بِسۡمِ ٱللَّهِ ٱلرَّحۡمَٰنِ ٱلرَّحِيمِ
82:1إِذَا ٱلسَّمَآءُ ٱنفَطَرَتۡ
Amay ka so langit na mangabbngkag
82:2وَإِذَا ٱلۡكَوَاكِبُ ٱنتَثَرَتۡ
Go amay ka so manga bitoon na mikayambr
82:3وَإِذَا ٱلۡبِحَارُ فُجِّرَتۡ
Go amay ka so manga kalodan na pakandadanonaan
82:4وَإِذَا ٱلۡقُبُورُ بُعۡثِرَتۡ
Go amay ka so manga kobor na pamaklidn
82:5عَلِمَتۡ نَفۡسٌ مَّا قَدَّمَتۡ وَأَخَّرَتۡ
Na katokawan o ginawa so piyakaona niyan ago so piyakaori niyan
82:6يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
Hay manosiya! antonaa i miyakalimpang rka ko Kadnan ka, a Maginawa
82:7ٱلَّذِي خَلَقَكَ فَسَوَّىٰكَ فَعَدَلَكَ
So miyadn rka, go mithaong rka phiyapiya, go mizokod rka
82:8فِيٓ أَيِّ صُورَةٍ مَّا شَآءَ رَكَّبَكَ
Apiya antonaa bontal i kabaya Iyan na piyakimbontal Iyan rka
82:9كـَلَّا بَلۡ تُكَذِّبُونَ بِٱلدِّينِ
Sabnar, a kna ka oongkirn iyo so kokoman
82:10وَإِنَّ عَلَيۡكُمۡ لَحَٰفِظِينَ
A mataan! a titho a adn a khisisiyap rkano (a manga malaikat)
82:11كِرَامًا كَٰتِبِينَ
A khisslaan, - a manga panonorat
82:12يَعۡلَمُونَ مَا تَفۡعَلُونَ
A katawan iran so gii niyo nggolawlaan
82:13إِنَّ ٱلۡأَبۡرَارَ لَفِي نَعِيمٍ
Mataan! a so miyamaratiyaya, na khatago dn ko pakadarandang
82:14وَإِنَّ ٱلۡفُجَّارَ لَفِي جَحِيمٍ
Na mataan! a so manga baradosa na khatago dn ko naraka Jahim
82:15يَصۡلَوۡنَهَا يَوۡمَ ٱلدِّينِ
Phamakasold siran on ko alongan a kapamalas
82:16وَمَا هُمۡ عَنۡهَا بِغَآئِبِينَ
Na di siran on mamakaawa
82:17وَمَآ أَدۡرَىٰكَ مَا يَوۡمُ ٱلدِّينِ
Na antawaa i miyakandao rka o antonaa i alongan a kapamalas
82:18ثُمَّ مَآ أَدۡرَىٰكَ مَا يَوۡمُ ٱلدِّينِ
Oriyan iyan, na antawaa i miyakandao rka o antonaa i alongan a kapamalas
82:19يَوۡمَ لَا تَمۡلِكُ نَفۡسٌ لِّنَفۡسٍ شَيۡـًٔاۖ وَٱلۡأَمۡرُ يَوۡمَئِذٍ لِّلَّهِ
So alongan a da a mapkhapaar o isa a ginawa ko isa a ginawa a mayto bo: Ka so kokoman sa alongan oto, na rk o Allah
Translation: Guro Alim Saromantang.