Surah 18 · 110 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Al-Kahf in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

18:1

ٱلۡحَمۡدُ لِلَّهِ ٱلَّذِيٓ أَنزَلَ عَلَىٰ عَبۡدِهِ ٱلۡكِتَٰبَ وَلَمۡ يَجۡعَل لَّهُۥ عِوَجَاۜ

Oluyali lwoosi nilwa Nyasaye oweshia eshitabukhumusumbawuwe, neshiyashikhola okhuba mashiama tawe

18:2

قَيِّمًا لِّيُنذِرَ بَأۡسًا شَدِيدًا مِّن لَّدُنۡهُ وَيُبَشِّرَ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرًا حَسَنًا

Shiema obulayi, kho shikanyilisilie Abandu eshinyasio eshilulu shirulanga khuye, ne shihelesie amacheni amalayi balia basuubilanga abakholanga ebikhole ebilayi, mbu balinyoola omurungo omulayi

18:3

مَّٰكِثِينَ فِيهِ أَبَدًا

Bekhalemwo tsinyanga tsiosi

18:4

وَيُنذِرَ ٱلَّذِينَ قَالُواْ ٱتَّخَذَ ٱللَّهُ وَلَدًا

Ne shikanyilisie balia baboolanga mbu: “ Nyasaye alinende Omwana.”

18:5

مَّا لَهُم بِهِۦ مِنۡ عِلۡمٍ وَلَا لِأٓبَآئِهِمۡۚ كَبُرَتۡ كَلِمَةً تَخۡرُجُ مِنۡ أَفۡوَٰهِهِمۡۚ إِن يَقُولُونَ إِلَّا كَذِبًا

Abo babula obumanyi balio kata baasabwe, nilikhuwa likhongo muno lirulanga muminwa chiabu. Shibaboolanga halali obubeyi butswa

18:6

فَلَعَلَّكَ بَٰخِعٌ نَّفۡسَكَ عَلَىٰٓ ءَاثَٰرِهِمۡ إِن لَّمۡ يُؤۡمِنُواْ بِهَٰذَا ٱلۡحَدِيثِ أَسَفًا

Ne onyala okhwiyira ewe omwene, khulwa okhubabelelela ngala bali mbu shibasubilanga amakhuwa kano tawe

18:7

إِنَّا جَعَلۡنَا مَا عَلَى ٱلۡأَرۡضِ زِينَةً لَّهَا لِنَبۡلُوَهُمۡ أَيُّهُمۡ أَحۡسَنُ عَمَلًا

Toto efwe khwakhola ebili khushialo bibe ebirone biashio, kho khubalole ni wina mubo webikhole ebilayi

18:8

وَإِنَّا لَجَٰعِلُونَ مَا عَلَيۡهَا صَعِيدًا جُرُزًا

Ne toto nefwe khukholanga bioosi ebo bili hekulu walio okhuba liloba eliumu

18:9

أَمۡ حَسِبۡتَ أَنَّ أَصۡحَٰبَ ٱلۡكَهۡفِ وَٱلرَّقِيمِ كَانُواْ مِنۡ ءَايَٰتِنَا عَجَبًا

Nohomba oparanga mbu Abandu bo mulwanda, nende bakalia kahandikwa, mbu bali abamakana okhurulana nende ebimanyisio biefu

18:10

إِذۡ أَوَى ٱلۡفِتۡيَةُ إِلَى ٱلۡكَهۡفِ فَقَالُواْ رَبَّنَآ ءَاتِنَا مِن لَّدُنكَ رَحۡمَةً وَهَيِّئۡ لَنَا مِنۡ أَمۡرِنَا رَشَدًا

Olwa Abasiani abo belushila mulwanda, mana nibaboola mbu: “Nyasaye wefu khuhelesie tsimbabaasi tsirulanga khwiwe nekhukasilie abulunjifu mulikhuwa liefu.”

18:11

فَضَرَبۡنَا عَلَىٰٓ ءَاذَانِهِمۡ فِي ٱلۡكَهۡفِ سِنِينَ عَدَدًا

Mana nikhusuba amarwi kabu mulwanda omo khumika eminji

18:12

ثُمَّ بَعَثۡنَٰهُمۡ لِنَعۡلَمَ أَيُّ ٱلۡحِزۡبَيۡنِ أَحۡصَىٰ لِمَا لَبِثُوٓاْ أَمَدًا

Mana nikhubalamusia khokhumanye mbu nikuli hena khumikanda chibili chino okwa bala obulayi ebise biabamenyamwo

18:13

نَّحۡنُ نَقُصُّ عَلَيۡكَ نَبَأَهُم بِٱلۡحَقِّۚ إِنَّهُمۡ فِتۡيَةٌ ءَامَنُواْ بِرَبِّهِمۡ وَزِدۡنَٰهُمۡ هُدًى

Efwe khukhukanilanga amakhuwa kabu khubwatoto, toto abo ni ababukha abasuubila Nyasaye wabu, mana nikhubametela obulunjifu

18:14

وَرَبَطۡنَا عَلَىٰ قُلُوبِهِمۡ إِذۡ قَامُواْ فَقَالُواْ رَبُّنَا رَبُّ ٱلسَّمَٰوَٰتِ وَٱلۡأَرۡضِ لَن نَّدۡعُوَاْ مِن دُونِهِۦٓ إِلَٰهًاۖ لَّقَدۡ قُلۡنَآ إِذًا شَطَطًا

Mana nikhura amani mumioyo chiabu, olwabeema mana nibaboola mbu: “Nyasaye wefu ni Nyasaye welikulu nende eshialo,shikhulalaamakhwo Nyasaye wundi ulali Ye tawe. Toto awo khulaba khuboolele obubii obwaburirira eshichelo

18:15

هَٰٓؤُلَآءِ قَوۡمُنَا ٱتَّخَذُواْ مِن دُونِهِۦٓ ءَالِهَةًۖ لَّوۡلَا يَأۡتُونَ عَلَيۡهِم بِسُلۡطَٰنِۭ بَيِّنٍۖ فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا

“Abandu befu bano, bakhola abanyasaye balali ye tawe. shichila shina nibalarerakhwo eshifune shili habulafu, kho ni omubii shina omukhongo okhushila ulia uchishilanga Nyasaye obubeyi

18:16

وَإِذِ ٱعۡتَزَلۡتُمُوهُمۡ وَمَا يَعۡبُدُونَ إِلَّا ٱللَّهَ فَأۡوُۥٓاْ إِلَى ٱلۡكَهۡفِ يَنشُرۡ لَكُمۡ رَبُّكُم مِّن رَّحۡمَتِهِۦ وَيُهَيِّئۡ لَكُم مِّنۡ أَمۡرِكُم مِّرۡفَقًا

“Ne olwamwali nimubawukhekhwo, nende bilia ebiabalaamanga habandu wa Nyasaye, mana mwilushila mulwanda, Nyasaye wenyu alabekulila tsimbabaasi tsitsie ne alabakholela amakhuwa kenyu okhuba amangu

18:17

وَتَرَى ٱلشَّمۡسَ إِذَا طَلَعَت تَّزَٰوَرُ عَن كَهۡفِهِمۡ ذَاتَ ٱلۡيَمِينِ وَإِذَا غَرَبَت تَّقۡرِضُهُمۡ ذَاتَ ٱلشِّمَالِ وَهُمۡ فِي فَجۡوَةٍ مِّنۡهُۚ ذَٰلِكَ مِنۡ ءَايَٰتِ ٱللَّهِۗ مَن يَهۡدِ ٱللَّهُ فَهُوَ ٱلۡمُهۡتَدِۖ وَمَن يُضۡلِلۡ فَلَن تَجِدَ لَهُۥ وَلِيًّا مُّرۡشِدًا

Ne alola eliuba olwalirulanga libura ehale mulwanda lwabu namukhono musatsa. Ne ulwa likwitsanga namukhono omukaata. Nabo nibali mukhombe mukari wo lwando. Ebo ni bilala khubimanyisio bia Nyasaye, ulwa owayalunjisia oyo niye omulunjifu, ne awaalekha okhukora, kho oyo shalamuhelesia omulindi umulunjisia tawe

18:18

وَتَحۡسَبُهُمۡ أَيۡقَاظًا وَهُمۡ رُقُودٌۚ وَنُقَلِّبُهُمۡ ذَاتَ ٱلۡيَمِينِ وَذَاتَ ٱلشِّمَالِۖ وَكَلۡبُهُم بَٰسِطٌ ذِرَاعَيۡهِ بِٱلۡوَصِيدِۚ لَوِ ٱطَّلَعۡتَ عَلَيۡهِمۡ لَوَلَّيۡتَ مِنۡهُمۡ فِرَارًا وَلَمُلِئۡتَ مِنۡهُمۡ رُعۡبًا

Ne opara mbu bali meso, nabo khane bakonele, nekhubakalukhaninjia namukhono mulunji, nende namukhono mukata. Ne imbwa yabu nilambisiyie ebilenje biayio mubwinjilililo, obalolanga wakhakalukhane lwangu okhubelukha, ne toto oburi bwakhakhwitsulemwo shichila bo

18:19

وَكَذَٰلِكَ بَعَثۡنَٰهُمۡ لِيَتَسَآءَلُواْ بَيۡنَهُمۡۚ قَالَ قَآئِلٌ مِّنۡهُمۡ كَمۡ لَبِثۡتُمۡۖ قَالُواْ لَبِثۡنَا يَوۡمًا أَوۡ بَعۡضَ يَوۡمٍۚ قَالُواْ رَبُّكُمۡ أَعۡلَمُ بِمَا لَبِثۡتُمۡ فَٱبۡعَثُوٓاْ أَحَدَكُم بِوَرِقِكُمۡ هَٰذِهِۦٓ إِلَى ٱلۡمَدِينَةِ فَلۡيَنظُرۡ أَيُّهَآ أَزۡكَىٰ طَعَامًا فَلۡيَأۡتِكُم بِرِزۡقٍ مِّنۡهُ وَلۡيَتَلَطَّفۡ وَلَا يُشۡعِرَنَّ بِكُمۡ أَحَدًا

Kho endio nilwakhwabalamusia kho bareebane abeene khubeene, naboola omubooli mubo mbu: “mwikhalemwo tsinyanga tsinga?” naboola mbu : “ khwikhalemwo inyanga ndala nohomba ebuleka weyinyanga.” Nibaboola mbu “ Nyasaye wenyu amanyile muno ebise bia mwekhalamwo. Kho mana murume mulala wenyu nende amamondo kenyu kano khushiro mana ahenje eshiakhulia shina eshilayimunoabarerere. Neakholeamakhuwa kano mumachesi ne alabarumbulakhwo khuyesiyesi tawe

18:20

إِنَّهُمۡ إِن يَظۡهَرُواْ عَلَيۡكُمۡ يَرۡجُمُوكُمۡ أَوۡ يُعِيدُوكُمۡ فِي مِلَّتِهِمۡ وَلَن تُفۡلِحُوٓاْ إِذًا أَبَدًا

Shichila bo nibamanya hamuli balabalasa amachina, nohomba balabakalusia mumilukha chiabu, ne awo shimulibura kata hatiti tawe

18:21

وَكَذَٰلِكَ أَعۡثَرۡنَا عَلَيۡهِمۡ لِيَعۡلَمُوٓاْ أَنَّ وَعۡدَ ٱللَّهِ حَقٌّ وَأَنَّ ٱلسَّاعَةَ لَا رَيۡبَ فِيهَآ إِذۡ يَتَنَٰزَعُونَ بَيۡنَهُمۡ أَمۡرَهُمۡۖ فَقَالُواْ ٱبۡنُواْ عَلَيۡهِم بُنۡيَٰنًاۖ رَّبُّهُمۡ أَعۡلَمُ بِهِمۡۚ قَالَ ٱلَّذِينَ غَلَبُواْ عَلَىٰٓ أَمۡرِهِمۡ لَنَتَّخِذَنَّ عَلَيۡهِم مَّسۡجِدًا

Na endio nilwakhwabarumbusia, khobanyoole okhumanya mbu indakano ya Nyasaye ni yatoto ne mbu inyanga yeyindukho ibula obukanakani tawe, olwa basolananga abeene khubeene shichila likhuwa liabu. Nyasaye yamanya obulayi. Balia bashila mulikhuwa liabu nibaboola mbu: “Toto efwe khulabombashila omusikiti.”

18:22

سَيَقُولُونَ ثَلَٰثَةٌ رَّابِعُهُمۡ كَلۡبُهُمۡ وَيَقُولُونَ خَمۡسَةٌ سَادِسُهُمۡ كَلۡبُهُمۡ رَجۡمَۢا بِٱلۡغَيۡبِۖ وَيَقُولُونَ سَبۡعَةٌ وَثَامِنُهُمۡ كَلۡبُهُمۡۚ قُل رَّبِّيٓ أَعۡلَمُ بِعِدَّتِهِم مَّا يَعۡلَمُهُمۡ إِلَّا قَلِيلٌۗ فَلَا تُمَارِ فِيهِمۡ إِلَّا مِرَآءً ظَٰهِرًا وَلَا تَسۡتَفۡتِ فِيهِم مِّنۡهُمۡ أَحَدًا

(Abandi) baboolanga mbu: “Bali Abandu bataru wakhane wabu ni imbwa yabu” Ne (abandi) baboolanga mbu:” Bali Abandu barano ne wakhasasaba ni imbwa yabu,”(babolanga) khu khutemakho butswa okhuboola-akabakorerwe. Nebaboolanga mbu bali Abandu saba ne wamunane wabu ni imbwa yabu. Boola: ‘‘Nyasaye wanje ni umanyile mbu bali benga. Abulaho umanyile halali batiti butswa. Kho olayingana nabo tawe halali okhuyingana khwe hekulu butswa. Ne olareba amakhuwa kabu omundu yesi yesi tawe

18:23

وَلَا تَقُولَنَّ لِشَاْيۡءٍ إِنِّي فَاعِلٌ ذَٰلِكَ غَدًا

Ne olabolakhwo khuliosi liosi tawe mbu: ‘‘Nditsa okhukhola mutsuli.”

18:24

إِلَّآ أَن يَشَآءَ ٱللَّهُۚ وَٱذۡكُر رَّبَّكَ إِذَا نَسِيتَ وَقُلۡ عَسَىٰٓ أَن يَهۡدِيَنِ رَبِّي لِأَقۡرَبَ مِنۡ هَٰذَا رَشَدًا

Halali (ometekho) “ Inshallah(Nyasaye nachama) Ne yitsulila Nyasaye wuwo niwibiliile, ne boola mbu : “Nyasaye wanje alalunjisia injila ili ahambi muno nende obulunjifu okhushila buno.”

18:25

وَلَبِثُواْ فِي كَهۡفِهِمۡ ثَلَٰثَ مِاْئَةٍ سِنِينَ وَٱزۡدَادُواْ تِسۡعًا

Ne bamenya mulwanda mwabu omo emika tsimia tsitaru, nenibametakhwo tisa

18:26

قُلِ ٱللَّهُ أَعۡلَمُ بِمَا لَبِثُواْۖ لَهُۥ غَيۡبُ ٱلسَّمَٰوَٰتِ وَٱلۡأَرۡضِۖ أَبۡصِرۡ بِهِۦ وَأَسۡمِعۡۚ مَا لَهُم مِّن دُونِهِۦ مِن وَلِيٍّ وَلَا يُشۡرِكُ فِي حُكۡمِهِۦٓ أَحَدًا

Boola “Nyasaye amanyile muno ibise biabekhalamwo” niye umanyile akefisile ako mwikulu nende khushialo. Okhulola khuli khurie nende okhuwulila khukhwe, nabo babula omulindi ulali ye, naye shatsokasinjiakhwo yesiyesi mubwami bubwe tawe

18:27

وَٱتۡلُ مَآ أُوحِيَ إِلَيۡكَ مِن كِتَابِ رَبِّكَۖ لَا مُبَدِّلَ لِكَلِمَٰتِهِۦ وَلَن تَجِدَ مِن دُونِهِۦ مُلۡتَحَدًا

Ne soma akawafimbulilwa okhurula mushitabu shia Nyasaye wuwo. Abulaho unyala okhukalukhasia amakhuwa keke. Nawe sholinyoola awilushila okhumwilukhaye akhaye okhwunyoola tawe

18:28

وَٱصۡبِرۡ نَفۡسَكَ مَعَ ٱلَّذِينَ يَدۡعُونَ رَبَّهُم بِٱلۡغَدَوٰةِ وَٱلۡعَشِيِّ يُرِيدُونَ وَجۡهَهُۥۖ وَلَا تَعۡدُ عَيۡنَاكَ عَنۡهُمۡ تُرِيدُ زِينَةَ ٱلۡحَيَوٰةِ ٱلدُّنۡيَاۖ وَلَا تُطِعۡ مَنۡ أَغۡفَلۡنَا قَلۡبَهُۥ عَن ذِكۡرِنَا وَٱتَّبَعَ هَوَىٰهُ وَكَانَ أَمۡرُهُۥ فُرُطًا

Ne wisumilisie halala nende balia balaamanga Nyasaye wabu etsuli nende ingoloobe, nibakhaba obuchami bubwe. Ne olababusiamwo tsimoni tsitsio khulwokhwenya ebirone bio bulamu bwokhushialo tawe. Ne olaria balia abakhwalekha bakandala emioyo chiabu mana nibalonda obwikombi bwabu, mana amakhuwa kabu nikabura eshichelo

18:29

وَقُلِ ٱلۡحَقُّ مِن رَّبِّكُمۡۖ فَمَن شَآءَ فَلۡيُؤۡمِن وَمَن شَآءَ فَلۡيَكۡفُرۡۚ إِنَّآ أَعۡتَدۡنَا لِلظَّٰلِمِينَ نَارًا أَحَاطَ بِهِمۡ سُرَادِقُهَاۚ وَإِن يَسۡتَغِيثُواْ يُغَاثُواْ بِمَآءٍ كَٱلۡمُهۡلِ يَشۡوِي ٱلۡوُجُوهَۚ بِئۡسَ ٱلشَّرَابُ وَسَآءَتۡ مُرۡتَفَقًا

Ne boola mbu: “ buno ni obulaamba okurula khu Nyasaye wenyu’’ kho ulia wenya asuubile ne owenya akhaye efwe khwarecheshela ababii omulilo, okwe tsikhwi tsiakwo tsilibabotokhana . Ne nibenya obukhonyi balikhonywa amatsi shinga shichuma shisalulusibwe shisaamba obweni, eshinywebwa eshibi shili shirie shino! Nende habandu ali abii arie hano

18:30

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ إِنَّا لَا نُضِيعُ أَجۡرَ مَنۡ أَحۡسَنَ عَمَلًا

Toto balia abasuubila mana nibakhola amalayi, efwe toto shikhukosinjia omurungo kwabalia bakholanga amalayi tawe

18:31

أُوْلَٰٓئِكَ لَهُمۡ جَنَّٰتُ عَدۡنٍ تَجۡرِي مِن تَحۡتِهِمُ ٱلۡأَنۡهَٰرُ يُحَلَّوۡنَ فِيهَا مِنۡ أَسَاوِرَ مِن ذَهَبٍ وَيَلۡبَسُونَ ثِيَابًا خُضۡرًا مِّن سُندُسٍ وَإِسۡتَبۡرَقٍ مُّتَّكِـِٔينَ فِيهَا عَلَى ٱلۡأَرَآئِكِۚ نِعۡمَ ٱلثَّوَابُ وَحَسُنَتۡ مُرۡتَفَقًا

Abo balinyoola emikunda chilaliwa tawe, echiburangamwo emialo- imbeli wachio, balironwamwo nende abifwalo biokhumakhono, ebie idhahabu, ne balifwala tsingubo tsia majani-etsia hariri inyangu nende hariri isiro. Balikhalamwo khu bitali ebiaronwa (khufono). Ni umurungo omulayi kuli kuriena kuno! Ne ni habandu alayi ali arie hano

18:32

وَٱضۡرِبۡ لَهُم مَّثَلًا رَّجُلَيۡنِ جَعَلۡنَا لِأَحَدِهِمَا جَنَّتَيۡنِ مِنۡ أَعۡنَٰبٍ وَحَفَفۡنَٰهُمَا بِنَخۡلٍ وَجَعَلۡنَا بَيۡنَهُمَا زَرۡعًا

Ne bachelasilie, Abandu babili, mulala wabu khwamukholela emikunda chibili chetsizabibu, mana nikhubotokhania mitende, ne hakari nikhuraho emisala chindi chieyimele

18:33

كِلۡتَا ٱلۡجَنَّتَيۡنِ ءَاتَتۡ أُكُلَهَا وَلَمۡ تَظۡلِم مِّنۡهُ شَيۡـًٔاۚ وَفَجَّرۡنَا خِلَٰلَهُمَا نَهَرًا

Emikunda chibili chino chioosi chietsulamwo ebiamo biachio ne shikhwalemiakhwo shiosi shiosi tawe. Ne mukarimwo nikhubusiamwo emialio

18:34

وَكَانَ لَهُۥ ثَمَرٌ فَقَالَ لِصَٰحِبِهِۦ وَهُوَ يُحَاوِرُهُۥٓ أَنَا۠ أَكۡثَرُ مِنكَ مَالًا وَأَعَزُّ نَفَرًا

Ne yali nende ebiano ebinji. Mana naboolela owashie nibakalusaninjia mbu: “Esie ekhushila khumwandu nende amani khulwa Abandu bendi ninabo.”

18:35

وَدَخَلَ جَنَّتَهُۥ وَهُوَ ظَالِمٌ لِّنَفۡسِهِۦ قَالَ مَآ أَظُنُّ أَن تَبِيدَ هَٰذِهِۦٓ أَبَدًا

Mana niyenjila mumukunda kukwe niyekholele obubii naboola mbu: “ shembara omukunda kuno nikulibiyakhwo tsinyanga tsiosi tawe.”

18:36

وَمَآ أَظُنُّ ٱلسَّاعَةَ قَآئِمَةً وَلَئِن رُّدِدتُّ إِلَىٰ رَبِّي لَأَجِدَنَّ خَيۡرًا مِّنۡهَا مُنقَلَبًا

“Ne shembara indukho nilibaho tawe, ne nindilikalusibwa khu Nyasaye wanje ndilinyoola amekhalo amalayi okhushila kano.”

18:37

قَالَ لَهُۥ صَاحِبُهُۥ وَهُوَ يُحَاوِرُهُۥٓ أَكَفَرۡتَ بِٱلَّذِي خَلَقَكَ مِن تُرَابٍ ثُمَّ مِن نُّطۡفَةٍ ثُمَّ سَوَّىٰكَ رَجُلًا

Owashie namuboolela nibakalusaninjia mbu “ Koo; Okhayanga ulia wakhuloonga khuliloba, mana khu indonyande ya amatsi kolwibulo, mana nakhukhola omundu omulaamba?”

18:38

لَّٰكِنَّا۠ هُوَ ٱللَّهُ رَبِّي وَلَآ أُشۡرِكُ بِرَبِّيٓ أَحَدًا

“Halali ye Nyasaye niye omulesi wanje ne shenzokasinjiakhwo shiosi shiosi nende Nyasaye wanje tawe.”

18:39

وَلَوۡلَآ إِذۡ دَخَلۡتَ جَنَّتَكَ قُلۡتَ مَا شَآءَ ٱللَّهُ لَا قُوَّةَ إِلَّا بِٱللَّهِۚ إِن تَرَنِ أَنَا۠ أَقَلَّ مِنكَ مَالًا وَوَلَدًا

Ne shingala winjile mumukunda kukwo oboolanga mbu: “biendi nabo bino Nyasaye niye unyenyeele, amani shikanyolekhanga halali khu Nyasaye,” ni undolanga mbu endi nende omwandu omutiti nende Abana abatiti okhushila ewe.”

18:40

فَعَسَىٰ رَبِّيٓ أَن يُؤۡتِيَنِ خَيۡرًا مِّن جَنَّتِكَ وَيُرۡسِلَ عَلَيۡهَا حُسۡبَانًا مِّنَ ٱلسَّمَآءِ فَتُصۡبِحَ صَعِيدًا زَلَقًا

Awundi Nyasaye wanje alambelesia eshilayi okhushila omukunda kukwo, ne yaruma (mukunda oko) likulu okhurula mwikulu mana libe liloba likhaya- lirerekha

18:41

أَوۡ يُصۡبِحَ مَآؤُهَا غَوۡرًا فَلَن تَسۡتَطِيعَ لَهُۥ طَلَبًا

“Nohomba amatsi kalio kakhame obule okhukanyoola.”

18:42

وَأُحِيطَ بِثَمَرِهِۦ فَأَصۡبَحَ يُقَلِّبُ كَفَّيۡهِ عَلَىٰ مَآ أَنفَقَ فِيهَا وَهِيَ خَاوِيَةٌ عَلَىٰ عُرُوشِهَا وَيَقُولُ يَٰلَيۡتَنِي لَمۡ أُشۡرِكۡ بِرَبِّيٓ أَحَدًا

Mana ebiamo bayie nibibotokhanwa, mana natong’a okhukalukhania amakhono keke, khulwa obukhalabani bwaye (omo) nabo (ebiamo) nibibula khumisala chiachio, mana naboola mbu: “Ehh! manyanga ekhaya okhutsokasia Nyasaye wanje nende shiosishiosi”

18:43

وَلَمۡ تَكُن لَّهُۥ فِئَةٌ يَنصُرُونَهُۥ مِن دُونِ ٱللَّهِ وَمَا كَانَ مُنتَصِرًا

Ne shiyali nende Abandu bokhumukhonya tawe niyakhamala okhukhaya Nyasaye, nohomba shiyali omwene unyanala okhwikhonya tawe

18:44

هُنَالِكَ ٱلۡوَلَٰيَةُ لِلَّهِ ٱلۡحَقِّۚ هُوَ خَيۡرٌ ثَوَابًا وَخَيۡرٌ عُقۡبًا

Eyo obwami nibwa Nyasaye butswa owatoto, Naye niye omurunji omulayi, owokhurera amarulilo amalayi

18:45

وَٱضۡرِبۡ لَهُم مَّثَلَ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ فَأَصۡبَحَ هَشِيمًا تَذۡرُوهُ ٱلرِّيَٰحُۗ وَكَانَ ٱللَّهُ عَلَىٰ كُلِّ شَيۡءٍ مُّقۡتَدِرًا

Ne bachelasilie obulamu bwokhushialo buli shinga amatsi kakhwishinjia okhurula mwikulu, mana nikesasia nende emimela chiomwiloba, mana emimela echo nichiba amasafu amomu, akakhalishe khalishe akomuyaka kukhuyunga eyi- nende eyi. Ne Nyasaye ali nende obunyali khubuli eshindu

18:46

ٱلۡمَالُ وَٱلۡبَنُونَ زِينَةُ ٱلۡحَيَوٰةِ ٱلدُّنۡيَاۖ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابًا وَخَيۡرٌ أَمَلًا

Omwandu nende Abana ni ebirone bio bulamu bwokhushialo. Ne ebikhole ebilayi bitong’anga nibo obulayi imbeli wa Nyasaye wuwo khumurungo nende okhusuubilila okhulayi

18:47

وَيَوۡمَ نُسَيِّرُ ٱلۡجِبَالَ وَتَرَى ٱلۡأَرۡضَ بَارِزَةً وَحَشَرۡنَٰهُمۡ فَلَمۡ نُغَادِرۡ مِنۡهُمۡ أَحَدًا

Ne inyanga yakhulichesia tsingulu, ne olilola eshialo nishili eshiang’ang’u, ne khulibalamusia neshikhulilekha yesiyesi mubo tawe

18:48

وَعُرِضُواْ عَلَىٰ رَبِّكَ صَفًّا لَّقَدۡ جِئۡتُمُونَا كَمَا خَلَقۡنَٰكُمۡ أَوَّلَ مَرَّةِۭۚ بَلۡ زَعَمۡتُمۡ أَلَّن نَّجۡعَلَ لَكُم مَّوۡعِدًا

Ne baliemibwa imbeli wa Nyasaye wuwo olunyaali. Toto enywe mukhwitsile shingala khwabalonga olwambeli. Halali mwapara mbu shikhulibarereho ebise bino tawe

18:49

وَوُضِعَ ٱلۡكِتَٰبُ فَتَرَى ٱلۡمُجۡرِمِينَ مُشۡفِقِينَ مِمَّا فِيهِ وَيَقُولُونَ يَٰوَيۡلَتَنَا مَالِ هَٰذَا ٱلۡكِتَٰبِ لَا يُغَادِرُ صَغِيرَةً وَلَا كَبِيرَةً إِلَّآ أَحۡصَىٰهَاۚ وَوَجَدُواْ مَا عَمِلُواْ حَاضِرًاۗ وَلَا يَظۡلِمُ رَبُّكَ أَحَدًا

Ne ebitabu bilirebwaho- ( imbeli wabu). olilola shinga ababii baliria shichila kalia kalimwo. Ne baliboola mbu: “Oh bayie, ebitabu bino bili birie, shibilekha lititi nohomba likhongo halali liandichilwe.” Ne balinyoola koosi kabakhola nikali hawo, ne Nyasaye wuwo shakholelanga yesiyesi obubii tawe

18:50

وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ كَانَ مِنَ ٱلۡجِنِّ فَفَسَقَ عَنۡ أَمۡرِ رَبِّهِۦٓۗ أَفَتَتَّخِذُونَهُۥ وَذُرِّيَّتَهُۥٓ أَوۡلِيَآءَ مِن دُونِي وَهُمۡ لَكُمۡ عَدُوُّۢۚ بِئۡسَ لِلظَّٰلِمِينَ بَدَلًا

Ne olwakhwaboolela Malaika mbu: “inamile Adam.” Mana nibenama halali Ibilis, ye yali mumukanda kwa majini, mana nafunaka lilako lia Nyasaye wuwe. Koo mumukhola ye nende olwibulo lulwe abetsa (benyu) habundu wa Nyasaye, nabo nibali abasuku benyu? Ni obubii buli burie bwababii bakalukhaninjia

18:51

مَّآ أَشۡهَدتُّهُمۡ خَلۡقَ ٱلسَّمَٰوَٰتِ وَٱلۡأَرۡضِ وَلَا خَلۡقَ أَنفُسِهِمۡ وَمَا كُنتُ مُتَّخِذَ ٱلۡمُضِلِّينَ عَضُدًا

Shindabakhola okhuba abaloli olwa okhulongwa khwe likulu nende eshialo nohomba okhulongwa khwabu abeene, ne shindakhola abakosinjia okhuba abakhonyi tawe

18:52

وَيَوۡمَ يَقُولُ نَادُواْ شُرَكَآءِيَ ٱلَّذِينَ زَعَمۡتُمۡ فَدَعَوۡهُمۡ فَلَمۡ يَسۡتَجِيبُواْ لَهُمۡ وَجَعَلۡنَا بَيۡنَهُم مَّوۡبِقًا

Ne inyanga yaliboola mbu: “Rerekhwo abamwasanjinjia ninaasi abamwachikhanga,” mana balibalanga mana shibalibafuchililila tawe, mana khulira hakari wabu eshikalilo

18:53

وَرَءَا ٱلۡمُجۡرِمُونَ ٱلنَّارَ فَظَنُّوٓاْ أَنَّهُم مُّوَاقِعُوهَا وَلَمۡ يَجِدُواْ عَنۡهَا مَصۡرِفًا

Ne Ababii balilola omulilo, ne balimanya mbu okhula balenjilamwo, Ne mana shibalinyoola amelushilo tawe

18:54

وَلَقَدۡ صَرَّفۡنَا فِي هَٰذَا ٱلۡقُرۡءَانِ لِلنَّاسِ مِن كُلِّ مَثَلٍۚ وَكَانَ ٱلۡإِنسَٰنُ أَكۡثَرَ شَيۡءٍ جَدَلًا

Ne toto khwaboolela Abandu Mukurani ino buli imbia yakhufwananishia. Halali Omundu yabura eshichelo okhushila buli eshindu mukhuyingana

18:55

وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰ وَيَسۡتَغۡفِرُواْ رَبَّهُمۡ إِلَّآ أَن تَأۡتِيَهُمۡ سُنَّةُ ٱلۡأَوَّلِينَ أَوۡ يَأۡتِيَهُمُ ٱلۡعَذَابُ قُبُلًا

Ne shibulaho eshikayila Abandu okhusuubila olwa obulunjifu bwabetsela mana nibasaba eshileshelo khu Nyasaye wabu, halali kaboolele kalia akabakhale, nohomba eshinyasio shibetsela mapwoka

18:56

وَمَا نُرۡسِلُ ٱلۡمُرۡسَلِينَ إِلَّا مُبَشِّرِينَ وَمُنذِرِينَۚ وَيُجَٰدِلُ ٱلَّذِينَ كَفَرُواْ بِٱلۡبَٰطِلِ لِيُدۡحِضُواْ بِهِ ٱلۡحَقَّۖ وَٱتَّخَذُوٓاْ ءَايَٰتِي وَمَآ أُنذِرُواْ هُزُوًا

Ne shikhurumanga Abarumwa halali babe abarusia amakhuwa amalayi nende 18. abekanyilisia. Ne balia bakhaya bayingananga khumakhuwa kalali katoto, mbu khobakhole obwatoto okhuba obubeyi. Ne bakholanga tsinyali tsianje nende kalia akabekanyilisibwa okhuba omubayo

18:57

وَمَنۡ أَظۡلَمُ مِمَّن ذُكِّرَ بِـَٔايَٰتِ رَبِّهِۦ فَأَعۡرَضَ عَنۡهَا وَنَسِيَ مَا قَدَّمَتۡ يَدَاهُۚ إِنَّا جَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرًاۖ وَإِن تَدۡعُهُمۡ إِلَى ٱلۡهُدَىٰ فَلَن يَهۡتَدُوٓاْ إِذًا أَبَدًا

Ne ni wina omubii omukhongo okhushila ulia owitsulisibungwa tsinyaali tsia Nyasaye wuwe mana nalatsibukulila oluchendo mana niyebilila akemikhono chichie chiaranjilisia. (bilishinga) toto efwe khwara mumioyo chiabu ebifunikho kho bakhaye okhumanya, (bilishinga) efwe khwara mumarwi kabu obusiro. Ne nobalanga khubulunjifu shibakhachama okhulunjikha tawe

18:58

وَرَبُّكَ ٱلۡغَفُورُ ذُو ٱلرَّحۡمَةِۖ لَوۡ يُؤَاخِذُهُم بِمَا كَسَبُواْ لَعَجَّلَ لَهُمُ ٱلۡعَذَابَۚ بَل لَّهُم مَّوۡعِدٌ لَّن يَجِدُواْ مِن دُونِهِۦ مَوۡئِلًا

NeNyasayewuwoniyeomunjiweshileshelo, Owetsimbabaasi, ababukulilanga khulwa kalia akamwakhola, toto yakhabanguyisiliye eshinyasio lwangu lwangu. Halali bali nende ebise ebia balalinyoola amelushilo kosikosi akokhwilukha tawe

18:59

وَتِلۡكَ ٱلۡقُرَىٰٓ أَهۡلَكۡنَٰهُمۡ لَمَّا ظَلَمُواْ وَجَعَلۡنَا لِمَهۡلِكِهِم مَّوۡعِدًا

Ne tsingongo etsio khwatsisishia olwa tsiakhola obubii, nikhubarerarao ebise biokhusikha khwabu

18:60

وَإِذۡ قَالَ مُوسَىٰ لِفَتَىٰهُ لَآ أَبۡرَحُ حَتَّىٰٓ أَبۡلُغَ مَجۡمَعَ ٱلۡبَحۡرَيۡنِ أَوۡ أَمۡضِيَ حُقُبًا

Ne olwa Musa yaboolela omusiani waye mbu: ‘‘Ndalatsililila okhutsia, okhula ndule etsinyanza tsibili tsibukananilanga nohomba enzilile emika nemika.’’

18:61

فَلَمَّا بَلَغَا مَجۡمَعَ بَيۡنِهِمَا نَسِيَا حُوتَهُمَا فَٱتَّخَذَ سَبِيلَهُۥ فِي ٱلۡبَحۡرِ سَرَبًا

Kho olwa boola etsinyanza tsibukananilanga nibebilila enyeni yabu, mana naye natsililila okhutsia imbeli munyanza

18:62

فَلَمَّا جَاوَزَا قَالَ لِفَتَىٰهُ ءَاتِنَا غَدَآءَنَا لَقَدۡ لَقِينَا مِن سَفَرِنَا هَٰذَا نَصَبًا

Olwa boola imbeli yaboolela omusiani wuwe mbu: “ khwelesie eshiakhulia shiefu shieshitere, toto khunyoolele khuluchendo lwefu luno amachonye.”

18:63

قَالَ أَرَءَيۡتَ إِذۡ أَوَيۡنَآ إِلَى ٱلصَّخۡرَةِ فَإِنِّي نَسِيتُ ٱلۡحُوتَ وَمَآ أَنسَىٰنِيهُ إِلَّا ٱلشَّيۡطَٰنُ أَنۡ أَذۡكُرَهُۥۚ وَٱتَّخَذَ سَبِيلَهُۥ فِي ٱلۡبَحۡرِ عَجَبًا

Naboola mbu: “ ulutsi, wakhuwulushile halia khushitulo? Owo niwo wandibilile- enyeni eyo. Ne abulaho owakhola ndebilila halali shetani mbu ndalayitsulila tawe, Mana natila injila munyanza okhutsia khwamakana

18:64

قَالَ ذَٰلِكَ مَا كُنَّا نَبۡغِۚ فَٱرۡتَدَّا عَلَىٰٓ ءَاثَارِهِمَا قَصَصًا

Naboola mbu : “Alia niho wakhwenyanga” mana nibakalukha inyuma okhulonda injila yabu. (ilia ilia)

18:65

فَوَجَدَا عَبۡدًا مِّنۡ عِبَادِنَآ ءَاتَيۡنَٰهُ رَحۡمَةً مِّنۡ عِندِنَا وَعَلَّمۡنَٰهُ مِن لَّدُنَّا عِلۡمًا

Mana nibanyoola Omusumba khubasumba befu owakhwahelesia tsimbabaasi okhurula khwifwe, ne owakhwechesia amachesi okhurula khwifwe

18:66

قَالَ لَهُۥ مُوسَىٰ هَلۡ أَتَّبِعُكَ عَلَىٰٓ أَن تُعَلِّمَنِ مِمَّا عُلِّمۡتَ رُشۡدًا

Musa namuboolela mbu: “Koo; Enyala ndakhulondakhwo unzechesiekhwo kobulunjifu kawechesibwa?”

18:67

قَالَ إِنَّكَ لَن تَسۡتَطِيعَ مَعِيَ صَبۡرًا

Naboola mbu: “Toto ewe shonyala okhwifwila okhuba halala ninasi tawe.”

18:68

وَكَيۡفَ تَصۡبِرُ عَلَىٰ مَا لَمۡ تُحِطۡ بِهِۦ خُبۡرًا

“Ne onyala orie okhwifwila kalia akokorerwe obulamba bwako?”

18:69

قَالَ سَتَجِدُنِيٓ إِن شَآءَ ٱللَّهُ صَابِرًا وَلَآ أَعۡصِي لَكَ أَمۡرًا

Naboola mbu: “Nyasaye nachama, witsa ukhunyoola nendi omwisumilisi, ne shinditsa okhulobakhwo likhuwa lilio liosi liosi tawe.”

18:70

قَالَ فَإِنِ ٱتَّبَعۡتَنِي فَلَا تَسۡـَٔلۡنِي عَن شَيۡءٍ حَتَّىٰٓ أُحۡدِثَ لَكَ مِنۡهُ ذِكۡرًا

Naboola mbu: “Mana niwunodakhwo, olandeeba liosi liosi tawe, okhula esie anjake okhuboolela.”

18:71

فَٱنطَلَقَا حَتَّىٰٓ إِذَا رَكِبَا فِي ٱلسَّفِينَةِ خَرَقَهَاۖ قَالَ أَخَرَقۡتَهَا لِتُغۡرِقَ أَهۡلَهَا لَقَدۡ جِئۡتَ شَيۡـًٔا إِمۡرًا

Mana nibarula, olwa banina obwaro, nabufutula. Musa namureeba mbu: ‘‘Ofutula obwaro kho osishie abalimwo? Toto okholele likhuwa libii muno”

18:72

قَالَ أَلَمۡ أَقُلۡ إِنَّكَ لَن تَسۡتَطِيعَ مَعِيَ صَبۡرًا

Naboola mbu: “shekhuboolelekhwo mbu sholanyala okwifwila ninasi tawe?”

18:73

قَالَ لَا تُؤَاخِذۡنِي بِمَا نَسِيتُ وَلَا تُرۡهِقۡنِي مِنۡ أَمۡرِي عُسۡرًا

Naboola mbu: “Olambukulila khukandibilile tawe, noho alasitoyelia amakhuwa kanje tawe.”

18:74

فَٱنطَلَقَا حَتَّىٰٓ إِذَا لَقِيَا غُلَٰمًا فَقَتَلَهُۥ قَالَ أَقَتَلۡتَ نَفۡسًا زَكِيَّةَۢ بِغَيۡرِ نَفۡسٍ لَّقَدۡ جِئۡتَ شَيۡـًٔا نُّكۡرًا

Mana bosi nibarula halala, Nibanyoola Omusiani mulala mana namwira . Musa naboola: “Ahh wira Omundu eshikhaya ubula likosa, ulerere Omundu tawe? Toto okholele likhuwa libii muno!”

18:75

قَالَ أَلَمۡ أَقُل لَّكَ إِنَّكَ لَن تَسۡتَطِيعَ مَعِيَ صَبۡرًا

Naboola mbu: “Koo; shekhuboolelekhwo mbu sholanyala ekhwifwila halala ninasi tawe?”

18:76

قَالَ إِن سَأَلۡتُكَ عَن شَيۡءِۭ بَعۡدَهَا فَلَا تُصَٰحِبۡنِيۖ قَدۡ بَلَغۡتَ مِن لَّدُنِّي عُذۡرًا

Naboola mbu: “Nekhureeba liosi liosi khandi olakhola okhuba halala ninawe khandi tawe, shichila omalile okhunyoolakhwo eshifune.”

18:77

فَٱنطَلَقَا حَتَّىٰٓ إِذَآ أَتَيَآ أَهۡلَ قَرۡيَةٍ ٱسۡتَطۡعَمَآ أَهۡلَهَا فَأَبَوۡاْ أَن يُضَيِّفُوهُمَا فَوَجَدَا فِيهَا جِدَارًا يُرِيدُ أَن يَنقَضَّ فَأَقَامَهُۥۖ قَالَ لَوۡ شِئۡتَ لَتَّخَذۡتَ عَلَيۡهِ أَجۡرًا

Mana nibatsililila okhutsia olwa boolela Abandu bolukongo, nibareeba abeene olukongo olo eshiakhulia nibabeema okhubakholela obucheni, ne nibanyoolamwo- (mulukongo olo) inzu lisisi lienyanga okhukwa- mana nibaliemia. Musa naboola mbu: “noli uchama khwakhabukule omurungo (Khumilimo chino)”

18:78

قَالَ هَٰذَا فِرَاقُ بَيۡنِي وَبَيۡنِكَۚ سَأُنَبِّئُكَ بِتَأۡوِيلِ مَا لَمۡ تَسۡتَطِع عَّلَيۡهِ صَبۡرًا

Naboolambu:“kunonikwo omwawukhano kwanje ninawe. Nditsa okhuboolela obwatoto bwakalia kolanyalile okhwisumilisia ninasi.”

18:79

أَمَّا ٱلسَّفِينَةُ فَكَانَتۡ لِمَسَٰكِينَ يَعۡمَلُونَ فِي ٱلۡبَحۡرِ فَأَرَدتُّ أَنۡ أَعِيبَهَا وَكَانَ وَرَآءَهُم مَّلِكٌ يَأۡخُذُ كُلَّ سَفِينَةٍ غَصۡبًا

Kho eliaro liali liabamanani bakholanga munyanza, ne ndenyele okhulirakhwo isoni, shichila imbeli wabu Omwami yaliyo unuulanga buli eliaro lilayi

18:80

وَأَمَّا ٱلۡغُلَٰمُ فَكَانَ أَبَوَاهُ مُؤۡمِنَيۡنِ فَخَشِينَآ أَن يُرۡهِقَهُمَا طُغۡيَٰنًا وَكُفۡرًا

“Ne umusiani ulia, abebusi bebe bali abasuubili, nikhuria mbu aletsa yabayila mubukori bwokhuloba nende okhukhaya,”

18:81

فَأَرَدۡنَآ أَن يُبۡدِلَهُمَا رَبُّهُمَا خَيۡرًا مِّنۡهُ زَكَوٰةً وَأَقۡرَبَ رُحۡمًا

“Kho mana nikhwenya Nyasaye wabu abakalukhanilie Omwana omulayi okhushila oyo, khubutswenufu, nende owuli ahambi muno khushisa

18:82

وَأَمَّا ٱلۡجِدَارُ فَكَانَ لِغُلَٰمَيۡنِ يَتِيمَيۡنِ فِي ٱلۡمَدِينَةِ وَكَانَ تَحۡتَهُۥ كَنزٌ لَّهُمَا وَكَانَ أَبُوهُمَا صَٰلِحًا فَأَرَادَ رَبُّكَ أَن يَبۡلُغَآ أَشُدَّهُمَا وَيَسۡتَخۡرِجَا كَنزَهُمَا رَحۡمَةً مِّن رَّبِّكَۚ وَمَا فَعَلۡتُهُۥ عَنۡ أَمۡرِيۚ ذَٰلِكَ تَأۡوِيلُ مَا لَمۡ تَسۡطِع عَّلَيۡهِ صَبۡرًا

Nalo lisisi, liali lia Abaana abafwilwa babili, mulitokho elo, ne hasi walio khwaliho nende libishibo liabu, ne samwana yali omundu omulayi, kho Nyasaye wuwo yenya mbu bakubuye mana berusilie abeene libishilo liabu, etso nitsimbabaasi tsirula khu Nyasaye wuwo. Ne shekholele kano khubunyali bwanje tawe . Obo nibo abwatoto bwa kalia akokhayilwe okhwifwila ninaasi

18:83

وَيَسۡـَٔلُونَكَ عَن ذِي ٱلۡقَرۡنَيۡنِۖ قُلۡ سَأَتۡلُواْ عَلَيۡكُم مِّنۡهُ ذِكۡرًا

Nebakhurebanga amakhuwa ka Dhul’karnain boola mbu;’ Nditsa okhubasomela malala khumakhuwa keke”

18:84

إِنَّا مَكَّنَّا لَهُۥ فِي ٱلۡأَرۡضِ وَءَاتَيۡنَٰهُ مِن كُلِّ شَيۡءٍ سَبَبًا

Toto efwe khwamutinyia khushialo, ne nikhumuwa injila yokhunyoola buli eshindu

18:85

فَأَتۡبَعَ سَبَبًا

Mana naloonda injila

18:86

حَتَّىٰٓ إِذَا بَلَغَ مَغۡرِبَ ٱلشَّمۡسِ وَجَدَهَا تَغۡرُبُ فِي عَيۡنٍ حَمِئَةٍ وَوَجَدَ عِندَهَا قَوۡمًاۖ قُلۡنَا يَٰذَا ٱلۡقَرۡنَيۡنِ إِمَّآ أَن تُعَذِّبَ وَإِمَّآ أَن تَتَّخِذَ فِيهِمۡ حُسۡنًا

Okhuula shingala yoola ebukwe eliuba likwitsanga, yalilola nilikwa niliyeela khusebele, eya matoyi amanji. Awo nanyoola Abandu. Nikhuboola mbu: “Ewe Dhul’karnain; Bahelesie eshinyasio nohomba abakholele obulayi.”

18:87

قَالَ أَمَّا مَن ظَلَمَ فَسَوۡفَ نُعَذِّبُهُۥ ثُمَّ يُرَدُّ إِلَىٰ رَبِّهِۦ فَيُعَذِّبُهُۥ عَذَابًا نُّكۡرًا

Naboola mbu: “ulia owakhola obubii khwitsa okhumuwa eshinyasio, mana alikalusibwa khu Nyasaye wuwe, naye alimuhelesia eshinyasio eshibii muno

18:88

وَأَمَّا مَنۡ ءَامَنَ وَعَمِلَ صَٰلِحًا فَلَهُۥ جَزَآءً ٱلۡحُسۡنَىٰۖ وَسَنَقُولُ لَهُۥ مِنۡ أَمۡرِنَا يُسۡرًا

Ne ulia owasuubila mana nakhola ebikhole ebilayi, alanyoola omurungo omulayi, nafu khwitsa okhumuboolela amakhuwa kefu amangu

18:89

ثُمَّ أَتۡبَعَ سَبَبًا

Mana naloonda injila

18:90

حَتَّىٰٓ إِذَا بَلَغَ مَطۡلِعَ ٱلشَّمۡسِ وَجَدَهَا تَطۡلُعُ عَلَىٰ قَوۡمٍ لَّمۡ نَجۡعَل لَّهُم مِّن دُونِهَا سِتۡرًا

Okhula shingala yoola eliuba lirulilanga (mumbo) yalilola nilirulila khubandu abalakhwarereho eshishinjilo shiokhubekalila (ninalio)

18:91

كَذَٰلِكَۖ وَقَدۡ أَحَطۡنَا بِمَا لَدَيۡهِ خُبۡرًا

Ne shinga endio khwali nikhumanyile obulayi amakhuwa koosi kayali ninako

18:92

ثُمَّ أَتۡبَعَ سَبَبًا

Mana naloonda injila

18:93

حَتَّىٰٓ إِذَا بَلَغَ بَيۡنَ ٱلسَّدَّيۡنِ وَجَدَ مِن دُونِهِمَا قَوۡمًا لَّا يَكَادُونَ يَفۡقَهُونَ قَوۡلًا

Okhula shingala yoola hakari wetsingulu tsibili, yanyoola inyuma wuwe Abandu balawulilanga amakhuwa tawe

18:94

قَالُواْ يَٰذَا ٱلۡقَرۡنَيۡنِ إِنَّ يَأۡجُوجَ وَمَأۡجُوجَ مُفۡسِدُونَ فِي ٱلۡأَرۡضِ فَهَلۡ نَجۡعَلُ لَكَ خَرۡجًا عَلَىٰٓ أَن تَجۡعَلَ بَيۡنَنَا وَبَيۡنَهُمۡ سَدًّا

Nibaboola mbu: “ Ewe Dhil-Karnain; Toto Yaajuj nende Maajuj, banyasinjia eshialo, kho khukhwelesie omurungo ore eshikalilo hakari wefu ninabo?”

18:95

قَالَ مَا مَكَّنِّي فِيهِ رَبِّي خَيۡرٌ فَأَعِينُونِي بِقُوَّةٍ أَجۡعَلۡ بَيۡنَكُمۡ وَبَيۡنَهُمۡ رَدۡمًا

Naboola mbu: “Kalia ka Nyasaye wanje yandinyisiliamwo ni amalayi muno, khomukhoonye nende amani ndalara hakari wenyu ninabo eshikalilo eshisiro.’’

18:96

ءَاتُونِي زُبَرَ ٱلۡحَدِيدِۖ حَتَّىٰٓ إِذَا سَاوَىٰ بَيۡنَ ٱلصَّدَفَيۡنِ قَالَ ٱنفُخُواْۖ حَتَّىٰٓ إِذَا جَعَلَهُۥ نَارًا قَالَ ءَاتُونِيٓ أُفۡرِغۡ عَلَيۡهِ قِطۡرًا

“Munderere ebitonye bieshichuma” okhula shingala yetsusia obwiyangu buli hakari wetsingulu tsibili; naboola mbu: ‘‘Bwaane; (omulilo)” okhula shingala yakhola eshichuma shilia omulilo, naboola mbu: ‘‘Munderere ishaba isalulushe enzushe khuno.”

18:97

فَمَا ٱسۡطَٰعُوٓاْ أَن يَظۡهَرُوهُ وَمَا ٱسۡتَطَٰعُواْ لَهُۥ نَقۡبًا

Mana shibanyala okhunina nohomba okhufutula tawe

18:98

قَالَ هَٰذَا رَحۡمَةٌ مِّن رَّبِّيۖ فَإِذَا جَآءَ وَعۡدُ رَبِّي جَعَلَهُۥ دَكَّآءَۖ وَكَانَ وَعۡدُ رَبِّي حَقًّا

Naboola:”Tsino ni tsimbabaasi okhurula khu Nyasaye wanje. Ne olwa yiliula indakano ya Nyasaye wanje, alikufunakafunaka. Ne indakano ya Nyasaye wanje ni yahabwene

18:99

وَتَرَكۡنَا بَعۡضَهُمۡ يَوۡمَئِذٍ يَمُوجُ فِي بَعۡضٍۖ وَنُفِخَ فِي ٱلصُّورِ فَجَمَعۡنَٰهُمۡ جَمۡعًا

Ne khulilekha abandi babu nibasutania sutania (mumulilo) Ne olwa olwika lulikhupwa. Awo khulibakhung’asia boosi halala

18:100

وَعَرَضۡنَا جَهَنَّمَ يَوۡمَئِذٍ لِّلۡكَٰفِرِينَ عَرۡضًا

Ne khulilolosia Jahanamu inyanga eyo imbeli wabakhayi malolosia (mang’alang’ala)

18:101

ٱلَّذِينَ كَانَتۡ أَعۡيُنُهُمۡ فِي غِطَآءٍ عَن ذِكۡرِي وَكَانُواْ لَا يَسۡتَطِيعُونَ سَمۡعًا

Abetsimoni tsiabu tsiali tsiafunikhwa khumetsulilo kefu, neshibali nibanyala okhuwulila tawe

18:102

أَفَحَسِبَ ٱلَّذِينَ كَفَرُوٓاْ أَن يَتَّخِذُواْ عِبَادِي مِن دُونِيٓ أَوۡلِيَآءَۚ إِنَّآ أَعۡتَدۡنَا جَهَنَّمَ لِلۡكَٰفِرِينَ نُزُلًا

Koo, Balia abakhaya baparanga mbu okhukhola Abasumba banje abalindi babu, habandu wanje (khulabakhonya shiosi shiosi)? Toto efwe khwarechekha Jahannam abakhayi ibe abaliishila

18:103

قُلۡ هَلۡ نُنَبِّئُكُم بِٱلۡأَخۡسَرِينَ أَعۡمَٰلًا

Boola: “Koo ebechesiekhwo balia bebikhole biabu biabiiya?”

18:104

ٱلَّذِينَ ضَلَّ سَعۡيُهُمۡ فِي ٱلۡحَيَوٰةِ ٱلدُّنۡيَا وَهُمۡ يَحۡسَبُونَ أَنَّهُمۡ يُحۡسِنُونَ صُنۡعًا

Ni balia bobukhalabani bwabu bwakora eshikhaya khubulamu bwokhushialo, nabo baparanga mbu bakholanga ebikhole ebilayi

18:105

أُوْلَٰٓئِكَ ٱلَّذِينَ كَفَرُواْ بِـَٔايَٰتِ رَبِّهِمۡ وَلِقَآئِهِۦ فَحَبِطَتۡ أَعۡمَٰلُهُمۡ فَلَا نُقِيمُ لَهُمۡ يَوۡمَ ٱلۡقِيَٰمَةِ وَزۡنًا

Abo nibo bakhaya ebimanyisio bia Nyasaye wabu nende okhubukanana ninaye. Kho ebikhole biabu nibikwa akhaya, ne shikhulibemelia obusiro inyanga yeyindukho tawe

18:106

ذَٰلِكَ جَزَآؤُهُمۡ جَهَنَّمُ بِمَا كَفَرُواْ وَٱتَّخَذُوٓاْ ءَايَٰتِي وَرُسُلِي هُزُوًا

Kho Jahanam niko omurungo kwabu shichila bakhaya mana nibakholela omubayo ebimanyisio bianje nende Abarumwa banje

18:107

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَانَتۡ لَهُمۡ جَنَّٰتُ ٱلۡفِرۡدَوۡسِ نُزُلًا

Netoto balia abasuubila mana nibakhola amalayi emeshelo kabu kaliba Firdaws

18:108

خَٰلِدِينَ فِيهَا لَا يَبۡغُونَ عَنۡهَا حِوَلًا

Balimenyamwo tsinyanga tsiosi omo, shibalienya okhurulamwo tawe

18:109

قُل لَّوۡ كَانَ ٱلۡبَحۡرُ مِدَادًا لِّكَلِمَٰتِ رَبِّي لَنَفِدَ ٱلۡبَحۡرُ قَبۡلَ أَن تَنفَدَ كَلِمَٰتُ رَبِّي وَلَوۡ جِئۡنَا بِمِثۡلِهِۦ مَدَدًا

Boola mbu: “Inyanza yibetsanga mbu nibo obwino (bwokhuhandika) amakhuwa ka Nyasaye wanje, inyanza yakhomele amakhuwa ka Nyasaye wanje nikashili okhuwa, kata khureranga etsindi shinga etso

18:110

قُلۡ إِنَّمَآ أَنَا۠ بَشَرٌ مِّثۡلُكُمۡ يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٌ وَٰحِدٌۖ فَمَن كَانَ يَرۡجُواْ لِقَآءَ رَبِّهِۦ فَلۡيَعۡمَلۡ عَمَلًا صَٰلِحًا وَلَا يُشۡرِكۡ بِعِبَادَةِ رَبِّهِۦٓ أَحَدَۢا

Boola mbu: “Toto esie endisa Omundu shinga enywe efimbulilungwa mbu Nyasaye wenyu ni Nyasaye mulala , kho ulia wikomba okhubukanana nende Nyasaye wuwe akhole ebikhole ebilayi ne alatsokasiakhwo shiosi shiosi khu milukha cha Nyasaye wuwe tawe

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.