بِسۡمِ ٱللَّهِ ٱلرَّحۡمَٰنِ ٱلرَّحِيمِ
96:1ٱقۡرَأۡ بِٱسۡمِ رَبِّكَ ٱلَّذِي خَلَقَ
Werenga! M’dzina la Ambuye wako amene analenga
96:2خَلَقَ ٱلۡإِنسَٰنَ مِنۡ عَلَقٍ
Yemwe adalenga munthu kuchokera ku kadontho kamagazi oundana
96:3ٱقۡرَأۡ وَرَبُّكَ ٱلۡأَكۡرَمُ
werenga! Ndipo Ambuye wako ndiye wopereka mowoolowa manja
96:4ٱلَّذِي عَلَّمَ بِٱلۡقَلَمِ
Amene anaphunzitsa ndi cholembera
96:5عَلَّمَ ٱلۡإِنسَٰنَ مَا لَمۡ يَعۡلَمۡ
Anaphunzitsa munthu chimene sanali kuchidziwa
96:6كـَلَّآ إِنَّ ٱلۡإِنسَٰنَ لَيَطۡغَىٰٓ
Iyayi! Ndithudi, munthu amalakwa mopyola muyeso
96:7أَن رَّءَاهُ ٱسۡتَغۡنَىٰٓ
Chifukwa amaganiza kuti iye ndi oima payekha
96:8إِنَّ إِلَىٰ رَبِّكَ ٱلرُّجۡعَىٰٓ
Ndithudi! Nonse mudzabwerera kwa Ambuye wanu
96:9أَرَءَيۡتَ ٱلَّذِي يَنۡهَىٰ
Kodi mwamuona munthu amene amaletsa
96:10عَبۡدًا إِذَا صَلَّىٰٓ
Kapolo pamene akupemphera
96:11أَرَءَيۡتَ إِن كَانَ عَلَى ٱلۡهُدَىٰٓ
Kodi mwamuona ngati iye alikutsatira chilangizo chabwino
96:12أَوۡ أَمَرَ بِٱلتَّقۡوَىٰٓ
Kapena kulamulira machitidwe abwino
96:13أَرَءَيۡتَ إِن كَذَّبَ وَتَوَلَّىٰٓ
Ndiuze ngati iye akana choonadi ndipo salabadira
96:14أَلَمۡ يَعۡلَم بِأَنَّ ٱللَّهَ يَرَىٰ
Kodi iye sadziwa kuti Mulungu amaona zinthu zonse
96:15كـَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ
Iyayi! Ngati iye sasiya, Ife tidzamududuluza pogwira tsitsi la pa mphumi pake
96:16نَاصِيَةٍ كَٰذِبَةٍ خَاطِئَةٍ
Mphumi yabodza ndi yochimwa
96:17فَلۡيَدۡعُ نَادِيَهُۥ
Ndipo mulekeni iye aitane anzake oti amuthandize
96:18سَنَدۡعُ ٱلزَّبَانِيَةَ
Ife tidzaitana osunga Gahena
96:19كـَلَّا لَا تُطِعۡهُ وَٱسۡجُدۡۤ وَٱقۡتَرِب
Iyayi! Usamumvere iye. Gunditsa mphumi yako pansi ndipo idza pafupi ndi Mulungu
Translation: Al Haji Yusuf Muhammad Kanyamula.