بِسۡمِ ٱللَّهِ ٱلرَّحۡمَٰنِ ٱلرَّحِيمِ
82:1إِذَا ٱلسَّمَآءُ ٱنفَطَرَتۡ
‘Oh watee langet bicah dum anco
82:2وَإِذَا ٱلۡكَوَاكِبُ ٱنتَثَرَتۡ
Bintang teupiro meuhambo sudah
82:3وَإِذَا ٱلۡبِحَارُ فُجِّرَتۡ
Laot pih buboh ie jih teupanca
82:4وَإِذَا ٱلۡقُبُورُ بُعۡثِرَتۡ
Kubu geubuka bandum ka teuhah
82:5عَلِمَتۡ نَفۡسٌ مَّا قَدَّمَتۡ وَأَخَّرَتۡ
Yoh nyan jiteupue le manusia Dum buet jih nyangka masa nyang sudah Peue buet jih teuma nyang goh jipubuet
82:6يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
Hai insan peue jeut teuwo keu Allah
82:7ٱلَّذِي خَلَقَكَ فَسَوَّىٰكَ فَعَدَلَكَ
Soe tipee gata jeut teuwo gata Keu Tuhan gata nyang that pemurah Ae Neupeujeut gata ngon seumpureuna Hingga jeut gata sidumnan gagah
82:8فِيٓ أَيِّ صُورَةٍ مَّا شَآءَ رَكَّبَكَ
Neupeugot rupa ban nyang h‘eut Tuhan Neususon badan teuh ban hʻeut Allah
82:9كـَلَّا بَلۡ تُكَذِّبُونَ بِٱلدِّينِ
Teutapi gata mantong cit batat Uroe kiamat sulet tapeugah
82:10وَإِنَّ عَلَيۡكُمۡ لَحَٰفِظِينَ
Keubit dum gata na soe plihara Sabe geujaga beuna ngon salah
82:11كِرَامًا كَٰتِبِينَ
Ureueng mulia nyang tuleh surat Bandum geucatat peue nyang tapeugah t
82:12يَعۡلَمُونَ مَا تَفۡعَلُونَ
Peue nyang tapubuet bandum geuteupue Hana meusapeue pih na meuilah
82:13إِنَّ ٱلۡأَبۡرَارَ لَفِي نَعِيمٍ
Soe nyang peubuet got keu manusia Tamong churuga nikmat that leupah
82:14وَإِنَّ ٱلۡفُجَّارَ لَفِي جَحِيمٍ
Teuma barangsoe nyang darohaka Dalam nuraka keudeh geukeubah
82:15يَصۡلَوۡنَهَا يَوۡمَ ٱلدِّينِ
Keunan jitamong uroe kjamat
82:16وَمَا هُمۡ عَنۡهَا بِغَآئِبِينَ
Hana meusiat pih jeut meupisah
82:17وَمَآ أَدۡرَىٰكَ مَا يَوۡمُ ٱلدِّينِ
Na roe tateupue uroe kiamat
82:18ثُمَّ مَآ أَدۡرَىٰكَ مَا يَوۡمُ ٱلدِّينِ
Peve dih kiamat tacuba peugah
82:19يَوۡمَ لَا تَمۡلِكُ نَفۡسٌ لِّنَفۡسٍ شَيۡـًٔاۖ وَٱلۡأَمۡرُ يَوۡمَئِذٍ لِّلَّهِ
Uroe nyan bandum hana kuasa Soe keumeung bila rakan nyang salah
Translation: Tgk. H. Mahjiddin Jusuf.