Surah 18 · 110 verses · Imaam Ismaaeel Ngqoyiyana

Surah Al-Kahf in Xhosa

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

18:1

ٱلۡحَمۡدُ لِلَّهِ ٱلَّذِيٓ أَنزَلَ عَلَىٰ عَبۡدِهِ ٱلۡكِتَٰبَ وَلَمۡ يَجۡعَل لَّهُۥ عِوَجَاۜ

Iindumiso mazibe kuAllâh loWo Uthumele iNcwadi (i’Kur’ân kwisiCaka saKhe (uMuhammad) Waza kuyo apho Akenza bugosogoso

18:2

قَيِّمًا لِّيُنذِرَ بَأۡسًا شَدِيدًا مِّن لَّدُنۡهُ وَيُبَشِّرَ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرًا حَسَنًا

Uyenze yathi Tye ukwenzela ukulumkisa ngesohlwayo esibuhlungu, esivela kuYe, Nokunika iindaba zovuyo kumakholwa enza izenzo zobulungisa zokuba okwabo ngumvuzo omhle (iPaladesi)

18:3

مَّٰكِثِينَ فِيهِ أَبَدًا

Baze bahlale apho (ePaladesi) ngonaphakade

18:4

وَيُنذِرَ ٱلَّذِينَ قَالُواْ ٱتَّخَذَ ٱللَّهُ وَلَدًا

Alumkise nabo bathi: “UAllâh Uthabathe (uzele) unyana.”

18:5

مَّا لَهُم بِهِۦ مِنۡ عِلۡمٍ وَلَا لِأٓبَآئِهِمۡۚ كَبُرَتۡ كَلِمَةً تَخۡرُجُ مِنۡ أَفۡوَٰهِهِمۡۚ إِن يَقُولُونَ إِلَّا كَذِبًا

Abanalwazi lwayo (loo nto) bengenalwazi lwayo nooyise babo. Imbi kakhulu intetho ephuma emilonyeni yabo. Abathethi nto yimbi ngaphandle kobuxoki

18:6

فَلَعَلَّكَ بَٰخِعٌ نَّفۡسَكَ عَلَىٰٓ ءَاثَٰرِهِمۡ إِن لَّمۡ يُؤۡمِنُواْ بِهَٰذَا ٱلۡحَدِيثِ أَسَفًا

Kunokwenzeka wena (Muhammad) ukuba uzixhamle ngokukhathazeka umphefumlo wakho ngenxa yabo ngokungakholwa kwabo kulo myalezo (i’Kur’ân), udandatheke umphefumlo

18:7

إِنَّا جَعَلۡنَا مَا عَلَى ٱلۡأَرۡضِ زِينَةً لَّهَا لِنَبۡلُوَهُمۡ أَيُّهُمۡ أَحۡسَنُ عَمَلًا

Inene Senze okusehlabathini ukuba kube sisihombiso sawo khon’ukuze Sibavavanye (Sibone) ukuba ngubani na kubo ongoyena ulungileyo ngezenzo

18:8

وَإِنَّا لَجَٰعِلُونَ مَا عَلَيۡهَا صَعِيدًا جُرُزًا

Yaye inene, Siya kwenza oko kuphezu kwalo kube ngumhlaba oludlolo (ongahlumi nto)

18:9

أَمۡ حَسِبۡتَ أَنَّ أَصۡحَٰبَ ٱلۡكَهۡفِ وَٱلرَّقِيمِ كَانُواْ مِنۡ ءَايَٰتِنَا عَجَبًا

Ucinga ukuba abantu baseMqolombeni noMbhalo (weendaba okanye amagama abantu baseMqolombeni) yayingumnqa kwimiqondiso yeThu

18:10

إِذۡ أَوَى ٱلۡفِتۡيَةُ إِلَى ٱلۡكَهۡفِ فَقَالُواْ رَبَّنَآ ءَاتِنَا مِن لَّدُنكَ رَحۡمَةً وَهَيِّئۡ لَنَا مِنۡ أَمۡرِنَا رَشَدًا

Xa amadodana aya kuzifihla eMqolombeni athi: “Nkosi yethu Senzele inceba evela kuWe, Usilungiselele imeko yethu ngendlela elungileyo.”

18:11

فَضَرَبۡنَا عَلَىٰٓ ءَاذَانِهِمۡ فِي ٱلۡكَهۡفِ سِنِينَ عَدَدًا

Ngoko ke Sabathi wambu (ngesigqubuthelo sobuthongo) ezindlebeni zabo eMqolombeni apho iminyaka eliqela

18:12

ثُمَّ بَعَثۡنَٰهُمۡ لِنَعۡلَمَ أَيُّ ٱلۡحِزۡبَيۡنِ أَحۡصَىٰ لِمَا لَبِثُوٓاْ أَمَدًا

Saza Sabavusa khon’ukuze Sibonise okokuba liliphi na kula maqela mabini eliza kubala ngokuchanekileyo ixesha abalihlalileyo apho (eMqolombeni)

18:13

نَّحۡنُ نَقُصُّ عَلَيۡكَ نَبَأَهُم بِٱلۡحَقِّۚ إِنَّهُمۡ فِتۡيَةٌ ءَامَنُواْ بِرَبِّهِمۡ وَزِدۡنَٰهُمۡ هُدًى

SiThi ababalisela wena (Muhammad) ibali labo ngenyaniso. Inene, bona yayingamadodana ayekholelwa eNkosini yawo yaye Sabongezelela isiKhokelo

18:14

وَرَبَطۡنَا عَلَىٰ قُلُوبِهِمۡ إِذۡ قَامُواْ فَقَالُواْ رَبُّنَا رَبُّ ٱلسَّمَٰوَٰتِ وَٱلۡأَرۡضِ لَن نَّدۡعُوَاْ مِن دُونِهِۦٓ إِلَٰهًاۖ لَّقَدۡ قُلۡنَآ إِذًا شَطَطًا

Ke kaloku Sabomeleza iintliziyo zabo zomelela. Ekuvukeni kwabo bathi: “INkosi yethu (uAllâh) yiNkosi yamazulu nomhlaba. Asisokuze sicele komnye uthixo ngaphandle kwaKhe. (Xa sinokwenza loo nto) siya kuba ngoko sithethe ilizwi elibi kakhulu lokungakholwa

18:15

هَٰٓؤُلَآءِ قَوۡمُنَا ٱتَّخَذُواْ مِن دُونِهِۦٓ ءَالِهَةًۖ لَّوۡلَا يَأۡتُونَ عَلَيۡهِم بِسُلۡطَٰنِۭ بَيِّنٍۖ فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا

“Aba bantu bakuthi bazithabathele Thixo bambi ngaphandle kwaKhe (uAllâh) Kutheni kaloku bengabaziseli igunya elicacileyo nje! Ngubani owenza ubugwenxa ukugqitha kulowo uqamba ubuxoki ngokuchasene noAllâh

18:16

وَإِذِ ٱعۡتَزَلۡتُمُوهُمۡ وَمَا يَعۡبُدُونَ إِلَّا ٱللَّهَ فَأۡوُۥٓاْ إِلَى ٱلۡكَهۡفِ يَنشُرۡ لَكُمۡ رَبُّكُم مِّن رَّحۡمَتِهِۦ وَيُهَيِّئۡ لَكُم مِّنۡ أَمۡرِكُم مِّرۡفَقًا

(Wathi omnye komnye kumadodana lawo ayeseMqolombeni): “Nisakuba nizikhwebule kubo nakoko bakunqulayo ngaphandle koAllâh, balekelani eMqolombeni. INkosi yenu iya kunandisela inceba yaYo, Ithi kananjalo Inilungiselele uncedo kule meko.”

18:17

وَتَرَى ٱلشَّمۡسَ إِذَا طَلَعَت تَّزَٰوَرُ عَن كَهۡفِهِمۡ ذَاتَ ٱلۡيَمِينِ وَإِذَا غَرَبَت تَّقۡرِضُهُمۡ ذَاتَ ٱلشِّمَالِ وَهُمۡ فِي فَجۡوَةٍ مِّنۡهُۚ ذَٰلِكَ مِنۡ ءَايَٰتِ ٱللَّهِۗ مَن يَهۡدِ ٱللَّهُ فَهُوَ ٱلۡمُهۡتَدِۖ وَمَن يُضۡلِلۡ فَلَن تَجِدَ لَهُۥ وَلِيًّا مُّرۡشِدًا

Ke kaloku (ukuba wawukhona, ubukele), wawungabona xa ilanga liphuma emqolombeni wabo ngasekunene, lize litshone, ligqitha kubo ngasekhohlo, lo gama bona babelele kwindawo ephangaleleyo. Lowo ngomnye wemiqondiso ka-Allâh. Lowo ukhokelwe nguAllâh ukhokeleke ngokulungileyo. Kodwa lowo amyekele ekulahlekeni, lowo akuyi kumfumanela mkhokeli wokumkhokelela (eNdleleni ethe Tye)

18:18

وَتَحۡسَبُهُمۡ أَيۡقَاظًا وَهُمۡ رُقُودٌۚ وَنُقَلِّبُهُمۡ ذَاتَ ٱلۡيَمِينِ وَذَاتَ ٱلشِّمَالِۖ وَكَلۡبُهُم بَٰسِطٌ ذِرَاعَيۡهِ بِٱلۡوَصِيدِۚ لَوِ ٱطَّلَعۡتَ عَلَيۡهِمۡ لَوَلَّيۡتَ مِنۡهُمۡ فِرَارًا وَلَمُلِئۡتَ مِنۡهُمۡ رُعۡبًا

Wawungacinga ukuba bahleli lo gama babelele. Ke kaloku Sasibaguquguqula (balale) ngamacala abo okunene nawokhohlo, inja yabo yona yayolule imikhono yayo yangaphambili yomibini ekungeneni (koMqolomba). Ukuba wawunokuthi ubajonge inene wawungajika ubaleke yaye inene wawunokuboyika

18:19

وَكَذَٰلِكَ بَعَثۡنَٰهُمۡ لِيَتَسَآءَلُواْ بَيۡنَهُمۡۚ قَالَ قَآئِلٌ مِّنۡهُمۡ كَمۡ لَبِثۡتُمۡۖ قَالُواْ لَبِثۡنَا يَوۡمًا أَوۡ بَعۡضَ يَوۡمٍۚ قَالُواْ رَبُّكُمۡ أَعۡلَمُ بِمَا لَبِثۡتُمۡ فَٱبۡعَثُوٓاْ أَحَدَكُم بِوَرِقِكُمۡ هَٰذِهِۦٓ إِلَى ٱلۡمَدِينَةِ فَلۡيَنظُرۡ أَيُّهَآ أَزۡكَىٰ طَعَامًا فَلۡيَأۡتِكُم بِرِزۡقٍ مِّنۡهُ وَلۡيَتَلَطَّفۡ وَلَا يُشۡعِرَنَّ بِكُمۡ أَحَدًا

Kwangaloo ndlela Sabavusa khon’ukuze babuzane. Omnye osisithethi kubo wathi: “Lingakanani na ithuba nihleli (apha)?” Bathi bona: “Sihleli (mhlawumbi) imini okanye inxalenye yemini.” Bathi: “INkosi yakho yiYo Eyazi ngcono ukuba lingakanani na ithuba silapha. Ngoko ke thumelani omnye wenu aye esixekweni nemali eyingqekembe akhangele kananjalo okokuba kukuphi na okona kutya kulungileyo anokuniphathela kona, alumke kananjalo. Niqiniseke ke ukuba akukho mntu uniqaphelayo

18:20

إِنَّهُمۡ إِن يَظۡهَرُواْ عَلَيۡكُمۡ يَرۡجُمُوكُمۡ أَوۡ يُعِيدُوكُمۡ فِي مِلَّتِهِمۡ وَلَن تُفۡلِحُوٓاْ إِذًا أَبَدًا

Kuba ukuba bathe banazi, baya kunixuluba ngamatye (nife) kungenjalo banibuyisele enkolweni yabo; kuze kusakuba kunjalo ningabi nampumelelo.”

18:21

وَكَذَٰلِكَ أَعۡثَرۡنَا عَلَيۡهِمۡ لِيَعۡلَمُوٓاْ أَنَّ وَعۡدَ ٱللَّهِ حَقٌّ وَأَنَّ ٱلسَّاعَةَ لَا رَيۡبَ فِيهَآ إِذۡ يَتَنَٰزَعُونَ بَيۡنَهُمۡ أَمۡرَهُمۡۖ فَقَالُواْ ٱبۡنُواْ عَلَيۡهِم بُنۡيَٰنًاۖ رَّبُّهُمۡ أَعۡلَمُ بِهِمۡۚ قَالَ ٱلَّذِينَ غَلَبُواْ عَلَىٰٓ أَمۡرِهِمۡ لَنَتَّخِذَنَّ عَلَيۡهِم مَّسۡجِدًا

Ngolo hlobo Sabenza ukuba imeko yabo yaziwe khona ukuze (abo babafumanayo) bazi ukuba isithembiso sika-Allâh siyinyaniso neso seYure akukho ntandabuzo [ngaso (oko kwaba)] ngethuba babephikisana ngemeko yabo baza bathi, “Yakhani isakhiwo phezu kwabo iNkosi yabo Yiyona Yaziyo ngabo. “Bathi bona abo baba nempumelelo kumbandela, ‘Inene thina siya kuzakhela imasjid yethu phezu kwabo

18:22

سَيَقُولُونَ ثَلَٰثَةٌ رَّابِعُهُمۡ كَلۡبُهُمۡ وَيَقُولُونَ خَمۡسَةٌ سَادِسُهُمۡ كَلۡبُهُمۡ رَجۡمَۢا بِٱلۡغَيۡبِۖ وَيَقُولُونَ سَبۡعَةٌ وَثَامِنُهُمۡ كَلۡبُهُمۡۚ قُل رَّبِّيٓ أَعۡلَمُ بِعِدَّتِهِم مَّا يَعۡلَمُهُمۡ إِلَّا قَلِيلٌۗ فَلَا تُمَارِ فِيهِمۡ إِلَّا مِرَآءً ظَٰهِرًا وَلَا تَسۡتَفۡتِ فِيهِم مِّنۡهُمۡ أَحَدًا

Bona (abantu) baza kuthi babebathathu, iyinja yabo eyesine kubo; kananjalo abantu baza kuthi babebahlanu, iyinja yabo eyesithandathu beqikelela ngokungabonwayo; ukanti baza kuthi babesixhenxe, eyesibhozo kubo iyinja yabo. Yithi wena (Muhammad); INkosi yam yiyo Eyazi ngcono ngenani labo. Akukho bani ulaziyo ngaphandle kwabambalwa. Ngoko ke musa ukuphikisana nabo ngaphandle kokuba kukuphikisana ngento ecacileyo kananjalo ungabuzi nakomnye ngabo kwabo (baqashsiselayo)

18:23

وَلَا تَقُولَنَّ لِشَاْيۡءٍ إِنِّي فَاعِلٌ ذَٰلِكَ غَدًا

Kananjalo ungaze nangantoni na uthi, “Inene ndiya kwenza okuya ngomso.”

18:24

إِلَّآ أَن يَشَآءَ ٱللَّهُۚ وَٱذۡكُر رَّبَّكَ إِذَا نَسِيتَ وَقُلۡ عَسَىٰٓ أَن يَهۡدِيَنِ رَبِّي لِأَقۡرَبَ مِنۡ هَٰذَا رَشَدًا

Ngaphandle (kokongeza uthi) ukuba uAllâh Uthandile.” Ukhumbule iNkosi yakho xa ulibele (ukutsho) uthi, “Mhlawumbi iNkosi yam Iya kundikhokelela koko kusondeleyo kunoku (kube) kwiNdlela elungileyo.”

18:25

وَلَبِثُواْ فِي كَهۡفِهِمۡ ثَلَٰثَ مِاْئَةٍ سِنِينَ وَٱزۡدَادُواْ تِسۡعًا

Ke kaloku bahlala emqolombeni wabo iminyaka engamakhulu amathandathu athe kratya ngelithoba

18:26

قُلِ ٱللَّهُ أَعۡلَمُ بِمَا لَبِثُواْۖ لَهُۥ غَيۡبُ ٱلسَّمَٰوَٰتِ وَٱلۡأَرۡضِۖ أَبۡصِرۡ بِهِۦ وَأَسۡمِعۡۚ مَا لَهُم مِّن دُونِهِۦ مِن وَلِيٍّ وَلَا يُشۡرِكُ فِي حُكۡمِهِۦٓ أَحَدًا

Yithi: “UAllâh nguYena Waziyo ukuba lingakanani na ithuba abalihlalayo. Yena Unolwazi (lokungabonwayo) lwamazulu nomhlaba. Unjani ukubona! Enjani khona ukuva! Abanamkhuseli ngaphandle kwaKhe yaye Yena Akabelani naye nabani na ngamagunya aKhe

18:27

وَٱتۡلُ مَآ أُوحِيَ إِلَيۡكَ مِن كِتَابِ رَبِّكَۖ لَا مُبَدِّلَ لِكَلِمَٰتِهِۦ وَلَن تَجِدَ مِن دُونِهِۦ مُلۡتَحَدًا

Cengceleza ke wena oko kutyhilwe kuwe kuvela eNkosini yakho. Akuyi kubakho kuguquka emazwini aKhe ungasokuze ufumane lukhuseleko komnye ongenguYe ngaphandle kwaKhe

18:28

وَٱصۡبِرۡ نَفۡسَكَ مَعَ ٱلَّذِينَ يَدۡعُونَ رَبَّهُم بِٱلۡغَدَوٰةِ وَٱلۡعَشِيِّ يُرِيدُونَ وَجۡهَهُۥۖ وَلَا تَعۡدُ عَيۡنَاكَ عَنۡهُمۡ تُرِيدُ زِينَةَ ٱلۡحَيَوٰةِ ٱلدُّنۡيَاۖ وَلَا تُطِعۡ مَنۡ أَغۡفَلۡنَا قَلۡبَهُۥ عَن ذِكۡرِنَا وَٱتَّبَعَ هَوَىٰهُ وَكَانَ أَمۡرُهُۥ فُرُطًا

Ke kaloku wena zigcine unomonde ube kunye nabo babiza eNkosini yabo ekuseni nangokuhlwa befuna inkxaso yaYo. Kwaye amehlo akho makangatsibi ngaphaya kwabo, ufune ubukhazikhazi bobomi beli hlabathi, kananjalo uze ungamthobeli lowo untliziyo yakhe Siyenze yangayinanzi inkumbulo yeThu, olandela iminqweno yakhe, lowo imeko yakhe isoloko ikukungakhathali

18:29

وَقُلِ ٱلۡحَقُّ مِن رَّبِّكُمۡۖ فَمَن شَآءَ فَلۡيُؤۡمِن وَمَن شَآءَ فَلۡيَكۡفُرۡۚ إِنَّآ أَعۡتَدۡنَا لِلظَّٰلِمِينَ نَارًا أَحَاطَ بِهِمۡ سُرَادِقُهَاۚ وَإِن يَسۡتَغِيثُواْ يُغَاثُواْ بِمَآءٍ كَٱلۡمُهۡلِ يَشۡوِي ٱلۡوُجُوهَۚ بِئۡسَ ٱلشَّرَابُ وَسَآءَتۡ مُرۡتَفَقًا

Kananjalo yithi: “Inyaniso ivela eNkosini yakho, ngoko ke lowo uthandayo makakholwe, othandayo angakholwa.”Inene Thina Silungiselele abenzi bobubi uMlilo ondonga zawo ziya kubarhangqela yaye (baya kuthi) xa becela ukuphunyuzwa (kuwo), baphunyuzwe ngamanzi amdaka okwe-oli emnyama, ebuxula ubuso. Sibi isenzo (sabo), ingcolile nendawo yabo yokuphumla (isiHogo)

18:30

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ إِنَّا لَا نُضِيعُ أَجۡرَ مَنۡ أَحۡسَنَ عَمَلًا

Abo bakholiweyo benza izenzo zobulungisa inene aSiyi kuwenza umvuzo wakhe ulahleke nabani na (kubo) owenze kakuhle ngokwemisebenzi

18:31

أُوْلَٰٓئِكَ لَهُمۡ جَنَّٰتُ عَدۡنٍ تَجۡرِي مِن تَحۡتِهِمُ ٱلۡأَنۡهَٰرُ يُحَلَّوۡنَ فِيهَا مِنۡ أَسَاوِرَ مِن ذَهَبٍ وَيَلۡبَسُونَ ثِيَابًا خُضۡرًا مِّن سُندُسٍ وَإِسۡتَبۡرَقٍ مُّتَّكِـِٔينَ فِيهَا عَلَى ٱلۡأَرَآئِكِۚ نِعۡمَ ٱلثَّوَابُ وَحَسُنَتۡ مُرۡتَفَقًا

Abo baya kuba nemiyezo yokuhlala yanaphakade, phantsi kwayo kuya kumpompoza imilambo. Baya kuhonjiswa apho ngezacholo zegolide bavathe izambatho eziluhlaza zesilika ecocekileyo nengqindilili, bengqengqile bengqiyamile ezihlalweni ezihonjisiweyo. Mhle kakhulu umvuzo, intle nendawo yokuphumla (kwabo)

18:32

وَٱضۡرِبۡ لَهُم مَّثَلًا رَّجُلَيۡنِ جَعَلۡنَا لِأَحَدِهِمَا جَنَّتَيۡنِ مِنۡ أَعۡنَٰبٍ وَحَفَفۡنَٰهُمَا بِنَخۡلٍ وَجَعَلۡنَا بَيۡنَهُمَا زَرۡعًا

Benzele umzekelo wamadoda amabini: Omnye kuwo Sampha izitiya ezibini zediliya Sazahlula ngemithi yesundu Sabeka phakathi kwazo (amasimi) ezityalo

18:33

كِلۡتَا ٱلۡجَنَّتَيۡنِ ءَاتَتۡ أُكُلَهَا وَلَمۡ تَظۡلِم مِّنۡهُ شَيۡـًٔاۚ وَفَجَّرۡنَا خِلَٰلَهُمَا نَهَرًا

Ngasinye (kwezo) zitiya zibini savelisa iziqhamo zaso akwabikho nto sisilela ngayo. Senza kwampompoza umlambo phakathi kuzo apho

18:34

وَكَانَ لَهُۥ ثَمَرٌ فَقَالَ لِصَٰحِبِهِۦ وَهُوَ يُحَاوِرُهُۥٓ أَنَا۠ أَكۡثَرُ مِنكَ مَالًا وَأَعَزُّ نَفَرًا

Owayeneziqhamo, wathi kugxa wakhe, bencokola; “Mna ndingaphaya kunawe ngokobutyebi yaye ndingentla kunawe ngokuba nabantu (abasebenzi abaninzi)

18:35

وَدَخَلَ جَنَّتَهُۥ وَهُوَ ظَالِمٌ لِّنَفۡسِهِۦ قَالَ مَآ أَظُنُّ أَن تَبِيدَ هَٰذِهِۦٓ أَبَدًا

Ke kaloku (waphuma) waya emyezweni wakhe esekuloo mo yakhe yenkukhumalo) ezenzela intswela bulungisa wathi: “Andiqondi ukuba oku kungaze kuphele

18:36

وَمَآ أَظُنُّ ٱلسَّاعَةَ قَآئِمَةً وَلَئِن رُّدِدتُّ إِلَىٰ رَبِّي لَأَجِدَنَّ خَيۡرًا مِّنۡهَا مُنقَلَبًا

Andiqondi kananjalo ukuba iYure iya kuze ifike, kanti ke ukuba ngenene ndingaze ndisiwe phambi kweNkosi yam (ngoMhla woMgwebo), Inene ndiya kufumana okungcono kunoku xa ndibuyela kuYo.”

18:37

قَالَ لَهُۥ صَاحِبُهُۥ وَهُوَ يُحَاوِرُهُۥٓ أَكَفَرۡتَ بِٱلَّذِي خَلَقَكَ مِن تُرَابٍ ثُمَّ مِن نُّطۡفَةٍ ثُمَّ سَوَّىٰكَ رَجُلًا

Ugxa wakhe wathi kuye lo gama wayesathetha naye. Ingaba uye wangakholwa na kuloWo Wakudalayo ngothuli, emva koko ngeqabaza lembewu yomntu waza Wakunika umlinganiselo wokuba ube yindoda

18:38

لَّٰكِنَّا۠ هُوَ ٱللَّهُ رَبِّي وَلَآ أُشۡرِكُ بِرَبِّيٓ أَحَدًا

Kodwa kum, nguAllâh, iNkosi yam yaye andayamanisi namnye eNkosini yam

18:39

وَلَوۡلَآ إِذۡ دَخَلۡتَ جَنَّتَكَ قُلۡتَ مَا شَآءَ ٱللَّهُ لَا قُوَّةَ إِلَّا بِٱللَّهِۚ إِن تَرَنِ أَنَا۠ أَقَلَّ مِنكَ مَالًا وَوَلَدًا

Bekutheni na ukungena kwakho esitiyeni sakho ungathi: “(Oko kuthandwe nguAllâh kuya kwenzeka). Akukho mandla ngaphandle kwaka-Allâh?’ Nangona undibona ndingeneno kwakho ngobutyebi nabantwana

18:40

فَعَسَىٰ رَبِّيٓ أَن يُؤۡتِيَنِ خَيۡرًا مِّن جَنَّتِكَ وَيُرۡسِلَ عَلَيۡهَا حُسۡبَانًا مِّنَ ٱلسَّمَآءِ فَتُصۡبِحَ صَعِيدًا زَلَقًا

Kunokwenzeka ukuba iNkosi yam Iza kundipha (into) engcono kunesitiya sakho, Ize Ithumele ishwangusha elivela esibhakabhakeni yaye siya kuba mpuluswa, sibe ngumhlaba onothuli

18:41

أَوۡ يُصۡبِحَ مَآؤُهَا غَوۡرًا فَلَن تَسۡتَطِيعَ لَهُۥ طَلَبًا

Kungenjalo amanzi aso aya kusuka atshe (atshone emhlabeni) ukuze ungaze ube nako ukuwabhaqa.”

18:42

وَأُحِيطَ بِثَمَرِهِۦ فَأَصۡبَحَ يُقَلِّبُ كَفَّيۡهِ عَلَىٰ مَآ أَنفَقَ فِيهَا وَهِيَ خَاوِيَةٌ عَلَىٰ عُرُوشِهَا وَيَقُولُ يَٰلَيۡتَنِي لَمۡ أُشۡرِكۡ بِرَبِّيٓ أَحَدًا

Iziqhamo zakhe zarhangqelwa yintshabalalo. Wasala eqhwaba izandla edanile (ebuhlungu) ngenkcitho ayenzileyo kuso (isitiya eso) sabe sona siwile amanqwanqwa okusibiyela (elele phantsi), (waqala) wathi: “Yeha kum! Akwaba bendingakhanga ndayamanise namnye eNkosini yam.”

18:43

وَلَمۡ تَكُن لَّهُۥ فِئَةٌ يَنصُرُونَهُۥ مِن دُونِ ٱللَّهِ وَمَا كَانَ مُنتَصِرًا

Waye engenamahlakani okumnceda ngaphandle koAllâh, wabe engancediswa nakuncediswa

18:44

هُنَالِكَ ٱلۡوَلَٰيَةُ لِلَّهِ ٱلۡحَقِّۚ هُوَ خَيۡرٌ ثَوَابًا وَخَيۡرٌ عُقۡبًا

Ngelo xesha igunya labe likuAllâh (lonke), uSonyaniso. NguYe Olungileyo (ukunika) umvuzo, ikwanguYe Olungileyo kwiziphumo

18:45

وَٱضۡرِبۡ لَهُم مَّثَلَ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ فَأَصۡبَحَ هَشِيمًا تَذۡرُوهُ ٱلرِّيَٰحُۗ وَكَانَ ٱللَّهُ عَلَىٰ كُلِّ شَيۡءٍ مُّقۡتَدِرًا

Bachazele ngomzekelo wobomi beli hlabathi, (bona) bufana nemvula eSiyithumela phantsi ivela esibhakabhakeni, nezityalo zomhlaba zidibane nayo, zize ziphinde zibe yintsalela eyomileyo ethiwe saa yimvula ukanti uAllâh Ungaphezulu kwezinto zonke, Ugqibelele ukuba namandla (okwenza izinto)

18:46

ٱلۡمَالُ وَٱلۡبَنُونَ زِينَةُ ٱلۡحَيَوٰةِ ٱلدُّنۡيَاۖ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابًا وَخَيۡرٌ أَمَلًا

Ubutyebi nabantwana (zizinto) ezisisihombiso sobomi beli hlabathi. Kodwa izenzo ezilungileyo zizona zingcono eNkosini yakho ukuba zibe ngumvuzo yaye zizona zingcono ukuba zinqweneleke (emntwini)

18:47

وَيَوۡمَ نُسَيِّرُ ٱلۡجِبَالَ وَتَرَى ٱلۡأَرۡضَ بَارِزَةً وَحَشَرۡنَٰهُمۡ فَلَمۡ نُغَادِرۡ مِنۡهُمۡ أَحَدًا

(Khumbula) kananjalo iMini eSiya kuncothula iintaba (ngayo) yaye uya kuwubona umhlaba ulithafa elityeneneziweyo Size Sibaqokelele Singashiyi namnye emva kwakhe nabani na

18:48

وَعُرِضُواْ عَلَىٰ رَبِّكَ صَفًّا لَّقَدۡ جِئۡتُمُونَا كَمَا خَلَقۡنَٰكُمۡ أَوَّلَ مَرَّةِۭۚ بَلۡ زَعَمۡتُمۡ أَلَّن نَّجۡعَلَ لَكُم مَّوۡعِدًا

Yaye baza kumiswa phambi kweNkosi yakho ngemigca (Ize Ithi kubo): “Nibuyele kuThi ninjengoko SaSinidalile ekuqaleni. Kodwa nanisithi nina, aSisokuze Senze (kubekho iMini) yokudibana (kweThu) nani

18:49

وَوُضِعَ ٱلۡكِتَٰبُ فَتَرَى ٱلۡمُجۡرِمِينَ مُشۡفِقِينَ مِمَّا فِيهِ وَيَقُولُونَ يَٰوَيۡلَتَنَا مَالِ هَٰذَا ٱلۡكِتَٰبِ لَا يُغَادِرُ صَغِيرَةً وَلَا كَبِيرَةً إِلَّآ أَحۡصَىٰهَاۚ وَوَجَدُواْ مَا عَمِلُواْ حَاضِرًاۗ وَلَا يَظۡلِمُ رَبُّكَ أَحَدًا

Ke kaloku iNcwadi (yezenzo) iya kubekwa (phambi kwabo ivuliwe) uze ubone izaphula-mthetho zinoloyiko loko (kubhalwe) kuyo, baze bathi, “Yeha kuthi! Kazi okokuba yiNcwadi eluhlobo luni na le ingashiyi nento le incinane nenkulu ngaphandle kokuyibhala (phantsi) ngokwamanani ayo!” Kananjalo baya kukufumana oko bakuzisayo1 eNkosini yabo) kwangaphambili, iNkosi yakho ayiyenzi intswela bulungisa nakomnye

18:50

وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ كَانَ مِنَ ٱلۡجِنِّ فَفَسَقَ عَنۡ أَمۡرِ رَبِّهِۦٓۗ أَفَتَتَّخِذُونَهُۥ وَذُرِّيَّتَهُۥٓ أَوۡلِيَآءَ مِن دُونِي وَهُمۡ لَكُمۡ عَدُوُّۢۚ بِئۡسَ لِلظَّٰلِمِينَ بَدَلًا

Yabonani Sathi kwiingelosi: “Qubudani kuAdam”, zaqubuda ngaphandle koIblîs. Wayengomnye wejinni. Wemka kumyalelo weNkosi yakhe. Ingaba niza kumthabatha yena nenzala yakhe ukuba babe ngabancedi benu ngaphandle kwaM, lo gama bona beziintshaba zenu? Hayi ukungcola konaniselwano lwabenzi bobubi

18:51

مَّآ أَشۡهَدتُّهُمۡ خَلۡقَ ٱلسَّمَٰوَٰتِ وَٱلۡأَرۡضِ وَلَا خَلۡقَ أَنفُسِهِمۡ وَمَا كُنتُ مُتَّخِذَ ٱلۡمُضِلِّينَ عَضُدًا

Andibenzanga ukuba babe ngamangqina endalo yamazulu nomhlaba okanye kwindalo yeziqu zabo. Yaye NdaNdingeze Ndithabathe abalahlekisi ukuba babe ngabancedisi (baM)

18:52

وَيَوۡمَ يَقُولُ نَادُواْ شُرَكَآءِيَ ٱلَّذِينَ زَعَمۡتُمۡ فَدَعَوۡهُمۡ فَلَمۡ يَسۡتَجِيبُواْ لَهُمۡ وَجَعَلۡنَا بَيۡنَهُم مَّوۡبِقًا

NgeMini Aya kuthi: “Bizani amahlulelane aM enaniwabanga kaloku.” Baya kuwabiza ke, kodwa wona angabaphenduli. Thina ke Siya kubeka umsantsa wentshabalalo phakathi kwabo

18:53

وَرَءَا ٱلۡمُجۡرِمُونَ ٱلنَّارَ فَظَنُّوٓاْ أَنَّهُم مُّوَاقِعُوهَا وَلَمۡ يَجِدُواْ عَنۡهَا مَصۡرِفًا

Ke kaloku abenzi bobubi baya kuwubona uMlilo baze baqonde kakuhle okokuba baza kuwiselwa kuwo. Ke kaloku abayi kufumana ndlela yakuphuncula kuwo apho

18:54

وَلَقَدۡ صَرَّفۡنَا فِي هَٰذَا ٱلۡقُرۡءَانِ لِلنَّاسِ مِن كُلِّ مَثَلٍۚ وَكَانَ ٱلۡإِنسَٰنُ أَكۡثَرَ شَيۡءٍ جَدَلًا

(Inene Thina Senzele abantu zonke iintlobo zemizekeliso kule ‘Kur’ân). Kodwa umntu wahlala ephikisa

18:55

وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰ وَيَسۡتَغۡفِرُواْ رَبَّهُمۡ إِلَّآ أَن تَأۡتِيَهُمۡ سُنَّةُ ٱلۡأَوَّلِينَ أَوۡ يَأۡتِيَهُمُ ٱلۡعَذَابُ قُبُلًا

Ayikho into eyathintela abantu ukuba bakholwe xa isiKhokelo sasifikile kubo sivela eNkosini yabo. kungekho nto yabathintelayo nokuba bacele itarhu eNkosini yabo ngaphandle kokuba iindlela zabantu bamandulo ziphindwe kubo2 okanye bafuna isohlwayo siziswe kubo (basibone) ubuso ngobuso

18:56

وَمَا نُرۡسِلُ ٱلۡمُرۡسَلِينَ إِلَّا مُبَشِّرِينَ وَمُنذِرِينَۚ وَيُجَٰدِلُ ٱلَّذِينَ كَفَرُواْ بِٱلۡبَٰطِلِ لِيُدۡحِضُواْ بِهِ ٱلۡحَقَّۖ وَٱتَّخَذُوٓاْ ءَايَٰتِي وَمَآ أُنذِرُواْ هُزُوًا

Thina ke aSibathumeli nto abaThunywa ngaphandle kokuba babengabavakalisi beendaba zovuyo nabaLumikisi. Kodwa abo bangakholwayo, bayaphikisa ngeengxoxo zabo zobuxoki, khon’ukuze ngaloo ndlela baphike inyaniso. Yaye bathabatha iiVesi zaM noko balunyukiswa ngako bakwenze intlekisa

18:57

وَمَنۡ أَظۡلَمُ مِمَّن ذُكِّرَ بِـَٔايَٰتِ رَبِّهِۦ فَأَعۡرَضَ عَنۡهَا وَنَسِيَ مَا قَدَّمَتۡ يَدَاهُۚ إِنَّا جَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرًاۖ وَإِن تَدۡعُهُمۡ إِلَى ٱلۡهُدَىٰ فَلَن يَهۡتَدُوٓاْ إِذًا أَبَدًا

Ngubani na intswela-bulungisa egqitha okhunjuzwa ngeeVesi zeNkosi yakhe kodwa azitshikilele, aze alibale noko kwenziwe zizandla zakhe? Inene Thina Sibeke isigqubuthelo ezintliziyweni zabo, hleze bayiqiqe (i’Kur’ân). ezindlebeni zabo banobuthulu. Ke kaloku xa ubamemela kwisiKhokelo abasokuze bakhokeleleke

18:58

وَرَبُّكَ ٱلۡغَفُورُ ذُو ٱلرَّحۡمَةِۖ لَوۡ يُؤَاخِذُهُم بِمَا كَسَبُواْ لَعَجَّلَ لَهُمُ ٱلۡعَذَابَۚ بَل لَّهُم مَّوۡعِدٌ لَّن يَجِدُواْ مِن دُونِهِۦ مَوۡئِلًا

Kanti ke iNkosi yakho nguMxoleli, uSozinceba. Ukuba Ibinokubabeka ityala ngoko (kugwenxa) bazizuzele kona, Ibiza kukhawuleza ngesohlwayo. Ukusuka apho lityunjiwe ixesha labo elo bangayi kufumana kuphuncula (kulo)

18:59

وَتِلۡكَ ٱلۡقُرَىٰٓ أَهۡلَكۡنَٰهُمۡ لَمَّا ظَلَمُواْ وَجَعَلۡنَا لِمَهۡلِكِهِم مَّوۡعِدًا

Ke kaloku ezo zixeko Sazitshabalalisa zisakwenza ubugwenxa, yaye isohlwayo sazo Sasimisela ixesha

18:60

وَإِذۡ قَالَ مُوسَىٰ لِفَتَىٰهُ لَآ أَبۡرَحُ حَتَّىٰٓ أَبۡلُغَ مَجۡمَعَ ٱلۡبَحۡرَيۡنِ أَوۡ أَمۡضِيَ حُقُبًا

Yabona uMûsâ wathi kwinkwenkwana yakhe (isicaka sakhe), “Andiyi kuyeka (ukuhamba) ndide ndifike esiphambukeni seelwandle ezimbini kungenjalo ndiya kuqhubeka ixesha elide.”

18:61

فَلَمَّا بَلَغَا مَجۡمَعَ بَيۡنِهِمَا نَسِيَا حُوتَهُمَا فَٱتَّخَذَ سَبِيلَهُۥ فِي ٱلۡبَحۡرِ سَرَبًا

Kodwa bakufika esiphambukeni phakathi kwazo (iilwandle ezimbini) balibala ngentlanzi yabo, ke yona yathabatha indlela yayo yabuyela elwandle yanyamalala

18:62

فَلَمَّا جَاوَزَا قَالَ لِفَتَىٰهُ ءَاتِنَا غَدَآءَنَا لَقَدۡ لَقِينَا مِن سَفَرِنَا هَٰذَا نَصَبًا

Bathi ke ukugqitha kwabo kuyo, (uMûsâ) wathi kwinkwenkwana yakhe, “Sizisele isidlo sethu sakusasa. Sibulaleke kakhulu kolu hambo lwethu, sidiniwe nokudinwa.”

18:63

قَالَ أَرَءَيۡتَ إِذۡ أَوَيۡنَآ إِلَى ٱلصَّخۡرَةِ فَإِنِّي نَسِيتُ ٱلۡحُوتَ وَمَآ أَنسَىٰنِيهُ إِلَّا ٱلشَّيۡطَٰنُ أَنۡ أَذۡكُرَهُۥۚ وَٱتَّخَذَ سَبِيلَهُۥ فِي ٱلۡبَحۡرِ عَجَبًا

Wathi: “Ubonile ngokuya besiphumle kweliyaa litye? Ndiye ndayilibala intlanzi. Kunjalo nje akukho wumbi undilahlekisileyo ngaphandle koShaytân ondenze ndayilibala. Ukanti yona ithabathe indlela yayo elwandle ngokumangalisayo.”

18:64

قَالَ ذَٰلِكَ مَا كُنَّا نَبۡغِۚ فَٱرۡتَدَّا عَلَىٰٓ ءَاثَارِهِمَا قَصَصًا

UMûsâ wathi: “Leyo yiyo kanye into ebesiyikhangela.” Babuyela emva belandela imizila yeenyawo zabo

18:65

فَوَجَدَا عَبۡدًا مِّنۡ عِبَادِنَآ ءَاتَيۡنَٰهُ رَحۡمَةً مِّنۡ عِندِنَا وَعَلَّمۡنَٰهُ مِن لَّدُنَّا عِلۡمًا

Ke kaloku bafumana omnye weziCaka zeThu, eSathoba uBabalo oluvela kuThi phezu kwakhe, neSamfundisa nolwazi oluvela kuThi

18:66

قَالَ لَهُۥ مُوسَىٰ هَلۡ أَتَّبِعُكَ عَلَىٰٓ أَن تُعَلِّمَنِ مِمَّا عُلِّمۡتَ رُشۡدًا

UMûsâ wathi kuye (uRhadir): “Ndingakulandela na khon’ukuze undifundise okuthile kolo lwazi lwakho lwesiKhokelo walufundiswayo?”

18:67

قَالَ إِنَّكَ لَن تَسۡتَطِيعَ مَعِيَ صَبۡرًا

Wathi yena: “Inene, wena akungekhe ukwazi ukuba nomonde (wokunyamezelana) nam

18:68

وَكَيۡفَ تَصۡبِرُ عَلَىٰ مَا لَمۡ تُحِطۡ بِهِۦ خُبۡرًا

Ungakunyamezela njani oko ungenakukuqulatha elwazini (lwakho)?”

18:69

قَالَ سَتَجِدُنِيٓ إِن شَآءَ ٱللَّهُ صَابِرًا وَلَآ أَعۡصِي لَكَ أَمۡرًا

UMûsâ wathi: “Uya kundifumana mna ndinomonde ukuba uAllâh Uthandile yaye andiyi kungakuthobeli nangawuphi na umyalelo.”

18:70

قَالَ فَإِنِ ٱتَّبَعۡتَنِي فَلَا تَسۡـَٔلۡنِي عَن شَيۡءٍ حَتَّىٰٓ أُحۡدِثَ لَكَ مِنۡهُ ذِكۡرًا

Wathi yena: “Ukuba uyandilandela ke uze ungandibuzi nangantoni na (endiyenzayo) ndide ndikuchazele (ngayo).”

18:71

فَٱنطَلَقَا حَتَّىٰٓ إِذَا رَكِبَا فِي ٱلسَّفِينَةِ خَرَقَهَاۖ قَالَ أَخَرَقۡتَهَا لِتُغۡرِقَ أَهۡلَهَا لَقَدۡ جِئۡتَ شَيۡـًٔا إِمۡرًا

Bahamba ke bada bakhwela enqanaweni. (URhadir) wayigrobhoza imboba (inqanawa). UMûsâ wathi: “Uyigrobhozela ukuba mayitshonise abantu bayo na?” Inene wenze eyona nto imbi kunene!”

18:72

قَالَ أَلَمۡ أَقُلۡ إِنَّكَ لَن تَسۡتَطِيعَ مَعِيَ صَبۡرًا

(URhadir) wathi: “Bendingatshongo na kuwe ukuba wena akungekhe unyamezelane nam?”

18:73

قَالَ لَا تُؤَاخِذۡنِي بِمَا نَسِيتُ وَلَا تُرۡهِقۡنِي مِنۡ أَمۡرِي عُسۡرًا

Wathi (uMûsâ): “Ungandigxeki ngokulibala kwam, ungandibeki ebunzimeni ngesenzo sam.”

18:74

فَٱنطَلَقَا حَتَّىٰٓ إِذَا لَقِيَا غُلَٰمًا فَقَتَلَهُۥ قَالَ أَقَتَلۡتَ نَفۡسًا زَكِيَّةَۢ بِغَيۡرِ نَفۡسٍ لَّقَدۡ جِئۡتَ شَيۡـًٔا نُّكۡرًا

Baqhubeka ke (bahamba) bada badibana nenkwenkwana, waza wayibulala. (uRhadir). UMûsâ wathi: “Ubulele umntu ongenatyala ongabulalanga mntu? Inene wenze into elisikizi gqitha!”

18:75

قَالَ أَلَمۡ أَقُل لَّكَ إِنَّكَ لَن تَسۡتَطِيعَ مَعِيَ صَبۡرًا

(URhadir) wathi: “Bendingatshongo na kuwe ukuba wena akungekhe unyamezelane nam?”

18:76

قَالَ إِن سَأَلۡتُكَ عَن شَيۡءِۭ بَعۡدَهَا فَلَا تُصَٰحِبۡنِيۖ قَدۡ بَلَغۡتَ مِن لَّدُنِّي عُذۡرًا

(UMûsâ) wathi: “Ukuba ndikhe (ndaphinda) ndakubuza ngenye into emva kwale, ungabisandigcina kunye nawe, usifumene isizathu sokuzigwebela kum.”

18:77

فَٱنطَلَقَا حَتَّىٰٓ إِذَآ أَتَيَآ أَهۡلَ قَرۡيَةٍ ٱسۡتَطۡعَمَآ أَهۡلَهَا فَأَبَوۡاْ أَن يُضَيِّفُوهُمَا فَوَجَدَا فِيهَا جِدَارًا يُرِيدُ أَن يَنقَضَّ فَأَقَامَهُۥۖ قَالَ لَوۡ شِئۡتَ لَتَّخَذۡتَ عَلَيۡهِ أَجۡرًا

Bahamba ke bada bafika kubantu benye ilali, bacela ukutya kubantu balapho kodwa abavuma ukubenzela ububele baza bafumana udonga olwalusele luza kuwa, waza (uRhadir) walumisa kwakhona. UMûsâ wathi: “Ukuba ubuthandile ngowuthabathe intlawulo ngalo.”

18:78

قَالَ هَٰذَا فِرَاقُ بَيۡنِي وَبَيۡنِكَۚ سَأُنَبِّئُكَ بِتَأۡوِيلِ مَا لَمۡ تَسۡتَطِع عَّلَيۡهِ صَبۡرًا

(URhadir) wathi: “Oku ke kukwahlukana phakathi kwam nawe. Ndiza kukuxelela intsingiselo yoko wena ungabanga namonde ngako

18:79

أَمَّا ٱلسَّفِينَةُ فَكَانَتۡ لِمَسَٰكِينَ يَعۡمَلُونَ فِي ٱلۡبَحۡرِ فَأَرَدتُّ أَنۡ أَعِيبَهَا وَكَانَ وَرَآءَهُم مَّلِكٌ يَأۡخُذُ كُلَّ سَفِينَةٍ غَصۡبًا

Mayela nenqanawa, ibe iyeyabantu abangamahlwempu abasebenza elwandle. Ndiye ndazimisela ukuyenza ibe nesiphene njengoko emva kwabo (bebelandelwa) ngukumkani (othile), ohlutha zonke iinqanawa (Ezilungileyo ezingenasiphene)

18:80

وَأَمَّا ٱلۡغُلَٰمُ فَكَانَ أَبَوَاهُ مُؤۡمِنَيۡنِ فَخَشِينَآ أَن يُرۡهِقَهُمَا طُغۡيَٰنًا وَكُفۡرًا

Mayela nenkwenkwana, abazali bayo bebengamakholwa, ke, ngoko bekusoyikiselwa ukuba iza kuba ngumthwalo kubo ngokugabadela nokungakholwa

18:81

فَأَرَدۡنَآ أَن يُبۡدِلَهُمَا رَبُّهُمَا خَيۡرًا مِّنۡهُ زَكَوٰةً وَأَقۡرَبَ رُحۡمًا

Thina ke siye sanenjongo yokuba iNkosi yabo Ibanike omnye ongcono ngobunyulu endaweni yayo. (Yona) ibe kufuphi nenceba (ka-Allâh)

18:82

وَأَمَّا ٱلۡجِدَارُ فَكَانَ لِغُلَٰمَيۡنِ يَتِيمَيۡنِ فِي ٱلۡمَدِينَةِ وَكَانَ تَحۡتَهُۥ كَنزٌ لَّهُمَا وَكَانَ أَبُوهُمَا صَٰلِحًا فَأَرَادَ رَبُّكَ أَن يَبۡلُغَآ أَشُدَّهُمَا وَيَسۡتَخۡرِجَا كَنزَهُمَا رَحۡمَةً مِّن رَّبِّكَۚ وَمَا فَعَلۡتُهُۥ عَنۡ أَمۡرِيۚ ذَٰلِكَ تَأۡوِيلُ مَا لَمۡ تَسۡطِع عَّلَيۡهِ صَبۡرًا

Mayela nodonga, ibe ileleenkedama ezimbini ezingamakhwenkwe esixekweni, phantsi kwalo bekukho ubutyebi bawo, utata wawo waye elilungisa. Ke kungoko iNkosi yakho Iye Yanenjongo yokuba bafikelele ebudaleni Ize Iburhole ubutyebi babo, bube yinceba evela eNkosini yakho, Ke kaloku mna andenzanga ngokokuthanda kwam. Leyo ke yintsingiselo yoko wena ungakhanga ukwazi ukukunyamezela.”

18:83

وَيَسۡـَٔلُونَكَ عَن ذِي ٱلۡقَرۡنَيۡنِۖ قُلۡ سَأَتۡلُواْ عَلَيۡكُم مِّنۡهُ ذِكۡرًا

Ke kaloku bakubuza ngoDthul ‘Karnayn, yithi: “Ndiza kunicengcelezela into ngebali lakhe.”

18:84

إِنَّا مَكَّنَّا لَهُۥ فِي ٱلۡأَرۡضِ وَءَاتَيۡنَٰهُ مِن كُلِّ شَيۡءٍ سَبَبًا

Inene Thina Sammisela eMhlabeni, Samnika indlela yezinto zonke

18:85

فَأَتۡبَعَ سَبَبًا

Ke kaloku yena wayelandela iNdlela yeThu

18:86

حَتَّىٰٓ إِذَا بَلَغَ مَغۡرِبَ ٱلشَّمۡسِ وَجَدَهَا تَغۡرُبُ فِي عَيۡنٍ حَمِئَةٍ وَوَجَدَ عِندَهَا قَوۡمًاۖ قُلۡنَا يَٰذَا ٱلۡقَرۡنَيۡنِ إِمَّآ أَن تُعَذِّبَ وَإِمَّآ أَن تَتَّخِذَ فِيهِمۡ حُسۡنًا

Kwada kwalilixa apho wafikelela ekutshoneni kwelanga, walifumana litshona, kulwandle lwamanzi anodaka olumnyama. Wafumana ecaleni kwawo abantu. Thina Sathi: “Hini na Dthul’Karnayn! Ungabohlwaya okanye ubaphathe kakuhle ngezibele, (kukuwe).”

18:87

قَالَ أَمَّا مَن ظَلَمَ فَسَوۡفَ نُعَذِّبُهُۥ ثُمَّ يُرَدُّ إِلَىٰ رَبِّهِۦ فَيُعَذِّبُهُۥ عَذَابًا نُّكۡرًا

Wathiyena:“Lowo(ungakholwayokuAllâh) enzeubugwenxa, siya kumohlwaya, yaye uya kubuyiselwa eNkosini yakhe, Eza kumohlwaya ngesohlwayo esibi Kunene (isiHogo)

18:88

وَأَمَّا مَنۡ ءَامَنَ وَعَمِلَ صَٰلِحًا فَلَهُۥ جَزَآءً ٱلۡحُسۡنَىٰۖ وَسَنَقُولُ لَهُۥ مِنۡ أَمۡرِنَا يُسۡرًا

Ke lowo ukholwayo (kuAllâh) enze izenzo zobulungisa, uya kufumana owona mvuzo mhle (iPaladesi) yaye thina siya kuthetha naye amazwi amnandi.”

18:89

ثُمَّ أَتۡبَعَ سَبَبًا

Waza walandela enye indlela

18:90

حَتَّىٰٓ إِذَا بَلَغَ مَطۡلِعَ ٱلشَّمۡسِ وَجَدَهَا تَطۡلُعُ عَلَىٰ قَوۡمٍ لَّمۡ نَجۡعَل لَّهُم مِّن دُونِهَا سِتۡرًا

Kwada kwalilixa apho wafikelela kwindawo yokuphuma kwelanga, walifumana liphuma ebantwini Thina esingabanikanga sikhuseli ngokuchasene nelanga

18:91

كَذَٰلِكَۖ وَقَدۡ أَحَطۡنَا بِمَا لَدَيۡهِ خُبۡرًا

Ngoko ke (kwabanjalo) yaye SaSisazi konke ngaye (uDthul’Karnayn)

18:92

ثُمَّ أَتۡبَعَ سَبَبًا

Waza walandela enye indlela

18:93

حَتَّىٰٓ إِذَا بَلَغَ بَيۡنَ ٱلسَّدَّيۡنِ وَجَدَ مِن دُونِهِمَا قَوۡمًا لَّا يَكَادُونَ يَفۡقَهُونَ قَوۡلًا

Kwada kwalilixa apho wafikelela phakathi kweentaba ezimbini, wafumana phambi kwazo (ezo ntaba ezimbini), abantu ekwakunzima ukuba babe nelizwi nokuba libe linye abaliqondayo (ekungekho ntetho bayaziyo)

18:94

قَالُواْ يَٰذَا ٱلۡقَرۡنَيۡنِ إِنَّ يَأۡجُوجَ وَمَأۡجُوجَ مُفۡسِدُونَ فِي ٱلۡأَرۡضِ فَهَلۡ نَجۡعَلُ لَكَ خَرۡجًا عَلَىٰٓ أَن تَجۡعَلَ بَيۡنَنَا وَبَيۡنَهُمۡ سَدًّا

Bathi: “O Dthul‘Karnayn! Inene uYa’jûj (uGogi) noMa’jûj (uMagogi), ngabenzi bokungcola (abakhulu) emhlabeni. Ingaba singakunika na intlawulo yokuba wenze umsantsa phakathi kwethu nabo?”

18:95

قَالَ مَا مَكَّنِّي فِيهِ رَبِّي خَيۡرٌ فَأَعِينُونِي بِقُوَّةٍ أَجۡعَلۡ بَيۡنَكُمۡ وَبَيۡنَهُمۡ رَدۡمًا

Wathi yena, “Oko iNkosi yam Indimisele kona kungcono (kunoko nindinika kona nina), kodwa ke nina ndincediseni ngamandla (ndinikeni abantu bokundincedisa); mna ndiya kwenza idama phakathi kwenu nabo (uYa’jûj noMa’jûj)

18:96

ءَاتُونِي زُبَرَ ٱلۡحَدِيدِۖ حَتَّىٰٓ إِذَا سَاوَىٰ بَيۡنَ ٱلصَّدَفَيۡنِ قَالَ ٱنفُخُواْۖ حَتَّىٰٓ إِذَا جَعَلَهُۥ نَارًا قَالَ ءَاتُونِيٓ أُفۡرِغۡ عَلَيۡهِ قِطۡرًا

Ndinikeni amacangci entsimbi;” wathi ke esakugqiba, ukuwandlala tyaba phakathi kweentaba ezimbini, wathi: “Vuthelani;” uthe ke esakuwenza ada aba ngumlilo, wathi: “Ndiziseleni ikopolo enyityilikisiweyo ndiyigalele phezu kwawo.”

18:97

فَمَا ٱسۡطَٰعُوٓاْ أَن يَظۡهَرُوهُ وَمَا ٱسۡتَطَٰعُواْ لَهُۥ نَقۡبًا

Baza ke ngoko (uYa’jûj noMa’jûj) abakwazi ukugqitha kuwo abakwazi nokugrumba bagqobhozele kuwo

18:98

قَالَ هَٰذَا رَحۡمَةٌ مِّن رَّبِّيۖ فَإِذَا جَآءَ وَعۡدُ رَبِّي جَعَلَهُۥ دَكَّآءَۖ وَكَانَ وَعۡدُ رَبِّي حَقًّا

UDthul’Karnayn wathi: “Le yinceba evela eNkosini yam, kodwa sisakufika isithembiso seNkosi yam, Iza (kuyidiliza) (le ntaba) ilale tyaba phantsi). Yaye isithembiso seNkosi yam sihlala siyinyani

18:99

وَتَرَكۡنَا بَعۡضَهُمۡ يَوۡمَئِذٍ يَمُوجُ فِي بَعۡضٍۖ وَنُفِخَ فِي ٱلصُّورِ فَجَمَعۡنَٰهُمۡ جَمۡعًا

Kananjalo ngaloo Mini Siya kubayeka (uYa’jûj noMa’jûj), bagxalathelane okwamaza (olwandle), omnye phezu komnye, yaye iXilongo liya kuvuthelwa, Size sibaqokelele (abantu nezidalwa) zonke

18:100

وَعَرَضۡنَا جَهَنَّمَ يَوۡمَئِذٍ لِّلۡكَٰفِرِينَ عَرۡضًا

Ke kaloku Siya kubekela abangakholwayo isiHogo elubala ngaloo Mini

18:101

ٱلَّذِينَ كَانَتۡ أَعۡيُنُهُمۡ فِي غِطَآءٍ عَن ذِكۡرِي وَكَانُواْ لَا يَسۡتَطِيعُونَ سَمۡعًا

Abo amehlo abo abekade egqunyathelisiwe ekuNdikhumbuleni, bona ke abevanga nokuva

18:102

أَفَحَسِبَ ٱلَّذِينَ كَفَرُوٓاْ أَن يَتَّخِذُواْ عِبَادِي مِن دُونِيٓ أَوۡلِيَآءَۚ إِنَّآ أَعۡتَدۡنَا جَهَنَّمَ لِلۡكَٰفِرِينَ نُزُلًا

Ukanti abo bangakholwayo bacinga ukuba bangathabatha izicaka zaM (bazinqule) endaweni yaM, Inene Thina Silungiselele isiHogo abangakholwayo ukuba sibe yindawo yabo yokuhlala

18:103

قُلۡ هَلۡ نُنَبِّئُكُم بِٱلۡأَخۡسَرِينَ أَعۡمَٰلًا

Yithi: (Muhammad): “Sinixelele thina (makholwa) abona balahlekelwa bokwenene ngokumayela nezenzo zabo

18:104

ٱلَّذِينَ ضَلَّ سَعۡيُهُمۡ فِي ٱلۡحَيَوٰةِ ٱلدُّنۡيَا وَهُمۡ يَحۡسَبُونَ أَنَّهُمۡ يُحۡسِنُونَ صُنۡعًا

Abo ngabo imizamo yabo ilahlekileyo kubomi beli hlabathi, lo gama bona bezicingela ukuba baqhuba kakuhle emisebenzini (yabo)

18:105

أُوْلَٰٓئِكَ ٱلَّذِينَ كَفَرُواْ بِـَٔايَٰتِ رَبِّهِمۡ وَلِقَآئِهِۦ فَحَبِطَتۡ أَعۡمَٰلُهُمۡ فَلَا نُقِيمُ لَهُمۡ يَوۡمَ ٱلۡقِيَٰمَةِ وَزۡنًا

Abo ngabo bangakholwayo kwiiVesi zeNkosi yabo nakwindibano naYo. Ngoko ke imisebenzi yabo ayinto yanto, yaye ngoMhla wokuGqibela Asiyi kubabalela ntweni

18:106

ذَٰلِكَ جَزَآؤُهُمۡ جَهَنَّمُ بِمَا كَفَرُواْ وَٱتَّخَذُوٓاْ ءَايَٰتِي وَرُسُلِي هُزُوًا

Lowo iya kuba ngumvuzo wabo isiHogo ngenxa yoko bakuphikayo nangenxa yokuba bathabatha imiqondiso yaM nemiyalezo yaM bayenza intlekisa

18:107

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَانَتۡ لَهُمۡ جَنَّٰتُ ٱلۡفِرۡدَوۡسِ نُزُلًا

Inene abo bakholiweyo, benza izenzo ezilungileyo baya kuba neMiyezo yePaladesi ibe yindawo yabo yokuhlala

18:108

خَٰلِدِينَ فِيهَا لَا يَبۡغُونَ عَنۡهَا حِوَلًا

Apho baya kuhlala ngonaphakade. Abayi kunqwenela kukhutshwa phakathi apho

18:109

قُل لَّوۡ كَانَ ٱلۡبَحۡرُ مِدَادًا لِّكَلِمَٰتِ رَبِّي لَنَفِدَ ٱلۡبَحۡرُ قَبۡلَ أَن تَنفَدَ كَلِمَٰتُ رَبِّي وَلَوۡ جِئۡنَا بِمِثۡلِهِۦ مَدَدًا

Yithi (Muhammad): “Ukuba ulwandle beluyi-ink (yokubhala) amaZwi eNkosi yam beluya kuphela, (tu) engekapheli wona amaZwi eNkosi yam.” Enokuba beSingada Size nolunye ulwandle olungangalo ukulongeza

18:110

قُلۡ إِنَّمَآ أَنَا۠ بَشَرٌ مِّثۡلُكُمۡ يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٌ وَٰحِدٌۖ فَمَن كَانَ يَرۡجُواْ لِقَآءَ رَبِّهِۦ فَلۡيَعۡمَلۡ عَمَلًا صَٰلِحًا وَلَا يُشۡرِكۡ بِعِبَادَةِ رَبِّهِۦٓ أَحَدَۢا

Yithi: “Mna ndingumntu njengani, ekuye kwatyhilwa kuye okokuba uThixo wenu nguThixo Omnye (uAllâh). Lowo unethemba lendibano neNkosi yakhe, makasebenze imisebenzi elungileyo, angayamanisi nabani ukuba abe lihlulelane eNkosini yakhe.”

Translation: Imaam Ismaaeel Ngqoyiyana.