بِسۡمِ ٱللَّهِ ٱلرَّحۡمَٰنِ ٱلرَّحِيمِ
81:1إِذَا ٱلشَّمۡسُ كُوِّرَتۡ
Amay ka so alongan na kowaan sa sindaw
81:2وَإِذَا ٱلنُّجُومُ ٱنكَدَرَتۡ
Go amay ka so manga bitoon na manga oolog
81:3وَإِذَا ٱلۡجِبَالُ سُيِّرَتۡ
Go amay ka so manga palaw na mamangi kayontong
81:4وَإِذَا ٱلۡعِشَارُ عُطِّلَتۡ
Go amay ka so manga onta a mawgat na indaraynon
81:5وَإِذَا ٱلۡوُحُوشُ حُشِرَتۡ
Go amay ka so manga binatang na timoon
81:6وَإِذَا ٱلۡبِحَارُ سُجِّرَتۡ
Go amay ka so manga kalodan na pakakadgn
81:7وَإِذَا ٱلنُّفُوسُ زُوِّجَتۡ
Go amay ka so manga niyawa na itoon ko manga ganap iyan
81:8وَإِذَا ٱلۡمَوۡءُۥدَةُ سُئِلَتۡ
Go amay ka so bagowaraga a inilbng a oyagoyag na iiza
81:9بِأَيِّ ذَنۢبٍ قُتِلَتۡ
O antonaa i dosa a sabap a inibono on
81:10وَإِذَا ٱلصُّحُفُ نُشِرَتۡ
Go amay ka so manga daptar (a siyoratan ko manga amal) na kayatn
81:11وَإِذَا ٱلسَّمَآءُ كُشِطَتۡ
Go amay ka so langit na pokasn ko darpa iyan
81:12وَإِذَا ٱلۡجَحِيمُ سُعِّرَتۡ
Go amay ka so naraka Jahim na pakazokhaya on
81:13وَإِذَا ٱلۡجَنَّةُ أُزۡلِفَتۡ
Go amay ka so sorga na ipakarani (ko miyamananggila)
81:14عَلِمَتۡ نَفۡسٌ مَّآ أَحۡضَرَتۡ
Na katokawan o ginawa so pithiyagar iyan
81:15فَلَآ أُقۡسِمُ بِٱلۡخُنَّسِ
Na pzapa Ako sa ibt ko (manga bitoon a) sombang somdp
81:16ٱلۡجَوَارِ ٱلۡكُنَّسِ
A pphamalalagoy a pphamangigaib
81:17وَٱلَّيۡلِ إِذَا عَسۡعَسَ
Go so gagawii igira a phakalibotng
81:18وَٱلصُّبۡحِ إِذَا تَنَفَّسَ
Go so khapita igira a phakaliwanag
81:19إِنَّهُۥ لَقَوۡلُ رَسُولٍ كَرِيمٍ
Mataan! (a giya Qor´an aya) na titho a gii matharo o Sogo a sslaan
81:20ذِي قُوَّةٍ عِندَ ذِي ٱلۡعَرۡشِ مَكِينٍ
Mabagr sii ko Khirk ko kapaar, a adn a pangkatan Iyan
81:21مُّطَاعٍ ثَمَّ أَمِينٍ
Pkhaonotan roo, a kasasanaan
81:22وَمَا صَاحِبُكُم بِمَجۡنُونٍ
Na da ko bolayoka iyo (a Mohammad) iba pmbthanga
81:23وَلَقَدۡ رَءَاهُ بِٱلۡأُفُقِ ٱلۡمُبِينِ
Na sabnsabnar a miyailay niyan skaniyan (a Jibril) ko sindadan o kaylay sa poro a mapayag
81:24وَمَا هُوَ عَلَى ٱلۡغَيۡبِ بِضَنِينٍ
Go kna a ba niyan inipligt so katawan iyan ko da mapayag
81:25وَمَا هُوَ بِقَوۡلِ شَيۡطَٰنٍ رَّجِيمٍ
Go kna a ba aya katharo a shaytan a pradiyamn
81:26فَأَيۡنَ تَذۡهَبُونَ
Na anda kano zong
81:27إِنۡ هُوَ إِلَّا ذِكۡرٌ لِّلۡعَٰلَمِينَ
Daa salakaw saya a rowar sa pananadm a bagian o manga kaadn
81:28لِمَن شَآءَ مِنكُمۡ أَن يَسۡتَقِيمَ
Sii ko taw a kabaya iyan rkano a kapakaontol iyan
81:29وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Na da a kapaar iyo, inonta sa kabaya o Allah, a Kadnan o manga kaadn
Translation: Guro Alim Saromantang.