بِسۡمِ ٱللَّهِ ٱلرَّحۡمَٰنِ ٱلرَّحِيمِ
96:1ٱقۡرَأۡ بِٱسۡمِ رَبِّكَ ٱلَّذِي خَلَقَ
Pangadi ka: Sii ko ngaran o Kadnan ka a so Miyangadn
96:2خَلَقَ ٱلۡإِنسَٰنَ مِنۡ عَلَقٍ
Inadn Iyan so manga manosiya, phoon ko manga rogo a mimbathik
96:3ٱقۡرَأۡ وَرَبُّكَ ٱلۡأَكۡرَمُ
Pangadi ka: Ka so Kadnan ka na lbi a Maginawa
96:4ٱلَّذِي عَلَّمَ بِٱلۡقَلَمِ
So miyangndao ko (kisoratn ko) pansom
96:5عَلَّمَ ٱلۡإِنسَٰنَ مَا لَمۡ يَعۡلَمۡ
Inindao Niyan ko manosiya so di Niyan katawan
96:6كـَلَّآ إِنَّ ٱلۡإِنسَٰنَ لَيَطۡغَىٰٓ
Sabnar a mataan! a so manosiya na phangakowala dn
96:7أَن رَّءَاهُ ٱسۡتَغۡنَىٰٓ
Ko kiyailaya niyan sa miyakatharambisa
96:8إِنَّ إِلَىٰ رَبِّكَ ٱلرُّجۡعَىٰٓ
Mataan! a sii bo ko Kadnan ka i khandodan
96:9أَرَءَيۡتَ ٱلَّذِي يَنۡهَىٰ
Ay gda aka ko skaniyan a pzapar
96:10عَبۡدًا إِذَا صَلَّىٰٓ
Ko oripn (o Allah) igira a mizambayang
96:11أَرَءَيۡتَ إِن كَانَ عَلَى ٱلۡهُدَىٰٓ
Ay gda aka amay ka skaniyan na zisii ko toroan
96:12أَوۡ أَمَرَ بِٱلتَّقۡوَىٰٓ
O di na inisogo iyan so kapananggila
96:13أَرَءَيۡتَ إِن كَذَّبَ وَتَوَلَّىٰٓ
Ay gda aka amay ka (so pphanapar na) tomiyaplis go tomiyalikhod
96:14أَلَمۡ يَعۡلَم بِأَنَّ ٱللَّهَ يَرَىٰ
Ba niyan di katawi a mataan! a so Allah na phagilayn Iyan
96:15كـَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ
Gnki niyan, ka mataan a odi niyan gnki, na gandrn Ami dn ko tandongan
96:16نَاصِيَةٍ كَٰذِبَةٍ خَاطِئَةٍ
(Khirk ko) Tandongan, a bokhag, a baradosa
96:17فَلۡيَدۡعُ نَادِيَهُۥ
Na tawaga niyan i salinggogoya iyan
96:18سَنَدۡعُ ٱلزَّبَانِيَةَ
Ka tawagn Ami so khisisiyap ko naraka
96:19كـَلَّا لَا تُطِعۡهُ وَٱسۡجُدۡۤ وَٱقۡتَرِب
Sabnar! a ding ka pagonoti skaniyan, go sojiod ka, go pakarani ka (ko Kadnan ka)
Translation: Guro Alim Saromantang.