بِسۡمِ ٱللَّهِ ٱلرَّحۡمَٰنِ ٱلرَّحِيمِ
81:1إِذَا ٱلشَّمۡسُ كُوِّرَتۡ
Jan mata uroe geugule-gule
81:2وَإِذَا ٱلنُّجُومُ ٱنكَدَرَتۡ
Bintang dum reule luroh meulimpah
81:3وَإِذَا ٱلۡجِبَالُ سُيِّرَتۡ
Gunong geupeujak bandum ka anco
81:4وَإِذَا ٱلۡعِشَارُ عُطِّلَتۡ
Unta nyang ulu bandum geukeubah
81:5وَإِذَا ٱلۡوُحُوشُ حُشِرَتۡ
Binatang kleuet dum ka geupeusapat
81:6وَإِذَا ٱلۡبِحَارُ سُجِّرَتۡ
Laot u darat meulimpah ruah
81:7وَإِذَا ٱلنُّفُوسُ زُوِّجَتۡ
Nyawong geupeuwoe bandum bak tuboh
81:8وَإِذَا ٱلۡمَوۡءُۥدَةُ سُئِلَتۡ
Aneuk nyang jipoh geutanyong bagah Pakon jitanom kah udep-udep
81:9بِأَيِّ ذَنۢبٍ قُتِلَتۡ
Peue na nyang saket ka pubuet salah
81:10وَإِذَا ٱلصُّحُفُ نُشِرَتۡ
Watee geubuka dum kitab amai Kitab nyang teubai hanaban peugah
81:11وَإِذَا ٱلسَّمَآءُ كُشِطَتۡ
Ngon langet pih ka geupeubinasa
81:12وَإِذَا ٱلۡجَحِيمُ سُعِّرَتۡ
Apui nuraka peuudep bagah
81:13وَإِذَا ٱلۡجَنَّةُ أُزۡلِفَتۡ
Churuga indah pih ka geupeutoe
81:14عَلِمَتۡ نَفۡسٌ مَّآ أَحۡضَرَتۡ
Amai dum keudroe tateupue sudah Peue nyang tapubuet yoh masa dilee Bandum meuteuntee takalon leumah
81:15فَلَآ أُقۡسِمُ بِٱلۡخُنَّسِ
Ulon meusumpah ngon bintang-bintang
81:16ٱلۡجَوَارِ ٱلۡكُنَّسِ
Nyang jak berjalan got nyang ka leupah
81:17وَٱلَّيۡلِ إِذَا عَسۡعَسَ
Demì hai malam nyang ka rap peungeuh
81:18وَٱلصُّبۡحِ إِذَا تَنَفَّسَ
Lom demi suboh fajar ka leumah
81:19إِنَّهُۥ لَقَوۡلُ رَسُولٍ كَرِيمٍ
Keubit Qur’an nyoe nyo narit rasul Nyang ka Neukabui gopnyan le Allah Gopnyan keuh rasul nyang that mulia
81:20ذِي قُوَّةٍ عِندَ ذِي ٱلۡعَرۡشِ مَكِينٍ
Nyang leupah teuga di sisi Allah Teutap geuh sideh toe deungon Tuhan Nyan keuh utosan Tuhan Po ‘arasy
81:21مُّطَاعٍ ثَمَّ أَمِينٍ
Di sideh gopnyan bandum jitaʻat Amanah pih that hana tom salah
81:22وَمَا صَاحِبُكُم بِمَجۡنُونٍ
Kon ureueng pungo rakan gata nyan
81:23وَلَقَدۡ رَءَاهُ بِٱلۡأُفُقِ ٱلۡمُبِينِ
Na geueu gopnyan geukalon leumah Bak ufok nyata sideh geukalon
81:24وَمَا هُوَ عَلَى ٱلۡغَيۡبِ بِضَنِينٍ
Hana kriet gopnyan kon han geupeugah Bandum geupeugah nyang tren bak Tuhan
81:25وَمَا هُوَ بِقَوۡلِ شَيۡطَٰنٍ رَّجِيمٍ
Kon marit chetan kutokan Allah
81:26فَأَيۡنَ تَذۡهَبُونَ
Teuma ho gata tameung jak jinoe
81:27إِنۡ هُوَ إِلَّا ذِكۡرٌ لِّلۡعَٰلَمِينَ
Keubit atra nyoe haba got leupah Haba peuingat keu bandum alam
81:28لِمَن شَآءَ مِنكُمۡ أَن يَسۡتَقِيمَ
Soe nyang hʻeut jih nyan mangat bek salah
81:29وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Soe nyang meunapsu keu jalan teupat m Nyan pih cit meuhat meu kheundak Allah ¢ Meu hana kheundak nibak Po alam t Napsu gata nyan han mustajabah
Translation: Tgk. H. Mahjiddin Jusuf.