongo pazuva rekutongwa). (Kana kuti ndivo vanotanga kusika zvinhu zvese, uye vachadzokorora kusika pazuva rekutongwa)

85:14

وَهُوَ ٱلۡغَفُورُ ٱلۡوَدُودُ

Uye ndivo muregereri, vane rudo rwose (kune vatsvene vanotenda muIslaam)

85:15

ذُو ٱلۡعَرۡشِ ٱلۡمَجِيدُ

Muridzi wechigaro chehumambo, murumbidzwi

85:16

فَعَّالٌ لِّمَا يُرِيدُ

Muiti wechose chavada

85:17

هَلۡ أَتَىٰكَ حَدِيثُ ٱلۡجُنُودِ

Yakasvika here kwauri nyaya yemauto

85:18

فِرۡعَوۡنَ وَثَمُودَ

A Farawo uye nemaThamood

85:19

بَلِ ٱلَّذِينَ كَفَرُواْ فِي تَكۡذِيبٍ

Asi, avo vasingatendi vakashingirira mukuramba (Muhammad (SAW) neshoko rake reIslaam

85:20

وَٱللَّهُ مِن وَرَآئِهِم مُّحِيطُۢ

Uye Allah vanovakomberedza kubva kumashure kwavo (Allah vanoziva mabasa avo ese uye vachavapa mubhadharo wavo)

85:21

بَلۡ هُوَ قُرۡءَانٌ مَّجِيدٌ

Asi iri iQur’aan rinorumbidzwa

85:22

فِي لَوۡحٍ مَّحۡفُوظِۭ

(Rakanyorwa) Mugwaro rakachengetedzwa (Al-Lauh Al-Mahfoodh)

Translation: Abdullah J. M. Adini And Students.