Surah 83 · 36 verses · Guro Alim Saromantang
Surah Al-Mutaffifin in Maranao
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ
Siran na igira a miyakipagasad siran ko manga manosiya na pphakitarotop siran
وَإِذَا كَالُوهُمۡ أَو وَّزَنُوهُمۡ يُخۡسِرُونَ
Na igira a piyagasadan iran siran odi na pithimbangan iran siran na pphangorang siran
أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ
Ba di tatangkda o siran oto a mataan! a siran na pagoyagn siran
يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ
A so alongan a kapakatindg o manga manosiya sa hadapan o Kadnan o manga kaadn
كـَلَّآ إِنَّ كِتَٰبَ ٱلۡفُجَّارِ لَفِي سِجِّينٍ
Gnki ran, ka mataan! a so kitab o manga baradosa na khatago dn ko Sijjin
وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ
Na da a phagongkir on a rowar ko oman i malawani, a baradosa
إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
Igira a pphangadian on so manga ayat Ami na gii niyan tharoon a: "Manga iringa a manga kabokhag o miyangaoona
كـَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ
Sabnar, a kna ka mithaab ko manga poso iran so pinggalbk iran (a dosa)
كـَلَّآ إِنَّهُمۡ عَن رَّبِّهِمۡ يَوۡمَئِذٍ لَّمَحۡجُوبُونَ
Sabnar, a mataan! a siran sa alongan oto na kharnding siran dn ko Kadnan iran
ثُمَّ إِنَّهُمۡ لَصَالُواْ ٱلۡجَحِيمِ
Oriyan iyan na mataan! a siran na makasold siran dn ko naraka Jahim
ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ
Oriyan iyan na tharoon (kiran) a: "Giyaya so inongkir iyo skaniyan
كـَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ
Sabnar, a mataan! a so kitab o miyamaratiyaya na khatago dn ko Illiyon
تَعۡرِفُ فِي وُجُوهِهِمۡ نَضۡرَةَ ٱلنَّعِيمِ
Masasarinong ka ko manga paras iran so sigay o kadarandang
خِتَٰمُهُۥ مِسۡكٌۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ
Aya parkat iyan na kastori na makapantag saya na pamagarabaya so pphamagarabaya (ko kapangongonotan ko Allah)
إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ
Mataan! a so manga baradosa na aya btad iran na gi iran ikhakala so miyamaratiyaya (sii sa doniya)
وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ
Go igira a miyakandod siran ko manga taalok kiran, na makandod siran a pkhababaya siran
وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ
Go igira a miyailay ran siran, na tharoon iran: "Mataan! a siran aya na titho a miyangadadadag
فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ
Na sa alongan aya na siran a miyamaratiyaya na ikhakala iran so manga kapir
هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ
Ino minibalas ko manga kapir so pinggolawla iran
Translation: Guro Alim Saromantang.