Surah 76 · 31 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah
Surah Al-Insan in Luyia
بِسۡمِ ٱللَّهِ ٱلرَّحۡمَٰنِ ٱلرَّحِيمِ
هَلۡ أَتَىٰ عَلَى ٱلۡإِنسَٰنِ حِينٌ مِّنَ ٱلدَّهۡرِ لَمۡ يَكُن شَيۡـًٔا مَّذۡكُورًا
Toto biabura ebise ebiinji khumundu, olwayalaali eshindu shilarumbulwa tawe
إِنَّا خَلَقۡنَا ٱلۡإِنسَٰنَ مِن نُّطۡفَةٍ أَمۡشَاجٍ نَّبۡتَلِيهِ فَجَعَلۡنَٰهُ سَمِيعَۢا بَصِيرًا
Toto efwe khwaloonga Omundu okhurulana nende imwo yobulamu, yesasania, (yomusatsa nende omukhasi) khulwokhumutema, kho nikhumukhola wo khuwulila, nende wokhulola
إِنَّا هَدَيۡنَٰهُ ٱلسَّبِيلَ إِمَّا شَاكِرًا وَإِمَّا كَفُورًا
Toto efwe khwamwawulila injila, niyenya achame nohomba alobe
إِنَّآ أَعۡتَدۡنَا لِلۡكَٰفِرِينَ سَلَٰسِلَاْ وَأَغۡلَٰلًا وَسَعِيرًا
Toto efwe khwarecheshela Abakhayi eminyororo nende tsirimba nende omulilo omululu
إِنَّ ٱلۡأَبۡرَارَ يَشۡرَبُونَ مِن كَأۡسٍ كَانَ مِزَاجُهَا كَافُورًا
Toto Abandu abalayi balinywa eshinywebwa shiasasibwa mwo ‘kafura’
عَيۡنًا يَشۡرَبُ بِهَا عِبَادُ ٱللَّهِ يُفَجِّرُونَهَا تَفۡجِيرًا
Ne Isebele ya Abandu ba Nyasaye balinywamwo, bali ikhola ikhulukusie mubunji
يُوفُونَ بِٱلنَّذۡرِ وَيَخَافُونَ يَوۡمًا كَانَ شَرُّهُۥ مُسۡتَطِيرًا
Bakholanga kabalaka, ne baritsanga inyanga yobusiro bwayio buliswana
وَيُطۡعِمُونَ ٱلطَّعَامَ عَلَىٰ حُبِّهِۦ مِسۡكِينًا وَيَتِيمًا وَأَسِيرًا
Ne balisinjia eshilibwa, khulwo khuyanza khukhwe Abamanani, nende Abafwilwa nende Ababoye
إِنَّمَا نُطۡعِمُكُمۡ لِوَجۡهِ ٱللَّهِ لَا نُرِيدُ مِنكُمۡ جَزَآءً وَلَا شُكُورًا
Toto efwe khubalisinjia khulwokhwenya tsimbabasi tsia Nyasaye shikhubenyakhwo omurungo nohomba orio muno tawe
إِنَّا نَخَافُ مِن رَّبِّنَا يَوۡمًا عَبُوسًا قَمۡطَرِيرًا
Toto efwe khuritsaanga okhurulana khu Nyasaye wefu Omulesi, inyanga yobutinyu nende Omusando
فَوَقَىٰهُمُ ٱللَّهُ شَرَّ ذَٰلِكَ ٱلۡيَوۡمِ وَلَقَّىٰهُمۡ نَضۡرَةً وَسُرُورًا
Kho mana Nyasaye alibalinda , okhurulana khubusiro bwe inyanga eyo, ne alibabukanilia nomwikhoyo nende obusangafu
وَجَزَىٰهُم بِمَا صَبَرُواْ جَنَّةً وَحَرِيرًا
Nealibarungaemikundachomwikulu nende tsingubo tsieshironyo, khulwa okhwifwila khwabu
مُّتَّكِـِٔينَ فِيهَا عَلَى ٱلۡأَرَآئِكِۖ لَا يَرَوۡنَ فِيهَا شَمۡسًا وَلَا زَمۡهَرِيرًا
Omo baliyekha khubisaala bioluyali, shibalilolamwo omubasu omululu nohomba omunyiri omululu tawe
وَدَانِيَةً عَلَيۡهِمۡ ظِلَٰلُهَا وَذُلِّلَتۡ قُطُوفُهَا تَذۡلِيلًا
Ne ebinikha biliba ahambi ninabo, ne – ebiamo- bilieletsanga okhuula hasi
وَيُطَافُ عَلَيۡهِم بِـَٔانِيَةٍ مِّن فِضَّةٍ وَأَكۡوَابٍ كَانَتۡ قَوَارِيرَا۠
Ne balitendelwa khubindu bie ifedha nende vikombe bie tsigilasi
قَوَارِيرَاْ مِن فِضَّةٍ قَدَّرُوهَا تَقۡدِيرًا
Bieifedha inzwenufu shinga shiwoo, biachelwa khushichelo
وَيُسۡقَوۡنَ فِيهَا كَأۡسًا كَانَ مِزَاجُهَا زَنجَبِيلًا
Ne omo balinywesibwamwo eshinywebwa shasasibwamwo itangawizi
وَيَطُوفُ عَلَيۡهِمۡ وِلۡدَٰنٌ مُّخَلَّدُونَ إِذَا رَأَيۡتَهُمۡ حَسِبۡتَهُمۡ لُؤۡلُؤًا مَّنثُورًا
Ne balibotokhana okhubatenda abasiani bashili ababukha, nobalola bange’nange’na shinga tsisole tsiomunyanza tsisaalasibwe
وَإِذَا رَأَيۡتَ ثَمَّ رَأَيۡتَ نَعِيمًا وَمُلۡكًا كَبِيرًا
Ne noli kalola, oliba oluutsi obwokholo nende obwaami obukhongo
عَٰلِيَهُمۡ ثِيَابُ سُندُسٍ خُضۡرٌ وَإِسۡتَبۡرَقٌۖ وَحُلُّوٓاْ أَسَاوِرَ مِن فِضَّةٍ وَسَقَىٰهُمۡ رَبُّهُمۡ شَرَابًا طَهُورًا
Hekulu wabu khuli netsingubo tsia Hariri (tsingwalafu) tsiobukondo bwa masafu, nebalifwala emikasa chieyifedha, Ne Nyasaye wabu alibanywesia eshinywebwa eshilayi
إِنَّ هَٰذَا كَانَ لَكُمۡ جَزَآءً وَكَانَ سَعۡيُكُم مَّشۡكُورًا
(alibaboolela mbu) : Toto kuno niko omurungo kwenyu ne okhukhalabana khwenyu khufuchililwe
إِنَّا نَحۡنُ نَزَّلۡنَا عَلَيۡكَ ٱلۡقُرۡءَانَ تَنزِيلًا
Toto efwe khwakhwishilia Ikurani indutu, indutu
فَٱصۡبِرۡ لِحُكۡمِ رَبِّكَ وَلَا تُطِعۡ مِنۡهُمۡ ءَاثِمًا أَوۡ كَفُورًا
Kho linda okhula shingala Nyasaye wuwo Omulesi alabusia, ne alaulila yesiyesi mubo owetsimbi nohomba omukhayi tawe
وَٱذۡكُرِ ٱسۡمَ رَبِّكَ بُكۡرَةً وَأَصِيلًا
Ne itsulila elira lia Nyasaye wuwo Omulesi nibushia nende nibwila
وَمِنَ ٱلَّيۡلِ فَٱسۡجُدۡ لَهُۥ وَسَبِّحۡهُ لَيۡلًا طَوِيلًا
Ne mushilo omwinamile ye, ne umwitsomie uluwono olurambi
إِنَّ هَٰٓؤُلَآءِ يُحِبُّونَ ٱلۡعَاجِلَةَ وَيَذَرُونَ وَرَآءَهُمۡ يَوۡمًا ثَقِيلًا
Toto Abandu bano bachama obulamu bwokhushialo, nebalekhanga inyuma wabu inyanga isiro
نَّحۡنُ خَلَقۡنَٰهُمۡ وَشَدَدۡنَآ أَسۡرَهُمۡۖ وَإِذَا شِئۡنَا بَدَّلۡنَآ أَمۡثَٰلَهُمۡ تَبۡدِيلًا
Efwe khabaloonga, ne nikhubaramwo amani, nenikhwenya khunyala okhukalukhasia abandi bali shingabo
إِنَّ هَٰذِهِۦ تَذۡكِرَةٌۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا
Toto bwene kano ni ametsulisio, ne owenya atile injila itsia awa Nyasaye wuwe
وَمَا تَشَآءُونَ إِلَّآ أَن يَشَآءَ ٱللَّهُۚ إِنَّ ٱللَّهَ كَانَ عَلِيمًا حَكِيمًا
Neshimwakhenya tawe okhula Nyasaye achame, toto bwene Nyasaye niye omumanyi muno, owamachesi po
يُدۡخِلُ مَن يَشَآءُ فِي رَحۡمَتِهِۦۚ وَٱلظَّٰلِمِينَ أَعَدَّ لَهُمۡ عَذَابًا أَلِيمَۢا
Yenjisinjia owayenya mutsimbabasi tsitsie, ne abamayanu yabarecheshela eshinyasio eshilulu
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.